୧ ପିତର 3:8 - New Testament in Pengo Parja Language

⁸ ସେସ୍ ୱେଡ଼ାଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଯେ, ୱିଜାକାଦେର୍ ର ମାନ୍ କିନି ଦର୍‌କାର୍। ଏପେଙ୍ଗ୍ ଜାର୍-ଜାର୍ କାଜିଙ୍ଗ୍ କାନିକରମ୍‌ ଆନି ଦର୍‌କାର୍ ଆରେ ର କୁଟୁମ୍‌ନି ମାନାୟାର୍‌ଲେକେ ଜାର୍-ଜାର୍‌ବିତ୍ରେ ଲାଡ୍ କିୟାଟ୍, ଏପେଙ୍ଗ୍ ଜାର୍-ଜାର୍‌ବିତ୍ରେ ଦୟା କିୟାଟ୍ ଆରେ ଦରମ୍ ଆଡ।

ସତ୍‌ ବଚନ୍‌ ପୁନି ନିୟମ୍‌

⁸ ହାରିହାରା କାତା ଇଦାଂ, ଏପେଙ୍ଗ୍‌ ୱିଜ଼ାଦେର୍ ରମାନ୍, ହାରି ସୁକ୍‌ଦୁକ୍‌ତ ସମାନ୍‍ ବଗ୍‌, ଟଣ୍ଡେନ୍‍ଲାଡ୍‌ତ ଜିଉନନାକା, କଁଆଣ୍‌ ମାନ୍‌ ଆରି ହୁଦାର୍‌ ମାନ୍ ଆଡୁ;

୧ ପିତର 3:8 Iomraidhean Croise

ମାତିଉ 18:33

ଆନେଙ୍ଗ୍ ଇନେସ୍ ନି ଋଣ୍‌ତିଙ୍ଗ୍ ଦୟା କିତ୍‌ତାଙ୍ଗ୍ ଏନେଙ୍ଗ୍ ପା ହେଲେକେନେ ନି ହାଙ୍ଗ୍‌ଦାକାର୍ ଋଣ୍‌ତିଙ୍ଗ୍ ଦୟା କିନାକା ମାଚାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 10:33

ତାପାଚେ ଶମିରଣିୟ ଦେସ୍‌ନି ରକାନ୍ ମାନାୟ୍ ହେ ହାଜ୍‌ଦିଙ୍ଗ୍ ହେ ବାହାତାକେ ୱାତାନ୍। ହେୱାନ୍ ହେୱାନିଙ୍ଗ୍ ହୁଡ଼୍‌ଜି ଦୟା କିତାନ୍।

ପକ୍ୟାତାକା 2:1

ଯିହୁଦି ଜାତିର୍ ପେଣ୍ଟିକଷ୍ଟ ପାର୍ବୁ ୱାତାତ୍, ଲାଗିଙ୍ଗ୍ ହେୱାର୍ ୱିଜୁ ଚେଲାହିର୍ ଯିରୁଶାଲାମ୍ ସହର୍‌ନି ର ବାହାତାକେ ରବେ ରୁଣ୍ଡାଆତାର୍।

ପକ୍ୟାତାକା 27:3

ଆର୍‌କାତ୍ ନାଞ୍ଜିଙ୍ଗ୍ ଆପେଙ୍ଗ୍ ସିଦନ୍‌ ସହର୍‌ତାକେ ଇକାତାପ୍। ଯୁଲିଅ ପାଉଲତିଙ୍ଗ୍ ଦରମ୍ କିତାନ୍, ଆରେ ହେୱାନିଙ୍ଗ୍ ଦର୍‌କାର୍‌ଆନି ଜିନିଷ୍ ତାହିୱାଦେଙ୍ଗ୍ ହେ ସହର୍‌ତାକେ ମାନି ପାଉଲ ହାଙ୍ଗ୍‌ଦାକାର୍ ଲାଗାୟ୍ ହାଞ୍ଜେଙ୍ଗ୍ ୱେଚ୍‌ଚାନ୍।

