୧ ଥେସଲନୀକିୟ 3:5 - New Testament in Pengo Parja Language

⁵ ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍, ଏପେଙ୍ଗ୍ ଖ୍ରୀଷ୍ଟତାକେ ବେସି ପାର୍ତି କିନାଦେରା କି ଆକାୟ୍ ଇଞ୍ଜି ପୁଞ୍ଜେଙ୍ଗ୍ ତିମତିତିଙ୍ଗ୍ ମିତାକେ ପକ୍ତାତାଙ୍ଗ୍। ଇନେସ୍‌କି ଆନେଙ୍ଗ୍ ପାଣ୍ଡ୍ରାଆଜି ମାଚାଙ୍ଗ୍ ଯେ, ଶୟତାନ୍ ମାନାୟାରିଙ୍ଗ୍ ପରିକ୍ଷା କିନାତା, ହେଦାଙ୍ଗ୍ କାଜିଙ୍ଗ୍ ମିଙ୍ଗେଙ୍ଗ୍ ପରିକ୍ଷା କିଜି ମାଞ୍ଜ୍‌ନାତ୍, ଆରେ ମା କିତି କଷ୍ଟ କାମାୟ୍ ବେକାର୍ ଆନାତ୍।

ସତ୍‌ ବଚନ୍‌ ପୁନି ନିୟମ୍‌

⁵ ଇଦାଂ କାଜିଂ, ଏଚେକାଡ଼୍‌ଦ ସୟ୍‌ତାନ୍‌ ମିଙ୍ଗେଙ୍ଗ୍‌ ପରିକ୍ୟା କିଜ଼ି ମାନ୍‌ଞ୍ଜାନାନ୍‌ ଆରି ମା କାମାୟ୍‌ ପଲ୍ୟା ଆଜ଼ି ମାନାତ୍‌, ଇଦାଂ ପାଣ୍ଡ୍ରାଜ଼ି ଆନ୍‌ ପା ଆରେ ହୁଞ୍ଜେଙ୍ଗ୍‌ ଆଡ୍‌ୱାଦାଂ ମି ପାର୍ତି କିନି ବିସ୍ରେ ପୁଞ୍ଜେଙ୍ଗ୍‌ କାଜିଂ ମାନାୟ୍‌ ପକ୍‌ତାତାଂ ।

୧ ଥେସଲନୀକିୟ 3:5 Iomraidhean Croise

ମାତିଉ 4:3

ହେବେ ଶୟତାନ ଯୀଶୁଙ୍ଗ୍ ପରିକ୍ଷା କିଦେଙ୍ଗ୍ ତା କଚଣ୍‌ତ ୱାଜି ୱେଚ୍‌ଚାତ୍, “ଏନେଙ୍ଗ୍ ଯଦି ଈଶ୍ୱର ମେହିତି, ଲାଗିଙ୍ଗ୍ ଇ କାଲ୍‌କୁକାଙ୍ଗ୍ ରୁଟି ଆଦେଙ୍ଗ୍ ଆଦେସ୍ ହିୟା।”

ପକ୍ୟାତାକା 15:36

କେତ୍‌ଦିନ୍ ହାଚି ପାଚେ ପାଉଲ ବର୍ଣ୍ଣବାଙ୍ଗ୍ ୱେଚ୍‌ଚାନ୍, “ୱା, ଆସେଙ୍ଗ୍ ଇମ୍‌ଣି ସହର୍‌ତାକେ ମାପୃ ଯୀଶୁ କାତା ଶୁଣାୟ୍ କିଜି ମାଚାସ୍, ହେ ୱିଜୁ ସହର୍‌କୁକାଙ୍ଗ୍ ନଙ୍ଗୟ୍ ହାନାସ୍। ଆରେ ପାର୍ତିକିନି ଟଣ୍ଡାର୍ ଯୀଶୁତାକେ ଇନେସ୍ ପାର୍ତିକିନାର୍ ହେଦାଙ୍ଗ୍ ହୁଡ଼୍‌ନାସ୍।”

