୧ ଥେସଲନୀକିୟ 4:3 - New Testament in Pengo Parja Language

³ ଈଶ୍ୱରତିଙ୍ଗ୍ ଇଚା ଯେ, ଏପେଙ୍ଗ୍ ପବିତ୍ର ଆଡ, ଇ ଅର୍ତ ଏପେଙ୍ଗ୍ ଦାରି କାମାୟ୍ କିମାଟ୍।

ସତ୍‌ ବଚନ୍‌ ପୁନି ନିୟମ୍‌

³ ଇନାକିଦେଂକି ଏପେଙ୍ଗ୍‌ ଇନେସ୍‌ ପୁଇପୁୟା ଆନାଦେର୍‌, ଇଦାଂ ଇସ୍ୱର୍ତି ଇଚା, ଇନାକିଦେଂକି ଏପେଙ୍ଗ୍‌ ଇନେସ୍‌ ଦାରିତାଂ ଦେହା ମାନାଟ୍‌,

୧ ଥେସଲନୀକିୟ 4:3 Iomraidhean Croise

ମାତିଉ 12:50

ମାତର୍ ଇନେର୍ ପା ନା ସରଗ୍‌ନି ଆବା ଇଚା ମାନିକିନାର୍, ହେୱାନ୍ ନା ଟଣ୍ଡେନ୍, ତଣ୍‌ଦେଲ୍ ଆରେ ମାଞ୍ଜିୟା।”

ମାତିଉ 15:19

ମାତର୍ ମାନାୟ୍ ଗରବ୍‌ତାଙ୍ଗ୍ ନେ କରାପ୍ ଚିନ୍ତା ହତ୍‌ନାତ୍, ଦାରି, ଚର୍, ମାନାୟ୍ ଅହ୍ନାକା, ମିଚ୍‌ୱା, ନିନ୍ଦା ଇୱିଜୁ କରାପ୍ ବେଣ୍ ହତ୍‌ନାତ୍।

ମାତିଉ 5:32

ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ଇନେର୍ ପା ନିଜର୍ କଗ୍‌ଲେଙ୍ଗ୍ ଦସ୍ ଆୱାଦାଙ୍ଗ୍ ଦାରି କିତାୟ୍ ଇଞ୍ଜି ହେଦେଲିଙ୍ଗ୍ ପିହ୍‌ନାନ୍। ହେୱାନ୍ ହେଦେଲିଙ୍ଗ୍ ଦାରି କିୟିକିତାନ୍‌, ଆରେ ଇନେର୍ ପା ପିସ୍ତି କଗ୍‌ଲେଙ୍ଗ୍ ବିବା ଆନାନ୍, ହେୱାନ୍ ଦାରୁଲା କିନାନ୍।

ମାତିଉ 7:21

ନାଙ୍ଗେଙ୍ଗ୍ ମାପୃ, ମାପୃ ଇଞ୍ଜି କୁକ୍‌ତିନି ୱିଜୁ ମାନାୟାର୍ ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ଆଡୁର୍। ଇମ୍‌ଣାକାନ୍ ସରଗ୍‌ତାକେ ମାନି ନା ଆବା ଇଚାତାଙ୍ଗ୍ କାମାୟ୍ କିନାନ୍, ହେୱାନ୍ ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ଆଡ୍‌ନାନ୍।

ମାର୍କ 3:35

ଇନେର୍ ସରଗ୍‌ନି ଈଶ୍ୱରତିଙ୍ଗ୍ ମାନିକିନାର୍, ହେୱାର୍ ନା ଟଣ୍ଡେନ୍, ତଣ୍‌ଦେଲ୍ ଆରେ ମାଞ୍ଜିୟା ଆନାର୍।”

ଜହନ୍‌ 4:34

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆବା ଈଶ୍ୱର ନାଙ୍ଗେଙ୍ଗ୍ ପକ୍ତାତାନ୍‌ନା, ତା ଇଚା ମାନିକିଜି ଆରେ ତା କାମାୟ୍ ପୁରା କିନାକା ନେ ନା କାଦି।

ଜହନ୍‌ 7:17

ଇମ୍‌ଣାକାନ୍ ଆବା ଈଶ୍ୱର ଇଚାତାଙ୍ଗ୍ ପୁରା କିଦେଙ୍ଗ୍ ଇଚାକିନାନ୍। ହେୱାନ୍‌ନେ ପୁଞ୍ଜେଙ୍ଗ୍ ଆଡ୍‌ନାନ୍ ଇଦାଙ୍ଗ୍ ଈଶ୍ୱରନି ହିକ୍ଷା କି ନା ଜାର୍ ହିକ୍ଷା।

