୧ ଥେସଲନୀକିୟ 3:13 - New Testament in Pengo Parja Language

¹³ ଆପେଙ୍ଗ୍ ପାର୍ତାନା କିନାପା ଯେ, ମା ମାପୃ ଯୀଶୁ ଖ୍ରୀଷ୍ଟ ଆରେରଗ ତା ସାଦୁ ମାନାୟାର୍ ହୁଦାଙ୍ଗ୍ ୱାନାନ୍, ଆରେ ଆସେଙ୍ଗ୍ ଈଶ୍ୱର ମୁମ୍‌ଦ ନିଲ୍‌ତିହିଙ୍ଗ୍‌, ଖ୍ରୀଷ୍ଟ ମାଙ୍ଗେଙ୍ଗ୍ ସାସ୍, ପବିତ୍ର ଆରେ ଦସ୍ ହିଲି ମାନାୟ୍ କିଦ୍‌ନାନ୍।

ସତ୍‌ ବଚନ୍‌ ପୁନି ନିୟମ୍‌

¹³ ହେୱାନ୍‌ ମି ୱାସ୍କି ସୁସ୍ତା କିଜ଼ି ଇଟାଟ୍‌, ଇନେସ୍‌ ମା ମାପ୍ରୁ ଜିସୁ ଜାର୍‌ ୱିଜ଼ୁ ଦାର୍ମିର୍‍ ଲାହାଂ ୱାନାକା ସମୁତ ଏପେଙ୍ଗ୍‌ ମା ଇସ୍ୱର୍‌ ଆରି ଆବାତି ଲାଗାଂ ପୁଇପୁୟାତାଂ ଦସି ଆୱାଦାଂ ଚଞ୍ଜ୍‌ୟାନାଦେର୍‌ । ଆମେନ୍‌ ।

୧ ଥେସଲନୀକିୟ 3:13 Iomraidhean Croise

ମାତିଉ 25:31

ଏଚେପାଦ୍ନା ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଆରେରଗ ହେୱାନ୍ ଗୌରବ ହୁଦାଙ୍ଗ୍ ୱାନାନ୍। ହେୱାନ୍ ହୁଦାଙ୍ଗ୍ ସରଗ୍‌ନି ଦୁତ୍‌କୁ ୱାନିକ୍। ହେୱାନ୍ ରାଜା ଆନାନ୍ ଆରେ ତା ଗାଜା ସିଂହାସନ୍ ଜପି ୱିଜାକାରିଙ୍ଗ୍ ବିଚାର୍ କିଦେଙ୍ଗ୍ କୁଚ୍‌ନାନ୍।

ମାର୍କ 8:38

ଇ ଜୁଗ୍‍ନି ପାର୍ତିକିୱାକାର୍ ଆରେ ପାପ୍‍କିନି ମାନାୟାର୍ କଷ୍ଟ ହିଦ୍‌ନାର୍ ଇଞ୍ଜି ପାଣ୍ଡ୍ରାଆଜି ଯଦି ଇନେର୍ ନାଙ୍ଗେଙ୍ଗ୍ ମାପୃ ଇଞ୍ଜେଙ୍ଗ୍ ଲାଜ୍ ଆନାର୍, ଆରେ ନା ହିକ୍ଷାତିଙ୍ଗ୍ ମାନିକିଉର୍, ଲାଗିଙ୍ଗ୍ ଆନେଙ୍ଗ୍ ପା ନା ଚେଲା ଆକାୟ୍ ଇଞ୍ଜି ୱେଚ୍‌ନାଙ୍ଗ୍। ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ପବିତ୍ର ଦୁତ୍‌କୁ ହୁଦାଙ୍ଗ୍ ପୁର୍ତିତାକେ ଆରେରଗ ୱାନାଙ୍ଗ୍, ହେପାଦ୍ନା ମାଞ୍ଜିଆବାଙ୍ଗ୍ ଇନେସ୍ ଗୌରବ ମାନାତ୍ ହେଲେକେ ଆନେଙ୍ଗ୍ ଗୌରବତାଙ୍ଗ୍ ୱାନିହିଙ୍ଗ୍ ୱିଜାକାର୍ ହୁଡ଼୍‌ନାର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:6

