୧ ତିମତି 1:5 - New Testament in Pengo Parja Language

⁵ ଆନେଙ୍ଗ୍ ୱେଚ୍‌ଚିନି ଅର୍ତ ଇଦାଙ୍ଗ୍ ଯେ, ଏପେଙ୍ଗ୍ ମି ବିତ୍ରେ ଲାଡ୍ କିବା ଆନାଦେର୍। ଆରେ ଇ ଲାଡ୍ ହାର୍ଦି ମାନ୍, ହାର୍ଦି ଚିନ୍ତା ଆରେ ସତ୍ ପାର୍ତିତାଙ୍ଗ୍ ଆନି ଦର୍‌କାର୍।

ସତ୍‌ ବଚନ୍‌ ପୁନି ନିୟମ୍‌

⁵ ମାତର୍‌ ହାର୍‌ଦି ମାନ୍‌, ସକଟ୍‌ ବାବ୍‌ନା ଆରି କାପ୍‌ଟିୟା ପାର୍ତିତାଂ ହତ୍‌ତି ଇମ୍‌ଣି ଜିଉନନାକା, ଜାଗ୍ରତ୍‌ କିଦେଂ ଆନ୍‌ ଇ ହିକ୍ୟା ହିନାଙ୍ଗା ।

୧ ତିମତି 1:5 Iomraidhean Croise

ମାତିଉ 12:35

ହାର୍ଦି ମାନାୟ୍ ଗରବ୍ ବିତ୍ରେ ହାର୍ଦି ବିଷୟ ବାର୍ତିଆଜି ମାନ୍‌ଗାନାତ୍। ହେୱାନ୍ ୱେଚ୍‌ନିହିଙ୍ଗ୍ ତା ଗରବ୍‌ତାଙ୍ଗ୍ ହାର୍ଦି ବିଷୟ ହନାତ୍। ମାତର୍ ବାନ୍ୟା ମାନାୟ୍ ଗରବ୍ ବିତ୍ରେ ବାନ୍ୟାବିଷୟ ବାର୍ତିଆଜି ମାନ୍‌ଗାନାତ୍। ଲାଗିଙ୍ଗ୍ ହେୱାନ୍ ୱେଚ୍‌ନିହିଙ୍ଗ୍ ତା ଗରବ୍‌ତାଙ୍ଗ୍ ବାନ୍ୟାବିଷୟ ହନାତ୍।”

ମାତିଉ 5:8

ଇମ୍‌ଣାକାର୍ ମାପୃକାତାତିଙ୍ଗ୍ ମାନିକିନାର୍, ଲାଗିଙ୍ଗ୍ ହେୱାର୍ ମାପୃଲାହାଙ୍ଗ୍ ମାନ୍‌ଞ୍ଜି ଈଶ୍ୱରତିଙ୍ଗ୍ ହୁଡ଼୍‌ନାର୍।

ପକ୍ୟାତାକା 15:9

ହେୱାନ୍ ମାଙ୍ଗେଙ୍ଗ୍ କି ହେୱାରିଙ୍ଗ୍ ଜେକ-ଜେକ ଇଞ୍ଜି ବାବି କିୱାତାନ୍‌ନା। ହେୱାର୍ ପାର୍ତିକିତି କାଜିଙ୍ଗ୍ ହେୱାନ୍ ହେୱାରିଙ୍ଗ୍ ପାପ୍ କେମା କିତାନ୍‌ନା।

ପକ୍ୟାତାକା 23:1

ପାଉଲ ବିଚାର୍‌କିନି ବାହାତାକେ ମାନି ମେମ୍ୱରାରିଙ୍ଗ୍ ଦିୟାନ୍ କିଜି ହୁଡ଼୍‌ତାନ୍, ଆରେ ହେୱାନ୍ ୱେଚ୍‌ଚାନ୍, “ଏ ଟଣ୍ଡାର୍‌କାଦେର୍, ଆନେଙ୍ଗ୍ ନେଞ୍ଜେଙ୍ଗ୍ ପାତେକ୍ ଈଶ୍ୱରତାକେ ହାର୍ଦି ଜିବୁନ୍ କାଟି କିତାଙ୍ଗ୍‌ନା।”