ପକ୍ୟାତାକା 15:20

ତା ବାଦୁଲ୍‌ରେ ମାନାୟାର୍ ମୁର୍ତିତିଙ୍ଗ୍ ପୁଜାକିତି କାଦିତିଙ୍ଗ୍ ତିନ୍‌ୱେଦେଙ୍ଗ୍, ଦାରି କାମାୟ୍ କିୱେଦେଙ୍ଗ୍, ହାକ୍‌ତ ମିନ୍‌ଞ୍ଜି ଅସ୍ତି ପଶୁ ଜେଇ ତିନ୍‌ୱେଦେଙ୍ଗ୍ ଆରେ ନେତେର୍ ତିନ୍‌ୱି ବିଷୟରେ, ଆସେଙ୍ଗ୍ ହେୱାର୍ ଲାଗାୟ୍ ରଞ୍ଜାଙ୍ଗ୍ ଚିଟି ଲେକିକିଜି ୱେଚ୍‌ଚିସ୍ ଆନାତ୍‌।

ପକ୍ୟାତାକା 15:29

ଯଦି ଏପେଙ୍ଗ୍ ଇୱିଜୁ ହାର୍‌ଦାଙ୍ଗ୍ ମାନିକିତିସ୍, ମି କାଜିଙ୍ଗ୍ ହାର୍ ଆନାତ୍। ଏପେଙ୍ଗ୍ ହାର୍‌ଦାଙ୍ଗ୍ ମାନାଟ୍।

ପକ୍ୟାତାକା 20:32

ଆନେଙ୍ଗ୍ ମିଙ୍ଗେଙ୍ଗ୍ ଈଶ୍ୱରତାକେ ଆରେ ତା ଦୟାକିନି କାତାତିଙ୍ଗ୍ ହାର୍‌ପି କିଜି ହିତ୍‌ତାଙ୍ଗ୍‌ନା। ଇନେସ୍‌କି ହେୱାନ୍ ମିଙ୍ଗେଙ୍ଗ୍ ପାର୍ତି କିଜି ମାଞ୍ଜେଙ୍ଗ୍ ସାଇଜ କିଦ୍‌ନାନ୍। ହେୱାନ୍ ଇମ୍‌ଣାକାରିଙ୍ଗ୍ ଦରମ୍ ମାନାୟ୍ ରସ୍ତି ଆଦିକାର୍ ହିଦ୍‌ଦେଙ୍ଗ୍ କାତା ହିତ୍‌ତାନ୍‌ନା, ହେ ଆଦିକାର୍ ମିଙ୍ଗେଙ୍ଗ୍ ପା ହିଦ୍‌ନାନ୍।

ପକ୍ୟାତାକା 26:18

ଲାଗିଙ୍ଗ୍ ହେୱାର୍ କରାପ୍ କାମାୟ୍ ପିସ୍ତି ହାର୍ଦି କାମାୟ୍ କିନାର୍, ଆରେ ଶୟତାନ୍ ଶାକ୍ତିତାଙ୍ଗ୍ ଈଶ୍ୱର ଲାଗାୟ୍ ୱାତିସ୍, ଈଶ୍ୱର ହେୱାର୍ ପାପ୍‌ତିଙ୍ଗ୍ କେମା କିନାନ୍। ଆରେ ନାବେ ପାର୍ତି କିଦେଙ୍ଗ୍ ଇନେରିଙ୍ଗ୍ ଦରମ୍ ମାନାୟ୍ କିତାନ୍‌ନା ହେୱାର୍ ହୁଦାଙ୍ଗ୍ ମାଞ୍ଜେଙ୍ଗ୍ ଈଶ୍ୱର ଆଦିକାର୍ ହିନାନ୍।

