୧ ଥେସଲନୀକିୟ 5:24 - New Testament in Pengo Parja Language

²⁴ ଈଶ୍ୱର ମିଙ୍ଗେଙ୍ଗ୍ ପବିତ୍ର ଆଦେଙ୍ଗ୍ ବାଚି କିତ୍‌ତାନ୍‌ନା, ହେୱାନ୍ ମିଙ୍ଗେଙ୍ଗ୍ ପବିତ୍ର ଆଦେଙ୍ଗ୍ ସାଇଜ କିଦ୍‌ନାନ୍।

ସତ୍‌ ବଚନ୍‌ ପୁନି ନିୟମ୍‌

²⁴ ଇନେନ୍‌ ମିଙ୍ଗେଙ୍ଗ୍‌ କୁକ୍‌ତାନାନ୍‌, ହେୱାନ୍‌ ପାର୍ତିନିକାନ୍‍, ହେୱାନ୍‌ ହେଦାଂ ପା ପୁରାକିଦେଂ ଆଡ୍‌ନାନ୍‌ ।

୧ ଥେସଲନୀକିୟ 5:24 Iomraidhean Croise

ମାତିଉ 24:35

ବାଦାଡ଼୍ ଆରେ ପୁର୍ତି ବୁଡାଆନାତ୍ ହିନା, ମାତର୍ ନା କାତା ଅଲପ୍‌ପା ବୁଡା ଆଉତ୍।”

ଜହନ୍‌ 1:17

ଈଶ୍ୱର ମାଙ୍ଗେଙ୍ଗ୍ ମୋଶା ଲେକିକିତି ନିୟମ୍‌ନି ସାସ୍ତର୍‌ତାଙ୍ଗ୍ ହିତ୍‌ତାନ୍‌ନା। ମାତର୍ ଯୀଶୁ ଖ୍ରୀଷ୍ଟତାଙ୍ଗ୍ ଦୟା ଆରେ ସତ୍ ବିଷୟ ହିତ୍‌ତାନ୍‌ନା।

ଜହନ୍‌ 3:33

ମାତର୍ ଇମ୍‌ଣାକାନ୍ ହେୱାନ୍ ୱେଚ୍‌ଚି ବେଣ୍‌ତିଙ୍ଗ୍ ଆହ୍‌ନାର୍, ହେୱାନ୍ ଈଶ୍ୱର ନେ ସତ୍ ଇଞ୍ଜି ପାର୍ମାଣ୍ କିନାନ୍।

ରୋମିୟ 8:30

ହେୱାନ୍ ହେୱାରିଙ୍ଗ୍ ଆଗେ ବାଚିକିଜି ମାଚିଲେ ତାବେ ହାଞ୍ଜେଙ୍ଗ୍ ହେୱାରିଙ୍ଗ୍ ହିର୍‌ବାତାନ୍‌ନା, ଏଚେଜାଣ୍‌ତିଙ୍ଗ୍ ହିର୍‌ବାଆତ୍‌ତାନ୍‌ନା ହେୱାରିଙ୍ଗ୍ ତା ଆଗେ ଦରମ୍ ମାନାୟ୍ କିତାନ୍, ଆରେ ହେୱାନ୍ ତା ଗୌରବ ପା ହିନି କାଜିଙ୍ଗ୍ ପାର୍ମାଣ୍ କିତାନ୍‌ନା।

ରୋମିୟ 9:24

ଆସେଙ୍ଗ୍ ପା ଦୟା ପାୟାଆନି ଅଦିକାର୍ ମାନାତ୍, ଏଚେଜାଣ୍‌ତିଙ୍ଗ୍ ହେୱାନ୍ ଯିହୁଦି ଜାତିନି ମାନାୟାର୍‌ତାଙ୍ଗ୍ ଆରେ ବିନ୍‌ଜାତିନି ମାନାୟାର୍‌ତାଙ୍ଗ୍ ବାଚି କିତାନ୍‌ନା।

