୧ ଥେସଲନୀକିୟ 5:15 - New Testament in Pengo Parja Language

¹⁵ ଆନେଙ୍ଗ୍ ମିଙ୍ଗେଙ୍ଗ୍ ଜାଗ୍ରତ୍ ଆଦେଙ୍ଗ୍ ୱେଚ୍‌ଚାନାଙ୍ଗା, ଏପେଙ୍ଗ୍ ଅନ୍ୟାୟ୍ ବାଦୁଲ୍‌ରେ ଅନ୍ୟାୟ୍ କିମାଟ୍। ମାତର୍ ଏପେଙ୍ଗ୍ ୱିଜୁଦିନ୍ ଜାର୍-ଜାର୍ କାଜିଙ୍ଗ୍ ଆରେ ୱିଜାର୍ କାଜିଙ୍ଗ୍ ହାର୍ କାମାୟ୍ କିଦେଙ୍ଗ୍ ଉପାୟ୍ କିୟାଟ୍।

ସତ୍‌ ବଚନ୍‌ ପୁନି ନିୟମ୍‌

¹⁵ ଜାଗ୍ରତ୍‌, ଇନେର୍‌ ଇମ୍‌ଣାକାର୍‌ତି କାଜିଂ ଅନ୍ୟାୟ୍‌ ବାଦୁଲ୍‌ ଅନ୍ୟାୟ୍‌ କିମେନ୍‌, ଇଚିସ୍‌ ଏପେଙ୍ଗ୍‌ ନିତ୍ରେ ହାରିତିଂ ଆରି ୱିଜ଼ାର୍‌ତି ହାର୍‌ କିଦେଙ୍ଗ୍‌ ଜାଲ୍‌ଦି ଆଡୁ ।

୧ ଥେସଲନୀକିୟ 5:15 Iomraidhean Croise

ମାତିଉ 5:39

ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ଶୟତାନ ମାନାୟ୍ ଲଗାଙ୍ଗ୍ ଟେବାଇ କିମାଟ୍, ମାତର୍ ଇନେର୍ ପା ମି ତିନି କୁର୍‌ୱାତ ଚାପ୍ଡ଼ା ଇଡ଼୍‌ଦାନାର୍, ହେୱାନିଙ୍ଗ୍ ଆରେ ର କୁର୍‌ୱା ପା ଚଚ୍‌ଚି ହିୟାଟ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:35

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଜାର୍ ଶାତ୍ରୁରିଙ୍ଗ୍ ଲାଡ୍ କିୟାଟ୍। ହେୱାରିଙ୍ଗ୍ ଉପ୍‌କାର୍ କିୟାଟ୍। ଆରେ ଡାବୁଙ୍ଗ୍ ଗାଟାଆୱି ଆହା ଇଟ୍‌ୱାଦାଙ୍ଗ୍ ହେୱାରିଙ୍ଗ୍ ଡାବୁଙ୍ଗ୍ ରୁଣ୍ ହିୟାଟ୍। ଇଦାଙ୍ଗ୍ କିତିସ୍ ମିଙ୍ଗେଙ୍ଗ୍ ବେସି ପୁରଷ୍କାର୍ ଗାଟାଆଦ୍‍ନାତ୍। ଏପେଙ୍ଗ୍ ୱିଜୁ ଶାକ୍ତିନିକାନ୍ ଗାଜା ଈଶ୍ୱର ମେହି ଆନାଦେର୍। ଇନେସ୍‌କି ହେୱାନ୍ ହାର୍ଦି ମାନାୟ୍‌ତିଙ୍ଗ୍ ଆରେ ବାନ୍ୟା ମାନାୟାରିଙ୍ଗ୍ ପା ଦୟା ଚଚ୍‌ଚାନାନ୍।

ପକ୍ୟାତାକା 16:28

ମାତର୍ ପାଉଲ ଗାଜାକାଟ୍ କିଜି କୁକ୍‌ଚି ୱେଚ୍‌ଚାନ୍, “ଆପେଙ୍ଗ୍ ୱିଜାକାପ୍ ଇବେ ମାନାପ୍, ଏନେଙ୍ଗ୍ ଜାର୍‌ତିଙ୍ଗ୍ ଅହି ଆମା।”