ରୋମିୟ 1:29

ହେୱାର୍ ୱିଜୁ ପର୍‌କାର୍ ପାପ୍, ଅଦରମ୍‌ କାମାୟ୍, ଲବ୍ରା ଆନାକା, ଆକାର୍ ଆନାକା, ରିସା ଆନାକା, ମାନାୟ୍ ଅହ୍‌ନାକା, ଗଣ୍ଡ୍‍ଗଲ୍ କିନାକା, ମିଚ୍ ୱେଚ୍‌ନାକା, ଟକାୟ୍ କିନାକା ଆରେ ଜାର୍-ଜାର୍‌ବିତ୍ରେ ବେସି କରାପ୍ ଚିନ୍ତା କିଜି ଯିବୁନ୍ କାଟିକିନାରା।

ରୋମିୟ 12:2

ଏପେଙ୍ଗ୍ ଇ ପୁର୍ତିନି ମାନାୟାର୍ ବ୍ୟବହାର୍ କିନିଲେକେ କିମାଟ୍, ମାତର୍ ଈଶ୍ୱର ମି ମାନ୍ତି ବାବ୍‌ନାତିଙ୍ଗ୍ ବାଦ୍‌ଲାୟ୍ କିଜି ପୁନି ମାନାୟ୍ ଲେକେ କିଦେନ୍, ଆରେ ଏପେଙ୍ଗ୍ ହାର୍ ବାବ୍‌ନା ବାବିକିଦେଙ୍ଗ୍ ଆଡ୍‌ନାଦେର୍। ଲାଗିଙ୍ଗ୍ ଏପେଙ୍ଗ୍ ଈଶ୍ୱର ଇଚାକିତି କାମାୟ୍ ୱିଜୁତିଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍ ଆରେ ହେଲେକେ କିନାଦେର୍। ଆରେ ଏପେଙ୍ଗ୍ ପୁନାଦେର୍ ଯେ, ହେୱାନ୍ ହାର୍ କି, ଟିକ୍ ଆରେ ୱାରି କିନିଲେକେ କାମାୟ୍ କିଦେଙ୍ଗ୍ ଇଚା କିନାନା।

ରୋମିୟ 6:22

ମାତର୍ ନଙ୍ଗୟ୍ ଏପେଙ୍ଗ୍ ପାପ୍‌ନି ଶାକ୍ତିତାଙ୍ଗ୍ ମୁକ୍ତି ପାୟା ଆତାଦେର୍‌ନା ଆରେ ଈଶ୍ୱରତାକେ ଚାକର୍ ଆତାଦେର୍‌ନା। ନଙ୍ଗୟ୍ ଏପେଙ୍ଗ୍ ପବିତ୍ର ଆଦେଙ୍ଗ୍ ଆରେ ୱିଜ୍‌ୱି ଜିବୁନ୍ ପାୟା ଆଦେଙ୍ଗ୍ ଦରମ୍ କାମାୟ୍ କିନାଦେରା।

୧ କରନ୍ତିୟ 1:30

ମାତର୍ ଈଶ୍ୱର ମିଙ୍ଗେଙ୍ଗ୍ ଖ୍ରୀଷ୍ଟ ଯୀଶୁ ହୁଦାଙ୍ଗ୍ ଏକ୍ କିତ୍‌ତାନ୍‌ନା, ଆରେ ଖ୍ରୀଷ୍ଟ କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ବୁଦି ହିଦ୍‌ନାନ୍। ଈଶ୍ୱର ମା ୱିଜୁ ପାପ୍‌ତାଙ୍ଗ୍ ମୁକ୍ତି କିତ୍‌ତାନ୍ ଆରେ ହେୱାନ୍ ମାଙ୍ଗେଙ୍ଗ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ପବିତ୍ର ଆରେ ତା ମୁମ୍‌ଦ ଦରମ୍ ମାନାୟ୍ କିଦ୍‌ନାନ୍।

୧ କରନ୍ତିୟ 7:2

ମାତର୍ ମାନାୟାର୍ ସହଜ୍‌ତାଙ୍ଗ୍ ଦାରି କାମାୟ୍ କିନାର୍, ହେଦାଙ୍ଗ୍ କାଜିଙ୍ଗ୍ ୱିଜାର୍ ଆଣ୍ଡ୍ରାଙ୍ଗ୍ ବିବାଆଜି ତା ଡକୃହିକ୍ ହୁଦାଙ୍ଗ୍ ମାନି ଦର୍‌କାର୍, ଆରେ ହେଲେକେ ୱିଜୁ କଗ୍‍ଲେକ୍ ତା ଡକ୍ରାହିର୍ ହୁଦାଙ୍ଗ୍ ବିବାଆଜି ମାନି ଦର୍‌କାର୍।

