୧ ଥେସଲନୀକିୟ 3:11 - New Testament in Pengo Parja Language

¹¹ ଆପେଙ୍ଗ୍ ମିତାକେ ବେଗି ୱାଦେଙ୍ଗ୍ ମା ଆବା ଈଶ୍ୱର ଆରେ ମାପୃ ଯୀଶୁ ମାଙ୍ଗେଙ୍ଗ୍ ସାଇଜ କିଦେର୍।

ସତ୍‌ ବଚନ୍‌ ପୁନି ନିୟମ୍‌

¹¹ ମା ଆବା ଇସ୍ୱର୍‌ ନିଜେ ଆରେ ମା ମାପ୍ରୁ ଜିସୁ ମି ଲାଗାଂ ମା ହାନି ହାଜ଼ି ରଚ୍‌ନାନ୍‌ ।

୧ ଥେସଲନୀକିୟ 3:11 Iomraidhean Croise

ମାତିଉ 6:14

ମାତର୍ ଏଚେପାଦ୍ନା ମି ବିରୁଦ୍ ନିକାରିଙ୍ଗ୍ ପାପ୍ କେମା କିତିସ୍, ଲାଗିଙ୍ଗ୍ ମି ସରଗ୍‌ନି ଆବା ପା ମିଙ୍ଗେଙ୍ଗ୍ ପାପ୍ କେମା କିଦ୍‌ନାନ୍।

ମାତିଉ 6:18

ଲାଗିଙ୍ଗ୍ ଏପେଙ୍ଗ୍ ଉପାସ୍ କିନାଦେରା ଇଞ୍ଜି ଇନେର୍ ପା ପୁଞ୍ଜୁର୍, ମାତର୍ ମି ସରଗ୍‌ନି ଆବା ପୁଞ୍ଜ୍‌ନାନ୍ କି ଏପେଙ୍ଗ୍ ଡ଼ୁକ୍‌ଚି ଇନାକା କିନାଦେରା। ଆରେ ମି ସରଗ୍‌ନି ଆବା ୱିଜୁ ହୁଡ଼୍‌ଦାନାନ୍ ହେୱାନ୍ ମିଙ୍ଗେଙ୍ଗ୍ ପାଡ଼୍‌ ହିଦ୍‌ନାନ୍।

ମାତିଉ 6:26

ବାଦାଡ଼୍‌ନି ପଟିକାଙ୍ଗ୍ ହୁଡ଼ାଟ୍, ହେୱେକ୍ ବିୟାନ୍ ୱିତୁକ୍ କି ତେଜୁକ୍ କି କଲ୍‌କିତାକେ ରୁଣ୍ଡାଇକିଜି ଇଟୁକ୍, ମାତର୍ ସରଗ୍‌ନି ଆବା ହେୱେକାଙ୍ଗ୍ କାଦି ହିନାନା। ଏପେଙ୍ଗ୍ ଇନାକା ହେ ପଟିଙ୍ଗ୍‌ତାଙ୍ଗ୍ ଗାଜା ଆକାୟ୍?

ମାତିଉ 6:32

ଇମ୍‌ଣାକାର୍ ଈଶ୍ୱରତିଙ୍ଗ୍ ପୁନ୍‌ୱାତାର୍‌ନା ଇୱିଜୁ ବିଷୟ ପାୟା ଆଦେଙ୍ଗ୍ ଡେକ୍‌ଚି ବୁଲାଆନାର୍, ହେଦାଙ୍ଗ୍ ମି ସରଗ୍‌ନି ଆବା ଈଶ୍ୱର ପୁନାନ୍, ଯେ, ଇୱିଜୁ ବିଷୟ ମିଙ୍ଗେଙ୍ଗ୍ ଦର୍‌କାର୍।

ମାତିଉ 6:4

ହେଲେକେ ମି ଦାନ୍ ହିନାକା ଡ଼ୁକ୍‌ଚି ହିତିଲେକେ ଆନାତ୍, ଆରେ ମି ସରଗ୍‌ନି ଆବା ପା ହେ ୱିଜୁ ହୁଡ଼୍‌ଦାନାନ୍, ହେୱାନ୍ ମିଙ୍ଗେଙ୍ଗ୍ ପାଡ଼୍‌ ହିଦ୍‌ନାନ୍।

