୧ ଥେସଲନୀକିୟ 2:1 - New Testament in Pengo Parja Language

¹ ଏ ଟଣ୍ଡାର୍‌କାଦେର୍, ନିଜେ ପୁଚାଦେର୍‌ନା ଯେ, ଆପେଙ୍ଗ୍ ମି ଲାଗାୟ୍ ୱାନାକା ପାଙ୍ଗ୍‌ୱା ଆୱାତାତ୍‌ନା।

ସତ୍‌ ବଚନ୍‌ ପୁନି ନିୟମ୍‌

¹ ଏ ଟଣ୍ଡାର୍‌, ଆରି ତଣ୍‌ଦେକ୍‌ ଏପେଙ୍ଗ୍‌ ତ ନିଜେ ପୁନାଦେର୍‌ ଜେ, ମି ଲାଗାଂ ମା ୱାନାକା ପଲ୍ୟା ଆୱାତାତ୍‌ନା;

୧ ଥେସଲନୀକିୟ 2:1 Iomraidhean Croise

୧ କରନ୍ତିୟ 15:10

ମାତର୍ ତା ଦୟା କାଜିଙ୍ଗ୍ ଆନେଙ୍ଗ୍ ନଙ୍ଗୟ୍ ବାଚିକିତି ଚେଲା ଆତାଙ୍ଗ୍‌ନା, ହେୱାନ୍ ନାଙ୍ଗେଙ୍ଗ୍ ଦୟା କିତ୍‌ତି କାଜିଙ୍ଗ୍ ୱିଜାର୍ ଚେଲାର୍ ଈଶ୍ୱରତି କାମାୟ୍ କିତିତାଙ୍ଗ୍ ଆନେଙ୍ଗ୍ ବେସି ଈଶ୍ୱର କାମାୟ୍ କିନାଙ୍ଗା। ଆଁ ହେଦାଙ୍ଗ୍ ଆନେଙ୍ଗ୍ ଆକାୟ୍, ମାତର୍ ନାଙ୍ଗେଙ୍ଗ୍ ଦୟା କିତ୍‌ତି କାଜିଙ୍ଗ୍ ହେୱାନ୍ ନାଙ୍ଗେଙ୍ଗ୍ ତା କାମାୟ୍ କିନି କାଜିଙ୍ଗ୍ ବ୍ୟବହାର୍ କିଦ୍‌ନାନା।

୧ କରନ୍ତିୟ 15:2

ଇମ୍‌ଣି ହାର୍ଦିକାବୁର୍ ଆନେଙ୍ଗ୍ ମିଙ୍ଗେଙ୍ଗ୍ ଶୁଣାୟ୍ କିଜି ମାନ୍‌ଞ୍ଚାଙ୍ଗ୍, ହେ ହାର୍ଦିକାବୁର୍ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ରକ୍ଷା କିଦ୍‌ନାନ୍। ଯଦି ଏପେଙ୍ଗ୍ ହାର୍ଦିକାବୁର୍‌ତିଙ୍ଗ୍ ପାର୍ତି କିନାକା ବନ୍ଦ୍ କିନାଦେର୍ ଲାଗିଙ୍ଗ୍ ମି ପାର୍ତି ବେକାର୍ ଆନାତ୍‌।

୧ କରନ୍ତିୟ 15:58

ଲାଗିଙ୍ଗ୍, ଏ ଟଣ୍ଡାର୍‌କାଦେର୍, ଏପେଙ୍ଗ୍ ଖ୍ରୀଷ୍ଟଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ପାର୍ତି କିଜି ମାନାଟ୍, ଆରେ ମିଚ୍ ହିକ୍ଷା ଶୁଣାୟ୍ କିନି ମାନାୟାର୍‌ତାଙ୍ଗ୍ ଦେହା ହାଲ୍‌ମାଟ୍। ଇନେସ୍‌କି ତା କାମାୟ୍ କିଦେଙ୍ଗ୍ କଷ୍ଟ କିନାକା ବେକାର୍ ଆଉତ୍, ଇନେସ୍‌କି ଏପେଙ୍ଗ୍ ହାର୍ କିଜି ପୁଚାଦେର୍‌ନା ଯେ, ତା କାଜିଙ୍ଗ୍ କିନି କାମାୟ୍ ମି କାଜିଙ୍ଗ୍ ଲାବ୍ ଆଦ୍‌ନାତ୍।

