୧ ଥେସଲନୀକିୟ 3:8 - New Testament in Pengo Parja Language

⁸ ଇଦାଙ୍ଗ୍ ପୁନି ଜିବୁନ୍ ପାୟା ଆତିଲେକେ ମାଙ୍ଗେଙ୍ଗ୍ ସାସ୍ ହିଦ୍‌ନାତା, ଲାଗିଙ୍ଗ୍ ଏପେଙ୍ଗ୍ ମାପୃତାକେ ୱିଜୁଦିନ୍ ପାର୍ତି କିଜି ମାନାଟ୍।

ସତ୍‌ ବଚନ୍‌ ପୁନି ନିୟମ୍‌

⁸ ଇନାକିଦେଂକି ଆପେଂ ନଂ ଜିତାପ୍‌ନା ଜଦି ଏପେଙ୍ଗ୍‌ ମାପ୍ରୁ ତାକେ ବିୱାହିଂ ଆଜ଼ି ମାନାଟ୍‌ ।

୧ ଥେସଲନୀକିୟ 3:8 Iomraidhean Croise

ଜହନ୍‌ 15:4

ନାବେ ମାନାଟ୍, ଲାଗିଙ୍ଗ୍ ଆନେଙ୍ଗ୍ ମିବେ ମାନ୍‌ଗାନାଙ୍ଗ୍। ର କେନ୍ଦା ମାର୍‌ତାକେ ମେହାଆୱାଦାଙ୍ଗ୍ ମାଚିସ୍। ହେଲେକେ ଏପେଙ୍ଗ୍ ପା ନାବେ ମାନ୍‌ୱିତିସ୍ ପାଡ଼୍‌ ଆସ୍ତେଙ୍ଗ୍ ଆଡୁଦେର୍।

ଜହନ୍‌ 15:7

ନାବେ ମାନାଟ୍ ଆରେ ନା ହିକ୍ଷାତିଙ୍ଗ୍ ମାନି କିୟାଟ୍। ଏପେଙ୍ଗ୍ ଯଦି ଏଲେଙ୍ଗ୍ କିନାଦେର୍, ଲାଗିଙ୍ଗ୍ ଇନାକା ଇଚା କିନାଦେର୍ ହେଦାଙ୍ଗ୍ ଏନାଟ୍ ହେଦାଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ହିଦ୍‌ନାଙ୍ଗ୍।

ଜହନ୍‌ 8:31

ଯୀଶୁ ପାର୍ତିକିନି ଯିହୁଦିରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ଯଦି ନା ହିକ୍ଷାତିଙ୍ଗ୍ ମାନିକିନାଦେର୍, ଲାଗିଙ୍ଗ୍ ଏପେଙ୍ଗ୍ ନା ଚେଲାଆନାଦେର୍।

ପକ୍ୟାତାକା 11:23

ହେୱାନ୍ ହେବେ ଏକିସ୍ ଈଶ୍ୱର ଦୟା ହୁଡ଼୍‌ଜି ୱାରି ଆତାନ୍। ଆରେ ଯୀଶୁ ମାପୃତାକେ ନେ ପାର୍ତି କିଜି ମାଞ୍ଜେଙ୍ଗ୍ ହେୱାନ୍ ହେୱାରିଙ୍ଗ୍ କେତେକ୍ କାତା ୱେଚ୍‌ଚି ସାହାସ୍ କିୟିକିତ୍‌ତାନା।

୧ କରନ୍ତିୟ 15:58

ଲାଗିଙ୍ଗ୍, ଏ ଟଣ୍ଡାର୍‌କାଦେର୍, ଏପେଙ୍ଗ୍ ଖ୍ରୀଷ୍ଟଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ପାର୍ତି କିଜି ମାନାଟ୍, ଆରେ ମିଚ୍ ହିକ୍ଷା ଶୁଣାୟ୍ କିନି ମାନାୟାର୍‌ତାଙ୍ଗ୍ ଦେହା ହାଲ୍‌ମାଟ୍। ଇନେସ୍‌କି ତା କାମାୟ୍ କିଦେଙ୍ଗ୍ କଷ୍ଟ କିନାକା ବେକାର୍ ଆଉତ୍, ଇନେସ୍‌କି ଏପେଙ୍ଗ୍ ହାର୍ କିଜି ପୁଚାଦେର୍‌ନା ଯେ, ତା କାଜିଙ୍ଗ୍ କିନି କାମାୟ୍ ମି କାଜିଙ୍ଗ୍ ଲାବ୍ ଆଦ୍‌ନାତ୍।