୨ କରନ୍ତିୟ 12:21

ମିତାକେ ୱାଦେଙ୍ଗ୍ ଆନେଙ୍ଗ୍ ପାଣ୍ଡ୍ରାଆନାଙ୍ଗା, ଈଶ୍ୱର ନାଙ୍ଗେଙ୍ଗ୍ ମି କାଜିଙ୍ଗ୍ ଦରମ୍ କିଦେତ୍। ନଇଲେ ଆନେଙ୍ଗ୍ ଦୁଃକ୍ ଆନାଙ୍ଗ୍, ଇନେସ୍‌କି ମିବେତାଙ୍ଗ୍ ବେସିହେନି ମାନାୟାର୍ ଇ ୱିଜୁ ପାପ୍, ଆରେ ପବିତ୍ର ଆୱାତାର୍‌ନା। ଆରେ ଦାରି କାମାୟ୍ କିନି ଇଚାତାଙ୍ଗ୍ ମାନ୍‌ବାଦ୍‌ଲାୟ୍ କିୱାତାଦେର୍‍ନା।

ଗାଲାତିୟ 5:19

ଏପେଙ୍ଗ୍ ଗାଗାଡ଼୍‌ନି ଇଚାନି କାମାୟ୍ ୱିଜୁ କିଲେର୍ କିଜି ପୁଚାଦେର୍‌ନା କି ଦାରି କାମାୟ୍, କରାପ୍ ଚିନ୍ତା।

ଏପିସିୟ 5:17

ଲାଗିଙ୍ଗ୍ ବୁଦିହିଲ୍‌ୱି ମାନାୟ୍ ଲେକେ ଆୱାଦାଙ୍ଗ୍ ବୁଦି ମାନିଲେକେ ଆଡ, ଆରେ ମାପୃ ଇଚା ଇନାକା ହେଦାଙ୍ଗ୍ ବୁଜାଆଡ।

ଏପିସିୟ 6:6

ହେୱାରିଙ୍ଗ୍ ୱାରି କିଦେଙ୍ଗ୍ ଆରେ ହେୱାର୍ ହୁଡ଼୍‌ନିହିଙ୍ଗ୍ ହେଦାଙ୍ଗ୍ କିମାଟ୍। ମାତର୍ ଏପେଙ୍ଗ୍ ଖ୍ରୀଷ୍ଟ ଦାସ୍ ଲେକେ ବାବିକିଜି ଆତ୍ମାତାଙ୍ଗ୍ ଈଶ୍ୱରତିଙ୍ଗ୍ ଇନାକା ଇଚା ଏପେଙ୍ଗ୍ ହେଦାଙ୍ଗ୍ କିୟାଟ୍।

କଲସିୟ 1:9

ହେଦାଙ୍ଗ୍ କାଜିଙ୍ଗ୍ ହେ କାତା ୱେଚି ଦିନ୍‌ତାଙ୍ଗ୍ ୱିଜୁଦିନ୍ ଆପେଙ୍ଗ୍ ମି କାଜିଙ୍ଗ୍ ପାର୍ତାନା କିନାପା। ଆପେଙ୍ଗ୍ ପାର୍ତାନା କିନାପା ଯେ, ମିଙ୍ଗେଙ୍ଗ୍ ଈଶ୍ୱର ଆତ୍ମା ଜ୍ଞାନ୍ ଆରେ ବୁଦି ହିଦେନ୍, ଇନେସ୍‌କି ଏପେଙ୍ଗ୍ ତା ଇଚାତାଙ୍ଗ୍ ପୁରାପୁରି ପୁଞ୍ଜେଙ୍ଗ୍ ଆଡ୍‌ନାଦେର୍।

କଲସିୟ 3:5

ଲାଗିଙ୍ଗ୍ ପୁର୍ତିନି ପାପ୍‌ନି ୱିଜୁ ଗୁଣ୍‌ତିଙ୍ଗ୍ ପିହାଟ୍, ଇଦାଙ୍ଗ୍‌ନି ଅର୍ତ ଇୱିଜୁ ଗୁଣ୍, ଦାରି କାମାୟ୍, କରାପ୍ କାମାୟ୍, ଅପ୍‌ମାନ୍‌ନି କାମାୟ୍, ମାନ୍ ବିତ୍ରେ ଦାରି ଚିନ୍ତା କିନାକା, କରାପ୍ ଚିନ୍ତା, ଲବ୍ରା ଆନାକା। ରଞ୍ଜାଙ୍ଗ୍ ମୁର୍ତିତିଙ୍ଗ୍ ପୁଜା କିତିଲେକେ।

