୧ ଥେସଲନୀକିୟ 2:19 - New Testament in Pengo Parja Language

¹⁹ ଇନେସ୍‌କି ମା ଯୀଶୁ ଖ୍ରୀଷ୍ଟ ଏଚେକାଡ଼୍‌ଦ ପୁର୍ତିତାକେ ୱାନାନ୍ ତା ଆଗେ ଏପେଙ୍ଗ୍ ମା ଆହା, ସାର୍‌ଦା ଆରେ ମା ସନ୍‌ମାନ୍‌ନି ମୁକୁଟ୍‌ଲେକେ।

ସତ୍‌ ବଚନ୍‌ ପୁନି ନିୟମ୍‌

¹⁹ ଇନାକିଦେଂକି ମାଙ୍ଗ୍‌ ମାପ୍ରୁ ଜିସୁତି ୱାନି ସମୁତ ତା କଚଣ୍‌ତ ମା ଆହା, ଦୁକ୍‌କିନାକା କି ଗରବ୍‍ନି ମୁକୁଟ୍‌ ଇନାକା ? କି ଏପେଙ୍ଗ୍‌ ଆକାୟ୍‌ ?

୧ ଥେସଲନୀକିୟ 2:19 Iomraidhean Croise

ମାତିଉ 16:27

ଆରେ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଜାର୍ ଆବା ଗୌରବ ହୁଦାଙ୍ଗ୍ ଜାର୍ ଦୁତ୍‌କୁ ହୁଦାଙ୍ଗ୍ ୱାନାନ୍। ଆରେ ହେପାଦ୍ନା ଯୀଶୁ ୱିଜୁ ମାନାୟାରିଙ୍ଗ୍ ତା କିତି କାମାୟ୍‌ତାଙ୍ଗ୍ ପାଡ଼୍‌ ହିଦ୍‌ନାନ୍।

ମାର୍କ 8:38

ଇ ଜୁଗ୍‍ନି ପାର୍ତିକିୱାକାର୍ ଆରେ ପାପ୍‍କିନି ମାନାୟାର୍ କଷ୍ଟ ହିଦ୍‌ନାର୍ ଇଞ୍ଜି ପାଣ୍ଡ୍ରାଆଜି ଯଦି ଇନେର୍ ନାଙ୍ଗେଙ୍ଗ୍ ମାପୃ ଇଞ୍ଜେଙ୍ଗ୍ ଲାଜ୍ ଆନାର୍, ଆରେ ନା ହିକ୍ଷାତିଙ୍ଗ୍ ମାନିକିଉର୍, ଲାଗିଙ୍ଗ୍ ଆନେଙ୍ଗ୍ ପା ନା ଚେଲା ଆକାୟ୍ ଇଞ୍ଜି ୱେଚ୍‌ନାଙ୍ଗ୍। ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ପବିତ୍ର ଦୁତ୍‌କୁ ହୁଦାଙ୍ଗ୍ ପୁର୍ତିତାକେ ଆରେରଗ ୱାନାଙ୍ଗ୍, ହେପାଦ୍ନା ମାଞ୍ଜିଆବାଙ୍ଗ୍ ଇନେସ୍ ଗୌରବ ମାନାତ୍ ହେଲେକେ ଆନେଙ୍ଗ୍ ଗୌରବତାଙ୍ଗ୍ ୱାନିହିଙ୍ଗ୍ ୱିଜାକାର୍ ହୁଡ଼୍‌ନାର୍।”

ଜହନ୍‌ 21:22

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ଆରେରଗ ୱାନିଦିନ୍ ପାତେକ୍ ହେୱାନ୍ ଜିଜି ମାନେନ୍ ଇଞ୍ଜି ଯଦି ଆନେଙ୍ଗ୍ ଇଚା କିନାଙ୍ଗ୍, ଲାଗିଙ୍ଗ୍ ହେବେ ମିଦାଙ୍ଗ୍ ଇନାକା ମାନାତ୍? ଏପେଙ୍ଗ୍ ନା ପାଚେ ୱାଡ।”

