୧ ପିତର 3:7 - New Testament in Pengo Parja Language

⁷ ଏ ଆଣ୍ଡ୍ରା କାଦେର୍, ଏପେଙ୍ଗ୍ ଜାର୍ କଗ୍‍ଲେକାଙ୍ଗ୍ ସନ୍‌ମାନ୍ ହିୟାଟ୍, ଆରେ ଜାର୍ ଡକ୍ରିକ୍ ହୁଦାଙ୍ଗ୍ ବୁଜାମାନା ଆଜି ହାମାନ୍ ଆଜି ମାନାଟ୍। ମି ଡକ୍ରୁଦି ମିବେତାଙ୍ଗ୍ ଦୁର୍‌ବଲ୍ ଆଜି ମାନ୍‌ଗାନାତ୍, ମାତର୍ ଈଶ୍ୱର ଦୟାକିଜି ହିତ୍‌ତି ପୁନି ଜିବୁନ୍‌ନି ଦାନ୍‌ତିଙ୍ଗ୍ ମି ଡକ୍ରୁଦି ପା ମିହୁଦାଙ୍ଗ୍ ହାମାନ୍ ଅଦିକାର୍ ପାୟାଆନାତ୍। ଲାଗିଙ୍ଗ୍ ଏପେଙ୍ଗ୍ ମି ଡକୃଦିକାଙ୍ଗ୍ ସନ୍‌ମାନ୍ ହୁଦାଙ୍ଗ୍ ବ୍ୟବହାର୍ କିୟାଟ୍ ଆରେ ଈଶ୍ୱର ମି ପାର୍ତାନାତିଙ୍ଗ୍ ୱେନାନ୍।

ସତ୍‌ ବଚନ୍‌ ପୁନି ନିୟମ୍‌

⁷ ହେ ବାନି, ଏ ଡକ୍ରାର୍, ମି ପାର୍ତାନାତ ଇନେସ୍‌ ବାଦା ଆମେତ୍‌, ଇଦାଂ କାଜିଂ ଡକ୍ରିକାଂ ପାଚେନିଦିନ୍‌ତ ନାଦାର୍‌ ଗାଡ଼୍‌ ଆରି ଜାର୍‍ତି ଲାହାଙ୍ଗ୍‌ ଜିବୁନ୍‌ ଲାଗ୍‍ଦି ଉପ୍‌କାର୍‌ ଦାନ୍‌ନି ରଚେ ଆଦିକାର୍‌ଣ୍ଣି ପୁନ୍‌ଞ୍ଜି ହେୱେକାଂ ୱାରି କିୟାଟ୍‌ ଆରେ ଗିଆନ୍ତ ହେୱେକ୍‌ ଲାହାଂ ମାନାଟ୍‌ ।

୧ ପିତର 3:7 Iomraidhean Croise

ମାତିଉ 18:19

ଆରେରଗ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଏଚେପାଦ୍ନା ମି ବିତ୍ରେତାଙ୍ଗ୍ ରିକାର୍ ଇମ୍‌ଣି ବିଷୟରେ ର ମାନ୍ କିଜି ପାର୍ତାନା କିତିସ୍, ନା ସରଗ୍‌ନି ଆବା ମିଙ୍ଗେଙ୍ଗ୍ ବୁଦି ହିଦ୍‌ନାନ୍।

୧ କରନ୍ତିୟ 7:3

ୱିଜାର୍ ଆଣ୍ଡ୍ରାଙ୍ଗ୍ ତା ଡକୃହିକ୍ ହୁଦାଙ୍ଗ୍ ହୁଞ୍ଜା ମାଗା ଆନି ଦର୍‌କାର୍, ହେଲେକେ ତା ଜାର୍-ଜାର୍ ଆଣ୍ଡ୍ରାଙ୍ଗ୍ ହୁଦାଙ୍ଗ୍ ହୁଞ୍ଜା ମାଗା ଆନି ଦର୍‌କାର୍।