ମାତିଉ 6:6

ମାତର୍ ଏପେଙ୍ଗ୍ ପାର୍ତାନା କିନିହିଙ୍ଗ୍ ମି ବିତ୍ରେ ଇଞ୍ଜ ହାଲାଟ୍, ଆରେ ଏପେଙ୍ଗ୍ କାପାଟ୍ ଗେସ୍ତି ମି ଡ଼ୁକ୍‌ତି ସରଗ୍‌ନି ଆବା ମୁମ୍‌ଦ ପାର୍ତାନା କିୟାଟ୍। ଲାଗିଙ୍ଗ୍ ମି ସରଗ୍‌ନି ଆବା, ଇନେସ୍‌କି ମି କାପାଟ୍ ଗେସ୍ତି ପାର୍ତାନା କିନାକା ହୁଡ଼୍‌ଦାନାନ୍। ଆରେ ହେୱାନ୍ ମିଙ୍ଗେଙ୍ଗ୍ ପାଡ଼୍‌ ହିଦ୍‌ନାନ୍।

ମାର୍କ 1:3

ହେୱାନ୍ ର ଟାଙ୍ଗ୍ରାବାହାତାକେ ଚେରାଆଜି ୱେଚ୍‌ଚି ମାଚାନ୍, ମାପୃ କାଜିଙ୍ଗ୍ ହାଜି ରହାଟ୍, ତା ହାନି ହାଜି ହାଣ୍‌କୁ କିୟାଟ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:30

ଈଶ୍ୱରତିଙ୍ଗ୍ ପୁନ୍‌ୱିତି ପୁର୍ତିନି ମାନାୟାର୍ ଇୱିଜୁ ବିଷୟତିଙ୍ଗ୍ ଡେକ୍‌ଚି ବୁଲାଆନାର୍। ମାତର୍ ଇୱିଜୁ ବିଷୟ ମିଙ୍ଗେଙ୍ଗ୍ ଦର୍‌କାର୍ ଇଞ୍ଜି ମି ସରଗ୍‌ନି ଆବା ଈଶ୍ୱର ପୁଚାନ୍‌ନା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:32

ଏପେଙ୍ଗ୍ ରଞ୍ଜାଙ୍ଗ୍ ହିରୁ ମାନ୍ଦାନି ମେଣ୍ଢାଦଳ୍ ଲେକେ, ଲାଗିଙ୍ଗ୍ ପାଣ୍ଡ୍ରା ଆମାଟ୍। ମି ସରଗ୍‌ନି ଆବା ହେ ସରଗ୍ ରାଜି ହିତ୍‌ଦେଙ୍ଗ୍ ମାନ୍‌କିନାନା।

ଜହନ୍‌ 20:17

ଯୀଶୁ ହେଦେଲିଙ୍ଗ୍ ୱେଚ୍‌ଚାନ୍, “ନାଙ୍ଗେଙ୍ଗ୍ ଆସ୍ତେଦେଙ୍ଗ୍ ଉପାୟ୍ କିଦ୍‌ମା। ଆନେଙ୍ଗ୍ ନଙ୍ଗୟ୍ ପାତେକ୍ ଆବା ଈଶ୍ୱରତାକେ ହାଲ୍‌ୱାତାଙ୍ଗ୍‌ନା। ମାତର୍ ଏନେଙ୍ଗ୍ ହାଲ୍‌ଜି ନା ଟଣ୍ଡାରିଙ୍ଗ୍ ୱେଚା, ଆନେଙ୍ଗ୍ ମି ଆରେ ନା ଆବାତାକେ ହାନାଙ୍ଗା। ଆରେ ମି ଆରେ ନା ଈଶ୍ୱରତାକେ ହାନାଙ୍ଗା।”

ରୋମିୟ 1:3

ଇ ହାର୍ଦିକାବୁର୍ ଈଶ୍ୱର ମେହି, ମା ମାପୃ ଯୀଶୁ ଖ୍ରୀଷ୍ଟ ବିଷୟରେ ହେୱାନ୍ ମାନାୟ୍ ରୁପ୍ ଆଜି ପୁର୍ତିତାକେ, ଦାଉଦ ରାଜାର୍ କୁଟୁମ୍‌ତାକେ ଜନମ୍ ଆଜି ମାଚାନ୍।

୨ କରନ୍ତିୟ 6:18

ୱିଜୁ ଶାକ୍ତିମାନି ଈଶ୍ୱର ଇଲେକେ ଇନାତା ଯେ, ଆନେଙ୍ଗ୍ ମି ଆବା ଆନାଙ୍ଗ୍ ଆରେ ଏପେଙ୍ଗ୍ ନା ହିମ୍‌ଣାଙ୍ଗ୍ ଆନାଦେର୍।”

