୧ ଥେସଲନୀକିୟ 5:6 - New Testament in Pengo Parja Language

⁶ ଲାଗିଙ୍ଗ୍ ଆପେଙ୍ଗ୍ ବିନ୍‌ଜାତିର୍ ମାନାୟାର୍‌ଲେକେ ହୁଞ୍ଜୁସ୍‌, ମାତର୍ ଜାଗ୍ରତ୍ ଆଜି ଖ୍ରୀଷ୍ଟ ଆରେରଗ ୱାନାନ୍ ଇଞ୍ଜି କାସି ମାନାସ୍।

ସତ୍‌ ବଚନ୍‌ ପୁନି ନିୟମ୍‌

⁶ ଲାଗିଂ ୱାଡୁ, ଆସେଙ୍ଗ୍‌ ବିନ୍‌ନିକାର୍‌ ଲାକେ ହୁଞ୍ଜ୍‌ୱାଦାଙ୍ଗ୍‌, ମତର୍‌ ଜାଗ୍ରତ୍‌ ଆଜ଼ି ଚେତ୍‌ନା ଆଜ଼ି ମାନାସ୍‌ ।

୧ ଥେସଲନୀକିୟ 5:6 Iomraidhean Croise

ମାତିଉ 13:25

ମାତର୍ ମାନାୟ୍ ହୁନ୍‌ଞ୍ଚିହିଙ୍ଗ୍ ତା ଶାତ୍ରୁ ୱାଜି ହେ ଗହମ୍‌ ୱିତ୍‌ତିତାକେ କାଚ୍ରା ୱିତ୍‌ଦି ହାଚାନ୍।

ମାତିଉ 24:42

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ପାର୍ତାନାତାକେ ଜାଗ୍ରତ୍ ଆଜି ମାନାଟ୍। ଲାଗିଙ୍ଗ୍ ମି ମାପୃ ଇମ୍‌ଣିଦିନ୍ ୱାନାନ୍, ହେଦାଙ୍ଗ୍ ଏପେଙ୍ଗ୍ ପୁନୁଦେର୍।

ମାତିଉ 25:13

ଲାଗିଙ୍ଗ୍ ଏପେଙ୍ଗ୍ ପାର୍ତାନାତାକେ ଜାଗ୍ରତ୍ ଆଜି ମାନାଟ୍। ଲାଗିଙ୍ଗ୍ ଏପେଙ୍ଗ୍ ହେ ଦିନ୍ ଇନାୱେଡ଼ାଙ୍ଗ୍ ଇ ଗଟ୍‌ନା ଏକିୱାନାତ୍ ହେଦାଙ୍ଗ୍ ଏପେଙ୍ଗ୍ ପୁନୁଦେର୍।”

ମାତିଉ 25:5

ବର ୱାଦେଙ୍ଗ୍ ଲେଟ୍ ଆତାତ୍। ୱିଜୁ ଗାଡ଼୍‌ଚେକ୍ ୱାସ୍ତି ପାଚେ ହୁନ୍‌ଚିକ୍।

ମାତିଉ 26:38

ହେପାଦ୍ନା ଯୀଶୁ ଚେଲାହିରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ବେସିଦୁକ୍ କଷ୍ଟତାକେ ମାନାଙ୍ଗ୍ ନାଙ୍ଗେଙ୍ଗ୍ ଜିବୁନ୍ ହସି ହାଃନିଲେକେ ହତ୍‍ନାତା। ଏପେଙ୍ଗ୍ ଇବେ ମାନ୍‌ଞ୍ଜି ନାଙ୍ଗେଙ୍ଗ୍ କାସି ମାଞ୍ଜାଟ୍।”

ମାର୍କ 13:37

ଆନେଙ୍ଗ୍ ମିଙ୍ଗେଙ୍ଗ୍ ଇନାକା ୱେଚ୍‌ଚାନାଙ୍ଗା, ହେଦାଙ୍ଗ୍ ଜେକନିକାରିଙ୍ଗ୍ ପା ୱେଚ୍‌ଚାନାଙ୍ଗା, ଜାଗ୍ରତ୍ ଆଜି ୱିଜୁଦିନ୍ କାସିମାନାଟ୍।’ ”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:37

