୧ ପିତର 3:9 - New Testament in Pengo Parja Language

⁹ ଯଦି ମି ବିରୁଦ୍‌ତାକେ ଇନେର୍ ମି ଜିନିଷ୍‌ତିଙ୍ଗ୍ ନଷ୍ଟ କିନାନ୍, ଲାଗିଙ୍ଗ୍ ଏପେଙ୍ଗ୍ ତା ଜିନିଷ୍‌ତିଙ୍ଗ୍ ଉଲ୍‌ଟା ନଷ୍ଟ କିମାଟ୍, ଆରେ ଇନେର୍ ଯଦି ମିଙ୍ଗେଙ୍ଗ୍ ଇନସ୍ତା କିଦ୍‌ନାନ୍ ଆରେ ଏପେଙ୍ଗ୍ ତାଙ୍ଗେଙ୍ଗ୍ ଉଲ୍‌ଟା ଇନସ୍ତା କିମାଟ୍। ମାତର୍ ଏପେଙ୍ଗ୍ ହେୱାରିଙ୍ଗ୍ ଆଶ୍ରିବାଦ୍ କିୟାଟ୍, ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ବାଚି କିତ୍‌ତାନ୍‌ନା, ଯଦି ଏପେଙ୍ଗ୍ ହେଲେକେ କିନାଦେର୍ ଈଶ୍ୱର ମିଙ୍ଗେଙ୍ଗ୍ ଆଶ୍ରିବାଦ୍ କିଦ୍‌ନାନ୍।

ସତ୍‌ ବଚନ୍‌ ପୁନି ନିୟମ୍‌

⁹ ନସ୍ଟ ବାଦୁଲ୍‌ ନସ୍ଟ କି ନିନ୍ଦା ବାଦୁଲ୍‌ ନିନ୍ଦା କିୱାଦାଂ ବିନ୍‌ ପାକ୍ୟାତ ନଲେ ଆସିର୍ବାଦ୍‌ କିୟାଟ୍‌, ଇନେକିଦେଂକି ଏପେଙ୍ଗ୍‌ ଇନେସ୍‌ ଆସିର୍ବାଦ୍‌ନି ଆଦିକାର୍‌ ଆନାଦେର୍‌, ଇଦାଂ କାଜିଂ କୁକ୍ୟାତାଦେର୍ଣ୍ଣା ।

୧ ପିତର 3:9 Iomraidhean Croise

ମାତିଉ 19:29

ଆରେ ଇନେର୍ ପା ନା ତର୍‍ଦାଙ୍ଗ୍ ତା ଇଲ୍‌ଗାଣ୍, ଟଣ୍ଡେନ୍, ତଣ୍‌ଦେହିଙ୍ଗ୍, ଆୟାଆବାରିଙ୍ଗ୍, ହିମ୍‌ଣାୱାକ୍‌ଡ଼ା, ଆରେ ଜମିବାଡ଼ିତିଙ୍ଗ୍ ପିସ୍ତି ନା ପାଚେ ୱାଜି ନା ହାର୍ଦିକାବୁର୍ ୱେଚ୍‌ଚି ବୁଲାଆନାନ୍। ହେୱାନ୍ ୱିଜୁ ଗୁଣ୍ ପାୟଆନାନ୍। ଆରେ ୱିଜ୍‌ୱି ଜିବୁନ୍ ପାୟା ଆନାନ୍।

ମାତିଉ 25:34

ଆନେଙ୍ଗ୍ ରାଜା ତା ତିନାବାଗାୟ୍ ମାନି ମାନାୟାରିଙ୍ଗ୍ ୱେଚ୍‌ନାଙ୍ଗ୍, ୱାଡ ନା ସରଗ୍‌ନି ଆବା ମିଙ୍ଗେଙ୍ଗ୍ ଆଶ୍ରିବାଦ୍ କିତ୍‌ତାନ୍‌ନା। ଈଶ୍ୱର ମିଙ୍ଗେଙ୍ଗ୍ ଇମ୍‌ଣି ରାଜି ହିଦ୍‌ଦେଙ୍ଗ୍ ଇଚା କିତ୍‌ତାନ୍‌ନା। ହେଦାଙ୍ଗ୍ ଏପେଙ୍ଗ୍ ପାୟାଆଡୁ। ପୁର୍ତି ଉବ୍‌ଜା ଆନି ପାଦ୍ନା ମି କାଜିଙ୍ଗ୍ ହେ ରାଜି ରହିଆତାତ୍‌ନା।

