୧ ଥେସଲନୀକିୟ 5:21 - New Testament in Pengo Parja Language

²¹ ମାତର୍ ୱିଜୁ କାତାତିଙ୍ଗ୍ ପରିକ୍ଷା କିଜି ପୁନାଟ୍, ଇଦାଙ୍ଗ୍ ଈଶ୍ୱରତାଙ୍ଗ୍ ୱାତାତ୍‌ନା କି ଆକାୟ୍? ଆରେ ଇମ୍‌ଣାକା ହାର୍‍ଦାକା ହେଦାଙ୍ଗ୍ ଆସ୍ତି ମାନି କିୟାଟ୍।

ସତ୍‌ ବଚନ୍‌ ପୁନି ନିୟମ୍‌

²¹ ମତର୍‌ ୱିଜ଼ୁ ବିସ୍ରେ ପରିକ୍ୟା କିଜ଼ି ହୁଡ଼ାଟ୍‌; ଇନାକା ନେକ୍ରାକା, ହେଦାଂ ଆସ୍ତି ଇଟାଟ୍‌;

୧ ଥେସଲନୀକିୟ 5:21 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:57

ମି କାଜିଙ୍ଗ୍ ଇନାକା କିନାକା ଟିକ୍ ବିଷୟରେ ଏପେଙ୍ଗ୍ ହେଦାଙ୍ଗ୍ ନିଜେ ବାଚି କିୟାଟ୍।

ଜହନ୍‌ 15:4

ନାବେ ମାନାଟ୍, ଲାଗିଙ୍ଗ୍ ଆନେଙ୍ଗ୍ ମିବେ ମାନ୍‌ଗାନାଙ୍ଗ୍। ର କେନ୍ଦା ମାର୍‌ତାକେ ମେହାଆୱାଦାଙ୍ଗ୍ ମାଚିସ୍। ହେଲେକେ ଏପେଙ୍ଗ୍ ପା ନାବେ ମାନ୍‌ୱିତିସ୍ ପାଡ଼୍‌ ଆସ୍ତେଙ୍ଗ୍ ଆଡୁଦେର୍।

ଜହନ୍‌ 8:31

ଯୀଶୁ ପାର୍ତିକିନି ଯିହୁଦିରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ଯଦି ନା ହିକ୍ଷାତିଙ୍ଗ୍ ମାନିକିନାଦେର୍, ଲାଗିଙ୍ଗ୍ ଏପେଙ୍ଗ୍ ନା ଚେଲାଆନାଦେର୍।

ପକ୍ୟାତାକା 11:23

ହେୱାନ୍ ହେବେ ଏକିସ୍ ଈଶ୍ୱର ଦୟା ହୁଡ଼୍‌ଜି ୱାରି ଆତାନ୍। ଆରେ ଯୀଶୁ ମାପୃତାକେ ନେ ପାର୍ତି କିଜି ମାଞ୍ଜେଙ୍ଗ୍ ହେୱାନ୍ ହେୱାରିଙ୍ଗ୍ କେତେକ୍ କାତା ୱେଚ୍‌ଚି ସାହାସ୍ କିୟିକିତ୍‌ତାନା।

ପକ୍ୟାତାକା 14:22

ଆରେ ହେୱାର୍ ୱିଜୁ ସହର୍‌ତାକେ ମାନି ପାର୍ତିକିନି ଚେଲାହିର୍ ମେହାଆଜି ହେୱାରିଙ୍ଗ୍ ଶାନ୍ତି କିଜି ମାଚାର୍। ଆରେ ହେୱାର୍ ହେୱାରିଙ୍ଗ୍ ପାର୍ତି କିଜି ମାଞ୍ଜେଙ୍ଗ୍ ସାହାସ୍‌ନି କାତା ୱେଚ୍‌ଚାର୍। ଆରେ ହେୱାର୍ ୱେଚ୍‌ଚାର୍, “ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ମାଙ୍ଗେଙ୍ଗ୍ ବେସି ଦୁକ୍‌କଷ୍ଟ ପାୟାଆନାକା ଆନାତ୍।”

