୧ ଥେସଲନୀକିୟ 5:4 - New Testament in Pengo Parja Language

⁴ ମାତର୍ ଏ ପାର୍ତିକିନି ଟଣ୍ଡାର୍‌କାଦେର୍, ଏପେଙ୍ଗ୍ ଶୟତାନନି ମାନାୟ୍ କାଦେର୍ ଆକାୟ୍। ମାତର୍ ଏପେଙ୍ଗ୍ ଈଶ୍ୱରତାକେନି ମାନାୟ୍ କାଦେର୍, ଲାଗିଙ୍ଗ୍ ମାପୃ ଯୀଶୁ ଏଚେକାଡ଼୍‌ଦ ଚରେନ୍‌ଲେକେ ତିପ୍‌କୁ ପୁର୍ତିତାକେ ୱାନାନ୍, ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଚାନିଆ ଆମାଟ୍।

ସତ୍‌ ବଚନ୍‌ ପୁନି ନିୟମ୍‌

⁴ ମତର୍‌ ଏ ଟଣ୍ଡାର୍‌, ଆରି ତଣ୍‌ଦେକ୍‌ ଏପେଙ୍ଗ୍‌ ମାଜ୍‌ଗାତ ଆକାୟ୍‌ ଜେ ହେ ଦିନ୍‌ ଚର୍‌ ଲାକେ ପୁନ୍‌ୱିଲାଡ଼େ ମି ଲାଗାଂ ଏକାୱାନାନ୍‌,

୧ ଥେସଲନୀକିୟ 5:4 Iomraidhean Croise

ମାତିଉ 10:15

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, “ବିଚାର୍ ଦିନ୍ ନାଞ୍ଜିଙ୍ଗ୍ ସଦୋମ ଆରେ ଗମୋରା ସହର୍ ଦଣ୍ଡ୍‌ତାଙ୍ଗ୍ ହେ ସହର୍‌ନି ମାନାୟାରିଙ୍ଗ୍ ଈଶ୍ୱର ବେସି ଦଣ୍ଡ୍ ହିନାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:34

ଯୀଶୁ ଆରେରଗ ୱେଚ୍‌ଚାନ୍, “ଜାଗ୍ରତ୍ ଆଜି ମାନାଟ୍। ଏପେଙ୍ଗ୍ କାଲିଙ୍ଗ୍ ଉଣ୍‌ଜି ହଜ୍‌ଜି ମାନ୍‌ମାଟ୍। ଆରେ ଜିଦେଙ୍ଗ୍ ଏପେଙ୍ଗ୍ ବାରବିନି ଚିନ୍ତା କିମାଟ୍। ମାତର୍ ଏପେଙ୍ଗ୍ ଜାଗ୍ରତ୍ ହିଲ୍‌ୱି ୱେଡ଼ାଲିଙ୍ଗ୍ ହେଦାପ୍ରେ ହେ ଦିନ୍ ୱାନାତ୍।

ପକ୍ୟାତାକା 26:18

ଲାଗିଙ୍ଗ୍ ହେୱାର୍ କରାପ୍ କାମାୟ୍ ପିସ୍ତି ହାର୍ଦି କାମାୟ୍ କିନାର୍, ଆରେ ଶୟତାନ୍ ଶାକ୍ତିତାଙ୍ଗ୍ ଈଶ୍ୱର ଲାଗାୟ୍ ୱାତିସ୍, ଈଶ୍ୱର ହେୱାର୍ ପାପ୍‌ତିଙ୍ଗ୍ କେମା କିନାନ୍। ଆରେ ନାବେ ପାର୍ତି କିଦେଙ୍ଗ୍ ଇନେରିଙ୍ଗ୍ ଦରମ୍ ମାନାୟ୍ କିତାନ୍‌ନା ହେୱାର୍ ହୁଦାଙ୍ଗ୍ ମାଞ୍ଜେଙ୍ଗ୍ ଈଶ୍ୱର ଆଦିକାର୍ ହିନାନ୍।

କଲସିୟ 1:13

ଇନେସ୍‌କି ହେୱାନ୍ ମାଙ୍ଗେଙ୍ଗ୍ ମାଜ୍‌ଗାନି ରାଜିତାଙ୍ଗ୍ ଉଦାର୍ କିତ୍‌ତାନ୍‌ନା। ଆରେ ତା ଲାଡ୍‌ନି ମେହି ସାସନ୍ କିନି ରାଜିତାକେ ମାଙ୍ଗେଙ୍ଗ୍ ଅତ୍‌ତାନ୍‌ନା।

୧ ଥେସଲନୀକିୟ 5:2

ଏଚେକାଡ଼୍‌ଦ ଆସେଙ୍ଗ୍ ଜାଗ୍ରତ୍ ଆଜି ମାନୁସ୍, ହେପାଦ୍ନା ର ଚରେନ୍ ମିକାଲିଙ୍ଗ୍ ୱାତିଲେକେ ମାପୃ ଯୀଶୁ ତିପ୍‌କୁ ପୁର୍ତିତାକେ ଆରେରଗ ୱାନାନ୍।