ଗାଲାତିୟ 1:4

ମା ପାପ୍ କାଜିଙ୍ଗ୍ ଆରେ ଆପେଙ୍ଗ୍ ଇନେସ୍ ଇ କରାପ୍ ଜଗତ୍‌ତାଙ୍ଗ୍ ଉଦାର୍ ପାୟାଆଦେଙ୍ଗ୍ ଆଡ୍‌ନାସ୍, ଇଦାଙ୍ଗ୍ କାଜିଙ୍ଗ୍ ମା ଆବା ଈଶ୍ୱର ଇଚାତାଙ୍ଗ୍ ଯୀଶୁ ଖ୍ରୀଷ୍ଟ ତା ଜାର୍ ଜିବୁନ୍‌ତିଙ୍ଗ୍ ବଲିପୁଜା କିୟାଆତାନ୍‌ନା।

କଲସିୟ 1:2

ଆନେଙ୍ଗ୍ ଆରେ ନା ହୁଦାଙ୍ଗ୍ ମାନି ପାର୍ତିକିନି ଟଣ୍ଡେନ୍ ତିମତି, କଲସୀୟ ସହର୍‌ତାକେ ମାନି ସାଦୁ ମାନାୟ୍ ଆରେ ଖ୍ରୀଷ୍ଟତାକେ ପାର୍ତିକିନି ଟଣ୍ଡାର୍‌ରିଙ୍ଗ୍ ଜୱାର୍ କିଦ୍‌ନାପା। ମା ଆବା ଈଶ୍ୱର ମିଙ୍ଗେଙ୍ଗ୍ ଆଶ୍ରିବାଦ୍ କିଦେନ୍ ଆରେ ଶାନ୍ତି ହିଦେନ୍।

୧ ଥେସଲନୀକିୟ 3:13

ଆପେଙ୍ଗ୍ ପାର୍ତାନା କିନାପା ଯେ, ମା ମାପୃ ଯୀଶୁ ଖ୍ରୀଷ୍ଟ ଆରେରଗ ତା ସାଦୁ ମାନାୟାର୍ ହୁଦାଙ୍ଗ୍ ୱାନାନ୍, ଆରେ ଆସେଙ୍ଗ୍ ଈଶ୍ୱର ମୁମ୍‌ଦ ନିଲ୍‌ତିହିଙ୍ଗ୍‌, ଖ୍ରୀଷ୍ଟ ମାଙ୍ଗେଙ୍ଗ୍ ସାସ୍, ପବିତ୍ର ଆରେ ଦସ୍ ହିଲି ମାନାୟ୍ କିଦ୍‌ନାନ୍।

୧ ଥେସଲନୀକିୟ 4:16

ମାତର୍ ମାପୃ ଯୀଶୁ ନିଜେ ଆଦେସ୍ ହିଜି ସରଗ୍‌ତାଙ୍ଗ୍ ପୁର୍ତିତାକେ ୱାନିହିଙ୍ଗ୍, ମାନାୟାର୍ ଈଶ୍ୱରତି ମରି ବାଜା ଆରେ ଦୁତ୍‌ତି ର କାଟ୍ ୱେନାର୍, ହେପାଦ୍ନା ଖ୍ରୀଷ୍ଟଙ୍ଗ୍ ପାର୍ତି କିଜି ହାଃତାକାର୍ ଆରେରଗ ପାର୍ତୁମ୍ ଜିବୁନ୍ ଆନାର୍।

୧ ଥେସଲନୀକିୟ 5:23

ଶାନ୍ତି ହିଦ୍‌ନି ଈଶ୍ୱର ହେୱାନ୍ ନିଜେ ମିଙ୍ଗେଙ୍ଗ୍ ପୁରାପୁରି ବାବେ ପବିତ୍ର କିଦ୍‌ନାନ୍। ମି ଆତ୍ମା, ଜିବୁନ୍ ଆରେ ଗାଗାଡ଼୍ ଦସ୍ କିତାନ୍‌ନା ଇଞ୍ଜି ଇଞ୍ଜ୍‌ମେର୍, ମା ମାପୃ ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ଆରେରଗ ପୁର୍ତିତାକେ ୱାନି ପାତେକ୍।

