୧ ଥେସଲନୀକିୟ 4:4 - New Testament in Pengo Parja Language

⁴ ଆରେ ଏପେଙ୍ଗ୍ ୱିଜାଦେର୍ ଜାର୍-ଜାର୍ ଦାରି କାମାୟ୍ କିନି ଇଚାତାଙ୍ଗ୍ ଦେହା ମାନାଟ୍। ଇନେସ୍‌କି ଈଶ୍ୱରତିଙ୍ଗ୍ ପୁନ୍‌ୱିତି ବିନ୍‌ଜାତିନି ମାନାୟାର୍ ହେଲେକେ କାମାୟ୍ କିଦେଙ୍ଗ୍ ଇଚା କିନାର୍।

ସତ୍‌ ବଚନ୍‌ ପୁନି ନିୟମ୍‌

⁴ ଜାଣ୍‍କେ ପୁଇପୁୟା ଆରି ହାରି ଦୁକ୍‌କିନାକା ବାବ୍ରେ ଜାର୍‌ ଜାର୍‌ କାଜିଂ କଗ୍‌ଲେ ଇଡ୍‌ଦେଂ ପୁନାଦେର୍‌,

୧ ଥେସଲନୀକିୟ 4:4 Iomraidhean Croise

ପକ୍ୟାତାକା 9:15

ମାତର୍ ମାପୃ ୱେଚ୍‌ଚାନ୍, “ଏନେଙ୍ଗ୍ ହାଲା। ଇନେସ୍‌କି ଆନେଙ୍ଗ୍ ହେୱାନିଙ୍ଗ୍ ନା ହେବା କିଦେଙ୍ଗ୍ ବାଚି କିତ୍‌ତାଙ୍ଗ୍‌ନା। ହେୱାନ୍ ବିନ୍‌ଜାତିନି ମାନାୟାର୍ ମୁମ୍‌ଦ, ରାଜାର୍ ମୁମ୍‌ଦ, ଆରେ ଇସ୍ରାଏଲ ଜାତିର୍ ମୁମ୍‌ଦ, ନା ବିଷୟରେ ଶୁଣାୟ୍ କିନାନ୍।

ରୋମିୟ 1:24

ହେଦାଙ୍ଗ୍ କାଜିଙ୍ଗ୍ ଈଶ୍ୱର ହେୱାରିଙ୍ଗ୍ ତା ଗରବ୍‌ନି କରାପ୍ ଚିନ୍ତା ଅନୁସାରେ କାମାୟ୍ କିନି କାଜିଙ୍ଗ୍ ପିସ୍ତି ହିତାନ୍, ଆରେ ହେୱାର୍ ଇନେସ୍‌କି ଜାର୍-ଜାର୍ ଗାଗାଡ଼୍ ବିରଦ୍‌ତାଙ୍ଗ୍ ଗିଣ୍ କାମାୟ୍ କିତାର୍।

ରୋମିୟ 12:1

ଲାଗିଙ୍ଗ୍, ଏ ଟଣ୍ଡାର୍‌କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଈଶ୍ୱର ମାଙ୍ଗେଙ୍ଗ୍ ଦୟା କିତ୍‌ତାନ୍‌ନା। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଜାର୍-ଜାର୍ ଜିବୁନ୍‌ନି ଗାଗାଡ଼୍‌ତିଙ୍ଗ୍, ପବିତ୍ର ଆରେ ଈଶ୍ୱରତିଙ୍ଗ୍ ଆହ୍‌ନିଲେକେ ବଲିପୁଜା ଲେକେ କିୟାଟ୍, ହେଦାଙ୍ଗ୍‌ନେ ଈଶ୍ୱରତିଙ୍ଗ୍ ହେବାକିନି ସତ୍ ଉପାୟ୍।

