୧ ପିତର 3:4 - New Testament in Pengo Parja Language

⁴ ମାତର୍ ତା ବାଦୁଲ୍‌ରେ ମି ବ୍ୟବହାର୍‌ତିଙ୍ଗ୍ ହୋଲି କିୟାଟ୍, ହେ ହଲ୍‌ନାକା ଇନାୱେଡ଼ାଙ୍ଗ୍ ପା ନଷ୍ଟ ଆୱି ଦରମ୍ ଆରେ ଶାନ୍ତି ଆତ୍ମା ଆରେ ହେଦାଙ୍ଗ୍ ଈଶ୍ୱର କାଜିଙ୍ଗ୍ ବେସି ଦାମ୍‌ଦି ବିଷୟ।

ସତ୍‌ ବଚନ୍‌ ପୁନି ନିୟମ୍‌

⁴ ହାତ୍‌ପା ହଲ୍‌ନାକା ନେ ମାନ୍ତ ଇମ୍‌ଣି କଁଆଣ୍‌ ଆରି ସୁସ୍ତାମିହା ଡ଼ୁକ୍ତି ମାନ୍‌ବାବ୍‌ନା ଇସ୍ୱର୍‌ତି ମୁମ୍‌ଦ ବେସିମଲ୍‌, ହେଦାଂ ନେ ମି ଜିରାୱି ହାରାଂ ଆଏତ୍‌ ।

୧ ପିତର 3:4 Iomraidhean Croise

ମାତିଉ 11:29

ଏପେଙ୍ଗ୍ ନା ପାଚେ ୱାଡୁ, ଆନେଙ୍ଗ୍ ମିଙ୍ଗେଙ୍ଗ୍ ହିକାୟ୍ କିଦ୍‌ନାଙ୍ଗ୍। ଇନେସ୍‌କି ଆନେଙ୍ଗ୍ ର ସାଦାସିଦା ଆରେ ଦରମ୍ ମାନାୟ୍‌ତଙ୍ଗ୍‌। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଜିବୁନ୍ ପାୟାଆନାଦେର୍।

ମାତିଉ 21:5

ସିୟୋନ ଦେସ୍‌ତିଙ୍ଗ୍ ୱେଚ୍‌ଚାନ୍, ହୁଡ଼ାଟ୍, ମି ରାଜା ମିବେ ୱାନାନା। ହେୱାନ୍ ଦରମ୍‌ଆଜି ଗଦଜପି କୁଚ୍‌ଚି ୱାନାନା।

ମାତିଉ 23:26

ଏ କାଣା ପାରୁସିଦଳ୍‍, ପାର୍ତୁମ୍ ଗିନାନି ବିତ୍ରେନିକା ନୁଜ୍‌ଜି ହାର୍‌କିନାଦେରା। ମାତର୍ ହାତ୍‌ପା ଗିନାନି ବିତ୍ରେନିକା ସପା ମାଚିସ୍, ବାର୍ତ ପା ସପା ଆଦେଙ୍ଗ୍ ଆଡ୍‌ନାତ୍।

ମାତିଉ 5:5

ଇମ୍‌ଣାକାର୍ ଦରମ୍‌ଆଜି ମାନାର୍ ହେୱାର୍ ୱାରିୟା ଆନାର୍, ଇନେସ୍‌କି ଈଶ୍ୱର ପୁର୍ତିନି ୱିଜୁ ବିଷୟ ହେୱାରିଙ୍ଗ୍ ହିନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:40

ଏ ଅବୁଜା ମାନାୟ୍ କାଦେର୍! ଇନେର୍ ବାର୍ତ ରସ୍ତାର୍‌ନା ହେୱାନ୍ ବିତ୍ରେ ପା ରସ୍ତାନ୍‌ନା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:15

ଯୀଶୁ ପାରୁସିଦଳ୍‍‌ତିଙ୍ଗ୍ ୱେଚ୍‌ଚାନ୍, “ମାନାୟାର୍ ମୁମ୍‌ଦ ଏପେଙ୍ଗ୍ ଜାର୍‌ତିଙ୍ଗ୍ ବଲ୍‍ବଲାୟ୍ ଆନାଦେରା। ମାତର୍ ମି ଗରବ୍‌ତାକେ ଇନାକା ୱିଜୁ ମାନାତ୍ ଈଶ୍ୱରନେ ପୁନାନ୍। ଇମ୍‌ଣିୱିଜୁ ବିଷୟତିଙ୍ଗ୍ ମାନାୟାର୍ ବେସି ସନ୍‌ମାନ୍ କିନାର୍, ହେଦାଙ୍ଗ୍ ଈଶ୍ୱର କାଣ୍‍କୁକାଙ୍ଗ୍ ଗିଣ୍‌ନି ବିଷୟ।