୧ କରନ୍ତିୟ 15:23

ମାତର୍ ୱିଜୁ ମାନାୟାର୍ ଟିକ୍ ସମୟରେ ଆରେରଗ ଜିବୁନ୍ ଆନାର୍। ଈଶ୍ୱର ମାଙ୍ଗେଙ୍ଗ୍ ପୁନି କିଦ୍‌ନି କାଜିଙ୍ଗ୍ ଖ୍ରୀଷ୍ଟଙ୍ଗ୍ ଆରେରଗ ପାର୍ତୁମ୍ ଜିବୁନ୍ କିତାନ୍। ଲାଗିଙ୍ଗ୍ ଏଚେପାଦ୍ନା ଖ୍ରୀଷ୍ଟ ଆରେରଗ ୱାନାନ୍ ତା ମାନାୟାରିଙ୍ଗ୍ ଆରେରଗ ଜିବୁନ୍ କିନାନ୍।

୧ କରନ୍ତିୟ 4:5

ହେଦାଙ୍ଗ୍ କାଜିଙ୍ଗ୍ ମାପୃ ଆରେରଗ ପୁର୍ତିତାକେ ୱାୱି ପାତେକ୍ ମାନାୟାରିଙ୍ଗ୍ ଏପେଙ୍ଗ୍ ବିଚାର୍ କିମାଟ୍, ଏଚେପାଦ୍ନା ମାପୃ ୱାନାନ୍‌ ହେୱାନ୍ ମାନାୟାର୍ ମାନ୍ତି କାତାତିଙ୍ଗ୍ ୱେଚ୍‌ନାନ୍, ଇମ୍‌ଣାକା ଇନେର୍ ପା ପୁନୁର୍। ହେୱାନ୍ ମାନାୟାର୍ ଗରବ୍ ବିତ୍ରେନି ଇଚାତାଙ୍ଗ୍ ପୁନିକିନାନ୍। ହେପାଦ୍ନା ଈଶ୍ୱର ୱିଜୁ ମାନାୟାରିଙ୍ଗ୍ ହେୱାର୍ ଅଦିକାର୍ ଅନୁସାରେ ସନ୍‌ମାନ୍ ହିନାନ୍।

୨ କରନ୍ତିୟ 1:14

ମାତର୍ ନଙ୍ଗୟ୍ ଏପେଙ୍ଗ୍ ମାଙ୍ଗେଙ୍ଗ୍ ଅଲପ୍ ନେ ବୁଜାଆନାଦେରା। ଆନେଙ୍ଗ୍ ଆହା କିନାଙ୍ଗା ଯେ, ଏପେଙ୍ଗ୍ ମାଙ୍ଗେଙ୍ଗ୍ ପୁରାପୁରି ବାବ୍‌ରେ ବୁଜା ଆଦେଙ୍ଗ୍ ଆଡ୍‌ନାଦେର୍ ଆରେ ଏପେଙ୍ଗ୍ ମା କାଜିଙ୍ଗ୍ ବାଟ୍‌ପାଣ୍ ଆନାଦେର୍। ଇନେସ୍‌ଲେକେ ଆପେଙ୍ଗ୍ ମି କାଜିଙ୍ଗ୍ ମାପୃ ଯୀଶୁ ଆରେରଗ ୱାନିହିଙ୍ଗ୍ ବାଟ୍‌ପାଣ୍ ଆନାପ୍‌।

ପିଲିପିୟ 2:16

ଲାଗିଙ୍ଗ୍ ନା ଉପାୟ୍ କି କଷ୍ଟନି କାମାୟ୍ ବେକାରେ ହାଲ୍‌ୱାତାତ୍‌ନା ଇଞ୍ଜି ଆନେଙ୍ଗ୍ ପୁନାଙ୍ଗ୍, ଖ୍ରୀଷ୍ଟ ୱାନିଦିନ୍ ଆନେଙ୍ଗ୍ ବେସି ୱାରି ଆନାଙ୍ଗ୍।

