୧ ତିମତି 1:12 - New Testament in Pengo Parja Language

¹² ମା ମାପୃ ଯୀଶୁ ଖ୍ରୀଷ୍ଟଙ୍ଗ୍ ଆନେଙ୍ଗ୍ ଦନ୍ଯବାଦ୍ ହିନାଙ୍ଗା, ଇନେସ୍‌କି ହେୱାନ୍ ନାଙ୍ଗେଙ୍ଗ୍ ତା ହେବା କିଦେଙ୍ଗ୍ ଶାକ୍ତି ହିତ୍‌ତାନ୍‌ନା, ହେୱାନ୍ ନାଙ୍ଗେଙ୍ଗ୍ ବିସ୍‌ବାସ୍ କିଜି ତା ହେବା କାମାୟ୍ କିଦେଙ୍ଗ୍ ଦାୟିତ୍‌ପ ହିତ୍‌ତାନ୍‌ନା।

ସତ୍‌ ବଚନ୍‌ ପୁନି ନିୟମ୍‌

¹² ମାଦାଙ୍ଗ୍‌ ଇମ୍‌ଣି ମାପ୍ରୁ କ୍ରିସ୍ଟ ଜିସୁ ନାଙ୍ଗେଙ୍ଗ୍‌ ସାକ୍ତି ହିତ୍‌ତାନ୍‌ନା, ତାଙ୍ଗେଙ୍ଗ୍‌ ଆନ୍‌ ଜୁଆର୍‌ କିନାଙ୍ଗା ଜେ, ହେୱାନ୍‌ ନାଙ୍ଗେଙ୍ଗ୍‌ ପାର୍ତି କିଜ଼ି ହେବାକାର୍‌ୟା ପାଦ୍‌ତ ବାଚି କିତ୍‌ତାନ୍‌ନା,

୧ ତିମତି 1:12 Iomraidhean Croise

ମାତିଉ 20:4

ହେୱାରିଙ୍ଗ୍ ହେୱାନ୍ ୱେଚ୍‌ଚାନ୍, ଏପେଙ୍ଗ୍ ପା ନା ଅଙ୍ଗୁର୍ ବାଡ଼୍‍ଦ ହାଲ୍‌ଜି କାମାୟ୍ କିୟାଟ୍। ମିଙ୍ଗେଙ୍ଗ୍ ପା ହାମାନ୍ ଡାବୁଙ୍ଗ୍ ହିଦ୍‌ନାଙ୍ଗ୍।

ଜହନ୍‌ 5:23

ଇମ୍‌ଣାକାନ୍ ମେହିଙ୍ଗ୍ ସନ୍‌ମାନ୍ କିଉନ୍, ତାଙ୍ଗେଙ୍ଗ୍ ପକ୍ତି ଆବାଙ୍ଗ୍ ପା ସନ୍‌ମାନ୍ କିଉଦେର୍।”

ପକ୍ୟାତାକା 16:15

ତାପାଚେ ହେଦେଲ୍ ଆରେ ତା ପରିବାର୍ ଡୁବନ୍ ଅତାର୍। ପାଚେ ହେଦେଲ୍ ମାଙ୍ଗେଙ୍ଗ୍ ଗୁୱାରି କିଜି ୱେଚ୍‌ଚାତ୍, “ଏପେଙ୍ଗ୍ ଯଦି ନାଙ୍ଗେଙ୍ଗ୍ ମାପୃ ଲାଗାୟ୍ ପାର୍ତିକିନାପ୍ ଇଞ୍ଜି ବାବିକିନାଦେରା, ଲାଗିଙ୍ଗ୍ ମାଞ୍ଜ ୱାଜି ବାହା କିୟାଟ୍।” ଆରେ ହେଦେଲ୍ ମାଙ୍ଗେଙ୍ଗ୍ ତାଞ୍ଜାଙ୍ଗ୍ ହାଞ୍ଜେଙ୍ଗ୍ ହିଦ୍‌ୱାତାତ୍।

