୧ ପିତର 4:11 - New Testament in Pengo Parja Language

¹¹ ହେଦାଙ୍ଗ୍ ଇଲେକେ, ଯଦି ଈଶ୍ୱର ମିଙ୍ଗେଙ୍ଗ୍ ଶୁଣାୟ୍ କିନି ଦାନ୍ ହିତ୍‌ତାନ୍‌ନା, ଲାଗିଙ୍ଗ୍ ଏପେଙ୍ଗ୍ ଈଶ୍ୱର ହାର୍ଦିକାବୁର୍‌ତିଙ୍ଗ୍ ଶୁଣାୟ୍ କିନି ଦର୍‌କାର୍। ଯଦି ଈଶ୍ୱର ମିଙ୍ଗେଙ୍ଗ୍ ଜେକନିକାରିଙ୍ଗ୍ ସାଇଜ କିଦେଙ୍ଗ୍ ଦାନ୍ ହିତ୍‌ତାନ୍‌ନା, ଲାଗିଙ୍ଗ୍ ଏପେଙ୍ଗ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ହିତ୍‌ତି ୱିଜୁ ଶାକ୍ତିତାଙ୍ଗ୍ ହେଦାଙ୍ଗ୍ କିୟାଟ୍। ଆରେ ଏପେଙ୍ଗ୍ ୱିଜୁ ଜିନିଷ୍ କିତିସ୍ ଖ୍ରୀଷ୍ଟ କାଜିଙ୍ଗ୍ ଈଶ୍ୱର ଗୌରବ ପାୟା ଆନାନ୍, ଇନେସ୍‌କି ୱିଜୁ ଗୌରବ ଆରେ ଶାକ୍ତି ଈଶ୍ୱରତି ଇମ୍‌ଣାକା କି ୱିଜୁଦିନ୍ କାଜିଙ୍ଗ୍ ମାନ୍‌ଗାନାତ୍। ଆମେନ୍।

ସତ୍‌ ବଚନ୍‌ ପୁନି ନିୟମ୍‌

¹¹ ଇନେର୍‌ ଜଦି ସୁଣାୟ୍ କିନାନ୍‌, ବାଟିଙ୍ଗ୍‌ ହେୱାନ୍ ଇସ୍ୱର୍‌ତି ବଚନ୍‌ ସୁଣାୟ୍‌କିନାକାନ୍ ଲାକେ ସୁଣାୟ୍ କିଏନ୍; ଇନେର୍‌ ଜଦି ହେବା କିନାନ୍‌, ବାଟିଙ୍ଗ୍‌ ହେୱାନ୍ ଇସ୍ୱର୍‌ତାଂ ସାକ୍ତିଗାଟାନି ମାନାୟ୍‌ ଲାକେ ହେବା କିଏନ୍, ଇନେସ୍‌ ଜିସୁ କ୍ରିସ୍ଟ ହୁଦାଂ ଇସ୍ୱର୍‌ତି ଜାଜ୍‌ମାଲ୍‌ ଆନାତ୍‌; ଜୁଗ୍‌ ଜୁଗ୍‌ ଜାଜ୍‌ମାଲ୍‌ ଆରି ବାପୁ ହେୱାନ୍ତି । ଆମେନ୍‌ ।

୧ ପିତର 4:11 Iomraidhean Croise

ମାତିଉ 6:13

ଆରେ ମାଙ୍ଗେଙ୍ଗ୍ ଶୟତାନ ପରିକ୍ଷାତାକେ ତାତ୍‌ମା, ମାତର୍ ଶୟତାନନି ପାପ୍ କାମାୟ୍‌ତାଙ୍ଗ୍ ରକ୍ଷା କିଦା। (ହେଲେକେ ନି ରାଜି, ସାକ୍ତି ଆରେ ନି ଜୟ୍-ଜୟ୍ ଯୁଗ୍ ଯୁଗ୍‌ତ ଆୟେତ୍। ଆମେନ୍।)’