ପକ୍ୟାତାକା 28:7

ହେ ଦ୍ୱିପ୍‌ନି କାଣ୍ଡି ଲାଗାୟ୍ ପୁବ୍ଲିୟ ତର୍‍ଦାକାନ୍ ଇଲ୍ ଆରେ ଜମି ମାଚାତ୍, ହେୱାନ୍ ହେ ଦ୍ୱିପ୍‌ନି ମୁକ୍ୟା ମାଚାନ୍। ହେୱାନ୍ ମାଙ୍ଗେଙ୍ଗ୍ ତାଞ୍ଜ କୁକ୍‌ଚି ଅତ୍‌ତାନ୍ ଆରେ ତିନ୍‌ଦିନ୍ ପାତେକ୍ ଗତାଙ୍ଗ୍ ଲେକେକିଜି ମାନି କିତ୍‌ତାନ୍।

ପକ୍ୟାତାକା 4:32

ପାର୍ତିକିନି ମାନାୟାର୍ ର ମାନ୍ ଆରେ ର ଆତ୍ମା ଆଜି ମାଚାର୍। ହେୱାର୍ ବିତ୍ରେତାଙ୍ଗ୍ ଇନେର୍ ପା ଜାର୍ ଦନ୍ ସମ୍ପତିତିଙ୍ଗ୍ ନାଦାଙ୍ଗ୍ ଇଞ୍ଜି ଇନ୍‌ୱାଦାଙ୍ଗ୍ ମାଚାର୍। ମାତର୍ ହେୱାର୍ ୱିଜୁ ବିଷୟତିଙ୍ଗ୍ ହାମାନ୍ ଆଦିକାର୍ ମାଚାତ୍।

ରୋମିୟ 12:10

ଏପେଙ୍ଗ୍ ଜାର୍ କୁଟୁମ୍‌ନି ମାନାୟାରିଙ୍ଗ୍ ଲାଡ୍ କିନିଲେକେ ଜାର୍-ଜାର୍‌ବିତ୍ରେ ଲାଡ୍ କିୟାଟ୍। ଆରେ ଜାର୍-ଜାର୍‌ତିଙ୍ଗ୍ ସନ୍‌ମାନ୍ ହିବାଆଡ।

ରୋମିୟ 15:5

ଆନେଙ୍ଗ୍ ମି କାଜିଙ୍ଗ୍ ଈଶ୍ୱରତାକେ ପାର୍ତାନା କିନାଙ୍ଗା ଯେ, ହେୱାନ୍ ମିଙ୍ଗେଙ୍ଗ୍ ସାସ୍ ହିଦେନ୍। ଲାଗିଙ୍ଗ୍ ଏପେଙ୍ଗ୍ ଜାର୍-ଜାର୍‌ବିତ୍ରେ ହାମାନ୍ ଆଜି ମାଞ୍ଜେଙ୍ଗ୍ ଆଡ୍‌ନାଦେର୍। ଇନେସ୍‌କି ଏପେଙ୍ଗ୍ ଯୀଶୁ ଖ୍ରୀଷ୍ଟ କିତିଲେକେ କିନାଦେରା

୧ କରନ୍ତିୟ 1:10

ଏ ପାର୍ତିକିନି ଟଣ୍ଡାର୍‌କାଦେର୍, ଆନେଙ୍ଗ୍ ମା ମାପୃ ଯୀଶୁ ଖ୍ରୀଷ୍ଟ ଅଦିକାର୍‌ତାଙ୍ଗ୍ ଗୁୱାରି କିଜି ୱେଚ୍‌ଚାନାଙ୍ଗା ଯେ, ଏପେଙ୍ଗ୍ ୱିଜାଦେର୍ ଜାର୍-ଜାର୍ କାତାତିଙ୍ଗ୍ ରାଜି ଆଡ ଆରେ ମି ବିତ୍ରେତାଙ୍ଗ୍ ବାଗ୍-ବାଗ୍ ଆୱାଦାଙ୍ଗ୍ ମାହାଆଜି ମାନାଟ୍। ଆରେ ଏପେଙ୍ଗ୍ ୱିଜାଦେର୍ ର ମାନ୍ କିୟାଟ୍ ଆରେ ର ଚିନ୍ତା କିୟାଟ୍ ଆରେ ଏକ୍ ଆଜି କାମାୟ୍ କିୟାଟ୍।

