୧ ତିମତି 2:3 - New Testament in Pengo Parja Language

³ ଇଦାଙ୍ଗ୍ ମା ଉଦାର୍ କିଦ୍‌ନି ଈଶ୍ୱର କାଣ୍‍କୁକାଙ୍ଗ୍ ହାର୍ ଆରେ ୱାରିନି ବିଷୟ।

ସତ୍‌ ବଚନ୍‌ ପୁନି ନିୟମ୍‌

³ ଇ ବାନି ପାର୍ତାନା ମା ମୁକ୍ତି କିତ୍‍ତାକାନ୍‍ ଇସ୍ୱର୍ତି କାଣ୍‌କୁତ ହାର୍‌ ଆରି ଇଟ୍ୟାନାକା ।

୧ ତିମତି 2:3 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:47

ନାଙ୍ଗେଙ୍ଗ୍ ଉଦାର୍ କିଦ୍‌ନାକାନ୍ ଈଶ୍ୱରତାକେ ନା ଜିବୁନ୍ ବେସି ୱାରି।

ରୋମିୟ 14:18

ଯଦି ଏପେଙ୍ଗ୍ ଇଲେକେ ବ୍ୟବହାର୍ କିଜି ଖ୍ରୀଷ୍ଟଙ୍ଗ୍ ହେବା କିନାଦେର୍, ଏପେଙ୍ଗ୍ ଈଶ୍ୱରତିଙ୍ଗ୍ ୱାରି କିନାଦେର୍। ଆରେ ଜେକନିକାର୍ ପା ମିଙ୍ଗେଙ୍ଗ୍ ସନ୍‌ମାନ୍ ହିଦ୍‌ନାର୍।

ପିଲିପିୟ 1:11

ମାର୍ ଇନେସ୍ ପାଡ଼୍‌ ଆହ୍‌ନାତ୍ ଏପେଙ୍ଗ୍ ପା ଯୀଶୁ ଖ୍ରୀଷ୍ଟ ସାଇଜତାଙ୍ଗ୍ ଦରମ୍ କାମାୟ୍ କିନାଦେର୍। ଏଲେଙ୍ଗ୍ ଆତିସ୍ ମାନାୟାର୍ ଈଶ୍ୱରତିଙ୍ଗ୍ ସନ୍‌ମାନ୍ ଆରେ ଜୟ୍-ଜୟ୍ କିନାର୍।

ପିଲିପିୟ 4:18

ଏପେଙ୍ଗ୍ ପକ୍‌ଚି ମାନ୍‌ଞ୍ଚି ୱିଜୁ ଆନେଙ୍ଗ୍ ପାୟାଆନାଙ୍ଗା, ଆରେ ନାଙ୍ଗେଙ୍ଗ୍ ଦର୍‌କାର୍‌ତାଙ୍ଗ୍ ପା ଆଦିକ୍ ପାୟାଆତାଙ୍ଗ୍‌ନା। ଏଫାପ୍ରାଦିତ କେଇଦ ପକ୍ତାତାକା ୱିଜୁ ଦାନ୍ ପାୟାଆତାଙ୍ଗ୍‌ନା ଆରେ ନା ଲାଗାୟ୍ ବେସି ମାନାତ୍। ଏପେଙ୍ଗ୍ ନାଙ୍ଗେଙ୍ଗ୍ ପକ୍ତିତି ଦାନ୍ ଈଶ୍ୱର ଲାଗାୟ୍ ବଲିପୁଜା ଆରେ ହାର୍ ବାସ୍‌ନାହିନି ପୁଜା ସାମାନ୍ ଲେକେ। ଇଦାଙ୍ଗ୍ ଈଶ୍ୱର ଆହ୍‌ନାନ୍ ଆରେ ୱାରିୟା ଆନାନ୍।

କଲସିୟ 1:10

ଆରେ ଏପେଙ୍ଗ୍ ଇନେସ୍‌କି ମାପୃଙ୍ଗ୍ ୱିଜୁଦିନ୍ ସନ୍‌ମାନ୍ ଆରେ ୱାରି କିତିଲେକେ ଜିବୁନ୍ କାଟିକିନାଦେର୍। ଏପେଙ୍ଗ୍ ୱିଜୁଦିନ୍ ହାର୍ଦି କାମାୟ୍ କିନାଦେର୍, ଆରେ ଈଶ୍ୱରତିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ହାର୍‌ଦାଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍।

୧ ଥେସଲନୀକିୟ 4:1

ଏ ଟଣ୍ଡାର୍‌କାଦେର୍, ଆପେଙ୍ଗ୍ ମାପୃ ଯୀଶୁ ତର୍‍ଦାଙ୍ଗ୍ ଗୁୱାରି କିଦ୍‌ନାପା ଯେ, ଏପେଙ୍ଗ୍ ଈଶ୍ୱର ୱାରିୟା ଆନିଲେକେ କାମାୟ୍ କିଜି ଯିବୁନ୍ କାଟିକିୟାଟ୍। ଆଗେ ଇନେସ୍ ଆପେଙ୍ଗ୍ ୱେଚ୍‌ଚି ମାନ୍‌ଞ୍ଚାପ୍, ଆରେ ଏପେଙ୍ଗ୍ ହେଲେକେ କିନାଦେରା, ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ସାସ୍ ହିଦ୍‌ନାପା, ଲାଗିଙ୍ଗ୍ ଏପେଙ୍ଗ୍ ହେଲେକେ ଆଦିକ୍ କିନାଦେର୍।