ହେ ହଲିଆହିର୍ ବାଗ୍ଯ, ଇମ୍‌ଣାକାରିଙ୍ଗ୍ ମାଲିକ୍ ୱାଜି ହୁଡ଼୍‌ତାନ୍ ଯେ ହେୱାର୍ ଜାଗ୍ରତ୍ ଆଜି ହେୱାନିଙ୍ଗ୍ କାତାର୍‌ନା। ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗ୍। ମାଲିକ୍ ପା ହଲିଆ ଲେକେ ଆଜି ହେୱାରିଙ୍ଗ୍ ହେବା କିଦେଙ୍ଗ୍ ଇଚାକିନାନ୍। ଆରେ ନିଜେ କାଦି ବାଟାକିଜି ହିନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:39

ମାତର୍ ଇଦାଙ୍ଗ୍ ଏପେଙ୍ଗ୍ ପୁନ୍‌ଞ୍ଜି ମାନାଟ୍, ଯଦି ଇଲ୍‌ନି ମାଲିକ୍ ଆଗେତାଙ୍ଗ୍ ଚର୍‌କୁ ୱାନାକା ପୁନ୍‌ଞ୍ଜି ମାଚିସ୍। ହେୱାନ୍ ତାଞ୍ଜ ଚର୍‌କୁକାଙ୍ଗ୍ ହଟ୍‌ପି କିୱାତାନ୍‌ମା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:36

ଏପେଙ୍ଗ୍ ପାର୍ତାନା କିଜି ୱିଜୁଦିନ୍ ଜାଗ୍ରତ୍ ମାନାଟ୍। ଲାଗିଙ୍ଗ୍ ଏପେଙ୍ଗ୍ ୱାନି ଦୁକ୍‌ନି ସମୟ୍‌ତିଙ୍ଗ୍ ରକ୍ଷା ପାୟାଆନାଦେର୍। ଆରେ ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ମୁମ୍‌ଦ ସାସ୍ ଆସ୍ତି ନିଲ୍‌ତେଙ୍ଗ୍ ଆଡ୍‌ନାଦେର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:46

ଯୀଶୁ ତା ଚେଲାହିରିଙ୍ଗ୍ ୱେଚ୍‌ଚାନ୍, “ଇନା କିଦେଙ୍ଗ୍ ହୁଞ୍ଜ୍‌ନାଦେରା? ପରିକ୍ଷା ଇନେସ୍ ପାୟା ଆଉଦେର୍, ଇଦାଙ୍ଗ୍ କାଜିଙ୍ଗ୍ ନିଙ୍ଗ୍‌ଞ୍ଜି ଈଶ୍ୱରତାକେ ପାର୍ତାନା କିୟାଟ୍।”

ପକ୍ୟାତାକା 20:31

ଲାଗିଙ୍ଗ୍ ଏପେଙ୍ଗ୍ ଜାଗ୍ରତ୍ ଆଜି ମାନାଟ୍! ଆରେ ଆନେଙ୍ଗ୍ ତିନ୍ ବାର୍ହୁ ପାତେକ୍ ୱେଡ଼ା ନାଣା ଆଡ଼୍‌ବିସ୍‌-ଆଡ଼୍‌ବିସ୍‌ ମିଙ୍ଗେଙ୍ଗ୍ ହିକ୍ଷାହିଜି ମାନ୍‌ଞ୍ଚାଙ୍ଗ୍ ହେଦାଙ୍ଗ୍ ଏପେଙ୍ଗ୍ ମାନ୍ତ ଏତୁକିୟାଟ୍।