ରୋମିୟ 12:9

ଏପେଙ୍ଗ୍ ଜେକନିକାରିଙ୍ଗ୍ ଲାଡ୍ କିନାଙ୍ଗା ଇଞ୍ଜି ମିଚ୍ ୱେଚ୍‌ମାଟ୍, ମାତର୍ ସତ୍ ଲାଡ୍ କିୟାଟ୍। କରାପ୍ କାମାୟ୍ କାଜିଙ୍ଗ୍ ଗିଣ୍ କିୟାଟ୍ ଆରେ ୱିଜୁଦିନ୍ ହାର୍ କାମାୟ୍ କିନି ମାନାୟାର୍ ହୁଦାଙ୍ଗ୍ ରବେ ମାହାଆଜି ହାର୍ କାମାୟ୍ କିୟାଟ୍।

ରୋମିୟ 14:19

ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ମଣ୍ଡ୍‌ଲିତାକେ ଜାର୍-ଜାର୍‌ବିତ୍ରେ ହାମାନ୍ ଆଜି ମାଞ୍ଜେଙ୍ଗ୍ ଚିନ୍ତା କିନି ଦର୍‌କାର୍, ଆରେ ବେସି ପାର୍ତିକିନି କାଜିଙ୍ଗ୍ ଜାର୍-ଜାର୍‌ବିତ୍ରେ ସାଇଜ କିନି କାଜିଙ୍ଗ୍ ଉପାୟ୍ କିନି ଦର୍‌କାର୍।

୧ କରନ୍ତିୟ 14:1

ଲାଗିଙ୍ଗ୍ ଟଣ୍ଡାରିଙ୍ଗ୍ ଲାଡ୍ କିଦେଙ୍ଗ୍ ମି ୱିଜୁ ଶାକ୍ତି ୱିହାଟ୍। ପବିତ୍ର ଆତ୍ମା ଇମ୍‌ଣି ୱିଜୁ ଶାକ୍ତି ହିଦ୍‌ନାତା, ହେଦାଙ୍ଗ୍ ପାୟା ଆଦେଙ୍ଗ୍ ପା ମାନ୍ କିୟାଟ୍। ହେ ବିତ୍ରେତାଙ୍ଗ୍ ଈଶ୍ୱର କାତା ୱେଚ୍‌ଚେଙ୍ଗ୍ ଶାକ୍ତି ପାୟା ଆଦେଙ୍ଗ୍ ମାନ୍ କିୟାଟ୍।

୧ କରନ୍ତିୟ 16:10

ଏଚେପାଦ୍ନା ତିମତି ମିତାକେ ୱାନାନ୍, ତାଙ୍ଗେଙ୍ଗ୍ ସନ୍‌ମାନ୍ ହୁଦାଙ୍ଗ୍ ବ୍ୟବହାର୍ କିୟାଟ୍ ଇନେସ୍‌କି ହେୱାନ୍ ନା ଲେକେ ମାପୃ ହେବା କିନାନା।

୧ କରନ୍ତିୟ 6:7

ଏଚେପାଦ୍ନା ମି ବିତ୍ରେତାଙ୍ଗ୍ ଇନେର୍ ଯଦି ମି ପାର୍ତିନି ଟଣ୍ଡେନିଙ୍ଗ୍ ବିଚାର୍ କିଦେଙ୍ଗ୍, ବିଚାର୍‌କିନି ବାହାତାକେ ଅନାନା, ଲାଗିଙ୍ଗ୍ ଏପେଙ୍ଗ୍ ଜାର୍-ଜାର୍‌ବିତ୍ରେ ଖ୍ରୀଷ୍ଟାନ୍ ଲକ୍ ମାଚିଲେକେ, ଜିବୁନ୍ କାଟି କିଦେଙ୍ଗ୍ ଆଡୁଦେରା।

ଗାଲାତିୟ 6:10

ଲାଗିଙ୍ଗ୍ ଏଚେପାଦ୍ନା ମାଙ୍ଗେଙ୍ଗ୍ ସୁଯଗ୍ ଗାଟାଆଦ୍‍ନାତ୍, ୱିଜୁ ମାନାୟାର୍ କାଜିଙ୍ଗ୍ ବିଶେସ୍ କିଜି ପାର୍ତିକିନି ମାନାୟାରିଙ୍ଗ୍ ହାର୍ଦି କାମାୟ୍‌ତାକେ ସାଇଜ କିୟାଟ୍।

ଏପିସିୟ 5:15

ଇଦାଙ୍ଗ୍ କାଜିଙ୍ଗ୍ ମି ବ୍ଯବାହାର୍‌ତାକେ ଜାଗ୍ରତ୍ ଆଡ। ଏପେଙ୍ଗ୍ ବୁଦିହିଲ୍‌ୱି ଲେକେ ଆୱାଦାଙ୍ଗ୍ ବୁଦି ମାନିଲେକେ ବ୍ଯବାହାର୍ କିୟାଟ୍।

