୧ ପିତର 3:5 - New Testament in Pengo Parja Language

⁵ ଇଲେକେ କିଜି ଆକଦାଦିର୍ ୱେଡ଼ାଙ୍ଗ୍ ପବିତ୍ର କଗ୍‍ଲେକ୍ ଇଲେକେ ଈଶ୍ୱରତିଙ୍ଗ୍ ପାର୍ତି କିଜି ଆହା କିଜି ମାଚାର୍, ଆରେ ଜାର୍ ଆଣ୍ଡ୍ରାଙ୍ଗ୍ କାତା ମାନିକିଜି ଜାର୍‌ତିଙ୍ଗ୍ ହଲି କିଜି ମାଚିକ୍।

ସତ୍‌ ବଚନ୍‌ ପୁନି ନିୟମ୍‌

⁵ ଇନେକିଦେଂକି ଆଗେକାଡ଼୍‌ଦ ଦାର୍ମିନି ପୁଇପୁୟା କଗ୍‌ଲେକ୍‌ ପା ଇସ୍ୱର୍‌ତି ତାକେ ବାର୍ସି ଇଡ଼୍‌ଜି ଜାର୍ ଜାର୍ ଡକ୍ରାତି ତଲ୍ୟା ଆଜ଼ି ଇ ବାନି ଜାର୍ ଜାର୍‌ତିଂ ତୁସ୍‌ଜ଼ି ମାଚିକ୍ ।

୧ ପିତର 3:5 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:37

ହେଦେଲ୍ ୱିଜୁଦିନ୍ ଈଶ୍ୱର ମାନି ମନ୍ଦିର୍‌ତାକେ ପୁଜାକିଜି ମାନାକା। ଆରେ ହେଦେଲ୍ ୱେଡ଼ା ନାଣା ତିନ୍‌ୱାଦାଙ୍ଗ୍ କି ଉଣ୍‌ୱାଦାଙ୍ଗ୍ ଈଶ୍ୱରତିଙ୍ଗ୍ ହେବାକିଜି ପାର୍ତାନା କିଜି ମାଚାତ୍।

ପକ୍ୟାତାକା 1:14

ଇ ବାଚିକିତି ଚେଲାହିର୍ ହୁଦାଙ୍ଗ୍ କେତେକ୍ ଜେକନି କଗ୍‍ଲେକ୍, ଆରେ ଯୀଶୁ ତେହି ମରିୟମ, ଆରେ ତା ଟଣ୍ଡାହିର୍ ହୁଦାଙ୍ଗ୍ ମେହାଆଜି ର ମାନ୍ କିଜି ପାର୍ତାନା କିଜି ମାଚାର୍।

ପକ୍ୟାତାକା 9:36

ଯାପା ସହର୍‌ତାକେ ଟାବିଥା ତର୍‍ଦାକାନ୍ ରକାନ୍ ଚେଲାହି ମାଚାନ୍। ତା ତର୍‌ ଗ୍ରୀକ୍ ବାଷାତାଙ୍ଗ୍ ଦର୍କା ଇଞ୍ଜି ୱେଚ୍‌ଚି ମାଚାର୍, ଇଦାଙ୍ଗ୍‌ନି ଅର୍ତ ଚିତ୍ରାକଟ୍ରା। ହେୱାନ୍ ରକାନ୍ ହାର୍ଦି କାମାୟ୍ କିନାକାନ୍ ମାଚାନ୍, ଆରେ ମାନାୟାରିଙ୍ଗ୍ ଦାନ୍ ହିଜିମାଚାନ୍।

ଏପିସିୟ 5:33

ଇଦାଙ୍ଗ୍ ମି କାଜିଙ୍ଗ୍ ପା, ଲାଗିଙ୍ଗ୍ ଏପେଙ୍ଗ୍ ୱିଜାକାଦେର୍ ଜାର୍-ଜାର୍ କଗ୍‍ଲେକାଙ୍ଗ୍ ଜାର୍‌ତିଙ୍ଗ୍ ଲାଡ୍ କିତିଲେକେ ଲାଡ୍ କିୟାଟ୍। ଆରେ କଗ୍‍ଲେକ୍ ପା ଜାର୍ ଆଣ୍ଡ୍ରାକାଙ୍ଗ୍ ସନ୍‌ମାନ୍ କିୟେକ୍।

୧ ତିମତି 2:10

ଆରେ ଈଶ୍ୱରତିଙ୍ଗ୍ ହେବା କିନି କଗ୍‍ଲେକ୍ ଇଲେକେ ଆଜି ଜେକନିକାରିଙ୍ଗ୍ ହାର୍ଦି କାମାୟ୍ କିଜି ଜାର୍‌ତିଙ୍ଗ୍ ସୁନ୍ଦ୍ରି ଇଞ୍ଜି ଚଞ୍ଜିୟା ଆୟେକ୍।

