୧ ତିମତି 1:10 - New Testament in Pengo Parja Language

¹⁰ ଇଦାଙ୍ଗ୍ ପୁନ୍‌ଞ୍ଜି ଯଦି ଇନେର୍ ମଶା ଲେକିକିତି ସାସ୍ତର୍‌ତିଙ୍ଗ୍ ଟିକ୍‌କିଜି ମାନିକିନାର୍, ଲାଗିଙ୍ଗ୍ ହେଦାଙ୍ଗ୍ ହାର୍ ଇଦାଙ୍ଗ୍ ଆପେଙ୍ଗ୍ ପୁଚାପ୍‌ନା।

ସତ୍‌ ବଚନ୍‌ ପୁନି ନିୟମ୍‌

¹⁰ ଇଦାଂ ପୁନ୍‌ଞ୍ଜି ଜଦି ଇନେର୍‌ ବିଦିନି ହାର୍‌ଦି ବେବାର୍‌ କିନାନ୍‌, ତେବେ ହେଦାଂ ଜେ ହାର୍‌ଦାକା, ଇଦାଂ ଆପ୍‌ ପୁନାପ୍‌,

୧ ତିମତି 1:10 Iomraidhean Croise

ଜହନ୍‌ 8:44

ଶୟତାନ୍ ଆନାନା ମିଞ୍ଜ୍‌ବା ଆରେ ଏପେଙ୍ଗ୍ ତା ମେହି କାଦେର୍। ଏପେଙ୍ଗ୍ ତା ଇଚାତାଙ୍ଗ୍ କାମାୟ୍ କିନାଦେରା। ହେୱାନ୍ ଆଗେତାଙ୍ଗ୍ ମାନାୟ୍ ମାରୁ, ଆରେ ହେୱାନ୍ ଇନାୱେଡ଼ାଙ୍ଗ୍ ପା ସତ୍ ୱେଚ୍‌ୱାତାନ୍‌ନା। ଇନେସ୍‌କି ହେୱାନ୍ ମିଚ୍‌ୱା। ଏଚେପାଦ୍ନା ହେୱାନ୍ ମିଚ୍ କାତା ୱେଚ୍‌ନାନ୍, ହେପାଦ୍ନା ହେୱାନ୍ ଜାର୍‌ତିଙ୍ଗ୍ ୱେଚ୍‌ନାନ୍। ଇନେସ୍‌କି ହେୱାନ୍ ମିଚ୍ ୱେଚ୍‌ନି ମାନାୟ୍, ଆରେ ହେୱାନ୍ ମିଚ୍ ୱେଚ୍‌ନାକାର୍ ତାଞ୍ଜିବା।

ରୋମିୟ 1:26

ହେଦାଙ୍ଗ୍ କାଜିଙ୍ଗ୍ ଈଶ୍ୱର ହେୱାରିଙ୍ଗ୍ ବେସି ପାପ୍‍କିନି ମାନ୍ ହିତାନ୍। ଇନେସ୍‌କି ହେୱାର୍ ଡକୃହିକ୍ ଜାର୍ ଡକ୍ରାହିର୍ ହୁଦାଙ୍ଗ୍ ହୁଞ୍ଜ୍‌ୱାଦାଙ୍ଗ୍, ହେୱେକ୍ ତା ବିତ୍ରେ-ବିତ୍ରେ ହୁଞ୍ଜା ମାଗା ଆତିକ୍। ହେଦାଙ୍ଗ୍ ୱିଜୁତାଙ୍ଗ୍ ଗିଣ୍‌ନି ବିଷୟ।

୧ ତିମତି 4:6

ଏନେଙ୍ଗ୍ ଯଦି ପାର୍ତିକିନି ଟଣ୍ଡାର୍‌ରିଙ୍ଗ୍ ୱିଜୁ ବିଷୟରେ ହିକ୍ଷା ହିନାୟ୍‌, ଲାଗିଙ୍ଗ୍ ଏନେଙ୍ଗ୍ ଯୀଶୁ ଖ୍ରୀଷ୍ଟନି ର ହାର୍‌ଦାଙ୍ଗ୍ ହେବାକିନାକାୟ୍ ଆନାୟ୍। ଆରେ ଏନେଙ୍ଗ୍ ଇମ୍‌ଣି ପାର୍ତି ଆରେ ହାର୍ଦି ହିକ୍ଷାତିଙ୍ଗ୍ ମାନିକିୟା, ହେ କାତାକାଜିଙ୍ଗ୍ ଏନେଙ୍ଗ୍ ବେସି ଦରମ୍ ଜିବୁନ୍ କାଟି କିଦେଙ୍ଗ୍ ଆଡ୍‌ନାୟ୍।