୧ କରନ୍ତିୟ 12:26

ଯଦି ଗାଗାଡ଼୍‌ନି ର ଜିନିଷ୍ ଦୁଃକ୍ ପାୟା ଆନାତା, ଲାଗିଙ୍ଗ୍ ଗାଗାଡ଼୍‌ନି ୱିଜୁ ଜିନିଷ୍ ପା ଦୁଃକ୍ ପାୟାଆନାତ୍। ଆରେ ଯଦି ଗାଗାଡ଼୍‌ନି ର ଜିନିଷ୍ ସନ୍‌ମାନ୍ ପାୟାଆନାତ୍, ଲାଗିଙ୍ଗ୍ ଗାଗାଡ଼୍‌ନି ୱିଜୁ ଜିନିଷ୍ ପା ୱାରିୟା ଆନିକ୍।

ଏପିସିୟ 4:2

ଇଦାଙ୍ଗ୍‌ନି ଅର୍‌ତ ଯେ ଏପେଙ୍ଗ୍ ଇନାକାପା ଜାର୍‌ତିଙ୍ଗ୍ ହିରୁ ଆଜି କିୟାଟ୍, ମି ଆଦିକାର୍ ଚଚ୍‌ମାଟ୍, ସାସ୍ ଆସ୍ତି ମାନାଟ୍, ଆରେ ଜେକନିକାରିଙ୍ଗ୍ ବ୍ଯବହାର୍‌ତାଙ୍ଗ୍ ରିସା ଆୱାଦାଙ୍ଗ୍ ଜାର୍-ଜାର୍‌ତିଙ୍ଗ୍ ଲାଡ୍ କିୟାଟ୍।

ଏପିସିୟ 4:31

ଜେକନିକାରିଙ୍ଗ୍ ବାନ୍ୟା ଆନାକା, ରିସା ଆରେ ଜଗ୍‌ଡ଼ା କିନାକା ବନ୍ଦ୍ କିୟାଟ୍। ହେୱାରିଙ୍ଗ୍ ନିନ୍ଦା କିମାଟ୍ ଆରେ ଇନେରିଙ୍ଗ୍ ଗିଣ୍ କିମାଟ୍।

ଏପିସିୟ 4:32

ଆରେ ଏପେଙ୍ଗ୍ ଜାର୍-ଜାର୍‌ତିଙ୍ଗ୍ ସାଇଜ କିୟାଟ୍ ଆରେ ଦୟା ଚଚାଟ୍। ଆରେ ଖ୍ରୀଷ୍ଟତାକେ ରବେ ଆତି କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ଇନେସ୍ କେମା କିତ୍‌ତାନ୍‌ନା, ହେଲେକେ ଜାର୍-ଜାର୍‌ତିଙ୍ଗ୍ କେମା କିୟାଟ୍।

ପିଲିପିୟ 2:3

ଜାର୍ ବିଷୟରେ ନେ ବାବିକିମାଟ୍। ଆରେ ବାଟ୍‌ପାଣିଆ ଆଜି ନିଜେ ଗାଜା ଇଞ୍ଜି ଚଚିୟା ଆମାଟ୍, ମାତର୍ ଜେକନି ମାନାୟାରିଙ୍ଗ୍ ସନ୍‌ମାନ୍ କିଜି ନିଜେ ହିରୁ ଆଜି ମାନାଟ୍।

ପିଲିପିୟ 3:16

ଈଶ୍ୱର ମାଙ୍ଗେଙ୍ଗ୍ ଆଗେ ଇନାକା ଚଚ୍‌ଚାତାନ୍‌ନା, ଆସେଙ୍ଗ୍ ହେ ସତ୍ ବିଷୟ ଅନୁସାତାଙ୍ଗ୍ ଜିବୁନ୍ କାଟିକିନି ଦର୍‌କାର୍।

