୧ ପିତର 4:13 - New Testament in Pengo Parja Language

¹³ ଏପେଙ୍ଗ୍ ୱାରି କିୟାଟ୍ ଯେ, ଖ୍ରୀଷ୍ଟ ଦୁଃକ୍ କଷ୍ଟ ପାୟା ଆତିଲେକେ ଏପେଙ୍ଗ୍ ପା ପାୟାଆନାଦେରା। ଇନେସ୍‌କି ଖ୍ରୀଷ୍ଟ ତା ଗୌରବ ୱିଜାକାରିଙ୍ଗ୍ ପୁନିକିଦେଙ୍ଗ୍ ଏଚେପାଦ୍ନା ଆରେରଗ ୱାନାନ୍, ଏପେଙ୍ଗ୍ ଆଦିକ୍ ୱାରିୟା ଆନାଦେର୍।

ସତ୍‌ ବଚନ୍‌ ପୁନି ନିୟମ୍‌

¹³ ଇଚିସ୍‌ ଏଚେକ୍‌ ଲଡ଼ା କ୍ରିସ୍ଟତି ଦୁକ୍‍ବଗ୍‌ନି ମେହା ଆନାଦେରା, ହେ ଏଚେକ୍‌ ୱାରି କିୟାଟ୍‌, ଇନେସ୍‌ ହେୱାନ୍ତି ଜାଜ୍‌ମାଲ୍‌ ଆନି ସମୁତ ପା ଏପେଙ୍ଗ୍‌ ବେସି ୱାରିତ ୱାର୍‌ୟା ଆନାଦେର୍‌ ।

୧ ପିତର 4:13 Iomraidhean Croise

ମାତିଉ 16:27

ଆରେ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଜାର୍ ଆବା ଗୌରବ ହୁଦାଙ୍ଗ୍ ଜାର୍ ଦୁତ୍‌କୁ ହୁଦାଙ୍ଗ୍ ୱାନାନ୍। ଆରେ ହେପାଦ୍ନା ଯୀଶୁ ୱିଜୁ ମାନାୟାରିଙ୍ଗ୍ ତା କିତି କାମାୟ୍‌ତାଙ୍ଗ୍ ପାଡ଼୍‌ ହିଦ୍‌ନାନ୍।

ମାତିଉ 25:21

ମାଲିକ୍ ୱେଚ୍‌ଚାନ୍, ‘ବଡ଼ିଆ ଏନେଙ୍ଗ୍ ବେସି ହାର୍, ଆରେ ନିଙ୍ଗେଙ୍ଗ୍ ପାର୍ତି କିୟାଆନାତ୍। ଏନେଙ୍ଗ୍ ଉଣା ଡାବୁଙ୍ଗ୍‌ତାଙ୍ଗ୍ ହାର୍ଦି କାମାୟ୍ କିତାଇନା। ଲାଗିଙ୍ଗ୍ ଆନେଙ୍ଗ୍ ନିଙ୍ଗେଙ୍ଗ୍ ଗାଜା ବିଷୟରେ ଦାୟିତ୍‌ପ ହିଦ୍‌ନାଙ୍ଗ୍। ୱା ଆସେଙ୍ଗ୍ ୱାରି କିନାସ୍।’

ମାତିଉ 25:23

ମାଲିକ୍ ୱେଚ୍‌ଚାନ୍, ‘ବଡ଼ିଆ ଏନେଙ୍ଗ୍ ବେସି ହାର୍, ଆରେ ନିଙ୍ଗେଙ୍ଗ୍ ପାର୍ତି କିୟାଆନାତ୍। ଏନେଙ୍ଗ୍ ଉଣା ଡାବୁଙ୍ଗ୍‌ତାଙ୍ଗ୍ ହାର୍ଦି କାମାୟ୍ କିତାଇନା। ଲାଗିଙ୍ଗ୍ ଆନେଙ୍ଗ୍ ନିଙ୍ଗେଙ୍ଗ୍ ଗାଜା ବିଷୟରେ ଦାୟିତ୍‌ପ ହିଦ୍‌ନାଙ୍ଗ୍। ୱା ଆସେଙ୍ଗ୍ ୱାରି କିନାସ୍।’