ଜହନ୍‌ 13:31

ଈଷ୍କାରିୟତିୟ ଯିହୁଦା ହାଚି ପାଚେ ଯୀଶୁ ୱେଚ୍‌ଚାନ୍, “ନଙ୍ଗୟ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଜୟ୍-ଜୟ୍ ପାୟାଆତାନ୍‌ନା। ଈଶ୍ୱର ପା ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତାଙ୍ଗ୍ ଜୟ୍-ଜୟ୍ ପାୟାଆତାନ୍‌ନା।

ପକ୍ୟାତାକା 7:38

ହେୱାର୍ ଏଚେପାଦ୍ନା ଟାଙ୍ଗ୍ରାବାହାତାକେ ରବେଆଜି ମାଚାର୍, ହେପାଦ୍ନା ଇ ମଶା ମା ଆକଦାଦିର୍ ଭବିଷ୍ଯତବକ୍ତା ମାଚାନ୍। ଈଶ୍ୱର ମଶା ଲାଗାୟ୍ ର ଦୁତ୍‌ତିଙ୍ଗ୍ ପକ୍ତାନ୍, ହେ ଦୁତ୍ ହେୱାନ୍ ହୁଦାଙ୍ଗ୍ ସିନୟ ମାଡ଼ିତାକେ ବେଣ୍‌କିତାନ୍, ଆରେ ମା ନିୟମ୍ ସାସ୍ତର୍ ହେୱାନିଙ୍ଗ୍ ହିତାର୍। ଆରେ ମଶା ମା ଆକଦାଦିରିଙ୍ଗ୍ ହେ ନିୟମ୍ ସାସ୍ତର୍ ହିତ୍‌ତାନ୍। ଈଶ୍ୱର ମଶାଙ୍ଗ୍ ଜିବୁନ୍‌ହିନି କାତାହିତାନ୍‌, ଆରେ ହେୱାନ୍ ମାଙ୍ଗେଙ୍ଗ୍ ହିତ୍‌ତାନ୍‌ନା।

ରୋମିୟ 11:36

ଇନେସ୍‌କି ୱିଜୁ ଜିନିଷ୍ ଈଶ୍ୱରତାଙ୍ଗ୍ ୱାନାତ୍। ହେୱାନ୍ ୱିଜୁ ଜିନିଷ୍ ରସ୍ତାନ୍‌ନା ଆରେ ହେ ୱିଜୁ ଜିନିଷ୍ ତାଦାଙ୍ଗ୍। ହେୱାନ୍ ୱିଜୁଦିନ୍ ସନ୍‌ମାନ୍ ପାୟାଆନି ଦର୍‌କାର୍। ଆମେନ୍।

ରୋମିୟ 12:3

ଈଶ୍ୱର ନାଙ୍ଗେଙ୍ଗ୍ ଦୟାକିଜି ରକାଙ୍ଗ୍ ତା ଡାଣ୍ଡାସି କିଜି ବାଚି କିତାନ୍‌ନା, ଲାଗିଙ୍ଗ୍ ଆନେଙ୍ଗ୍ ୱିଜାକାରିଙ୍ଗ୍ ଜାଗ୍ରତ୍ କିକିନାଙ୍ଗା ଯେ, ଏପେଙ୍ଗ୍ ଗାଜାକାପ୍ ଇଞ୍ଜି ଚଞ୍ଜିଆ ଆମାଟ୍। ମାତର୍ ଈଶ୍ୱର ମିଙ୍ଗେଙ୍ଗ୍ ଏଚେକ୍ ପାର୍ତି କିଦେଙ୍ଗ୍ ହିତ୍‌ତାନ୍‌ନା ଏପେଙ୍ଗ୍ ହେଏଚେକ୍ ତାଙ୍ଗେଙ୍ଗ୍ ପାର୍ତିକିୟାଟ୍। ଇ ବିଷୟତିଙ୍ଗ୍ ମାନ୍ତ ଇଡ଼୍‌ଜି ମାନାଟ୍।

ରୋମିୟ 16:27

ଯୀଶୁ ଖ୍ରୀଷ୍ଟ କାଜିଙ୍ଗ୍ ରକାନ୍ ବୁଦି ମାନି ଈଶ୍ୱରତି ଗୌରବ ଆୟେତ୍। ଆମେନ୍।

ରୋମିୟ 3:2

ଆଁ, ଯିହୁଦି ମାନାୟ୍ ଆନାକା ବେସି ଲାବ୍ ମାନାତ୍। ଇନେସ୍‌କି ଈଶ୍ୱର ହିତ୍‌ତି ଦରମ୍ ସାସ୍ତର୍ ହେୱାର୍‌ତାକେ ମାନାତ୍, ହେଦାଙ୍ଗ୍‌ନେ ହେୱାର୍ କାଜିଙ୍ଗ୍ ବେସି ଗାଜା ଲାବ୍।