ପିଲିପିୟ 4:1

ଏ ନା ପାର୍ତିକିନି ଟଣ୍ଡାର୍‌କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ବେସି ଲାଡ୍ କିଦ୍‌ନାଙ୍ଗା। ଆରେ ଆନେଙ୍ଗ୍ ମିଙ୍ଗେଙ୍ଗ୍ ଗିଟାଆଦେଙ୍ଗ୍ ଇଚା କିନାଙ୍ଗା। ମି କାଜିଙ୍ଗ୍ ଆନେଙ୍ଗ୍ ୱାରି ଆତାଙ୍ଗ୍‌ନା ଆରେ ଏପେଙ୍ଗ୍ ନା କାମାୟ୍ କାଜିଙ୍ଗ୍ ନା ମୁକୁଟ୍‌ଲେକେ। ଇ ଲେକେ ମାପୃତାକେ ବେସି ପାର୍ତି କିଜି ମାନାଟ୍।

୧ ଥେସଲନୀକିୟ 2:20

ଏପେଙ୍ଗ୍ ମା କାଜିଙ୍ଗ୍ ଗୌରବ ଆରେ ସନ୍‌ମାନ୍।

୧ ଥେସଲନୀକିୟ 3:13

ଆପେଙ୍ଗ୍ ପାର୍ତାନା କିନାପା ଯେ, ମା ମାପୃ ଯୀଶୁ ଖ୍ରୀଷ୍ଟ ଆରେରଗ ତା ସାଦୁ ମାନାୟାର୍ ହୁଦାଙ୍ଗ୍ ୱାନାନ୍, ଆରେ ଆସେଙ୍ଗ୍ ଈଶ୍ୱର ମୁମ୍‌ଦ ନିଲ୍‌ତିହିଙ୍ଗ୍‌, ଖ୍ରୀଷ୍ଟ ମାଙ୍ଗେଙ୍ଗ୍ ସାସ୍, ପବିତ୍ର ଆରେ ଦସ୍ ହିଲି ମାନାୟ୍ କିଦ୍‌ନାନ୍।

୧ ଥେସଲନୀକିୟ 4:15

ଆପେଙ୍ଗ୍ ମାପୃ ଯୀଶୁ ୱେଚ୍‌ଚିଲେକେ ମିଙ୍ଗେଙ୍ଗ୍ ୱେଚ୍‌ଚାନାପା ଯେ, ମାପୃ ଯୀଶୁ ପୁର୍ତିତାକେ ଆରେରଗ ୱାନି ପାତେକ୍ ଆସେଙ୍ଗ୍ ଏଚେଜାଣ୍ ଜିବୁନ୍ ମାନ୍‌ଗାନାସ୍। ଆସେଙ୍ଗ୍ ମାପୃ ଯୀଶୁଙ୍ଗ୍ ଆଗେ ମାହା ଆଦେଙ୍ଗ୍ ଆଡୁସ୍, ମାତର୍ ମାପୃ ଯୀଶୁଙ୍ଗ୍ ପାର୍ତି କିଜି ହାଃତି ମାନାୟାର୍ ଆରେରଗ ଜିବୁନ୍‌ଆଜି ଆଗେ ମାହାଆନାର୍।

୧ ଥେସଲନୀକିୟ 5:23

ଶାନ୍ତି ହିଦ୍‌ନି ଈଶ୍ୱର ହେୱାନ୍ ନିଜେ ମିଙ୍ଗେଙ୍ଗ୍ ପୁରାପୁରି ବାବେ ପବିତ୍ର କିଦ୍‌ନାନ୍। ମି ଆତ୍ମା, ଜିବୁନ୍ ଆରେ ଗାଗାଡ଼୍ ଦସ୍ କିତାନ୍‌ନା ଇଞ୍ଜି ଇଞ୍ଜ୍‌ମେର୍, ମା ମାପୃ ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ଆରେରଗ ପୁର୍ତିତାକେ ୱାନି ପାତେକ୍।

