୧ ପିତର 4:7 - New Testament in Pengo Parja Language

⁷ ଇ ପୁର୍ତି ବେଗି ସେସ୍ ଆନାତ୍‌ଦେ। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ମି ମାନ୍‌ତିଙ୍ଗ୍ କିଲେର୍ କିୟାଟ୍ ଆରେ ପାର୍ତାନା କିଜି ଜାର୍‌ତିଙ୍ଗ୍ କଣ୍ଟ୍ରୁଲ୍ କିୟାଟ୍।

ସତ୍‌ ବଚନ୍‌ ପୁନି ନିୟମ୍‌

⁷ ମତର୍ ୱିଜ଼ୁ ବିସ୍ରେ ୱିସ୍ତିକାଡ଼୍ ଲାଗେ । ଲାଗିଂ ହାର୍‍ବୁଦି ଆଡୁ, ଆରେ ପାର୍ତାନା କିନି କାଜିଂ ଚେତ୍‍ନା ମାନାଟ୍

୧ ପିତର 4:7 Iomraidhean Croise

ମାତିଉ 24:42

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ପାର୍ତାନାତାକେ ଜାଗ୍ରତ୍ ଆଜି ମାନାଟ୍। ଲାଗିଙ୍ଗ୍ ମି ମାପୃ ଇମ୍‌ଣିଦିନ୍ ୱାନାନ୍, ହେଦାଙ୍ଗ୍ ଏପେଙ୍ଗ୍ ପୁନୁଦେର୍।

ମାତିଉ 25:13

ଲାଗିଙ୍ଗ୍ ଏପେଙ୍ଗ୍ ପାର୍ତାନାତାକେ ଜାଗ୍ରତ୍ ଆଜି ମାନାଟ୍। ଲାଗିଙ୍ଗ୍ ଏପେଙ୍ଗ୍ ହେ ଦିନ୍ ଇନାୱେଡ଼ାଙ୍ଗ୍ ଇ ଗଟ୍‌ନା ଏକିୱାନାତ୍ ହେଦାଙ୍ଗ୍ ଏପେଙ୍ଗ୍ ପୁନୁଦେର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:34

ଯୀଶୁ ଆରେରଗ ୱେଚ୍‌ଚାନ୍, “ଜାଗ୍ରତ୍ ଆଜି ମାନାଟ୍। ଏପେଙ୍ଗ୍ କାଲିଙ୍ଗ୍ ଉଣ୍‌ଜି ହଜ୍‌ଜି ମାନ୍‌ମାଟ୍। ଆରେ ଜିଦେଙ୍ଗ୍ ଏପେଙ୍ଗ୍ ବାରବିନି ଚିନ୍ତା କିମାଟ୍। ମାତର୍ ଏପେଙ୍ଗ୍ ଜାଗ୍ରତ୍ ହିଲ୍‌ୱି ୱେଡ଼ାଲିଙ୍ଗ୍ ହେଦାପ୍ରେ ହେ ଦିନ୍ ୱାନାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:36

ଏପେଙ୍ଗ୍ ପାର୍ତାନା କିଜି ୱିଜୁଦିନ୍ ଜାଗ୍ରତ୍ ମାନାଟ୍। ଲାଗିଙ୍ଗ୍ ଏପେଙ୍ଗ୍ ୱାନି ଦୁକ୍‌ନି ସମୟ୍‌ତିଙ୍ଗ୍ ରକ୍ଷା ପାୟାଆନାଦେର୍। ଆରେ ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ମୁମ୍‌ଦ ସାସ୍ ଆସ୍ତି ନିଲ୍‌ତେଙ୍ଗ୍ ଆଡ୍‌ନାଦେର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:46