୧ କରନ୍ତିୟ 7:5

ଏପେଙ୍ଗ୍ ହୁଞ୍ଜା ମାଗା ଆୱେଦେଙ୍ଗ୍ ଜାର୍-ଜାର୍‌ବିତ୍ରେ ଅଲ୍‌ଗା ମାନ୍‌ମାଟ୍, ମାତର୍ ଯଦି ଏପେଙ୍ଗ୍ ବେସି ପାର୍ତାନା କିନି କାଜିଙ୍ଗ୍ ଅଲ୍‌ଗା ମାନାଦେରା, ଲାଗିଙ୍ଗ୍ ଜାର୍-ଜାର୍‌ବିତ୍ରେ ରାଜି ଆଜି ଅଲ୍‌ଗା ମାନାଟ୍। ଶୟତାନ ମିଙ୍ଗେଙ୍ଗ୍ ପରିକ୍ଷା କିଦେଙ୍ଗ୍ ଆଡ଼୍‌ଦାନାନ୍, ଇନେସ୍‌କି ଏପେଙ୍ଗ୍ ଜାର୍‌ତିଙ୍ଗ୍ କଣ୍ଟ୍ରୁଲ୍ କିଦେଙ୍ଗ୍ ଆଡୁଦେରା। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଆରେରଗ ହୁଞ୍ଜା ମାଗା ଆଡ।

୨ କରନ୍ତିୟ 2:11

ଲାଗିଙ୍ଗ୍ ଶୟତାନ ମା ଜପି ଜିତା ଆଦେଙ୍ଗ୍ ଆଡୁତ୍, ଇନେସ୍‌କି ଆପେଙ୍ଗ୍ ପୁଚାପ୍‌ନା ଯେ, ହେ ଶୟତାନ ୱିଜୁଦିନ୍ ମାଙ୍ଗେଙ୍ଗ୍ ପାପ୍ କାମାୟ୍ କିୟିକିଦେଙ୍ଗ୍ ଉପାୟ୍ କିନାତା।

୨ କରନ୍ତିୟ 6:1

ଆନେଙ୍ଗ୍ ଈଶ୍ୱର ହୁଦାଙ୍ଗ୍ ମାହାଆଜି କାମାୟ୍ କିନାଙ୍ଗା, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଜି ୱେଚ୍‌ଚାନାଙ୍ଗା ଯେ, ହେୱାନ୍ ମିଙ୍ଗେଙ୍ଗ୍ ଦୟାକିଜି ହିତ୍‌ତି ଚାନିଆଆନି ହାର୍ଦିକାବୁର୍‌ତିଙ୍ଗ୍ ଆହାଟ୍।

ଗାଲାତିୟ 2:2

ଈଶ୍ୱର ନାଙ୍ଗେଙ୍ଗ୍ ହାନି କାଜିଙ୍ଗ୍ ୱେଚ୍‌ଚିତିଲେ ଆନେଙ୍ଗ୍ ହେବେ ହାଚାଙ୍ଗ୍। ଆରେ ହେବେ ମାନି ମଣ୍ଡ୍‌ଲିନି ଦେକାଶୁଣା କିନି ନେତାରିଙ୍ଗ୍ ଆନେଙ୍ଗ୍ ଇନେର୍ ପୁଞ୍ଜ୍‌ୱି ଲେକେକିଜି ମାହା ଆତାଙ୍ଗ୍, ଆରେ ବିନ୍‌ଜାତିନି ମାନାୟାର୍ ଲାଗାୟ୍ ଆନେଙ୍ଗ୍ ଶୁଣାୟ୍ କିଜିମାଚି ହାର୍ଦିକାବୁର୍‌ତିଙ୍ଗ୍ ହେୱାରିଙ୍ଗ୍ ବୁଜାଇ କିତାଙ୍ଗ୍। ନା ୱିଜୁ କଷ୍ଟ କିତାକା ଇନେସ୍ ପଲିଆ ଆଉତ୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ହେୱାର୍ ହୁଦାଙ୍ଗ୍ ମାହାଆଜି ରାଜି ଆତାଙ୍ଗ୍।

ଗାଲାତିୟ 4:11

ଲାଗିଙ୍ଗ୍ ମି କାଜିଙ୍ଗ୍ ଆନେଙ୍ଗ୍ ଇମ୍‌ଣି କାମାୟ୍ କିତାଙ୍ଗ୍‌ନା, ହେଦାଙ୍ଗ୍ ବେକାରେ ଆନାତ୍ ଇଞ୍ଜି ବାବିକିଜି ଆନେଙ୍ଗ୍ ପାଣ୍ଡ୍ରାଆନାଙ୍ଗା।