ପକ୍ୟାତାକା 17:11

ଥେସଲନିକି ସହର୍‌ତାକେ ମାନି ଯିହୁଦି ମାନାୟାର୍ ଈଶ୍ୱର କାତା ୱେଞ୍ଜେଙ୍ଗ୍ ଇଚା କିୱାଦାଙ୍ଗ୍ ମାଚାର୍। ମାତର୍ ବେରିୟା ସହର୍‌ନି ମାନାୟାର୍ ୱେଞ୍ଜେଙ୍ଗ୍ ଇଚାକିଜି ମାଚାର୍। ଲାଗିଙ୍ଗ୍ ଇୱାର୍‌ତାଙ୍ଗ୍ ୱିଜୁ କାତା ୱେଚାର୍। ଆରେ ହେୱାର୍ ଇୱିଜୁ କାତା ଟିକ୍ କି ବୁଲ୍ ପୁଞ୍ଜେଙ୍ଗ୍ ୱିଜୁଦିନ୍ ଦରମ୍ ସାସ୍ତର୍ ପଡ଼ିକିଜି ମାଚାର୍।

ରୋମିୟ 12:2

ଏପେଙ୍ଗ୍ ଇ ପୁର୍ତିନି ମାନାୟାର୍ ବ୍ୟବହାର୍ କିନିଲେକେ କିମାଟ୍, ମାତର୍ ଈଶ୍ୱର ମି ମାନ୍ତି ବାବ୍‌ନାତିଙ୍ଗ୍ ବାଦ୍‌ଲାୟ୍ କିଜି ପୁନି ମାନାୟ୍ ଲେକେ କିଦେନ୍, ଆରେ ଏପେଙ୍ଗ୍ ହାର୍ ବାବ୍‌ନା ବାବିକିଦେଙ୍ଗ୍ ଆଡ୍‌ନାଦେର୍। ଲାଗିଙ୍ଗ୍ ଏପେଙ୍ଗ୍ ଈଶ୍ୱର ଇଚାକିତି କାମାୟ୍ ୱିଜୁତିଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍ ଆରେ ହେଲେକେ କିନାଦେର୍। ଆରେ ଏପେଙ୍ଗ୍ ପୁନାଦେର୍ ଯେ, ହେୱାନ୍ ହାର୍ କି, ଟିକ୍ ଆରେ ୱାରି କିନିଲେକେ କାମାୟ୍ କିଦେଙ୍ଗ୍ ଇଚା କିନାନା।

ରୋମିୟ 12:9

ଏପେଙ୍ଗ୍ ଜେକନିକାରିଙ୍ଗ୍ ଲାଡ୍ କିନାଙ୍ଗା ଇଞ୍ଜି ମିଚ୍ ୱେଚ୍‌ମାଟ୍, ମାତର୍ ସତ୍ ଲାଡ୍ କିୟାଟ୍। କରାପ୍ କାମାୟ୍ କାଜିଙ୍ଗ୍ ଗିଣ୍ କିୟାଟ୍ ଆରେ ୱିଜୁଦିନ୍ ହାର୍ କାମାୟ୍ କିନି ମାନାୟାର୍ ହୁଦାଙ୍ଗ୍ ରବେ ମାହାଆଜି ହାର୍ କାମାୟ୍ କିୟାଟ୍।

୧ କରନ୍ତିୟ 15:58

ଲାଗିଙ୍ଗ୍, ଏ ଟଣ୍ଡାର୍‌କାଦେର୍, ଏପେଙ୍ଗ୍ ଖ୍ରୀଷ୍ଟଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ପାର୍ତି କିଜି ମାନାଟ୍, ଆରେ ମିଚ୍ ହିକ୍ଷା ଶୁଣାୟ୍ କିନି ମାନାୟାର୍‌ତାଙ୍ଗ୍ ଦେହା ହାଲ୍‌ମାଟ୍। ଇନେସ୍‌କି ତା କାମାୟ୍ କିଦେଙ୍ଗ୍ କଷ୍ଟ କିନାକା ବେକାର୍ ଆଉତ୍, ଇନେସ୍‌କି ଏପେଙ୍ଗ୍ ହାର୍ କିଜି ପୁଚାଦେର୍‌ନା ଯେ, ତା କାଜିଙ୍ଗ୍ କିନି କାମାୟ୍ ମି କାଜିଙ୍ଗ୍ ଲାବ୍ ଆଦ୍‌ନାତ୍।

