୧ ଥେସଲନୀକିୟ 5:9 - New Testament in Pengo Parja Language

⁹ ଇନେସ୍‌କି ଈଶ୍ୱର ମାଙ୍ଗେଙ୍ଗ୍ ଦଣ୍ଡ୍ ହିଦ୍‌ଦେଙ୍ଗ୍ ବାଚି କିଦ୍‌ୱାତାନ୍‌ନା, ମାତର୍ ମା ମାପୃ ଯୀଶୁ ଖ୍ରୀଷ୍ଟ କାଜିଙ୍ଗ୍ ଉଦାର୍ ପାୟା ଆଦେଙ୍ଗ୍ ବାଚି କିତ୍‌ତାନ୍‌ନା

ସତ୍‌ ବଚନ୍‌ ପୁନି ନିୟମ୍‌

⁹ ଇନାକିଦେଂକି ଇସ୍ୱର୍‌ ମାଙ୍ଗେଙ୍ଗ୍‌ କାକ୍ରିନି ବାହା ଆଦେଂ କାଜିଂ ବାଚି କିଦ୍‌ୱାଦାଂ ମତର୍‌ ମାଂ ମାପ୍ରୁ ଜିସୁ କ୍ରିସ୍ଟତି ହୁଦାଂ ମୁକ୍‌ଡ଼ାନାକା ଗାଟାଆଦେଂ କାଜିଂ ବାଚି କିତାନ୍‌ନ୍ନା;

୧ ଥେସଲନୀକିୟ 5:9 Iomraidhean Croise

ମାତିଉ 26:24

ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ନା ବିଷୟରେ ସାସ୍ତର୍‌ତାକେ ଇନେସ୍ ଲେକେ ଲେକା ମାନାତ୍, ହେଲେକେ ହେୱାନ୍ ହାଃନାକା ସତ୍। ମାତର୍ ଇମ୍‌ଣାକାନ୍ ନାଙ୍ଗେଙ୍ଗ୍ ଶାତ୍ରୁ କେଇଦ ଆହିକିଦ୍‍ନାନ୍। ହେୱାନିଙ୍ଗ୍ ବୟଙ୍କାର୍ ଦଣ୍ଡ୍ ଗାଟାଆନାତ୍‌। ହେୱାନ୍ ଜନମ୍ ଆୱାଦାଙ୍ଗ୍ ମାଚିସ୍ ହାର୍ ଆତାତ୍‌ମା।”

ପକ୍ୟାତାକା 1:20

ଇନେସ୍‌କି ଦାଉଦ ରାଜା ତା କେର୍‌କଣ୍ ବହିତାକେ ଲେକିକିତାନ୍‌ନା, ‘ତା ଇଲ୍ କାଲି ଆଜି ମାନେତ୍, ହେ ଇଞ୍ଜ ଇନେର୍ ପା ବାହା କିମେର୍।’ ଦାଉଦ ରାଜା ଇଦାଙ୍ଗ୍ ଜେକନି ବହିତ ପା ଲେକିକିତାନ୍, ‘ତା ପାଦ୍ ଜେକନିକାନ୍‌ ପାୟା ଆୟେନ୍।’ ”

ପକ୍ୟାତାକା 13:48

ବିନ୍‌ଜାତିନି ମାନାୟାର୍ ଇଦାଙ୍ଗ୍ ୱେନ୍‌ଞ୍ଜି ୱାରି ଆତାର୍। ଆରେ ଈଶ୍ୱର କାତାତିଙ୍ଗ୍ ଜୟ୍-ଜୟ୍ କିଦେଙ୍ଗ୍ ଲାଗାତାର୍। ଈଶ୍ୱର ଇମ୍‌ଣାକାରିଙ୍ଗ୍ ୱିଜ୍‌ୱି ଜିବୁନ୍ ପାୟାଆନି କାଜିଙ୍ଗ୍ ବାଚିକିଜି ମାଚାନ୍ ହେୱାର୍ ପାର୍ତି କିତାର୍।

ରୋମିୟ 11:30

ଇନେସ୍‌କି ଆଗେ ଏପେଙ୍ଗ୍ ବିନ୍‌ଜାତିନି ମାନାୟ୍ କାଦେର୍ ଈଶ୍ୱର ଆଦେସ୍‌ତିଙ୍ଗ୍ ମାନିକିୱାଦାଙ୍ଗ୍ ମାଚାଦେର୍, ଆରେ ନଙ୍ଗୟ୍ ତା ଯିହୁଦି ଜାତିନି ମାନାୟାର୍ ତା କାତା ମାନିକିୱିତିଲେ, ଈଶ୍ୱର ମିଙ୍ଗେଙ୍ଗ୍ ଦୟା କିତ୍‌ତାନ୍‌ନା।

