୧ ଥେସଲନୀକିୟ 5:11 - New Testament in Pengo Parja Language

¹¹ ଲାଗିଙ୍ଗ୍ ଏପେଙ୍ଗ୍ ଜାର୍-ଜାର୍‌ବିତ୍ରେ ସାସ୍ ହିଜି ମାନାଟ୍, ଆରେ ଈଶ୍ୱରତିଙ୍ଗ୍ ଆଦିକ୍ ପାର୍ତି କିଦେଙ୍ଗ୍ ଜାର୍-ଜାର୍‌ବିତ୍ରେ ସାଇଜ କିୟାଟ୍। ଇନେସ୍ ଏପେଙ୍ଗ୍ କିନାଦେରା।

ସତ୍‌ ବଚନ୍‌ ପୁନି ନିୟମ୍‌

¹¹ ଲାଗିଂ ଇନେସ୍‌ କିତାପ୍‍ନା, ହେ ଲାକେ ହାରିତିଂ ଦୁକ୍‌ସାରାୟ୍‌ କିୟାଟ୍‌, ଆରେ ହାରି ହାର୍‌ ଇଟାଟ୍‌ ।

୧ ଥେସଲନୀକିୟ 5:11 Iomraidhean Croise

ରୋମିୟ 14:19

ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ମଣ୍ଡ୍‌ଲିତାକେ ଜାର୍-ଜାର୍‌ବିତ୍ରେ ହାମାନ୍ ଆଜି ମାଞ୍ଜେଙ୍ଗ୍ ଚିନ୍ତା କିନି ଦର୍‌କାର୍, ଆରେ ବେସି ପାର୍ତିକିନି କାଜିଙ୍ଗ୍ ଜାର୍-ଜାର୍‌ବିତ୍ରେ ସାଇଜ କିନି କାଜିଙ୍ଗ୍ ଉପାୟ୍ କିନି ଦର୍‌କାର୍।

ରୋମିୟ 15:14

ଏ ଟଣ୍ଡାର୍‌କାଦେର୍ ଆନେଙ୍ଗ୍ ହାର୍ କିଜି ପୁଚାଙ୍ଗ୍‌ନା ଯେ, ଏପେଙ୍ଗ୍ ବେସି ହାର୍। ଏପେଙ୍ଗ୍ ଜାର୍-ଜାର୍‌ବିତ୍ରେ ହିକ୍ଷାହିଦେଙ୍ଗ୍ ଇ ୱିଜୁ ବିଷୟ ହାର୍ କିଜି ପୁଚାଦେର୍‌ନା।

ରୋମିୟ 15:2

ଆସେଙ୍ଗ୍ ଜେକନିକାରିଙ୍ଗ୍ ୱାରିକିନି ଦର୍‌କାର୍, ଯଦି ଆପେଙ୍ଗ୍ ଜେକନିକାରିଙ୍ଗ୍ ୱାରିୟା ଆନିଲେକେ ଆରେ ହେୱାରିଙ୍ଗ୍ ସାଇଜ କିନାପା, ଲାଗିଙ୍ଗ୍ ଆପେଙ୍ଗ୍ ମାପୃଙ୍ଗ୍ ଆଦିକ୍ ପାର୍ତିକିନି କାଜିଙ୍ଗ୍ ସାଇଜ କିୟାଆନାତ୍।

୧ କରନ୍ତିୟ 10:23

ମି ବିତ୍ରେତାଙ୍ଗ୍ କେତ୍‌ଜାଣ୍ ୱେଚ୍‌ନାର୍ ଆପେଙ୍ଗ୍ ୱିଜୁ ଜିନିଷ୍ କିଦେଙ୍ଗ୍ ଇନେର୍ ମୁନା କିଦୁର୍, ହେଦାଙ୍ଗ୍ ସତ୍ ମାତର୍ କେତେକ୍ ଜିନିଷ୍ ମାନାତ୍ ମାଙ୍ଗେଙ୍ଗ୍ ଈଶ୍ୱରତିଙ୍ଗ୍ ପାର୍ତି କିନାକା ଦୁର୍‌ବଲ୍ କିଦ୍‌ନାତ୍।

