୧ ଥେସଲନୀକିୟ 5:23 - New Testament in Pengo Parja Language

²³ ଶାନ୍ତି ହିଦ୍‌ନି ଈଶ୍ୱର ହେୱାନ୍ ନିଜେ ମିଙ୍ଗେଙ୍ଗ୍ ପୁରାପୁରି ବାବେ ପବିତ୍ର କିଦ୍‌ନାନ୍। ମି ଆତ୍ମା, ଜିବୁନ୍ ଆରେ ଗାଗାଡ଼୍ ଦସ୍ କିତାନ୍‌ନା ଇଞ୍ଜି ଇଞ୍ଜ୍‌ମେର୍, ମା ମାପୃ ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ଆରେରଗ ପୁର୍ତିତାକେ ୱାନି ପାତେକ୍।

ସତ୍‌ ବଚନ୍‌ ପୁନି ନିୟମ୍‌

²³ ସୁସ୍ତାହିଦ୍‌ନି ଇସ୍ୱର୍‌ ତାୱେନ୍‍ ମାଙ୍ଗେଙ୍ଗ୍‌ ପୁରାପୁରି ପୁଇପୁୟା କିଦେନ୍‌, ଆରେ ମା ମାପ୍ରୁ ଜିସୁ କ୍ରିସ୍ଟତି ୱାନି କାଜିଂ ମି ୱାସ୍କି, ପାରାଣ୍‌, ଗାଗାଡ଼୍‌ ବାର୍ତି ଦସ୍‌ଆୱାଦାଂ ଇଟ୍‍ୟାୟେତ୍‍ ।

୧ ଥେସଲନୀକିୟ 5:23 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:46

ତାପାଚେ ମରିୟମ ୱେଚ୍‌ଚାତ୍, “ନା ଗରବ୍ ମାପୃତି ଜୟ୍-ଜୟ୍ କିନାତା।

ଜହନ୍‌ 17:19

ଆରେ ହେୱାର୍ ପା ସତ୍‌ତାଙ୍ଗ୍ ପବିତ୍ର ଆନି ଦର୍‌କାର୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ନିଜେ ପବିତ୍ର ମାନାଙ୍ଗ୍।”

ପକ୍ୟାତାକା 20:32

ଆନେଙ୍ଗ୍ ମିଙ୍ଗେଙ୍ଗ୍ ଈଶ୍ୱରତାକେ ଆରେ ତା ଦୟାକିନି କାତାତିଙ୍ଗ୍ ହାର୍‌ପି କିଜି ହିତ୍‌ତାଙ୍ଗ୍‌ନା। ଇନେସ୍‌କି ହେୱାନ୍ ମିଙ୍ଗେଙ୍ଗ୍ ପାର୍ତି କିଜି ମାଞ୍ଜେଙ୍ଗ୍ ସାଇଜ କିଦ୍‌ନାନ୍। ହେୱାନ୍ ଇମ୍‌ଣାକାରିଙ୍ଗ୍ ଦରମ୍ ମାନାୟ୍ ରସ୍ତି ଆଦିକାର୍ ହିଦ୍‌ଦେଙ୍ଗ୍ କାତା ହିତ୍‌ତାନ୍‌ନା, ହେ ଆଦିକାର୍ ମିଙ୍ଗେଙ୍ଗ୍ ପା ହିଦ୍‌ନାନ୍।

ପକ୍ୟାତାକା 26:18

ଲାଗିଙ୍ଗ୍ ହେୱାର୍ କରାପ୍ କାମାୟ୍ ପିସ୍ତି ହାର୍ଦି କାମାୟ୍ କିନାର୍, ଆରେ ଶୟତାନ୍ ଶାକ୍ତିତାଙ୍ଗ୍ ଈଶ୍ୱର ଲାଗାୟ୍ ୱାତିସ୍, ଈଶ୍ୱର ହେୱାର୍ ପାପ୍‌ତିଙ୍ଗ୍ କେମା କିନାନ୍। ଆରେ ନାବେ ପାର୍ତି କିଦେଙ୍ଗ୍ ଇନେରିଙ୍ଗ୍ ଦରମ୍ ମାନାୟ୍ କିତାନ୍‌ନା ହେୱାର୍ ହୁଦାଙ୍ଗ୍ ମାଞ୍ଜେଙ୍ଗ୍ ଈଶ୍ୱର ଆଦିକାର୍ ହିନାନ୍।

