୧ ଥେସଲନୀକିୟ 3:10 - New Testament in Pengo Parja Language

¹⁰ ଆପେଙ୍ଗ୍ ମି କାଜିଙ୍ଗ୍ ୱେଡ଼ା ନାଣା ପାର୍ତାନା କିନାପା ଯେ, ଈଶ୍ୱର ମିତାକେ ୱାଦେଙ୍ଗ୍ ମାଙ୍ଗେଙ୍ଗ୍ ସାଇଜ କିଦ୍‌ନାତ୍। ମିଙ୍ଗେଙ୍ଗ୍ ଦର୍‌କାର୍‌ଆନି ବିଷୟରେ ହିକ୍ଷା ହିଦ୍‌ନାପ୍, ଆରେ ଏପେଙ୍ଗ୍ ଖ୍ରୀଷ୍ଟତାକେ ପୁରା-ପୁରି ପାର୍ତି କିନାଦେର୍।

ସତ୍‌ ବଚନ୍‌ ପୁନି ନିୟମ୍‌

¹⁰ ମି ପାର୍ତିତ ଇନାକା ଉଣା ମାନାତ୍‌, ହେଦାଂ ପୁରାୟ୍‌ କିଦେଙ୍ଗ୍‌ ଇଞ୍ଜି ଆପେଂ ମି ଲାହାଂ ଇନେସ୍‌ ମେହାଆଦେଂ ଆଡ୍‌ନାସ୍‌, ଇଦାଂ କାଜିଂ ୱେଡ଼ା ନାଣା ବେସି ପାର୍ତାନା କିନାପା ।

୧ ଥେସଲନୀକିୟ 3:10 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:37

ହେଦେଲ୍ ୱିଜୁଦିନ୍ ଈଶ୍ୱର ମାନି ମନ୍ଦିର୍‌ତାକେ ପୁଜାକିଜି ମାନାକା। ଆରେ ହେଦେଲ୍ ୱେଡ଼ା ନାଣା ତିନ୍‌ୱାଦାଙ୍ଗ୍ କି ଉଣ୍‌ୱାଦାଙ୍ଗ୍ ଈଶ୍ୱରତିଙ୍ଗ୍ ହେବାକିଜି ପାର୍ତାନା କିଜି ମାଚାତ୍।

ପକ୍ୟାତାକା 26:7

ମା ବାର କୁଟୁମ୍ ମାନାୟାର୍ ପା ହେ ପାର୍ମାଣ୍ ପୁରା ଆୟେତ୍ ଇଞ୍ଜି ଆହା ଇଡ଼୍‌ଜି ଈଶ୍ୱରତିଙ୍ଗ୍ ର ମାନ୍‌ଆଜି ୱେଡ଼ା ନାଣା ପୁଜା କିନାରା। ଏ ରାଜା ଇ ଆହା କାଜିଙ୍ଗ୍ ନାଙ୍ଗେଙ୍ଗ୍ ଯିହୁଦିର୍ ଦସି କିତ୍‌ତାର୍‌ନା।

୨ କରନ୍ତିୟ 1:15

ଆନେଙ୍ଗ୍ ମିତାକେ ପୁରାପୁରି ବାବ୍‌ରେ ଆହା ଇଡ଼୍‌ଜି ମାଚାଙ୍ଗ୍ ଯେ, ଆପେଙ୍ଗ୍ ମିତାକେ ପାର୍ତୁମ୍ ୱାନି ଉପାୟ୍‌ତିଙ୍ଗ୍ ବୁଜାଆନାଦେର୍। ଆରେ ଆନେଙ୍ଗ୍ ଇଚା କିଜି ମାଚାଙ୍ଗ୍ ଯେ, ମିତାକେ ୱାଜି ଡବଲ୍ ଆଶ୍ରିବାଦ୍ କିଦ୍‌ନାଙ୍ଗ୍।