ଏପିସିୟ 3:6

ଈଶ୍ୱର ଡ଼ୁକ୍‌ତି ଜଜ୍‌ନା ଇଦାଙ୍ଗ୍ ଯେ, ହାର୍ଦିକାବୁର୍ କାଜିଙ୍ଗ୍ ଯୀଶୁ ଖ୍ରୀଷ୍ଟତାକେ ଆପେଙ୍ଗ୍ ରବେ ଆତି କାଜିଙ୍ଗ୍ ବିନ୍‌ଜାତିର୍ ପା ଯିହୁଦିର୍ ଲେକେ ହାମାନ୍ ଆଦିକାର୍ ପାୟାଆତାର୍‌ନା। ହେୱାର୍ ର ଗାଗାଡ଼୍, ଆରେ ଈଶ୍ୱର ପାର୍ମାଣ୍‌ତାକେ ମାହା ଆତାର୍‌ନା।

ଏପିସିୟ 4:30

ଈଶ୍ୱର ମିଙ୍ଗେଙ୍ଗ୍ ସିଲ୍ କିତ୍‌ତାନ୍‌ନା। ଇ ସିଲ୍ ଆନାତା ପବିତ୍ର ଆତ୍ମା ଇନାକା ହେୱାନ୍ ହିଦ୍‌ଦେଙ୍ଗ୍ ପାର୍ମାଣ୍ କିତାନ୍‌ନା। ଇ ପବିତ୍ର ଆତ୍ମା ର ଡିପଜିଟ୍ ଲେକେ ଗେରେଷ୍ଟି ହିଦ୍‌ନାତ୍ ଯେ ଈଶ୍ୱର ମାଙ୍ଗେଙ୍ଗ୍ ତା ଜାର୍ ମାନାୟ୍ କିଦେଙ୍ଗ୍ ମୁକ୍ତି କିତ୍‌ତାନ୍‌ନା, ଲାଗିଙ୍ଗ୍ ହେୱାନିଙ୍ଗ୍ ଦୁକ୍ ହିମାଟ୍।

ଏପିସିୟ 5:33

ଇଦାଙ୍ଗ୍ ମି କାଜିଙ୍ଗ୍ ପା, ଲାଗିଙ୍ଗ୍ ଏପେଙ୍ଗ୍ ୱିଜାକାଦେର୍ ଜାର୍-ଜାର୍ କଗ୍‍ଲେକାଙ୍ଗ୍ ଜାର୍‌ତିଙ୍ଗ୍ ଲାଡ୍ କିତିଲେକେ ଲାଡ୍ କିୟାଟ୍। ଆରେ କଗ୍‍ଲେକ୍ ପା ଜାର୍ ଆଣ୍ଡ୍ରାକାଙ୍ଗ୍ ସନ୍‌ମାନ୍ କିୟେକ୍।

ଏପିସିୟ 6:18

ୱିଜୁଦିନ୍ ପବିତ୍ର ଆତ୍ମା ସାଇଜତାଙ୍ଗ୍ ଈଶ୍ୱରତାକେ ପାର୍ତାନା ଆରେ ଗୁୱାରି କିୟାଟ୍। ଆରେ ୱିଜୁ ସାଦୁ ମାନାୟାର୍ କାଜିଙ୍ଗ୍ କାସି ମାନ୍‌ଞ୍ଜି ପାର୍ତାନା କିୟାଟ୍।

କଲସିୟ 3:19

ଏ ଆଣ୍ଡ୍ରା କାଦେର୍ ଜାର୍-ଜାର୍ କଗ୍‍ଲେକାଙ୍ଗ୍ ଲାଡ୍ କିୟାଟ୍, ଆରେ ହେୱେକ୍ ହୁଦାଙ୍ଗ୍ ହାର୍ଦି ବ୍ଯବହାର୍ କିୟାଟ୍।