ରୋମିୟ 15:13

ଲାଗିଙ୍ଗ୍ ଆହା ହିଦ୍‌ନି ଈଶ୍ୱରତିଙ୍ଗ୍ ପାର୍ତାନା କିନାଙ୍ଗା ଯେ, ଏପେଙ୍ଗ୍ ତାଙ୍ଗେଙ୍ଗ୍ ପାର୍ତି କିଜି ମାଞ୍ଜେଙ୍ଗ୍ ହେୱାନ୍ ମିଙ୍ଗେଙ୍ଗ୍ ୱାରି କିଦେନ୍, ଆରେ ମିଙ୍ଗେଙ୍ଗ୍ ଶାନ୍ତି ହିଦେନ୍। ଏପେଙ୍ଗ୍ ପବିତ୍ର ଆତ୍ମାନି ଶାକ୍ତିତାଙ୍ଗ୍ ଆଦିକ୍ ତାଙ୍ଗେଙ୍ଗ୍ ଆହାକିନି କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ସାଇଜ କିଦେନ୍।

ରୋମିୟ 15:33

ଆରେ ନଙ୍ଗୟ୍ ଇମ୍‌ଣି ଈଶ୍ୱର ମାଙ୍ଗେଙ୍ଗ୍ ଶାନ୍ତି ହିଦ୍‌ନାନା, ହେୱାନ୍ ମି ୱିଜାର୍ ହୁଦାଙ୍ଗ୍ ମାନେନ୍। ଆମେନ୍।

ରୋମିୟ 15:5

ଆନେଙ୍ଗ୍ ମି କାଜିଙ୍ଗ୍ ଈଶ୍ୱରତାକେ ପାର୍ତାନା କିନାଙ୍ଗା ଯେ, ହେୱାନ୍ ମିଙ୍ଗେଙ୍ଗ୍ ସାସ୍ ହିଦେନ୍। ଲାଗିଙ୍ଗ୍ ଏପେଙ୍ଗ୍ ଜାର୍-ଜାର୍‌ବିତ୍ରେ ହାମାନ୍ ଆଜି ମାଞ୍ଜେଙ୍ଗ୍ ଆଡ୍‌ନାଦେର୍। ଇନେସ୍‌କି ଏପେଙ୍ଗ୍ ଯୀଶୁ ଖ୍ରୀଷ୍ଟ କିତିଲେକେ କିନାଦେରା

ରୋମିୟ 16:20

ଲାଗିଙ୍ଗ୍ ଶାନ୍ତି ହିଦ୍‌ନି ଈଶ୍ୱର ବେଗି ଶୟତାନ ସାକ୍ତିତିଙ୍ଗ୍ ବିନାସ୍ କିଜି ମି ତାରେନ୍ ତାହିୱାନାତ୍, ମା ମାପୃ ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ ଦୟା କିଦେନ୍।

୧ କରନ୍ତିୟ 1:2

ଆନେଙ୍ଗ୍ କରନ୍ତିୟ ସହର୍‌ନି ଈଶ୍ୱର ମଣ୍ଡ୍‌ଲିତାକେ ଇ ଚିଟି ଲେକିକିନାଙ୍ଗା, ଈଶ୍ୱର ମିଙ୍ଗେଙ୍ଗ୍ ତା ପବିତ୍ର ମାନାୟ୍ ଆନି କାଜିଙ୍ଗ୍ ବାଚିକିତ୍‌ତାନ୍। ଏଚେଜାଣ୍ ମାନାୟ୍ ଇମ୍‌ଣି ବାହାତାକେ ମାଚିସ୍ ପା ଯୀଶୁ ଖ୍ରୀଷ୍ଟ ମା ମାପୃ ଇଞ୍ଜି ପାର୍ତାନା କିନାରା, ହେୱାରିଙ୍ଗ୍ ପବିତ୍ର କିତିଲେକେ ହେୱାନ୍ ମିଙ୍ଗେଙ୍ଗ୍ ପା ପବିତ୍ର କିତ୍‌ତାନ୍‌ନା। ଇନେସ୍‌କି ଯୀଶୁ ଖ୍ରୀଷ୍ଟ ନେ ମା ୱିଜାକାର୍ ମାପୃ।