୧ କରନ୍ତିୟ 15:34

ଏପେଙ୍ଗ୍ ଟିକ୍ ବିଷୟତିଙ୍ଗ୍ ହାର୍‌ଦାଙ୍ଗ୍ ଚିନ୍ତା କିୟାଟ୍, ଆରେ ପାପ୍ କାମାୟ୍ କିନାକା ବନ୍ଦ୍ କିୟାଟ୍। ଇନେସ୍‌କି ମି ବିତ୍ରେତାଙ୍ଗ୍ କେତ୍‌ଜାଣ୍ ମାନାର୍ ହେୱାର୍ ଈଶ୍ୱରତିଙ୍ଗ୍ ମୁଡ଼୍‌କେ ପୁନ୍‌ୱାତାର୍‌ନା ଆରେ ହେୱାରିଙ୍ଗ୍ ଲାଜୁ କିଦେଙ୍ଗ୍ ଇ ୱିଜୁ ବିଷୟରେ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା।

୧ କରନ୍ତିୟ 16:13

ଏପେଙ୍ଗ୍ ହୁଞ୍ଜ୍‌କାର୍ ଲେକେ ଆମାଟ୍, ମାତର୍ ଆଦିକ୍‌ତାଙ୍ଗ୍ ଆଦିକ୍ ପାର୍ତି କିଜି ମାନାଟ୍। ଏପେଙ୍ଗ୍ ସାସ୍ ମାନାକାଦେର୍ ଆଡ ଆରେ ଆଦିକ୍‌ତାଙ୍ଗ୍ ଆଦିକ୍ ପାର୍ତିକିୟାଟ୍।

ଏପିସିୟ 2:3

ଆସେଙ୍ଗ୍ ପା ହେୱାର୍ ଲେକେ ଆଗେ ଜିବୁନ୍ କାଟିକିଜି ମାଚାପ୍। ଆପେଙ୍ଗ୍ ପାପ୍ ଗାଗାଡ଼୍‌ନି ଇଚାତାଙ୍ଗ୍ ଜିବୁନ୍ କାଟିକିଜି ମାନ୍‌ନି ୱିଜୁ ଇଚାତାଙ୍ଗ୍ ପୁରା କିଜି ମାଚାପ୍। ଆରେ ହେ ଆଦେସ୍ ମାନିକିୱି ହିମ୍‌ଣାର୍ ହୁଦାଙ୍ଗ୍ ଆପେଙ୍ଗ୍ ୱିଜାକାପ୍ ପା ରଞ୍ଜେମାଡ୍ ମା ଗାଗାଡ଼୍‌ନି ଇଚାତାଙ୍ଗ୍ ଜିବୁନ୍ କାଟିକିଜି ଗାଗାଡ଼୍‌ନି ଆରେ ମାନ୍‌ନି ଇଚା ପୁରା କିଜି ମାଚାପ୍। ଲାଗିଙ୍ଗ୍ ଜେକନିକାର୍ ଲେକେ ଆପେଙ୍ଗ୍ ପା ଈଶ୍ୱର ଦଣ୍ଡ୍ ପାୟାଆନି ଯଗ୍ଯ ଆଜି ମାଚାପ୍।

ଏପିସିୟ 5:14

ଲାଗିଙ୍ଗ୍ ମାନାୟାର୍ ଇ ଲେକେ କିନାର୍, “ଏ ହୁଞ୍ଜ୍‌ନି ମାନାୟ୍ କାଦେର୍ ନିଙ୍ଗାଟ୍, ହାଃନି ମାନାୟାର୍ ବିତ୍ରେତାଙ୍ଗ୍ ନିଙ୍ଗାଟ୍, ଆରେ, ଖ୍ରୀଷ୍ଟ ମିଙ୍ଗେଙ୍ଗ୍ ଅଜଡ଼୍ ହିଦ୍‌ନାନ୍।”

ଏପିସିୟ 6:18

ୱିଜୁଦିନ୍ ପବିତ୍ର ଆତ୍ମା ସାଇଜତାଙ୍ଗ୍ ଈଶ୍ୱରତାକେ ପାର୍ତାନା ଆରେ ଗୁୱାରି କିୟାଟ୍। ଆରେ ୱିଜୁ ସାଦୁ ମାନାୟାର୍ କାଜିଙ୍ଗ୍ କାସି ମାନ୍‌ଞ୍ଜି ପାର୍ତାନା କିୟାଟ୍।