ମାତିଉ 25:31

ଏଚେପାଦ୍ନା ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଆରେରଗ ହେୱାନ୍ ଗୌରବ ହୁଦାଙ୍ଗ୍ ୱାନାନ୍। ହେୱାନ୍ ହୁଦାଙ୍ଗ୍ ସରଗ୍‌ନି ଦୁତ୍‌କୁ ୱାନିକ୍। ହେୱାନ୍ ରାଜା ଆନାନ୍ ଆରେ ତା ଗାଜା ସିଂହାସନ୍ ଜପି ୱିଜାକାରିଙ୍ଗ୍ ବିଚାର୍ କିଦେଙ୍ଗ୍ କୁଚ୍‌ନାନ୍।

ମାତିଉ 25:34

ଆନେଙ୍ଗ୍ ରାଜା ତା ତିନାବାଗାୟ୍ ମାନି ମାନାୟାରିଙ୍ଗ୍ ୱେଚ୍‌ନାଙ୍ଗ୍, ୱାଡ ନା ସରଗ୍‌ନି ଆବା ମିଙ୍ଗେଙ୍ଗ୍ ଆଶ୍ରିବାଦ୍ କିତ୍‌ତାନ୍‌ନା। ଈଶ୍ୱର ମିଙ୍ଗେଙ୍ଗ୍ ଇମ୍‌ଣି ରାଜି ହିଦ୍‌ଦେଙ୍ଗ୍ ଇଚା କିତ୍‌ତାନ୍‌ନା। ହେଦାଙ୍ଗ୍ ଏପେଙ୍ଗ୍ ପାୟାଆଡୁ। ପୁର୍ତି ଉବ୍‌ଜା ଆନି ପାଦ୍ନା ମି କାଜିଙ୍ଗ୍ ହେ ରାଜି ରହିଆତାତ୍‌ନା।

ମାତିଉ 5:12

ଲାଗିଙ୍ଗ୍ ୱାରି କିୟାଟ୍ ଆରେ ସାର୍‌ଦା ଆଡୁ, ଇନେସ୍‌କି ମି କାଜିଙ୍ଗ୍ ସରଗ୍‌ତାକେ ଗାଜା ପୁରଷ୍କାର୍ ମାନାତ୍। ହେଲେକେନେ ହେୱାର୍ ଆଗେନି ଭବିଷ୍ଯତବକ୍ତାରିଙ୍ଗ୍ ପା ଇନସ୍ତାକିଜି ମାଚାର୍।

ମାର୍କ 8:38

ଇ ଜୁଗ୍‍ନି ପାର୍ତିକିୱାକାର୍ ଆରେ ପାପ୍‍କିନି ମାନାୟାର୍ କଷ୍ଟ ହିଦ୍‌ନାର୍ ଇଞ୍ଜି ପାଣ୍ଡ୍ରାଆଜି ଯଦି ଇନେର୍ ନାଙ୍ଗେଙ୍ଗ୍ ମାପୃ ଇଞ୍ଜେଙ୍ଗ୍ ଲାଜ୍ ଆନାର୍, ଆରେ ନା ହିକ୍ଷାତିଙ୍ଗ୍ ମାନିକିଉର୍, ଲାଗିଙ୍ଗ୍ ଆନେଙ୍ଗ୍ ପା ନା ଚେଲା ଆକାୟ୍ ଇଞ୍ଜି ୱେଚ୍‌ନାଙ୍ଗ୍। ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ପବିତ୍ର ଦୁତ୍‌କୁ ହୁଦାଙ୍ଗ୍ ପୁର୍ତିତାକେ ଆରେରଗ ୱାନାଙ୍ଗ୍, ହେପାଦ୍ନା ମାଞ୍ଜିଆବାଙ୍ଗ୍ ଇନେସ୍ ଗୌରବ ମାନାତ୍ ହେଲେକେ ଆନେଙ୍ଗ୍ ଗୌରବତାଙ୍ଗ୍ ୱାନିହିଙ୍ଗ୍ ୱିଜାକାର୍ ହୁଡ଼୍‌ନାର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 17:30

ଏଚେପାଦ୍ନା ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ୱାନାଙ୍ଗ୍, ହେପାଦ୍ନା ହେଲେକେ ଗଟାଆନାତ୍।

ପକ୍ୟାତାକା 16:25

ପାକାପାକି ମାଦିମାଦାନାଣା, ପାଉଲ ଆରେ ଶିଲା ଈଶ୍ୱର ଲାଗାୟ୍ ପାର୍ତାନା କିଜି କେର୍‌କଣ୍ କେର୍‌ଜି ମାଚାର୍। ଆରେ ହେବେ ବନ୍ଦି ଆତାକାର୍ ୱେନ୍‌ଞ୍ଜି ମାଚାର୍।