ହେୱାର୍ ରିକାର୍ ଈଶ୍ୱରତାକେ ହାର୍ଦି ମାନାୟ୍ ମାଚାର୍। ହେୱାର୍ ରିକାର୍ ମାପୃତି ୱିଜୁ ଆଦେସ୍ ମାନିକିଜି ମାଚାର୍।

ରୋମିୟ 14:4

ଏପେଙ୍ଗ୍ ଈଶ୍ୱର ଦାସ୍‌ରିଙ୍ଗ୍ ନିନ୍ଦାକିନାକା ଟିକ୍ ଆକାୟ୍, ହେୱାର୍ ଈଶ୍ୱର ଆଗେ ଦାଇ ଆନାର୍। ଲାଗିଙ୍ଗ୍ ହେୱାର୍ ଟିକ୍ କରାପ୍ କିନାରା ଇଞ୍ଜି ହେୱାନ୍ ହେୱାରିଙ୍ଗ୍ ୱେଚ୍‌ନାନ୍। ହେୱାର୍ ଇନାକା କିନି ଦର୍‌କାର୍ ମାପୃ ସାକ୍ତି ହେୱାରିଙ୍ଗ୍ ସାଇଜ କିନାତ୍।

ରୋମିୟ 16:25

ଆନେଙ୍ଗ୍ ମିଙ୍ଗେଙ୍ଗ୍ ଯୀଶୁ ଖ୍ରୀଷ୍ଟତି ହାର୍ଦିକାବୁର୍ ବିଷୟରେ ଶୁଣାୟ୍ କିଜି ମାନ୍‌ଞ୍ଚାଙ୍ଗ୍, ଆରେ ଈଶ୍ୱର ବିନ୍‌ଜାତିନି ମାନାୟାର୍ କାଜିଙ୍ଗ୍ ଇମ୍‌ଣି ଉପାୟ୍ ବେସି ଆଗେତାଙ୍ଗ୍ ଡ଼ୁକ୍‌ଚି ମାଚାନ୍ ହେ ବିଷୟରେ ୱେଚ୍‌ଚି ମାନ୍‌ଞ୍ଚାଙ୍ଗ୍। ଈଶ୍ୱର ମିଙ୍ଗେଙ୍ଗ୍ ଆଦିକ୍ ପାର୍ତି କିଦେଙ୍ଗ୍ ସାଇଜ କିଦେନ୍‌।

୧ କରନ୍ତିୟ 15:23

ମାତର୍ ୱିଜୁ ମାନାୟାର୍ ଟିକ୍ ସମୟରେ ଆରେରଗ ଜିବୁନ୍ ଆନାର୍। ଈଶ୍ୱର ମାଙ୍ଗେଙ୍ଗ୍ ପୁନି କିଦ୍‌ନି କାଜିଙ୍ଗ୍ ଖ୍ରୀଷ୍ଟଙ୍ଗ୍ ଆରେରଗ ପାର୍ତୁମ୍ ଜିବୁନ୍ କିତାନ୍। ଲାଗିଙ୍ଗ୍ ଏଚେପାଦ୍ନା ଖ୍ରୀଷ୍ଟ ଆରେରଗ ୱାନାନ୍ ତା ମାନାୟାରିଙ୍ଗ୍ ଆରେରଗ ଜିବୁନ୍ କିନାନ୍।

