୧ ପିତର 4:3 - New Testament in Pengo Parja Language

³ ଏପେଙ୍ଗ୍ ଆଗେ ବିନ୍‌ଜାତିନି ମାନାୟାର୍‌ଲେକେ ୱାରି କିଜି ମାଚାଦେର୍। ହେୱାର୍ ୱାରି କାମାୟ୍ କିଜି ମାଚାର୍, ହେୱାରିଙ୍ଗ୍ ଦାରି କାମାୟ୍ କିନି ଇଚା ମାଚାତ୍, ହେୱାର୍ ବଜି କିଜି ମାଚାର୍, କାଲିଙ୍ଗ୍ ଉଣ୍‌ଜି ମାଚାର୍, ପଶୁଙ୍ଗ୍‌ଲେକେ ବ୍ୟବହାର୍ କିଜି ମାଚାର୍ ଆରେ ମୁର୍ତି ପୁଜା କିନାରା। ଇମ୍‌ଣାକା କି ଈଶ୍ୱର ଗିଣ୍ କିନାନା।

ସତ୍‌ ବଚନ୍‌ ପୁନି ନିୟମ୍‌

³ ଲାଗିଂ ପାର୍ତିକିୱି ଜିହୁଦିର୍‌ତି ଇଚା ଇସାପ୍ରେ କାମାୟ୍‌ କିଜ଼ି ଏପେଙ୍ଗ୍‌ ଏଚେ କାଡ଼୍‌ ବାନ୍ୟାକାମାୟ୍‌, ବାନ୍ୟା ଆହା, କାଲିଂଗହ୍‍ନାକା, ରଙ୍ଗ୍‍ରାସିକା, ହଜ୍‌ଜି ଆରି ଗିଣ୍‍ ପୁତ୍‌ଡ଼ା ପୁଜା କିଜ଼ି ମାଚାଦେର୍, ହେଦାଂ ଲଡ଼ା;

୧ ପିତର 4:3 Iomraidhean Croise

ମାର୍କ 7:22

ଦାରି, ଚର୍, ମାନାୟ୍ ଅହ୍ନାକା, ଦାରି, ଲବ୍ରା, ଚାପ୍‌କାର୍, ମିଚ୍‌ୱା, ଦାରି ଚିନ୍ତା, କାଣ୍‌କୁ ପକାୟ୍ କିନାକା, ନିନ୍ଦା, ଆକାର୍, ମୁର୍କ।

ପକ୍ୟାତାକା 17:30

ଆଗେନି ଇ ଅବୁଜାନି କାମାୟ୍‌ତିଙ୍ଗ୍ ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିଦେଙ୍ଗ୍ ଦିୟାନ୍ କିୱାଦାଙ୍ଗ୍ ମାଚାନ୍। ମାତର୍ ନଙ୍ଗୟ୍ ହେୱାନ୍ ୱିଜୁ ମାନାୟାରିଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାଦେଙ୍ଗ୍ ଆଦେସ୍ ହିତାନ୍‌ନା।

ରୋମିୟ 13:13

ଆସେଙ୍ଗ୍ ଦରମ୍ ଆରେ ସତ୍ ଆଜି ୱିଜୁ କାମାୟ୍ କିନି ଦର୍‌କାର୍, ଲାଗିଙ୍ଗ୍ ୱିଜାର୍ ମାନାୟ୍ ମା ବ୍ୟବହାର୍‌ତିଙ୍ଗ୍ ହାର୍ ଇଞ୍ଜି ଇଞ୍ଜ୍‌ନାର୍। ଆସେଙ୍ଗ୍ କାଲିଙ୍ଗ୍ ଉଣି ଦଳ୍‌ତାଙ୍ଗ୍ କି ଦାରି କାମାୟ୍ କିନାକାର୍‌ତାଙ୍ଗ୍, କି ଜେକନି କଗ୍‍ଲେକ୍ ହୁଦାଙ୍ଗ୍ ମାନାକା କି ଗଣ୍ଡ୍‍ଗଲ୍ କିନି ଦଳ୍‌ତାକେ ମାନାକା ଆରେ ଆକାର୍ ଆନି ମାନାୟାର୍ ହୁଦାଙ୍ଗ୍ ମାହା ଆମାଟ୍।

୧ କରନ୍ତିୟ 12:2

ଏପେଙ୍ଗ୍ ଖ୍ରୀଷ୍ଟାନ୍ ଆୱି ଆଗେ ପୁନ୍‌ଞ୍ଜି ମାଚାଦେର୍ ଯେ, ଏପେଙ୍ଗ୍ ବେଣ୍‌କିଦେଙ୍ଗ୍ ଆଡ୍‌ୱି ମୁର୍ତିକାଙ୍ଗ୍ ହେବା କିଦେଙ୍ଗ୍ ଇନେର୍ ମିଙ୍ଗେଙ୍ଗ୍ ଟକାୟ୍ କିଜି ମାନ୍‌ଞ୍ଚାନ୍।