ରୋମିୟ 1:23

ଆରେ ହେୱାର୍ ଇନାୱେଡ଼ାଙ୍ଗ୍ ପା ହାଃୱି ଈଶ୍ୱରତିଙ୍ଗ୍ ଗୌରବ କିୱାଦାଙ୍ଗ୍, ଅଲପ୍‌ଦିନ୍ ଜିଜି ମାନି ମାନାୟାର୍, ପଟିଙ୍ଗ୍, ପଶୁଙ୍ଗ୍, ରାଚ୍‌କୁକାଙ୍ଗ୍ ମୁର୍ତି ରସ୍ତି ପୁଜା କିନାରା।

ରୋମିୟ 2:29

ମାତର୍ ମି ଗରବ୍ ଈଶ୍ୱର ହୁଦାଙ୍ଗ୍ ଟିକ୍‌ଆଜି ମାନାତ୍, ଲାଗିଙ୍ଗ୍ ଏପେଙ୍ଗ୍ ସତ୍ ଯିହୁଦି। ଆରେ ସତ୍ ସୁନତ ଇଲେକେ ଯେ, ଗାଗାଡ଼୍‌ନି ଜିନିଷ୍ ହଣ୍ଡ୍‌ନାକା ଆକାୟ୍, ମାତର୍ ଈଶ୍ୱର ଆତ୍ମା ସାଇଜତାଙ୍ଗ୍ ଜାର୍ ଗରବ୍‌ତିଙ୍ଗ୍ ବାଦ୍‌ଲାୟ୍ କିନାକା। ହେ ଲେଗ୍‌ଦି ମାନାୟ୍ ଈଶ୍ୱରତାଙ୍ଗ୍ ଜୟ୍-ଜୟ୍ ପାୟା ଆନାନ୍, ମାତର୍ ମାନାୟାର୍‌ତାଙ୍ଗ୍ ପାୟା ଆଉନ୍।

ରୋମିୟ 6:6

ଇନେସ୍‌କି ଆସେଙ୍ଗ୍ ଆରେରଗ ପାପ୍‍କିନି ଚାକର୍ ଆଉସ୍। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ମା ପାପ୍‌ନି ଗାଗାଡ଼୍ ନଷ୍ଟ କିନି କାଜିଙ୍ଗ୍ ମା କରାପ୍ ବ୍ୟବହାର୍‌ତିଙ୍ଗ୍, ଖ୍ରୀଷ୍ଟ ହୁଦାଙ୍ଗ୍ କୃଶକାଟ୍‌ତାକେ ମାର୍ନେ ଅସ୍ତାପ୍‌ନା।

ରୋମିୟ 7:22

ଆନେଙ୍ଗ୍ ନା ଗରବ୍‌ତାଙ୍ଗ୍ ଈଶ୍ୱର ଦରମ୍ ସାସ୍ତର୍‌ନି ନିୟମ୍‌ତିଙ୍ଗ୍ ଲାଡ୍ କିନାଙ୍ଗା,

୨ କରନ୍ତିୟ 10:1

ଆନେଙ୍ଗ୍ ପାଉଲ, ଖ୍ରୀଷ୍ଟ ଲେକେ ଆନେଙ୍ଗ୍ ଦୟା ଆରେ ଦରମ୍‌ଆଜି ୱେଚ୍‌ଚାନାଙ୍ଗା। କେତ୍‌ଜାଣ୍ ନାଙ୍ଗେଙ୍ଗ୍ ଇଞ୍ଜ୍‌ନାରା ଯେ, ଆନେଙ୍ଗ୍ ମିହୁଦାଙ୍ଗ୍ ମାନିହିଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚେଦେଙ୍ଗ୍ ଆନେଙ୍ଗ୍ ଲାଜା ଆନାଙ୍ଗା, ମାତର୍ ମିବେତାଙ୍ଗ୍ ଦେହା ମାନିହିଙ୍ଗ୍ ସାସ୍ ଆଜି ଚିଟିତାକେ ଲେକି କିନାନା।

୨ କରନ୍ତିୟ 4:16

ମା ଗାଗାଡ଼୍ ହାଃଜି ମାଚିସ୍ ପା ଆପେଙ୍ଗ୍ ହାର୍ଦିକାବୁର୍ ଶୁଣାୟ୍ କିନାକା ବନ୍ଦ୍ କିଉପା, ମାତର୍ ମା ଆତ୍ମା ୱିଜୁଦିନ୍ ପୁନାକା ଆନାତା।

ଗାଲାତିୟ 5:23

ଆରେ ହାର୍ଦି କାମାୟ୍ କିନାକା, ହାର୍ଦି ମାନାୟ୍ ଆନାକା, ହିରୁ ମାନାୟ୍ ଆନାକା, ଜାର୍‌ତିଙ୍ଗ୍ କଣ୍ଟ୍ରୁଲ୍ କିନାକା। ମୋଶା ଲେକିକିତି ନିୟମ୍ ସାସ୍ତର୍ ଇ ୱିଜୁ ଗୁଣ୍‌ତିଙ୍ଗ୍ ବିରଦ୍ କିଦେଙ୍ଗ୍ ଆଡୁତ୍।