୧ କରନ୍ତିୟ 1:9

ଈଶ୍ୱର ମିଙ୍ଗେଙ୍ଗ୍ ତା ମେହି ମା ଯୀଶୁ ଖ୍ରୀଷ୍ଟ ହୁଦାଙ୍ଗ୍ ଏକ୍ ଆଦେଙ୍ଗ୍ ବାଚି କିତାନ୍‌ନା, ଆରେ ଈଶ୍ୱର ଇମ୍‌ଣାକା କିନାଙ୍ଗ୍ ଇଞ୍ଜି ୱେଚ୍‌ନାନ୍ ହେଦାଙ୍ଗ୍ ପୁରା କିନାନ୍। ଲାଗିଙ୍ଗ୍ ଏପେଙ୍ଗ୍ ହାର୍ କିଜି ପୁନ୍‌ଞ୍ଜି ମାନାଟ୍ ଯେ, ଈଶ୍ୱର ହେ କାମାୟ୍ କିନାନ୍।

୧ କରନ୍ତିୟ 10:13

ମାତର୍ ଈଶ୍ୱର ଇନାକା ୱେଚ୍‌ଚାନ୍‌ନା ହେୱାନ୍ ହେଦାଙ୍ଗ୍ କିନାନ୍, ହେୱାନ୍ ଆସେଙ୍ଗ୍ ସମ୍ୱାଲି କିଦେଙ୍ଗ୍ ଆଡ୍‌ୱି ପରିକ୍ଷାତାକେ ମାଙ୍ଗେଙ୍ଗ୍ ପରିକ୍ଷା କିଦୁନ୍। ମାତର୍ ହେୱାନ୍ ମିଙ୍ଗେଙ୍ଗ୍ ହେ ପାପ୍ କାମାୟ୍‌ତାଙ୍ଗ୍ ଦେହା ମାଞ୍ଜେଙ୍ଗ୍ ଶାକ୍ତି ହିଦ୍‌ନାନ୍। ଇନେସ୍‌କି ଇଲେକେ ପାପ୍ କାମାୟ୍ କିନି ଇଚା ୱିଜାକାରିଙ୍ଗ୍ ଆନାତ୍, ଆରେ ହେୱିଜୁ ପାପ୍ କାମାୟ୍ କିୱି କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ଉପାୟ୍ ହିଦ୍‌ନାନ୍।

ଗାଲାତିୟ 1:15

ମାତର୍ ଆନେଙ୍ଗ୍ ଜନମ୍ ଆୱି ଆଗେତାଙ୍ଗ୍ ନେ ଈଶ୍ୱର ନାଙ୍ଗେଙ୍ଗ୍ ଜେକ କିଜି ମାନ୍‌ଞ୍ଚାନ୍। ଆରେ ତା ଜାର୍ ଦୟାରେ ନାଙ୍ଗେଙ୍ଗ୍ କୁକ୍ତାତାନ୍।

୧ ଥେସଲନୀକିୟ 2:12

ଆପେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାପା, ଆରେ ସାସ୍ ହିଦ୍‌ନାପା। ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ତା ରାଜିତାକେ ଗୌରବ ମାନାୟ୍ ଆନି କାଜିଙ୍ଗ୍ ବାଚି କିତ୍‌ତାନ୍‌ନା, ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ହେୱାନ୍ ଇଚା କିତିଲେକେ ଯିବୁନ୍ କାଟିକିୟାଟ୍।