ଗାଲାତିୟ 1:4

ମା ପାପ୍ କାଜିଙ୍ଗ୍ ଆରେ ଆପେଙ୍ଗ୍ ଇନେସ୍ ଇ କରାପ୍ ଜଗତ୍‌ତାଙ୍ଗ୍ ଉଦାର୍ ପାୟାଆଦେଙ୍ଗ୍ ଆଡ୍‌ନାସ୍, ଇଦାଙ୍ଗ୍ କାଜିଙ୍ଗ୍ ମା ଆବା ଈଶ୍ୱର ଇଚାତାଙ୍ଗ୍ ଯୀଶୁ ଖ୍ରୀଷ୍ଟ ତା ଜାର୍ ଜିବୁନ୍‌ତିଙ୍ଗ୍ ବଲିପୁଜା କିୟାଆତାନ୍‌ନା।

ଏପିସିୟ 5:27

ଆରେ ହେୱାନ୍ ଇନେସ୍ ମଣ୍ଡ୍‌ଲିତିଙ୍ଗ୍ ପବିତ୍ର ଆରେ ବିନା ଦସ୍‌ନି ର ଗୌରବନି ମଣ୍ଡ୍‌ଲି ଲେକେ ଜାର୍‌ତାକେ ଚଚ୍‌ଚେଙ୍ଗ୍ ଆଡ୍‌ନାନ୍। ଇଦାଙ୍ଗ୍ କାଜିଙ୍ଗ୍ ହେୱାନ୍ ମଣ୍ଡ୍‌ଲିତିଙ୍ଗ୍ ଚିନ୍ କିୱାଦାଙ୍ଗ୍ ଆରେ ଇନେସ୍ ଲେଗ୍‌ଦି ଦସ୍‌ତାକେ ମାନ୍‌ୱି କାଜିଙ୍ଗ୍ ଖ୍ରୀଷ୍ଟ ଇଦାଙ୍ଗ୍ କିତାନ୍‌ନା।

ପିଲିପିୟ 1:10

ଲାଗିଙ୍ଗ୍ ଏପେଙ୍ଗ୍ ୱିଜୁତାଙ୍ଗ୍ ହାର୍ଦି ବିଷୟତିଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍, ଆରେ ଖ୍ରୀଷ୍ଟ ଦିନ୍‌ତ ଏପେଙ୍ଗ୍ ଟିକ୍ ଆରେ ଇନା ଦସ୍ ପା ମିଙ୍ଗେଙ୍ଗ୍ ହିଲ୍‌ଗୁତ୍।

କଲସିୟ 1:22

ମାତର୍ ଖ୍ରୀଷ୍ଟ ମାନାୟ୍ ରୁପ୍ ଆଜି କୃଶକାଟ୍‌ତାକେ ହାଃତି କାଜିଙ୍ଗ୍ ଈଶ୍ୱର ମା ହୁଦାଙ୍ଗ୍ ମାହାଆତ୍‌ତାନ୍‌ନା। ଇଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଏଚେକାଡ଼୍‌ଦ ଈଶ୍ୱର ମୁମ୍‌ଦ ନିଲ୍‌ନାଦେର୍, ହେୱାନ୍ ମିଙ୍ଗେଙ୍ଗ୍ ପବିତ୍ର ଆରେ ମି ବିରଦ୍‌ତାକେ ଇନେର୍‌ପା ନିନ୍ଦା ବେଣ୍ ୱେଚ୍‌ଚି ଦସି କିଦ୍‌ଦେଙ୍ଗ୍ ଆଡ଼୍‌ଦୁର୍।

୧ ଥେସଲନୀକିୟ 2:19

ଇନେସ୍‌କି ମା ଯୀଶୁ ଖ୍ରୀଷ୍ଟ ଏଚେକାଡ଼୍‌ଦ ପୁର୍ତିତାକେ ୱାନାନ୍ ତା ଆଗେ ଏପେଙ୍ଗ୍ ମା ଆହା, ସାର୍‌ଦା ଆରେ ମା ସନ୍‌ମାନ୍‌ନି ମୁକୁଟ୍‌ଲେକେ।