୧ କରନ୍ତିୟ 1:30

ମାତର୍ ଈଶ୍ୱର ମିଙ୍ଗେଙ୍ଗ୍ ଖ୍ରୀଷ୍ଟ ଯୀଶୁ ହୁଦାଙ୍ଗ୍ ଏକ୍ କିତ୍‌ତାନ୍‌ନା, ଆରେ ଖ୍ରୀଷ୍ଟ କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ବୁଦି ହିଦ୍‌ନାନ୍। ଈଶ୍ୱର ମା ୱିଜୁ ପାପ୍‌ତାଙ୍ଗ୍ ମୁକ୍ତି କିତ୍‌ତାନ୍ ଆରେ ହେୱାନ୍ ମାଙ୍ଗେଙ୍ଗ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ପବିତ୍ର ଆରେ ତା ମୁମ୍‌ଦ ଦରମ୍ ମାନାୟ୍ କିଦ୍‌ନାନ୍।

୧ କରନ୍ତିୟ 14:33

ଇନେସ୍‌କି ଈଶ୍ୱର କଲ୍-କଲ୍ ଆନି ଈଶ୍ୱର ଆକାୟ୍, ମାତର୍ ଶାନ୍ତିନି ଈଶ୍ୱର, ଇନେସ୍ ୱିଜୁ ଈଶ୍ୱରନି ମଣ୍ଡ୍‌ଲିନି ମାନାୟାର୍ ପବିତ୍ର।

୨ କରନ୍ତିୟ 5:19

ଇନେସ୍‌କି ଈଶ୍ୱର ଖ୍ରୀଷ୍ଟ ବିତ୍ରେ ମାଚାନ୍, ଆରେ ହେୱାନ୍ ନିଜେ ପୁର୍ତିନି ମାନାୟାରିଙ୍ଗ୍ ତା ହୁଦାଙ୍ଗ୍ ମାହାୟ୍ କିନାନା, ଆରେ ହେୱାନ୍ ମାନାୟାର୍ ପାପ୍‌ତିଙ୍ଗ୍ ତା ବିରଦ୍‌ତାଙ୍ଗ୍ ଗାଣା କିଉନ୍। ଇ ଚାନିଆଆନି ହାର୍ଦିକାବୁର୍ ହେୱାନ୍ ମାଙ୍ଗେଙ୍ଗ୍ ମାନାୟାରିଙ୍ଗ୍ ୱେଚ୍‌ନି କାଜିଙ୍ଗ୍ ହିତ୍‌ତାନ୍‌ନା।

ପିଲିପିୟ 1:10

ଲାଗିଙ୍ଗ୍ ଏପେଙ୍ଗ୍ ୱିଜୁତାଙ୍ଗ୍ ହାର୍ଦି ବିଷୟତିଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍, ଆରେ ଖ୍ରୀଷ୍ଟ ଦିନ୍‌ତ ଏପେଙ୍ଗ୍ ଟିକ୍ ଆରେ ଇନା ଦସ୍ ପା ମିଙ୍ଗେଙ୍ଗ୍ ହିଲ୍‌ଗୁତ୍।

ପିଲିପିୟ 1:6

ଇନେସ୍‌କି ଆନେଙ୍ଗ୍ ଆହା କିନାଙ୍ଗା, ଈଶ୍ୱର ମି ବିତ୍ରେ ହାର୍ଦି ବିଷୟ ଆରମ୍ କିତ୍‌ତାନ୍‌ନା, ଆରେ ହେଦାଙ୍ଗ୍‌ତିଙ୍ଗ୍ ହେୱାନ୍ ଯୀଶୁ ଖ୍ରୀଷ୍ଟ ୱାନିଦିନ୍ ପାତେକ୍ ଟିକ୍‌କିଜି ପୁରା କିନାନ୍।