୧ ଥେସଲନୀକିୟ 4:4

ଆରେ ଏପେଙ୍ଗ୍ ୱିଜାଦେର୍ ଜାର୍-ଜାର୍ ଦାରି କାମାୟ୍ କିନି ଇଚାତାଙ୍ଗ୍ ଦେହା ମାନାଟ୍। ଇନେସ୍‌କି ଈଶ୍ୱରତିଙ୍ଗ୍ ପୁନ୍‌ୱିତି ବିନ୍‌ଜାତିନି ମାନାୟାର୍ ହେଲେକେ କାମାୟ୍ କିଦେଙ୍ଗ୍ ଇଚା କିନାର୍।

ତୀତସ 3:7

ଈଶ୍ୱର ଇଦାଙ୍ଗ୍ ୱେଚ୍‌ଚାତାନ୍‌ନା, ଇନେସ୍ ଆସେଙ୍ଗ୍ ତା ଦୟାତାଙ୍ଗ୍ ଦରମ୍ ମାନାୟ୍ ଇଞ୍ଜି ଗାଣାକିୟା ଆନାପ୍‌, ଆରେ ପୁରା ଆହାତାଙ୍ଗ୍ ୱିଜ୍‌ୱି ଜିବୁନ୍‌ନି ଆଦିକାର୍ ଆଦେଙ୍ଗ୍ ଆଡ୍‌ନାପ୍।

ଏବ୍ରି 1:14

ଲାଗିଙ୍ଗ୍ ଦୁତ୍‌କୁ ଇନେର୍? ହେୱେକ୍ ଆପ୍‌କା ଈଶ୍ୱରତିଙ୍ଗ୍ ହେବା କିନିକିକ୍। ଆରେ ଉଦାର୍ ପାୟା ଆଦେଙ୍ଗ୍ ମାନି ମାନାୟାରିଙ୍ଗ୍ ସାଇଜ କିନି କାଜିଙ୍ଗ୍ ଈଶ୍ୱର ହେୱେକିୟାକାଙ୍ଗ୍ ପକ୍‌ଚି ମାନାନ୍।

୧ ପିତର 3:1

ଏ କଗ୍‌ଲେ କାଦେର୍, ଏପେଙ୍ଗ୍ ଜାର୍-ଜାର୍ ଆଣ୍ଡ୍ରାଙ୍ଗ୍ କାତାତିଙ୍ଗ୍ ମାନିକିଜି ମାନାଟ୍, ଲାଗିଙ୍ଗ୍ ମିବେତାଙ୍ଗ୍ ଇନେର୍ ଡକ୍ରାହି ଯଦି ଈଶ୍ୱର ହାର୍ଦିକାବୁର୍‌ତିଙ୍ଗ୍ ପାର୍ତି କିନାକାଦିଙ୍ଗ୍ ମୁନା କିନାନା। ଆରେ ଏପେଙ୍ଗ୍ ଯଦି ଈଶ୍ୱରତିଙ୍ଗ୍ ପାର୍ତି କିଜି ସତ୍ ଜିବୁନ୍ କାଟିକିଜି ମାନାଦେର୍, ଲାଗିଙ୍ଗ୍ ଏପେଙ୍ଗ୍ ଈଶ୍ୱରତିଙ୍ଗ୍ ପାର୍ତି କିୟା ଇଞ୍ଜି ଜାର୍ ଆଣ୍ଡ୍ରେନିଙ୍ଗ୍ ୱେଚ୍‌ଚେଙ୍ଗ୍ ଦର୍‌କାର୍ ଆଉତ୍। ଇନେସ୍‌କି ଏପେଙ୍ଗ୍ ଖ୍ରୀଷ୍ଟଙ୍ଗ୍ ପାର୍ତି କିନାକା ଆରେ ମିଙ୍ଗେଙ୍ଗ୍ ହାର୍ ବ୍ୟବହାର୍ କିନାକା ହୁଡ଼୍‌ଜି ହେୱାର୍ ପା ଈଶ୍ୱର ହାର୍ଦିକାବୁର୍‌ତିଙ୍ଗ୍ ପାର୍ତିକିନାର୍।