୨ କରନ୍ତିୟ 1:24

ମାତର୍ ତା ଅର୍ତ ଇଦାଙ୍ଗ୍ ଆକାୟ୍ ଯେ, ଆପେଙ୍ଗ୍ ମିଙ୍ଗେଙ୍ଗ୍ ସାସନ୍ କିଦ୍‌ନାପା ଆରେ ଆପେଙ୍ଗ୍ ୱେଚ୍‌ଚିତି କାତାତିଙ୍ଗ୍ ପାର୍ତି କିନାଦେର୍। ମାତର୍ ଆପେଙ୍ଗ୍ ମିହୁଦାଙ୍ଗ୍ ମାହାଆଜି ଏପେଙ୍ଗ୍ ୱାରିୟାଆନି କାଜିଙ୍ଗ୍ କାମାୟ୍ କିନାପା। ଇନେସ୍‌କି ଏପେଙ୍ଗ୍ ପାର୍ତିକିତି କାଜିଙ୍ଗ୍ ଖ୍ରୀଷ୍ଟ ହୁଦାଙ୍ଗ୍ ତିର୍‌ଆଜି ନିଲ୍‌ତାଦେର୍‌ନା।

୨ କରନ୍ତିୟ 13:11

ଏ ଲାଡ୍‌ନି ଟଣ୍ଡାର୍‌କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ସେସ୍ କାତା ୱେଚ୍‌ଚି ଇ ଚିଟି ଲେକିକିନାକା ବନ୍ଦ୍ କିନାଙ୍ଗା, ଏପେଙ୍ଗ୍ ୱିଜୁଦିନ୍ ୱାରି କିୟାଟ୍। ଏପେଙ୍ଗ୍ ଗାଜାକାର୍ ଲେକ ବୁଦି କାଟାକାଦେର୍ ଆଡ। ଏପେଙ୍ଗ୍ ଜାର୍-ଜାର୍‌ବିତ୍ରେ ସାସ୍ ହିବାଆଡ। ଏପେଙ୍ଗ୍ ର ମାନ୍‌ଆଜି ଶାନ୍ତିତାଙ୍ଗ୍ ମାନାଟ୍। ଲାଗିଙ୍ଗ୍ ଲାଡ୍ ଆରେ ଶାନ୍ତିନି ଈଶ୍ୱର ମିହୁଦାଙ୍ଗ୍ ମାନ୍‌ଗାନାନ୍।

୨ କରନ୍ତିୟ 13:9

ଆପେଙ୍ଗ୍ ଦୁର୍‌ବଲ୍ ମାନିହିଙ୍ଗ୍ ଏପେଙ୍ଗ୍ ଯଦି ଶାକ୍ତି କାଟାକାଦେର୍ ଆତାଦେର୍‌ନା ଆପେଙ୍ଗ୍ ୱାରିୟା ଆନାପା, ଆରେ ଏପେଙ୍ଗ୍ ଗାଜାକାର୍ ଆନି କାଜିଙ୍ଗ୍ ଈଶ୍ୱରତାକେ ପାର୍ତାନା କିନାପା।

ପିଲିପିୟ 1:25

ଆନେଙ୍ଗ୍ ପୁରା ପାର୍ତି କିନାଙ୍ଗା ଯେ ଆନେଙ୍ଗ୍ ଜିଜି ମାନାଙ୍ଗ୍। ଆରେ ଆନେଙ୍ଗ୍ ମିଙ୍ଗେଙ୍ଗ୍ ପାର୍ତିତାଙ୍ଗ୍ ବାଡାଇକିନି କାଜିଙ୍ଗ୍ ଆରେ ମି ୱାରି କାଜିଙ୍ଗ୍ ମି ୱିଜାକାର୍ ହୁଦାଙ୍ଗ୍ ମାହାଆଜି ମାନାଙ୍ଗ୍।