୨ ପିତର 3:10

ଖ୍ରୀଷ୍ଟ ହାତ୍‌ପା ଆରେରଗ ୱାନାନ୍। ଚର୍ ଇନେସ୍ ଇନେର୍ ପୁନ୍‌ୱିହିଙ୍ଗ୍ ହେଦାପ୍ରେ ୱାଜି ମାନାନ୍, ହେଲେକେ ମାପୃ ପା ହେଦାପ୍ରେ ୱାନାନ୍। ହେ ସମୟ୍‌ତ ବାଦାଡ଼୍‌ତାକେ ଗାଜା ଶବଦ୍ ଆନାତ୍, ଆରେ ବାଦାଡ଼୍ ଅଲପ୍‌ପା ଚଞ୍ଜ୍‌ଜୁତ୍। ସରଗ୍‌ତାକେ ମାନି ୱିଜୁ ଜିନିଷ୍, ୱେଡ଼ା, ଲେଞ୍ଜ୍ ଆରେ ହୁକାକାଙ୍ଗ୍ ଈଶ୍ୱର ପୁରାପୁରି ବାବ୍‌ରେ ନାଣିତାକେ କାଡି କିନାନ୍। ହେ ଦିନ୍ ମାନାୟାର୍ ଇ ପୁର୍ତିତାକେ ମାନିହିଙ୍ଗ୍ କିଜିମାଚି ୱିଜୁ ବିଷୟ ଈଶ୍ୱର ଚଚ୍‍ନାନ୍ ଆରେ ହେୱାରିଙ୍ଗ୍ ହେୱାନ୍ ବିଚାର୍ କିନାନ୍।

୧ ଯୋହନ 2:8

ଆତିସ୍‌ପା ଆନେଙ୍ଗ୍ ପୁନି ଆଦେସ୍ ମିତାକେ ଲେକିକିନାଙ୍ଗା, ଇଦାଙ୍ଗ୍ ଖ୍ରୀଷ୍ଟତାକେ ଆରେ ମିତାକେ ସତ୍ ଇଞ୍ଜି ପୁନ୍ୟା ଆନାତା। ଇନେସ୍‌କି ମାଜ୍‌ଗାଲେକେ କରାପ୍ କାମାୟ୍‌ତିଙ୍ଗ୍ ଗୁଚାୟ୍ କିତାନ୍‌ନା, ଆରେ ଅଜଡ଼୍‌ଲେକେ ଈଶ୍ୱରତି ସତ୍‌ତିଙ୍ଗ୍ ମାନାୟାର୍ ହୁଡ଼୍‌ନାରା।

ହତ୍‌ତି 16:15

“ହେ ଶୟତାନ୍ ଆତ୍ମାଙ୍ଗ୍ ୱିଜୁ ଦେସ୍‌କୁକାଙ୍ଗ୍ ସାସନ୍ କିନି ମାନାୟାର୍ ଆରେ ତା ସେନାରିଙ୍ଗ୍ ଏବ୍ରୀ ବାଷାତାଙ୍ଗ୍ ଇନି ଆର୍ମାଗିଡନ୍ ତର୍‌ନି ବାହାତାକେ ରୁଣ୍ଡାୟ୍ କିତାର୍। ହେଦାଙ୍ଗ୍ କାଜିଙ୍ଗ୍ ମାପୃ ଯୀଶୁ ଇଲେକେ ୱେଚ୍‌ଚି ମାଚାନ୍ ନା ଇ ବେଣ୍‌ତିଙ୍ଗ୍ ୱେନାଟ୍। ଆନେଙ୍ଗ୍ ତିପ୍‌କୁ ର ଚରେନ୍ ୱାନିଲେକେ ୱାନାଙ୍ଗା। ଲାଗିଙ୍ଗ୍ ଇମ୍‌ଣି ମାନାୟାର୍ ଆନେଙ୍ଗ୍ ୱାନିହିଙ୍ଗ୍ ଚେତ୍‌ନା ମାନାଙ୍ଗାନାର୍ ଆରେ ତା ହେନ୍ଦ୍ରାତିଙ୍ଗ୍ ଜାଗ୍ରତ୍ କିଜି ଇଡ଼୍‌ଜି ମାନାର୍ ହେୱାର୍ ଆଶ୍ରିବାଦ୍ ପାୟାଆନାର୍‌। ହେୱାର୍ ନାଗ୍‌ଡ଼ା ମାନ୍‌ଗୁର୍‌ ଆରେ ହେୱାର୍ ବେସିହେନି ମାନାୟାର୍‌ତାକେ ହାଚିସ୍ ପା ଇନେର୍ ପା ହେୱାରିଙ୍ଗ୍ ଲାଜ୍ କିଦେଙ୍ଗ୍ ଆଡୁର୍।”

ହତ୍‌ତି 3:3

ଲାଗିଙ୍ଗ୍ ଏପେଙ୍ଗ୍ ଆଗେ ୱେଚାକା ଏତୁକିୟାଟ୍ ଆରେ ପାର୍ତୁମ୍ ପାର୍ତି କିତିଲେକେ ପାର୍ତିକିୟାଟ୍। ଏପେଙ୍ଗ୍ ନାଙ୍ଗେଙ୍ଗ୍ ଆଦିକ୍ ପାର୍ତି କିଜି ମାନ୍‌ବାଦ୍‌ଲାୟ୍ କିଜି ନାବେ ୱାଡ, ଯଦି ଏପେଙ୍ଗ୍ ହେଲେକେ କିଉଦେର୍, ଆନେଙ୍ଗ୍ ମିଙ୍ଗେଙ୍ଗ୍ ଦଣ୍ଡ୍ ହିଦ୍‌ଦେଙ୍ଗ୍ ତିପ୍‌କୁ ୱାନାଙ୍ଗ୍ ଇନେସ୍ ର ଚରେନ୍ ତିପ୍‌କୁ ଚର୍‌କିଦେଙ୍ଗ୍ ୱାନାନ୍।