ପକ୍ୟାତାକା 24:16

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ପା ୱିଜୁଦିନ୍ ଈଶ୍ୱରତାକେ ଆରେ ମାନାୟାର୍‌ତାକେ ଦସି ଆଉଙ୍ଗ୍ ଇଞ୍ଜି ନା ମାନ୍‌ତିଙ୍ଗ୍ ଜାତୁନ୍ କିନାଙ୍ଗା।

ରୋମିୟ 10:4

ଲାଗିଙ୍ଗ୍ ଖ୍ରୀଷ୍ଟ ଦରମ୍ ସାସ୍ତର୍‌ତାକେ ଲେକାଆତି ନିୟମ୍ ୱିଜୁତିଙ୍ଗ୍ ପୁରା କିତାନ୍‌ନା, ଲାଗିଙ୍ଗ୍ କେତେକ୍ ମାନାୟ୍ ତାଙ୍ଗେଙ୍ଗ୍ ପାର୍ତିକିନାର୍, ଈଶ୍ୱର ହେୱାରିଙ୍ଗ୍ ଦରମ୍ ମାନାୟ୍ କିନାନ୍‌।

ରୋମିୟ 12:9

ଏପେଙ୍ଗ୍ ଜେକନିକାରିଙ୍ଗ୍ ଲାଡ୍ କିନାଙ୍ଗା ଇଞ୍ଜି ମିଚ୍ ୱେଚ୍‌ମାଟ୍, ମାତର୍ ସତ୍ ଲାଡ୍ କିୟାଟ୍। କରାପ୍ କାମାୟ୍ କାଜିଙ୍ଗ୍ ଗିଣ୍ କିୟାଟ୍ ଆରେ ୱିଜୁଦିନ୍ ହାର୍ କାମାୟ୍ କିନି ମାନାୟାର୍ ହୁଦାଙ୍ଗ୍ ରବେ ମାହାଆଜି ହାର୍ କାମାୟ୍ କିୟାଟ୍।

ରୋମିୟ 14:15

ଆରେ ଯଦି ଏପେଙ୍ଗ୍ ତିନି କାଜିଙ୍ଗ୍ ଜେକନି ଖ୍ରୀଷ୍ଟାନ୍ ଟଣ୍ଡେନ୍ ଈଶ୍ୱରତିଙ୍ଗ୍ ଲାଡ୍‌ତାଙ୍ଗ୍ ମାନିକିଉନା, ଲାଗିଙ୍ଗ୍ ଏପେଙ୍ଗ୍ ହେଦାଙ୍ଗ୍ ତିନ୍‌ମାଟ୍‌, ଇନେସ୍‌କି ଖ୍ରୀଷ୍ଟ ତା କାଜିଙ୍ଗ୍ ପା ହାଃତାନ୍‌ନା।

ରୋମିୟ 9:1

ନଙ୍ଗୟ୍ ଯଦି ମାଙ୍ଗେଙ୍ଗ୍ ଈଶ୍ୱର ଲାଡ୍‌ତାଙ୍ଗ୍ ଇନାକା ବିନେ କିଦ୍‌ଦେଙ୍ଗ୍ ଆଡ଼୍‌ଦୁତା, ଲାଗିଙ୍ଗ୍ ନା ଯିହୁଦି ମାନାୟାର୍ ଈଶ୍ୱରତାଙ୍ଗ୍ ଇନାକିଦେଙ୍ଗ୍ ଅଲ୍‌ଗା ଆତାର୍। ଆନେଙ୍ଗ୍ ହେୱାର୍ କାଜିଙ୍ଗ୍ ବେସି ଦୁଃକ୍ ଆନାଙ୍ଗା, ଆରେ ପା ନା ଗରବ୍‌ତାକେ ହେୱାର୍ କାଜିଙ୍ଗ୍ ୱିଜୁଦିନ୍ ବେସି କଷ୍ଟ ଆନାତା। ଯଦି ନା ନିଜର୍ ଲଗାଙ୍ଗ୍ ଉଦାର୍ କିନି କାଜିଙ୍ଗ୍ ଖ୍ରୀଷ୍ଟତାଙ୍ଗ୍ ଅଲ୍‌ଗା ଆୟା ଆନାତ୍‌, ଲାଗିଙ୍ଗ୍ ଆନେଙ୍ଗ୍ ହେଦିଲିଙ୍ଗ୍ ପା ରାଜି। ଆନେଙ୍ଗ୍ ସାକି ଲେକେ ଖ୍ରୀଷ୍ଟ ହୁଦାଙ୍ଗ୍ ସତ୍ ୱେଚ୍‌ନାଙ୍ଗା। ପବିତ୍ର ଆତ୍ମା ଆରେ ନାମାନ୍ ପା ସାକି ହିନାତା ଯେ, ଇଦାଙ୍ଗ୍ ମିଚ୍ ଆକାୟ୍।