କଲସିୟ 3:12

ଈଶ୍ୱର ମିଙ୍ଗେଙ୍ଗ୍ ପବିତ୍ର ମାନାୟ୍ କିଜି ବାଚି କିତ୍‌ତାନ୍‌ନା ଆରେ ଲାଡ୍ କିତ୍‌ତାନ୍‌ନା। ଲାଗିଙ୍ଗ୍ ଏପେଙ୍ଗ୍ ଜେକନିକାରିଙ୍ଗ୍ ସାଇଜ କିୟାଟ୍, ଦୟା କିୟାଟ୍ ଜାର୍‌ତିଙ୍ଗ୍ ହିରୁ କିୟାଟ୍, ମି ଆଦିକାର୍ ଚଚ୍‌ମାଟ୍ ଆରେ ସାହାସ୍ ଆସ୍ତି ମାନାଟ୍।

ଏବ୍ରି 13:1

ପାର୍ତିକିନି ଟଣ୍ଡେନ୍ ତଣ୍‌ଦେକ୍‌ତି ଲାଡ୍ ଲେକେ ଏପେଙ୍ଗ୍ ଲାଡ୍‌ତାଙ୍ଗ୍ ମାନାଟ୍।

ଜାକ୍‌ବ 2:13

ଇମ୍‌ଣାକାନ୍ ଦୟା କିଉନ୍, ଈଶ୍ୱର ହେୱାନିଙ୍ଗ୍ ପା ଦୟା କିୱାଦାଙ୍ଗ୍ ବିଚାର୍ କିନାନ୍। ମାତର୍ ଇମ୍‌ଣାକାନ୍ ଦୟା କିନାନ୍ ହେୱାନିଙ୍ଗ୍ ଈଶ୍ୱର ବିଚାର୍ କିନିହିଙ୍ଗ୍ ଦୟା କିନାନ୍।

ଜାକ୍‌ବ 3:17

ମାତର୍ ଈଶ୍ୱରତାଙ୍ଗ୍ ପାୟାଆତି ଜ୍ଞାନ୍ ପାର୍ତୁମ୍‌ ହେୱାନ୍ ପବିତ୍ର ଆଜି ମାନାନ୍। ରି ନମ୍ବର୍ ତାକେ ହେୱାନ୍ ଶାନ୍ତିଆଜି ମାଞ୍ଜେଙ୍ଗ୍ ଇଚାକିନାନ୍, ସାଦୁ ଆଜି ମାନାନ୍, କାତା ମାନିକିଜି ମାନାନ୍, ୱିଜୁଦିନ୍ ହାର୍ଦି କାମାୟ୍ କିଜି ଦୟା କିନାନ୍, ବାଟ୍‌ପାଣିଆ ଆୱାଦାଙ୍ଗ୍ ଆରେ ମାନାୟ୍ ହୁଡ଼୍‌ଜି ପା ବ୍ଯବହାର୍ କିଉନ୍।

ଜାକ୍‌ବ 5:11

ଏପେଙ୍ଗ୍ ପୁଚାଦେର୍‌ନା ଯେ, ଇମ୍‌ଣାକାନ୍ ଦୁକ୍‌କଷ୍ଟ ଆତିହିଙ୍ଗ୍ ପା ଦରମ୍‌ଆଜି ମାନାନ୍, ହେୱାନିଙ୍ଗ୍ ଆପେଙ୍ଗ୍ ଆଶ୍ରିବାଦ୍‌ନି ମାନାୟ୍ ଇଞ୍ଜି ୱେଚ୍‌ଚି ମାନାସ୍। ଏପେଙ୍ଗ୍ ଆୟୁବନି ଦରମ୍ ବିଷୟରେ ୱେଚାଦେର୍‌ନା, ଆରେ ମାପୃ ହେୱାନିଙ୍ଗ୍ ଆଶ୍ରିବାଦ୍ କିତାକା ପା ହୁଡ଼୍‌ତାଦେର୍‌ନା। ଲାଗିଙ୍ଗ୍ ମାପୃ ବେସି ଲାଡ୍ ଆରେ ଦୟା କିଦ୍‌ନାନ୍।