୧ କରନ୍ତିୟ 6:11

ମି ବିତ୍ରେ କେତ୍‌ଜାଣ୍ ମାଚାର୍ ଯେ, ହେୱାର୍ ଇଲେକେ କାମାୟ୍ କିଜି ମାଚାର୍। ମାତର୍ ଈଶ୍ୱର ନଙ୍ଗୟ୍ ମି ପାପ୍‌ତିଙ୍ଗ୍ ନୁସ୍‌ଦାତାନ୍‌ନା, ଆରେ ଏପେଙ୍ଗ୍ ହେବେତାଙ୍ଗ୍ ବିନେ ଆତାଦେର୍‌ନା। ଏପେଙ୍ଗ୍ ଈଶ୍ୱର ଆଗେ ଟିକ୍ ଲକ୍ ଆତାଦେର୍‌ନା, ଇନେସ୍‌କି ମା ଈଶ୍ୱର ମେହି ମାପୃ ଯୀଶୁ ଖ୍ରୀଷ୍ଟ ଆରେ ପବିତ୍ର ଆତ୍ମା ଇନାକା ମି କାଜିଙ୍ଗ୍ କିତିକ୍‌ନା।

୨ କରନ୍ତିୟ 12:21

ମିତାକେ ୱାଦେଙ୍ଗ୍ ଆନେଙ୍ଗ୍ ପାଣ୍ଡ୍ରାଆନାଙ୍ଗା, ଈଶ୍ୱର ନାଙ୍ଗେଙ୍ଗ୍ ମି କାଜିଙ୍ଗ୍ ଦରମ୍ କିଦେତ୍। ନଇଲେ ଆନେଙ୍ଗ୍ ଦୁଃକ୍ ଆନାଙ୍ଗ୍, ଇନେସ୍‌କି ମିବେତାଙ୍ଗ୍ ବେସିହେନି ମାନାୟାର୍ ଇ ୱିଜୁ ପାପ୍, ଆରେ ପବିତ୍ର ଆୱାତାର୍‌ନା। ଆରେ ଦାରି କାମାୟ୍ କିନି ଇଚାତାଙ୍ଗ୍ ମାନ୍‌ବାଦ୍‌ଲାୟ୍ କିୱାତାଦେର୍‍ନା।

ଗାଲାତିୟ 5:19

ଏପେଙ୍ଗ୍ ଗାଗାଡ଼୍‌ନି ଇଚାନି କାମାୟ୍ ୱିଜୁ କିଲେର୍ କିଜି ପୁଚାଦେର୍‌ନା କି ଦାରି କାମାୟ୍, କରାପ୍ ଚିନ୍ତା।

ଗାଲାତିୟ 5:21

ଆରେ ମଦୁଆ ଆନାକା, କରାପ୍ ମାନାୟ୍ ହୁଦାଙ୍ଗ୍ ମାହାଆଜି ୱାରି କିନାକା, ଇଲେକେ ଜେକନି ପାପ୍ କାମାୟ୍ କିନାର୍। ଆନେଙ୍ଗ୍ ଆଗେ ମିଙ୍ଗେଙ୍ଗ୍ ଇନେସ୍ ୱେଚ୍‌ଚି ମାନ୍‌ଞ୍ଚାଙ୍ଗ୍, ହେଲେକେ ଆରେରଗ ୱେଚ୍‌ଚାନାଙ୍ଗା ଯେ, ଇମ୍‌ଣାକାର୍ ଇ ୱିଜୁ ପର୍‌କାର୍ କାମାୟ୍ କିନାର୍, ହେୱାର୍ ଈଶ୍ୱର ସାସନ୍ କିନି ରାଜିନି ଅଦିକାର୍ ଆଦେଙ୍ଗ୍ ଆଡୁର୍।

ଏପିସିୟ 5:18

ଆରେ ଅଙ୍ଗୁର୍ ରାସ୍ ଉଣ୍‌ଜି ହଜ୍‌ଜି ମାନ୍‌ମାଟ୍। ଇନେସ୍‌କି ହେବେତାଙ୍ଗ୍ ନେ ମାନାୟାର୍ ପଶୁ ଲେକେ ବ୍ଯବହାର୍ କିନାର୍। ମାତର୍ ଏପେଙ୍ଗ୍ ପବିତ୍ର ଆତ୍ମାତାଙ୍ଗ୍ ପୁରା ଆଡ।