ପକ୍ୟାତାକା 5:41

ବାଚିକିତି ଚେଲାହିର୍ ହେ ବିଚାର୍‌କିନି ମିଟିଙ୍ଗ୍ ଇଞ୍ଜାଙ୍ଗ୍ ୱାରିଆଜି ହାଚାର୍। ଇନେସ୍‌କି ଯୀଶୁ ତର୍‌ କାଜିଙ୍ଗ୍ ଦୁକ୍‌କଷ୍ଟ ପାୟାଆନି ଜଗ୍ଯ ଇଞ୍ଜି ହେୱାର୍ ପୁନ୍‌ଞ୍ଜି ମାଚାର୍।

ରୋମିୟ 5:3

ୱାରା ଏଚେକ୍ ଆକାୟ୍, ମାତର୍ ଆପେଙ୍ଗ୍ ଦୁଃକ୍ କଷ୍ଟ ୱାତିସ୍ ପା ୱାରି କିନାପା। ଇନେସ୍‌କି ଆପେଙ୍ଗ୍ ଦୁଃକ୍ କଷ୍ଟ ପାୟାଆଜି ପୁଚାପ୍‌ନା ଯେ, ଦୁଃକ୍ କଷ୍ଟ ପାୟାଆତିସ୍‌ନେ ସାସ୍ ଆୟା ଆନାତ୍‌।

ରୋମିୟ 8:17

ଆରେ ଯଦି ଆପେଙ୍ଗ୍ ଈଶ୍ୱର ମେହିକାପ୍ ଆତାପ୍‌ନା, ଲାଗିଙ୍ଗ୍ ତା ମେହି ଖ୍ରୀଷ୍ଟଙ୍ଗ୍ ହିନି ଦନ୍ ସମ୍ପତି ପା ମାଦାଙ୍ଗ୍ ଆନାତ୍। ମାତର୍ ଯଦି ଆସେଙ୍ଗ୍ ତା ଗୌରବ ପାୟାଆନାସ୍‌, ଲାଗିଙ୍ଗ୍ ହେୱାନ୍ ଦୁଃକ୍ କଷ୍ଟ ପାୟା ଆତିଲେକେ ଆସେଙ୍ଗ୍ ପା ପାୟା ଆଦେଙ୍ଗ୍ ଆନାତ୍।

ରୋମିୟ 8:18

ଆନେଙ୍ଗ୍ ହାର୍ କିଜି ପୁଚାଙ୍ଗ୍ ଯେ, ନଙ୍ଗୟ୍ ଆନେଙ୍ଗ୍ ଇମ୍‌ଣି ଦୁଃକ୍ କଷ୍ଟ ପାୟାଆନାଙ୍ଗା ହେବେତାଙ୍ଗ୍ ଈଶ୍ୱର ନାଙ୍ଗେଙ୍ଗ୍ ଇମ୍‌ଣି ଗୌରବ ପାଚେ ହିଦ୍‌ନାନ୍ ହେଦାଙ୍ଗ୍ ଗାଜା।

୨ କରନ୍ତିୟ 1:5

ଆପେଙ୍ଗ୍ ପୁଚାପ୍‌ନା ଯେ, ଆପେଙ୍ଗ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ଆଦିକ୍ ଦୁକ୍‌କଷ୍ଟ ପାୟାଆନାପା, ଲାଗିଙ୍ଗ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ତାବେତାଙ୍ଗ୍ ଆଦିକ୍ ସାହାସ୍ ହିଦ୍‌ନାନ୍।

୨ କରନ୍ତିୟ 1:7

ଆପେଙ୍ଗ୍ ପୁଚାପ୍‌ନା ଯେ, ଏପେଙ୍ଗ୍ ମା ହୁଦାଙ୍ଗ୍ ମାହାଆଜି ଦୁକ୍‌କଷ୍ଟ ପାୟାଆନାଦେରା ଆରେ ହେଲେକେ ଏପେଙ୍ଗ୍ ପା ମା ହୁଦାଙ୍ଗ୍ ମାହାଆଜି ଈଶ୍ୱର ହିତ୍‌ତି ଆହାତିଙ୍ଗ୍ ପାୟାଆନାଦେର୍।