ରୋମିୟ 11:7

ଲାଗିଙ୍ଗ୍ ଇଲେକେ ଆତାତ୍‌ନା। ଇସ୍ରାଏଲ ଜାତିନି ମାନାୟାର୍ ଈଶ୍ୱର ଆଗେ ଦରମ୍ ମାନାୟ୍ ଆଦେଙ୍ଗ୍ ଉପାୟ୍ କିତାର୍, ହେୱାର୍ ଆଦେଙ୍ଗ୍ ଆଡ୍‌ୱାତାର୍। ମାତର୍ ଈଶ୍ୱର ଇମ୍‌ଣି ମାନାୟାରିଙ୍ଗ୍ ଦରମ୍ ଆଦେଙ୍ଗ୍ ବାଚି କିତାନ୍‌ନା ହେୱାର୍ ତା ଆଗେ ଦରମ୍ ମାନାୟ୍ ଆତାର୍‌ନା, ଆରେ ବାକି ମାନାୟାର୍ ଦରମ୍ ଆଦେଙ୍ଗ୍ ଆଡ୍‌ୱାତାର୍। ଇନେସ୍‌କି ହେୱାର୍ ଈଶ୍ୱରତିଙ୍ଗ୍ ଗୌରବ କିୱାତାର୍, ଆରେ ଈଶ୍ୱର କାତାତିଙ୍ଗ୍ ୱେଞ୍ଜେଙ୍ଗ୍ ମୁନା କିତାର୍।

୧ ଥେସଲନୀକିୟ 1:10

ଆରେ ଈଶ୍ୱର ତା ମେହିଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ କିତାନ୍। ନଙ୍ଗୟ୍‌ୱାନି ଦଣ୍ଡ୍‌ତାଙ୍ଗ୍ ରକ୍ଷା ପାୟାଆନି କାଜିଙ୍ଗ୍ ଉଦାର୍ କିଦ୍‌ନି ଯୀଶୁ ସରଗ୍‌ତାଙ୍ଗ୍ ୱାନାନ୍ ଇଞ୍ଜି କାନାଦେରା। ହେଦାଙ୍ଗ୍ କାଜିଙ୍ଗ୍ ଜାର୍-ଜାର୍ ଜିବୁନ୍‌ତିଙ୍ଗ୍ ବାଦ୍‌ଲାୟ୍ କିଜି ଈଶ୍ୱରତିଙ୍ଗ୍ ପାର୍ତି କିତାଦେର୍।

୧ ଥେସଲନୀକିୟ 3:3

ଏପେଙ୍ଗ୍ ଦୁଃକ୍ କଷ୍ଟ ପାୟାଆତିସ୍ ପା ଖ୍ରୀଷ୍ଟଙ୍ଗ୍ ପିହ୍‌ମାଟ୍, ଇନେସ୍‌କି ଏପେଙ୍ଗ୍ ପୁଚାଦେର୍‌ନା ଯେ, ଆସେଙ୍ଗ୍ ଦୁଃକ୍ କଷ୍ଟ ପାୟାଆନି ଦର୍‌କାର୍, ହେଦାଙ୍ଗ୍ ଈଶ୍ୱର ଇଚା।

୧ ତିମତି 1:13

ଆନେଙ୍ଗ୍ ପାର୍ତିକିୱି ଆଗେ ଖ୍ରୀଷ୍ଟଙ୍ଗ୍ ନିନ୍ଦାକିଜି ମାଚାଙ୍ଗ୍, ଆରେ ପାର୍ତି କିନାକାରିଙ୍ଗ୍ ଦୁକ୍‌କଷ୍ଟ ହିଜି ମାଚାଙ୍ଗ୍ ଆରେ ହେୱାରିଙ୍ଗ୍ ବେସି ହରିଆଣ୍ କିଜି ମାଚାଙ୍ଗ୍। ମାତର୍ ଆନେଙ୍ଗ୍ ନଙ୍ଗୟ୍ ପାତେକ୍ ଖ୍ରୀଷ୍ଟଙ୍ଗ୍ ପୁନ୍‌ୱାଦାଙ୍ଗ୍ ମାଚାଙ୍ଗ୍ ଆରେ ଇନାକା ଆନେଙ୍ଗ୍ କିନାଙ୍ଗା ହେଦାଙ୍ଗ୍ ପୁନ୍‌ୱାଦାଙ୍ଗ୍ କିତି କାଜିଙ୍ଗ୍ ଖ୍ରୀଷ୍ଟ ନାଙ୍ଗେଙ୍ଗ୍ ଦୟା କିତ୍‌ତାନ୍‌ନା।