୧ ପିତର 1:22

ଇନେସ୍‌କି ଏପେଙ୍ଗ୍ ସତ୍‌ତିଙ୍ଗ୍ ମାନିକିତି କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ପାପ୍‌ତିଙ୍ଗ୍ ନୁସ୍‌ଦାତାନ୍‌ନା, ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ମି ପାର୍ତିନି ଟଣ୍ଡାରିଙ୍ଗ୍ ଟକାୟ୍ କିୱାଦାଙ୍ଗ୍ ହାତ୍‌ପା ଲାଡ୍‌କିନି ଦର୍‌କାର୍। ଏପେଙ୍ଗ୍ ଜାର୍-ଜାର୍‌ବିତ୍ରେ ଗରବ୍‌ତାଙ୍ଗ୍ ଲାଡ୍‌କିଜି ମାନାଟ୍।

୧ ପିତର 2:17

ଏପେଙ୍ଗ୍ ୱିଜାରିଙ୍ଗ୍ ସନ୍‌ମାନ୍ ହିୟାଟ୍, ଏପେଙ୍ଗ୍ ଖ୍ରୀଷ୍ଟାନ୍ ଟଣ୍ଡେନ୍, ତଣ୍‌ଦେଲିକାଙ୍ଗ୍ ଲାଡ୍ କିୟାଟ୍, ଏପେଙ୍ଗ୍ ଈଶ୍ୱରତିଙ୍ଗ୍ ପାଣ୍ଡ୍ରାଆଡ, ଏପେଙ୍ଗ୍ ସାସନ୍ କିନି ମାନାୟାର୍ କାତା ମାନି କିୟାଟ୍।

୧ ପିତର 5:5

ହେଲେକେ ଏ ଦାଙ୍ଗ୍‌ଣା ହିମ୍‌ଣା କାଦେର୍, ଏପେଙ୍ଗ୍ ମଣ୍ଡ୍‌ଲିନି ପ୍ରାଚିନାର୍ କାତା ମାନିକିଜି ମାନାଟ୍। ଏପେଙ୍ଗ୍ ଦରମ୍‌ଆଜି ଜାର୍-ଜାର୍‌ତିଙ୍ଗ୍ ହେବା କିବା ଆଡ, ଇନେସ୍‌କି ସାସ୍ତର୍‌ତାକେ ଲେକାଆତାତ୍‌ନା, “ଈଶ୍ୱର ବାଟ୍‌ପାଣ୍ ଆନି ମାନାୟାରିଙ୍ଗ୍ ବିରଦ୍ କିନାନ୍, ମାତର୍ ଦରମ୍ ମାନାୟାରିଙ୍ଗ୍ ଈଶ୍ୱର ଦୟା କିନାନ୍।”

୨ ପିତର 1:7

ଏପେଙ୍ଗ୍ ଆପ୍‌କା ଈଶ୍ୱରତିଙ୍ଗ୍ ସନ୍‌ମାନ୍ କିତିଲେକେ ଜିବୁନ୍ କାଟି କିମାଟ୍, ମି ଜାର୍ ପରିବାର୍ ମାନାୟ୍ ଲେକେ ଜେକନିକାରିଙ୍ଗ୍ ପା ଲାଡ୍ କିୟାଟ୍।

୧ ଯୋହନ 3:14

ଆପେଙ୍ଗ୍ ପୁଚାପ୍‌ନା ଯେ, ଆପେଙ୍ଗ୍ ହାଃତି ମାନାୟ୍ ଲେକେ ଆକାୟ୍, ମାତର୍ ଆପେଙ୍ଗ୍ ୱିଜ୍‌ୱି ଜିବୁନ୍ ପାୟା ଆତାକାପ୍, ଇନେସ୍‌କି ଆପେଙ୍ଗ୍ ମା ଟଣ୍ଡାରିଙ୍ଗ୍ ଲାଡ୍ କିନାପା। ମାତର୍ ଇମ୍‌ଣି ମାନାୟ୍ ଜାର୍ ଟଣ୍ଡେନିଙ୍ଗ୍ ଲାଡ୍ କିଉନ୍ ହେୱାନ୍ ହାଃତି ମାନାୟ୍ ଲେକେ।