କଲସିୟ 1:28

ଲାଗିଙ୍ଗ୍ ଆପେଙ୍ଗ୍ ଖ୍ରୀଷ୍ଟ ବିଷୟରେ ୱିଜାକାରିଙ୍ଗ୍ ୱେଚ୍‌ନାପା, ଆରେ ଈଶ୍ୱର ହିଜି ମାନ୍‌ଞ୍ଚି ଜ୍ଞାନ୍‌ତାଙ୍ଗ୍ ୱିଜାକାରିଙ୍ଗ୍ ଜାଗ୍ରତ୍ କିଜି ହିକ୍ଷା ହିନାପା। ଇନେସ୍‌କି ଆପେଙ୍ଗ୍ ହେୱାରିଙ୍ଗ୍ ଖ୍ରୀଷ୍ଟତାକେ ଟିକ୍ ବାବ୍‌ରେ ମାହାଆଜି ମାନାର୍ ଇଞ୍ଜି ଈଶ୍ୱର ମୁମ୍‌ଦ ନିଲି କିଦେଙ୍ଗ୍ ଆପେଙ୍ଗ୍ ଇ ଲେକେ କିନାପା।

କଲସିୟ 4:12

ଏପାଫ୍ରା ମିଙ୍ଗେଙ୍ଗ୍ ଜୱାର୍ କିଦ୍‌ନାନା, ହେୱାନ୍ ମି ସହର୍‌ନି ମାନାୟ୍। ହେୱାନ୍ ରକାନ୍ ଯୀଶୁ ଖ୍ରୀଷ୍ଟଙ୍ଗ୍ ହେବା କିନାକାନ୍। ଏପେଙ୍ଗ୍ ଇନେସ୍ ଈଶ୍ୱରତାକେ ଟିକ୍‌ଆଜି ମାଞ୍ଜେଙ୍ଗ୍ ଆଡ୍‌ନାଦେର୍, ଆରେ ଈଶ୍ୱର ଇଚା ଏପେଙ୍ଗ୍ ପୁରାପୁରି ପୁଞ୍ଜେଙ୍ଗ୍ ଆଡ୍‌ନାର୍, ହେଦାଙ୍ଗ୍ କାଜିଙ୍ଗ୍ ହେୱାନ୍ ମି କାଜିଙ୍ଗ୍ ୱିଜୁଦିନ୍ ମାନ୍‌ଦିୟାନ୍ କିଜି ପାର୍ତାନା କିନାନା।

୧ ଥେସଲନୀକିୟ 3:11

ଆପେଙ୍ଗ୍ ମିତାକେ ବେଗି ୱାଦେଙ୍ଗ୍ ମା ଆବା ଈଶ୍ୱର ଆରେ ମାପୃ ଯୀଶୁ ମାଙ୍ଗେଙ୍ଗ୍ ସାଇଜ କିଦେର୍।

୨ ଥେସଲନୀକିୟ 1:11

ହେଦାଙ୍ଗ୍ ଆପେଙ୍ଗ୍ ମି କାଜିଙ୍ଗ୍ ୱିଜୁଦିନ୍ ପାର୍ତାନା କିନାପା ଯେ, ଈଶ୍ୱର ମିଙ୍ଗେଙ୍ଗ୍ ଇମ୍‌ଣି କାମାୟ୍ କିଦେଙ୍ଗ୍ ବାଚି କିତ୍‌ତାନ୍‌ନା। ଈଶ୍ୱର ମିଙ୍ଗେଙ୍ଗ୍ ତା ଶାକ୍ତିତାଙ୍ଗ୍ ସାଇଜ କିଦେନ୍, ଆରେ ଏପେଙ୍ଗ୍ ପାର୍ତି କିଜି କିନି ୱିଜୁ ହାର୍ କାମାୟ୍‌ତିଙ୍ଗ୍ ଈଶ୍ୱର ପୁରାକିଦେନ୍‌।

