୧ ଥେସଲନୀକିୟ 2:13 - New Testament in Pengo Parja Language

¹³ ଆରେ ହେଦାଙ୍ଗ୍ ଆପେଙ୍ଗ୍ ୱିଜୁଦିନ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାପା ଯେ, ଏଚେପାଦ୍ନା ଏପେଙ୍ଗ୍ ମା ହାର୍ଦିକାବୁର୍‌ତିଙ୍ଗ୍ ଆସ୍ତାଦେର୍। ହେପାଦ୍ନା ଏପେଙ୍ଗ୍ ମାନାୟାର୍ ୱେଚ୍‌ଚି କାତାତିଙ୍ଗ୍ ଆସ୍ତିଲେକେ ଆହ୍‌ୱାତାଦେର୍‌ନା। ମାତର୍ ଆପେଙ୍ଗ୍ ୱେଚ୍‌ଚି ହାର୍ଦିକାବୁର୍‌ତିଙ୍ଗ୍ ଈଶ୍ୱର ନିଜେ ୱେଚ୍‌ଚାନ୍ ଇଞ୍ଜି ଆସ୍ତାଦେର୍ ଆରେ ହେଦାଙ୍ଗ୍ ସତ୍। ଏପେଙ୍ଗ୍ ଯୀଶୁଙ୍ଗ୍ ପାର୍ତି କିତାଦେର୍, ଆରେ ଈଶ୍ୱର ହିତ୍‌ତି ହାର୍ଦିକାବୁର୍ ମି ବିତ୍ରେ କାମାୟ୍ କିନାତା।

ସତ୍‌ ବଚନ୍‌ ପୁନି ନିୟମ୍‌

¹³ ଆରେ, ଇନେକିଦେଂକି ଆପ୍‌ ପା ଲାଗିସ୍‌ ଇସ୍ୱର୍‌ତି ଜୱାର୍‌ କିନାପା ଜେ, ଏଚେକାଡ଼୍‌ଦ ଏପେଙ୍ଗ୍‌ ମାହୁଦାଂ ସୁଣାୟ୍‍କିତି ଇସ୍ୱର୍‌ତି କାତା ଇଟ୍‍ତାଦେର୍, ହେ ଏଚେୱେଡ଼ାଙ୍ଗ୍ ହେଦାଂ ମାନାୟ୍‍ତି କାତାଲାକେ ଇଟ୍‍ୱାଦାଂ ନଲେ ଇସ୍ୱର୍‌ତି କାତାଲାକେ ଇଡ଼୍‌ଜି ମାଚାଦେର୍‌, ଆରେ ହାତ୍‌ପାନେ ହେଦାଂ ଇସ୍ୱର୍‌ତି କାତା ଆନାତ୍‌, ଆରେ ପାର୍ତି କିନାକାଦେର୍‌ ଜେ ଏପେଙ୍ଗ୍‌, ମି ୱାସ୍କିତ ହେଦାଂ ପା କାମାୟ୍‌ କିନାତା ।

୧ ଥେସଲନୀକିୟ 2:13 Iomraidhean Croise

ମାତିଉ 10:20

ଇନେସ୍‌କି ଏପେଙ୍ଗ୍ ବେଣ୍ କିଉଦେର୍। ମାତର୍ ପବିତ୍ର ଆତ୍ମା ମିଙ୍ଗେଙ୍ଗ୍ ବେଣ୍-ବେଣ୍ ୱେଚ୍‌ଚେଙ୍ଗ୍ ସାଇଜ କିଦ୍‌ନାତ୍।

ମାତିଉ 10:40

ଯୀଶୁ ଆରେରଗ ୱେଚ୍‌ଚାନ୍, “ଇନେର୍ ମିଙ୍ଗେଙ୍ଗ୍ ଆସ୍ତାନାର୍, ହେୱାର୍ ନାଙ୍ଗେଙ୍ଗ୍ ଆସ୍ତାନାର୍। ଆରେ ଇନେର୍ ନାଙ୍ଗେଙ୍ଗ୍ ଆସ୍ତାନାର୍‌, ହେୱାନ୍ ନାଙ୍ଗେଙ୍ଗ୍ ପକ୍ତିତି ଆବାଙ୍ଗ୍ ଆହ୍‌ନାର୍‌।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:28