ପିଲିପିୟ 4:5

ଏପେଙ୍ଗ୍ ହାର୍ଦି କାମାୟ୍ କିୟାଟ୍, ଇନେସ୍ ମିଙ୍ଗେଙ୍ଗ୍ ଦରମ୍ ମାନାୟ୍ ଇଞ୍ଜି ମାନାୟାର୍ ପୁଞ୍ଜ୍‌ନାର୍। ଇନେସ୍‌କି ଏପେଙ୍ଗ୍ ମାନ୍ତ ଇଟାଟ୍ ଯେ ମାପୃ ଇକାତାନେ।

କଲସିୟ 4:2

ଏପେଙ୍ଗ୍ ୱିଜୁଦିନ୍ ପାର୍ତାନା କିଜି ମାନାଟ୍। ଏପେଙ୍ଗ୍ ପାର୍ତାନା କିନିହିଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିୟାଟ୍ ଆରେ ଜାଗ୍ରତ୍ ଆଜି ମାନାଟ୍।

୧ ଥେସଲନୀକିୟ 4:13

ଏ ଟଣ୍ଡାର୍‌କାଦେର୍, ଇ ବିଷୟତିଙ୍ଗ୍ ଏପେଙ୍ଗ୍ ପୁନ୍‌ଞ୍ଜି ମାନାଟ୍ ଯେ, ମା ପାର୍ତିକିନି ମାନାୟାର୍ ହାଃତି ପାଚେ ଆରେରଗ ଈଶ୍ୱର ହେୱାରିଙ୍ଗ୍ ଜିବୁନ୍ ହିନାତ୍, ଲାଗିଙ୍ଗ୍ ଏପେଙ୍ଗ୍ ଆହା ହିଲି ବିନ୍‌ଜାତିନି ମାନାୟାର୍‌ଲେକେ ଦୁଃକ୍ କିଉଦେର୍।

୧ ଥେସଲନୀକିୟ 5:10

ହେୱାନ୍ ମା କାଜିଙ୍ଗ୍ ହାଃତାନ୍। ହେୱାନ୍ ଏଚେପାଦ୍ନା ଆରେରଗ ୱାତିସ୍, ଆସେଙ୍ଗ୍ ଜିବୁନ୍ ମାଚିସ୍ କି ହାଃଜି ମାଚିସ୍ ପା, ତା ଲାହାଙ୍ଗ୍ ୱିଜୁଦିନ୍ ଜିବୁନ୍‌ଆଜି ମାନାସ୍।

୧ ଥେସଲନୀକିୟ 5:8

ମାତର୍ ଆପେଙ୍ଗ୍ ଅଜଡ଼୍‌ନି ମାନାୟ୍ ଆଦେଙ୍ଗ୍ ଜାର୍‌ତିଙ୍ଗ୍ କଣ୍ଟ୍ରୁଲ୍ ଆଜି ମାନି ଦର୍‌କାର୍। ଇନେସ୍‌କି ର ସେନା ତା ଉଦାର୍ କାଜିଙ୍ଗ୍ ପିତାଡ଼୍ ଆଙ୍ଗି ରସ୍ତି ଜପି ଉସ୍‌ପାନାନ୍, ହେଲେକେ ଏପେଙ୍ଗ୍ ପାର୍ତି ଆରେ ଜାର୍-ଜାର୍‌ବିତ୍ରେ ଲାଡ୍‌କିନି ଦର୍‌କାର୍। ଆରେ ସେନା ଜାର୍ କାପ୍‌ଡ଼ାତିଙ୍ଗ୍ ରକ୍ଷା କିନି କାଜିଙ୍ଗ୍ ପିତାଡ଼୍‌ତାଙ୍ଗ୍ ରସ୍ତି ହେଲ୍‌ମେଟ୍ ଆହା ଇଡ଼୍‌ଜି ତୁଜ୍‌ନାନ୍, ହେଲେକେ ଈଶ୍ୱର ମାଙ୍ଗେଙ୍ଗ୍ ୱିଜୁ ଦିନ୍‌ତି ଦଣ୍ଡ୍‌ତାଙ୍ଗ୍ ରକ୍ଷା କିତ୍‌ତାନ୍‌ନା।

