୧ ଥେସଲନୀକିୟ 5:14 - New Testament in Pengo Parja Language

¹⁴ ଏ ପାର୍ତିକିନି ଟଣ୍ଡାର୍‌କାଦେର୍, ଆପେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାପା, ଆଡ଼୍‌ସାୟ୍ ଲଗାଙ୍ଗ୍ ସାବ୍‌ଦାନ୍ ଆଦେଙ୍ଗ୍ ହିକ୍ଷା ହିୟାଟ୍। ସାସ୍ ହିଲାକାରିଙ୍ଗ୍ ସାସ୍ ହିୟାଟ୍ ଆରେ ଶାକ୍ତି ହିଲାକାରିଙ୍ଗ୍ ଶାକ୍ତି ହିୟାଟ୍, ଆରେ ୱିଜାର୍ ମାନାୟାର୍‌ତାଙ୍ଗ୍ ସମାନ୍ ମାନାଟ୍।

ସତ୍‌ ବଚନ୍‌ ପୁନି ନିୟମ୍‌

¹⁴ ଏ ଟଣ୍ଡାର୍‌, ଆରି ତଣ୍‌ଦେକ୍‌ ଆପେଂ ମିଙ୍ଗେଙ୍ଗ୍‌ ଗୱାରି କିଦ୍‌ନାପା; ଅରାହିଲ୍‍ୱି ଚିନ୍ତା କିନି ମାନାୟ୍‍ତିଂ ଜାଗ୍ରତ୍‌ କିୟାଟ୍‌, ସାସ୍‌ ହିଲ୍‌ୱାକାରିଂ ଦୁକ୍‌ସାରାୟ୍‌ କିୟାଟ୍‌, ନାଦାର୍‌ରିଂ ଉପ୍‌କାର୍‌ କିୟାଟ୍‌, ୱିଜ଼ାର୍‌ କାଜିଂ ହୁଦାର୍‌ ଆଡୁ ।

୧ ଥେସଲନୀକିୟ 5:14 Iomraidhean Croise

ମାତିଉ 12:20

ଯୀଶୁ ନିୟମ୍‌ତାଙ୍ଗ୍ ଜିତା ଆୱି ପାତେକ୍, ହେୱାନ୍ ର ଡିଙ୍ଗ୍‌ତି ବେତ୍ ବେଡ୍‌ଗା ଲେକେ ଦୁର୍‌ବଲ୍ ମାନାୟାରିଙ୍ଗ୍ ଦଣ୍ଡ୍ ହିଉନ୍, ଆରେ ବଇଟାନି ସଡ଼ିତା ଲେକେ ଅସୁବିଦାତାକେ ମଡ଼ିଆତି ଲେକେ ମାନାୟାରିଙ୍ଗ୍ ଦଣ୍ଡ୍ ହିଉନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:32

ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ପାର୍ତି କିଜି ମାଞ୍ଜାଟ୍, ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମି କାଜିଙ୍ଗ୍ ପାର୍ତାନା କିନାଙ୍ଗା, ଏପେଙ୍ଗ୍ ୱିଜୁ ପାପ୍ କାମାୟ୍ ପିସ୍ତି ମାପୃତାକେ ୱାତି ପାଚେ ମି ଟଣ୍ଡାରିଙ୍ଗ୍ ନା ଜପି ପାର୍ତି କିଦେଙ୍ଗ୍ ୱେଚାଟ୍।”

ପକ୍ୟାତାକା 20:27

ଈଶ୍ୱର ମି କାଜିଙ୍ଗ୍ ଇମ୍‌ଣି ବିଷୟ ବାବି କିତ୍‌ତାନ୍‌ନା, ହେ ୱିଜୁ ବିଷୟ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାତାଙ୍ଗ୍‌ନା।