ମାତର୍ ଯୀଶୁ ୱେଚ୍‌ଚାନ୍, “ଈଶ୍ୱର କାତାତିଙ୍ଗ୍ ଇମ୍‌ଣାକାର୍ ୱେନାର୍, ଆରେ ଇଦାଙ୍ଗ୍‌ତିଙ୍ଗ୍ ମାନିକିନାର୍, ହାତ୍‌ପା ହେୱାର୍ ଆଶ୍ରିବାଦ୍ ପାୟା ଆତାକାର୍ ଆନାର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 5:1

ଦିନେକ୍ ଯୀଶୁ ଗିନେସରତ ହାମ୍‌ଦୁର୍ କାଣ୍ଡିତାକେ ନିଲ୍‌ଚି ମାଚାନ୍। ତାବେତାଙ୍ଗ୍ ଈଶ୍ୱର କାତା ୱେଞ୍ଜେଙ୍ଗ୍ ମାନାୟାର୍ ତା ଚାରିବେଣ୍‌ତାଙ୍ଗ୍ ଟେଲାହେମ୍‌ଲା ଆଜି ମାଚାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:11

ଯୀଶୁ ବିୟାନ୍ ୱିତ୍‌ନି କାତାନି ଅର୍ତ ବୁଜାଇକିଜି ୱେଚ୍‌ଚାନ୍, “ବିୟାନ୍ ଆନାତା ଈଶ୍ୱର କାତା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:21

ମାତର୍ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଇମ୍‌ଣାକାର୍ ଈଶ୍ୱର କାତାତିଙ୍ଗ୍ ୱେନାର୍ ଆରେ ମାନିକିନାର୍, ହେୱାର୍ ନେ ମାଞ୍ଜିୟା ଆରେ ନା ଟଣ୍ଡାର୍।”

ଜହନ୍‌ 15:3

ଆନେଙ୍ଗ୍ ମିଙ୍ଗେଙ୍ଗ୍ ଇମ୍‌ଣି ହିକ୍ଷା ହିତ୍‌ତାଙ୍ଗ୍‌ନା, ହେ ହିକ୍ଷାତାଙ୍ଗ୍ ଏପେଙ୍ଗ୍ ସପା ଆତାଦେର୍‌ନା।

ଜହନ୍‌ 17:17

ଲାଗିଙ୍ଗ୍ ଏନେଙ୍ଗ୍ ନି ସତ୍ କାଜିଙ୍ଗ୍ ହେୱାରିଙ୍ଗ୍ ପବିତ୍ର କିୟା। ନି ହିକ୍ଷା ଆନାତା ସତ୍।

ଜହନ୍‌ 17:19

ଆରେ ହେୱାର୍ ପା ସତ୍‌ତାଙ୍ଗ୍ ପବିତ୍ର ଆନି ଦର୍‌କାର୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ନିଜେ ପବିତ୍ର ମାନାଙ୍ଗ୍।”

ପକ୍ୟାତାକା 10:33

ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଡେରି କିୱାଦାଙ୍ଗ୍ ନି ଲାଗାୟ୍ ମାନାୟାରିଙ୍ଗ୍ ପକ୍ତାତାଙ୍ଗ୍, ଆରେ ଏନେଙ୍ଗ୍ ୱାଜି ହାର୍ କିତାଇନା। ଲାଗିଙ୍ଗ୍ ଈଶ୍ୱର ନିଙ୍ଗେଙ୍ଗ୍ ଇନାକା ୱିଜୁ ଆଦେସ୍ ହିତ୍‌ତାନ୍‌ନା, ହେଦାଙ୍ଗ୍ ୱେନି କାଜିଙ୍ଗ୍ ଆପେଙ୍ଗ୍ ୱିଜାକାପ୍ ଈଶ୍ୱର ମୁମ୍‌ଦ ରୁଣ୍ଡା ଆତାପ୍‌ନା।”