ମାତିଉ 5:39

ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ଶୟତାନ ମାନାୟ୍ ଲଗାଙ୍ଗ୍ ଟେବାଇ କିମାଟ୍, ମାତର୍ ଇନେର୍ ପା ମି ତିନି କୁର୍‌ୱାତ ଚାପ୍ଡ଼ା ଇଡ଼୍‌ଦାନାର୍, ହେୱାନିଙ୍ଗ୍ ଆରେ ର କୁର୍‌ୱା ପା ଚଚ୍‌ଚି ହିୟାଟ୍।

ମାତିଉ 5:44

ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ଏପେଙ୍ଗ୍ ମି ଶାତ୍ରୁରିଙ୍ଗ୍ ଲାଡ୍ କିୟାଟ୍। ଆରେ ଇମ୍‌ଣାକାର୍ ମିଙ୍ଗେଙ୍ଗ୍ ଦୁଃକ୍ କଷ୍ଟ ହିଦ୍‌ନାର୍ ହେୱାର୍ କାଜିଙ୍ଗ୍ ଏପେଙ୍ଗ୍ ପାର୍ତାନା କିୟାଟ୍।

ମାର୍କ 10:17

ଯୀଶୁ ଆରେ ତା ଚେଲାହିର୍ ଆରେରଗ ହାନିହିଙ୍ଗ୍, ରକାନ୍ ହନ୍‍ଚି ୱାତାନ୍, ଆରେ ତା କାଲ୍ ତାରେନ୍ ମେଣ୍ଡାକୁନ୍ଦିକିଜି ଯୀଶୁଙ୍ଗ୍ ୱେନ୍‌ବାତାନ୍, “ଏ ହାର୍ଦି ଗୁରୁ, ୱିଜ୍‌ୱି ଜିବୁନ୍ ପାଇକିଦେଙ୍ଗ୍ ଆନେଙ୍ଗ୍ ଇନାକା କିଦେଙ୍ଗ୍ ଆନାତ୍?”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 10:25

ରଦିନ୍ ଯୀଶୁ ମାନାୟାରିଙ୍ଗ୍ ହିକ୍ଷାହିଜି ମାଚାନ୍। ତାପାଚେ ରକାନ୍ ପଣ୍ଡିତ୍‌ ୱାଜି ନିଲ୍‌ତାନ୍। ହେୱାନ୍ ଯୀଶୁଙ୍ଗ୍ ପରିକ୍ଷା କିଦେଙ୍ଗ୍ ୱେନ୍‌ବାତାନ୍, “ଏ ଗୁରୁ, ୱିଜ୍‌ୱି ଜିବୁନ୍ ପାଇକିଦେଙ୍ଗ୍ ଆନେଙ୍ଗ୍ ଇନାକା କିଦେଙ୍ଗ୍ ଆନାତ୍?”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:18

ଦିନେକ୍ ରକାନ୍ ଯିହୁଦିର୍ ମୁଡ଼୍‌ଦାକାନ୍ ଯୀଶୁଙ୍ଗ୍ ୱେନ୍‌ବାତାନ୍, “ଏ ସତ୍ ଗୁରୁ! ୱିଜ୍‌ୱି ଜିବୁନ୍ ପାଇକିଦେଙ୍ଗ୍ ଆନେଙ୍ଗ୍ ଇନାକା କିଦେଙ୍ଗ୍ ଆନାତ୍?”