ଯୀଶୁ ତା ଚେଲାହିରିଙ୍ଗ୍ ୱେଚ୍‌ଚାନ୍, “ଇନା କିଦେଙ୍ଗ୍ ହୁଞ୍ଜ୍‌ନାଦେରା? ପରିକ୍ଷା ଇନେସ୍ ପାୟା ଆଉଦେର୍, ଇଦାଙ୍ଗ୍ କାଜିଙ୍ଗ୍ ନିଙ୍ଗ୍‌ଞ୍ଜି ଈଶ୍ୱରତାକେ ପାର୍ତାନା କିୟାଟ୍।”

ରୋମିୟ 12:12

ଯଦି ଏପେଙ୍ଗ୍ ଈଶ୍ୱରତିଙ୍ଗ୍ ଆହା କିନାଦେରା ଲାଗିଙ୍ଗ୍ ୱାରିୟା ଆଡ, ଇନେସ୍‌କି ଈଶ୍ୱର ମି କାଜିଙ୍ଗ୍ ହାର୍ ଉପାୟ୍ କିନାନା। ଏପେଙ୍ଗ୍ ଦୁଃକ୍ କଷ୍ଟ କାଜିଙ୍ଗ୍ ସାସ୍ ଆଜି ମାନାଟ୍, ଆରେ ଏପେଙ୍ଗ୍ ୱିଜୁଦିନ୍ ଈଶ୍ୱରତାକେ ପାର୍ତାନା କିଜି ମାନାଟ୍।

୧ କରନ୍ତିୟ 15:24

ତାପାଚେ ଈଶ୍ୱର ବିରଦ୍ କିଜି ମାନି ୱିଜୁ କରାପ୍ ଶାକ୍ତି, ଆଦିକାର୍ ଆରେ ସାସନ୍ କିନି ବିଷୟତିଙ୍ଗ୍ ନଷ୍ଟ କିନାନ୍, ଆରେ ଖ୍ରୀଷ୍ଟ ତା ଆବା ଈଶ୍ୱରତିଙ୍ଗ୍ ପୁରାପୁରି ସାସନ୍ କିଦେଙ୍ଗ୍ ଇ ପୁର୍ତିତିଙ୍ଗ୍ ତା କେଇଦ ହିନାନ୍। ହେପାଦ୍ନା ପୁର୍ତି ସେସ୍ ଆନାତ୍।

୧ କରନ୍ତିୟ 7:29

ଏ ଟଣ୍ଡାର୍‌କାଦେର୍, ମା କାଜିଙ୍ଗ୍ ପୁର୍ତିତାକେ ବେସିଦିନ୍ ହିଲେତ୍। ହେଦାଙ୍ଗ୍ କାଜିଙ୍ଗ୍ ଡକ୍ରି ମାନାତ୍ କି ଆକାୟ୍ ଇଞ୍ଜି ଚିନ୍ତା କିମାଟ୍। ମାତର୍ ମାପୃ ଯୀଶୁଙ୍ଗ୍ ହେବା କିଦେଙ୍ଗ୍ ଚିନ୍ତା କିୟାଟ୍।

ଏପିସିୟ 6:18

ୱିଜୁଦିନ୍ ପବିତ୍ର ଆତ୍ମା ସାଇଜତାଙ୍ଗ୍ ଈଶ୍ୱରତାକେ ପାର୍ତାନା ଆରେ ଗୁୱାରି କିୟାଟ୍। ଆରେ ୱିଜୁ ସାଦୁ ମାନାୟାର୍ କାଜିଙ୍ଗ୍ କାସି ମାନ୍‌ଞ୍ଜି ପାର୍ତାନା କିୟାଟ୍।

ପିଲିପିୟ 4:5

ଏପେଙ୍ଗ୍ ହାର୍ଦି କାମାୟ୍ କିୟାଟ୍, ଇନେସ୍ ମିଙ୍ଗେଙ୍ଗ୍ ଦରମ୍ ମାନାୟ୍ ଇଞ୍ଜି ମାନାୟାର୍ ପୁଞ୍ଜ୍‌ନାର୍। ଇନେସ୍‌କି ଏପେଙ୍ଗ୍ ମାନ୍ତ ଇଟାଟ୍ ଯେ ମାପୃ ଇକାତାନେ।