୨ ଥେସଲନୀକିୟ 1:4

ଏପେଙ୍ଗ୍ ଦୁଃକ୍ କଷ୍ଟ ପାୟାଆଜି ମାଚିସ୍ ପା, ସାସ୍ ଆଜି ଯୀଶୁ ଖ୍ରୀଷ୍ଟଙ୍ଗ୍ ପାର୍ତି କିନାଦେରା। ହେଦାଙ୍ଗ୍ କାଜିଙ୍ଗ୍ ଈଶ୍ୱରତିଙ୍ଗ୍ ପାର୍ତିକିନି ମଣ୍ଡ୍‌ଲିନି ମାନାୟାର୍ ଆଗେ ମି ବିଷୟରେ ଆପେଙ୍ଗ୍ ସାର୍‌ଦା ଆଜି ୱେଚ୍‌ନାପା।

୨ ଥେସଲନୀକିୟ 1:7

ହେପାଦ୍ନା ମିଙ୍ଗେଙ୍ଗ୍ ଦୁଃକ୍ କଷ୍ଟ ହିଦ୍‌ନି ମାନାୟାରିଙ୍ଗ୍ ଈଶ୍ୱର ହେଲେକେ ନେ ହେୱାରିଙ୍ଗ୍ ଦୁଃକ୍ କଷ୍ଟ ହିନାନ୍। ଆରେ ଏପେଙ୍ଗ୍ ଦୁଃକ୍ କଷ୍ଟ ପାୟାଆଜି ମାଚି କାଜିଙ୍ଗ୍ ହେୱାନ୍ ମା ହୁଦାଙ୍ଗ୍ ମିଙ୍ଗେଙ୍ଗ୍ ଶାନ୍ତି ହିଦ୍‌ନାନା, ଇଦାଙ୍ଗ୍ ନେ ଈଶ୍ୱରତି ନ୍ୟାୟ୍ ବିଚାର୍।

୨ ଥେସଲନୀକିୟ 2:1

ଏ ପାର୍ତିକିନି ଟଣ୍ଡାର୍‌କାଦେର୍, ଆପେଙ୍ଗ୍ ମାପୃ ଯୀଶୁ ଖ୍ରୀଷ୍ଟ ଆରେରଗ ୱାନି ବିଷୟରେ ମି କାଜିଙ୍ଗ୍ ଲେକିକିନାପା, ହେପାଦ୍ନା ଆସେଙ୍ଗ୍ ୱିଜାସ୍ ମାହାଆଜି ହେୱାନିଙ୍ଗ୍ ବେଟା ଆନାସ୍।

ତୀତସ 2:13

ଆରେ ଇମ୍‌ଣି ଆହା ମାଙ୍ଗେଙ୍ଗ୍ ୱାରି କିଦ୍‌ନାତ୍, ଆରେ ମା ଗାଜା ଈଶ୍ୱର ଆରେ ଉଦାର୍ କିଦ୍‌ନି ଯୀଶୁ ଖ୍ରୀଷ୍ଟ ଗୌରବତାଙ୍ଗ୍ ୱାନାକାଦିଙ୍ଗ୍ କାସିମାଞ୍ଜେଙ୍ଗ୍ ଈଶ୍ୱର ମାଙ୍ଗେଙ୍ଗ୍ ଦୟା ହିକାୟ୍ କିତ୍‌ତାନ୍‌ନା।

ଜାକ୍‌ବ 5:7

ହେଦାଙ୍ଗ୍ କାଜିଙ୍ଗ୍ ଏ ପାର୍ତିକିନି ଟଣ୍ଡାର୍‌କାଦେର୍, ମାପୃ ୱାନି ପାତେକ୍ ସାସ୍ ଆସ୍ତି ମାନାଟ୍। ତାସି ବିଷୟରେ ବାବିକିଜି ହୁଡ଼ାଟ୍, ତାସ୍‌ତାଙ୍ଗ୍ ହାର୍ଦି ପାଡ଼୍‌ ପାୟା ଆଦେଙ୍ଗ୍ ଆହା କିଜି ପାର୍ତୁମ୍ ଆରେ ପାଚେନି ବାର୍ହା ଆନି ପାତେକ୍ ସାସ୍ ଆସ୍ତି ମାନାନ୍।