୧ କରନ୍ତିୟ 10:31

ଏପେଙ୍ଗ୍ ତିନାଟ୍ କି ଉଣାଟ୍ ଆରେ ଏପେଙ୍ଗ୍ ଇନାକା ପା କିୟାଟ୍, ହେ ୱିଜୁ ଈଶ୍ୱରତିଙ୍ଗ୍ ଗୌରବ କିଦେଙ୍ଗ୍ କିୟାଟ୍।

୧ କରନ୍ତିୟ 12:4

ୱିଜୁ ପର୍‌କାର୍ ଆତ୍ମାନି ଦାନ୍ ମାନାତ୍, ଆରେ ହେ ୱିଜୁ ଦାନ୍ ପବିତ୍ର ଆତ୍ମା ହିଦ୍‌ନାତ୍।

୧ କରନ୍ତିୟ 3:10

ଈଶ୍ୱର ନାଙ୍ଗେଙ୍ଗ୍ ହିଜି ମାନ୍‌ଞ୍ଚି କାମାୟ୍ ବୁଦି ହୁଦାଙ୍ଗ୍ କିତାଙ୍ଗ୍‌ନା। ଆନେଙ୍ଗ୍ ମି ସହର୍‌ତାକେ ହାର୍ଦିକାବୁର୍ ଶୁଣାୟ୍ କିତାଙ୍ଗ୍, ଆରେ ଆନେଙ୍ଗ୍ ମିଙ୍ଗେଙ୍ଗ୍ ପାର୍ତୁମ୍ ଯୀଶୁ ଖ୍ରୀଷ୍ଟଙ୍ଗ୍ ପାର୍ତି କିଦେଙ୍ଗ୍ ସାଇଜ କିଜି ମାନ୍‌ଞ୍ଚାଙ୍ଗ୍। ତାପାଚେ ଖ୍ରୀଷ୍ଟତି କାମାୟ୍ କିନି ମାନାୟାର୍ ମିତାକେ ୱାଜି ଆପେଙ୍ଗ୍ ଆରମ୍ କିତି କାମାୟ୍‌ତିଙ୍ଗ୍ କିନାରା। ମାତର୍ ଇମ୍‌ଣି ମାନାୟାର୍ ଈଶ୍ୱରତି ସତ୍ ହିକ୍ଷା ହିନାରା ହେୱାର୍ ଜାଗ୍ରତ୍ ଆଜି ହିକାୟ୍ କିନି ଦର୍‌କାର୍।

୧ କରନ୍ତିୟ 6:20

ହେୱାନ୍ ମିଙ୍ଗେଙ୍ଗ୍ ବେସି ଦାମ୍ ହିଜି କଡ଼୍‌ଦାତାନ୍‌ନା। ଲାଗିଙ୍ଗ୍ ଏପେଙ୍ଗ୍ ମି ଗାଗାଡ଼୍‌ତାଙ୍ଗ୍ ଈଶ୍ୱରତିଙ୍ଗ୍ ଗୌରବ ହିନି ଦର୍‌କାର୍।

୨ କରନ୍ତିୟ 2:17

ଆରେ ଏପେଙ୍ଗ୍ ପୁଚାଦେର୍‌ନା ଯେ, ଆପେଙ୍ଗ୍ ହେୱାନ୍ ପନି ମାନାୟାର୍‌ଲେକେ ଆକାୟ୍। ଇମ୍‌ଣି ମାନାୟାର୍ ଡାବୁଙ୍ଗ୍ କାଜିଙ୍ଗ୍ ହାର୍ଦିକାବୁର୍ ଶୁଣାୟ୍ କିନାରା, ମାତର୍ ମାଙ୍ଗେଙ୍ଗ୍ ପକ୍ତିତି ଈଶ୍ୱର ଚଚ୍‌ଚାନାନା ଇଞ୍ଜି ପୁନ୍‌ଞ୍ଜି ଆପେଙ୍ଗ୍ ଦରମ୍‌ଆଜି ଖ୍ରୀଷ୍ଟ ଅଦିକାର୍ ହୁଦାଙ୍ଗ୍ ଈଶ୍ୱରତି ହାର୍ଦିକାବୁର୍ ଶୁଣାୟ୍ କିନାପା।