ଏପିସିୟ 5:33

ଇଦାଙ୍ଗ୍ ମି କାଜିଙ୍ଗ୍ ପା, ଲାଗିଙ୍ଗ୍ ଏପେଙ୍ଗ୍ ୱିଜାକାଦେର୍ ଜାର୍-ଜାର୍ କଗ୍‍ଲେକାଙ୍ଗ୍ ଜାର୍‌ତିଙ୍ଗ୍ ଲାଡ୍ କିତିଲେକେ ଲାଡ୍ କିୟାଟ୍। ଆରେ କଗ୍‍ଲେକ୍ ପା ଜାର୍ ଆଣ୍ଡ୍ରାକାଙ୍ଗ୍ ସନ୍‌ମାନ୍ କିୟେକ୍।

୧ ଥେସଲନୀକିୟ 2:12

ଆପେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାପା, ଆରେ ସାସ୍ ହିଦ୍‌ନାପା। ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ତା ରାଜିତାକେ ଗୌରବ ମାନାୟ୍ ଆନି କାଜିଙ୍ଗ୍ ବାଚି କିତ୍‌ତାନ୍‌ନା, ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ହେୱାନ୍ ଇଚା କିତିଲେକେ ଯିବୁନ୍ କାଟିକିୟାଟ୍।

୧ ଥେସଲନୀକିୟ 5:21

ମାତର୍ ୱିଜୁ କାତାତିଙ୍ଗ୍ ପରିକ୍ଷା କିଜି ପୁନାଟ୍, ଇଦାଙ୍ଗ୍ ଈଶ୍ୱରତାଙ୍ଗ୍ ୱାତାତ୍‌ନା କି ଆକାୟ୍? ଆରେ ଇମ୍‌ଣାକା ହାର୍‍ଦାକା ହେଦାଙ୍ଗ୍ ଆସ୍ତି ମାନି କିୟାଟ୍।

୧ ତିମତି 6:11

ଏ ଈଶ୍ୱରତିଙ୍ଗ୍ ହେବାକିନି ତିମତି, ଏନେଙ୍ଗ୍ ଇ ୱିଜୁ ବିଷୟତାଙ୍ଗ୍ ଜେକ ଆନି ଦର୍‌କାର୍। ଆରେ ଏନେଙ୍ଗ୍ ଇନାକା ଟିକ୍ ହେଦାଙ୍ଗ୍ କିଦେଙ୍ଗ୍ ଉପାୟ୍ କିୟା, ଈଶ୍ୱରତିଙ୍ଗ୍ ସନ୍‌ମାନ୍ ଆତିଲେକେ ଜିବୁନ୍ କାଟି କିୟା, ଖ୍ରୀଷ୍ଟଙ୍ଗ୍ ପାର୍ତି କିୟା, ଜେକନିକାରିଙ୍ଗ୍ ଲାଡ୍ କିୟା। ବିପତ୍ ୱେଡ଼ାଙ୍ଗ୍ ସାହାସ୍ ଆସ୍ତି ମାନା, ରିସା ଆୱାଦାଙ୍ଗ୍ ଜେକନିକାର୍‌ତାକେ ହାର୍ ଆଜି ମାନା।

୨ ତିମଥି 2:24

ମାପୃନି ଦାସ୍ ଗଣ୍ଡ୍‍ଗଲ୍ କିନାକା ଟିକ୍ ଆକାୟ୍। ମାତର୍ ହେ ୱିଜାକାର୍ କାଜିଙ୍ଗ୍ ଦୟା ଚଚ୍‌ନି ଦର୍‌କାର୍, ହେୱାନ୍ ଈଶ୍ୱର କାତା ପୁରା କିଲେର୍ ବାବ୍‌ରେ ହିକ୍ଷାହିଦେଙ୍ଗ୍ ଆଡ୍‌ନାକା ମାନାତ୍ ଆରେ କୁର୍‌ଲିୟା ମାନାୟାର୍ ହୁଦାଙ୍ଗ୍ ଶାନ୍ତିଆଜି ମାନି ଦର୍‌କାର୍।