୨ ତିମଥି 1:3

ଆନେଙ୍ଗ୍ ଏଚେପାଦ୍ନା ପାର୍ତାନା ୱିଜୁଦିନ୍ ନି ତର୍‌ତିଙ୍ଗ୍ ମାନ୍ତ ଏତୁ କିନାଙ୍ଗ୍, ଆରେ ଈଶ୍ୱରତିଙ୍ଗ୍ ୱିଜୁଦିନ୍ ଦନ୍ଯବାଦ୍ ହିଜି ପାର୍ତାନା କିନାଙ୍ଗ୍। ହେ ଈଶ୍ୱରତିଙ୍ଗ୍ ଆନେଙ୍ଗ୍ ଆରେ ନା ଆକଦାଦିର୍ ହାର୍ଦି ମାନ୍‌ତାଙ୍ଗ୍ ହେବା କିନାପା।

ଫିଲୀମୋନ 1:22

ଆନେଙ୍ଗ୍ ନିଙ୍ଗେଙ୍ଗ୍ ଆରେ ର ବିଷୟ ୱେଚ୍‌ଚାନାଙ୍ଗା, ଆନେଙ୍ଗ୍ ମିଞ୍ଜ ମାଞ୍ଜେଙ୍ଗ୍ ଏନେଙ୍ଗ୍ ର ବାକ୍ରା ରେଡି କିଜି ମାନା। ଇନେସ୍‌କି ଆନେଙ୍ଗ୍ ଆହା କିନାଙ୍ଗା ଯେ ଈଶ୍ୱର ମି ପାର୍ତାନା ୱେନ୍‌ଞ୍ଜି ନାଙ୍ଗେଙ୍ଗ୍ ମି ଲାଗାୟ୍ ୱାଜି ଗିଟାଆଦେଙ୍ଗ୍ ସୁଯଗ୍ ହିଦ୍‌ନାନ୍।

ହତ୍‌ତି 4:8

ହେ ଚାରିଗଟା ଜିବୁନ୍ ମାନି ପଶୁକାଙ୍ଗ୍ ଚଅଗଟା ଲାକା ମାରାଙ୍ଗ୍ ମାଚିକ୍, ଆରେ ହେୱାର୍ ଗାଗାଡ଼୍ ବାର୍ତି କାଣ୍‌କୁ ମାଚିକ୍ ଆରେ ହେୱାର୍ ମାରାକାଙ୍ଗ୍ ପା କାଣ୍‌କୁ ମାଚିକ୍। ହେୱାର୍ ୱିଜୁଦିନ୍ ୱେଡ଼ା ନାଣା ଇଲେକେ ୱେଚ୍‌ଚି ମାଚାର୍, “ୱିଜୁ ଶାକ୍ତିମାନି ଈଶ୍ୱର ନେ ପବିତ୍ର, ପବିତ୍ର, ମାପୃ ନେ ପବିତ୍ର ଇନେର୍ ୱିଜୁଦିନ୍ ମାଚାନ୍ ଇନେର୍ ନଙ୍ଗୟ୍ ମାନାନ୍ ଆରେ ଇନେର୍ ପାଚେ ମାନାନ୍।”

ହତ୍‌ତି 7:15

“ହେଦାଙ୍ଗ୍ କାଜିଙ୍ଗ୍ ହେୱାର୍ ଈଶ୍ୱର କୁଚ୍‌ଚି ସିଙ୍ଗାସନନି ଆଗେ ନିଲ୍‌ତାର୍‌ନା ଆରେ ୱେଡ଼ା ନାଣା ତା ମନ୍ଦିର୍‌ତାକେ ମାନ୍‌ଞ୍ଜି ତା ହେବା କିନାର୍। ଆରେ ହେ ସିଙ୍ଗାସନ ଜପି କୁଚ୍‌ଚି ଈଶ୍ୱର ହେୱାର୍ ହୁଦାଙ୍ଗ୍ ମାନ୍‌ଗାନାନ୍ ଆରେ ହେୱାରିଙ୍ଗ୍ ଉଦାର୍ କିନାନ୍।