୧ କରନ୍ତିୟ 13:1

ଆନେଙ୍ଗ୍ ଯଦି ଜେକନିକାରିଙ୍ଗ୍ ଲାଡ୍ କିଉଙ୍ଗ୍, ସରଗ୍‌ନି ଦୁତ୍ କି ପୁର୍ତିତାକେ ମାନି ମାନାୟାର୍ ବାଷା ୱେଚ୍‌ଚିସ୍ ଇନା ଲାବ୍ ଆକାୟ୍। ହେଦାଙ୍ଗ୍ ମର୍‌ଦଲ୍ ଆରେ ଗିନି ଇସ୍ତିସ୍‌ ଇନେସ୍ ସାଉଣ୍ଡ୍ ଆନାକା ଇନେସ୍ ବେକାର୍, ହେଲେକେ ମି ବେଣ୍ ପା ଇନା ମୁଲ୍ଯ ଆକାୟ୍।

୨ କରନ୍ତିୟ 1:12

ଆସେଙ୍ଗ୍ ବାଟ୍‌ପାଣ୍ ଆଜି ୱେଚ୍‌ଚେଙ୍ଗ୍ ଆଡ୍‌ନାସ୍, ଇନେସ୍‌କି ଆପେଙ୍ଗ୍ ଦରମ୍ ଆରେ ସତ୍ ସମ୍ପର୍କ ମିହୁଦାଙ୍ଗ୍ ଇଡ଼୍‌ତାପ୍‌ନା, ହେଦାଙ୍ଗ୍ ମା ମାନ୍ତି ବାବ୍‌ନା ସାକି ହିନାତା। ଆସେଙ୍ଗ୍ ମା ପୁର୍ତିନି ଜ୍ଞାନ୍‌ତିଙ୍ଗ୍ ଆହା କିୱାଦାଙ୍ଗ୍, ଈଶ୍ୱର ଦୟାତିଙ୍ଗ୍ ଆହା କିନାପା। ହେଲେକେ ମିହୁଦାଙ୍ଗ୍ ଆରେ ୱିଜାକାର୍ ହୁଦାଙ୍ଗ୍ ଜିବୁନ୍ କାଟିକିଜି ମାଚାପ୍।

ଗାଲାତିୟ 5:22

ମାତର୍ ପବିତ୍ର ଆତ୍ମା ମାଙ୍ଗେଙ୍ଗ୍ ସାଇଜ କିତ୍‌ତିସ୍, ଇଲେକେ ଗୁଣ୍: ଲାଡ୍ କିନାକା, ୱାରି କିନାକା, ଶାନ୍ତିତାଙ୍ଗ୍ ମାନାକା, ବେସି କଷ୍ଟତିଙ୍ଗ୍ ସମ୍ୱାଲି କିନାକା, ଦୟା କିନାକା।

ଗାଲାତିୟ 5:6

ସୁନତ ବିଦି ମାନିକିତିସ୍ କି କିୱିତିସ୍ ଇନା ମୁଲ୍ୟ ଆକାୟ୍, ଏଚେପାଦ୍ନା ଆପେଙ୍ଗ୍ ଯୀଶୁ ଖ୍ରୀଷ୍ଟତାକେ ପାର୍ତି କିନାପା। ଲାଗିଙ୍ଗ୍ ମୁଡ଼୍ ବିଷୟ ଆନାତା ଖ୍ରୀଷ୍ଟଙ୍ଗ୍ ପାର୍ତି କିନାସ୍, ହେଦାଙ୍ଗ୍ ଜେକନିକାରିଙ୍ଗ୍ ଲାଡ୍‌କିନି କାଜିଙ୍ଗ୍ ମାଙ୍ଗେଙ୍ଗ୍ ସାଇଜ କିଦ୍‌ନାତା।