କଲସିୟ 4:2

ଏପେଙ୍ଗ୍ ୱିଜୁଦିନ୍ ପାର୍ତାନା କିଜି ମାନାଟ୍। ଏପେଙ୍ଗ୍ ପାର୍ତାନା କିନିହିଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିୟାଟ୍ ଆରେ ଜାଗ୍ରତ୍ ଆଜି ମାନାଟ୍।

୨ ତିମଥି 4:5

ମାତର୍ ଏପେଙ୍ଗ୍ ୱିଜୁ ବିଷୟତାଙ୍ଗ୍ ଜାଗ୍ରତ୍ ଆଜି ମାନାଟ୍, କଷ୍ଟତିଙ୍ଗ୍ ମାନି କିୟାଟ୍ ହାର୍ଦିକାବୁର୍‌ତିଙ୍ଗ୍ ଶୁଣାୟ୍ କିୟାଟ୍ ଆରେ ମି ହେବା କାମାୟ୍‌ନି କାମାୟ୍‌ତିଙ୍ଗ୍ ପୁରା କିୟାଟ୍।

ତୀତସ 2:12

ଆସେଙ୍ଗ୍ ଇନେସ୍ ଅଦରମ୍‌ ଆରେ ପୁର୍ତିନି ଇଚାତାଙ୍ଗ୍ ପିସ୍ତି ଇ ନଙ୍ଗୟ୍‌ନି ଯୁଗ୍‌ତ ଇ ପୁର୍ତିତାକେ ବୁଦି ହୁଦାଙ୍ଗ୍, ଦରମ୍ ମାନାୟ୍ ଆଜି ଜିବୁନ୍ କାଟିକିନି ଦର୍‌କାର୍।

ଏବ୍ରି 10:25

ଜେକନିକାର୍ ଲେକେ ଆସେଙ୍ଗ୍ ମାପୃଙ୍ଗ୍ ରବେ ହେବା କିନାକା ବନ୍ଦ୍ କିଉସ୍। ମାତର୍ ଆସେଙ୍ଗ୍ ଜାର୍-ଜାର୍‌ତିଙ୍ଗ୍ ସାହାସ୍ କିଜି ଜାଗ୍ରତ୍ ଆନାସ୍, ଇନେସ୍‌କି ମାପୃ ଆରେରଗ ୱାନିଦିନ୍ ଲାଗେ ୱାନାତା।

୧ ପିତର 1:13

ହେଦାଙ୍ଗ୍ କାଜିଙ୍ଗ୍ ମାନାୟାର୍ କାମାୟ୍ କିନିହିଙ୍ଗ୍ ମେଙ୍ଗାକାଙ୍ଗ୍ ତୁୱାଲ୍ ଗାଚିଆ ଆନିଲେକେ ମି ମାନ୍‌ତିଙ୍ଗ୍ କିଲେର୍ ଆରେ ଜାର୍‌ତିଙ୍ଗ୍ କଣ୍ଟ୍ରୁଲ୍ କିୟାଟ୍। ଆରେ ଯୀଶୁ ଖ୍ରୀଷ୍ଟ ଆରେରଗ ୱାନି ଦିନ୍‌ତ ଦୟାକିଜି ହିଦ୍‌ନି ଉଦାର୍‌ତିଙ୍ଗ୍ ପାୟାଆନି କାଜିଙ୍ଗ୍ ଆହା କିଜି ମାନାଟ୍।