୨ କରନ୍ତିୟ 6:1

ଆନେଙ୍ଗ୍ ଈଶ୍ୱର ହୁଦାଙ୍ଗ୍ ମାହାଆଜି କାମାୟ୍ କିନାଙ୍ଗା, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଜି ୱେଚ୍‌ଚାନାଙ୍ଗା ଯେ, ହେୱାନ୍ ମିଙ୍ଗେଙ୍ଗ୍ ଦୟାକିଜି ହିତ୍‌ତି ଚାନିଆଆନି ହାର୍ଦିକାବୁର୍‌ତିଙ୍ଗ୍ ଆହାଟ୍।

ଗାଲାତିୟ 2:2

ଈଶ୍ୱର ନାଙ୍ଗେଙ୍ଗ୍ ହାନି କାଜିଙ୍ଗ୍ ୱେଚ୍‌ଚିତିଲେ ଆନେଙ୍ଗ୍ ହେବେ ହାଚାଙ୍ଗ୍। ଆରେ ହେବେ ମାନି ମଣ୍ଡ୍‌ଲିନି ଦେକାଶୁଣା କିନି ନେତାରିଙ୍ଗ୍ ଆନେଙ୍ଗ୍ ଇନେର୍ ପୁଞ୍ଜ୍‌ୱି ଲେକେକିଜି ମାହା ଆତାଙ୍ଗ୍, ଆରେ ବିନ୍‌ଜାତିନି ମାନାୟାର୍ ଲାଗାୟ୍ ଆନେଙ୍ଗ୍ ଶୁଣାୟ୍ କିଜିମାଚି ହାର୍ଦିକାବୁର୍‌ତିଙ୍ଗ୍ ହେୱାରିଙ୍ଗ୍ ବୁଜାଇ କିତାଙ୍ଗ୍। ନା ୱିଜୁ କଷ୍ଟ କିତାକା ଇନେସ୍ ପଲିଆ ଆଉତ୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ହେୱାର୍ ହୁଦାଙ୍ଗ୍ ମାହାଆଜି ରାଜି ଆତାଙ୍ଗ୍।

ଗାଲାତିୟ 4:11

ଲାଗିଙ୍ଗ୍ ମି କାଜିଙ୍ଗ୍ ଆନେଙ୍ଗ୍ ଇମ୍‌ଣି କାମାୟ୍ କିତାଙ୍ଗ୍‌ନା, ହେଦାଙ୍ଗ୍ ବେକାରେ ଆନାତ୍ ଇଞ୍ଜି ବାବିକିଜି ଆନେଙ୍ଗ୍ ପାଣ୍ଡ୍ରାଆନାଙ୍ଗା।

ପିଲିପିୟ 2:16

ଲାଗିଙ୍ଗ୍ ନା ଉପାୟ୍ କି କଷ୍ଟନି କାମାୟ୍ ବେକାରେ ହାଲ୍‌ୱାତାତ୍‌ନା ଇଞ୍ଜି ଆନେଙ୍ଗ୍ ପୁନାଙ୍ଗ୍, ଖ୍ରୀଷ୍ଟ ୱାନିଦିନ୍ ଆନେଙ୍ଗ୍ ବେସି ୱାରି ଆନାଙ୍ଗ୍।