ପକ୍ୟାତାକା 9:15

ମାତର୍ ମାପୃ ୱେଚ୍‌ଚାନ୍, “ଏନେଙ୍ଗ୍ ହାଲା। ଇନେସ୍‌କି ଆନେଙ୍ଗ୍ ହେୱାନିଙ୍ଗ୍ ନା ହେବା କିଦେଙ୍ଗ୍ ବାଚି କିତ୍‌ତାଙ୍ଗ୍‌ନା। ହେୱାନ୍ ବିନ୍‌ଜାତିନି ମାନାୟାର୍ ମୁମ୍‌ଦ, ରାଜାର୍ ମୁମ୍‌ଦ, ଆରେ ଇସ୍ରାଏଲ ଜାତିର୍ ମୁମ୍‌ଦ, ନା ବିଷୟରେ ଶୁଣାୟ୍ କିନାନ୍।

ପକ୍ୟାତାକା 9:22

ମାତର୍ ଈଶ୍ୱର ଶାଉଲତିଙ୍ଗ୍ ବେସି ଶାକ୍ତି ହିତାନ୍। ଯୀଶୁ ନେ ଖ୍ରୀଷ୍ଟ ଇଞ୍ଜି ପାର୍ମାଣ୍ କିଜି ଶୁଣାୟ୍ କିଜି ମାଚାନ୍। ଇଦାଙ୍ଗ୍ କାଜିଙ୍ଗ୍ ଦମେସକ ସହର୍‌ତାକେ ମାନି ଯିହୁଦି ମାନାୟାର୍ ଇନାକା ୱେଚ୍‌ଚେଙ୍ଗ୍ ଆଡ୍‌ୱାଦାଙ୍ଗ୍ ମାଚାର୍।

୧ କରନ୍ତିୟ 15:10

ମାତର୍ ତା ଦୟା କାଜିଙ୍ଗ୍ ଆନେଙ୍ଗ୍ ନଙ୍ଗୟ୍ ବାଚିକିତି ଚେଲା ଆତାଙ୍ଗ୍‌ନା, ହେୱାନ୍ ନାଙ୍ଗେଙ୍ଗ୍ ଦୟା କିତ୍‌ତି କାଜିଙ୍ଗ୍ ୱିଜାର୍ ଚେଲାର୍ ଈଶ୍ୱରତି କାମାୟ୍ କିତିତାଙ୍ଗ୍ ଆନେଙ୍ଗ୍ ବେସି ଈଶ୍ୱର କାମାୟ୍ କିନାଙ୍ଗା। ଆଁ ହେଦାଙ୍ଗ୍ ଆନେଙ୍ଗ୍ ଆକାୟ୍, ମାତର୍ ନାଙ୍ଗେଙ୍ଗ୍ ଦୟା କିତ୍‌ତି କାଜିଙ୍ଗ୍ ହେୱାନ୍ ନାଙ୍ଗେଙ୍ଗ୍ ତା କାମାୟ୍ କିନି କାଜିଙ୍ଗ୍ ବ୍ୟବହାର୍ କିଦ୍‌ନାନା।

୧ କରନ୍ତିୟ 3:5

ପାଉଲ ଆରେ ଆପୋଲ ଈଶ୍ୱରନି ଦାସ୍। ମା କାଜିଙ୍ଗ୍ ଏପେଙ୍ଗ୍ ଖ୍ରୀଷ୍ଟଙ୍ଗ୍ ପାର୍ତି କିତାଦେର୍। ମାପୃ ମାଙ୍ଗେଙ୍ଗ୍ ଅଲ୍‌ଗା-ଅଲ୍‌ଗା କାମାୟ୍ ହିତ୍‌ତାନ୍‌ନା।

୧ କରନ୍ତିୟ 7:25

ନଙ୍ଗୟ୍ ୱାଟା ଗାଡ଼୍‌ଚେକ୍ କାଜିଙ୍ଗ୍ ଆନେଙ୍ଗ୍ ୱେଚ୍‌ନାଙ୍ଗା। ହେ ଆଜ୍ଞା ଆନେଙ୍ଗ୍ ମାପୃ ଯୀଶୁତାଙ୍ଗ୍ ହେୱେକ୍ କାଜିଙ୍ଗ୍ ପାୟା ଆୱାତାଙ୍ଗ୍‌ନା, ମାତର୍ ମାପୃ ଯୀଶୁ ନାଙ୍ଗେଙ୍ଗ୍ ଦୟାକିଜି ମାନ୍‌ଚି କାଜିଙ୍ଗ୍ ହେୱାନ୍ ନାଙ୍ଗେଙ୍ଗ୍ ବୁଦି ହିତ୍‌ତାନ୍, ହେ ବୁଦିତିଙ୍ଗ୍ ପାର୍ତି କିୟାଆନାତ୍ ଆରେ ଆନେଙ୍ଗ୍ ହେଦାଙ୍ଗ୍ ମିଙ୍ଗେଙ୍ଗ୍ ହିଦ୍‌ନାଙ୍ଗା।