ପକ୍ୟାତାକା 20:31

ଲାଗିଙ୍ଗ୍ ଏପେଙ୍ଗ୍ ଜାଗ୍ରତ୍ ଆଜି ମାନାଟ୍! ଆରେ ଆନେଙ୍ଗ୍ ତିନ୍ ବାର୍ହୁ ପାତେକ୍ ୱେଡ଼ା ନାଣା ଆଡ଼୍‌ବିସ୍‌-ଆଡ଼୍‌ବିସ୍‌ ମିଙ୍ଗେଙ୍ଗ୍ ହିକ୍ଷାହିଜି ମାନ୍‌ଞ୍ଚାଙ୍ଗ୍ ହେଦାଙ୍ଗ୍ ଏପେଙ୍ଗ୍ ମାନ୍ତ ଏତୁକିୟାଟ୍।

ପକ୍ୟାତାକା 20:35

ଆନେଙ୍ଗ୍ ଏଲେଙ୍ଗ୍ ୱିଜୁ କାମାୟ୍ କିଜି ମିଙ୍ଗେଙ୍ଗ୍ ଚଚ୍‌ଚାତାଙ୍ଗ୍‌ନା, ଏପେଙ୍ଗ୍ ଇଲେକେ କାମାୟ୍ କିଜି ଗରିବ୍ ଲଗାଙ୍ଗ୍ ସାଇଜ କିୟାଟ୍। ମାପୃ ଯୀଶୁ ନିଜେ ୱେଚ୍‌ଚିତି କାତାତିଙ୍ଗ୍ ମାନ୍ତ ଏତୁକିୟାଟ୍, ‘ଅନାକାତାଙ୍ଗ୍ ହିନାକା ବେସି ଆଶ୍ରିବାଦ୍ ଆନାତ୍।’ ”

ରୋମିୟ 12:1

ଲାଗିଙ୍ଗ୍, ଏ ଟଣ୍ଡାର୍‌କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଈଶ୍ୱର ମାଙ୍ଗେଙ୍ଗ୍ ଦୟା କିତ୍‌ତାନ୍‌ନା। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଜାର୍-ଜାର୍ ଜିବୁନ୍‌ନି ଗାଗାଡ଼୍‌ତିଙ୍ଗ୍, ପବିତ୍ର ଆରେ ଈଶ୍ୱରତିଙ୍ଗ୍ ଆହ୍‌ନିଲେକେ ବଲିପୁଜା ଲେକେ କିୟାଟ୍, ହେଦାଙ୍ଗ୍‌ନେ ଈଶ୍ୱରତିଙ୍ଗ୍ ହେବାକିନି ସତ୍ ଉପାୟ୍।

ରୋମିୟ 14:1

ଇମ୍‌ଣି ଖ୍ରୀଷ୍ଟାନ୍ ଟଣ୍ଡାର୍‌ତି ପାର୍ତି ଉଣା ହେୱାରିଙ୍ଗ୍ ଏପେଙ୍ଗ୍ ଆହାଟ୍, ଆରେ ହେୱାର୍ ବାବି କିନାକା ଟିକ୍ କରାପ୍ ବିଷୟ କାଜିଙ୍ଗ୍ ଜିକାଟାଣା ଆମାଟ୍।

୧ କରନ୍ତିୟ 4:14

ଆନେଙ୍ଗ୍ ମିଙ୍ଗେଙ୍ଗ୍ ଲାଜ୍ କିଦ୍‌ନି କାଜିଙ୍ଗ୍ ଇ ୱିଜୁ ବିଷୟ ଲେକିକିଉଙ୍ଗା। ମାତର୍ ଏପେଙ୍ଗ୍ ନା ମାଜିର୍‌ଲେକେ, ଆରେ ଆନେଙ୍ଗ୍ ମିଙ୍ଗେଙ୍ଗ୍ ଲାଡ୍ କିଦ୍‌ନାଙ୍ଗା ହେଦାଙ୍ଗ୍ କାଜିଙ୍ଗ୍ ମିଙ୍ଗେଙ୍ଗ୍ ହିକାୟ୍ କିଦ୍‌ନି କାଜିଙ୍ଗ୍ ଇ ୱିଜୁ ବିଷୟ ଆନେଙ୍ଗ୍ ଲେକିକିନାଙ୍ଗା।