୧ ତିମତି 1:16

ଜେକନିକାର୍ ଇନେସ୍ ଯୀଶୁ ଖ୍ରୀଷ୍ଟତାକେ ପାର୍ତି କିଜି ୱିଜ୍‌ୱି ଜିବୁନ୍ ପାୟାଆନାର୍‌, ହେଦାଙ୍ଗ୍ ହେୱାର୍ ଲାଗାୟ୍ ଚଚ୍‌ନି କାଜିଙ୍ଗ୍ ଈଶ୍ୱର କାସି ମାନ୍‌ଞ୍ଜି ସାସ୍ ଆସ୍ତି ଦୟା କିତ୍‌ତାନ୍‌ନା।

୨ ତିମଥି 2:10

ଲାଗିଙ୍ଗ୍ ଈଶ୍ୱର ବାଚିକିତି ମାନାୟାର୍ ଇନେସ୍ ଯୀଶୁ ଖ୍ରୀଷ୍ଟତାକେ ପାର୍ତି କିଜି ଉଦାର୍ ପାୟାଆନାର୍‌, ଆରେ ୱିଜୁଦିନ୍ ମାନି ଗୌରବ ପାୟାଆନାର୍‌। ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ହେୱାର୍ କାଜିଙ୍ଗ୍ ୱିଜୁ ବିଷୟତିଙ୍ଗ୍ ସାହାସ୍ ଆସ୍ତି ମାଞ୍ଜେଙ୍ଗ୍ ରେଡି ମାନାଙ୍ଗ୍।

୧ ପିତର 2:10

ହସିୟ ଭବିଷ୍ୟତ୍‌ବକ୍ତା ମି ବିଷୟରେ ଇଲେକେ ୱେଚ୍‌ଚାନ୍‌ନା, “ଏପେଙ୍ଗ୍ ଆଗେ ଈଶ୍ୱର ଲକ୍ ଆୱାଦାଙ୍ଗ୍ ମାଚାଦେର୍, ମାତର୍ ନଙ୍ଗୟ୍ ଈଶ୍ୱର ମିଙ୍ଗେଙ୍ଗ୍ ତା ଲକ୍ କିତ୍‌ତାନ୍‌ନା। ଈଶ୍ୱର ଆଗେ ମିଙ୍ଗେଙ୍ଗ୍ ଦୟା କିଦ୍‌ୱାଦାଙ୍ଗ୍ ମାନ୍‌ଞ୍ଚାନ୍, ମାତର୍ ନଙ୍ଗୟ୍ ଈଶ୍ୱର ମିଙ୍ଗେଙ୍ଗ୍ ଦୟା କିତ୍‌ତାନ୍‌ନା।”

୧ ପିତର 2:8

ଆରେ ପା ଦରମ୍ ସାସ୍ତର୍‌ତାକେ ଇଲେକେ ଲେକାଆତାତ୍‌ନା, “ଇ କାଲ୍ କାଜିଙ୍ଗ୍ ମାନାୟାର୍ ଉଜ୍‌ଦି ମେଦ୍‌ନିତ ଗୁର୍‌ନାର୍‌। ଇଦାଙ୍ଗ୍ ନେ ହେ କାଲ୍ ଇମ୍‌ଣାକା ମାନାୟାରିଙ୍ଗ୍ ତାରେନ୍ ଗୁତ୍‌ନାତା।” ଇନେସ୍‌କି ହେୱାର୍ ଈଶ୍ୱର କାତାତିଙ୍ଗ୍ ପାର୍ତି କିୱାତାର୍ ହେଦାଙ୍ଗ୍ କାଜିଙ୍ଗ୍ ହେୱାର୍ ହେ କାଲ୍‌ଦ ଉଜ୍‌ଦି ଗୁର୍‌ତାର୍, ଆରେ ଇଲେକେ ଆଦେଙ୍ଗ୍ ଈଶ୍ୱର ନେ ଉପାୟ୍ କିଜି ମାଚାନ୍।