୧ ଥେସଲନୀକିୟ 3:11

ଆପେଙ୍ଗ୍ ମିତାକେ ବେଗି ୱାଦେଙ୍ଗ୍ ମା ଆବା ଈଶ୍ୱର ଆରେ ମାପୃ ଯୀଶୁ ମାଙ୍ଗେଙ୍ଗ୍ ସାଇଜ କିଦେର୍।

୧ ଥେସଲନୀକିୟ 3:2

ମାତର୍ ଆନେଙ୍ଗ୍ ପାଉଲ ତିମତିତିଙ୍ଗ୍ ମିତାକେ ପକ୍ତାତାପ୍। ହେୱାନ୍ ମା ହୁଦାଙ୍ଗ୍ ମାହାଆଜି ଈଶ୍ୱର କାମାୟ୍ କିନାନା, ହେୱାନ୍ ମା ଟଣ୍ଡେନ୍ ଲେକେ ଯୀଶୁ ଖ୍ରୀଷ୍ଟତି ହାର୍ଦିକାବୁର୍ ଶୁଣାୟ୍ କିନାନା। ହେୱାନ୍ ମିଙ୍ଗେଙ୍ଗ୍ ଖ୍ରୀଷ୍ଟଙ୍ଗ୍ ବେସି ପାର୍ତି କିଦେଙ୍ଗ୍ ସାଇଜ କିଦ୍‌ନାନ୍, ଆରେ ତାଙ୍ଗେଙ୍ଗ୍ ପାର୍ତି କିଜି ମାଞ୍ଜେଙ୍ଗ୍ ହେୱାନ୍ ମିଙ୍ଗେଙ୍ଗ୍ ସାସ୍ ହିଦ୍‌ନାନ୍।

୧ ଥେସଲନୀକିୟ 4:15

ଆପେଙ୍ଗ୍ ମାପୃ ଯୀଶୁ ୱେଚ୍‌ଚିଲେକେ ମିଙ୍ଗେଙ୍ଗ୍ ୱେଚ୍‌ଚାନାପା ଯେ, ମାପୃ ଯୀଶୁ ପୁର୍ତିତାକେ ଆରେରଗ ୱାନି ପାତେକ୍ ଆସେଙ୍ଗ୍ ଏଚେଜାଣ୍ ଜିବୁନ୍ ମାନ୍‌ଗାନାସ୍। ଆସେଙ୍ଗ୍ ମାପୃ ଯୀଶୁଙ୍ଗ୍ ଆଗେ ମାହା ଆଦେଙ୍ଗ୍ ଆଡୁସ୍, ମାତର୍ ମାପୃ ଯୀଶୁଙ୍ଗ୍ ପାର୍ତି କିଜି ହାଃତି ମାନାୟାର୍ ଆରେରଗ ଜିବୁନ୍‌ଆଜି ଆଗେ ମାହାଆନାର୍।

୧ ଥେସଲନୀକିୟ 4:17

ତାପାଚେ ଆସେଙ୍ଗ୍ ଏଚେଜାଣ୍ ଜିବୁନ୍ ମାନ୍‌ଗାନାସ୍, ମାପୃ ଯୀଶୁଙ୍ଗ୍ ମାହା ଆଦେଙ୍ଗ୍ ଆସେଙ୍ଗ୍ ହେୱାର୍ ହୁଦାଙ୍ଗ୍ ବାଦାଡ଼ାତାଙ୍ଗ୍ ବାଦାଡ଼୍‌ଜପି ହାନାସ୍, ଆରେ ଆସେଙ୍ଗ୍ ମାପୃ ଯୀଶୁ ହୁଦାଙ୍ଗ୍ ମାହାଆଜି ୱିଜୁଦିନ୍ କାଜିଙ୍ଗ୍ ମାନାସ୍।

