୧ ଥେସଲନୀକିୟ 4:15 - New Testament in Pengo Parja Language

¹⁵ ଆପେଙ୍ଗ୍ ମାପୃ ଯୀଶୁ ୱେଚ୍‌ଚିଲେକେ ମିଙ୍ଗେଙ୍ଗ୍ ୱେଚ୍‌ଚାନାପା ଯେ, ମାପୃ ଯୀଶୁ ପୁର୍ତିତାକେ ଆରେରଗ ୱାନି ପାତେକ୍ ଆସେଙ୍ଗ୍ ଏଚେଜାଣ୍ ଜିବୁନ୍ ମାନ୍‌ଗାନାସ୍। ଆସେଙ୍ଗ୍ ମାପୃ ଯୀଶୁଙ୍ଗ୍ ଆଗେ ମାହା ଆଦେଙ୍ଗ୍ ଆଡୁସ୍, ମାତର୍ ମାପୃ ଯୀଶୁଙ୍ଗ୍ ପାର୍ତି କିଜି ହାଃତି ମାନାୟାର୍ ଆରେରଗ ଜିବୁନ୍‌ଆଜି ଆଗେ ମାହାଆନାର୍।

ସତ୍‌ ବଚନ୍‌ ପୁନି ନିୟମ୍‌

¹⁵ ଲାଗିଂ ଆପେଂ ମାପ୍ରୁତି କାତା ଇସାପ୍‌ରେ ମିଙ୍ଗ୍‌ ଇଦାଂ ଇଞ୍ଜ୍‌ନାପା, ଆପେଂ ଏଚେକ୍‌ ମାନାୟ୍‌ ମାପ୍ରୁତି ୱାନି ପାତେକ୍‌ ଜିଜ଼ି ମାନ୍‌ଞ୍ଜି ବାକି ମାନାପ୍‌, ଆପେଂ ଇନେସ୍‌ପା ହାତାକାର୍‌ ମାନାୟାର୍ତି ନିପ ହାଲୁପ୍‍ ।

୧ ଥେସଲନୀକିୟ 4:15 Iomraidhean Croise

ମାତିଉ 17:25

ହେୱାନ୍ ଇଚାନ୍, ଆଁ, ହିଦ୍‌ନାନ୍। ଆରେ ହେୱାନ୍ ଇଞ୍ଜ ୱାତି ପାଚେ ଯୀଶୁ ଆଗେ ପିତରତିଙ୍ଗ୍ ୱେଚ୍‌ଚାନ୍, ଶିମୋନ, ନି ଇଚା ଇନାକା? ପୁର୍ତିନି ରାଜାର୍ ଇନେର୍ ତାକେତାଙ୍ଗ୍ ସିସ୍ତୁ ଅନାର୍? ହେୱାର୍ ତା ହିମ୍‌ଣା ୱାକ୍‌ଡ଼ାତାଙ୍ଗ୍ କି ବିନ୍ ଦେସ୍‌ତାକାର୍‌ତାଙ୍ଗ୍?

୧ କରନ୍ତିୟ 15:18

ଯଦି ଖ୍ରୀଷ୍ଟ ହାଃତିତାଙ୍ଗ୍ ଆରେରଗ ଜିବୁନ୍‌ଆଜି ନିଙ୍ଗ୍‌ୱାତାନ୍‌ନା, ଲାଗିଙ୍ଗ୍ କେତେକ୍ ମାନାୟ୍ ତାଙ୍ଗେଙ୍ଗ୍ ପାର୍ତି କିଜି ହାଃତାର୍‌ନା। ହେୱାର୍ ୱିଜୁଦିନ୍ କାଜିଙ୍ଗ୍ ଈଶ୍ୱରତାଙ୍ଗ୍ ହେୱାର୍‌ ନଷ୍ଟ ଆତାର୍‌ନା।

୨ କରନ୍ତିୟ 12:1

ଆନେଙ୍ଗ୍ ଜାର୍ କାଜିଙ୍ଗ୍ ବାଟ୍‌ପାଣ୍ ଆନାକା ହାର୍ ଆକାୟ୍, ଇନେସ୍‌କି ନାଙ୍ଗେଙ୍ଗ୍ ମାପୃ ଚଞ୍ଜିଆଆଜି ମାନ୍‌ଞ୍ଚାତ୍‌ ଆରେ ନା ବିଷୟରେ ୱେଚ୍‌ଚି ମାନ୍‌ଞ୍ଚାନ୍।