ପିଲିପିୟ 4:9

ନା କାତା ଆରେ ନା କାମାୟ୍ ଏପେଙ୍ଗ୍ ଇନାକା ହିକା ଆତାଦେର୍‌ନା ଆରେ ପାୟା ଆତାଦେର୍‌ନା ହେଦାଙ୍ଗ୍‌ତିଙ୍ଗ୍ ଏପେଙ୍ଗ୍ ଅବ୍ୟାସ୍ କିୟାଟ୍। ଲାଗିଙ୍ଗ୍ ଶାନ୍ତି ହିଦ୍‌ନି ଈଶ୍ୱର ମିହୁଦାଙ୍ଗ୍ ମାନ୍‌ଗାନାନ୍।

କଲସିୟ 1:22

ମାତର୍ ଖ୍ରୀଷ୍ଟ ମାନାୟ୍ ରୁପ୍ ଆଜି କୃଶକାଟ୍‌ତାକେ ହାଃତି କାଜିଙ୍ଗ୍ ଈଶ୍ୱର ମା ହୁଦାଙ୍ଗ୍ ମାହାଆତ୍‌ତାନ୍‌ନା। ଇଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଏଚେକାଡ଼୍‌ଦ ଈଶ୍ୱର ମୁମ୍‌ଦ ନିଲ୍‌ନାଦେର୍, ହେୱାନ୍ ମିଙ୍ଗେଙ୍ଗ୍ ପବିତ୍ର ଆରେ ମି ବିରଦ୍‌ତାକେ ଇନେର୍‌ପା ନିନ୍ଦା ବେଣ୍ ୱେଚ୍‌ଚି ଦସି କିଦ୍‌ଦେଙ୍ଗ୍ ଆଡ଼୍‌ଦୁର୍।

୧ ଥେସଲନୀକିୟ 2:19

ଇନେସ୍‌କି ମା ଯୀଶୁ ଖ୍ରୀଷ୍ଟ ଏଚେକାଡ଼୍‌ଦ ପୁର୍ତିତାକେ ୱାନାନ୍ ତା ଆଗେ ଏପେଙ୍ଗ୍ ମା ଆହା, ସାର୍‌ଦା ଆରେ ମା ସନ୍‌ମାନ୍‌ନି ମୁକୁଟ୍‌ଲେକେ।

୧ ଥେସଲନୀକିୟ 3:11

ଆପେଙ୍ଗ୍ ମିତାକେ ବେଗି ୱାଦେଙ୍ଗ୍ ମା ଆବା ଈଶ୍ୱର ଆରେ ମାପୃ ଯୀଶୁ ମାଙ୍ଗେଙ୍ଗ୍ ସାଇଜ କିଦେର୍।

୧ ଥେସଲନୀକିୟ 3:13

ଆପେଙ୍ଗ୍ ପାର୍ତାନା କିନାପା ଯେ, ମା ମାପୃ ଯୀଶୁ ଖ୍ରୀଷ୍ଟ ଆରେରଗ ତା ସାଦୁ ମାନାୟାର୍ ହୁଦାଙ୍ଗ୍ ୱାନାନ୍, ଆରେ ଆସେଙ୍ଗ୍ ଈଶ୍ୱର ମୁମ୍‌ଦ ନିଲ୍‌ତିହିଙ୍ଗ୍‌, ଖ୍ରୀଷ୍ଟ ମାଙ୍ଗେଙ୍ଗ୍ ସାସ୍, ପବିତ୍ର ଆରେ ଦସ୍ ହିଲି ମାନାୟ୍ କିଦ୍‌ନାନ୍।