୨ ଥେସଲନୀକିୟ 2:14

ହେୱାନ୍ ମିଙ୍ଗେଙ୍ଗ୍ ଉଦାର୍ କିଦ୍‌ଦେଙ୍ଗ୍ ବାଚି କିତ୍‌ତାନ୍‌ନା, ଇନେସ୍‌କି ଆପେଙ୍ଗ୍ ଶୁଣାୟ୍ କିତି ହାର୍ଦିକାବୁର୍‌ତିଙ୍ଗ୍ ଏପେଙ୍ଗ୍ ପାର୍ତି କିନାଦେରା। ଲାଗିଙ୍ଗ୍ ଈଶ୍ୱର ଇମ୍‌ଣି ଗୌରବ ମା ମାପୃ ଯୀଶୁ ଖ୍ରୀଷ୍ଟଙ୍ଗ୍ ହିଜିମାଚାନ୍, ଈଶ୍ୱର ହେଦାଙ୍ଗ୍ ମିଙ୍ଗେଙ୍ଗ୍ ପା ହିଦ୍‌ନାନ୍।

୨ ଥେସଲନୀକିୟ 3:3

ଏପେଙ୍ଗ୍ ମାପୃ ଯୀଶୁଙ୍ଗ୍ ଆହା କିୟାଟ୍ ଯେ, ହେୱାନ୍ ମିଙ୍ଗେଙ୍ଗ୍ ସାସ୍ କିଦ୍‌ନାନ୍ ଆରେ ରକ୍ଷା କିଦ୍‌ନାନ୍, ଲାଗିଙ୍ଗ୍ ହେ କରାପ୍ ଶୟତାନ୍ ମିଙ୍ଗେଙ୍ଗ୍ ହରିଆଣ୍ କିଦ୍‌ଦେଙ୍ଗ୍ ଆଡ଼୍‌ଦୁତ୍।

୨ ତିମଥି 1:9

ହେୱାନ୍ ମାଙ୍ଗେଙ୍ଗ୍ ଉଦାର୍ କିତ୍‌ତାନ୍‌ନା ଆରେ ପବିତ୍ର ଜିବୁନ୍ କାଟିକିନି କାଜିଙ୍ଗ୍ ମାଙ୍ଗେଙ୍ଗ୍ କୁକ୍ତାତାନ୍‌ନା। ଆସେଙ୍ଗ୍ ହାର୍ଦି କାମାୟ୍ କିନି କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ବାଚି କିଦ୍‌ୱାତାନ୍‌ନା, ମାତର୍ ତା ଜାର୍ ଜଜ୍‌ନା ଆରେ ଦୟା କାଜିଙ୍ଗ୍ କିତ୍‌ତାନ୍‌ନା। ଈଶ୍ୱର ଇ ପୁର୍ତିତିଙ୍ଗ୍ ରହ୍‌ନି ଆଗେ ନେ, ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ଇ ପୁର୍ତିତାକେ ହାଃନି କାଜିଙ୍ଗ୍ ହେୱାନ୍ ଜଜ୍‌ନା କିଜି ଦୟା ଚଚ୍‌ଚାତାନ୍‌ନା।

୨ ତିମଥି 2:13

ଆସେଙ୍ଗ୍ ଖ୍ରୀଷ୍ଟତାକେ ବିଶ୍ୱସ୍ତ ଆୱିତିସ୍‌ପା, ହେୱାନ୍ ମା ଲାଗାୟ୍ ୱିଜୁଦିନ୍ ବିଶ୍ୱସ୍ତ ଆଜି ମାନ୍‌ଗାନାନ୍। ଇନେସ୍‌କି ହେୱାନ୍ ନିଜେ ମିଚ୍ ଇଞ୍ଜି ୱେଚୁନ୍।

ତୀତସ 1:2

ଇ ଲେକେ ଆତିସ୍ ହେୱାର୍ ଈଶ୍ୱର ହୁଦାଙ୍ଗ୍ ୱିଜ୍‌ୱି ଜିବୁନ୍ ମାଞ୍ଜେଙ୍ଗ୍ ଆହା କିତାର୍‌ନା। ଇନେସ୍‌କି ଈଶ୍ୱର ଇନାୱେଡ଼ାଙ୍ଗ୍ ପା ମିଚ୍ ୱେଚୁନ୍, ହେୱାନ୍ ପୁର୍ତିତିଙ୍ଗ୍ ରହ୍‌ନି ଆଗେ ଇଦାଙ୍ଗ୍ ପାର୍ମାଣ୍ କିତାନ୍‌ନା ଯେ ତା ମାନାୟାର୍ ୱିଜ୍‌ୱି ଜିବୁନ୍ ପାତେକ୍ ମାନ୍‌ଗାନାର୍।