୨ କରନ୍ତିୟ 9:13

ଆରେ ଏପେଙ୍ଗ୍ ପା ମାନାୟାରିଙ୍ଗ୍ ସାଇଜ କିନି କାଜିଙ୍ଗ୍ ଡାବୁଙ୍ଗ୍ ହିଜି ଈଶ୍ୱରତିଙ୍ଗ୍ ଗୌରବ କିନାଦେର୍, ଇନେସ୍‌କି ଏପେଙ୍ଗ୍ ଖ୍ରୀଷ୍ଟତି ହାର୍ଦିକାବୁର୍‌ତିଙ୍ଗ୍ ସତ୍ ଇଞ୍ଜି ଇନାଦେରା ଆରେ ଏପେଙ୍ଗ୍ ନିଜେ ୱେଚ୍‌ଚି କାତାତିଙ୍ଗ୍ ମାନି କିନାଦେରା।

ଏପିସିୟ 1:19

ଆସେଙ୍ଗ୍ ଖ୍ରୀଷ୍ଟତାକେ ପାର୍ତିକିନି ମାନାୟାର୍ କାଜିଙ୍ଗ୍ ଈଶ୍ୱର ଇଡ଼୍‌ତି ଗାଜା ଆରେ ବେସି ଶାକ୍ତି ବିଷୟରେ ଏପେଙ୍ଗ୍ ପୁନାଟ୍ ଇଞ୍ଜି ଆନେଙ୍ଗ୍ ପାର୍ତାନା କିନାଙ୍ଗା।

ଏପିସିୟ 4:29

ମି ୱେଇଦାଙ୍ଗ୍ ଇମ୍‌ଣି ପର୍‌କାର୍ କରାପ୍ କାତା ୱେଚ୍‌ମାଟ୍। ମାତର୍ ମି ବେଣ୍ ୱେନି ମାନାୟାର୍ ଇନେସ୍ ସାହାସ୍ ପାୟାଆନାର୍‌, ଇଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଇନାକା ପା ୱେଚାଟ୍ ହାର୍ ଆରେ ସାଇଜନି କାତା ୱେଚାଟ୍।

ଏପିସିୟ 5:20

ୱିଜୁଦିନ୍ ୱିଜୁ ବିଷୟରେ ମା ମାପୃ ଯୀଶୁ ଖ୍ରୀଷ୍ଟ ତର୍‍ଦାଙ୍ଗ୍ ଆବା ଈଶ୍ୱରତିଙ୍ଗ୍ ଦନ୍ଯବାଦ୍ ହିୟାଟ୍।

ଏପିସିୟ 6:10

ସେସ୍ କାତା ଇଦାଙ୍ଗ୍, ମାପୃତାଙ୍ଗ୍ ଶାକ୍ତି ପାୟାଆଜି ତା ଶାକ୍ତିତାଙ୍ଗ୍ ବାଡ଼୍‌କାସ୍ ଆଡ।

ପିଲିପିୟ 1:11

ମାର୍ ଇନେସ୍ ପାଡ଼୍‌ ଆହ୍‌ନାତ୍ ଏପେଙ୍ଗ୍ ପା ଯୀଶୁ ଖ୍ରୀଷ୍ଟ ସାଇଜତାଙ୍ଗ୍ ଦରମ୍ କାମାୟ୍ କିନାଦେର୍। ଏଲେଙ୍ଗ୍ ଆତିସ୍ ମାନାୟାର୍ ଈଶ୍ୱରତିଙ୍ଗ୍ ସନ୍‌ମାନ୍ ଆରେ ଜୟ୍-ଜୟ୍ କିନାର୍।