ଏପିସିୟ 4:2

ଇଦାଙ୍ଗ୍‌ନି ଅର୍‌ତ ଯେ ଏପେଙ୍ଗ୍ ଇନାକାପା ଜାର୍‌ତିଙ୍ଗ୍ ହିରୁ ଆଜି କିୟାଟ୍, ମି ଆଦିକାର୍ ଚଚ୍‌ମାଟ୍, ସାସ୍ ଆସ୍ତି ମାନାଟ୍, ଆରେ ଜେକନିକାରିଙ୍ଗ୍ ବ୍ଯବହାର୍‌ତାଙ୍ଗ୍ ରିସା ଆୱାଦାଙ୍ଗ୍ ଜାର୍-ଜାର୍‌ତିଙ୍ଗ୍ ଲାଡ୍ କିୟାଟ୍।

କଲସିୟ 3:12

ଈଶ୍ୱର ମିଙ୍ଗେଙ୍ଗ୍ ପବିତ୍ର ମାନାୟ୍ କିଜି ବାଚି କିତ୍‌ତାନ୍‌ନା ଆରେ ଲାଡ୍ କିତ୍‌ତାନ୍‌ନା। ଲାଗିଙ୍ଗ୍ ଏପେଙ୍ଗ୍ ଜେକନିକାରିଙ୍ଗ୍ ସାଇଜ କିୟାଟ୍, ଦୟା କିୟାଟ୍ ଜାର୍‌ତିଙ୍ଗ୍ ହିରୁ କିୟାଟ୍, ମି ଆଦିକାର୍ ଚଚ୍‌ମାଟ୍ ଆରେ ସାହାସ୍ ଆସ୍ତି ମାନାଟ୍।

କଲସିୟ 3:3

ଇନେସ୍‌କି ମି ପାପ୍‌ନି ଗୁଣ୍ ହାଃତାତ୍‌ନା, ଆରେ ମି ଜିବୁନ୍ ଖ୍ରୀଷ୍ଟ ହୁଦାଙ୍ଗ୍ ଈଶ୍ୱରତାକେ ଡ଼ୁକ୍‌ତାତ୍‌ନା।

୧ ଥେସଲନୀକିୟ 4:11

ଆପେଙ୍ଗ୍ ମିଙ୍ଗେଙ୍ଗ୍ ଆଗେ ଗୁୱାରି କିଜି ୱେଚ୍‌ଚି ମାନ୍‌ଞ୍ଚାପ୍ ଯେ, ଏପେଙ୍ଗ୍ ଜାର୍-ଜାର୍‌ବିତ୍ରେ ଗଣ୍ଡ୍‍ଗଲ୍ ଆମାଟ୍। ଆରେ ଶାନ୍ତିତାଙ୍ଗ୍ ମାନ୍‌ଞ୍ଜି ଜାର୍-ଜାର୍ କାମାୟ୍ କିୟାଟ୍, ଆରେ ଜାର୍ କାମାୟ୍ ଜାର୍ କେଇଦାଙ୍ଗ୍ କିନାକା ହାର୍ ଇଞ୍ଜି ବାବି କିୟାଟ୍।

୨ ଥେସଲନୀକିୟ 3:12

ଇଲେଗ୍‌ଦି ମାନାୟାର୍ କାଜିଙ୍ଗ୍ ମାପୃ ଯୀଶୁ ଖ୍ରୀଷ୍ଟ ତର୍‍ଦାଙ୍ଗ୍ ଆଦେସ୍ ଆରେ ହିକ୍ଷା ହିନାପା, ଏପେଙ୍ଗ୍ ଜାର୍-ଜାର୍ କାମାୟ୍ କିଜି ଜିନି କାଜିଙ୍ଗ୍ ଡାବୁଙ୍ଗ୍ କମାୟ୍ କିୟାଟ୍।

୧ ତିମତି 2:2

ହେଦାଙ୍ଗ୍ କାଜିଙ୍ଗ୍ ରାଜା ଆରେ ୱିଜୁ ଅପିସର୍ କାଜିଙ୍ଗ୍ ମାଦିଆଜି ଗୁୱାରି କିଜି ପାର୍ତାନା କିୟାଟ୍ ଆରେ ଈଶ୍ୱରତିଙ୍ଗ୍ ଦନ୍ଯବାଦ୍ ହିୟାଟ୍।