୧ ପିତର 5:10

ଈଶ୍ୱର ମାଙ୍ଗେଙ୍ଗ୍ ଦୟା କିତ୍‌ତି କାଜିଙ୍ଗ୍ ହେୱାନ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ତା ୱିଜୁଦିନ୍ ମାନି ଗୌରବ ମାଙ୍ଗେଙ୍ଗ୍ ହିଦ୍‌ନି କାଜିଙ୍ଗ୍ ବାଚି କିତ୍‌ତାନ୍‌ନା। ଏପେଙ୍ଗ୍ ଅଲପ୍‌ଦିନ୍ ଦୁଃକ୍ କଷ୍ଟ ପାୟାଆତି ପାଚେ ହେୱାନ୍ ମିଙ୍ଗେଙ୍ଗ୍ ଆଦିକ୍ ପାର୍ତି କିଦେଙ୍ଗ୍ ଶାକ୍ତି ହିଦ୍‌ନାନ୍, ଆରେ ହେୱାନ୍ ମିଙ୍ଗେଙ୍ଗ୍ ପୁନି ମାନାୟ୍ କିଦ୍‌ନାନ୍। ଆରେ ହେୱାନ୍ ମି ପାର୍ତିତିଙ୍ଗ୍ ର ଷ୍ଟ୍ରଙ୍ଗ୍ ପାଉଣ୍ଡେସେନ୍‌ଲେକେ କିଦ୍‌ନାନ୍।

୨ ପିତର 1:3

ଆସେଙ୍ଗ୍ ଈଶ୍ୱରତିଙ୍ଗ୍ ୱାରି କିତିଲେକେ ଜିବୁନ୍ କାଟିକିନି କାଜିଙ୍ଗ୍, ଈଶ୍ୱର ନିଜେ ତା ଶାକ୍ତି ମାଙ୍ଗେଙ୍ଗ୍ ଦାନ୍ କିତ୍‌ତାନ୍‌ନା। ଇଦାଙ୍ଗ୍ ପୁରା ଆଦେଙ୍ଗ୍ ଆଡ଼୍‍ତାତ୍, ଇନେସ୍‌କି ଆପେଙ୍ଗ୍ ଈଶ୍ୱରତିଙ୍ଗ୍ ପୁଚାପ୍‌ନା ଆରେ ତା ଗୌରବ ଆରେ ହାର୍ଦି ଗୁଣ୍ କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ତା ମାନାୟ୍ କିଦ୍‌ଦେଙ୍ଗ୍ କୁକ୍ତାତାନ୍‌ନା।

ହତ୍‌ତି 17:14

ହେ ୱିଜାର୍ ରାଜାର୍ ମାହାଆଜି ମେଣ୍ଢା ଇନେର୍‌କି ଯୀଶୁ ହୁଦାଙ୍ଗ୍ ଯୁଜ୍ କିନାର୍। ମାତର୍ ହେ ମେଣ୍ଢା ଇନେର୍‌କି ଯୀଶୁ ଆରେ ହେୱାନ୍ ହିର୍‌ବାତାକାର୍, ତା ବାଚିକିତି ମାନାୟାର୍, ଆରେ ତା ଦରମ୍ ମାନାୟାର୍ ହୁଦାଙ୍ଗ୍ ମାହାଆଜି ହେୱାରିଙ୍ଗ୍ ଆରାୟ୍ କିତାର୍, ଇନେସ୍‌କି ହେୱାନ୍ ନେ ୱିଜୁ ମାପୃତାଙ୍ଗ୍ ମାପୃ ଆରେ ୱିଜୁ ରାଜାର୍‌ତାଙ୍ଗ୍ ରାଜା।