ରୋମିୟ 12:14

ଏପେଙ୍ଗ୍ ଖ୍ରୀଷ୍ଟାନ୍ କାଦେର୍, ଯଦି ମାନାୟାର୍ ମିଙ୍ଗେଙ୍ଗ୍ ଦୁଃକ୍ କଷ୍ଟ ହିଦ୍‌ନାର୍, ଲାଗିଙ୍ଗ୍ ଏପେଙ୍ଗ୍ ହେୱାରିଙ୍ଗ୍ ଅବିଶାପ୍ ହିମାଟ୍, ମାତର୍ ହେୱାର୍ କାଜିଙ୍ଗ୍ ଈଶ୍ୱରତାକେ ପାର୍ତାନା କିୟାଟ୍।

ରୋମିୟ 12:17

ମି ବିରଦ୍‌ତାଙ୍ଗ୍ ଇମ୍‌ଣି ମାନାୟ୍ ପା କରାପ୍ କାମାୟ୍ କିନାନ୍, ଲାଗିଙ୍ଗ୍ ଏପେଙ୍ଗ୍ ଲେଉଟା ଆଜି ତା ବିରଦ୍‌ତାକେ କରାପ୍ କାମାୟ୍ କିମାଟ୍। ମାତର୍ ଇଲେକେ ହାର୍ କାମାୟ୍ କିୟାଟ୍ ଯେ, ୱିଜାକାର୍ ମି କାମାୟ୍‌ତିଙ୍ଗ୍ ହୁଡ଼୍‌ଜି ମିଙ୍ଗେଙ୍ଗ୍ ସନ୍‌ମାନ୍ ହିଦ୍‌ନାର୍।

ରୋମିୟ 8:28

ଆସେଙ୍ଗ୍ ପୁଚାସ୍‌ନା ଯେ, ଈଶ୍ୱର ୱିଜୁ ଜିନିଷ୍‌ତିଙ୍ଗ୍ ହାର୍ କିଜି ସେସ୍ କିୟିକିନାତ୍, ଏଚେଜାଣ୍ ହେୱାନିଙ୍ଗ୍ ଲାଡ୍ କିନାରା ଆରେ ହେୱାନ୍ ତା କାମାୟ୍ କାଜିଙ୍ଗ୍ ହେୱାରିଙ୍ଗ୍ ବାଚି କିତାନ୍‌ନା।

ରୋମିୟ 8:30

ହେୱାନ୍ ହେୱାରିଙ୍ଗ୍ ଆଗେ ବାଚିକିଜି ମାଚିଲେ ତାବେ ହାଞ୍ଜେଙ୍ଗ୍ ହେୱାରିଙ୍ଗ୍ ହିର୍‌ବାତାନ୍‌ନା, ଏଚେଜାଣ୍‌ତିଙ୍ଗ୍ ହିର୍‌ବାଆତ୍‌ତାନ୍‌ନା ହେୱାରିଙ୍ଗ୍ ତା ଆଗେ ଦରମ୍ ମାନାୟ୍ କିତାନ୍, ଆରେ ହେୱାନ୍ ତା ଗୌରବ ପା ହିନି କାଜିଙ୍ଗ୍ ପାର୍ମାଣ୍ କିତାନ୍‌ନା।

ଗାଲାତିୟ 3:14

ଖ୍ରୀଷ୍ଟତି ଇ କାମାୟ୍ କାଜିଙ୍ଗ୍, ଈଶ୍ୱର ଅବ୍ରାହାମତିଙ୍ଗ୍ କିଜିମାଚି ମାର୍ମାଣ୍‌ନି ହାମାନ୍ ଆଶ୍ରିବାଦ୍ ବିନ୍‌ଜାତିନି ମାନାୟାରିଙ୍ଗ୍ ହିତାନ୍। ଖ୍ରୀଷ୍ଟତାକେ ପାର୍ତିକିନି କାଜିଙ୍ଗ୍ ଈଶ୍ୱର ପାର୍ମାଣ୍‌କିତି ପବିତ୍ର ଆତ୍ମାତିଙ୍ଗ୍ ମାଙ୍ଗେଙ୍ଗ୍ ହିତ୍‌ତାନ୍‌ନା।