୧ ତିମତି 1:1

ଆନେଙ୍ଗ୍ ପାଉଲ ଇ ଚିଟି ଲେକିକିତାଙ୍ଗ୍‌ନା। ଆପେଙ୍ଗ୍ ଇମ୍‌ଣି ଉଦାର୍ କିଦ୍‌ନାକାନ୍ ତାକେ ଆହା କିନାପା, ହେ ଈଶ୍ୱର ଆଦିକାର୍‌ତାଙ୍ଗ୍ ଆନେଙ୍ଗ୍ ରକାଙ୍ଗ୍ ଯୀଶୁ ଖ୍ରୀଷ୍ଟନି ବାଚିକିତି ଚେଲା ଆତାଙ୍ଗ୍‌ନା।

୧ ତିମତି 4:10

ଇ ଜିବୁନ୍ ପାୟା ଆଦେଙ୍ଗ୍ ଆପେଙ୍ଗ୍ ହାଃଜିରିଜି କାମାୟ୍ କିନାପା, ଇନେସ୍‌କି ଆପେଙ୍ଗ୍ ଜିବୁନ୍ ମାନି ଈଶ୍ୱରତାକେ ଆହା କିନାପା। ଇମ୍‌ଣାକାନ୍ ହେୱାନ୍‌ତାକେ ପାର୍ତିକିନାନ୍ ହେୱାନ୍ ୱିଜାକାର୍ କାଜିଙ୍ଗ୍ ଉଦାର୍ କିଦ୍‌ନାକାନ୍।

୧ ତିମତି 5:4

ମାତର୍ ଯଦି ର ରାଣ୍ଡି କଗ୍‌ଲେଙ୍ଗ୍ ହିମ୍‌ଣାୱାକ୍‌ଡ଼ା କି ନାତିନାତ୍‌ଣି ମାନ୍‌ଗିନିକ୍। ଲାଗିଙ୍ଗ୍ ହେୱାର୍ ଜାର୍ ପରିବାର୍‌ତିଙ୍ଗ୍ ଆଗେ ଜାତୁନ୍ ଆଜି ଈଶ୍ୱରତିଙ୍ଗ୍ ହେବା କିନାଙ୍ଗା ଇଞ୍ଜି ୱେଚା, ଆରେ ହେୱାର୍ ଆୟାଆବା କି ବୁଡାଦାଦାରିଙ୍ଗ୍ ଜାତୁନ୍ କିଦେଙ୍ଗ୍ ହିକ୍ଷା ହିୟା। ଇନେସ୍‌କି ଇଦାଙ୍ଗ୍ ଈଶ୍ୱର କାଣ୍‍କୁକାଙ୍ଗ୍ ହାର୍ଦି ବିଷୟ।

୨ ତିମଥି 1:9

ହେୱାନ୍ ମାଙ୍ଗେଙ୍ଗ୍ ଉଦାର୍ କିତ୍‌ତାନ୍‌ନା ଆରେ ପବିତ୍ର ଜିବୁନ୍ କାଟିକିନି କାଜିଙ୍ଗ୍ ମାଙ୍ଗେଙ୍ଗ୍ କୁକ୍ତାତାନ୍‌ନା। ଆସେଙ୍ଗ୍ ହାର୍ଦି କାମାୟ୍ କିନି କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ବାଚି କିଦ୍‌ୱାତାନ୍‌ନା, ମାତର୍ ତା ଜାର୍ ଜଜ୍‌ନା ଆରେ ଦୟା କାଜିଙ୍ଗ୍ କିତ୍‌ତାନ୍‌ନା। ଈଶ୍ୱର ଇ ପୁର୍ତିତିଙ୍ଗ୍ ରହ୍‌ନି ଆଗେ ନେ, ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ଇ ପୁର୍ତିତାକେ ହାଃନି କାଜିଙ୍ଗ୍ ହେୱାନ୍ ଜଜ୍‌ନା କିଜି ଦୟା ଚଚ୍‌ଚାତାନ୍‌ନା।

ଏବ୍ରି 13:16

ହାର୍ଦି କାମାୟ୍ କିନାସ୍ ଆରେ ନାସ୍‌କିନି ମାନାୟାରିଙ୍ଗ୍ ଦାନ୍ କିନାକା ଏପେଙ୍ଗ୍ ବାଣା ଆମାଟ୍। ଇନେସ୍‌କି ଇଲେକେ ବିଲିପୁଜାତିଙ୍ଗ୍ ଈଶ୍ୱର ବେସି ୱାରି ଆନାନ୍।

୧ ପିତର 2:20

ମାତର୍ ଯଦି ମି ବୁଲ୍ କାମାୟ୍ କାଜିଙ୍ଗ୍ ମାଡ୍ ତିନାଦେର୍‌, ଆରେ ଦଣ୍ଡ୍ ପାୟାଆନାକା ସମ୍ବାଲି କିନାଦେରା, ଲାଗିଙ୍ଗ୍ ଏପେଙ୍ଗ୍ ଜୟ୍-ଜୟ୍ ପାୟାଆନି କାଜିଙ୍ଗ୍ ଦର୍‌କାର୍ ଆକାୟ୍। ମାତର୍ ଏପେଙ୍ଗ୍ ହାର୍ କାମାୟ୍ କିତି କାଜିଙ୍ଗ୍ ଦୁଃକ୍ କଷ୍ଟ ପାୟାଆନାଦେରା ଆରେ ସମ୍ବାଲି କିନାଦେରା ଲାଗିଙ୍ଗ୍ ଈଶ୍ୱର ମି କାଜିଙ୍ଗ୍ ୱାରିୟା ଆନାନ୍।