୧ ଥେସଲନୀକିୟ 4:5

ୱିଜାକାଦେର୍ ନିଜେ-ନିଜେତିଙ୍ଗ୍ ପବିତ୍ର କିୟାଟ୍। ଲାଗିଙ୍ଗ୍ ମାନାୟାର୍ ମିଙ୍ଗେଙ୍ଗ୍ ସନ୍‌ମାନ୍ ହିଦ୍‌ନାର୍, ଇଲେକେ ହାର୍ କାମାୟ୍ କିଜି ମାନାଟ୍।

ତୀତସ 3:3

ଇନେସ୍‌କି ଯୀଶୁଙ୍ଗ୍ ପାର୍ତିକିୱି ଆଗେ ଆପେଙ୍ଗ୍ ପା ମୁର୍କ ଆଜି ଈଶ୍ୱରତିଙ୍ଗ୍ ମାନିକିୱାଦାଙ୍ଗ୍ ମାଚାପ୍, ମାନାୟାର୍ ମାଙ୍ଗେଙ୍ଗ୍ ଟକାଇ କିଜି ମାନ୍‌ଞ୍ଚାର୍। ଆରେ ଆପେଙ୍ଗ୍ ବାରବିନି କରାପ୍ ଇଚା ଆରେ ୱାରିନି ଜିବୁନ୍ କାଟିକିନି ଦାସ୍ ଆଜି ମାଚାପ୍। ଆପେଙ୍ଗ୍ ପୁରା କରାପ୍ ଆରେ ଜେକନିକାରିଙ୍ଗ୍ ଆକାର୍ ଆଜି ଜିବୁନ୍ କାଟିକିଜି ମାଚାପ୍। ମାନାୟାର୍ ମାଙ୍ଗେଙ୍ଗ୍ ଗିଣ୍‌କିଜି ମାନ୍‌ଞ୍ଚାର୍ ଆରେ ଆପେଙ୍ଗ୍ ପା ଜେକନିକାରିଙ୍ଗ୍ ଗିଣ୍‌କିଜି ମାଚାପ୍।

୧ ପିତର 1:14

ହାର୍ଦି ହିମ୍‌ଣାଙ୍ଗ୍ ଜାର୍ ଆବା କାତା ମାନି କିତିଲେକେ ଏପେଙ୍ଗ୍ ଈଶ୍ୱର କାତାତିଙ୍ଗ୍ ମାନି କିୟାଟ୍, ଇନେସ୍‌କି ଏପେଙ୍ଗ୍ ଈଶ୍ୱର ହିମ୍‌ଣା କାଦେର୍। ଏପେଙ୍ଗ୍ ଈଶ୍ୱର ସତ୍‌ତିଙ୍ଗ୍ ପୁନ୍‌ୱି ଆଗେ ଇମ୍‌ଣି କରାପ୍ କାମାୟ୍ କିଦେଙ୍ଗ୍ ଇଚା କିଜି ମାଚାଦେର୍ ହେଦାଙ୍ଗ୍ ଆରେରଗ କିମାଟ୍।

ଜିହୁଦା 1:4

ଈଶ୍ୱରତିଙ୍ଗ୍ ମାନିକିୱି ବୁଲ୍ ହିକ୍ଷାହିନି ମାଷ୍ଟେରାର୍ ଆସେଙ୍ଗ୍ ପୁନ୍‌ୱାଦାଙ୍ଗ୍ କେତେକ୍ ମା ବିତ୍ରେ ହଟାର୍‌ନା। ଇ ମାନାୟାର୍ ବିଷୟରେ ଈଶ୍ୱର ବେସି ବାହ୍‌ରୁ ଆଗେ ସାସ୍ତର୍‌ତାକେ ୱେଚ୍‌ଚାନ୍‌ନା ଯେ ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍। ହେୱାର୍ କରାପ୍ କାମାୟ୍ କିଜି ଜାର୍‌ତିଙ୍ଗ୍ ରକ୍ଷା କିନି କାଜିଙ୍ଗ୍, ହେୱାର୍ ମା ଈଶ୍ୱର ଦୟାନି କାତାତିଙ୍ଗ୍ ବିଗ୍‌ଡ଼ାୟ୍ କିତାର୍‌ନା। ମା ରକାନ୍ ଇଞ୍ଜି ମାଷ୍ଟେର୍ ଆରେ ମାପୃ ଯୀଶୁ ଖ୍ରୀଷ୍ଟଙ୍ଗ୍ ଆହୁର୍।