୧ କରନ୍ତିୟ 16:13

ଏପେଙ୍ଗ୍ ହୁଞ୍ଜ୍‌କାର୍ ଲେକେ ଆମାଟ୍, ମାତର୍ ଆଦିକ୍‌ତାଙ୍ଗ୍ ଆଦିକ୍ ପାର୍ତି କିଜି ମାନାଟ୍। ଏପେଙ୍ଗ୍ ସାସ୍ ମାନାକାଦେର୍ ଆଡ ଆରେ ଆଦିକ୍‌ତାଙ୍ଗ୍ ଆଦିକ୍ ପାର୍ତିକିୟାଟ୍।

ଗାଲାତିୟ 5:1

ଖ୍ରୀଷ୍ଟ ମାଙ୍ଗେଙ୍ଗ୍ ମୋଶା ନିୟମ୍ ସାସ୍ତର୍‌ତାଙ୍ଗ୍ ସ୍ୱାଦିନ୍ କିତ୍‌ତାନ୍‌ନା। ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ଆରେ ନିୟମ୍ ସାସ୍ତର୍‌ନି ଦାସ୍ ଆଜି ମାଞ୍ଜେଙ୍ଗ୍ ଉପାୟ୍ କିୱାଦାଙ୍ଗ୍, ସ୍ୱାଦିନ୍ ଆଜି ମାନାଟ୍।

ଏପିସିୟ 3:17

ଆରେ ଏପେଙ୍ଗ୍ ହେୱାନ୍‌ତାକେ ପାର୍ତିକିନି କାଜିଙ୍ଗ୍ ଖ୍ରୀଷ୍ଟ ମି ଗରବ୍ ବିତ୍ରେ ବାହା କିଦେନ୍।

ପିଲିପିୟ 1:21

ଇନେସ୍‌କି ଯଦି ଆନେଙ୍ଗ୍ ଜିନାଙ୍ଗ୍ ଖ୍ରୀଷ୍ଟ କାଜିଙ୍ଗ୍ ଜିନାଙ୍ଗ୍, ଯଦି ଆନେଙ୍ଗ୍ ହାଃନାଙ୍ଗ୍ ହେଦାଙ୍ଗ୍ ନା କାଜିଙ୍ଗ୍ ଲାବ୍ ଆନାତ୍। ଇନେସ୍‌କି ଆନେଙ୍ଗ୍ ଖ୍ରୀଷ୍ଟ ହୁଦାଙ୍ଗ୍ ମାହାଆଜି ମାନ୍‌ଗାନାଙ୍ଗ୍।

ପିଲିପିୟ 1:27

ଖ୍ରୀଷ୍ଟନି ହାର୍ଦିକାବୁର୍‌ତିଙ୍ଗ୍ ପାର୍ତି କିଜି ମାନି ମାନାୟ୍ ଲେକେ ଟିକ୍ ଜିବୁନ୍ କାଟିକିୟାଟ୍। ଏପେଙ୍ଗ୍ ର ମାନ୍‌ଆଜି ମାନାଟ୍, ଆରେ ହାର୍ଦିକାବୁର୍‌ତିଙ୍ଗ୍ ପାର୍ତିକିଜି ମାନି କାଜିଙ୍ଗ୍ ଏକ୍ ଆଜି ଲଡ଼ିକିୟାଟ୍। ଆନେଙ୍ଗ୍ ମି ଲାଗାୟ୍ ୱାଜି ହୁଡ଼୍‌ତିସ୍ କି ମାନ୍‌ୱାଦାଙ୍ଗ୍ ମି ବିଷୟ ୱେଚିସ୍ ପା ଏଲେଙ୍ଗ୍ ଆଜି ମାନାଟ୍ ଇଞ୍ଜି ଆନେଙ୍ଗ୍ ଇଚା କିନାଙ୍ଗା।

ପିଲିପିୟ 4:1

ଏ ନା ପାର୍ତିକିନି ଟଣ୍ଡାର୍‌କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ବେସି ଲାଡ୍ କିଦ୍‌ନାଙ୍ଗା। ଆରେ ଆନେଙ୍ଗ୍ ମିଙ୍ଗେଙ୍ଗ୍ ଗିଟାଆଦେଙ୍ଗ୍ ଇଚା କିନାଙ୍ଗା। ମି କାଜିଙ୍ଗ୍ ଆନେଙ୍ଗ୍ ୱାରି ଆତାଙ୍ଗ୍‌ନା ଆରେ ଏପେଙ୍ଗ୍ ନା କାମାୟ୍ କାଜିଙ୍ଗ୍ ନା ମୁକୁଟ୍‌ଲେକେ। ଇ ଲେକେ ମାପୃତାକେ ବେସି ପାର୍ତି କିଜି ମାନାଟ୍।