୨ କରନ୍ତିୟ 4:14

ଆପେଙ୍ଗ୍ ପୁଚାପ୍‌ନା ଯେ, ଈଶ୍ୱର ଆରେରଗ ମା ମାପୃ ଯୀଶୁଙ୍ଗ୍ ହାଃତିତାଙ୍ଗ୍ ଜିବୁନ୍ କିତାନ୍‌ନା। ଆରେ ମାଙ୍ଗେଙ୍ଗ୍ ପା ହେୱାନ୍ ଆରେରଗ ଜିବୁନ୍ କିଦ୍‌ନାନ୍ ଇନେସ୍‌କି ଆସେଙ୍ଗ୍ ଯୀଶୁ ଲକ୍ ଆତାସ୍‌ନା, ଆରେ ତା ହୁଦାଙ୍ଗ୍ ମାଞ୍ଜେଙ୍ଗ୍ ମାଙ୍ଗେଙ୍ଗ୍ ଆରେ ମିଙ୍ଗେଙ୍ଗ୍ ତା ଲାଗାୟ୍ ତାହିୱାଦ୍‌ନାନ୍।

ଗାଲାତିୟ 1:12

ଇନେସ୍‌କି ଆନେଙ୍ଗ୍ ହେଦାଙ୍ଗ୍ ପଣ୍ଡିତାର୍‌ତାଙ୍ଗ୍ ପାୟା ଆୱାତାଙ୍ଗ୍‌ନା କି ହିକାଆୱାତାଙ୍ଗ୍‌ନା, ମାତର୍ ଯୀଶୁ ଖ୍ରୀଷ୍ଟ ନିଜେ ହେଦାଙ୍ଗ୍ ନାବେ ଚଚ୍‌ଚାତାନ୍‌ନା।

୧ ଥେସଲନୀକିୟ 2:19

ଇନେସ୍‌କି ମା ଯୀଶୁ ଖ୍ରୀଷ୍ଟ ଏଚେକାଡ଼୍‌ଦ ପୁର୍ତିତାକେ ୱାନାନ୍ ତା ଆଗେ ଏପେଙ୍ଗ୍ ମା ଆହା, ସାର୍‌ଦା ଆରେ ମା ସନ୍‌ମାନ୍‌ନି ମୁକୁଟ୍‌ଲେକେ।

୧ ଥେସଲନୀକିୟ 4:13

ଏ ଟଣ୍ଡାର୍‌କାଦେର୍, ଇ ବିଷୟତିଙ୍ଗ୍ ଏପେଙ୍ଗ୍ ପୁନ୍‌ଞ୍ଜି ମାନାଟ୍ ଯେ, ମା ପାର୍ତିକିନି ମାନାୟାର୍ ହାଃତି ପାଚେ ଆରେରଗ ଈଶ୍ୱର ହେୱାରିଙ୍ଗ୍ ଜିବୁନ୍ ହିନାତ୍, ଲାଗିଙ୍ଗ୍ ଏପେଙ୍ଗ୍ ଆହା ହିଲି ବିନ୍‌ଜାତିନି ମାନାୟାର୍‌ଲେକେ ଦୁଃକ୍ କିଉଦେର୍।

୧ ଥେସଲନୀକିୟ 5:10

ହେୱାନ୍ ମା କାଜିଙ୍ଗ୍ ହାଃତାନ୍। ହେୱାନ୍ ଏଚେପାଦ୍ନା ଆରେରଗ ୱାତିସ୍, ଆସେଙ୍ଗ୍ ଜିବୁନ୍ ମାଚିସ୍ କି ହାଃଜି ମାଚିସ୍ ପା, ତା ଲାହାଙ୍ଗ୍ ୱିଜୁଦିନ୍ ଜିବୁନ୍‌ଆଜି ମାନାସ୍।

୨ ଥେସଲନୀକିୟ 2:1

ଏ ପାର୍ତିକିନି ଟଣ୍ଡାର୍‌କାଦେର୍, ଆପେଙ୍ଗ୍ ମାପୃ ଯୀଶୁ ଖ୍ରୀଷ୍ଟ ଆରେରଗ ୱାନି ବିଷୟରେ ମି କାଜିଙ୍ଗ୍ ଲେକିକିନାପା, ହେପାଦ୍ନା ଆସେଙ୍ଗ୍ ୱିଜାସ୍ ମାହାଆଜି ହେୱାନିଙ୍ଗ୍ ବେଟା ଆନାସ୍।