୧ ତିମତି 6:3

କେତେକ୍ ମାନାୟାର୍ ବୁଲ୍ ହିକ୍ଷା ହିନାରା। ଯୀଶୁ ଖ୍ରୀଷ୍ଟ ହିଜି ମାନ୍‌ଞ୍ଚି ହିକ୍ଷା ଆରେ ଈଶ୍ୱରତିଙ୍ଗ୍ ସନ୍‌ମାନ୍ କିନି ହିକ୍ଷାତାଙ୍ଗ୍ ହେୱାର୍ ହିକ୍ଷା ମାହାଆଉତା।

୨ ତିମଥି 1:13

ଏପେଙ୍ଗ୍ ନାବେତାଙ୍ଗ୍ ଇମ୍‌ଣି ୱିଜୁ ସତ୍ ହିକ୍ଷା ୱେଚାଦେର୍‌ନା, ହେଦାଙ୍ଗ୍‌ତିଙ୍ଗ୍ ଆସ୍ତି ଏପେଙ୍ଗ୍ ହେ ଅନୁସାରେ କିୟାଟ୍। ଯୀଶୁ ଖ୍ରୀଷ୍ଟତାକେ ରବେଆଜି ମାନି କାଜିଙ୍ଗ୍ ପାର୍ତି ଆରେ ଲାଡ୍‌ତିଙ୍ଗ୍ ଆସ୍ତି ମାନାଟ୍।

୨ ତିମଥି 4:3

ଇନେସ୍‌କି ସମୟ୍ ୱାନାତ୍, ମାନାୟାର୍ ସତ୍ ହିକ୍ଷାତିଙ୍ଗ୍ ୱେଞ୍ଜେଙ୍ଗ୍ ଇଚା କିଉର୍। ମାତର୍ ହେୱାର୍ କିତୁଲିକାଙ୍ଗ୍ ହୱାଦ୍ ଆନିଲେକେ ବେଣ୍ ୱେଚ୍‌ନି ମାଷ୍ଟେରାରିଙ୍ଗ୍ ଡେକ୍‌ନାର୍ ଆରେ ହେୱାର୍ ଜାର୍ ଇଚାତାଙ୍ଗ୍ ଜିବୁନ୍ କାଟିକିନାର୍।

ତୀତସ 1:13

କ୍ରୀତି ଦୀପ୍‌ତାକେ ମାନି ମାନାୟାର୍ ବିଷୟରେ ୱେଚ୍‌ଚିମାଚି ଇ କାତା ସତ୍। ଲାଗିଙ୍ଗ୍ ହେୱାର୍ ଇନେସ୍ ଯୀଶୁ ଖ୍ରୀଷ୍ଟନି ସତ୍ ହିକ୍ଷାତିଙ୍ଗ୍ ପାର୍ତିକିନାର୍।

ତୀତସ 1:9

ଇମ୍‌ଣି ହିକ୍ଷା ହେୱାନ୍ ପାୟାଆତାନ୍‌ନା ହେ ପାର୍ତିକିନି ହିକ୍ଷାତିଙ୍ଗ୍ ହେୱାନ୍ ବେସି ପାର୍ତିକିନି ଦର୍‌କାର୍। ଲାଗିଙ୍ଗ୍ ହେୱାନ୍ ସତ୍ ହିକ୍ଷାତାଙ୍ଗ୍ ଜେକନିକାନିଙ୍ଗ୍ ସାହାସ୍ କିଦେଙ୍ଗ୍ ଆଡ୍‌ନାନ୍ ଆରେ ତା ହିକ୍ଷାତିଙ୍ଗ୍ ବିରଦ୍ କିନି ମାନାୟାରିଙ୍ଗ୍ ଟିକ୍ କିଦେଙ୍ଗ୍ ଆଡ୍‌ନାନ୍।

ଏବ୍ରି 13:4

ଏପେଙ୍ଗ୍ ବିବାଆନି ଜିବୁନ୍‌ତିଙ୍ଗ୍ ସନ୍‌ମାନ୍ କିୟାଟ୍, ଆରେ ଏପେଙ୍ଗ୍ ବିବାଆତି ଜିବୁନ୍‌ତାକେ ଜାର୍-ଜାର୍ ପବିତ୍ର ଆଜି ମାନାଟ୍। ଇମ୍‌ଣାକାର୍ ଦାରୁଲା ଆରେ ଜେକନି ମାନାୟାରିଙ୍ଗ୍ ଆଦିକ୍ ଇଚା ଆନାର୍, ହେୱାରିଙ୍ଗ୍ ଈଶ୍ୱର ବିଚାର୍ କିନାନ୍।