୨ କରନ୍ତିୟ 4:1

ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ଈଶ୍ୱରତାଙ୍ଗ୍ ଦୟା ପାୟାଆତାପ୍‌ନା ଆରେ ଆପେଙ୍ଗ୍ ତା ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ସାସ୍ ଆତାପ୍‌ନା।

ଗାଲାତିୟ 3:26

ଲାଗିଙ୍ଗ୍ ଯୀଶୁ ଖ୍ରୀଷ୍ଟତାକେ ପାର୍ତିକିତି କାଜିଙ୍ଗ୍ ଆସେଙ୍ଗ୍ ଈଶ୍ୱର ହିମ୍‌ଣା ଆତାସ୍‌ନା।

ଗାଲାତିୟ 3:28

ଲାଗିଙ୍ଗ୍ ଯିହୁଦି ଜାତି କି ବିନ୍‌ଜାତି, ଦାସ୍ କି ଦାସ୍ ଆୱିତି ମାନାୟ୍, ଆଣ୍ଡ୍ରା କି କଗ୍‌ଲେ ବିତ୍ରେ ଇନାକା ପା ଜେକ ଆକାୟ୍। ଇନେସ୍‌କି ଏପେଙ୍ଗ୍ ଯୀଶୁ ଖ୍ରୀଷ୍ଟତାକେ ରବେ ଆତାଦେର୍‌ନା।

ପିଲିପିୟ 2:11

ଆରେ ୱିଜାକାର୍ ଯୀଶୁ ଖ୍ରୀଷ୍ଟ ମାପୃ ଇଞ୍ଜି ୱେଚ୍‌ନାର୍, ଆରେ ଆବା ଈଶ୍ୱରତିଙ୍ଗ୍ ଗୌରବ କିନାର୍।

ପିଲିପିୟ 4:13

ନାଙ୍ଗେଙ୍ଗ୍ ଶାକ୍ତି ହିଦ୍‌ନି ଖ୍ରୀଷ୍ଟ ସାଇଜତାଙ୍ଗ୍ ଆନେଙ୍ଗ୍ ୱିଜୁ ବିଷୟ କିଦେଙ୍ଗ୍ ଆଡ୍‌ନାଙ୍ଗ୍।

କଲସିୟ 1:25

ଈଶ୍ୱର କାତା ପୁରା-ପୁରି ମିଙ୍ଗେଙ୍ଗ୍ ବୁଜାଇକିନି କାଜିଙ୍ଗ୍ ହେୱାନ୍ ନାଙ୍ଗେଙ୍ଗ୍ ଦାୟିତ୍‌ପ ହିତ୍‌ତାନ୍‌ନା। ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ନଙ୍ଗୟ୍ ମଣ୍ଡ୍‌ଲିନି ଦାସ୍ ଆତାଙ୍ଗ୍‌ନା।

୧ ତିମତି 1:1

ଆନେଙ୍ଗ୍ ପାଉଲ ଇ ଚିଟି ଲେକିକିତାଙ୍ଗ୍‌ନା। ଆପେଙ୍ଗ୍ ଇମ୍‌ଣି ଉଦାର୍ କିଦ୍‌ନାକାନ୍ ତାକେ ଆହା କିନାପା, ହେ ଈଶ୍ୱର ଆଦିକାର୍‌ତାଙ୍ଗ୍ ଆନେଙ୍ଗ୍ ରକାଙ୍ଗ୍ ଯୀଶୁ ଖ୍ରୀଷ୍ଟନି ବାଚିକିତି ଚେଲା ଆତାଙ୍ଗ୍‌ନା।

