୧ ପିତର 4:5 - New Testament in Pengo Parja Language

⁵ ମାତର୍ ରଦିନ୍ ୱାନାତ୍ ହେୱାର୍ ୱିଜାକାର୍ ଈଶ୍ୱର ମୁମ୍‌ଦ ନିଲ୍‌ନାର୍ ଆରେ ଈଶ୍ୱର ହେୱାରିଙ୍ଗ୍ ବିଚାର୍ କିନାନ୍। ଈଶ୍ୱର ହେୱାରିଙ୍ଗ୍ ରୱା-ରୱାରିଙ୍ଗ୍ ୱେନ୍‌ବାନାନ୍ ଏପେଙ୍ଗ୍ ପୁର୍ତିତାକେ ମାଚିହିଙ୍ଗ୍ ଇନା-ଇନା କାମାୟ୍ କିଜି ମାଚାଦେର୍। ଈଶ୍ୱର ୱିଜୁ ହାଃତାକାରିଙ୍ଗ୍ ଆରେ ଜିବୁନ୍ ମାନି ମାନାୟାରିଙ୍ଗ୍ ବିଚାର୍ କିନାନ୍।

ସତ୍‌ ବଚନ୍‌ ପୁନି ନିୟମ୍‌

⁵ ମାତର୍‌ ଇମ୍‌ଣି ଇସ୍ୱର୍‌ ଜିତାକାନ୍‌ ଆରି ହାତି ଲଗାରିଂ ବିଚାର୍‌ କିନାନ୍‌, ହେୱାନ୍ତି ମୁମ୍‌ଦ ହେୱାର୍‌ତି ଇସାବ୍ ହିଦେଂ ଆନାତ୍‌ ।

୧ ପିତର 4:5 Iomraidhean Croise

ମାତିଉ 12:36

ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, “ଈଶ୍ୱର ବିଚାର୍ କିଦ୍‌ନିଦିନ୍ ମାନାୟାର୍ ଇମ୍‌ଣି ପଲିଆ-ପଲିଆ କାତାତିଙ୍ଗ୍ ପା ହେୱାନ୍ ବିଚାର୍ କିଦ୍‌ନାନ୍। ଆରେ ହେୱାର୍ ୱେଚ୍‌ଚି କାତାତାଙ୍ଗ୍ ବିଚାର୍ କିନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:2

ଦନି ମାନାୟ୍ ମୁନ୍‌ସିଙ୍ଗ୍ କୁକ୍‌ଚି ୱେଚ୍‌ଚାନ୍, ‘ଆନେଙ୍ଗ୍ ନି ବିରୁଦ୍‌ତାକେ କେତେକ୍ କାତା ୱେଚାଙ୍ଗ୍‌ନା। ଏନେଙ୍ଗ୍ ଇନାକା ୱିଜୁ କିତାଇନା, ତା ହିସାବ୍ ନାଙ୍ଗେଙ୍ଗ୍ ହିଦା। ନଙ୍ଗୟତାଙ୍ଗ୍ ଏନେଙ୍ଗ୍ ଆରେ ନା ମୁନ୍‌ସି ଆଦେଙ୍ଗ୍ ଆଡୁଇ।’

ପକ୍ୟାତାକା 10:42

ଯୀଶୁଙ୍ଗ୍ ହାଃତାକାରିଙ୍ଗ୍ ଆରେ ଜିବୁନ୍ ମାନାକାରିଙ୍ଗ୍ ବିଚାର୍ କିଦେଙ୍ଗ୍ ଈଶ୍ୱର ବାଚି କିତାନ୍‌ନା। ଇ ବିଷୟରେ ୱିଜୁ ମାନାୟାରିଙ୍ଗ୍ ଶୁଣାୟ୍ କିଦେଙ୍ଗ୍, ଆରେ ସାକି ହିଦେଙ୍ଗ୍ ହେୱାନ୍ ମାଙ୍ଗେଙ୍ଗ୍ ଆଦେସ୍ ହିତ୍‌ତାନ୍‌ନା।

ପକ୍ୟାତାକା 17:31

ପୁର୍ତିନି ନ୍ୟାୟ୍‌ତିଙ୍ଗ୍ ବିଚାର୍ କିଦେଙ୍ଗ୍ ହେୱାନ୍ ରକାନିଙ୍ଗ୍ ବାଚି କିତାନ୍‌ନା, ଆରେ ଦିନ୍ ପା ରସ୍ତାନ୍‌ନା। ହେୱାନିଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ କିଜି ୱିଜାକାର୍‌ତାକେ ସତ୍ ଇଞ୍ଜି ଚଚ୍‌ଚାନ୍‌ନା।”

ରୋମିୟ 14:9

ଇଦାଙ୍ଗ୍ କାଜିଙ୍ଗ୍ ନେ ଖ୍ରୀଷ୍ଟ ହାଃଜି ଆରେରଗ ଜିବୁନ୍ ଆତାନ୍, ଲାଗିଙ୍ଗ୍ ହେୱାନ୍ ଜିବୁନ୍ ମାନାକାରିଙ୍ଗ୍ ଆରେ ହାଃତାକାର୍ ମାଲିକ୍ ପା ଆନାନ୍।

୨ ତିମଥି 4:1

ଯୀଶୁ ଖ୍ରୀଷ୍ଟ ରାଜା ଲେକେ ବିଚାର୍ କିଦେଙ୍ଗ୍ ୱାନାନ୍, ଜିଜି ମାଚି ମାନାୟାର୍ ଆରେ ହାଃଜି ମାଚି ମାନାୟାରିଙ୍ଗ୍ ହେୱାନ୍ ବିଚାର୍ କିନାନ୍। ଲାଗିଙ୍ଗ୍ ଆନେଙ୍ଗ୍ ଈଶ୍ୱର ରାଜିତିଙ୍ଗ୍ ଆରେ ଖ୍ରୀଷ୍ଟଙ୍ଗ୍ ସାକି ଇଡ଼୍‌ଜି, ଆନେଙ୍ଗ୍ ମିଙ୍ଗେଙ୍ଗ୍ ଆଦେସ୍ ହିଦ୍‌ନାଙ୍ଗା,

ଜାକ୍‌ବ 5:9

ଏ ପାର୍ତିକିନି ଟଣ୍ଡାର୍‌କାଦେର୍, ଏପେଙ୍ଗ୍ ଇନେସ୍ ଦଣ୍ଡ୍ ପାୟା ଆଉଦେର୍, ହେଦାଙ୍ଗ୍ କାଜିଙ୍ଗ୍ ଜାର୍-ଜାର୍‌ବିତ୍ରେ ଦସ୍ ହିଜି ୱେଚ୍‌ପା ଆମାଟ୍। ଇନେସ୍‌କି ଗାଜା ବିଚାର୍ କିନାକାନ୍ ଲାଗେ ମାନାନ୍।