ଜିହୁଦା 1:7

ହେଲେକେ ସଦୋମ ଆରେ ଗମୋରା ସହର୍ ଆରେ ହେ ଲାଗାୟ୍‌ନି ସହର୍‌କୁ ବିଷୟରେ ବାବିକିଜି ହୁଡ଼ାଟ୍, ହେ ସହର୍‌ନି ମାନାୟାର୍ ଦାରି ଆରେ ଅପ୍‌ମାନ୍ ଲେକେ ବେସି କରାପ୍ କାମାୟ୍ କିଜି ମାଚାର୍। ଲାଗିଙ୍ଗ୍ ଈଶ୍ୱର ହେ ମାନାୟାରିଙ୍ଗ୍ ନାଣି ହୁଦାଙ୍ଗ୍ ନଷ୍ଟ କିତାନ୍। କରାପ୍ ମାନାୟାର୍ କାଜିଙ୍ଗ୍ ଇଦାଙ୍ଗ୍ ରଞ୍ଜାଙ୍ଗ୍ ଜାଗ୍ରତ୍‌ନି ବେଣ୍ ଯେ ହେୱାର୍ ପା ୱିଜୁଦିନ୍ କାଚାଆନି ନାଣିତାକେ ଦଣ୍ଡ୍ ପାୟାଆନାର୍‌।

ହତ୍‌ତି 18:13

ଆରେ ଡାଲ୍‌ଚିନି, ମସ୍ଲା ସାମାନ୍, ଦୁପ୍, ବାସ୍ନା ଚିକାଣ୍, ବାସ୍ନା ସେଣ୍ଟ୍, ଅଙ୍ଗୁର୍ ରାସ୍‌ନି କାଲିଙ୍ଗ୍, ଚିକାଣ୍, ମଇଦା, ଗହମ୍‌, କଡିଙ୍ଗ୍, ମେଣ୍ଢା, ଗଡ଼ା, ରତ, ହଲିଆ ଆରେ ମାନାୟାର୍ ଜିବୁନ୍।

ହତ୍‌ତି 21:27

ମାତର୍ କରାପ୍ ମାନାୟାରିଙ୍ଗ୍ କି, ପାପ୍ କାମାୟ୍ କିନାକାରିଙ୍ଗ୍ କି, ମିଚ୍ ୱେଚ୍‌ନାକାର୍ ଆଏର୍, ଇଲେକେ ଗିଣ୍ କାମାୟ୍ କିନାକାରିଙ୍ଗ୍ ଇନାୱେଡ଼ାଙ୍ଗ୍ ପା ହେ ସହର୍‌ତାକେ ହାଞ୍ଜେଙ୍ଗ୍ ହିଉର୍। ଇଲେଗ୍‌ଦି ମାନାୟାର୍ ହେ ସହର୍‌ତାକେ ହାନାର୍ ଯେ, ଇନେର୍ ତର୍‌ ମେଣ୍ଢା ଇନେର୍‌କି ଯୀଶୁ ବହିତାକେ ଲେକାଆଜି ମାନ୍‌ଗାନାତ୍, ହେ ବହିତାକେ ଜିବୁନ୍ ମାନି ମାନାୟାର୍ ତର୍‌ ଲେକାଆତାତ୍‌ନା।

ହତ୍‌ତି 21:8

ମାତର୍ ଇମ୍‌ଣାକାର୍ ନାଙ୍ଗେଙ୍ଗ୍ ପାର୍ତି କିଦ୍‌ନାକା ବନ୍ଦ୍ କିତାର୍‌ନା, ମାନାୟାରିଙ୍ଗ୍ ଟକାୟ୍ କିନାରା। ଈଶ୍ୱରତିଙ୍ଗ୍ ପୁନ୍‌ୱିତି ମାନାୟାର୍, କରାପ୍ କାମାୟ୍ କିନାର୍, ମାନାୟାରିଙ୍ଗ୍ ମାର୍ନେ ଅହ୍‌ନାର୍। ଦାରି କାମାୟ୍ କିନାର୍, ଯାଦୁ ମନ୍ତର୍ କିନାରା, ମୁର୍ତି ପୁଜା କିନାରା ଆରେ ମିଚ୍ ୱେଚ୍‌ନାରା। ହେୱାରିଙ୍ଗ୍ ଆନେଙ୍ଗ୍ ଗନ୍ଦକ ନାଣି ଆହ୍‌ନି କୁଣ୍ଡ୍‌ତାକେ ତୁସି ହିନାଙ୍ଗ୍ ଇଦାଙ୍ଗ୍ ନେ ଦୁଇ ନମ୍ବର୍ ମାରାଣ୍।”

ହତ୍‌ତି 22:15

ମାତର୍ ନିକୁଡ଼୍‌ଲେକେ ଇମ୍‌ଣି ମାନାୟାର୍ କରାପ୍ କାମାୟ୍ କିନାର୍, ଯାଦୁ ମନ୍ତର୍ କିନାର୍, ଦାରି କାମାୟ୍ କିନାର୍, ମାନାୟାରିଙ୍ଗ୍ ଅହ୍‌ନାର୍, ମୁର୍ତି ପୁଜାକିଜି ମାନାର୍ ଆରେ ମିଚ୍ ୱେଚ୍‌ନି ମାନାୟାର୍ ସହର୍ ବାର୍ତ ମାନାର୍।