୧ ତିମତି 2:15

ମାତର୍ କଗ୍‍ଲେକ୍ ଯଦି ହାର୍ଦି ବୁଦିତାଙ୍ଗ୍ ପାର୍ତି, ଲାଡ୍ ଆରେ ଦରମ୍ କଗ୍‌ଲେ ଆଜି ମାଚିସ୍ ଈଶ୍ୱର ହେୱେକାଙ୍ଗ୍ ରକ୍ଷା କିନାନ୍, ଏଚେପାଦ୍ନା ହେୱେକ୍ ହିମ୍‌ଣାତିଙ୍ଗ୍ ଜନମ୍ କିନିକ୍।

୧ ତିମତି 2:9

ହେଲେକେ କଗ୍‍ଲେକ୍ ତା ତେମୁଲ୍‌ତିଙ୍ଗ୍ ଷ୍ଟାଇଲ୍ ଆରେ ହନା ରୁପା କି ବେସି ଦାମ୍‌ନି ହେନ୍ଦ୍ରା ଉସ୍‍ପି ରଞ୍ଜ୍‌ଞ୍ଜେଙ୍ଗ୍ ଦିୟାନ୍ ହିମେକ୍। ମାତର୍ ହାର୍‌ଦାଙ୍ଗ୍ ଆରେ ମାନାୟାର୍ ମାନି କିନିଲେକେ ହେନ୍ଦ୍ରାଙ୍ଗ୍ ଉସ୍‌ପେକ୍।

୧ ତିମତି 3:11

ହେଲେକେ କଗ୍‍ଲେକ୍ ପା ସନ୍‌ମାନ୍ ପାୟାଆନି ତା କଗ୍‌ଲେ ଆନାକା ମାନାତ୍, ଗାଣ୍‌ଜୁ କିୱାକା ମାନାତ୍, ୱିଜୁ ପରିସ୍ତିତିତାକେ ପା ହେଦେଲ୍ କଣ୍ଟ୍ରୁଲ୍ ଆରେ ବିସ୍‌ବାସ୍‌ତ ଆଜି ମାନାକା ମାନାତ୍।

୧ ତିମତି 3:2

ହେଦାଙ୍ଗ୍ କାଜିଙ୍ଗ୍ ବିଶପ୍‌ ଲାଗାୟ୍ ଇ ଗୁଣ୍ ୱିଜୁ ମାନି ଦର୍‌କାର୍, ମାନାୟ୍ ହେୱାନିଙ୍ଗ୍ ନିନ୍ଦା କିତିଲେକେ ଜିବୁନ୍ କାଟି କିନାକା ମାନ୍‌ଗାନାକା ମାନାତ୍। ହେୱାନ୍ ରଞ୍ଜାଙ୍ଗ୍ ନେ ଡକ୍ରି କିଜି ମାନି ଦର୍‌କାର୍, ୱିଜୁ ପରିସ୍ତିତିତାକେ ପା ହେୱାନ୍ ଶାନ୍ତିଆଜି କାମାୟ୍ କିଦେଙ୍ଗ୍ ଆଡ୍‌ନାକା ମାନାତ୍, କଣ୍ଟ୍ରୁଲ୍ କିଦେଙ୍ଗ୍ ଆଡ୍‌ନାକା ମାନାତ୍। ମାନାୟାର୍‌ତାଙ୍ଗ୍ ସନ୍‌ମାନ୍ ପାୟା ଆଦେଙ୍ଗ୍ ଜଗ୍ଯ ମାନାକା ମାନାତ୍। ହେୱାନ୍ ଗତାଙ୍ଗ୍ ମାନି କିନିଲେକେ ଆନାକା ମାନାତ୍ ଆରେ ଈଶ୍ୱରନି ହିକ୍ଷାତିଙ୍ଗ୍ ହିକାଇ କିଦେଙ୍ଗ୍ ଆଡ୍‌ନାକା ମାନାତ୍।