୧ କରନ୍ତିୟ 8:7

ମାତର୍ କେତେକ୍ ପାର୍ତିକିନି ଟଣ୍ଡାର୍ ଇ ବିଷୟତିଙ୍ଗ୍ ପୁନ୍‌ୱାତାର୍‌ନା ଯେ, ମୁର୍ତିକାଙ୍ଗ୍ ଶାକ୍ତି ହିଲ୍‌ଗୁତ୍ ଇନେସ୍‌କି ହେୱାର୍ ଆଗେତାଙ୍ଗ୍ ମୁର୍ତିକାଙ୍ଗ୍ ପୁଜାକିନି ଅବ୍ୟାସ୍ ମାନାତ୍। ଲାଗିଙ୍ଗ୍ ଏଚେପାଦ୍ନା ହେୱାର୍ ମୁର୍ତିତିଙ୍ଗ୍ ହିତି କାଦିତିଙ୍ଗ୍ ତିନାର୍, ହେୱାର୍ ନିଜେ ବୁଲ୍‌ରେ ବାବିକିନାର୍ ଯେ ଆପେଙ୍ଗ୍ ନଙ୍ଗୟ୍ ପାତେକ୍ ମୁର୍ତି ପୁଜା କିନାପା ଆରେ ପାପ୍ କିତାପ୍ ଇଞ୍ଜି ତା ମାନ୍ତ ଆଦିକ୍ ଚିନ୍ତା କିନାର୍।

ଗାଲାତିୟ 5:22

ମାତର୍ ପବିତ୍ର ଆତ୍ମା ମାଙ୍ଗେଙ୍ଗ୍ ସାଇଜ କିତ୍‌ତିସ୍, ଇଲେକେ ଗୁଣ୍: ଲାଡ୍ କିନାକା, ୱାରି କିନାକା, ଶାନ୍ତିତାଙ୍ଗ୍ ମାନାକା, ବେସି କଷ୍ଟତିଙ୍ଗ୍ ସମ୍ୱାଲି କିନାକା, ଦୟା କିନାକା।

ଏପିସିୟ 4:2

ଇଦାଙ୍ଗ୍‌ନି ଅର୍‌ତ ଯେ ଏପେଙ୍ଗ୍ ଇନାକାପା ଜାର୍‌ତିଙ୍ଗ୍ ହିରୁ ଆଜି କିୟାଟ୍, ମି ଆଦିକାର୍ ଚଚ୍‌ମାଟ୍, ସାସ୍ ଆସ୍ତି ମାନାଟ୍, ଆରେ ଜେକନିକାରିଙ୍ଗ୍ ବ୍ଯବହାର୍‌ତାଙ୍ଗ୍ ରିସା ଆୱାଦାଙ୍ଗ୍ ଜାର୍-ଜାର୍‌ତିଙ୍ଗ୍ ଲାଡ୍ କିୟାଟ୍।

ଏପିସିୟ 4:32

ଆରେ ଏପେଙ୍ଗ୍ ଜାର୍-ଜାର୍‌ତିଙ୍ଗ୍ ସାଇଜ କିୟାଟ୍ ଆରେ ଦୟା ଚଚାଟ୍। ଆରେ ଖ୍ରୀଷ୍ଟତାକେ ରବେ ଆତି କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ଇନେସ୍ କେମା କିତ୍‌ତାନ୍‌ନା, ହେଲେକେ ଜାର୍-ଜାର୍‌ତିଙ୍ଗ୍ କେମା କିୟାଟ୍।