୧ ଥେସଲନୀକିୟ 4:3

ଈଶ୍ୱରତିଙ୍ଗ୍ ଇଚା ଯେ, ଏପେଙ୍ଗ୍ ପବିତ୍ର ଆଡ, ଇ ଅର୍ତ ଏପେଙ୍ଗ୍ ଦାରି କାମାୟ୍ କିମାଟ୍।

୧ ଥେସଲନୀକିୟ 5:22

ୱିଜୁ ପର୍‌କାର୍ କରାପ୍ କାମାୟ୍‌ତାଙ୍ଗ୍ ଦେହା ମାନାଟ୍।

୨ ଥେସଲନୀକିୟ 3:16

ଆନେଙ୍ଗ୍ ମି କାଜିଙ୍ଗ୍ ପାର୍ତାନା କିନାଙ୍ଗା, ମାଙ୍ଗେଙ୍ଗ୍ ଶାନ୍ତି ହିଦ୍‌ନି ମାପୃ ନିଜେ ମିଙ୍ଗେଙ୍ଗ୍ ୱିଜୁଦିନ୍ ଆରେ ୱିଜୁ ପର୍‌କାର୍ ଶାନ୍ତି ହିଦେନ୍। ଆରେ ମାପୃ ୱିଜୁଦିନ୍ ମି ଲାହାଙ୍ଗ୍ ମେନେନ୍।

ଏବ୍ରି 13:20

ଇମ୍‌ଣି ଶାନ୍ତି ହିଦ୍‌ନି ଈଶ୍ୱର ମା ମାପୃ ଯୀଶୁଙ୍ଗ୍ ହାଃତାକାର୍ ବିତ୍ରେତାଙ୍ଗ୍ ନିକ୍‌ଚି ତାତାନ୍‌ନା, ହେୱାନ୍ ତା ଇଚା ପୁରା କିଦେଙ୍ଗ୍ ମିଙ୍ଗେଙ୍ଗ୍ ରେଡି କିଦେନ୍। ଯୀଶୁ ଖ୍ରୀଷ୍ଟତି ଶାକ୍ତିତାଙ୍ଗ୍ ଈଶ୍ୱରତିଙ୍ଗ୍ ୱାରି କିତିଲେକେ ଜିବୁନ୍ ହେୱାନ୍ ମିତାକେ ରେଡି କିଦେନ୍। ୱିଜୁଦିନ୍ ମାନି ପାର୍ମାଣ୍‌ତିଙ୍ଗ୍ ଯୀଶୁ ଖ୍ରୀଷ୍ଟ ତା ନେତେର୍‌ତାଙ୍ଗ୍ ସାଇନ୍ କିଜି, ମେଣ୍ଢାକାଙ୍ଗ୍ ହାରାଇକିନି ମୁଡ଼୍‌ଦାକାନ୍ ଆତାନ୍‌ନା। ଯୁଗ୍-ଯୁଗ୍ ହେୱାନ୍‌ତି ଗୌରବ ଆୟେତ୍, ଆମେନ୍।

ଏବ୍ରି 2:11

ଇମ୍‌ଣି ମାନାୟ୍ ମାନାୟାର୍ ପାପ୍ ନୁଜ୍‌ନାନ୍ ଆରେ ଇମ୍‌ଣି ମାନାୟାର୍ ପାପ୍ ନୁଜିଆ ଆନାତ୍, ହେୱାର୍ ୱିଜାକାର୍ ରକାନ୍ ଆବା ଈଶ୍ୱର ମେହିକାସ୍। ହେଦାଙ୍ଗ୍ କାଜିଙ୍ଗ୍ ଯୀଶୁ ହେୱାରିଙ୍ଗ୍ ଟଣ୍ଡାର୍ ଇଞ୍ଜି ୱେଚ୍‌ଚେଙ୍ଗ୍ ଲାଜା ଆଉନ୍।