୧ କରନ୍ତିୟ 2:11

ହେୱାନିଙ୍ଗ୍ ପିସ୍ତି ଇନେର୍ ତା ମାନ୍ତି କାତାତିଙ୍ଗ୍ ପୁଞ୍ଜେଙ୍ଗ୍ ଆଡୁର୍। ହେଲେକେ ପବିତ୍ର ଆତ୍ମାତିଙ୍ଗ୍ ପିସ୍ତି ଇନେର୍ ପା ଈଶ୍ୱର ଚିନ୍ତାତିଙ୍ଗ୍ ପୁଞ୍ଜେଙ୍ଗ୍ ଆଡୁର୍।

ଗାଲାତିୟ 6:10

ଲାଗିଙ୍ଗ୍ ଏଚେପାଦ୍ନା ମାଙ୍ଗେଙ୍ଗ୍ ସୁଯଗ୍ ଗାଟାଆଦ୍‍ନାତ୍, ୱିଜୁ ମାନାୟାର୍ କାଜିଙ୍ଗ୍ ବିଶେସ୍ କିଜି ପାର୍ତିକିନି ମାନାୟାରିଙ୍ଗ୍ ହାର୍ଦି କାମାୟ୍‌ତାକେ ସାଇଜ କିୟାଟ୍।

ଏପିସିୟ 5:10

ମାପୃଙ୍ଗ୍ ଇନାକା ୱାରିନି ବିଷୟ, ହେଦାଙ୍ଗ୍ କିଦେଙ୍ଗ୍ ଉପାୟ୍ କିୟାଟ୍।

ପିଲିପିୟ 1:10

ଲାଗିଙ୍ଗ୍ ଏପେଙ୍ଗ୍ ୱିଜୁତାଙ୍ଗ୍ ହାର୍ଦି ବିଷୟତିଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍, ଆରେ ଖ୍ରୀଷ୍ଟ ଦିନ୍‌ତ ଏପେଙ୍ଗ୍ ଟିକ୍ ଆରେ ଇନା ଦସ୍ ପା ମିଙ୍ଗେଙ୍ଗ୍ ହିଲ୍‌ଗୁତ୍।

ପିଲିପିୟ 3:16

ଈଶ୍ୱର ମାଙ୍ଗେଙ୍ଗ୍ ଆଗେ ଇନାକା ଚଚ୍‌ଚାତାନ୍‌ନା, ଆସେଙ୍ଗ୍ ହେ ସତ୍ ବିଷୟ ଅନୁସାତାଙ୍ଗ୍ ଜିବୁନ୍ କାଟିକିନି ଦର୍‌କାର୍।

ପିଲିପିୟ 4:8

ହାରିହାରା, ଏ ପାର୍ତିକିନି ଟଣ୍ଡାର୍‌କାଦେର୍, ସତ୍ ବିଷୟରେ, ସନ୍‌ମାନ୍ ପାୟାଆନି ବିଷୟରେ, ଟିକ୍ ବିଷୟରେ, ଇମ୍‌ଣି ୱିଜୁ ବିଷୟରେ ପାପ୍ ହିଲ୍‌ଗୁତ୍, ହଲ୍‌ନି ବିଷୟରେ, ଇମ୍‌ଣି ବିଷୟରେ ହାର୍ଦି ତର୍‌ ମାନାତ୍। ହାର୍ଦି ବିଷୟରେ ଆରେ ଇମ୍‌ଣି ବିଷୟରେ ମାନାୟାର୍ ଜୟ୍-ଜୟ୍ କିନାର୍ ଇ ୱିଜୁ ବିଷୟରେ ଏପେଙ୍ଗ୍ ଚିନ୍ତା କିୟାଟ୍।

୧ ଥେସଲନୀକିୟ 5:15

ଆନେଙ୍ଗ୍ ମିଙ୍ଗେଙ୍ଗ୍ ଜାଗ୍ରତ୍ ଆଦେଙ୍ଗ୍ ୱେଚ୍‌ଚାନାଙ୍ଗା, ଏପେଙ୍ଗ୍ ଅନ୍ୟାୟ୍ ବାଦୁଲ୍‌ରେ ଅନ୍ୟାୟ୍ କିମାଟ୍। ମାତର୍ ଏପେଙ୍ଗ୍ ୱିଜୁଦିନ୍ ଜାର୍-ଜାର୍ କାଜିଙ୍ଗ୍ ଆରେ ୱିଜାର୍ କାଜିଙ୍ଗ୍ ହାର୍ କାମାୟ୍ କିଦେଙ୍ଗ୍ ଉପାୟ୍ କିୟାଟ୍।