ପକ୍ୟାତାକା 13:48

ବିନ୍‌ଜାତିନି ମାନାୟାର୍ ଇଦାଙ୍ଗ୍ ୱେନ୍‌ଞ୍ଜି ୱାରି ଆତାର୍। ଆରେ ଈଶ୍ୱର କାତାତିଙ୍ଗ୍ ଜୟ୍-ଜୟ୍ କିଦେଙ୍ଗ୍ ଲାଗାତାର୍। ଈଶ୍ୱର ଇମ୍‌ଣାକାରିଙ୍ଗ୍ ୱିଜ୍‌ୱି ଜିବୁନ୍ ପାୟାଆନି କାଜିଙ୍ଗ୍ ବାଚିକିଜି ମାଚାନ୍ ହେୱାର୍ ପାର୍ତି କିତାର୍।

ପକ୍ୟାତାକା 16:14

ଲୁଦିଆ ତର୍‌ଦି ବିନ୍‌ଜାତିନି କଗ୍‌ଲେ ମା କାତା ୱେନ୍‌ଞ୍ଜି ମାଚାତ୍। ହେଦେଲ୍ ଥୁୟତିରା ସହର୍ ନିକାଦେଲ୍ ମାଚାତ୍। ହେଦେଲ୍ ବେସି ଦାମ୍‌ନି ୱାଙ୍ଗା କଲର୍‌ନି ହେନ୍ଦ୍ରାଙ୍ଗ୍ ପନାକାଦେଲ୍ ମାଚାତ୍। ହେଦେଲ୍ ଈଶ୍ୱରତିଙ୍ଗ୍ ପୁଜାକିଜି ମାଚାତ୍, ହେଦେଲ୍ ଇନେସ୍ ପାଉଲ ୱେଚ୍‌ନି କାତାତିଙ୍ଗ୍ ବୁଜା ଆଦେଙ୍ଗ୍ ଆଡ୍‌ନାତ୍, ହେଦାଙ୍ଗ୍ କାଜିଙ୍ଗ୍ ମାପୃ ହେଦେଲିଙ୍ଗ୍ ବୁଜା ଆଦେଙ୍ଗ୍ ସାଇଜ କିତାନ୍।

ପକ୍ୟାତାକା 17:11

ଥେସଲନିକି ସହର୍‌ତାକେ ମାନି ଯିହୁଦି ମାନାୟାର୍ ଈଶ୍ୱର କାତା ୱେଞ୍ଜେଙ୍ଗ୍ ଇଚା କିୱାଦାଙ୍ଗ୍ ମାଚାର୍। ମାତର୍ ବେରିୟା ସହର୍‌ନି ମାନାୟାର୍ ୱେଞ୍ଜେଙ୍ଗ୍ ଇଚାକିଜି ମାଚାର୍। ଲାଗିଙ୍ଗ୍ ଇୱାର୍‌ତାଙ୍ଗ୍ ୱିଜୁ କାତା ୱେଚାର୍। ଆରେ ହେୱାର୍ ଇୱିଜୁ କାତା ଟିକ୍ କି ବୁଲ୍ ପୁଞ୍ଜେଙ୍ଗ୍ ୱିଜୁଦିନ୍ ଦରମ୍ ସାସ୍ତର୍ ପଡ଼ିକିଜି ମାଚାର୍।

ପକ୍ୟାତାକା 17:32

ଆରୟପାଗ ବାହାତାକେ କୁଚ୍‌ଚି ମାଚି ମାନାୟାର୍ ହାଃତାକାର୍ ଆରେରଗ ଜିବୁନ୍‌ଆନି କାତା ୱେନ୍‌ଞ୍ଜି, ହେୱାର୍ ବିତ୍ରେତାଙ୍ଗ୍ କେତେକ୍ ମାନାୟାର୍ ଗାଇଜି ଇନସ୍ତା କିତାର୍। ମାତର୍ କେତ୍‌ଜାଣ୍ ୱେଚ୍‌ଚାର୍, “ଇ କାତା ନିବେତାଙ୍ଗ୍ ଆରେ ଆଦିକ୍ ୱେଞ୍ଜେଙ୍ଗ୍ ଆପେଙ୍ଗ୍ ଇଚା କିନାପା।”