ପିଲିପିୟ 2:11

ଆରେ ୱିଜାକାର୍ ଯୀଶୁ ଖ୍ରୀଷ୍ଟ ମାପୃ ଇଞ୍ଜି ୱେଚ୍‌ନାର୍, ଆରେ ଆବା ଈଶ୍ୱରତିଙ୍ଗ୍ ଗୌରବ କିନାର୍।

କଲସିୟ 4:6

ହେୱାର୍ ହୁଦାଙ୍ଗ୍ ହାର୍‌ଦାଙ୍ଗ୍ କାତାବାର୍ତା କିୟାଟ୍, ଆରେ ହେୱାରିଙ୍ଗ୍ ମାନ୍ତ ହାଚି ଲେକେ କାତା ଆଡ। ଲାଗିଙ୍ଗ୍ ଏପେଙ୍ଗ୍ ଇନାକା ପାର୍ତି କିତାଦେର୍‌ନା ହେ ବିଷୟରେ ଏଚେପାଦ୍ନା ମିଙ୍ଗେଙ୍ଗ୍ ପ୍ରଶ୍ନ ୱେନ୍‌ବା ଆଦ୍‌ନାର୍, ଏପେଙ୍ଗ୍ ହାର୍‌ଦାଙ୍ଗ୍ ଉତର୍ ହିଦେଙ୍ଗ୍ ଆଡ୍‌ନାଦେର୍।

୧ ଥେସଲନୀକିୟ 2:4

ଈଶ୍ୱର ମାଙ୍ଗେଙ୍ଗ୍ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ଟିକ୍ ମାନାୟ୍ ଇଞ୍ଜି ବାଚି କିତ୍‌ତାନ୍‌ନା। ହେଲେକେ ଆପେଙ୍ଗ୍ ଶୁଣାୟ୍ କିନାପା। ଆପେଙ୍ଗ୍ ମାନାୟାରିଙ୍ଗ୍ ସାର୍‌ଦା କିନି କାଜିଙ୍ଗ୍ ହାର୍ଦିକାବୁର୍ ଶୁଣାୟ୍ କିଉପା, ମାତର୍ ମା ଈଶ୍ୱରତିଙ୍ଗ୍ ସାର୍‌ଦା କିନି କାଜିଙ୍ଗ୍ କିନାପା। ଇନେସ୍‌କି ହେୱାନ୍ ମା ଗରବ୍‌ନି ଇଚାତାଙ୍ଗ୍ ପରିକ୍ଷା କିଦ୍‌ନାନ୍।

୧ ତିମତି 1:17

ଇମ୍‌ଣି ରାଜା ୱିଜ୍‌ୱି ଜିବୁନ୍ ପାତେକ୍ ସାସନ୍ କିନାନ୍, ହେୱାନ୍ ୱିଜୁଦିନ୍ ମାନ୍‌ଗାନାନ୍ ଆରେ ଇନେର୍ ପା ହେୱାନିଙ୍ଗ୍ ହୁଡ଼୍‌ଦେଙ୍ଗ୍ ଆଡୁର୍, ହେୱାନ୍ ନେ ରକାନ୍ ସତ୍ ଈଶ୍ୱର। ହେୱାନିଙ୍ଗ୍ ସନ୍‌ମାନ୍ ଆରେ ଗୌରବ ଆୟେତ୍। ଆମେନ୍।

୧ ତିମତି 6:16

ହେୱାନ୍ ରକାନ୍ ଇନାୱେଡ଼ାଙ୍ଗ୍ ପା ହାଃଉନ୍, ଆରେ ହେୱାନ୍ ବେସି ଅଜଡ଼୍‌ତାକେ ମାନାନ୍ ଆରେ ତା ଲାଗାୟ୍ ଇନେର୍ ପା ହାଞ୍ଜେଙ୍ଗ୍ ଆଡୁର୍। ହେୱାନିଙ୍ଗ୍ ଇନେର୍ ପା ହୁଡ଼୍‌ୱାତାର୍‌ନା କି ହୁଡ଼୍‌ଦେଙ୍ଗ୍ ଆଡୁର୍, ମାନାୟାର୍ ହେୱାନିଙ୍ଗ୍ ସନ୍‌ମାନ୍ ହିନାର୍, ଆରେ ହେୱାନ୍ ୱିଜୁଦିନ୍ ଶାକ୍ତି ମାନ୍‌ଗାନାନ୍।