ଏବ୍ରି 4:12

ଇନେସ୍‌କି ଈଶ୍ୱର କାତାତାକେ ଜିବୁନ୍ ଆରେ ଶାକ୍ତି ମାନାତ୍। ରିପଣ୍ଡାଙ୍ଗ୍ ଦାରା ମାନି ହୁରିତାଙ୍ଗ୍ ପା ଇଦାଙ୍ଗ୍ ଆଦିକ୍ ଦାରା ମାନାତ୍, ଆରେ ମାନ୍ ଆରେ ପାରାଣ୍, ଗାଟିଙ୍ଗ୍ ଆରେ ପେଣ୍‌ନି ରାସ୍‌ତିଙ୍ଗ୍ ଜେକ-ଜେକ କିଜି ବାଗ୍ କିନାତ୍। ଇଦାଙ୍ଗ୍ ମା ମାନ୍ତି ଚିନ୍ତା ଆରେ ବାବ୍‌ନାତିଙ୍ଗ୍ ଚଚ୍‌ଚାନାତ୍।

ଜାକ୍‌ବ 1:4

ଏପେଙ୍ଗ୍ ଦୁକ୍‌କଷ୍ଟ ପାୟାଆତିହିଙ୍ଗ୍ ପା ଈଶ୍ୱରତାକେ ପାର୍ତି କିଜି ମାନାଟ୍। ଲାଗିଙ୍ଗ୍ ଈଶ୍ୱର ଇଚାକିନି ହାର୍ଦି ଗୁଣ୍ ପାୟାଆଜି ଟିକ୍‌ଟାକ୍ ଆଜି ମାନାଦେର୍, ଆରେ ରଞ୍ଜାଙ୍ଗ୍ ପା ହାର୍ଦି ବିଷୟତାଙ୍ଗ୍ ଉଣା ଆଉଦେର୍।

୧ ପିତର 1:2

ଆବା ଈଶ୍ୱର ମିଙ୍ଗେଙ୍ଗ୍ ପୁନ୍‌ଞ୍ଜି ମାନ୍‌ଞ୍ଚାନ୍ ଆରେ ବେସି ଆଗେତାଙ୍ଗ୍ ବାଚି କିତ୍‌ତାନ୍‌ନା, ଆରେ ତା ପବିତ୍ର ଆତ୍ମା ମିଙ୍ଗେଙ୍ଗ୍ ପବିତ୍ର କିତ୍‌ତାତ୍‌ନା। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ତା ଆଦେସ୍‌ତିଙ୍ଗ୍ ମାନି କିତାଦେର୍, ଆରେ ହେୱାନ୍ ମିଙ୍ଗେଙ୍ଗ୍ ଯୀଶୁ ଖ୍ରୀଷ୍ଟ ନେତେର୍‌ତାଙ୍ଗ୍ ନୁଜ୍‌ଦାନ୍‌ନା। ଈଶ୍ୱର ମିଙ୍ଗେଙ୍ଗ୍ ବେସି ଆରେ ବେସି ଦୟା ଆରେ ଶାନ୍ତି ହିଦେନ୍।

୧ ପିତର 5:10

ଈଶ୍ୱର ମାଙ୍ଗେଙ୍ଗ୍ ଦୟା କିତ୍‌ତି କାଜିଙ୍ଗ୍ ହେୱାନ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ତା ୱିଜୁଦିନ୍ ମାନି ଗୌରବ ମାଙ୍ଗେଙ୍ଗ୍ ହିଦ୍‌ନି କାଜିଙ୍ଗ୍ ବାଚି କିତ୍‌ତାନ୍‌ନା। ଏପେଙ୍ଗ୍ ଅଲପ୍‌ଦିନ୍ ଦୁଃକ୍ କଷ୍ଟ ପାୟାଆତି ପାଚେ ହେୱାନ୍ ମିଙ୍ଗେଙ୍ଗ୍ ଆଦିକ୍ ପାର୍ତି କିଦେଙ୍ଗ୍ ଶାକ୍ତି ହିଦ୍‌ନାନ୍, ଆରେ ହେୱାନ୍ ମିଙ୍ଗେଙ୍ଗ୍ ପୁନି ମାନାୟ୍ କିଦ୍‌ନାନ୍। ଆରେ ହେୱାନ୍ ମି ପାର୍ତିତିଙ୍ଗ୍ ର ଷ୍ଟ୍ରଙ୍ଗ୍ ପାଉଣ୍ଡେସେନ୍‌ଲେକେ କିଦ୍‌ନାନ୍।