କଲସିୟ 4:12

ଏପାଫ୍ରା ମିଙ୍ଗେଙ୍ଗ୍ ଜୱାର୍ କିଦ୍‌ନାନା, ହେୱାନ୍ ମି ସହର୍‌ନି ମାନାୟ୍। ହେୱାନ୍ ରକାନ୍ ଯୀଶୁ ଖ୍ରୀଷ୍ଟଙ୍ଗ୍ ହେବା କିନାକାନ୍। ଏପେଙ୍ଗ୍ ଇନେସ୍ ଈଶ୍ୱରତାକେ ଟିକ୍‌ଆଜି ମାଞ୍ଜେଙ୍ଗ୍ ଆଡ୍‌ନାଦେର୍, ଆରେ ଈଶ୍ୱର ଇଚା ଏପେଙ୍ଗ୍ ପୁରାପୁରି ପୁଞ୍ଜେଙ୍ଗ୍ ଆଡ୍‌ନାର୍, ହେଦାଙ୍ଗ୍ କାଜିଙ୍ଗ୍ ହେୱାନ୍ ମି କାଜିଙ୍ଗ୍ ୱିଜୁଦିନ୍ ମାନ୍‌ଦିୟାନ୍ କିଜି ପାର୍ତାନା କିନାନା।

୧ ଥେସଲନୀକିୟ 4:2

ଆପେଙ୍ଗ୍ ମିଙ୍ଗେଙ୍ଗ୍ ଆଦେସ୍ ହିତ୍‌ତାକା ପୁଚାଦେର୍‌ନା, ମିଙ୍ଗେଙ୍ଗ୍ ଇ ଆଦେସ୍ ୱେଚ୍‌ଚେଦେଙ୍ଗ୍ ମାଙ୍ଗେଙ୍ଗ୍ ମାପୃ ଯୀଶୁ ୱେଚ୍‌ଚି ମାନ୍‌ଞ୍ଚାନ୍।

୧ ଥେସଲନୀକିୟ 4:4

ଆରେ ଏପେଙ୍ଗ୍ ୱିଜାଦେର୍ ଜାର୍-ଜାର୍ ଦାରି କାମାୟ୍ କିନି ଇଚାତାଙ୍ଗ୍ ଦେହା ମାନାଟ୍। ଇନେସ୍‌କି ଈଶ୍ୱରତିଙ୍ଗ୍ ପୁନ୍‌ୱିତି ବିନ୍‌ଜାତିନି ମାନାୟାର୍ ହେଲେକେ କାମାୟ୍ କିଦେଙ୍ଗ୍ ଇଚା କିନାର୍।

୧ ଥେସଲନୀକିୟ 5:18

ଏପେଙ୍ଗ୍ ଦୁଃକ୍ ୱାତିସ୍ କି ସୁକ୍ ୱାତିସ୍ ପା ୱିଜୁଦିନ୍ ଈଶ୍ୱରତିଙ୍ଗ୍ ଦନ୍ଯବାଦ୍‍କିଜି ମାନାଟ୍। ଈଶ୍ୱର ହେଦାଙ୍ଗ୍ ମିବେତାଙ୍ଗ୍ ଇଚା କିତାନ୍‌ନା, ଇନେସ୍‌କି ଏପେଙ୍ଗ୍ ଯୀଶୁ ଖ୍ରୀଷ୍ଟନି ମାନାୟ୍ କାଦେର୍।

୧ ଥେସଲନୀକିୟ 5:23

ଶାନ୍ତି ହିଦ୍‌ନି ଈଶ୍ୱର ହେୱାନ୍ ନିଜେ ମିଙ୍ଗେଙ୍ଗ୍ ପୁରାପୁରି ବାବେ ପବିତ୍ର କିଦ୍‌ନାନ୍। ମି ଆତ୍ମା, ଜିବୁନ୍ ଆରେ ଗାଗାଡ଼୍ ଦସ୍ କିତାନ୍‌ନା ଇଞ୍ଜି ଇଞ୍ଜ୍‌ମେର୍, ମା ମାପୃ ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ଆରେରଗ ପୁର୍ତିତାକେ ୱାନି ପାତେକ୍।