ତୀତସ 2:1

ମାତର୍ ଏନେଙ୍ଗ୍ ତିତସ, ସତ୍ ହିକ୍ଷା ହୁଦାଙ୍ଗ୍ ଇନାକା ହାର୍ ହେଦାଙ୍ଗ୍ ଏପେଙ୍ଗ୍ ପାର୍ତି କିନାକାରିଙ୍ଗ୍ ହିକ୍ଷା ହିୟାଟ୍।

ତୀତସ 2:15

ଇ ୱିଜୁ ବିଷୟ କ୍ରୀତି ଦୀପ୍‌ତାକେ ମାନି ପାର୍ତି କିନାକାରିଙ୍ଗ୍ ହିକ୍ଷା ହିୟାଟ୍। ଏପେଙ୍ଗ୍ ହେୱାରିଙ୍ଗ୍ ପୁରା ଆଦିକାର୍ ହୁଦାଙ୍ଗ୍ ସାହାସ୍ ହିୟାଟ୍ ଆରେ ହେୱାରିଙ୍ଗ୍ ଟିକ୍ କିୟାଟ୍, ଏପେଙ୍ଗ୍ ଇମ୍‌ଣି ହିକ୍ଷା ହିନାଦେର୍ ହେ ହିକ୍ଷାତିଙ୍ଗ୍ ଇନେର୍ ପା ଗିଣ୍ କିଦ୍‌ମେର୍।

ଏବ୍ରି 13:7

ଇମ୍‌ଣାକାର୍ ମିଙ୍ଗେଙ୍ଗ୍ ଈଶ୍ୱର କାତା ୱେଚ୍‌ଚି ମାନ୍‌ଞ୍ଚାର୍, ହେ ନେତାରିଙ୍ଗ୍ ମାନ୍ତ ଏତୁକିୟାଟ୍। ହେୱାର୍ ଜିବୁନ୍‌ତାକେ ମାନି ହାର୍ଦି ଗୁଣ୍ ବିଷୟରେ ଚିନ୍ତା କିୟାଟ୍ ଆରେ ହେୱାର୍ ୱେଚ୍‌ଚିତି ଲେକେ ମାପୃତାକେ ପାର୍ତିକିୟାଟ୍।

ଏବ୍ରି 5:12

ଏପେଙ୍ଗ୍ ବେସି ଦିନ୍‌ନି ଖ୍ରୀଷ୍ଟାନ୍ ମାନାୟ୍ କାଦେର୍, ଆରେ ଏପେଙ୍ଗ୍ ଜେକନିକାରିଙ୍ଗ୍ ହିକ୍ଷାହିନି ଦର୍‌କାର୍ ମାଚାତ୍। ମାତର୍ ମିଙ୍ଗେଙ୍ଗ୍ ଈଶ୍ୱର କାତାନି ମୁଡ଼୍ ବିଷୟ ଆରେରଗ ହିକାଇ କିଦ୍‌ଦେଙ୍ଗ୍ ଆରେ ରକାନ୍ ମାଷ୍ଟେର୍ ଦର୍‌କାର୍ ଆଦ୍‌ନାତା। ହିରୁ ହିମ୍‌ଣା ଇନେସ୍ କାଦି ଚିଞ୍ଜେଙ୍ଗ୍ ଆଡ୍‌ୱାଦାଙ୍ଗ୍ ମାଁୟ୍ ଉଣ୍‌ଜି ମାନାନ୍, ହେଲେକେ ଏପେଙ୍ଗ୍ ହିରୁ ହିମ୍‌ଣା ଆତାଦେର୍‌ନା।

ଜାକ୍‌ବ 1:19

ଏ ନା ପାର୍ତିକିନି ଟଣ୍ଡାର୍‌କାଦେର୍, ଇଦାଙ୍ଗ୍ ଏପେଙ୍ଗ୍ ପୁନ୍‌ଞ୍ଜି ମାନାଟ୍ ଯେ, ୱିଜାକାଦେର୍ ୱେନି କାଜିଙ୍ଗ୍ ବେସି ଇଚା କିୟାଟ୍, ମାତର୍ ୱେଚ୍‌ଚେଙ୍ଗ୍ ଆରେ ରିସା ଆଦେଙ୍ଗ୍ ଦିରେ ଆଡ।