୧ କରନ୍ତିୟ 14:12

ଲାଗିଙ୍ଗ୍ ଏପେଙ୍ଗ୍ ପବିତ୍ର ଆତ୍ମାନି ବିନ୍-ବିନ୍ ରକମ୍‌ନି ଦାନ୍ ପାୟା ଆଦେଙ୍ଗ୍ ମାନ୍ କିୟାଟ୍, ହେ ୱିଜୁତାଙ୍ଗ୍ ଇମ୍‌ଣି ୱିଜୁ ଦାନ୍ ମି ମଣ୍ଡ୍‌ଲିନି ମାନାୟାରିଙ୍ଗ୍ ଆଦିକ୍ ସାଇଜ କିୟିକିନାତ୍, ହେ ଦାନ୍ ପାୟା ଆଦେଙ୍ଗ୍ ଉପାୟ୍ କିୟାଟ୍।

୧ କରନ୍ତିୟ 14:29

ହେୱାର୍‌ତାଙ୍ଗ୍ ରିୟାର୍ କି ତିନ୍‌ଜାଣ୍ ନେ ଈଶ୍ୱର କାତା ୱେଚେର୍, ଆରେ ଜେକନିକାର୍ ହେୱାର୍ ୱେଚ୍‌ଚି କାତାତିଙ୍ଗ୍ ଜାଗ୍ରତ୍ ହୁଦାଙ୍ଗ୍ ପରିକ୍ଷା କିଏର୍।

୧ କରନ୍ତିୟ 14:5

ଏପେଙ୍ଗ୍ ୱିଜାଦେର୍ ବୁଜାଆୱି ବାଷାତାଙ୍ଗ୍ ବେଣ୍ କିତିସ୍ ଆନେଙ୍ଗ୍ ୱାରିୟା ଆନାଙ୍ଗ୍। ମାତର୍ ଏପେଙ୍ଗ୍ ଈଶ୍ୱର କାତା ୱେଚ୍‌ଚେଙ୍ଗ୍ ଶାକ୍ତି ପାୟାଆଡ ଇଞ୍ଜି ଆନେଙ୍ଗ୍ ଆଦିକ୍ ମାନ୍ କିନାଙ୍ଗା। ଇନେସ୍‌କି ବୁଜାଆୱି ବାଷାତାଙ୍ଗ୍ ଈଶ୍ୱର କାତା ୱେଚ୍‌ନାକା ମୁକ୍ଯ। ଯଦି ମଣ୍ଡ୍‌ଲିନିକାର୍ ଇନେର୍ ପା ହେୱାନ୍ ୱେଚ୍‌ଚି ବିଷୟନି ଅର୍ତ ବୁଜାୟ୍ କିତିସ୍ ଲାଗିଙ୍ଗ୍ ମଣ୍ଡ୍‌ଲିନି ୱିଜାକାର୍ ଆଦିକ୍ ପାର୍ତିକିନାର୍।

୨ କରନ୍ତିୟ 12:19

ଏପେଙ୍ଗ୍ ବାବିକିଜି ମାନାଦେର୍ ଯେ, ମା ବିରୁଦ୍‌ତାକେ ୱେଚ୍‌ଚି ମାନି ୱିଜୁ ବିଷୟତିଙ୍ଗ୍ ବନ୍ଦ୍ କିଦେଙ୍ଗ୍ ଇ ୱିଜୁ ଲେକିକିନାଙ୍ଗା, ହେଲେକେ ଆକାୟ୍, ମାତର୍ ଆପେଙ୍ଗ୍ ଖ୍ରୀଷ୍ଟତାକେ ଚାକର୍ ଆଜିମାଚି କାଜିଙ୍ଗ୍ ଇ ୱିଜୁ ୱେଚ୍‌ଚାନାପା। ଇ ୱିଜୁ ଜିନିଷ୍ ମି ଲାବ୍ କାଜିଙ୍ଗ୍ କିନାପା, ଇନେସ୍‌କି ଆପେଙ୍ଗ୍ ପୁଚାପ୍‌ନା ଯେ ଈଶ୍ୱର ମାଙ୍ଗେଙ୍ଗ୍ ୱେଞ୍ଜ୍‌ନାନା।