ଜାକ୍‌ବ 5:8

ହେଲେକେ ଏପେଙ୍ଗ୍ ପା ସାସ୍ ଆସ୍ତି ମାନାଟ୍ ଆରେ ଆହା କିଜି ମାନାଟ୍, ଇନେସ୍‌କି ମାପୃ ୱାନିଦିନ୍ ଲାଗେ ମାନାତ୍।

୧ ପିତର 5:4

ଆରେ ଏଚେପାଦ୍ନା ଯୀଶୁ ଖ୍ରୀଷ୍ଟ ଆରେରଗ ୱାନାନ୍ ହେୱାନ୍ ମା ମୁକ୍ୟ କଡିଙ୍ଗ୍ ଗଡ଼ିୟାଲେକେ ହେୱାନ୍ ମିଙ୍ଗେଙ୍ଗ୍ ହଲ୍‌ନି ପୁରଷ୍କାର୍‌ଲେକେ ର ମୁକୁଟ୍ ହିଦ୍‌ନାନ୍, ଆରେ ତା ହଲ୍‌ନାକା ଇନାୱେଡ଼ାଙ୍ଗ୍ ପା ୱିଜୁତ୍। ଆରେ ହେୱାନ୍ ମିଙ୍ଗେଙ୍ଗ୍ ସନ୍‌ମାନ୍ ହିଦ୍‌ନାନ୍।

୨ ପିତର 1:16

ଇନେସ୍‌କି ଆପେଙ୍ଗ୍ ଏଚେପାଦ୍ନା ମା ମାପୃ ଯୀଶୁ ଖ୍ରୀଷ୍ଟତି ଶାକ୍ତି ଆରେ ତା ଆରେରଗ ୱାନି କାତା ମିଙ୍ଗେଙ୍ଗ୍ ୱେଚ୍‌ଚାତାପ୍‌, ହେପାଦ୍ନା ଚାଲାକି ହୁଦାଙ୍ଗ୍ ଜାର୍ ମାନ୍ତ ରସ୍ତି କାତା ପା ୱେଚ୍‌ଚାୱାଦାଙ୍ଗ୍ ମାନ୍‌ଞ୍ଚାପ୍। ମାତର୍ ଆପେଙ୍ଗ୍ ଜାର୍ କାଣ୍‌କୁତାଙ୍ଗ୍ ଖ୍ରୀଷ୍ଟତି ଗୌରବ ହୁଡ଼୍‌ତାପ୍‌ନା।

୨ ପିତର 3:4

ଆରେ ହେୱାର୍ ୱେଚ୍‌ନାର୍ “ହେୱାନ୍ ଆରେରଗ ୱାନି ପାର୍ମାଣ୍ ସତ୍ ଆକାୟ୍! ହେୱାନ୍ ଇନାୱେଡ଼ାଙ୍ଗ୍ ପା ୱାଉନ୍! ଇମ୍‌ଣାକାର୍ ମା ଆଗେ ନେତାର୍ ଆଜି ମାଚାର୍, ହେୱାର୍ ୱିଜାକାର୍ ହାଃତାର୍, ଆରେ ଅଲପ୍‌ପା ବାଦ୍‌ଲା ଆୱାତାତ୍। ଇନେସ୍‌କି ଈଶ୍ୱର ପୁର୍ତିତିଙ୍ଗ୍ ଉବ୍‌ଜାଇ କିତି ସମୟ୍‌ତାଙ୍ଗ୍ ଇନେସ୍ ମାଚାତ୍, ହେଲେକେ ନଙ୍ଗୟ୍ ପାତେକ୍ ମାନାତା।”