୨ କରନ୍ତିୟ 4:10

ଯୀଶୁ ଖ୍ରୀଷ୍ଟ ହାଃତିହିଙ୍ଗ୍ ଇମ୍‌ଣି ଦୁଃକ୍ କଷ୍ଟ ପାୟାଆଜି ମାଚାନ୍, ଆସେଙ୍ଗ୍ ପା ତା ଲେକେ ମା ଗାଗାଡ଼୍‌ତାକେ ୱିଜୁଦିନ୍ ଦୁଃକ୍ କଷ୍ଟ ପାୟାଆନାସା, ଲାଗିଙ୍ଗ୍ ମାନାୟାର୍ ମା କାମାୟ୍‌ତିଙ୍ଗ୍ ହୁଡ଼୍‌ଜି ଯୀଶୁ ଖ୍ରୀଷ୍ଟ କିଜି ମାଚାକା ପୁନାର୍।

୨ କରନ୍ତିୟ 4:17

ଇନେସ୍‌କି ଆସେଙ୍ଗ୍ ନଙ୍ଗୟ୍ ପାୟାଆନି ଦୁଃକ୍ କଷ୍ଟ ୱିଜୁ ହିରୁ ଆରେ ବେସିଦିନ୍ ମାନ୍‌ଗୁତ୍। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ୱିଜ୍‌ୱି ଜିବୁନ୍ ପାୟାଆନାସ୍, ଇମ୍‌ଣାକା କି ୱିଜୁ ଜିନିଷ୍‌ତାଙ୍ଗ୍ ଗାଜା ଆରେ ୱିଜୁଦିନ୍ ମାନ୍‌ଗାନାତ୍।

ପିଲିପିୟ 3:10

ଇନେସ୍ ଖ୍ରୀଷ୍ଟ ହାଃଜି ଆରେରଗ ଜିବୁନ୍‌ଆନି ଶାକ୍ତିତିଙ୍ଗ୍, ଆରେ ହେୱାନ୍ ଇନେସ୍ ଦୁକ୍‌କଷ୍ଟ ପାୟାଆଜି ହାଃତାନ୍‌ନା ହେଲେକେ ଆନେଙ୍ଗ୍ ପା ଦୁକ୍‌କଷ୍ଟ ପାୟାଆଜି ହାଃଦେଙ୍ଗ୍, ଆନେଙ୍ଗ୍ ତା ବିଷୟରେ ଆଦିକ୍ ପୁଞ୍ଜେଙ୍ଗ୍ ଇଚା କିନାଙ୍ଗା।

କଲସିୟ 1:24

ଆନେଙ୍ଗ୍ ମି କାଜିଙ୍ଗ୍ କଷ୍ଟ ପାୟାଆତିଲେ ୱାରି ଆନାଙ୍ଗା। ଇନେସ୍‌କି ଖ୍ରୀଷ୍ଟ ଗାଗାଡ଼୍ ଲେକେ ମଣ୍ଡ୍‌ଲିତାକେ ଇନାକା ବାକି ମାଚାତ୍, ହେଦାଙ୍ଗ୍ ପୁରା କିଦେଙ୍ଗ୍ ଖ୍ରୀଷ୍ଟ ଇନେସ୍ କଷ୍ଟ ପାୟାଆଜି ମାଚାନ୍, ହେଲେକେ ଆନେଙ୍ଗ୍ ପା ନା ଗାଗାଡ଼୍‌ତ କଷ୍ଟ ପାୟାଆନାଙ୍ଗା।

୨ ତିମଥି 2:12

ଯଦି ଆସେଙ୍ଗ୍ ହେୱାନ୍ କାଜିଙ୍ଗ୍ ସାହାସ୍ ଆସ୍ତି କିନାସ୍, ଲାଗିଙ୍ଗ୍ ହେୱାନ୍ ହୁଦାଙ୍ଗ୍ ପା ରାଜା ଲେକେ ଆଜି ସାସନ୍ କିନାସ୍। ଯଦି ଆସେଙ୍ଗ୍ ହେୱାନିଙ୍ଗ୍ ପୁନୁଙ୍ଗ୍ ଇଞ୍ଜି ୱେଚ୍‌ନାସ୍, ଲାଗିଙ୍ଗ୍ ହେୱାନ୍ ପା ମାଙ୍ଗେଙ୍ଗ୍ ତା ମାନାୟ୍ ଇଞ୍ଜି ୱେଚୁନ୍।