କଲସିୟ 1:28

ଲାଗିଙ୍ଗ୍ ଆପେଙ୍ଗ୍ ଖ୍ରୀଷ୍ଟ ବିଷୟରେ ୱିଜାକାରିଙ୍ଗ୍ ୱେଚ୍‌ନାପା, ଆରେ ଈଶ୍ୱର ହିଜି ମାନ୍‌ଞ୍ଚି ଜ୍ଞାନ୍‌ତାଙ୍ଗ୍ ୱିଜାକାରିଙ୍ଗ୍ ଜାଗ୍ରତ୍ କିଜି ହିକ୍ଷା ହିନାପା। ଇନେସ୍‌କି ଆପେଙ୍ଗ୍ ହେୱାରିଙ୍ଗ୍ ଖ୍ରୀଷ୍ଟତାକେ ଟିକ୍ ବାବ୍‌ରେ ମାହାଆଜି ମାନାର୍ ଇଞ୍ଜି ଈଶ୍ୱର ମୁମ୍‌ଦ ନିଲି କିଦେଙ୍ଗ୍ ଆପେଙ୍ଗ୍ ଇ ଲେକେ କିନାପା।

୨ ଥେସଲନୀକିୟ 3:15

ଆରେ ହେୱାନିଙ୍ଗ୍ ଶତୃ ଇଞ୍ଜି ପା ବାବିକିମାଟ୍, ମାତର୍ ପାର୍ତିକିନି ଟଣ୍ଡେନ୍ ଇଞ୍ଜି ବାବିକିଜି ଜାଗ୍ରତ୍ କିୟାଟ୍।

୧ ତିମତି 3:3

ହେୱାନ୍ କାଲିଙ୍ଗ୍ କି କୁର୍‌ଲି କିୱାକାନ୍ ଆନାକା ମାନାତ୍, ହେୱାନ୍ ସାନ୍ତସିଷ୍ଟ ମାନାୟ୍ ଆନାକା ମାନାତ୍, ଇନେରିଙ୍ଗ୍ ଜୁକ୍ତି କିୱାକାନ୍ ଆରେ ଦନ୍ ଲବ୍ରା ଆୱାକା ମାନାତ୍।

୧ ତିମତି 6:11

ଏ ଈଶ୍ୱରତିଙ୍ଗ୍ ହେବାକିନି ତିମତି, ଏନେଙ୍ଗ୍ ଇ ୱିଜୁ ବିଷୟତାଙ୍ଗ୍ ଜେକ ଆନି ଦର୍‌କାର୍। ଆରେ ଏନେଙ୍ଗ୍ ଇନାକା ଟିକ୍ ହେଦାଙ୍ଗ୍ କିଦେଙ୍ଗ୍ ଉପାୟ୍ କିୟା, ଈଶ୍ୱରତିଙ୍ଗ୍ ସନ୍‌ମାନ୍ ଆତିଲେକେ ଜିବୁନ୍ କାଟି କିୟା, ଖ୍ରୀଷ୍ଟଙ୍ଗ୍ ପାର୍ତି କିୟା, ଜେକନିକାରିଙ୍ଗ୍ ଲାଡ୍ କିୟା। ବିପତ୍ ୱେଡ଼ାଙ୍ଗ୍ ସାହାସ୍ ଆସ୍ତି ମାନା, ରିସା ଆୱାଦାଙ୍ଗ୍ ଜେକନିକାର୍‌ତାକେ ହାର୍ ଆଜି ମାନା।

୨ ତିମଥି 4:2

ଈଶ୍ୱର କାତା ଶୁଣାୟ୍ କିୟାଟ୍, ସମୟ୍‌ତ କି ଅସମୟତ ପା କାତା ଶୁଣାୟ୍ କିଦେଙ୍ଗ୍ ରେଡି ଆଡ। ଏପେଙ୍ଗ୍ ପୁରା ଶାନ୍ତି ଆରେ ମାନ୍‌ଦିୟାନ୍ କିଜି ମାନାୟାରିଙ୍ଗ୍ ବୁଲ୍ କିନିହିଙ୍ଗ୍ ଟିକ୍ କିୟିକିୟାଟ୍, ପାପ୍ କାମାୟ୍ କିନିହିଙ୍ଗ୍ ରିସା ଆରେ ହେୱାରିଙ୍ଗ୍ ହାର୍ଦି ହିକ୍ଷାହିଜି ସାହାସ୍ ହିୟାଟ୍।