୧ ତିମତି 1:18

ଏ ତିମତି ଏନେଙ୍ଗ୍ ରକାଇ ନା ହିମ୍‌ଣା ଲେକେ, ଆନେଙ୍ଗ୍ ନିଙ୍ଗେଙ୍ଗ୍ ଇ ଆଦେସ୍ ହିଦ୍‌ନାଙ୍ଗା ଯେ, ଭବିଷ୍ଯତବକ୍ତାର୍ ଇମ୍‌ଣି କାତା ଆଗେ ନିଙ୍ଗେଙ୍ଗ୍ ୱେଚ୍‌ଚି ମାନ୍‌ଞ୍ଚାର୍, ହେ କାତାତିଙ୍ଗ୍ ଏତୁ କିୟା। ଆରେ ବୁଲ୍ ହିକ୍ଷାହିନି ମାଷ୍ଟେରାର୍ ତାକେ ହାର୍ ଆଜି ଜୁଜ୍ କିଦେଙ୍ଗ୍ ହେ କାତାତିଙ୍ଗ୍ ର କାଣ୍ଡା ଲେକେ ବାଉରା ଆ।

୧ ତିମତି 1:19

ଏନେଙ୍ଗ୍ ଖ୍ରୀଷ୍ଟତାକେ ପାର୍ତି କିଜି ମାନା, ଆରେ ଇନାକା ଟିକ୍ ହେଦାଙ୍ଗ୍ କିୟା। ଇନେସ୍‌କି କେତେକ୍ ମାନାୟାର୍ ଟିକ୍ କାମାୟ୍ ପୁନ୍‌ଞ୍ଜି କିୱି କାଜିଙ୍ଗ୍ ଜାଜ୍ ଇନେସ୍ ଡିଙ୍ଗ୍‌ତାତ୍‌ନା ହେଲେକେ ହେୱାର୍ ମାନ୍ ପା ଖ୍ରୀଷ୍ଟତାକେ ପାର୍ତି କିନାକା ବାଙ୍ଗା ଆତାତ୍‌ନା।

୧ ତିମତି 3:9

ଈଶ୍ୱର ପୁନିକିତି ସତ୍ କାତାତିଙ୍ଗ୍ ପାର୍ତି କିଜି ହାର୍ଦି ମାନ୍ତ ମାନି ଦର୍‌କାର୍,

୨ ତିମଥି 1:3

ଆନେଙ୍ଗ୍ ଏଚେପାଦ୍ନା ପାର୍ତାନା ୱିଜୁଦିନ୍ ନି ତର୍‌ତିଙ୍ଗ୍ ମାନ୍ତ ଏତୁ କିନାଙ୍ଗ୍, ଆରେ ଈଶ୍ୱରତିଙ୍ଗ୍ ୱିଜୁଦିନ୍ ଦନ୍ଯବାଦ୍ ହିଜି ପାର୍ତାନା କିନାଙ୍ଗ୍। ହେ ଈଶ୍ୱରତିଙ୍ଗ୍ ଆନେଙ୍ଗ୍ ଆରେ ନା ଆକଦାଦିର୍ ହାର୍ଦି ମାନ୍‌ତାଙ୍ଗ୍ ହେବା କିନାପା।

୨ ତିମଥି 1:5

ଏପେଙ୍ଗ୍ ହାର୍ଦି ମାନ୍‌ତାଙ୍ଗ୍ ଖ୍ରୀଷ୍ଟତାକେ ପାର୍ତି କିନାଦେରା ଇଞ୍ଜି ଆନେଙ୍ଗ୍ କାବୁର୍ ପାୟାଆତାଙ୍ଗ୍‌ନା। ଏପେଙ୍ଗ୍ ପାର୍ତିକିନି ଆଗେ ମି ବୁଡିଆୟା ଲୋହି ଆରେ ମି ଆୟା ଇଉନିକିତାକେ ମାଚାତ୍। ଆରେ ମିବେ ପା ମାନାତ୍ ଇଞ୍ଜି ନା ପୁରା ପାର୍ତି ମାନାତ୍।