୨ ପିତର 3:14

ଲାଗିଙ୍ଗ୍ ଏ ନା ଲାଡ୍‌ନି ସାଙ୍ଗ କାଦେର୍, ଏପେଙ୍ଗ୍ ଇ ୱିଜୁ ବିଷୟତିଙ୍ଗ୍ କାସିମାନି କାଜିଙ୍ଗ୍, ଏପେଙ୍ଗ୍ ପବିତ୍ର ଆନି କାଜିଙ୍ଗ୍, ଦସ୍ ହିଲ୍‌ୱି ଲେକେ ଜିବୁନ୍ କାଟିକିନି କାଜିଙ୍ଗ୍ ଆରେ ଜାର୍-ଜାର୍ ଶାନ୍ତିରେ ମାନି କାଜିଙ୍ଗ୍ ଉପାୟ୍ କିୟାଟ୍।

ଜିହୁଦା 1:1

ଆନେଙ୍ଗ୍ ଯିହୁଦା ଯୀଶୁ ଖ୍ରୀଷ୍ଟତି ରକାନ୍ ଚେଲାହିତଙ୍ଗ୍‌ ଆରେ ଯାକୁବନି ହିରୁ ଟଣ୍ଡାହିତଙ୍ଗ୍‌। ଈଶ୍ୱରତାକେ ପାର୍ତିକିନି କାଜିଙ୍ଗ୍ ଇମ୍‌ଣାକାରିଙ୍ଗ୍ ହେୱାନ୍ କୁକ୍ତାନ୍‌ନା, ହେୱାର୍ ଲାଗାୟ୍ ଇ ଚିଟି ଲେକିକିନାଙ୍ଗା। ଆବା ଈଶ୍ୱର ମିଙ୍ଗେଙ୍ଗ୍ ଲାଡ୍ କିଦ୍‌ନାନ୍ ଆରେ ଯୀଶୁ ଖ୍ରୀଷ୍ଟତାକେ ମିଙ୍ଗେଙ୍ଗ୍ ହାର୍‌ଦାଙ୍ଗ୍ ଇଡ଼୍‌ଜି ମାଞ୍ଜ୍‌ନାନ୍।

ଜିହୁଦା 1:24

ଈଶ୍ୱର ନେ ମିଙ୍ଗେଙ୍ଗ୍ ଉଜ୍‌ଦି ଗୁର୍‌ନିତାଙ୍ଗ୍‌ ଉଦାର୍ କିଦ୍‌ଦେଙ୍ଗ୍ ଆଡ୍‌ନାନ୍। ଆରେ ତା ଗୌରବନି ମୁମ୍‌ଦ ନିଲି କିଦ୍‌ଦେଙ୍ଗ୍ ଏଚେପାଦ୍ନା ହେୱାନ୍ ମିଙ୍ଗେଙ୍ଗ୍ ତାସିୱାଦ୍‌ନାନ୍, ହେପାଦ୍ନା ହେୱାନ୍ ମିଙ୍ଗେଙ୍ଗ୍ ପାପ୍‌ନି ଦସ୍ ହିଲ୍‌ୱି ମାନାୟ୍ ଲେକେ ଆରେ ୱାରି ହିଦ୍‌ଦେଙ୍ଗ୍ ଆଡ଼୍‌ଦାନାନ୍। ମା ମାପୃ ଯୀଶୁ ଖ୍ରୀଷ୍ଟ କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ଉଦାର୍ କିତ୍‌ତାନ୍‌ନା। ଉବ୍‌ଜାଣ୍ ଆତି ଆରମ୍‌ତାଙ୍ଗ୍ ଗୌରବ, ଜୟ୍-ଜୟ୍ କିନାକା, ଶାକ୍ତି ଆରେ ଆଦିକାର୍ ହେୱାନ୍‌ତି, ଆରେ ନଙ୍ଗୟ୍ ପା ହେୱାନ୍‌ତି, ଆରେ ୱିଜ୍‌ୱିଦିନ୍ କାଜିଙ୍ଗ୍ ହେୱାନ୍‌ତି ମାନ୍‌ଗାନାତ୍। ଆମେନ୍।