୧ ଥେସଲନୀକିୟ 5:7 - New Testament in Pengo Parja Language

⁷ ହେଦାଙ୍ଗ୍ କାଜିଙ୍ଗ୍ ଇମ୍‌ଣାକାର୍ ହୁଞ୍ଜ୍‌ନାର୍, ହେୱାର୍ ନାଣାଲିଙ୍ଗ୍ ହୁଞ୍ଜ୍‌ନାର୍, ଆରେ ଇମ୍‌ଣାକାର୍ କାଲିଙ୍ଗ୍ ଉଣାର୍ ହେୱାର୍ ମିକାଲିଙ୍ଗ୍ ନେ ଉଣାର୍।

ସତ୍‌ ବଚନ୍‌ ପୁନି ନିୟମ୍‌

⁷ ଲାଗିଂ ଇମ୍‌ଣାକାର୍‌ ହୁନ୍‌ଞ୍ଜି ହାନାର୍‍, ହେୱାର୍‌ ନାଣା ହୁଞ୍ଜି ହାନାର୍‍, ଆରେ ଇନେର୍‌ ମଦୁଆ ଆନାର୍‌, ହେୱାର୍‌ ନାଣା ହଚ୍‍ନାର୍‍ ।

୧ ଥେସଲନୀକିୟ 5:7 Iomraidhean Croise

ଜହନ୍‌ 2:10

ହେୱାନ୍ ବରଙ୍ଗ୍ ୱେଚ୍‌ଚାନ୍, “ୱିଜାକାର୍ ପାର୍ତୁମ୍ ହାର୍ଦି ଅଙ୍ଗୁର୍ ରାସ୍ ଉଣ୍ଡେଙ୍ଗ୍ ହିଦ୍‌ନାର୍। ଆରେ ମାନାୟାରିଙ୍ଗ୍ ମାନ୍ ବାଙ୍ଗାଆତିସ୍‌ ମାମୁଲ୍ ଅଙ୍ଗୁର୍ ରାସ୍ ହିନାଦେର୍। ମାତର୍ ଏପେଙ୍ଗ୍ ନଙ୍ଗୟ୍ ପାତେକ୍ ହାର୍ଦି ଅଙ୍ଗୁର୍ ରାସ୍ ଇଡ଼୍‌ତାଦେର୍‌ନା।”

ପକ୍ୟାତାକା 2:15

ଏପେଙ୍ଗ୍ ଇନେସ୍ ମାନ୍ତ ବାବିକିନାଦେରା ହେଲେକେ ଇୱାର୍ ହଚ୍‌ୱାତାର୍‌ନା। ନଙ୍ଗୟ୍ ତ ନାଡ଼ିସ୍ ନଅଟା ଆତାତ୍‌ନା।

ରୋମିୟ 13:13

ଆସେଙ୍ଗ୍ ଦରମ୍ ଆରେ ସତ୍ ଆଜି ୱିଜୁ କାମାୟ୍ କିନି ଦର୍‌କାର୍, ଲାଗିଙ୍ଗ୍ ୱିଜାର୍ ମାନାୟ୍ ମା ବ୍ୟବହାର୍‌ତିଙ୍ଗ୍ ହାର୍ ଇଞ୍ଜି ଇଞ୍ଜ୍‌ନାର୍। ଆସେଙ୍ଗ୍ କାଲିଙ୍ଗ୍ ଉଣି ଦଳ୍‌ତାଙ୍ଗ୍ କି ଦାରି କାମାୟ୍ କିନାକାର୍‌ତାଙ୍ଗ୍, କି ଜେକନି କଗ୍‍ଲେକ୍ ହୁଦାଙ୍ଗ୍ ମାନାକା କି ଗଣ୍ଡ୍‍ଗଲ୍ କିନି ଦଳ୍‌ତାକେ ମାନାକା ଆରେ ଆକାର୍ ଆନି ମାନାୟାର୍ ହୁଦାଙ୍ଗ୍ ମାହା ଆମାଟ୍।

୧ କରନ୍ତିୟ 15:34

ଏପେଙ୍ଗ୍ ଟିକ୍ ବିଷୟତିଙ୍ଗ୍ ହାର୍‌ଦାଙ୍ଗ୍ ଚିନ୍ତା କିୟାଟ୍, ଆରେ ପାପ୍ କାମାୟ୍ କିନାକା ବନ୍ଦ୍ କିୟାଟ୍। ଇନେସ୍‌କି ମି ବିତ୍ରେତାଙ୍ଗ୍ କେତ୍‌ଜାଣ୍ ମାନାର୍ ହେୱାର୍ ଈଶ୍ୱରତିଙ୍ଗ୍ ମୁଡ଼୍‌କେ ପୁନ୍‌ୱାତାର୍‌ନା ଆରେ ହେୱାରିଙ୍ଗ୍ ଲାଜୁ କିଦେଙ୍ଗ୍ ଇ ୱିଜୁ ବିଷୟରେ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା।

ଏପିସିୟ 5:14

ଲାଗିଙ୍ଗ୍ ମାନାୟାର୍ ଇ ଲେକେ କିନାର୍, “ଏ ହୁଞ୍ଜ୍‌ନି ମାନାୟ୍ କାଦେର୍ ନିଙ୍ଗାଟ୍, ହାଃନି ମାନାୟାର୍ ବିତ୍ରେତାଙ୍ଗ୍ ନିଙ୍ଗାଟ୍, ଆରେ, ଖ୍ରୀଷ୍ଟ ମିଙ୍ଗେଙ୍ଗ୍ ଅଜଡ଼୍ ହିଦ୍‌ନାନ୍।”

ଏପିସିୟ 5:18

ଆରେ ଅଙ୍ଗୁର୍ ରାସ୍ ଉଣ୍‌ଜି ହଜ୍‌ଜି ମାନ୍‌ମାଟ୍। ଇନେସ୍‌କି ହେବେତାଙ୍ଗ୍ ନେ ମାନାୟାର୍ ପଶୁ ଲେକେ ବ୍ଯବହାର୍ କିନାର୍। ମାତର୍ ଏପେଙ୍ଗ୍ ପବିତ୍ର ଆତ୍ମାତାଙ୍ଗ୍ ପୁରା ଆଡ।

୨ ପିତର 2:13

ହେୱାର୍ ଅଦରମ୍‌ରେ କିତି ପୁରଷ୍କାର୍ ହେୱାରିଙ୍ଗ୍ ନଷ୍ଟ କିନାତ୍। ହେୱାର୍ ୱେଡ଼ାଲିଙ୍ଗ୍ କରାପ୍ କାମାୟ୍ କିନି କାଜିଙ୍ଗ୍ ବେସି ୱାରିୟା ଆନାର୍। ହେୱାର୍ ମି ବିତ୍ରେ ରଞ୍ଜାଙ୍ଗ୍ ଅପ୍‌ମାନ୍ ଆରେ ପ୍ରାଲ୍ ଲେକେ। ହେୱାର୍ ହାର୍‌ଦାକାଙ୍ଗ୍ ଇଞ୍ଜି ଚଞ୍ଜି ଆଜି ମିହୁଦାଙ୍ଗ୍ ମାହାଆଜି ଚିଚିସ୍ ପା, ହେୱାର୍ ଟକାୟ୍‌କିନି କାମାୟ୍‌ତିଙ୍ଗ୍ କିଦେଙ୍ଗ୍ ୱାରିୟା ଆନାର୍।