୨ ଥେସଲନୀକିୟ 2:13

ଏ ପାର୍ତିକିନି ଟଣ୍ଡାର୍‌କାଦେର୍, ଆସେଙ୍ଗ୍ ୱିଜୁଦିନ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନି ଦର୍‌କାର୍, ଇନେସ୍‌କି ମାପୃ ମାଙ୍ଗେଙ୍ଗ୍ ଲାଡ୍ କିଦ୍‌ନାନା। ଈଶ୍ୱର ପୁର୍ତି ଉବ୍‌ଜାୟ୍ କିତି ଆଗେ ମାଙ୍ଗେଙ୍ଗ୍ ଉଦାର୍ କିଦ୍‌ଦେଙ୍ଗ୍ ବାଚି କିତ୍‌ତାନ୍‌ନା, ଈଶ୍ୱର ଆତ୍ମା ସାଇଜତାଙ୍ଗ୍ ଆସେଙ୍ଗ୍ ପବିତ୍ର ଆୟା ଆନାତ୍, ଇନେସ୍‌କି ଆସେଙ୍ଗ୍ ମାପୃ ଯୀଶୁ ସତ୍ ବିଷୟତିଙ୍ଗ୍ ପାର୍ତି କିନାସା।

ତୀତସ 2:14

ଆସେଙ୍ଗ୍ ଇନେସ୍ ତା ମାନାୟ୍ ଆଜି ୱିଜୁ ହାର୍ଦି କାମାୟ୍ କିନି କାଜିଙ୍ଗ୍ ଆରେ ଅଦରମ୍‌ ଜିବୁନ୍‌ତାଙ୍ଗ୍ ମୁକ୍ତି କିଦ୍‌ଦେଙ୍ଗ୍ ଆରେ ୱିଜୁ କରାପ୍ ବ୍ୟବହାର୍‌ତାଙ୍ଗ୍ ହପ୍ତେଦେଙ୍ଗ୍ ଯୀଶୁ ଖ୍ରୀଷ୍ଟ ଜାର୍ ଜିବୁନ୍‌ତିଙ୍ଗ୍ ହିତାନ୍‌ନା।

ଏବ୍ରି 10:36

ଲାଗିଙ୍ଗ୍ ଏପେଙ୍ଗ୍ ଈଶ୍ୱର ଇଚା ଅନ୍‌ସାରେ କାମାୟ୍ କିଜି, ହେୱାନ୍ ଇନାକା ପାର୍ମାଣ୍ କିତାନ୍‌ନା ହେଦାଙ୍ଗ୍ ୱିଜୁ ଏପେଙ୍ଗ୍ ପାୟାଆନି କାଜିଙ୍ଗ୍, ମିଙ୍ଗେଙ୍ଗ୍ ନଙ୍ଗୟ୍ ସାହାସ୍ ଦର୍‌କାର୍ ମାନାତ୍।

ଏବ୍ରି 12:16

ମି ବିତ୍ରେ ଇନେର୍ ଦାରି କି ଏଷୌ ଲେକେ ଅଦରମ୍‌ ମାନ୍‌ମେର୍। ଇନେସ୍‌କି ର ସମୟ୍‌ନି କାଦି କାଜିଙ୍ଗ୍ ଏଷୌ, ତା ଗାଜା ହିମ୍‌ଣା ପାୟାଆନି ଆଦିକାର୍‌ତିଙ୍ଗ୍ ଇନସ୍ତାକିଜି ପସି ମାଚାନ୍।

ଏବ୍ରି 13:4

ଏପେଙ୍ଗ୍ ବିବାଆନି ଜିବୁନ୍‌ତିଙ୍ଗ୍ ସନ୍‌ମାନ୍ କିୟାଟ୍, ଆରେ ଏପେଙ୍ଗ୍ ବିବାଆତି ଜିବୁନ୍‌ତାକେ ଜାର୍-ଜାର୍ ପବିତ୍ର ଆଜି ମାନାଟ୍। ଇମ୍‌ଣାକାର୍ ଦାରୁଲା ଆରେ ଜେକନି ମାନାୟାରିଙ୍ଗ୍ ଆଦିକ୍ ଇଚା ଆନାର୍, ହେୱାରିଙ୍ଗ୍ ଈଶ୍ୱର ବିଚାର୍ କିନାନ୍।