୨ ପିତର 1:1

ଆନେଙ୍ଗ୍ ଶିମନ ପିତର ଯୀଶୁ ଖ୍ରୀଷ୍ଟନି ରକାଙ୍ଗ୍‌ ଦାସ୍ ଆରେ ବାଚିକିତି ଚେଲା ଇ ଚିଟି ଲେକିକିନାଙ୍ଗା। ଯୀଶୁ ଖ୍ରୀଷ୍ଟତି ମା ଈଶ୍ୱର ଆରେ ଉଦାର୍ କିଦ୍‌ନାକାନ୍, ହେୱାନ୍ ଈଶ୍ୱର ଲାଗାୟ୍ ମାଙ୍ଗେଙ୍ଗ୍ ଦରମ୍ ମାନାୟ୍ କିତ୍‌ତାନ୍‌ନା। ଆରେ ହେୱାନ୍ ମାଙ୍ଗେଙ୍ଗ୍ ବେସି ମୁଲ୍ୟକାଟି ପାର୍ତି ହିତ୍‌ତାନ୍‌ନା, ଆରେ ଇମ୍‌ଣାକାର୍ ମା ଲେକେ ହାମାନ୍ ପାର୍ତି ପାୟାଆତାର୍‌ନା, ହେୱାର୍ ଲାଗାୟ୍ ଆନେଙ୍ଗ୍ ଇ ଚିଟି ଲେକିକିନାଙ୍ଗା।

୨ ପିତର 2:3

ଇ ମାଷ୍ଟେରାର୍ ବେସି ଲବ୍ରାର୍। ହେୱାର୍ ମିବେତାଙ୍ଗ୍ ଡାବୁଙ୍ଗ୍ ଲାବ୍ ପାୟାଆନି କାଜିଙ୍ଗ୍, ହେୱାର୍ ମାନ୍‌ତାଙ୍ଗ୍ ରସ୍ତି କାତା ୱେଚ୍‌ଚି ମିଙ୍ଗେଙ୍ଗ୍ ଟକାୟ୍ କିଦ୍‌ନାର୍। ଲାଗିଙ୍ଗ୍ ଈଶ୍ୱର ବେସି ବାହ୍‌ରୁ ଆଗେ ହେୱାରିଙ୍ଗ୍ ଦଣ୍ଡ୍ ହିନାନ୍ ଇଞ୍ଜି ଇଚା କିତାନ୍‌ନା, ଆରେ ହେୱାନ୍ ଇଦାଙ୍ଗ୍ କିନି କାଜିଙ୍ଗ୍ ରେଡି ଆତାନ୍‌ନା। ହେୱାନ୍ ହେୱାରିଙ୍ଗ୍ ହାତ୍‌ପା ନଷ୍ଟ କିନାନ୍।

ଜିହୁଦା 1:4

ଈଶ୍ୱରତିଙ୍ଗ୍ ମାନିକିୱି ବୁଲ୍ ହିକ୍ଷାହିନି ମାଷ୍ଟେରାର୍ ଆସେଙ୍ଗ୍ ପୁନ୍‌ୱାଦାଙ୍ଗ୍ କେତେକ୍ ମା ବିତ୍ରେ ହଟାର୍‌ନା। ଇ ମାନାୟାର୍ ବିଷୟରେ ଈଶ୍ୱର ବେସି ବାହ୍‌ରୁ ଆଗେ ସାସ୍ତର୍‌ତାକେ ୱେଚ୍‌ଚାନ୍‌ନା ଯେ ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍। ହେୱାର୍ କରାପ୍ କାମାୟ୍ କିଜି ଜାର୍‌ତିଙ୍ଗ୍ ରକ୍ଷା କିନି କାଜିଙ୍ଗ୍, ହେୱାର୍ ମା ଈଶ୍ୱର ଦୟାନି କାତାତିଙ୍ଗ୍ ବିଗ୍‌ଡ଼ାୟ୍ କିତାର୍‌ନା। ମା ରକାନ୍ ଇଞ୍ଜି ମାଷ୍ଟେର୍ ଆରେ ମାପୃ ଯୀଶୁ ଖ୍ରୀଷ୍ଟଙ୍ଗ୍ ଆହୁର୍।