୧ ତିମତି 3:1 - New Testament in Pengo Parja Language

¹ ଇ କାତା ସତ୍, ଇନେର୍ ଯଦି ବିଶପ୍‌ ପାଦ୍ ପାୟା ଆଦେଙ୍ଗ୍ ଇଚାକିନାନ୍, ହେୱାନ୍ ରଞ୍ଜାଙ୍ଗ୍ ସନ୍‌ମାନ୍‌ନି କାମାୟ୍ କିଦେଙ୍ଗ୍ ଇଚା କିନାନା।

ସତ୍‌ ବଚନ୍‌ ପୁନି ନିୟମ୍‌

¹ ଇ କାତା ସତ୍‌, ଇନେନ୍‌ ଜଦି ମୁଣିକା ପାଦ୍‌ ଦାଇତ୍‌ ଆଦେଙ୍ଗ୍‌ ଇଚା କିନାନ୍‌, ଲାଗିଂ ହେୱାନ୍‌ ହାର୍‌ କାମାୟ୍‌ ମାନ୍‌ କିଏନ୍‌ ।

୧ ତିମତି 3:1 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 15:10

ହେଲେକେ ରକାନ୍ ପାପି ତା ପାପ୍ କାମାୟ୍ ପିସ୍ତି ଈଶ୍ୱରତାକେ ୱାତିସ୍, ସରଗ୍‌ନି ଦୁତ୍‌କୁ ବେସି ୱାରି ଆନିକ୍।”

ପକ୍ୟାତାକା 1:20

ଇନେସ୍‌କି ଦାଉଦ ରାଜା ତା କେର୍‌କଣ୍ ବହିତାକେ ଲେକିକିତାନ୍‌ନା, ‘ତା ଇଲ୍ କାଲି ଆଜି ମାନେତ୍, ହେ ଇଞ୍ଜ ଇନେର୍ ପା ବାହା କିମେର୍।’ ଦାଉଦ ରାଜା ଇଦାଙ୍ଗ୍ ଜେକନି ବହିତ ପା ଲେକିକିତାନ୍, ‘ତା ପାଦ୍ ଜେକନିକାନ୍‌ ପାୟା ଆୟେନ୍।’ ”

ପକ୍ୟାତାକା 20:28

ଏପେଙ୍ଗ୍ ଆରେ ପାର୍ତି କିନାକାଦେର୍ ଜାଗ୍ରତ୍ ଆଜି ମାନାଟ୍। ଇନେସ୍‌କି ପବିତ୍ର ଆତ୍ମା ଇ ମାନାୟାର୍ ବିତ୍ରେ ବିଶପ୍‌ କିଜି ଦାଇତ୍‌ପ ହିତ୍‌ତାନ୍‌ନା। ଆରେ ଈଶ୍ୱର ତା ମେହି ଯୀଶୁ ନେତେର୍‌ତାଙ୍ଗ୍ ଇମ୍‌ଣି ମଣ୍ଡ୍‌ଲିତିଙ୍ଗ୍ କଡ଼୍‌ତାନ୍‌ନା, ହେ ମଣ୍ଡ୍‌ଲିନି ଗଡ଼ିୟା ଆଜି ମାନାଟ୍।

ରୋମିୟ 11:13

ଆନେଙ୍ଗ୍ ବିନ୍‌ଜାତିନି ମାନାୟାର୍ କାଜିଙ୍ଗ୍ ୱେଚ୍‌ଚାନାଙ୍ଗା ଯେ, ଈଶ୍ୱର ନାଙ୍ଗେଙ୍ଗ୍ ବିନ୍‌ଜାତିନି ମାନାୟାର୍ କାଜିଙ୍ଗ୍ ତା ବାଚିକିତି ଚେଲା କିଜି ପକ୍ତାତାନ୍‌ନା, ଲାଗିଙ୍ଗ୍ ଆନେଙ୍ଗ୍ ଇ କାମାୟ୍‌ତିଙ୍ଗ୍ ହାର୍ କିଜି କିନାଙ୍ଗା। ଇନେସ୍‌କି ଆନେଙ୍ଗ୍ ଇ କାମାୟ୍‌ତିଙ୍ଗ୍ ବେସି ଗାଜା କାମାୟ୍ ଇଞ୍ଜି ବାବିକିନାଙ୍ଗା।

ଏପିସିୟ 4:12

ହେୱାର୍ ଇନେସ୍ ଈଶ୍ୱର ମାନାୟାରିଙ୍ଗ୍ ତା ହେବା କିଦେଙ୍ଗ୍ ରେଡି କିନାର୍ ଆରେ ଖ୍ରୀଷ୍ଟନି ଗାଗାଡ଼୍ ଲେକେ ମଣ୍ଡ୍‌ଲିତିଙ୍ଗ୍ ଆତ୍ମିକ୍ ଜିବୁନ୍‌ତାକେ ବାଡା ଆଦେଙ୍ଗ୍ ସାଇଜ କିନାର୍।