୧ ଥେସଲନୀକିୟ 5:23

ଶାନ୍ତି ହିଦ୍‌ନି ଈଶ୍ୱର ହେୱାନ୍ ନିଜେ ମିଙ୍ଗେଙ୍ଗ୍ ପୁରାପୁରି ବାବେ ପବିତ୍ର କିଦ୍‌ନାନ୍। ମି ଆତ୍ମା, ଜିବୁନ୍ ଆରେ ଗାଗାଡ଼୍ ଦସ୍ କିତାନ୍‌ନା ଇଞ୍ଜି ଇଞ୍ଜ୍‌ମେର୍, ମା ମାପୃ ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ଆରେରଗ ପୁର୍ତିତାକେ ୱାନି ପାତେକ୍।

୨ ଥେସଲନୀକିୟ 1:10

ଏଚେପାଦ୍ନା ମାପୃ ଯୀଶୁ ତା ପବିତ୍ର ମାନାୟାର୍‌ତାଙ୍ଗ୍ ଗୌରବ ଆରେ ସନ୍‌ମାନ୍ ପାୟା ଆଦେଙ୍ଗ୍ ଆରେରଗ ପୁର୍ତିତାକେ ୱାନାନ୍। ଆରେ ହେୱାନ୍ ସନ୍‌ମାନ୍ ପାୟାଆନି ନାଞ୍ଜିଙ୍ଗ୍, ହେବେ ଏପେଙ୍ଗ୍ ପା ମାନାଦେର୍, ଇନେସ୍‌କି ଆପେଙ୍ଗ୍ ତା ବିଷୟରେ ୱେଚ୍‌ଚିତିଲେ ପାର୍ତି କିତାଦେର୍।

୨ ଥେସଲନୀକିୟ 1:7

ହେପାଦ୍ନା ମିଙ୍ଗେଙ୍ଗ୍ ଦୁଃକ୍ କଷ୍ଟ ହିଦ୍‌ନି ମାନାୟାରିଙ୍ଗ୍ ଈଶ୍ୱର ହେଲେକେ ନେ ହେୱାରିଙ୍ଗ୍ ଦୁଃକ୍ କଷ୍ଟ ହିନାନ୍। ଆରେ ଏପେଙ୍ଗ୍ ଦୁଃକ୍ କଷ୍ଟ ପାୟାଆଜି ମାଚି କାଜିଙ୍ଗ୍ ହେୱାନ୍ ମା ହୁଦାଙ୍ଗ୍ ମିଙ୍ଗେଙ୍ଗ୍ ଶାନ୍ତି ହିଦ୍‌ନାନା, ଇଦାଙ୍ଗ୍ ନେ ଈଶ୍ୱରତି ନ୍ୟାୟ୍ ବିଚାର୍।

୨ ଥେସଲନୀକିୟ 2:1

ଏ ପାର୍ତିକିନି ଟଣ୍ଡାର୍‌କାଦେର୍, ଆପେଙ୍ଗ୍ ମାପୃ ଯୀଶୁ ଖ୍ରୀଷ୍ଟ ଆରେରଗ ୱାନି ବିଷୟରେ ମି କାଜିଙ୍ଗ୍ ଲେକିକିନାପା, ହେପାଦ୍ନା ଆସେଙ୍ଗ୍ ୱିଜାସ୍ ମାହାଆଜି ହେୱାନିଙ୍ଗ୍ ବେଟା ଆନାସ୍।

ଜାକ୍‌ବ 5:8

ହେଲେକେ ଏପେଙ୍ଗ୍ ପା ସାସ୍ ଆସ୍ତି ମାନାଟ୍ ଆରେ ଆହା କିଜି ମାନାଟ୍, ଇନେସ୍‌କି ମାପୃ ୱାନିଦିନ୍ ଲାଗେ ମାନାତ୍।