୧ ପିତର 1:13

ହେଦାଙ୍ଗ୍ କାଜିଙ୍ଗ୍ ମାନାୟାର୍ କାମାୟ୍ କିନିହିଙ୍ଗ୍ ମେଙ୍ଗାକାଙ୍ଗ୍ ତୁୱାଲ୍ ଗାଚିଆ ଆନିଲେକେ ମି ମାନ୍‌ତିଙ୍ଗ୍ କିଲେର୍ ଆରେ ଜାର୍‌ତିଙ୍ଗ୍ କଣ୍ଟ୍ରୁଲ୍ କିୟାଟ୍। ଆରେ ଯୀଶୁ ଖ୍ରୀଷ୍ଟ ଆରେରଗ ୱାନି ଦିନ୍‌ତ ଦୟାକିଜି ହିଦ୍‌ନି ଉଦାର୍‌ତିଙ୍ଗ୍ ପାୟାଆନି କାଜିଙ୍ଗ୍ ଆହା କିଜି ମାନାଟ୍।

୧ ପିତର 2:21

ଈଶ୍ୱର ମିଙ୍ଗେଙ୍ଗ୍ ଦୁଃକ୍ କଷ୍ଟ ପାୟାଆତିସ୍ ପା ହାର୍ କାମାୟ୍ କିଦେଙ୍ଗ୍ ତା କାଜିଙ୍ଗ୍ ବାଚି କିତ୍‌ତାନ୍‌ନା। ଇନେସ୍ ଖ୍ରୀଷ୍ଟ ମି କାଜିଙ୍ଗ୍ ଦୁଃକ୍ କଷ୍ଟ ପାୟାଆଜି ମାଚାନ୍, ଏପେଙ୍ଗ୍ ତାଙ୍ଗେଙ୍ଗ୍ ହୁଡ଼୍‌ଜି ହିକାଆଡ, ଲାଗିଙ୍ଗ୍ ଏପେଙ୍ଗ୍ ଖ୍ରୀଷ୍ଟ କିତିଲେକେ କିଦେଙ୍ଗ୍ ଆଡ୍‌ନାଦେର୍।

୧ ପିତର 5:1

ଆନେଙ୍ଗ୍ ରୱାଙ୍ଗ୍ ମି ଲେକେ ମଣ୍ଡ୍‌ଲିନି ପ୍ରାଚିନ୍‌ ଆତାଙ୍ଗ୍‌ନା, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ହିକ୍ଷା ହିଦ୍‌ନାଙ୍ଗା। ବେସି ଆଗେ ଖ୍ରୀଷ୍ଟ ଦୁଃକ୍ କଷ୍ଟ ପାୟାଆନାକା ଆନେଙ୍ଗ୍ ନିଜେ ହୁଡ଼୍‌ତାଙ୍ଗ୍‌ନା, ଆରେ ହେୱାନ୍ ଏଚେପାଦ୍ନା ତା ଗୌରବ ୱିଜାକାରିଙ୍ଗ୍ ଚଚ୍‌ଚେଙ୍ଗ୍ ଆରେରଗ ୱାନାନ୍, ହେପାଦ୍ନା ଆନେଙ୍ଗ୍ ପା ତା ଗୌରବ ପାୟାଆନାଙ୍ଗ୍। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାଙ୍ଗା।

୧ ପିତର 5:10

ଈଶ୍ୱର ମାଙ୍ଗେଙ୍ଗ୍ ଦୟା କିତ୍‌ତି କାଜିଙ୍ଗ୍ ହେୱାନ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ତା ୱିଜୁଦିନ୍ ମାନି ଗୌରବ ମାଙ୍ଗେଙ୍ଗ୍ ହିଦ୍‌ନି କାଜିଙ୍ଗ୍ ବାଚି କିତ୍‌ତାନ୍‌ନା। ଏପେଙ୍ଗ୍ ଅଲପ୍‌ଦିନ୍ ଦୁଃକ୍ କଷ୍ଟ ପାୟାଆତି ପାଚେ ହେୱାନ୍ ମିଙ୍ଗେଙ୍ଗ୍ ଆଦିକ୍ ପାର୍ତି କିଦେଙ୍ଗ୍ ଶାକ୍ତି ହିଦ୍‌ନାନ୍, ଆରେ ହେୱାନ୍ ମିଙ୍ଗେଙ୍ଗ୍ ପୁନି ମାନାୟ୍ କିଦ୍‌ନାନ୍। ଆରେ ହେୱାନ୍ ମି ପାର୍ତିତିଙ୍ଗ୍ ର ଷ୍ଟ୍ରଙ୍ଗ୍ ପାଉଣ୍ଡେସେନ୍‌ଲେକେ କିଦ୍‌ନାନ୍।