ପିଲିପିୟ 1:1

ଆପେଙ୍ଗ୍, ପାଉଲ ଆରେ ତିମତି, ରିକାପ୍ ଯୀଶୁ ଖ୍ରୀଷ୍ଟନି ଦାସ୍। ଫିଲିପ ସହର୍‌ତାକେ ମାନି ଯୀଶୁ ଖ୍ରୀଷ୍ଟନି ୱିଜାକାର୍ ଈଶ୍ୱର ମାନାୟାର୍ ଲାଗାୟ୍, ବିଶପ୍‌ ଆରେ ମଣ୍ଡ୍‌ଲିତାକେ ହେବା କିନାକାର୍ ଲାଗାୟ୍ ଆନେଙ୍ଗ୍ ପାଉଲ ଇ ଚିଟି ଲେକିକିନାଙ୍ଗା।

୧ ଥେସଲନୀକିୟ 5:14

ଏ ପାର୍ତିକିନି ଟଣ୍ଡାର୍‌କାଦେର୍, ଆପେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାପା, ଆଡ଼୍‌ସାୟ୍ ଲଗାଙ୍ଗ୍ ସାବ୍‌ଦାନ୍ ଆଦେଙ୍ଗ୍ ହିକ୍ଷା ହିୟାଟ୍। ସାସ୍ ହିଲାକାରିଙ୍ଗ୍ ସାସ୍ ହିୟାଟ୍ ଆରେ ଶାକ୍ତି ହିଲାକାରିଙ୍ଗ୍ ଶାକ୍ତି ହିୟାଟ୍, ଆରେ ୱିଜାର୍ ମାନାୟାର୍‌ତାଙ୍ଗ୍ ସମାନ୍ ମାନାଟ୍।

୧ ତିମତି 1:15

ପାପି ମାନାୟାରିଙ୍ଗ୍ ଉଦାର୍ କିଦେଙ୍ଗ୍ ଯୀଶୁ ଖ୍ରୀଷ୍ଟ ପୁର୍ତିତାକେ ୱାଜିମାଚାନ୍, ଇ କାତା ପୁରାପୁରି ସତ୍ ଆରେ ପାର୍ତିକିନି ଦର୍‌କାର୍, ହେ ପାପି ମାନାୟାର୍ ବିତ୍ରେତାଙ୍ଗ୍ ଆନେଙ୍ଗ୍ ରକାଙ୍ଗ୍ ଗାଜା ପାପି।

୧ ତିମତି 4:9

ଇ କାତା ପୁରାପୁରି ସତ୍ ଆରେ ପାର୍ତିକିନି ଦର୍‌କାର୍।

୨ ତିମଥି 2:11

ଇ କାତା ପାର୍ତିକିନି ଦର୍‌କାର୍, ଯଦି ଆସେଙ୍ଗ୍ ଖ୍ରୀଷ୍ଟ ହୁଦାଙ୍ଗ୍ ହାଃତାସ୍‌ନା, ଲାଗିଙ୍ଗ୍ ହେୱାନ୍ ହୁଦାଙ୍ଗ୍ ପା ଜିବୁନ୍ ଆନାସ୍।

ତୀତସ 1:7

ଇନେସ୍‌କି ବିଶପ୍‌, ଈଶ୍ୱର କାମାୟ୍ ଦେକାଶୁଣା କିନି ମାନାୟ୍ ଆତି କାଜିଙ୍ଗ୍ ହେୱାନ୍ ଲାଗାୟ୍ ଇନା ଦସ୍ ପା ହିଲ୍‌ୱି ଦର୍‌କାର୍। ହେୱାନ୍ ଜାର୍ ଇଚା ଅନୁସାରେ କାମାୟ୍ କିୱାକାନ୍ ଆଜି ମାନି ଦରକାର୍, କି ଗାଡ଼ିତିଙ୍ଗ୍ ଗାଡ଼ି ରିସା ଆୱି ମାନାୟ୍ ଆନି ଦର୍‌କାର୍। ମଦୁୱା ଆୱାଦାଙ୍ଗ୍ ମାନ୍‌ଗାନାନ୍, କି ଗଣ୍ଡ୍‍ଗଲ୍ କିୱାକାନ୍ ଆୱାଦାଙ୍ଗ୍ ମାନ୍‌ଗାନାନ୍, କି ଦନ୍ ଆହାତାଙ୍ଗ୍ ଜେକନିକାନିଙ୍ଗ୍ ଟକାଇ କିୱାକାନ୍ ଆୱାଦାଙ୍ଗ୍ ମାନ୍‌ଗାନାନ୍, ମାତର୍ ହେୱାନ୍ ଗତାକାଙ୍ଗ୍ ହାର୍‌ଦାଙ୍ଗ୍ ମାନିକିନି ଦର୍‌କାର୍।