୨ ତିମଥି 4:5

ମାତର୍ ଏପେଙ୍ଗ୍ ୱିଜୁ ବିଷୟତାଙ୍ଗ୍ ଜାଗ୍ରତ୍ ଆଜି ମାନାଟ୍, କଷ୍ଟତିଙ୍ଗ୍ ମାନି କିୟାଟ୍ ହାର୍ଦିକାବୁର୍‌ତିଙ୍ଗ୍ ଶୁଣାୟ୍ କିୟାଟ୍ ଆରେ ମି ହେବା କାମାୟ୍‌ନି କାମାୟ୍‌ତିଙ୍ଗ୍ ପୁରା କିୟାଟ୍।

ତୀତସ 2:12

ଆସେଙ୍ଗ୍ ଇନେସ୍ ଅଦରମ୍‌ ଆରେ ପୁର୍ତିନି ଇଚାତାଙ୍ଗ୍ ପିସ୍ତି ଇ ନଙ୍ଗୟ୍‌ନି ଯୁଗ୍‌ତ ଇ ପୁର୍ତିତାକେ ବୁଦି ହୁଦାଙ୍ଗ୍, ଦରମ୍ ମାନାୟ୍ ଆଜି ଜିବୁନ୍ କାଟିକିନି ଦର୍‌କାର୍।

ତୀତସ 2:6

ହେଲେକେ ବେଣ୍ଡିଆ ହିମ୍‌ଣାକାଙ୍ଗ୍ ୱିଜୁ ବିଷୟରେ ବୁଦିତାଙ୍ଗ୍ ବ୍ଯବହାର୍ କିନି କାଜିଙ୍ଗ୍ ସାହାସ୍ ହିୟାଟ୍।

୧ ପିତର 1:13

ହେଦାଙ୍ଗ୍ କାଜିଙ୍ଗ୍ ମାନାୟାର୍ କାମାୟ୍ କିନିହିଙ୍ଗ୍ ମେଙ୍ଗାକାଙ୍ଗ୍ ତୁୱାଲ୍ ଗାଚିଆ ଆନିଲେକେ ମି ମାନ୍‌ତିଙ୍ଗ୍ କିଲେର୍ ଆରେ ଜାର୍‌ତିଙ୍ଗ୍ କଣ୍ଟ୍ରୁଲ୍ କିୟାଟ୍। ଆରେ ଯୀଶୁ ଖ୍ରୀଷ୍ଟ ଆରେରଗ ୱାନି ଦିନ୍‌ତ ଦୟାକିଜି ହିଦ୍‌ନି ଉଦାର୍‌ତିଙ୍ଗ୍ ପାୟାଆନି କାଜିଙ୍ଗ୍ ଆହା କିଜି ମାନାଟ୍।

୧ ପିତର 4:7

ଇ ପୁର୍ତି ବେଗି ସେସ୍ ଆନାତ୍‌ଦେ। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ମି ମାନ୍‌ତିଙ୍ଗ୍ କିଲେର୍ କିୟାଟ୍ ଆରେ ପାର୍ତାନା କିଜି ଜାର୍‌ତିଙ୍ଗ୍ କଣ୍ଟ୍ରୁଲ୍ କିୟାଟ୍।

୧ ପିତର 5:8

ଏପେଙ୍ଗ୍ ମି ମାନ୍‌ତିଙ୍ଗ୍ କିଲେର୍ କିୟାଟ୍ ଆରେ ଜାଗ୍ରତ୍ ଆଜି ମାନାଟ୍, ଇନେସ୍‌କି ମି ଶାତୃ ଶୟତାନ ନି ସିଂହ ବୁର୍‌କା ଲେକେ ମାନାୟାରିଙ୍ଗ୍ ବିନାସ୍ କିଦେଙ୍ଗ୍ ଚାରିବେଣ୍‌ତାଙ୍ଗ୍ ଡେକ୍‌ଚି ବୁଲା ଆନାତା।