୧ ଯୋହନ 2:28

ଏ କାଡ଼୍‌ଦେର୍, ଖ୍ରୀଷ୍ଟତାକେ ମାହାଆଜି ମାନାଟ୍। ଲାଗିଙ୍ଗ୍ ଏଚେପାଦ୍ନା ହେୱାନ୍ ପୁର୍ତିତାକେ ଆରେରଗ ୱାନାନ୍, ହେପାଦ୍ନା ଆସେଙ୍ଗ୍ ତା ଆଗେ ଲାଜା ଆୱାଦାଙ୍ଗ୍ ଶାସ୍ ହୁଦାଙ୍ଗ୍ ମାହା ଆନାସ୍।

ଜିହୁଦା 1:24

ଈଶ୍ୱର ନେ ମିଙ୍ଗେଙ୍ଗ୍ ଉଜ୍‌ଦି ଗୁର୍‌ନିତାଙ୍ଗ୍‌ ଉଦାର୍ କିଦ୍‌ଦେଙ୍ଗ୍ ଆଡ୍‌ନାନ୍। ଆରେ ତା ଗୌରବନି ମୁମ୍‌ଦ ନିଲି କିଦ୍‌ଦେଙ୍ଗ୍ ଏଚେପାଦ୍ନା ହେୱାନ୍ ମିଙ୍ଗେଙ୍ଗ୍ ତାସିୱାଦ୍‌ନାନ୍, ହେପାଦ୍ନା ହେୱାନ୍ ମିଙ୍ଗେଙ୍ଗ୍ ପାପ୍‌ନି ଦସ୍ ହିଲ୍‌ୱି ମାନାୟ୍ ଲେକେ ଆରେ ୱାରି ହିଦ୍‌ଦେଙ୍ଗ୍ ଆଡ଼୍‌ଦାନାନ୍। ମା ମାପୃ ଯୀଶୁ ଖ୍ରୀଷ୍ଟ କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ଉଦାର୍ କିତ୍‌ତାନ୍‌ନା। ଉବ୍‌ଜାଣ୍ ଆତି ଆରମ୍‌ତାଙ୍ଗ୍ ଗୌରବ, ଜୟ୍-ଜୟ୍ କିନାକା, ଶାକ୍ତି ଆରେ ଆଦିକାର୍ ହେୱାନ୍‌ତି, ଆରେ ନଙ୍ଗୟ୍ ପା ହେୱାନ୍‌ତି, ଆରେ ୱିଜ୍‌ୱିଦିନ୍ କାଜିଙ୍ଗ୍ ହେୱାନ୍‌ତି ମାନ୍‌ଗାନାତ୍। ଆମେନ୍।

ହତ୍‌ତି 1:7

ହୁଡ଼ାଟ୍ ହେୱାନ୍ ସରଗ୍‌ତାଙ୍ଗ୍ ବାଦାଡ଼୍ ହୁଦାଙ୍ଗ୍ ମାହାଆଜି ୱାନାନ୍। ଆରେ ୱିଜାକାର୍ ହେୱାନିଙ୍ଗ୍ ହୁଡ଼୍‌ନାର୍, ଆରେ ପା ତାଙ୍ଗେଙ୍ଗ୍ ବାଲା ହୁଦାଙ୍ଗ୍ କୁନ୍ତାକାର୍ ହୁଡ଼୍‌ନାର୍। ଆରେ ଇ ପୁର୍ତିନି ୱିଜୁ ଦେସ୍‌ନି ମାନାୟାର୍ ତା କାଜିଙ୍ଗ୍ ଆଡ଼୍‌ବାନାର୍। ଆମେନ୍।

ହତ୍‌ତି 22:12

“ତାପାଚେ ମାପୃ ଯୀଶୁ ୱେଚ୍‌ଚାନ୍‌, ହୁଡ଼ାଟ୍ ଆନେଙ୍ଗ୍ ବେଗି ୱାନାଙ୍ଗା, ୱିଜାର୍ ମାନାୟାର୍ କାମାୟ୍ ଅନୁସାରେ ଆନେଙ୍ଗ୍ ହେୱାରିଙ୍ଗ୍ ପୁରଷ୍କାର୍ ଆୱିତିସ୍ ଦଣ୍ଡ୍ ହିନାଙ୍ଗ୍।”