ତୀତସ 3:2

ଇନେରିଙ୍ଗ୍ ନିନ୍ଦା କିୱେଦେଙ୍ଗ୍, ଇନେର୍ ହୁଦାଙ୍ଗ୍ ଗଣ୍ଡ୍‍ଗଲ୍ ଆୱେଦେଙ୍ଗ୍। ଜେକନିକାର୍ ହୁଦାଙ୍ଗ୍ ସାଙ୍ଗ୍‌ସାତି ଲେକେ ମାଞ୍ଜେଙ୍ଗ୍, ଆରେ ୱିଜୁ ମାନାୟାର୍ ହୁଦାଙ୍ଗ୍ ସାଦୁ ମାନାୟ୍ ଲେକେ ବ୍ଯବହାର୍ କିଦେଙ୍ଗ୍ ଏପେଙ୍ଗ୍ ପାର୍ତି କିନାକାରିଙ୍ଗ୍ ୱିଜୁଦିନ୍ ମାନ୍ତ ଏତୁକିୟାଟ୍।

ଏବ୍ରି 12:14

ୱିଜାକାର୍ ହୁଦାଙ୍ଗ୍ ଶାନ୍ତିରେ ମାଞ୍ଜେଙ୍ଗ୍ ଆରେ ପବିତ୍ର ଜିବୁନ୍ କାଟି କିଦେଙ୍ଗ୍ ଉପାୟ୍ କିୟାଟ୍। ଇନେସ୍‌କି ଇମ୍‌ଣାକାର୍ ପବିତ୍ର ଆକାୟ୍ ହେୱାର୍ ମାପୃଙ୍ଗ୍ ହୁଡ଼୍‌ଦେଙ୍ଗ୍ ଆଡୁର୍।

୧ ପିତର 1:22

ଇନେସ୍‌କି ଏପେଙ୍ଗ୍ ସତ୍‌ତିଙ୍ଗ୍ ମାନିକିତି କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ପାପ୍‌ତିଙ୍ଗ୍ ନୁସ୍‌ଦାତାନ୍‌ନା, ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ମି ପାର୍ତିନି ଟଣ୍ଡାରିଙ୍ଗ୍ ଟକାୟ୍ କିୱାଦାଙ୍ଗ୍ ହାତ୍‌ପା ଲାଡ୍‌କିନି ଦର୍‌କାର୍। ଏପେଙ୍ଗ୍ ଜାର୍-ଜାର୍‌ବିତ୍ରେ ଗରବ୍‌ତାଙ୍ଗ୍ ଲାଡ୍‌କିଜି ମାନାଟ୍।

୧ ପିତର 2:17

ଏପେଙ୍ଗ୍ ୱିଜାରିଙ୍ଗ୍ ସନ୍‌ମାନ୍ ହିୟାଟ୍, ଏପେଙ୍ଗ୍ ଖ୍ରୀଷ୍ଟାନ୍ ଟଣ୍ଡେନ୍, ତଣ୍‌ଦେଲିକାଙ୍ଗ୍ ଲାଡ୍ କିୟାଟ୍, ଏପେଙ୍ଗ୍ ଈଶ୍ୱରତିଙ୍ଗ୍ ପାଣ୍ଡ୍ରାଆଡ, ଏପେଙ୍ଗ୍ ସାସନ୍ କିନି ମାନାୟାର୍ କାତା ମାନି କିୟାଟ୍।

୧ ପିତର 3:9

ଯଦି ମି ବିରୁଦ୍‌ତାକେ ଇନେର୍ ମି ଜିନିଷ୍‌ତିଙ୍ଗ୍ ନଷ୍ଟ କିନାନ୍, ଲାଗିଙ୍ଗ୍ ଏପେଙ୍ଗ୍ ତା ଜିନିଷ୍‌ତିଙ୍ଗ୍ ଉଲ୍‌ଟା ନଷ୍ଟ କିମାଟ୍, ଆରେ ଇନେର୍ ଯଦି ମିଙ୍ଗେଙ୍ଗ୍ ଇନସ୍ତା କିଦ୍‌ନାନ୍ ଆରେ ଏପେଙ୍ଗ୍ ତାଙ୍ଗେଙ୍ଗ୍ ଉଲ୍‌ଟା ଇନସ୍ତା କିମାଟ୍। ମାତର୍ ଏପେଙ୍ଗ୍ ହେୱାରିଙ୍ଗ୍ ଆଶ୍ରିବାଦ୍ କିୟାଟ୍, ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ବାଚି କିତ୍‌ତାନ୍‌ନା, ଯଦି ଏପେଙ୍ଗ୍ ହେଲେକେ କିନାଦେର୍ ଈଶ୍ୱର ମିଙ୍ଗେଙ୍ଗ୍ ଆଶ୍ରିବାଦ୍ କିଦ୍‌ନାନ୍।