ତୀତସ 3:8

ଆନେଙ୍ଗ୍ ୱେଚ୍‌ଚି ମାନ୍‌ଞ୍ଚି ଇ ବେଣ୍‌ତିଙ୍ଗ୍ ପାର୍ତିକିନି ଦର୍‌କାର୍। ଲାଗିଙ୍ଗ୍ ଆନେଙ୍ଗ୍ ଇଚା କିନାଙ୍ଗା ଯେ ଈଶ୍ୱରତାକେ ପାର୍ତିକିନି ମାନାୟାର୍ ଇନେସ୍ ହାର୍ଦି କାମାୟ୍ କିନି କାଜିଙ୍ଗ୍ ମାନ୍‌ଦିୟାନ୍ ହିଦେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ ହେୱାରିଙ୍ଗ୍ ଇ ୱିଜୁ ବିଷୟ ବେସି ବାଡ଼୍‌କାସ୍ କିଜି ହିକ୍ଷା ହିୟାଟ୍। ଇ ୱିଜୁ ବିଷୟ ହାର୍ ଆରେ ୱିଜୁ ମାନାୟ୍ କାଜିଙ୍ଗ୍ ସାଇଜ କିନାନ୍।

ଏବ୍ରି 12:15

ଇନେସ୍ ଇନେର୍ ଈଶ୍ୱର ଦୟାତାଙ୍ଗ୍ ଜିୱାତାର୍‌ନା, ହେଦାଙ୍ଗ୍ କାଜିଙ୍ଗ୍ ଜାର୍-ଜାର୍ ସାଇଜ କିବା ଆଡ। ମି ବିତ୍ରେ ଇନେସ୍ ଇମ୍‌ଣି ଅବିସ୍‌ବାସ୍‌ନି କେନି ମାର୍‌ତି ଚିରାଙ୍ଗ୍ ଉବ୍‌ଜା ଆଉତ୍, ହେଦାଙ୍ଗ୍ କାଜିଙ୍ଗ୍ ଜାଗ୍ରତ୍ ଆଜି ମାନାଟ୍। ଇନେସ୍‌କି ଇଦାଙ୍ଗ୍ ଇନାୱେଡ଼ାଙ୍ଗ୍ ଉବ୍‌ଜା ଆନାତ୍, କେତେକ୍ ମାନାୟ୍ ଇ ବିଷୟତାଙ୍ଗ୍ କରାପ୍ ଆନାର୍।

୧ ପିତର 2:25

ଦିନେକ୍ ଆସେଙ୍ଗ୍ ଗଡ଼ିୟା ହିଲ୍‌ୱି ମେଣ୍ଢାଙ୍ଗ୍ ଲେକେ ଏନେ ତେନେ ଆଜି ମାଚାସ୍, ମାତର୍ ନଙ୍ଗୟ୍ ମା ଜିବୁନ୍‌ତିଙ୍ଗ୍ ଜାତୁନ୍ ଅନି ଗଡ଼ିୟା ଆରେ ବିଶପ୍‌ ଯୀଶୁ ଖ୍ରୀଷ୍ଟତାକେ ଲେଉଟା ଆଜି ୱାତାସ୍‌ନା।

୧ ପିତର 4:15

ଯଦି ମାନାୟାର୍ ମିଙ୍ଗେଙ୍ଗ୍ ଦୁଃକ୍ କଷ୍ଟ ହିଦ୍‌ନାର୍, ହେଦାଙ୍ଗ୍ ମାନାୟ୍ ଅସ୍ତି କାଜିଙ୍ଗ୍, ଚରି କିତି କାଜିଙ୍ଗ୍, ଗଣ୍ଡ୍‍ଗଲ୍ କିତି କାଜିଙ୍ଗ୍, କରାପ୍ ଜିନିଷ୍ କିତି କାଜିଙ୍ଗ୍, ମିଙ୍ଗେଙ୍ଗ୍ ଦଣ୍ଡ୍ ହିଦ୍‌ମେର୍।

୧ ପିତର 5:2

ଇମ୍‌ଣାକାର୍ ଈଶ୍ୱର ଲକ୍ ଆତାର୍‌ନା ହେୱାରିଙ୍ଗ୍ ଜାତୁନ୍ କିୟାଟ୍, ଆରେ ଈଶ୍ୱର ଇନେରିଙ୍ଗ୍ ଜାତୁନ୍ କିଦେଙ୍ଗ୍ ମିଙ୍ଗେଙ୍ଗ୍ ହିତ୍‌ତାନ୍‌ନା। ଏପେଙ୍ଗ୍ ୱାରିୟା ଆଜି ହେୱାରିଙ୍ଗ୍ ଜାତୁନ୍ କିୟାଟ୍। ଆରେ ଈଶ୍ୱର ଇଲେକେ କିୟାଟ୍ ଇଞ୍ଜି ଇଚା କିନାନା। ଏପେଙ୍ଗ୍ ଡାବୁଙ୍ଗ୍ କାଜିଙ୍ଗ୍ ଆକାୟ୍, ମାତର୍ ହେୱାରିଙ୍ଗ୍ ସାଇଜ କିନି କାଜିଙ୍ଗ୍ ଜାତୁନ୍ କିୟାଟ୍।