ଜିହୁଦା 1:24

ଈଶ୍ୱର ନେ ମିଙ୍ଗେଙ୍ଗ୍ ଉଜ୍‌ଦି ଗୁର୍‌ନିତାଙ୍ଗ୍‌ ଉଦାର୍ କିଦ୍‌ଦେଙ୍ଗ୍ ଆଡ୍‌ନାନ୍। ଆରେ ତା ଗୌରବନି ମୁମ୍‌ଦ ନିଲି କିଦ୍‌ଦେଙ୍ଗ୍ ଏଚେପାଦ୍ନା ହେୱାନ୍ ମିଙ୍ଗେଙ୍ଗ୍ ତାସିୱାଦ୍‌ନାନ୍, ହେପାଦ୍ନା ହେୱାନ୍ ମିଙ୍ଗେଙ୍ଗ୍ ପାପ୍‌ନି ଦସ୍ ହିଲ୍‌ୱି ମାନାୟ୍ ଲେକେ ଆରେ ୱାରି ହିଦ୍‌ଦେଙ୍ଗ୍ ଆଡ଼୍‌ଦାନାନ୍। ମା ମାପୃ ଯୀଶୁ ଖ୍ରୀଷ୍ଟ କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ଉଦାର୍ କିତ୍‌ତାନ୍‌ନା। ଉବ୍‌ଜାଣ୍ ଆତି ଆରମ୍‌ତାଙ୍ଗ୍ ଗୌରବ, ଜୟ୍-ଜୟ୍ କିନାକା, ଶାକ୍ତି ଆରେ ଆଦିକାର୍ ହେୱାନ୍‌ତି, ଆରେ ନଙ୍ଗୟ୍ ପା ହେୱାନ୍‌ତି, ଆରେ ୱିଜ୍‌ୱିଦିନ୍ କାଜିଙ୍ଗ୍ ହେୱାନ୍‌ତି ମାନ୍‌ଗାନାତ୍। ଆମେନ୍।

ହତ୍‌ତି 1:7

ହୁଡ଼ାଟ୍ ହେୱାନ୍ ସରଗ୍‌ତାଙ୍ଗ୍ ବାଦାଡ଼୍ ହୁଦାଙ୍ଗ୍ ମାହାଆଜି ୱାନାନ୍। ଆରେ ୱିଜାକାର୍ ହେୱାନିଙ୍ଗ୍ ହୁଡ଼୍‌ନାର୍, ଆରେ ପା ତାଙ୍ଗେଙ୍ଗ୍ ବାଲା ହୁଦାଙ୍ଗ୍ କୁନ୍ତାକାର୍ ହୁଡ଼୍‌ନାର୍। ଆରେ ଇ ପୁର୍ତିନି ୱିଜୁ ଦେସ୍‌ନି ମାନାୟାର୍ ତା କାଜିଙ୍ଗ୍ ଆଡ଼୍‌ବାନାର୍। ଆମେନ୍।

ହତ୍‌ତି 1:9

ଆନେଙ୍ଗ୍ ଯୋହନ ମି ଟଣ୍ଡେନ୍‌ତଙ୍ଗ୍, ଆନେଙ୍ଗ୍ ଯୀଶୁ ହୁଦାଙ୍ଗ୍ ମାହାଆଜି ମାଚି କାଜିଙ୍ଗ୍ ଆନେଙ୍ଗ୍ ପା ମି ଲେକେ ତା ଦୁଃକ୍ କଷ୍ଟତାକେ, ଈଶ୍ୱର ସାସନ୍ କିନି ରାଜିତାକେ, ଆରେ ୱିଜୁ ସମ୍ବାଲି କିନି ଶାକ୍ତିତାକେ ମାହା ଆତାଙ୍ଗ୍‌ନା। ଆନେଙ୍ଗ୍ ଈଶ୍ୱର ହାର୍ଦିକାବୁର୍ ଆରେ ଖ୍ରୀଷ୍ଟ ୱେଚ୍‌ଚି ସତ୍ କାତାତିଙ୍ଗ୍ ଶୁଣାୟ୍ କିତିଲେ, ଖ୍ରୀଷ୍ଟଙ୍ଗ୍ ବିରଦ୍ କିନି ମାନାୟାର୍ ନାଙ୍ଗେଙ୍ଗ୍ ପାତ୍ମ ତର୍‌ଦି ଦ୍ୱିପ୍‌ତାକେ ବନ୍ଦିକିଜି ମାନ୍‌ଞ୍ଚାର୍।