୨ ତିମଥି 2:22

ମାତର୍ ଏନେଙ୍ଗ୍ ବେଣ୍ଡିଆ ୱେଡ଼ାତାଙ୍ଗ୍ କରାପ୍ କାମାୟ୍‌ତାଙ୍ଗ୍ ଦେହା ମାନା। ମାପୃତିଙ୍ଗ୍ ହାର୍ଦି ମାନ୍‌ତାଙ୍ଗ୍ ହେବାକିନି ମାନାୟାର୍ ହୁଦାଙ୍ଗ୍ ଏନେଙ୍ଗ୍ ଇ ୱିଜୁ ମାନି କିଦେଙ୍ଗ୍ ଉପାୟ୍ କିୟା ଏନେଙ୍ଗ୍ ଇନାକା ଟିକ୍ ହେଦାଙ୍ଗ୍ କିଦେଙ୍ଗ୍ ଉପାୟ୍ କିୟା। ଖ୍ରୀଷ୍ଟଙ୍ଗ୍ ପାର୍ତି କିୟା, ଜେକନିକାରିଙ୍ଗ୍ ଲାଡ୍ କିୟା, ଆରେ ରିସା ଆୱାଦାଙ୍ଗ୍ ଜେକନିକାର୍‌ତାକେ ହାର୍ ଆଜି ମାନା।

ତୀତସ 1:15

ହାର୍ଦି ମାନାୟାର୍ କାଜିଙ୍ଗ୍ ୱିଜୁ ବିଷୟ ନେ ହାର୍। ମାତର୍ କରାପ୍ ଆରେ ପାର୍ତିକିୱି ମାନାୟାର୍ କାଜିଙ୍ଗ୍ ଇମ୍‌ଣି ବିଷୟ ପା ହାର୍ ଆକାୟ୍। ଇନେସ୍‌କି ହେୱାର୍ ମାନ୍ ଆରେ ବୁଜାଆନି ଶାକ୍ତି ଇ ରିଣ୍ଡାଙ୍ଗ୍ ନେ କରାପ୍।

ଏବ୍ରି 10:22

ଖ୍ରୀଷ୍ଟ ତା ନେତେର୍ ତିର୍‌ପିସ୍, ମା ଗରବ୍‌ନି ଦସ୍‌ତିଙ୍ଗ୍ ଦେହା କିତାନ୍‌ନା, ହାର୍ଦି ଏଜୁଙ୍ଗ୍‌ତାଙ୍ଗ୍ ମା ଗାଗାଡ଼୍‌ତିଙ୍ଗ୍ ସପା କିଜି ମାଙ୍ଗେଙ୍ଗ୍ ରେଡି କିତାନ୍‌ନା। ଲାଗିଙ୍ଗ୍ ୱାଡ ଆସେଙ୍ଗ୍ ନଙ୍ଗୟ୍ ହାର୍ଦି ମାନ୍‌ତାଙ୍ଗ୍ ଆରେ ଷ୍ଟ୍ରଙ୍ଗ୍ ପାର୍ତିତାଙ୍ଗ୍ ଈଶ୍ୱର ଲାଗାୟ୍ ହାନାସ୍।

ଏବ୍ରି 13:18

ମା କାଜିଙ୍ଗ୍ ପାର୍ତାନା କିୟାଟ୍। ଇନେସ୍‌କି ମା ଆହା ମାନାତ୍ ଯେ, ମାଙ୍ଗେଙ୍ଗ୍ ହାର୍ଦି ବୁଦି ମାନାତ୍, ଆରେ ଆସେଙ୍ଗ୍ ସନ୍‌ମାନ୍ ହୁଦାଙ୍ଗ୍ ୱିଜୁକିଜି ଜିନି କାଜିଙ୍ଗ୍ ଇଚା କିନାସା।

ଏବ୍ରି 9:14

ମାତର୍ ଏପେଙ୍ଗ୍ ଇଦାଙ୍ଗ୍ ବାବି କିୟାଟ୍ ଯେ ହାଃନି ହାଜ୍‌ଦିଙ୍ଗ୍ ଅଦ୍‌ନି କାମାୟ୍‌ତାଙ୍ଗ୍ ଖ୍ରୀଷ୍ଟ ନେତେର୍ ଆଦିକ୍ କିଜି ମା ଗରବ୍‌ତିଙ୍ଗ୍ ଶୁଚି କିଦ୍‌ନାତ୍, ଆରେ ଆସେଙ୍ଗ୍ ଜିବୁନ୍ ମାନି ଈଶ୍ୱରତିଙ୍ଗ୍ ହେବା କିଦେଙ୍ଗ୍ ଆଡ୍‌ନାସ୍। ଇନେସ୍‌କି ୱିଜ୍‌ୱି ଆତ୍ମାନି ଶାକ୍ତିତାଙ୍ଗ୍, ମା ପାପ୍ କାଜିଙ୍ଗ୍ ଖ୍ରୀଷ୍ଟ ତା ଜାର୍ ଜିବୁନ୍‌ତିଙ୍ଗ୍ ଈଶ୍ୱର ଲାଗାୟ୍ ର ପୁରାପୁରି ଟିକ୍ ବଲିପୁଜା କିତାନ୍‌ନା।