ତୀତସ 1:10

ଆନେଙ୍ଗ୍ ମିଙ୍ଗେଙ୍ଗ୍ ଇଦାଙ୍ଗ୍ ୱେଚ୍‌ଚାନାଙ୍ଗା, ଇନେସ୍‌କି ବେସିହେନି ମାନାୟ୍ ସତ୍ ହିକ୍ଷାତିଙ୍ଗ୍ ବିରଦ୍ କିନାର୍। ଇ ମାନାୟାର୍ ଇନା ମୁଲ୍ୟ ହିଲ୍‌ୱି ହିକ୍ଷା ହିନାର୍ ଆରେ ଜେକନିକାରିଙ୍ଗ୍ ଟକାଇ କିନାର୍, ଇନେସ୍‌କି ସୁନତ ବିଦିତିଙ୍ଗ୍ ମାନିକିନି ଦଳ୍‌ନି ମାନାୟାର୍।

ତୀତସ 1:6

ଇମ୍‌ଣି ମାନାୟ୍‌ତାକେ ଦସ୍ ହିଲ୍‌ଗୁତ୍, ର ଡକ୍ରି ଇଡ଼୍‌ଜି ମାନାନ୍। ତା ହିମ୍‌ଣା ୱାକ୍‌ଡ଼ାର୍ ପାର୍ତି କିନାକାର୍ ଆଜି ମାନ୍‌ଗାନାର୍ ଆରେ ହାର୍ଦି ଚାଲିଚଲନ୍ ଆଜି ମାନ୍‌ଗାନାର୍ କି ଆୟା ଆବାର୍‌ କାତା ୱେନାର୍, ଇ ଲେକେ ମାନାୟ୍‌ତିଙ୍ଗ୍ ପ୍ରାଚିନ୍‌ ପାଦ୍‌ତ ବାଚି କିୟାଟ୍।

ଏବ୍ରି 12:12

ଲାଗିଙ୍ଗ୍ ଏପେଙ୍ଗ୍ ଦୁର୍‌ବଲ୍ କେଇଦିଙ୍ଗ୍ ବାଡ଼୍‌କାସ୍ କିୟାଟ୍ ଆରେ ତ୍ରିଗ୍‌ନି କାଲ୍‌ଦାଙ୍ଗ୍ ଗୁମ୍‌ଜି ନିଲାଟ୍।

ଏବ୍ରି 13:3

ଯୀଶୁତାକେ ପାର୍ତିକିତି କାଜିଙ୍ଗ୍ ଇମ୍‌ଣାକାର୍ ଜଇଲ୍ ଇଞ୍ଜ ମାନାର୍, ହେୱାରିଙ୍ଗ୍ ବାଣା ଆମାଟ୍। ହେୱାର୍ ହୁଦାଙ୍ଗ୍ ହେବେ ମାନ୍‌ଞ୍ଜି ଦୁକ୍‌କଷ୍ଟ ପାୟାଆନାଦେରା ଇଞ୍ଜି ମାନ୍ତ ବାବିକିଜି ଏପେଙ୍ଗ୍ ପା କଷ୍ଟ ପାୟାଆନାଙ୍ଗା ଇଞ୍ଜି ମାନ୍ତ ବାବି କିୟାଟ୍। ଇମ୍‌ଣାକାର୍ ଅପ୍‌ମାନ୍ ପାୟାଆନାର୍‌, ହେୱାର୍ କଷ୍ଟ ପାୟାଆନାକା ମି ଗାଗାଡ଼୍‌ତ ପା ବାବି କିୟାଟ୍।