ପକ୍ୟାତାକା 2:41

ହେବେତାଙ୍ଗ୍ ଇମ୍‌ଣାକାର୍ ହେୱାନ୍ କାତା ୱେଚାର୍, ହେୱାର୍ ଡୁବନ୍ ଅତାର୍, ଆରେ ହେ ଦିନ୍ ପାକାପାକି ତିନ୍ ହାଜାର୍ ମାନାୟାର୍ ମଣ୍ଡ୍‌ଲି ହୁଦାଙ୍ଗ୍ ମେହାଆତାର୍।

ପକ୍ୟାତାକା 8:14

ଶମିରଣିୟ ଜିଲ୍ଲାନି ମାନାୟାର୍ ଈଶ୍ୱର କାତା ଆସ୍ତାର୍‌ନା ଇଞ୍ଜି, ଯିରୁଶାଲାମ ସହର୍‌ତାକେ ମାନି ବାଚିକିତି ଚେଲାହିର୍ ୱେଚାର୍। ହେପାଦ୍ନା ହେୱାର୍ ପିତର ଆରେ ଯୋହନତିଙ୍ଗ୍ ହେୱାର୍ ଶମିରଣିୟ ଜିଲ୍ଲାତାକେ ପକ୍ତାର୍।

ରୋମିୟ 10:17

ଇନେସ୍‌କି ହାର୍ଦିକାବୁର୍‌ତିଙ୍ଗ୍ ୱେଚିସ୍ ନେ ପାର୍ତି କିୟାଆନାତ୍, ଆରେ ଖ୍ରୀଷ୍ଟ ନେ ହେ ହାର୍ଦିକାବୁର୍।

୨ କରନ୍ତିୟ 3:18

ଆପେଙ୍ଗ୍ ୱିଜାକାପ୍ ଦାର୍‌ପାଣ୍ ଲେକେ ମାପୃ ମୁମ୍‌ଦ ପାର୍‌ଦା ହିଲ୍‌ୱି ଗୌରବ ଲେକେ ଚଞ୍ଜ୍‌ନାଦେର୍। ଈଶ୍ୱର ମାଙ୍ଗେଙ୍ଗ୍ ତା ଲେକେ ଆନି କାଜିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ଗୌରବ ବାଡାୟ୍‌ କିନାନା, ହେଦାଙ୍ଗ୍ ମାପୃ ପବିତ୍ର ଆତ୍ମା କିନାନା।

ଗାଲାତିୟ 4:14

ନା ଗାଗାଡ଼୍ ହାର୍ ହିଲିତିସ୍ ପା, ଏପେଙ୍ଗ୍ ନାଙ୍ଗେଙ୍ଗ୍ ଇନସ୍ତା କିଦ୍‌ୱାତାଦେର୍ କି ଗିଣ୍ କିଦ୍‌ୱାତାଦେର୍। ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ରକାନ୍ ଈଶ୍ୱର ଦୁତ୍ ଲେକେ ଜାତୁନ୍ କିତ୍‌ତାଦେର୍, ଆରେ ଯୀଶୁ ଖ୍ରୀଷ୍ଟଙ୍ଗ୍ ଆସ୍ତି ଲେକେ ନାଙ୍ଗେଙ୍ଗ୍ ଆସ୍ତାତାଦେର୍।