ଜାକ୍‌ବ 4:8

ଈଶ୍ୱର ଲାଗାୟ୍ ୱାଡ, ଲାଗିଙ୍ଗ୍ ହେୱାନ୍ ମି ଲାଗାୟ୍ ୱାନାନ୍। ଏ ପାପି ମାନାୟ୍ କାଦେର୍ ଏପେଙ୍ଗ୍ ପାପ୍ କାମାୟ୍‌ତାଙ୍ଗ୍ ଦେହାଆଡ, ଏ ରି ମାନ୍ୟା ମାନାୟ୍ ଆନାଦେର୍, ଏପେଙ୍ଗ୍ ମି ଗରବ୍‌ତିଙ୍ଗ୍ ଟିକ୍ କିୟାଟ୍।

୧ ପିତର 1:22

ଇନେସ୍‌କି ଏପେଙ୍ଗ୍ ସତ୍‌ତିଙ୍ଗ୍ ମାନିକିତି କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ପାପ୍‌ତିଙ୍ଗ୍ ନୁସ୍‌ଦାତାନ୍‌ନା, ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ମି ପାର୍ତିନି ଟଣ୍ଡାରିଙ୍ଗ୍ ଟକାୟ୍ କିୱାଦାଙ୍ଗ୍ ହାତ୍‌ପା ଲାଡ୍‌କିନି ଦର୍‌କାର୍। ଏପେଙ୍ଗ୍ ଜାର୍-ଜାର୍‌ବିତ୍ରେ ଗରବ୍‌ତାଙ୍ଗ୍ ଲାଡ୍‌କିଜି ମାନାଟ୍।

୧ ପିତର 3:16

ଏପେଙ୍ଗ୍ ଦରମ୍‌ଆଜି ସନ୍‌ମାନ୍ ହୁଦାଙ୍ଗ୍ ହେ ବିଷୟତିଙ୍ଗ୍ ବୁଜାୟ୍ କିନି ଦର୍‌କାର୍, ଏପେଙ୍ଗ୍ ଜାର୍ ମାନ୍‌ତିଙ୍ଗ୍ କିଲେର୍ କିଜି ଇଟାଟ୍। ଲାଗିଙ୍ଗ୍ ମାନାୟାର୍ ଯଦି ମି ବିରୁଦ୍‌ତାକେ ଇଞ୍ଜ୍‌ନାର୍, ଆରେ ଏପେଙ୍ଗ୍ ହାର୍ ଜିବୁନ୍ କାଟି କିନାକା ହେୱାର୍ ହୁଡ଼୍‍ଦାନାର୍ ଆରେ ହେୱାର୍ ଲାଜ୍ ପାୟାଆନାର୍‌, ଇନେସ୍‌କି ଏପେଙ୍ଗ୍ ଖ୍ରୀଷ୍ଟ ଲକ୍ ଆତାଦେର୍‌ନା।

୧ ପିତର 3:21

ହେୱାର୍ ଆଗେ ଉଦାର୍ ପାୟାଆତାକା, ହେଦାଙ୍ଗ୍ ନଙ୍ଗୟ୍ ଇଲେକେ ଅର୍ତ ହିନାତା ଏଚେପାଦ୍ନା ଆସେଙ୍ଗ୍ ଡୁବନ୍ ଅନାସ୍‌ ଆସେଙ୍ଗ୍ ଉଦାର୍ ପାୟାଆନାସ୍‌। ଆସେଙ୍ଗ୍ ଇମ୍‌ଣି ଏଜୁକାଙ୍ଗ୍ ଡୁବନ୍ ଆନାସ୍ ହେଦାଙ୍ଗ୍ ଗାଗାଡ଼୍‌ନି ପାପ୍‌ତିଙ୍ଗ୍ ନୁଜୁତ୍, ମାତର୍ ଆସେଙ୍ଗ୍ ଈଶ୍ୱରତିଙ୍ଗ୍ କେମା ଏନ୍‌ତାପ୍‌ନା ଇଞ୍ଜି ହେଦାଙ୍ଗ୍ ର ଚିନ୍। ଲାଗିଙ୍ଗ୍ ମା ମାନ୍ କିଲେର୍ ଆନାତ୍ ଯେ ଆସେଙ୍ଗ୍ ଈଶ୍ୱର ହୁଦାଙ୍ଗ୍ ମାହାଆତାସ୍‌ନା, ଈଶ୍ୱର ମାଙ୍ଗେଙ୍ଗ୍ କେମା କିଦ୍‌ନାନ୍ ଇନେସ୍‌କି ଯୀଶୁ ଖ୍ରୀଷ୍ଟ ହାଃତିତାଙ୍ଗ୍ ଆରେରଗ ଜିବୁନ୍ ଆତାନ୍‌ନା,