ଏପିସିୟ 4:14

ଲାଗିଙ୍ଗ୍ ଆସେଙ୍ଗ୍ ହିରୁ ହିମ୍‌ଣା ଲେକେ ଆଜି ମାନୁସ୍, ଆରେ ହିରୁ ଡଙ୍ଗା ଲଉଡ଼ି ଆରେ ଡ଼ୁଇତାକେ ଇନି ଆନି ଆତି ଲେକେ ଆସେଙ୍ଗ୍ ଆଉସ୍। ଇନେସ୍‌କି ଟକୁୱା ମାନାୟାର୍ ମାଙ୍ଗେଙ୍ଗ୍ ଆରେ ଟକାଇ କିଦ୍‌ଦେଙ୍ଗ୍ ଆଡ଼୍‌ଦୁର୍, କି ଚାତୁର୍ ମାନାୟାର୍ ବୁଲ୍ ହିକ୍ଷାତାଙ୍ଗ୍ ମାଙ୍ଗେଙ୍ଗ୍ ବୁଲ୍‌କାଇ କିଦ୍‌ଦେଙ୍ଗ୍ ଆଡ଼୍‌ଦୁର୍।

ପିଲିପିୟ 2:16

ଲାଗିଙ୍ଗ୍ ନା ଉପାୟ୍ କି କଷ୍ଟନି କାମାୟ୍ ବେକାରେ ହାଲ୍‌ୱାତାତ୍‌ନା ଇଞ୍ଜି ଆନେଙ୍ଗ୍ ପୁନାଙ୍ଗ୍, ଖ୍ରୀଷ୍ଟ ୱାନିଦିନ୍ ଆନେଙ୍ଗ୍ ବେସି ୱାରି ଆନାଙ୍ଗ୍।

ପିଲିପିୟ 2:19

ଆନେଙ୍ଗ୍ ବେଗି ତିମତିତିଙ୍ଗ୍ ମି ଲାଗାୟ୍ ପକ୍ତେଦେଙ୍ଗ୍ ଆନେଙ୍ଗ୍ ମାପୃ ଯୀଶୁତାକେ ଆହା କିନାଙ୍ଗା। ଲାଗିଙ୍ଗ୍ ଆନେଙ୍ଗ୍ ମି ବିଷୟରେ ପୁନ୍‌ଞ୍ଜି ସାସ୍ ପାୟାଆନାଙ୍ଗ୍।।

୧ ଥେସଲନୀକିୟ 2:1

ଏ ଟଣ୍ଡାର୍‌କାଦେର୍, ନିଜେ ପୁଚାଦେର୍‌ନା ଯେ, ଆପେଙ୍ଗ୍ ମି ଲାଗାୟ୍ ୱାନାକା ପାଙ୍ଗ୍‌ୱା ଆୱାତାତ୍‌ନା।

୧ ଥେସଲନୀକିୟ 3:6

ତିମତି ନଙ୍ଗୟ୍ ମିବେତାଙ୍ଗ୍ ମା ତାକେ ଲେଉଟା ଆଜି ୱାଜି ୱେଚ୍‌ଚାନ୍ ଯେ, ଆପେଙ୍ଗ୍ ଇନେସ୍ ହୁଡ଼୍‌ଦେଙ୍ଗ୍ ଇଚା କିଜି ମାଚାପ୍, ଏପେଙ୍ଗ୍ ହେଲେକେ ପାର୍ତି ଆରେ ଜାର୍-ଜାର୍‌ବିତ୍ରେ ଲାଡ୍ କିନାଦେରା। ଆପେଙ୍ଗ୍ ୱାତାକା ଏତ୍‌କିଜି ଏପେଙ୍ଗ୍ ମାଙ୍ଗେଙ୍ଗ୍ ହୁଡ଼୍‌ଦେଙ୍ଗ୍ ଇଚା କିନାଦେରା, ହେଲେକେ ଆପେଙ୍ଗ୍ ପା ମିଙ୍ଗେଙ୍ଗ୍ ହୁଡ଼୍‌ଦେଙ୍ଗ୍ ବେସି ଇଚା କିନାପା।