୧ ଥେସଲନୀକିୟ 5:22

ୱିଜୁ ପର୍‌କାର୍ କରାପ୍ କାମାୟ୍‌ତାଙ୍ଗ୍ ଦେହା ମାନାଟ୍।

୨ ଥେସଲନୀକିୟ 2:15

ଏ ପାର୍ତିକିନି ଟଣ୍ଡାର୍‌କାଦେର୍, ଆପେଙ୍ଗ୍ ମିତାକେ ୱାଜି ହିକାୟ୍ କିତ୍‌ତି ବିଷୟ, ଆରେ ମା ଚିଟିତାକେ ଲେକିକିତି ବିଷୟତିଙ୍ଗ୍ ୱିଜୁଦିନ୍ ପାର୍ତି କିଜି ମାନାଟ୍।

୨ ତିମଥି 1:15

ଏପେଙ୍ଗ୍ ପୁଚାଦେର୍‌ନା ଯେ ଏସିଆ ଜିଲ୍ଲାତାକେ ବାହାକିଜି ମାଚି କେତେକ୍ ପାର୍ତି କିନାକାର୍ ନାଙ୍ଗେଙ୍ଗ୍ ପିସ୍ତାତାର୍‌ନା। ପୁଗେଲ ଆରେ ହର୍ମଗେନା ପା ନାଙ୍ଗେଙ୍ଗ୍ ପିସ୍ତାତାର୍‌ନା।

୨ ତିମଥି 3:6

ଇନେସ୍‌କି ଇୱାର୍ ବିତ୍ରେତାଙ୍ଗ୍ କେତେକ୍ ମାନାୟାର୍ ଇଞ୍ଜ-ଇଞ୍ଜ ହଣ୍‌ଜି ପାପ୍ କାମାୟ୍ କିଜି ଚିନ୍ତାତାଙ୍ଗ୍ ମାନାର୍ ଆରେ ବାରବିନି କରାପ୍ ଚିନ୍ତାରେ ମାନି କଗ୍‍ଲେକାଙ୍ଗ୍ ହେୱାର୍ ତା କଣ୍ଟ୍ରୁଲ୍‌ତାକେ ଇଟ୍‌ନାର୍।

୨ ତିମଥି 4:14

ଆଲେକ୍‌ଜାଣ୍ଡ୍ରିଆ କଂସାରି ହେୱାନ୍ ନାଙ୍ଗେଙ୍ଗ୍ ବେସି ଅନିଷ୍ଟ କିତ୍‌ତାନ୍‌ନା। ମାପୃ ତା କାରୁମ୍‌ତାଙ୍ଗ୍ ହେୱାନିଙ୍ଗ୍ ପାଡ଼୍‌ ହିନାନ୍।

ଏବ୍ରି 10:23

ଆସେଙ୍ଗ୍ ଇମ୍‌ଣି ଆହା ବିଷୟରେ ୱେଚ୍‌ନାସା, ହେଦାଙ୍ଗ୍ ବେସି ଷ୍ଟ୍ରଙ୍ଗ୍ ବାବ୍‌ରେ ଆସ୍ତି ମାନାଟ୍, ଇନେସ୍‌କି ଈଶ୍ୱର ଇନାକା ପାର୍ମାଣ୍ କିନାନ୍ ହେଦାଙ୍ଗ୍ କିନାନ୍ ଇଞ୍ଜି ଆସେଙ୍ଗ୍ ପାର୍ତି କିନାସା।

୧ ଯୋହନ 4:1

ଏ ନା ଲାଡ୍‌ନି ସାଙ୍ଗକାଦେର୍‌, ୱିଜାର୍ ମାନାୟ୍ ଆନେଙ୍ଗ୍ ପବିତ୍ର ଆତ୍ମାତାଙ୍ଗ୍‌ ପାୟାଆତାଙ୍ଗ୍‌ନା ଇଞ୍ଜି ୱେଚ୍‌ଚିନି ମାନାୟାର୍ କାତାତିଙ୍ଗ୍ ପାର୍ତି କିମାଟ୍। ମାତର୍ ହେୱାର୍ ଈଶ୍ୱରତାଙ୍ଗ୍ ପବିତ୍ର ଆତ୍ମା ପାୟାଆତାର୍ କି ଆକାୟ୍ ଏପେଙ୍ଗ୍ ପରିକ୍ଷା କିଜି ହୁଡ଼ାଟ୍। ଇନେସ୍‌କି ଇ ପୁର୍ତିତାକେ ମିଚ୍‌ୱା ଭବିଷ୍ଯତବକ୍ତାର୍‌ ମାନାର୍।