ଏପିସିୟ 4:12

ହେୱାର୍ ଇନେସ୍ ଈଶ୍ୱର ମାନାୟାରିଙ୍ଗ୍ ତା ହେବା କିଦେଙ୍ଗ୍ ରେଡି କିନାର୍ ଆରେ ଖ୍ରୀଷ୍ଟନି ଗାଗାଡ଼୍ ଲେକେ ମଣ୍ଡ୍‌ଲିତିଙ୍ଗ୍ ଆତ୍ମିକ୍ ଜିବୁନ୍‌ତାକେ ବାଡା ଆଦେଙ୍ଗ୍ ସାଇଜ କିନାର୍।

ଏପିସିୟ 4:16

ଖ୍ରୀଷ୍ଟତାକେ ପାର୍ତିକିନି ମାନାୟାର୍ ତା ଗାଗାଡ଼୍‌ନି ଜିନିଷ୍ ଲେକେ। ର ମାନାୟ୍‌ନି ଗାଗାଡ଼୍‌ନି ଜିନିଷ୍ ମାହାଆଜି ମାନ୍‌ଞ୍ଜି ଟିକ୍ ବାବ୍‌ରେ କାମାୟ୍ କିତିସ୍ ଗାଗାଡ଼୍ ଇନେସ୍ ବାଡ଼୍‌କାସ୍ ଆଜି ବାଡା ଆନାତ୍। ହେଲେକେ ଖ୍ରୀଷ୍ଟ ମାଙ୍ଗେଙ୍ଗ୍ ହିଜି ମାନ୍‌ଞ୍ଚି କାମାୟ୍‌ତିଙ୍ଗ୍ ଯଦି ମାହାଆଜି କିତିସ୍ ଆସେଙ୍ଗ୍ ବାଡ଼୍‌କାସ୍ ଆଜି ଜିନାସ୍ ଆରେ ଜାର୍-ଜାର୍‌ତିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ଲାଡ୍ କିଦେଙ୍ଗ୍ ଆଡ୍‌ନାସ୍।

ଏପିସିୟ 4:29

ମି ୱେଇଦାଙ୍ଗ୍ ଇମ୍‌ଣି ପର୍‌କାର୍ କରାପ୍ କାତା ୱେଚ୍‌ମାଟ୍। ମାତର୍ ମି ବେଣ୍ ୱେନି ମାନାୟାର୍ ଇନେସ୍ ସାହାସ୍ ପାୟାଆନାର୍‌, ଇଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଇନାକା ପା ୱେଚାଟ୍ ହାର୍ ଆରେ ସାଇଜନି କାତା ୱେଚାଟ୍।

୧ ଥେସଲନୀକିୟ 4:10

ଆରେ ମାକଦନିଆନି ସହର୍‌ନି ପାର୍ତିକିନି ୱିଜାର୍ ଟଣ୍ଡାରିଙ୍ଗ୍ ଲାଡ୍ କିନାଦେରା। ହେଦାଙ୍ଗ୍ କାଜିଙ୍ଗ୍ ଏ ଟଣ୍ଡାର୍‌କାଦେର୍ ଏପେଙ୍ଗ୍ ଇନେସ୍ ଜାର୍-ଜାର୍‌ବିତ୍ରେ ଲାଡ୍‌କିଜି ମାଚାଦେର୍, ହେଲେକେ ଏପେଙ୍ଗ୍ ହେୱାରିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ଲାଡ୍ କିୟାଟ୍।