୧ ପିତର 3:7

ଏ ଆଣ୍ଡ୍ରା କାଦେର୍, ଏପେଙ୍ଗ୍ ଜାର୍ କଗ୍‍ଲେକାଙ୍ଗ୍ ସନ୍‌ମାନ୍ ହିୟାଟ୍, ଆରେ ଜାର୍ ଡକ୍ରିକ୍ ହୁଦାଙ୍ଗ୍ ବୁଜାମାନା ଆଜି ହାମାନ୍ ଆଜି ମାନାଟ୍। ମି ଡକ୍ରୁଦି ମିବେତାଙ୍ଗ୍ ଦୁର୍‌ବଲ୍ ଆଜି ମାନ୍‌ଗାନାତ୍, ମାତର୍ ଈଶ୍ୱର ଦୟାକିଜି ହିତ୍‌ତି ପୁନି ଜିବୁନ୍‌ନି ଦାନ୍‌ତିଙ୍ଗ୍ ମି ଡକ୍ରୁଦି ପା ମିହୁଦାଙ୍ଗ୍ ହାମାନ୍ ଅଦିକାର୍ ପାୟାଆନାତ୍। ଲାଗିଙ୍ଗ୍ ଏପେଙ୍ଗ୍ ମି ଡକୃଦିକାଙ୍ଗ୍ ସନ୍‌ମାନ୍ ହୁଦାଙ୍ଗ୍ ବ୍ୟବହାର୍ କିୟାଟ୍ ଆରେ ଈଶ୍ୱର ମି ପାର୍ତାନାତିଙ୍ଗ୍ ୱେନାନ୍।

୧ ପିତର 5:8

ଏପେଙ୍ଗ୍ ମି ମାନ୍‌ତିଙ୍ଗ୍ କିଲେର୍ କିୟାଟ୍ ଆରେ ଜାଗ୍ରତ୍ ଆଜି ମାନାଟ୍, ଇନେସ୍‌କି ମି ଶାତୃ ଶୟତାନ ନି ସିଂହ ବୁର୍‌କା ଲେକେ ମାନାୟାରିଙ୍ଗ୍ ବିନାସ୍ କିଦେଙ୍ଗ୍ ଚାରିବେଣ୍‌ତାଙ୍ଗ୍ ଡେକ୍‌ଚି ବୁଲା ଆନାତା।

ହତ୍‌ତି 16:15

“ହେ ଶୟତାନ୍ ଆତ୍ମାଙ୍ଗ୍ ୱିଜୁ ଦେସ୍‌କୁକାଙ୍ଗ୍ ସାସନ୍ କିନି ମାନାୟାର୍ ଆରେ ତା ସେନାରିଙ୍ଗ୍ ଏବ୍ରୀ ବାଷାତାଙ୍ଗ୍ ଇନି ଆର୍ମାଗିଡନ୍ ତର୍‌ନି ବାହାତାକେ ରୁଣ୍ଡାୟ୍ କିତାର୍। ହେଦାଙ୍ଗ୍ କାଜିଙ୍ଗ୍ ମାପୃ ଯୀଶୁ ଇଲେକେ ୱେଚ୍‌ଚି ମାଚାନ୍ ନା ଇ ବେଣ୍‌ତିଙ୍ଗ୍ ୱେନାଟ୍। ଆନେଙ୍ଗ୍ ତିପ୍‌କୁ ର ଚରେନ୍ ୱାନିଲେକେ ୱାନାଙ୍ଗା। ଲାଗିଙ୍ଗ୍ ଇମ୍‌ଣି ମାନାୟାର୍ ଆନେଙ୍ଗ୍ ୱାନିହିଙ୍ଗ୍ ଚେତ୍‌ନା ମାନାଙ୍ଗାନାର୍ ଆରେ ତା ହେନ୍ଦ୍ରାତିଙ୍ଗ୍ ଜାଗ୍ରତ୍ କିଜି ଇଡ଼୍‌ଜି ମାନାର୍ ହେୱାର୍ ଆଶ୍ରିବାଦ୍ ପାୟାଆନାର୍‌। ହେୱାର୍ ନାଗ୍‌ଡ଼ା ମାନ୍‌ଗୁର୍‌ ଆରେ ହେୱାର୍ ବେସିହେନି ମାନାୟାର୍‌ତାକେ ହାଚିସ୍ ପା ଇନେର୍ ପା ହେୱାରିଙ୍ଗ୍ ଲାଜ୍ କିଦେଙ୍ଗ୍ ଆଡୁର୍।”