କଲସିୟ 1:6

ଇ ହାର୍ଦିକାବୁର୍ ପୁର୍ତିନି ଚାରିବେଣ୍‌ତି ମାନାୟାର୍ ୱେଚାର୍ ଆରେ ବେସିହେନି ପାର୍ତିକିନାରା। ଏପେଙ୍ଗ୍ ଇନେସ୍ ପାର୍ତୁମ୍ ହାର୍ଦିକାବୁର୍ ୱେନ୍‌ଞ୍ଜି ଆରେ ଈଶ୍ୱରତି ମହାନ୍ ଦୟା ବିଷୟନି ସତ୍ ବିଷୟତିଙ୍ଗ୍ ପୁନ୍‌ଞ୍ଜି ଇନେସ୍ ମି ଜିବୁନ୍ ବାଦ୍‌ଲା ଆତାତ୍‌ନା, ହେଲେକେ ୱିଜୁ ବାହାନି ମାନାୟାରିଙ୍ଗ୍ ଜିବୁନ୍ ବାଦ୍‌ଲାୟ୍ କିନାତା।

ଏବ୍ରି 4:12

ଇନେସ୍‌କି ଈଶ୍ୱର କାତାତାକେ ଜିବୁନ୍ ଆରେ ଶାକ୍ତି ମାନାତ୍। ରିପଣ୍ଡାଙ୍ଗ୍ ଦାରା ମାନି ହୁରିତାଙ୍ଗ୍ ପା ଇଦାଙ୍ଗ୍ ଆଦିକ୍ ଦାରା ମାନାତ୍, ଆରେ ମାନ୍ ଆରେ ପାରାଣ୍, ଗାଟିଙ୍ଗ୍ ଆରେ ପେଣ୍‌ନି ରାସ୍‌ତିଙ୍ଗ୍ ଜେକ-ଜେକ କିଜି ବାଗ୍ କିନାତ୍। ଇଦାଙ୍ଗ୍ ମା ମାନ୍ତି ଚିନ୍ତା ଆରେ ବାବ୍‌ନାତିଙ୍ଗ୍ ଚଚ୍‌ଚାନାତ୍।

ଏବ୍ରି 4:2

ଇନେସ୍‌କି ଇସ୍ରାଏଲନି ମାନାୟାର୍ ଇନେସ୍ ଜମ୍‌ନି ବାହାତାକେ ହାନି ହାର୍ଦିକାବୁର୍ ୱେନ୍‌ଞ୍ଜି ମାଚାର୍, ହେଲେକେ ଆସେଙ୍ଗ୍ ପା ଯୀଶୁ ଖ୍ରୀଷ୍ଟନି ହାର୍ଦିକାବୁର୍ ୱେଚାସ୍‌ନା। ମାତର୍ ହେୱାର୍ ଈଶ୍ୱର ୱେଚ୍‌ଚି ଇ କାତାତିଙ୍ଗ୍ ପାର୍ତିକିୱି କାଜିଙ୍ଗ୍, ହେଦାଙ୍ଗ୍ ହେୱାର୍ କାଜିଙ୍ଗ୍ ଇନା ଲାବ୍‌ନି ବିଷୟ ଆୱାତାତ୍।

ଜାକ୍‌ବ 1:18

ତାସ୍‌ନି ପାର୍ତୁମ୍ ପାଡ଼୍‌ଲେକେ ହେୱାନ୍ ରସ୍ତି ୱିଜୁ ଜିନିଷ୍‌ତାଙ୍ଗ୍ ମାଙ୍ଗେଙ୍ଗ୍ ପାର୍ତୁମ୍ ମାନାୟ୍ କିଦ୍‌ନି କାଜିଙ୍ଗ୍, ଆସେଙ୍ଗ୍ ତା ସତ୍ ହାର୍ଦିକାବୁର୍‌ତିଙ୍ଗ୍ ପାର୍ତି କିତିସ୍, ହେୱାନ୍ ମାଙ୍ଗେଙ୍ଗ୍ ପୁନି ଜିବୁନ୍ ହିଦ୍‌ନି କାଜିଙ୍ଗ୍ ଇଚା କିତାନ୍‌ନା।