ଏପିସିୟ 4:32

ଆରେ ଏପେଙ୍ଗ୍ ଜାର୍-ଜାର୍‌ତିଙ୍ଗ୍ ସାଇଜ କିୟାଟ୍ ଆରେ ଦୟା ଚଚାଟ୍। ଆରେ ଖ୍ରୀଷ୍ଟତାକେ ରବେ ଆତି କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ଇନେସ୍ କେମା କିତ୍‌ତାନ୍‌ନା, ହେଲେକେ ଜାର୍-ଜାର୍‌ତିଙ୍ଗ୍ କେମା କିୟାଟ୍।

୧ ଥେସଲନୀକିୟ 5:15

ଆନେଙ୍ଗ୍ ମିଙ୍ଗେଙ୍ଗ୍ ଜାଗ୍ରତ୍ ଆଦେଙ୍ଗ୍ ୱେଚ୍‌ଚାନାଙ୍ଗା, ଏପେଙ୍ଗ୍ ଅନ୍ୟାୟ୍ ବାଦୁଲ୍‌ରେ ଅନ୍ୟାୟ୍ କିମାଟ୍। ମାତର୍ ଏପେଙ୍ଗ୍ ୱିଜୁଦିନ୍ ଜାର୍-ଜାର୍ କାଜିଙ୍ଗ୍ ଆରେ ୱିଜାର୍ କାଜିଙ୍ଗ୍ ହାର୍ କାମାୟ୍ କିଦେଙ୍ଗ୍ ଉପାୟ୍ କିୟାଟ୍।

ଏବ୍ରି 12:17

ତାପାଚେ ଲାତ୍ରାହିତାଙ୍ଗ୍ ଏଷୌ ଆଶ୍ରିବାଦ୍ ପାୟା ଆଦେଙ୍ଗ୍ ଇଚା କିଜି ମାଚାନ୍, ମାତର୍ ହେୱାନ୍ ପାୟା ଆଦେଙ୍ଗ୍ ଆଡ୍‌ୱାଦାଙ୍ଗ୍ ମାଚାନ୍। ହେୱାନ୍ ବାବିକିଜି ବେସି ଆଡ଼୍‌ବିତି ପାଚେ ପା ହେୱାନ୍ ଆରେ ସୁଯଗ୍ ପାୟାଆୱାତାନ୍।

ଏବ୍ରି 6:14

“ଆନେଙ୍ଗ୍ ହାତ୍‌ପା ନିଙ୍ଗେଙ୍ଗ୍ ଆଶ୍ରିବାଦ୍ କିଦ୍‌ନାଙ୍ଗ୍ ଆରେ ଆନେଙ୍ଗ୍ ମି ଲାତ୍ରାତିଙ୍ଗ୍ ଗାଣାକିୟା ଆୱିଲେକେ ବେସି କିନାଙ୍ଗ୍।”

୧ ପିତର 5:10

ଈଶ୍ୱର ମାଙ୍ଗେଙ୍ଗ୍ ଦୟା କିତ୍‌ତି କାଜିଙ୍ଗ୍ ହେୱାନ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ତା ୱିଜୁଦିନ୍ ମାନି ଗୌରବ ମାଙ୍ଗେଙ୍ଗ୍ ହିଦ୍‌ନି କାଜିଙ୍ଗ୍ ବାଚି କିତ୍‌ତାନ୍‌ନା। ଏପେଙ୍ଗ୍ ଅଲପ୍‌ଦିନ୍ ଦୁଃକ୍ କଷ୍ଟ ପାୟାଆତି ପାଚେ ହେୱାନ୍ ମିଙ୍ଗେଙ୍ଗ୍ ଆଦିକ୍ ପାର୍ତି କିଦେଙ୍ଗ୍ ଶାକ୍ତି ହିଦ୍‌ନାନ୍, ଆରେ ହେୱାନ୍ ମିଙ୍ଗେଙ୍ଗ୍ ପୁନି ମାନାୟ୍ କିଦ୍‌ନାନ୍। ଆରେ ହେୱାନ୍ ମି ପାର୍ତିତିଙ୍ଗ୍ ର ଷ୍ଟ୍ରଙ୍ଗ୍ ପାଉଣ୍ଡେସେନ୍‌ଲେକେ କିଦ୍‌ନାନ୍।