ରୋମିୟ 6:19

ଆନେଙ୍ଗ୍ ମିଙ୍ଗେଙ୍ଗ୍ ବୁଜାୟ୍ କିଦ୍‌ନି କାଜିଙ୍ଗ୍ ଚାକର୍ ଆରେ ମାଲିକ୍ କାତା ୱେଚ୍‌ଚାନାଙ୍ଗା, ଆଗେ ଏପେଙ୍ଗ୍ ଅଦରମ୍‌ନି ଚାକର୍ ଆଜି ମାଚାଦେର୍। ମାତର୍ ନଙ୍ଗୟ୍ ଏପେଙ୍ଗ୍ ଦରମ୍‌ନି ଚାକର୍ ଆନି ଦର୍‌କାର୍, ଲାଗିଙ୍ଗ୍ ଏପେଙ୍ଗ୍ ପବିତ୍ର ମାନାୟ୍ ଆଦେଙ୍ଗ୍ ଆଡ୍‌ନାଦେର୍।

୧ କରନ୍ତିୟ 6:15

ଏପେଙ୍ଗ୍ ହାର୍ କିଜି ପୁଚାଦେର୍‌ନା ଯେ, ମି ଗାଗାଡ଼୍ ଖ୍ରୀଷ୍ଟ ଗାଗାଡ଼୍‌ତାକେ ମାହାଆତାତ୍‌ନା। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଦାରି କାମାୟ୍ କିନି କାଜିଙ୍ଗ୍ ମି ଗାଗାଡ଼୍‌ତିଙ୍ଗ୍ ବ୍ୟବହାର୍ କିନାକା ଟିକ୍ ଆକାୟ୍, ଇମ୍‌ଣାକା କି ଖ୍ରୀଷ୍ଟତି ଗାଗାଡ଼୍।

୧ କରନ୍ତିୟ 7:2

ମାତର୍ ମାନାୟାର୍ ସହଜ୍‌ତାଙ୍ଗ୍ ଦାରି କାମାୟ୍ କିନାର୍, ହେଦାଙ୍ଗ୍ କାଜିଙ୍ଗ୍ ୱିଜାର୍ ଆଣ୍ଡ୍ରାଙ୍ଗ୍ ବିବାଆଜି ତା ଡକୃହିକ୍ ହୁଦାଙ୍ଗ୍ ମାନି ଦର୍‌କାର୍, ଆରେ ହେଲେକେ ୱିଜୁ କଗ୍‍ଲେକ୍ ତା ଡକ୍ରାହିର୍ ହୁଦାଙ୍ଗ୍ ବିବାଆଜି ମାନି ଦର୍‌କାର୍।

୧ କରନ୍ତିୟ 7:9

ମାତର୍ ଯଦି ହେୱାର୍ ଜାର୍‌ତିଙ୍ଗ୍ କଣ୍ଟ୍ରୁଲ୍ କିଜି ମାଞ୍ଜେଙ୍ଗ୍ ଆଡ୍‌ୱିତିସ୍ ହେୱାର୍ ବିବା ଆୟେର୍। ହେଦାଙ୍ଗ୍ ବିବା ଆୱାଦାଙ୍ଗ୍ ହୁଞ୍ଜା ମାଗା ଆନି କାଜିଙ୍ଗ୍ ଇଚା କିନାନା, ଲାଗିଙ୍ଗ୍ ହେୱାନ୍ ବିବା ଆନାକା ହାର୍।

୨ କରନ୍ତିୟ 4:7

ଆସେଙ୍ଗ୍ ବେଗି ନଷ୍ଟ ଆନି ର ଚିକ୍‍ଲା ଟାଣ୍ଡିଲେକେ ମାନାସ୍। ଆରେ ମା ବିତ୍ରେ ଦାମ୍‌ଦି ଦନ୍ ଅଜଡ଼୍‌ଲେକେ ଖ୍ରୀଷ୍ଟତି ହାର୍ଦିକାବୁର୍ ମାନାତା, ଲାଗିଙ୍ଗ୍ ହେଦାଙ୍ଗ୍ ମାଙ୍ଗେଙ୍ଗ୍ ପୁନି କିଦ୍‌ନାତା ଯେ, ମା ବିତ୍ରେ ମାନି ଶାକ୍ତି ମାଦାଙ୍ଗ୍ ଆକାୟ୍ ମାତର୍ ହେଦାଙ୍ଗ୍ ଈଶ୍ୱରତି ଗାଜା ଶାକ୍ତି।