୧ ପିତର 5:10

ଈଶ୍ୱର ମାଙ୍ଗେଙ୍ଗ୍ ଦୟା କିତ୍‌ତି କାଜିଙ୍ଗ୍ ହେୱାନ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ତା ୱିଜୁଦିନ୍ ମାନି ଗୌରବ ମାଙ୍ଗେଙ୍ଗ୍ ହିଦ୍‌ନି କାଜିଙ୍ଗ୍ ବାଚି କିତ୍‌ତାନ୍‌ନା। ଏପେଙ୍ଗ୍ ଅଲପ୍‌ଦିନ୍ ଦୁଃକ୍ କଷ୍ଟ ପାୟାଆତି ପାଚେ ହେୱାନ୍ ମିଙ୍ଗେଙ୍ଗ୍ ଆଦିକ୍ ପାର୍ତି କିଦେଙ୍ଗ୍ ଶାକ୍ତି ହିଦ୍‌ନାନ୍, ଆରେ ହେୱାନ୍ ମିଙ୍ଗେଙ୍ଗ୍ ପୁନି ମାନାୟ୍ କିଦ୍‌ନାନ୍। ଆରେ ହେୱାନ୍ ମି ପାର୍ତିତିଙ୍ଗ୍ ର ଷ୍ଟ୍ରଙ୍ଗ୍ ପାଉଣ୍ଡେସେନ୍‌ଲେକେ କିଦ୍‌ନାନ୍।

ଜିହୁଦା 1:14

ଆଦମତାଙ୍ଗ୍ ସାତ୍ କୁଟୁମ୍ ଜନମ୍ ଆତି ପାଚେ ହନୋକ ଜନମ୍ ଆଜି ମାଚାନ୍। ହେୱାନ୍ ଇ ମାନାୟାର୍ ବିଷୟରେ ଈଶ୍ୱର କାତା ୱେନ୍‌ଞ୍ଜି ଶୁଣାୟ୍ କିଜି ୱେଚ୍‌ଚାନ୍।

ଜିହୁଦା 1:24

ଈଶ୍ୱର ନେ ମିଙ୍ଗେଙ୍ଗ୍ ଉଜ୍‌ଦି ଗୁର୍‌ନିତାଙ୍ଗ୍‌ ଉଦାର୍ କିଦ୍‌ଦେଙ୍ଗ୍ ଆଡ୍‌ନାନ୍। ଆରେ ତା ଗୌରବନି ମୁମ୍‌ଦ ନିଲି କିଦ୍‌ଦେଙ୍ଗ୍ ଏଚେପାଦ୍ନା ହେୱାନ୍ ମିଙ୍ଗେଙ୍ଗ୍ ତାସିୱାଦ୍‌ନାନ୍, ହେପାଦ୍ନା ହେୱାନ୍ ମିଙ୍ଗେଙ୍ଗ୍ ପାପ୍‌ନି ଦସ୍ ହିଲ୍‌ୱି ମାନାୟ୍ ଲେକେ ଆରେ ୱାରି ହିଦ୍‌ଦେଙ୍ଗ୍ ଆଡ଼୍‌ଦାନାନ୍। ମା ମାପୃ ଯୀଶୁ ଖ୍ରୀଷ୍ଟ କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ଉଦାର୍ କିତ୍‌ତାନ୍‌ନା। ଉବ୍‌ଜାଣ୍ ଆତି ଆରମ୍‌ତାଙ୍ଗ୍ ଗୌରବ, ଜୟ୍-ଜୟ୍ କିନାକା, ଶାକ୍ତି ଆରେ ଆଦିକାର୍ ହେୱାନ୍‌ତି, ଆରେ ନଙ୍ଗୟ୍ ପା ହେୱାନ୍‌ତି, ଆରେ ୱିଜ୍‌ୱିଦିନ୍ କାଜିଙ୍ଗ୍ ହେୱାନ୍‌ତି ମାନ୍‌ଗାନାତ୍। ଆମେନ୍।