ଜାକ୍‌ବ 1:26

ଇମ୍‌ଣାକାନ୍ ଦରମ୍ ମାନାୟ୍ ଇଞ୍ଜି ଚଚିୟା ଆନାନ୍, ମାତର୍ ହେୱାନ୍ ୱେଚ୍‌ନି କରାପ୍ କାତା ୱେଚ୍‌ନି ୱେନ୍ଦୁଲ୍‌ତିଙ୍ଗ୍ କଣ୍ଟ୍ରୁଲ୍ କିଉନ୍। ଲାଗିଙ୍ଗ୍ ହେୱାନ୍ ନିଜେ ଟକାଇ କିୟି ଆନାନା ଆରେ ହେୱାନ୍ ନିଜେ ଦରମ୍ ଜିବୁନ୍ କାଟି କିନାକା ବେକାରେ ଆନାତ୍।

୧ ପିତର 2:12

ଈଶ୍ୱରତିଙ୍ଗ୍ ପୁନ୍‌ୱିତି ମାନାୟାର୍ ମି ଚାରିବେଣ୍‌ତାଙ୍ଗ୍ ମାନାର୍, ଆରେ ହେୱାର୍ ମିଙ୍ଗେଙ୍ଗ୍ ବୁଲ୍ କାମାୟ୍ କିନାରା ଇଞ୍ଜି ବିରଦ୍ କିଦେଙ୍ଗ୍ ଆଡ୍‌ନାର୍। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ହାର୍ ଜିବୁନ୍ କାଟିକିନି ଦର୍‌କାର୍, ଲାଗିଙ୍ଗ୍ ହେୱାର୍ ମି ହାର୍ କାମାୟ୍ ହୁଡ଼୍‌ଜି ଈଶ୍ୱରତିଙ୍ଗ୍ ଗୌରବ ହିନାର୍, ଏଚେପାଦ୍ନା ଯୀଶୁ ଖ୍ରୀଷ୍ଟ ପୁର୍ତିତାକେ ଆରେରଗ ବିଚାର୍ କିଦେଙ୍ଗ୍ ୱାନାନ୍।

୧ ପିତର 4:10

ୱିଜାର୍ ମାନାୟାରିଙ୍ଗ୍ ଈଶ୍ୱର ଦୟାକିଜି ରଞ୍ଜି-ରଞ୍ଜି ଦାନ୍ ହିତ୍‌ତାନ୍‌ନା, ଆରେ ଜେକନିକାରିଙ୍ଗ୍ ସାଇଜ କିଦେଙ୍ଗ୍ ହେ ଦାନ୍‌ତିଙ୍ଗ୍ ବ୍ୟବହାର୍ କିୟାଟ୍। ହେୱାର୍ ଈଶ୍ୱର ହାର୍ ଦାସ୍ ଆଜିମାଚି କାଜିଙ୍ଗ୍ ଈଶ୍ୱର ହିତ୍‌ତି ୱିଜୁ ଦାନ୍‌ତିଙ୍ଗ୍ ହାର୍ କିଜି ବ୍ୟବହାର୍ କିନି ଦର୍‌କାର୍।

୧ ପିତର 4:16

ମାତର୍ ଖ୍ରୀଷ୍ଟାନ୍ ଆତି କାଜିଙ୍ଗ୍ ଦୁଃକ୍ କଷ୍ଟ ପାୟାଆନାକା ଲାଜ୍ ଆକାୟ୍, ଏପେଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିୟାଟ୍ ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ବାଚି କିତ୍‌ତାନ୍‌ନା।

୧ ପିତର 5:11

ଈଶ୍ୱର ୱିଜୁଦିନ୍ ସନ୍‌ମାନ୍ ପାୟାଆନି ଅଦିକାର୍ ମାନାତ୍, ଇନେସ୍‌କି ତା ଶାକ୍ତି ଇନାୱେଡ଼ାଙ୍ଗ୍ ପା ୱିଜୁତ୍। ଆମେନ୍।