୧ ତିମତି 2:15

ମାତର୍ କଗ୍‍ଲେକ୍ ଯଦି ହାର୍ଦି ବୁଦିତାଙ୍ଗ୍ ପାର୍ତି, ଲାଡ୍ ଆରେ ଦରମ୍ କଗ୍‌ଲେ ଆଜି ମାଚିସ୍ ଈଶ୍ୱର ହେୱେକାଙ୍ଗ୍ ରକ୍ଷା କିନାନ୍, ଏଚେପାଦ୍ନା ହେୱେକ୍ ହିମ୍‌ଣାତିଙ୍ଗ୍ ଜନମ୍ କିନିକ୍।

୧ ତିମତି 5:10

ଆରେ ର ଆଣ୍ଡ୍ରା ନେ ଇଡ଼୍‌ଜି ମାନ୍‌ଗାନାତ୍, ଆରେ ହେଦେଲ୍ ହାର୍ଦି କାମାୟ୍ କାଜିଙ୍ଗ୍ ଜଣାସୁଣା କଗ୍‌ଲେ ଆନାତ୍‌। ଇନେସ୍‌କି ହେଦେଲ୍ ତା ହିମ୍‌ଣା ୱାକ୍‌ଡ଼ାକାଙ୍ଗ୍ ହାର୍ କିଜି ପହା କିନାତ୍, ଗତାକାଙ୍ଗ୍ ହାର୍ କିଜି ମାନିକିନାତ୍। ସାଦୁ ମାନାୟାରିଙ୍ଗ୍ କାଲ୍‌ପାନା ନୁଜ୍‌ଦି ହିନାତ୍, ଆରେ ଦୁକ୍‌ତାକେ ମାନାକାରିଙ୍ଗ୍ ସାଇଜ କିନାତ୍, ଆରେ ୱିଜୁ ହାର୍ଦି କାମାୟ୍ କିଦେଙ୍ଗ୍ ତିର୍‌କାଡ଼୍ ଆନାତ୍, ଇଲେକେ ରାଣ୍ଡି କଗ୍‌ଲେଙ୍ଗ୍ ରାଣ୍ଡିକ୍ ଲିଷ୍ଟ୍‌ତାକେ ଲେକା ଆୟେତ୍।

୧ ତିମତି 5:5

ଇମ୍‌ଣି ରାଣ୍ଡି କଗ୍‌ଲେଙ୍ଗ୍ ସାଇଜ କିଦେଙ୍ଗ୍ ଇନେର୍ ହିଲୁର୍, ହେଦେଲ୍ ଈଶ୍ୱରତାକେ ଆହା କିଜି ୱେଡ଼ା ନାଣା ଗୁୱାରି କିଜି ଈଶ୍ୱରତିଙ୍ଗ୍ ତା ସାଇଜ କିଦେଙ୍ଗ୍ ପାର୍ତାନା କିୟା।

ଏବ୍ରି 11:11

ସାରା ଆରେ ଅବ୍ରାହାମ ବୁଡ଼୍‌ହି ଆଜି ମାଚାର୍ ଆରେ ହେୱାର୍ ବାଞ୍ଜ୍‌ଣି ଆଜି ମାଚିସ୍ ପା, ପାର୍ତି କାଜିଙ୍ଗ୍ ସାରା ଅବ୍ରାହାମ ହୁଦାଙ୍ଗ୍ ରଞ୍ଜାଙ୍ଗ୍ ମାଜି ଗାଟାଆନି କାଜିଙ୍ଗ୍ ଶାକ୍ତି ପାୟାଆତାନ୍‌। ଈଶ୍ୱର ତା ପାର୍ମାଣ୍‌ତିଙ୍ଗ୍ ପୁରା କିନାନ୍ ଇଞ୍ଜି ଅବ୍ରାହାମ ପାର୍ତି କିଜି ମାଚାନ୍।

୧ ପିତର 1:3

ମା ମାପୃ ଯୀଶୁ ଖ୍ରୀଷ୍ଟ ଆବା ଈଶ୍ୱରତିଙ୍ଗ୍ ଜୟ୍-ଜୟ୍ ଆୟେତ୍, ଈଶ୍ୱର ମାଙ୍ଗେଙ୍ଗ୍ ବେସି ଦୟାକିଜି ମାନ୍‌ଞ୍ଚି କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ପୁନି ଜିବୁନ୍ ହିତ୍‌ତାନ୍। ଇନେସ୍‌କି ଈଶ୍ୱର ଯୀଶୁ ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ କିଜି ନିକ୍‌ଚି ମାଚାନ୍, ଆରେ ହେୱାନ୍ ମାଙ୍ଗେଙ୍ଗ୍ ସାହାସ୍ ହୁଦାଙ୍ଗ୍ ଜିନି କାଜିଙ୍ଗ୍ ସାଇଜ କିତ୍‌ତାନ୍‌ନା। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ହେୱାନ୍ କିଜିମାଚି ପାର୍ମାଣ୍‌ତିଙ୍ଗ୍ ପାୟାଆନି କାଜିଙ୍ଗ୍ ଆପେଙ୍ଗ୍ ଆହା କିନାପା।