୨ ଥେସଲନୀକିୟ 2:16

ଆସେଙ୍ଗ୍ ପାର୍ତାନା କିନାସା ଯେ, ମା ମାପୃ ଯୀଶୁ ଖ୍ରୀଷ୍ଟ, ଆରେ ମା ଆବା ଈଶ୍ୱର ମାଙ୍ଗେଙ୍ଗ୍ ଲାଡ୍ କିଦ୍‌ନାର୍, ଆରେ ହେୱାର୍ ମାଙ୍ଗେଙ୍ଗ୍ ଦୟାକିଜି ୱିଜ୍‌ୱିଦିନ୍‌ନି ସାସ୍, ଆରେ ହାର୍ ଆହା ହିଦେନ୍।

୨ ଥେସଲନୀକିୟ 3:16

ଆନେଙ୍ଗ୍ ମି କାଜିଙ୍ଗ୍ ପାର୍ତାନା କିନାଙ୍ଗା, ମାଙ୍ଗେଙ୍ଗ୍ ଶାନ୍ତି ହିଦ୍‌ନି ମାପୃ ନିଜେ ମିଙ୍ଗେଙ୍ଗ୍ ୱିଜୁଦିନ୍ ଆରେ ୱିଜୁ ପର୍‌କାର୍ ଶାନ୍ତି ହିଦେନ୍। ଆରେ ମାପୃ ୱିଜୁଦିନ୍ ମି ଲାହାଙ୍ଗ୍ ମେନେନ୍।

୨ ଥେସଲନୀକିୟ 3:5

ଆପେଙ୍ଗ୍ ମି କାଜିଙ୍ଗ୍ ମାପୃ ଯୀଶୁତାକେ ପାର୍ତାନା କିନାପା। ଈଶ୍ୱର ମାଙ୍ଗେଙ୍ଗ୍ ବେସି ଲାଡ୍ କିନାନା ଇଞ୍ଜି ପୁଞ୍ଜେଙ୍ଗ୍ ସାଇଜ କିଦେନ୍, ଆରେ ମାପୃ ଯୀଶୁ ଖ୍ରୀଷ୍ଟ ଇନେସ୍ ଦୁଃକ୍ କଷ୍ଟତିଙ୍ଗ୍ ସମ୍ବାଲି କିଜି ମାଚାନ୍। ତା ଲେକେ ଆସେଙ୍ଗ୍ ଦୁଃକ୍ କଷ୍ଟତିଙ୍ଗ୍ ସମ୍ବାଲି କିଦେଙ୍ଗ୍ ଈଶ୍ୱର ମାଙ୍ଗେଙ୍ଗ୍ ସାଇଜ କିଦ୍‌ନାନ୍।

୧ ଯୋହନ 3:1

ମା ଆବା ଈଶ୍ୱର ମାଙ୍ଗେଙ୍ଗ୍ ବେସି ଲାଡ୍ କିଦ୍‌ନାନ୍ ଯେ, ଆସେଙ୍ଗ୍ ମେହିକାସ୍ ଆଦେଙ୍ଗ୍ ଆଡ୍‌ନାସ୍, ଆରେ ଆସେଙ୍ଗ୍ ହାତ୍‌ପା ତା ମେହିକାସ୍। ହେଦାଙ୍ଗ୍ କାଜିଙ୍ଗ୍ ଇ ପୁର୍ତିନି ମାନାୟାର୍ ମାଙ୍ଗେଙ୍ଗ୍ ଚିନ୍ କିଦୁର୍, ଇନେସ୍‌କି ହେୱାର୍ ଈଶ୍ୱରତିଙ୍ଗ୍ ପା ଚିନ୍ କିୱାଦାଙ୍ଗ୍ ମାଚାର୍।

ହତ୍‌ତି 21:3

ଆରେ ସରଗ୍‌ନି ସିଙ୍ଗାସନତାଙ୍ଗ୍ ରକାନ୍ ଗାଜାକାଟ୍ କିଜି ୱେଚ୍‌ନାକା ଆନେଙ୍ଗ୍ ୱେଚାଙ୍ଗ୍, “ହୁଡ଼ା, ଈଶ୍ୱର ମନ୍ଦିର୍‌ ତା ମାନାୟାର୍‌ତାକେ ୱାନାନା, ହେୱାନ୍ ହେୱାର୍ ହୁଦାଙ୍ଗ୍ ମାନାନ୍ ଆରେ ହେୱାର୍ ତା ଲକ୍ ଆନାର୍। ଈଶ୍ୱର ନିଜେ ହେୱାର୍ ହୁଦାଙ୍ଗ୍ ମାନାନ୍।