୧ ପିତର 1:23

ଏପେଙ୍ଗ୍ ଜାର୍-ଜାର୍‌ବିତ୍ରେ ଲାଡ୍‌କିଜି ମାନି ଦର୍‌କାର୍ ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ପୁନି ଜିବୁନ୍ ହିତ୍‌ତାନ୍‌ନା। ଇ ପୁନି ଜିବୁନ୍ ଏପେଙ୍ଗ୍ ନଷ୍ଟ ଆନି ମାଞ୍ଜିତାଙ୍ଗ୍ ପାୟା ଆୱାତାଦେର୍‌ନା ମାତର୍ ୱିଜୁଦିନ୍ ମାନି ମାଞ୍ଜିତାଙ୍ଗ୍ ପାୟା ଆତାଦେର୍‌ନା, ଇନେସ୍‌କି ହେଦାଙ୍ଗ୍ ୱିଜୁଦିନ୍ ଜିବୁନ୍ ମାନି ଈଶ୍ୱର କାତାତାଙ୍ଗ୍ ୱାନାତା।

୧ ପିତର 1:25

ମାତର୍ ମାପୃ କାତା ୱିଜୁଦିନ୍ ମାନ୍‌ଗାନାତ୍।” ଆରେ ହେ କାତା ଯୀଶୁ ଖ୍ରୀଷ୍ଟତି ହାର୍ଦିକାବୁର୍ ଶୁଣାୟ୍ କିତାକା ଏପେଙ୍ଗ୍ ୱେଚାଦେର୍‌ନା।

୧ ପିତର 2:2

ଏପେଙ୍ଗ୍ ପୁନ୍-ପୁନ୍ ଜନମ୍ ଆତି କଗେହିମ୍‌ଣା ଲେକେ ଆଡ, ହେୱାନ୍ ଆପ୍‌କା ତେହି ମାଁୟ୍ ନେ ଉଣ୍ଡେଙ୍ଗ୍ ଇଚାକିନାନ୍। ହେଲେକେ ଏପେଙ୍ଗ୍ ପା ଈଶ୍ୱର କାତାତିଙ୍ଗ୍ ହିକାଆଦେଙ୍ଗ୍ ଇଚାକିନି ଦର୍‌କାର୍, ଆରେ ଏପେଙ୍ଗ୍ ଗାଜା କାଦେର୍ ଆନାଦେର୍। ଲାଗିଙ୍ଗ୍ ସେସ୍ ୱେଡ଼ାଙ୍ଗ୍ ଈଶ୍ୱର ମିଙ୍ଗେଙ୍ଗ୍ ପୁରାପୁରି ବାବ୍‌ରେ ଇ ପୁର୍ତିନି କରାପ୍ ଜିନିଷ୍‌ତାଙ୍ଗ୍ ଉଦାର୍ କିଦ୍‌ନାନ୍।

୨ ପିତର 3:2

ପବିତ୍ର ଭବିଷ୍ଯତବକ୍ତା ୱେଚ୍‌ଚି କାତା, ଆରେ ମା ମାପୃ ଯୀଶୁ ଖ୍ରୀଷ୍ଟତି ହିକ୍ଷା ଇନାକା ବାଚିକିତି ଚେଲାର୍ ମି ଲାଗାୟ୍ ୱାଜି ୱେଚ୍‌ଚାତାର୍‌ନା। ହେଦାଙ୍ଗ୍ ମିଙ୍ଗେଙ୍ଗ୍ ଏତୁକିୟି କିଦ୍‌ନି କାଜିଙ୍ଗ୍, ଇଦାଙ୍ଗ୍ ଆନେଙ୍ଗ୍ ଲେକିକିନାଙ୍ଗା।

୧ ଯୋହନ 3:3

ଆରେ ଇମ୍‌ଣି ମାନାୟ୍ ଖ୍ରୀଷ୍ଟଙ୍ଗ୍ ପାର୍ତି କିଜି ଆହା କିନାନା। ଲାଗିଙ୍ଗ୍ ଈଶ୍ୱର ଇନେସ୍‌କି ପବିତ୍ର ମାନାନ୍, ହେଲେକେ ହେୱାନ୍ ପା ଜାର୍‌ତିଙ୍ଗ୍ ପବିତ୍ର କିୟେନ୍।