୧ ଥେସଲନୀକିୟ 5:18 - New Testament in Pengo Parja Language

¹⁸ ଏପେଙ୍ଗ୍ ଦୁଃକ୍ ୱାତିସ୍ କି ସୁକ୍ ୱାତିସ୍ ପା ୱିଜୁଦିନ୍ ଈଶ୍ୱରତିଙ୍ଗ୍ ଦନ୍ଯବାଦ୍‍କିଜି ମାନାଟ୍। ଈଶ୍ୱର ହେଦାଙ୍ଗ୍ ମିବେତାଙ୍ଗ୍ ଇଚା କିତାନ୍‌ନା, ଇନେସ୍‌କି ଏପେଙ୍ଗ୍ ଯୀଶୁ ଖ୍ରୀଷ୍ଟନି ମାନାୟ୍ କାଦେର୍।

ସତ୍‌ ବଚନ୍‌ ପୁନି ନିୟମ୍‌

¹⁸ ସବୁ ୱେଡ଼ାଲିଂ ଜୁୱାର୍‌ ହିୟାଟ୍‌; ଇନାକିଦେଂକି ମି ବିସ୍ରେ କ୍ରିସ୍ଟ ଜିସୁ ସୁକ୍‌ତାକେ ଇଦାଂ ଇସ୍ୱର୍ତି ଇଚା ।

୧ ଥେସଲନୀକିୟ 5:18 Iomraidhean Croise

ଏପିସିୟ 5:20

ୱିଜୁଦିନ୍ ୱିଜୁ ବିଷୟରେ ମା ମାପୃ ଯୀଶୁ ଖ୍ରୀଷ୍ଟ ତର୍‍ଦାଙ୍ଗ୍ ଆବା ଈଶ୍ୱରତିଙ୍ଗ୍ ଦନ୍ଯବାଦ୍ ହିୟାଟ୍।

ପିଲିପିୟ 4:6

ଏପେଙ୍ଗ୍ ଇନା ବିଷୟରେ ପା ଚିନ୍ତା କିମାଟ୍। ମାତର୍ ୱିଜୁ ବିଷୟରେ ଈଶ୍ୱରତାକେ ପାର୍ତାନା କିୟାଟ୍। ଆରେ ମିଙ୍ଗେଙ୍ଗ୍ ଇନାକା ଦର୍‌କାର୍ ହେୱାନିଙ୍ଗ୍ ଗୁୱାରି ଆରେ ଦନ୍ଯବାଦ୍ ହିଜି ଏନାଟ୍।

କଲସିୟ 3:17

ଏପେଙ୍ଗ୍ ଇନାକା କିନାଦେର୍ କି ୱେଚ୍‌ନାଦେର୍, ହେ ୱିଜୁ ମାପୃ ଯୀଶୁ ଖ୍ରୀଷ୍ଟ ତର୍‍ଦାଙ୍ଗ୍ ଆବା ଈଶ୍ୱରତିଙ୍ଗ୍ ଦନ୍ଯବାଦ୍ ହିନାଦେର୍।

୧ ଥେସଲନୀକିୟ 4:3

ଈଶ୍ୱରତିଙ୍ଗ୍ ଇଚା ଯେ, ଏପେଙ୍ଗ୍ ପବିତ୍ର ଆଡ, ଇ ଅର୍ତ ଏପେଙ୍ଗ୍ ଦାରି କାମାୟ୍ କିମାଟ୍।

ଏବ୍ରି 13:15

ଲାଗିଙ୍ଗ୍ ଯୀଶୁ ସାଇଜତାଙ୍ଗ୍, ଈଶ୍ୱର ତର୍‌ଦିଙ୍ଗ୍ ଗୌରବ କିଜି ମା ଜୟ୍-ଜୟ୍‌ନି ବଲିପୁଜା ହେୱାନିଙ୍ଗ୍ ୱିଜୁଦିନ୍ ହିନି ଦର୍‌କାର୍।

୧ ପିତର 2:15

ହେଦାଙ୍ଗ୍ କାଜିଙ୍ଗ୍ ଈଶ୍ୱର ଇଚା କିନାକାନ୍ ଯେ, ଏପେଙ୍ଗ୍ ହାର୍ କାମାୟ୍ କିୟାଟ୍। ଲାଗିଙ୍ଗ୍ ଈଶ୍ୱର ପୁନ୍‌ୱିତି ବକୁୱା ମାନାୟାର୍ ମିଙ୍ଗେଙ୍ଗ୍ ବିରଦ୍ କିତ୍‌ତିସ୍ ପା ମି ହାର୍ କାମାୟ୍ କାଜିଙ୍ଗ୍ ହେ ବିରଦ୍‌ତିଙ୍ଗ୍ ଏପେଙ୍ଗ୍ ବନ୍ଦ୍ କିଦେଙ୍ଗ୍ ଆଡ୍‌ନାଦେର୍।

୧ ପିତର 4:2

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ମି ୱିଜୁ ଜିବୁନ୍ ପୁର୍ତିତାକେ କରାପ୍ କାମାୟ୍ କିଜି ଜିବୁନ୍ କାଟି କିଉତ୍, ମାତର୍ ଈଶ୍ୱର ଇଚାକିତି କାମାୟ୍ ଏପେଙ୍ଗ୍ କିନାଦେର୍।

୧ ଯୋହନ 2:17

ପୁର୍ତି ଆରେ ଜଗତ୍‌ନି ଜିନିଷ୍ ପାୟାଆନି ଆହା ଅଲପ୍‌ଦିନ୍ କାଜିଙ୍ଗ୍। ମାତର୍ ଇମ୍‌ଣି ମାନାୟ୍ ଆବା ଈଶ୍ୱର କାତାତିଙ୍ଗ୍ ମାନି କିନାନ୍, ହେୱାନ୍ ୱିଜୁଦିନ୍ ଜିଜି ମାନାନ୍।