କଲସିୟ 1:23

ହେୱାନ୍ ମିଙ୍ଗେଙ୍ଗ୍ ପବିତ୍ର କିତ୍‌ତାନ୍‌ନା, ମାତର୍ ଏପେଙ୍ଗ୍ ୱିଜୁଦିନ୍ ଖ୍ରୀଷ୍ଟତାକେ ପାର୍ତି କିଜି ମାନାଟ୍। ଇନେସ୍‌କି ର ବାଡ଼୍‌କାସ୍ ପାଉଣ୍ଡେସେନ୍ ତାକେ ଇଲ୍ ମାନ୍‌ଗାନାତ୍ ହେଲେକେ ପାର୍ତି ଖ୍ରୀଷ୍ଟତାକେ ବାଡ଼୍‌କାସ୍ ଆଜି ମାନେତ୍। ହାର୍ଦିକାବୁର୍ ୱେନ୍‌ଞ୍ଜି ଇମ୍‌ଣି ଆହା ପାୟା ଆତାଦେର୍‌ନା ହେ ଆହାତିଙ୍ଗ୍ ଏପେଙ୍ଗ୍ ପିହ୍‌ମାଟ୍। ଇ ହାର୍ଦିକାବୁର୍ ପୁର୍ତିନି ଚାରିବେଣ୍‌ତାଙ୍ଗ୍ ଶୁଣାୟ୍ କିନାରା। ଆରେ ଆନେଙ୍ଗ୍ ପାଉଲ ଈଶ୍ୱର ଦାସ୍ ଆଜି ଇ ହାର୍ଦିକାବୁର୍ ଶୁଣାୟ୍ କିନାଙ୍ଗା।

୧ ଥେସଲନୀକିୟ 3:7

ହେଦାଙ୍ଗ୍ କାଜିଙ୍ଗ୍ ଏ ଟଣ୍ଡାର୍‌କାଦେର୍, ମାନାୟାର୍ ମାଙ୍ଗେଙ୍ଗ୍ ଦୁଃକ୍ କଷ୍ଟ ହିତ୍‌ତିସ୍‌ ପା, ଏପେଙ୍ଗ୍ ଖ୍ରୀଷ୍ଟଙ୍ଗ୍ ନଙ୍ଗୟ୍ ପାତେକ୍ ବେସି ପାର୍ତି କିନାଦେରା ଇଞ୍ଜି ତିମତି ମାଙ୍ଗେଙ୍ଗ୍ ୱେଚ୍‌ଚିତିଲେ। ଆପେଙ୍ଗ୍ ହେଦାଙ୍ଗ୍ ୱେନ୍‌ଞ୍ଜି ବେସି ୱାରିୟା ଆତାପ୍।

ଏବ୍ରି 10:23

ଆସେଙ୍ଗ୍ ଇମ୍‌ଣି ଆହା ବିଷୟରେ ୱେଚ୍‌ନାସା, ହେଦାଙ୍ଗ୍ ବେସି ଷ୍ଟ୍ରଙ୍ଗ୍ ବାବ୍‌ରେ ଆସ୍ତି ମାନାଟ୍, ଇନେସ୍‌କି ଈଶ୍ୱର ଇନାକା ପାର୍ମାଣ୍ କିନାନ୍ ହେଦାଙ୍ଗ୍ କିନାନ୍ ଇଞ୍ଜି ଆସେଙ୍ଗ୍ ପାର୍ତି କିନାସା।

ଏବ୍ରି 3:14

ଇନେସ୍‌କି ଆଗେତାଙ୍ଗ୍ ମା ପାର୍ତି ଇନେସ୍ ଈଶ୍ୱର ଜପି ମାଚାତ୍, ହେଲେକେ ପାର୍ତି ଯଦି ଆସେଙ୍ଗ୍ ଜିଜି ମାନି ପାତେକ୍ ଷ୍ଟ୍ରଙ୍ଗ୍‌କିଜି ଆସ୍ତି ମାନାସ୍, ଲାଗିଙ୍ଗ୍ ଖ୍ରୀଷ୍ଟନି ୱିଜୁ ବିଷୟନି ବାଗ୍ ପାୟାଆନାସ୍।

ଏବ୍ରି 4:14

ଇମ୍‌ଣି ଯୀଶୁ ସରଗ୍‌ଜପି ହାଚାନ୍‌ନା, ହେୱାନ୍ ଈଶ୍ୱର ମେହି। ହେୱାନ୍ ମା ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି। ଲାଗିଙ୍ଗ୍ ଆସେଙ୍ଗ୍ ଇନାକା ପାର୍ତି କିତାସ୍‌ନା, ହେଦାଙ୍ଗ୍ ଷ୍ଟ୍ରଙ୍ଗ୍‌କିଜି ଆସ୍ତି ମାନାସ୍।