୩ ଯୋହନ 1:11

ଏ ନା ଲାଡ୍‌ନି ସାଙ୍ଗ କାଦେର୍, କରାପ୍ ମାନାୟାର୍ କାମାୟ୍‌ତିଙ୍ଗ୍ ଏପେଙ୍ଗ୍ ହିକାଆମାଟ୍, ମାତର୍ ହାର୍ଦି କାମାୟ୍ କିନାକାର୍ କାମାୟ୍ ହିକାଆଡ। ଇମ୍‌ଣି ମାନାୟ୍ ହାର୍ କାମାୟ୍ କିନାନ୍ ହେୱାନ୍ ଈଶ୍ୱର ମେହି ଇଞ୍ଜି ପୁନ୍ୟା ଆନାତ୍, ଆରେ ଇମ୍‌ଣି ମାନାୟ୍ କରାପ୍ କାମାୟ୍ କିନାନ୍ ତା କରାପ୍ କାମାୟ୍‌ତିଙ୍ଗ୍ ହୁଡ଼୍‌ଜି ପୁନିୟା ଆନାତ୍‌ ଯେ, ହେୱାନ୍ ଈଶ୍ୱରତିଙ୍ଗ୍ ପୁନ୍‌ୱାତାନ୍‌ନା।

ହତ୍‌ତି 19:10

ତାପାଚେ ଆନେଙ୍ଗ୍ ହେ ଦୁତ୍ କାଲ୍‌ପାନାତାକେ ମୁଣ୍ଡିଆ ଇଡ଼୍‌ଜି ପୁଜା କିତାଙ୍ଗ୍, ମାତର୍ ହେୱାନ୍ ନାଙ୍ଗେଙ୍ଗ୍ ୱେଚ୍‌ଚାତାତ୍, “ଆକାୟ୍ ନାଙ୍ଗେଙ୍ଗ୍ ମୁଣ୍ଡିଆ ଇଡ଼୍‌ଦାମା। ଇନେସ୍‌କି ଆନେଙ୍ଗ୍ ପା ନିଲେକେ ଆରେ ଜେକନି ଟଣ୍ଡାର୍‌ଲେକେ ଈଶ୍ୱର ଦାସ୍ ଇମ୍‌ଣି ମାନାୟାର୍ ଯୀଶୁଙ୍ଗ୍ ପାର୍ତିକିନାରା ଇଞ୍ଜି ପୁନାରା ଲାଗିଙ୍ଗ୍ ଏନେଙ୍ଗ୍ ଈଶ୍ୱରତିଙ୍ଗ୍ ପୁଜାକିୟା। ଇନେସ୍‌କି ପବିତ୍ର ଆତ୍ମା ହେ ମାନାୟ୍ ଇନେର୍ ମାନାୟାରିଙ୍ଗ୍ ଯୀଶୁ ଖ୍ରୀଷ୍ଟ ସତ୍ ବିଷୟ ଶୁଣାୟ୍ କିଦେଙ୍ଗ୍ ସାଇଜ କିନାତା।”

ହତ୍‌ତି 22:9

ମାତର୍ ହେ ଦୁତ୍ ନାଙ୍ଗେଙ୍ଗ୍ ଆରେରଗ ୱେଚ୍‌ଚାତାତ୍, “ଆକାୟ୍, ନାଙ୍ଗେଙ୍ଗ୍ ମୁଣ୍ଡିଆ ଇଡ଼୍‌ଦାମା। ଇନେସ୍‌କି ଆନେଙ୍ଗ୍ ପା ନିଲେକେ ଆରେ ଜେକନି ଟଣ୍ଡାର୍‌ଲେକେ ଇ ଈଶ୍ୱର ସାସ୍ତର୍‌ତିଙ୍ଗ୍ ମାନିକିଜି ଭବିଷ୍ଯତବକ୍ତା ଇମ୍‌ଣି ମାନାୟାର୍ ଯୀଶୁଙ୍ଗ୍ ପାର୍ତିକିନାରା ଇଞ୍ଜି ପୁନିକିନାତା ଲାଗିଙ୍ଗ୍ ଏନେଙ୍ଗ୍ ଈଶ୍ୱରତିଙ୍ଗ୍ ପୁଜାକିୟା।”