୧ ପିତର 1:2

ଆବା ଈଶ୍ୱର ମିଙ୍ଗେଙ୍ଗ୍ ପୁନ୍‌ଞ୍ଜି ମାନ୍‌ଞ୍ଚାନ୍ ଆରେ ବେସି ଆଗେତାଙ୍ଗ୍ ବାଚି କିତ୍‌ତାନ୍‌ନା, ଆରେ ତା ପବିତ୍ର ଆତ୍ମା ମିଙ୍ଗେଙ୍ଗ୍ ପବିତ୍ର କିତ୍‌ତାତ୍‌ନା। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ତା ଆଦେସ୍‌ତିଙ୍ଗ୍ ମାନି କିତାଦେର୍, ଆରେ ହେୱାନ୍ ମିଙ୍ଗେଙ୍ଗ୍ ଯୀଶୁ ଖ୍ରୀଷ୍ଟ ନେତେର୍‌ତାଙ୍ଗ୍ ନୁଜ୍‌ଦାନ୍‌ନା। ଈଶ୍ୱର ମିଙ୍ଗେଙ୍ଗ୍ ବେସି ଆରେ ବେସି ଦୟା ଆରେ ଶାନ୍ତି ହିଦେନ୍।

୧ ପିତର 4:2

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ମି ୱିଜୁ ଜିବୁନ୍ ପୁର୍ତିତାକେ କରାପ୍ କାମାୟ୍ କିଜି ଜିବୁନ୍ କାଟି କିଉତ୍, ମାତର୍ ଈଶ୍ୱର ଇଚାକିତି କାମାୟ୍ ଏପେଙ୍ଗ୍ କିନାଦେର୍।

୧ ଯୋହନ 2:17

ପୁର୍ତି ଆରେ ଜଗତ୍‌ନି ଜିନିଷ୍ ପାୟାଆନି ଆହା ଅଲପ୍‌ଦିନ୍ କାଜିଙ୍ଗ୍। ମାତର୍ ଇମ୍‌ଣି ମାନାୟ୍ ଆବା ଈଶ୍ୱର କାତାତିଙ୍ଗ୍ ମାନି କିନାନ୍, ହେୱାନ୍ ୱିଜୁଦିନ୍ ଜିଜି ମାନାନ୍।

ହତ୍‌ତି 21:8

ମାତର୍ ଇମ୍‌ଣାକାର୍ ନାଙ୍ଗେଙ୍ଗ୍ ପାର୍ତି କିଦ୍‌ନାକା ବନ୍ଦ୍ କିତାର୍‌ନା, ମାନାୟାରିଙ୍ଗ୍ ଟକାୟ୍ କିନାରା। ଈଶ୍ୱରତିଙ୍ଗ୍ ପୁନ୍‌ୱିତି ମାନାୟାର୍, କରାପ୍ କାମାୟ୍ କିନାର୍, ମାନାୟାରିଙ୍ଗ୍ ମାର୍ନେ ଅହ୍‌ନାର୍। ଦାରି କାମାୟ୍ କିନାର୍, ଯାଦୁ ମନ୍ତର୍ କିନାରା, ମୁର୍ତି ପୁଜା କିନାରା ଆରେ ମିଚ୍ ୱେଚ୍‌ନାରା। ହେୱାରିଙ୍ଗ୍ ଆନେଙ୍ଗ୍ ଗନ୍ଦକ ନାଣି ଆହ୍‌ନି କୁଣ୍ଡ୍‌ତାକେ ତୁସି ହିନାଙ୍ଗ୍ ଇଦାଙ୍ଗ୍ ନେ ଦୁଇ ନମ୍ବର୍ ମାରାଣ୍।”

ହତ୍‌ତି 22:15

ମାତର୍ ନିକୁଡ଼୍‌ଲେକେ ଇମ୍‌ଣି ମାନାୟାର୍ କରାପ୍ କାମାୟ୍ କିନାର୍, ଯାଦୁ ମନ୍ତର୍ କିନାର୍, ଦାରି କାମାୟ୍ କିନାର୍, ମାନାୟାରିଙ୍ଗ୍ ଅହ୍‌ନାର୍, ମୁର୍ତି ପୁଜାକିଜି ମାନାର୍ ଆରେ ମିଚ୍ ୱେଚ୍‌ନି ମାନାୟାର୍ ସହର୍ ବାର୍ତ ମାନାର୍।