ପିଲିପିୟ 4:8

ହାରିହାରା, ଏ ପାର୍ତିକିନି ଟଣ୍ଡାର୍‌କାଦେର୍, ସତ୍ ବିଷୟରେ, ସନ୍‌ମାନ୍ ପାୟାଆନି ବିଷୟରେ, ଟିକ୍ ବିଷୟରେ, ଇମ୍‌ଣି ୱିଜୁ ବିଷୟରେ ପାପ୍ ହିଲ୍‌ଗୁତ୍, ହଲ୍‌ନି ବିଷୟରେ, ଇମ୍‌ଣି ବିଷୟରେ ହାର୍ଦି ତର୍‌ ମାନାତ୍। ହାର୍ଦି ବିଷୟରେ ଆରେ ଇମ୍‌ଣି ବିଷୟରେ ମାନାୟାର୍ ଜୟ୍-ଜୟ୍ କିନାର୍ ଇ ୱିଜୁ ବିଷୟରେ ଏପେଙ୍ଗ୍ ଚିନ୍ତା କିୟାଟ୍।

ଏବ୍ରି 13:4

ଏପେଙ୍ଗ୍ ବିବାଆନି ଜିବୁନ୍‌ତିଙ୍ଗ୍ ସନ୍‌ମାନ୍ କିୟାଟ୍, ଆରେ ଏପେଙ୍ଗ୍ ବିବାଆତି ଜିବୁନ୍‌ତାକେ ଜାର୍-ଜାର୍ ପବିତ୍ର ଆଜି ମାନାଟ୍। ଇମ୍‌ଣାକାର୍ ଦାରୁଲା ଆରେ ଜେକନି ମାନାୟାରିଙ୍ଗ୍ ଆଦିକ୍ ଇଚା ଆନାର୍, ହେୱାରିଙ୍ଗ୍ ଈଶ୍ୱର ବିଚାର୍ କିନାନ୍।

୧ ପିତର 3:7

ଏ ଆଣ୍ଡ୍ରା କାଦେର୍, ଏପେଙ୍ଗ୍ ଜାର୍ କଗ୍‍ଲେକାଙ୍ଗ୍ ସନ୍‌ମାନ୍ ହିୟାଟ୍, ଆରେ ଜାର୍ ଡକ୍ରିକ୍ ହୁଦାଙ୍ଗ୍ ବୁଜାମାନା ଆଜି ହାମାନ୍ ଆଜି ମାନାଟ୍। ମି ଡକ୍ରୁଦି ମିବେତାଙ୍ଗ୍ ଦୁର୍‌ବଲ୍ ଆଜି ମାନ୍‌ଗାନାତ୍, ମାତର୍ ଈଶ୍ୱର ଦୟାକିଜି ହିତ୍‌ତି ପୁନି ଜିବୁନ୍‌ନି ଦାନ୍‌ତିଙ୍ଗ୍ ମି ଡକ୍ରୁଦି ପା ମିହୁଦାଙ୍ଗ୍ ହାମାନ୍ ଅଦିକାର୍ ପାୟାଆନାତ୍। ଲାଗିଙ୍ଗ୍ ଏପେଙ୍ଗ୍ ମି ଡକୃଦିକାଙ୍ଗ୍ ସନ୍‌ମାନ୍ ହୁଦାଙ୍ଗ୍ ବ୍ୟବହାର୍ କିୟାଟ୍ ଆରେ ଈଶ୍ୱର ମି ପାର୍ତାନାତିଙ୍ଗ୍ ୱେନାନ୍।