୧ ପିତର 4:8

ଆନେଙ୍ଗ୍ ମି କାଜିଙ୍ଗ୍ ର ମୁକ୍ୟ ବିଷୟ ୱେଚ୍‌ଚାନାଙ୍ଗା, ଏପେଙ୍ଗ୍ ଜାର୍-ଜାର୍‌ବିତ୍ରେ ସତ୍ ଲାଡ୍ କିବା ଆଡ। ଇନେସ୍‌କି ଯଦି ମାନାୟାରିଙ୍ଗ୍ ଲାଡ୍ କିନାଦେର୍, ଲାଗିଙ୍ଗ୍ ଏପେଙ୍ଗ୍ ହେୱାର୍ କିତି ୱିଜୁ ପାପ୍‌ତିଙ୍ଗ୍ ଏପେଙ୍ଗ୍ କେମା କିଦେଙ୍ଗ୍ ୱିଜୁନାଞ୍ଜିଙ୍ଗ୍‌ ରେଡି ଆଜି ମାନାଦେର୍।

୨ ପିତର 1:7

ଏପେଙ୍ଗ୍ ଆପ୍‌କା ଈଶ୍ୱରତିଙ୍ଗ୍ ସନ୍‌ମାନ୍ କିତିଲେକେ ଜିବୁନ୍ କାଟି କିମାଟ୍, ମି ଜାର୍ ପରିବାର୍ ମାନାୟ୍ ଲେକେ ଜେକନିକାରିଙ୍ଗ୍ ପା ଲାଡ୍ କିୟାଟ୍।

୧ ଯୋହନ 3:10

ଇମ୍‌ଣି ମାନାୟ୍ ଦରମ୍ କାମାୟ୍ କିଉନ୍, ଆରେ ତା ଟଣ୍ଡାହିରିଙ୍ଗ୍ ଲାଡ୍ କିଉନ୍। ହେୱାନ୍ ଈଶ୍ୱର ଲକ୍ ଆକାୟ୍। ଇବେତାଙ୍ଗ୍ ଆସେଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାସ୍ ଯେ, ଇନେର୍ ଈଶ୍ୱର ମେହି, ଆରେ ଇନେର୍ ଶୟତାନ ମେହି।

୧ ଯୋହନ 3:23

ଈଶ୍ୱର ମାଙ୍ଗେଙ୍ଗ୍ ଇ ଆଦେସ୍ ହିତ୍‌ତାନ୍‌ନା ଯେ, ତା ମେହି ଯୀଶୁ ଖ୍ରୀଷ୍ଟଙ୍ଗ୍ ପାର୍ତିକିନି ଦର୍‌କାର୍, ଆରେ ହେୱାନ୍ ହିତ୍‌ତି ଆଦେସ୍ ଅନୁସାରେ ଜାର୍-ଜାର୍‌ବିତ୍ରେ ଲାଡ୍ କିୟାଆନାତ୍।

୧ ଯୋହନ 3:3

ଆରେ ଇମ୍‌ଣି ମାନାୟ୍ ଖ୍ରୀଷ୍ଟଙ୍ଗ୍ ପାର୍ତି କିଜି ଆହା କିନାନା। ଲାଗିଙ୍ଗ୍ ଈଶ୍ୱର ଇନେସ୍‌କି ପବିତ୍ର ମାନାନ୍, ହେଲେକେ ହେୱାନ୍ ପା ଜାର୍‌ତିଙ୍ଗ୍ ପବିତ୍ର କିୟେନ୍।