୧ ପିତର 5:10

ଈଶ୍ୱର ମାଙ୍ଗେଙ୍ଗ୍ ଦୟା କିତ୍‌ତି କାଜିଙ୍ଗ୍ ହେୱାନ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ତା ୱିଜୁଦିନ୍ ମାନି ଗୌରବ ମାଙ୍ଗେଙ୍ଗ୍ ହିଦ୍‌ନି କାଜିଙ୍ଗ୍ ବାଚି କିତ୍‌ତାନ୍‌ନା। ଏପେଙ୍ଗ୍ ଅଲପ୍‌ଦିନ୍ ଦୁଃକ୍ କଷ୍ଟ ପାୟାଆତି ପାଚେ ହେୱାନ୍ ମିଙ୍ଗେଙ୍ଗ୍ ଆଦିକ୍ ପାର୍ତି କିଦେଙ୍ଗ୍ ଶାକ୍ତି ହିଦ୍‌ନାନ୍, ଆରେ ହେୱାନ୍ ମିଙ୍ଗେଙ୍ଗ୍ ପୁନି ମାନାୟ୍ କିଦ୍‌ନାନ୍। ଆରେ ହେୱାନ୍ ମି ପାର୍ତିତିଙ୍ଗ୍ ର ଷ୍ଟ୍ରଙ୍ଗ୍ ପାଉଣ୍ଡେସେନ୍‌ଲେକେ କିଦ୍‌ନାନ୍।

୨ ପିତର 3:17

ଲାଗିଙ୍ଗ୍ ଏ ନା ଲାଡ୍‌ନି ସାଙ୍ଗ କାଦେର୍, ଇୱିଜୁ ଗଟାଆନାତ୍ ଇଞ୍ଜି ଏପେଙ୍ଗ୍ ଆଗେତାଙ୍ଗ୍ ପୁଚାଦେର୍‌ନା। ଲାଗିଙ୍ଗ୍ ଇ କରାପ୍ ମାନାୟାର୍ ଇନେସ୍ ମିଙ୍ଗେଙ୍ଗ୍ ମିଚ୍ କାତା ୱେଚ୍‌ଚି ମିଙ୍ଗେଙ୍ଗ୍ ଟକାୟ୍ କିଦୁର୍, ଇଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଜାଗ୍ରତ୍ ଆଜି ମାନାଟ୍। ଯଦି ଏପେଙ୍ଗ୍ ହେୱାର୍ କାତା ୱେନାଦେର୍, ଲାଗିଙ୍ଗ୍ ଏପେଙ୍ଗ୍ ଇମ୍‌ଣି ବିଷୟରେ ପାର୍ତି କିନାକା ଷ୍ଟ୍ରଙ୍ଗ୍‌କିଜି ଇଡ଼୍‌ତାଦେର୍‌ନା ହେ ବିଷୟରେ ଡାଉଟ୍ କିଦେଙ୍ଗ୍ ଆରମ୍ କିନାଦେର୍।

ହତ୍‌ତି 3:11

ହୁଡ଼ାଟ୍ ଆନେଙ୍ଗ୍ ବେଗି ୱାନାଙ୍ଗା, ଲାଗିଙ୍ଗ୍ ଏପେଙ୍ଗ୍ ନାଙ୍ଗେଙ୍ଗ୍ ଆଦିକ୍ ପାର୍ତି କିଜି ମାଞ୍ଜାଟ୍, ଆରେ ଇନେର୍ ପା ମି ପୁରଷ୍କାର୍‌ନି ମୁକୁଟ୍ ଜେଲ୍‌ଜି ଅଦେଙ୍ଗ୍ ଆଡୁର୍।

ହତ୍‌ତି 3:3

ଲାଗିଙ୍ଗ୍ ଏପେଙ୍ଗ୍ ଆଗେ ୱେଚାକା ଏତୁକିୟାଟ୍ ଆରେ ପାର୍ତୁମ୍ ପାର୍ତି କିତିଲେକେ ପାର୍ତିକିୟାଟ୍। ଏପେଙ୍ଗ୍ ନାଙ୍ଗେଙ୍ଗ୍ ଆଦିକ୍ ପାର୍ତି କିଜି ମାନ୍‌ବାଦ୍‌ଲାୟ୍ କିଜି ନାବେ ୱାଡ, ଯଦି ଏପେଙ୍ଗ୍ ହେଲେକେ କିଉଦେର୍, ଆନେଙ୍ଗ୍ ମିଙ୍ଗେଙ୍ଗ୍ ଦଣ୍ଡ୍ ହିଦ୍‌ଦେଙ୍ଗ୍ ତିପ୍‌କୁ ୱାନାଙ୍ଗ୍ ଇନେସ୍ ର ଚରେନ୍ ତିପ୍‌କୁ ଚର୍‌କିଦେଙ୍ଗ୍ ୱାନାନ୍।