ହତ୍‌ତି 2:2

ଆନେଙ୍ଗ୍ ମି ୱିଜୁ କାମାୟ୍‌ତିଙ୍ଗ୍ ପୁଚାଙ୍ଗ୍‌ନା। ଏପେଙ୍ଗ୍ ଜାଗ୍ରତ୍ ଆଜି ଦୁଃକ୍ କଷ୍ଟ ସମ୍ବାଲି କିଜି ନା କାମାୟ୍ କିନାଦେରା, ଇନେସ୍‌କି ଏପେଙ୍ଗ୍ ନାଙ୍ଗେଙ୍ଗ୍ ପାର୍ତି କିଦ୍‍ନାଦେରା। ଆନେଙ୍ଗ୍ ଇଦାଙ୍ଗ୍ ପା ପୁଚାଙ୍ଗ୍‌ନା ଯେ, ଏପେଙ୍ଗ୍ କରାପ୍ ମାନାୟାର୍ କାମାୟ୍‌ତିଙ୍ଗ୍ ସମ୍ବାଲି କିଦେଙ୍ଗ୍ ଆଡୁଦେରା। ଇମ୍‌ଣି ମାନାୟାର୍ ଜାର୍‌ତିଙ୍ଗ୍ ବାଚିକିତି ଚେଲାଇଞ୍ଜି ୱେଚ୍‌ନାରା ମାତର୍ ସତ୍ ବାଚିକିତି ଚେଲା ଆକାୟ୍, ହେୱାର୍ ମିଚ୍ ୱେଚ୍‌ନାରା ଇଞ୍ଜି ଏପେଙ୍ଗ୍ ପୁନି କିନାଦେରା।

ହତ୍‌ତି 2:25

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ୱାନି ପାତେକ୍ ଏପେଙ୍ଗ୍ ନାଙ୍ଗେଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ପାର୍ତି କିଜି ମାନାଟ୍।

ହତ୍‌ତି 3:11

ହୁଡ଼ାଟ୍ ଆନେଙ୍ଗ୍ ବେଗି ୱାନାଙ୍ଗା, ଲାଗିଙ୍ଗ୍ ଏପେଙ୍ଗ୍ ନାଙ୍ଗେଙ୍ଗ୍ ଆଦିକ୍ ପାର୍ତି କିଜି ମାଞ୍ଜାଟ୍, ଆରେ ଇନେର୍ ପା ମି ପୁରଷ୍କାର୍‌ନି ମୁକୁଟ୍ ଜେଲ୍‌ଜି ଅଦେଙ୍ଗ୍ ଆଡୁର୍।

ହତ୍‌ତି 3:3

ଲାଗିଙ୍ଗ୍ ଏପେଙ୍ଗ୍ ଆଗେ ୱେଚାକା ଏତୁକିୟାଟ୍ ଆରେ ପାର୍ତୁମ୍ ପାର୍ତି କିତିଲେକେ ପାର୍ତିକିୟାଟ୍। ଏପେଙ୍ଗ୍ ନାଙ୍ଗେଙ୍ଗ୍ ଆଦିକ୍ ପାର୍ତି କିଜି ମାନ୍‌ବାଦ୍‌ଲାୟ୍ କିଜି ନାବେ ୱାଡ, ଯଦି ଏପେଙ୍ଗ୍ ହେଲେକେ କିଉଦେର୍, ଆନେଙ୍ଗ୍ ମିଙ୍ଗେଙ୍ଗ୍ ଦଣ୍ଡ୍ ହିଦ୍‌ଦେଙ୍ଗ୍ ତିପ୍‌କୁ ୱାନାଙ୍ଗ୍ ଇନେସ୍ ର ଚରେନ୍ ତିପ୍‌କୁ ଚର୍‌କିଦେଙ୍ଗ୍ ୱାନାନ୍।