୧ ଥେସଲନୀକିୟ 4:18

ଲାଗିଙ୍ଗ୍ ଇ ୱିଜୁ କାତା ୱେଚ୍‌ଚି ଜାର୍-ଜାର୍‌ବିତ୍ରେ ଏପେଙ୍ଗ୍ ସାସ୍ ଆଜି ମାନାଟ୍।

୧ ତିମତି 1:4

କାତା ଆରେ ଇନାୱେଡ଼ାଙ୍ଗ୍ ୱିଜ୍‌ୱି ଆକଦାଦିନି ଗଷ୍ଟିନି କାତାତାକେ ଦିୟାନ୍ ହିୱେଦେଙ୍ଗ୍ ହେୱାରିଙ୍ଗ୍ ଆଦେସ୍ ହିୟା। ଇନେସ୍‌କି ଇ ଲେକେ କାତାତିଙ୍ଗ୍ ମାନାୟାର୍ ଜୁକ୍ତି କିବା ଆନାର୍, ଆରେ ଈଶ୍ୱର ଇଚାକିତି କାମାୟ୍‌ତିଙ୍ଗ୍ ହେୱାର୍ କିଦେଙ୍ଗ୍ ଆଡୁର୍। ମାତର୍ ପାର୍ତିକିନି ମାନାୟାର୍ ଇ କାମାୟ୍ କିଦେଙ୍ଗ୍ ଆଡ୍‌ନାର୍।

ଏବ୍ରି 10:25

ଜେକନିକାର୍ ଲେକେ ଆସେଙ୍ଗ୍ ମାପୃଙ୍ଗ୍ ରବେ ହେବା କିନାକା ବନ୍ଦ୍ କିଉସ୍। ମାତର୍ ଆସେଙ୍ଗ୍ ଜାର୍-ଜାର୍‌ତିଙ୍ଗ୍ ସାହାସ୍ କିଜି ଜାଗ୍ରତ୍ ଆନାସ୍, ଇନେସ୍‌କି ମାପୃ ଆରେରଗ ୱାନିଦିନ୍ ଲାଗେ ୱାନାତା।

ଏବ୍ରି 3:13

ଲାଗିଙ୍ଗ୍ ନେଞ୍ଜେଙ୍ଗ୍ ସୁଯଗ୍ ମାନୁ-ମାନୁ ୱିଜୁଦିନ୍ ଜାର୍-ଜାର୍‌ତିଙ୍ଗ୍ ସାହାସ୍ ହିୟାଟ୍। ଲାଗିଙ୍ଗ୍ ପାପ୍ ମିଙ୍ଗେଙ୍ଗ୍ ଟକାୟ୍ କିଦ୍‌ଦେଙ୍ଗ୍ ଆଡ଼୍‌ଦୁତ୍ ଆରେ ଏପେଙ୍ଗ୍ ଈଶ୍ୱର ବିରଦ୍‌ତାକେ ମାନ୍‌ତିଙ୍ଗ୍ ଆଟ୍‌ୱା କିଉଦେର୍।

୨ ପିତର 1:12

ଏପେଙ୍ଗ୍ ଇ ୱିଜୁ ବିଷୟ ସତ୍ ଇଞ୍ଜି ପୁଚାଦେର୍‌ନା ଆରେ ପୁରାପୁରି ପାର୍ତି କିନାଦେରା, ଆତିସ୍‌ପା ଇ ୱିଜୁ ବିଷୟରେ ମିଙ୍ଗେଙ୍ଗ୍ ୱିଜୁଦିନ୍ ମାନ୍ତ ଏତୁ କିୟିକିଦ୍‌ଦେଙ୍ଗ୍ ଆନେଙ୍ଗ୍ ଇଚା କିନାଙ୍ଗା।

ଜିହୁଦା 1:20

ମାତର୍ ଏ ନା ଲାଡ୍‌ନି ସାଙ୍ଗ କାଦେର୍, ମି ପବିତ୍ର ପାର୍ତିନି ପାଣ୍ଡୁସେନ୍ ଜପି ମି ଜିବୁନ୍‌ତିଙ୍ଗ୍ ରସ୍ତି ମାନାଟ୍। ଆରେ ଏପେଙ୍ଗ୍ ପବିତ୍ର ଆତ୍ମା ସାଇଜତାଙ୍ଗ୍ ପାର୍ତାନା କିୟାଟ୍।