୧ ତିମତି 1:11

ଇ ହିକ୍ଷା ଆଶ୍ରିବାଦ୍ ହିଦ୍‌ନି ଈଶ୍ୱରତାଙ୍ଗ୍ ଆରେ ଗୌରବନି ହାର୍ଦିକାବୁର୍‌ତାଙ୍ଗ୍‌ ଆନାତ୍। ହେ ହାର୍ଦିକାବୁର୍ ଜେକନିକାରିଙ୍ଗ୍ ୱେଚ୍‌ଚେଙ୍ଗ୍ ଈଶ୍ୱର ନାଙ୍ଗେଙ୍ଗ୍ ହିତ୍‌ତାନ୍‌ନା।

୧ ତିମତି 1:2

ଆନେଙ୍ଗ୍ ଇ ଚିଟି ତିମତି ଲାଗାୟ୍ ଲେକିକିନାଙ୍ଗା। ଏନେଙ୍ଗ୍ ଖ୍ରୀଷ୍ଟତାକେ ପାର୍ତିକିନି କାଜିଙ୍ଗ୍ ଏନେଙ୍ଗ୍ ନା କାଜିଙ୍ଗ୍ ରକାଇ ହିମ୍‌ଣା ଲେକେ। ଆବା ଈଶ୍ୱର ଆରେ ମା ମାପୃ ଯୀଶୁ ଖ୍ରୀଷ୍ଟ ନିଙ୍ଗେଙ୍ଗ୍ ଆଶ୍ରିବାଦ୍, ଦୟା ଆରେ ଶାନ୍ତି ହିଦେନ୍।

୧ ତିମତି 6:13

ୱିଜାକାରିଙ୍ଗ୍ ଜିବୁନ୍ ହିଦ୍‌ନି ଈଶ୍ୱର ମୁମ୍‌ଦ ଆରେ ଯୀଶୁ ଖ୍ରୀଷ୍ଟ ଇନେର୍ ପନ୍ତିୟ ପିଲାତ ରାଜା ମୁମ୍‌ଦ ହାର୍ଦି ସାକି ହିଜିମାଚାନ୍। ହେୱାର୍ ଆଗେ ଆନେଙ୍ଗ୍ ନିଙ୍ଗେଙ୍ଗ୍ ଆଦେସ୍ ହିଦ୍‌ନାଙ୍ଗା,

୨ ତିମଥି 2:2

ଆନେଙ୍ଗ୍ ନିଙ୍ଗେଙ୍ଗ୍ ବେସି ମାନାୟାର୍ ମୁମ୍‌ଦ ଯୀଶୁ ଖ୍ରୀଷ୍ଟ ବିଷୟରେ ୱେଚ୍‌ନାକା ୱେଚାଙ୍ଗ୍‌ନା। ଇମ୍‌ଣାକାର୍ ଜେକନିକାରିଙ୍ଗ୍ ପା ହିକ୍ଷାହିଦେଙ୍ଗ୍ ଆଡ୍‌ନାର୍, ଇଲେକେ ବିଶ୍ୱସ୍ତ ମାନାୟାରିଙ୍ଗ୍ ହେ କାତା ୱେଚା।

୨ ତିମଥି 4:17

ମାତର୍ ମାପୃ ନା ନିପଣ୍ ଆଜି ନାଙ୍ଗେଙ୍ଗ୍ ଶାକ୍ତି କିତ୍‌ତାନ୍, ଆରେ ଆନେଙ୍ଗ୍ ଇନେସ୍ ହାର୍ଦିକାବୁର୍ ପୁରାପୁରି କିଲେର୍ କିଜି ଶୁଣାୟ୍ କିଦେଙ୍ଗ୍ ଆଡ୍‌ନାଙ୍ଗ୍। ଆରେ ବିନ୍‌ଜାତିର୍ ୱିଜୁ ମାନାୟାର୍ ହେଦାଙ୍ଗ୍ ୱେଞ୍ଜେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ ହେୱାନ୍ ନାଙ୍ଗେଙ୍ଗ୍ ହାଃନିତାଙ୍ଗ୍ ରକ୍ଷା କିତ୍‌ତାନ୍।

ତୀତସ 1:4

ମା ଆବା ଈଶ୍ୱର ଆରେ ଉଦାର୍ କିଦ୍‌ନି ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ ଦୟା ଆରେ ଶାନ୍ତି ହିଦେନ୍।