୧ ଥେସଲନୀକିୟ 2:13

ଆରେ ହେଦାଙ୍ଗ୍ ଆପେଙ୍ଗ୍ ୱିଜୁଦିନ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାପା ଯେ, ଏଚେପାଦ୍ନା ଏପେଙ୍ଗ୍ ମା ହାର୍ଦିକାବୁର୍‌ତିଙ୍ଗ୍ ଆସ୍ତାଦେର୍। ହେପାଦ୍ନା ଏପେଙ୍ଗ୍ ମାନାୟାର୍ ୱେଚ୍‌ଚି କାତାତିଙ୍ଗ୍ ଆସ୍ତିଲେକେ ଆହ୍‌ୱାତାଦେର୍‌ନା। ମାତର୍ ଆପେଙ୍ଗ୍ ୱେଚ୍‌ଚି ହାର୍ଦିକାବୁର୍‌ତିଙ୍ଗ୍ ଈଶ୍ୱର ନିଜେ ୱେଚ୍‌ଚାନ୍ ଇଞ୍ଜି ଆସ୍ତାଦେର୍ ଆରେ ହେଦାଙ୍ଗ୍ ସତ୍। ଏପେଙ୍ଗ୍ ଯୀଶୁଙ୍ଗ୍ ପାର୍ତି କିତାଦେର୍, ଆରେ ଈଶ୍ୱର ହିତ୍‌ତି ହାର୍ଦିକାବୁର୍ ମି ବିତ୍ରେ କାମାୟ୍ କିନାତା।

୧ ଥେସଲନୀକିୟ 3:5

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍, ଏପେଙ୍ଗ୍ ଖ୍ରୀଷ୍ଟତାକେ ବେସି ପାର୍ତି କିନାଦେରା କି ଆକାୟ୍ ଇଞ୍ଜି ପୁଞ୍ଜେଙ୍ଗ୍ ତିମତିତିଙ୍ଗ୍ ମିତାକେ ପକ୍ତାତାଙ୍ଗ୍। ଇନେସ୍‌କି ଆନେଙ୍ଗ୍ ପାଣ୍ଡ୍ରାଆଜି ମାଚାଙ୍ଗ୍ ଯେ, ଶୟତାନ୍ ମାନାୟାରିଙ୍ଗ୍ ପରିକ୍ଷା କିନାତା, ହେଦାଙ୍ଗ୍ କାଜିଙ୍ଗ୍ ମିଙ୍ଗେଙ୍ଗ୍ ପରିକ୍ଷା କିଜି ମାଞ୍ଜ୍‌ନାତ୍, ଆରେ ମା କିତି କଷ୍ଟ କାମାୟ୍ ବେକାର୍ ଆନାତ୍।

୨ ଥେସଲନୀକିୟ 1:10

ଏଚେପାଦ୍ନା ମାପୃ ଯୀଶୁ ତା ପବିତ୍ର ମାନାୟାର୍‌ତାଙ୍ଗ୍ ଗୌରବ ଆରେ ସନ୍‌ମାନ୍ ପାୟା ଆଦେଙ୍ଗ୍ ଆରେରଗ ପୁର୍ତିତାକେ ୱାନାନ୍। ଆରେ ହେୱାନ୍ ସନ୍‌ମାନ୍ ପାୟାଆନି ନାଞ୍ଜିଙ୍ଗ୍, ହେବେ ଏପେଙ୍ଗ୍ ପା ମାନାଦେର୍, ଇନେସ୍‌କି ଆପେଙ୍ଗ୍ ତା ବିଷୟରେ ୱେଚ୍‌ଚିତିଲେ ପାର୍ତି କିତାଦେର୍।

୨ ଥେସଲନୀକିୟ 3:1

ଏ ପାର୍ତିକିନି ଟଣ୍ଡାର୍‌କାଦେର୍, ମା କାଜିଙ୍ଗ୍ ପାର୍ତାନା କିୟାଟ୍ ଯେ, ଆପେଙ୍ଗ୍ ମାପୃ ଯୀଶୁ ଖ୍ରୀଷ୍ଟ ବିଷୟରେ ବେଗି-ବେଗି ୱିଜୁ ବାହାତାକେ ଶୁଣାୟ୍ କିନାପ୍, ଆରେ ହେଦାଙ୍ଗ୍ ୱେନି ମାନାୟାର୍ ପାର୍ତି କିୟେର୍। ଏପେଙ୍ଗ୍ ଇନେସ୍‌ଲେକେ ପାର୍ତି କିତାଦେର୍।