ହତ୍‌ତି 16:15

“ହେ ଶୟତାନ୍ ଆତ୍ମାଙ୍ଗ୍ ୱିଜୁ ଦେସ୍‌କୁକାଙ୍ଗ୍ ସାସନ୍ କିନି ମାନାୟାର୍ ଆରେ ତା ସେନାରିଙ୍ଗ୍ ଏବ୍ରୀ ବାଷାତାଙ୍ଗ୍ ଇନି ଆର୍ମାଗିଡନ୍ ତର୍‌ନି ବାହାତାକେ ରୁଣ୍ଡାୟ୍ କିତାର୍। ହେଦାଙ୍ଗ୍ କାଜିଙ୍ଗ୍ ମାପୃ ଯୀଶୁ ଇଲେକେ ୱେଚ୍‌ଚି ମାଚାନ୍ ନା ଇ ବେଣ୍‌ତିଙ୍ଗ୍ ୱେନାଟ୍। ଆନେଙ୍ଗ୍ ତିପ୍‌କୁ ର ଚରେନ୍ ୱାନିଲେକେ ୱାନାଙ୍ଗା। ଲାଗିଙ୍ଗ୍ ଇମ୍‌ଣି ମାନାୟାର୍ ଆନେଙ୍ଗ୍ ୱାନିହିଙ୍ଗ୍ ଚେତ୍‌ନା ମାନାଙ୍ଗାନାର୍ ଆରେ ତା ହେନ୍ଦ୍ରାତିଙ୍ଗ୍ ଜାଗ୍ରତ୍ କିଜି ଇଡ଼୍‌ଜି ମାନାର୍ ହେୱାର୍ ଆଶ୍ରିବାଦ୍ ପାୟାଆନାର୍‌। ହେୱାର୍ ନାଗ୍‌ଡ଼ା ମାନ୍‌ଗୁର୍‌ ଆରେ ହେୱାର୍ ବେସିହେନି ମାନାୟାର୍‌ତାକେ ହାଚିସ୍ ପା ଇନେର୍ ପା ହେୱାରିଙ୍ଗ୍ ଲାଜ୍ କିଦେଙ୍ଗ୍ ଆଡୁର୍।”

ହତ୍‌ତି 3:2

ହେଦାଙ୍ଗ୍ କାଜିଙ୍ଗ୍, ଏପେଙ୍ଗ୍ ହୁନ୍‌ଞ୍ଚିତାଙ୍ଗ୍ ନିଙ୍ଗାଟ୍। ଆରେ ନାଙ୍ଗେଙ୍ଗ୍ ଆଦିକ୍ ପାର୍ତି କିଦାଟ୍ ଇନେସ୍‌କି ଏପେଙ୍ଗ୍ କେତ୍‌ଜାଣ୍ ନାଙ୍ଗେଙ୍ଗ୍ ପାର୍ତି କିଦ୍‌ନାକା ବନ୍ଦ୍ କିତାଦେର୍‌ନା, ଲାଗିଙ୍ଗ୍ ମିତାକେ ମାନି ଖ୍ରୀଷ୍ଟାନ୍ ଗୁଣ୍ ପୁରାପୁରି ବାବ୍‌ରେ ମିବେତାଙ୍ଗ୍ ଦେହା ହାଲୁତ୍‌। ଇନେସ୍‌କି ଆନେଙ୍ଗ୍ ପୁଚାଙ୍ଗ୍‌ନା ମିଙ୍ଗେଙ୍ଗ୍ ବେସି ଖ୍ରୀଷ୍ଟାନ୍ ଗୁଣ୍ ଦର୍‌କାର୍ ମାନାତ୍, ଏପେଙ୍ଗ୍ ଈଶ୍ୱରତିଙ୍ଗ୍ ୱାରିଆ ଆନିଲେକେ କାମାୟ୍ କିଉଦେରା।