୨ ତିମଥି 2:25

ହେୱାନିଙ୍ଗ୍ ବିରଦ୍ କିନି ମାନାୟାରିଙ୍ଗ୍ ଶାନ୍ତିତାଙ୍ଗ୍ ସତ୍ ବିଷୟରେ ବୁଜାଇକିନି ଦର୍‌କାର୍। ଇନେସ୍‌କି ଶୟତାନ ତା ଇଚାତାଙ୍ଗ୍ ଚାଲାଇ କିଦେଙ୍ଗ୍ ଇ ମାନାୟାରିଙ୍ଗ୍ ଜାଲ୍‌ଦ ରାତ୍‌ତାତାତ୍‌ନା। ମାତାର୍ ଇନେସ୍ ହେୱାର୍ ଇଦାଙ୍ଗ୍ ପୁନ୍‌ଞ୍ଜି ହେ ଜାଲ୍‌ଦାଙ୍ଗ୍ ମୁକ୍ତି ଆଦେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ କେଜାଣେ ଈଶ୍ୱର ହେୱାରିଙ୍ଗ୍ ସତ୍ ବିଷୟରେ ପୁଞ୍ଜେଙ୍ଗ୍ ଆରେ ପାପ୍ କାମାୟ୍ ପିସ୍ତି ମାପୃତାକେ ୱାଦେଙ୍ଗ୍ ସାଇଜ କିଦ୍‌ନାନ୍।

ତୀତସ 3:2

ଇନେରିଙ୍ଗ୍ ନିନ୍ଦା କିୱେଦେଙ୍ଗ୍, ଇନେର୍ ହୁଦାଙ୍ଗ୍ ଗଣ୍ଡ୍‍ଗଲ୍ ଆୱେଦେଙ୍ଗ୍। ଜେକନିକାର୍ ହୁଦାଙ୍ଗ୍ ସାଙ୍ଗ୍‌ସାତି ଲେକେ ମାଞ୍ଜେଙ୍ଗ୍, ଆରେ ୱିଜୁ ମାନାୟାର୍ ହୁଦାଙ୍ଗ୍ ସାଦୁ ମାନାୟ୍ ଲେକେ ବ୍ଯବହାର୍ କିଦେଙ୍ଗ୍ ଏପେଙ୍ଗ୍ ପାର୍ତି କିନାକାରିଙ୍ଗ୍ ୱିଜୁଦିନ୍ ମାନ୍ତ ଏତୁକିୟାଟ୍।

ଜାକ୍‌ବ 1:21

ହେଦାଙ୍ଗ୍ କାଜିଙ୍ଗ୍ ୱିଜୁ ପର୍‌କାର୍ କରାପ୍ କାମାୟ୍ କିନାକା ପିହାଟ୍, ଆରେ ୱିଜୁଦିନ୍ କିନି ଦୁଷ୍ଟ କାମାୟ୍ ବନ୍ଦ୍ କିୟାଟ୍। ଆରେ ମିବେ ମାନି ଈଶ୍ୱର କାତାତିଙ୍ଗ୍ ସଦ୍‌ଦରମ୍ ଆଜି ଆହାଟ୍ ହେଦାଙ୍ଗ୍ ମି ଜିବୁନ୍‌ତିଙ୍ଗ୍ ଉଦାର୍ କିଦ୍‌ଦେଙ୍ଗ୍ ଶାକ୍ତି ହିଦ୍‌ନାତ୍‌।

୧ ପିତର 1:23

ଏପେଙ୍ଗ୍ ଜାର୍-ଜାର୍‌ବିତ୍ରେ ଲାଡ୍‌କିଜି ମାନି ଦର୍‌କାର୍ ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ପୁନି ଜିବୁନ୍ ହିତ୍‌ତାନ୍‌ନା। ଇ ପୁନି ଜିବୁନ୍ ଏପେଙ୍ଗ୍ ନଷ୍ଟ ଆନି ମାଞ୍ଜିତାଙ୍ଗ୍ ପାୟା ଆୱାତାଦେର୍‌ନା ମାତର୍ ୱିଜୁଦିନ୍ ମାନି ମାଞ୍ଜିତାଙ୍ଗ୍ ପାୟା ଆତାଦେର୍‌ନା, ଇନେସ୍‌କି ହେଦାଙ୍ଗ୍ ୱିଜୁଦିନ୍ ଜିବୁନ୍ ମାନି ଈଶ୍ୱର କାତାତାଙ୍ଗ୍ ୱାନାତା।

୧ ପିତର 3:15

ଏପେଙ୍ଗ୍ ଖ୍ରୀଷ୍ଟଙ୍ଗ୍ ମାପୃ ଇଞ୍ଜି ହେବା କିନି ଦର୍‌କାର୍। ଆରେ ଇନେର୍ ଯଦି ମିଙ୍ଗେଙ୍ଗ୍ ୱେନ୍‌ବା ଆଦ୍‌ନାର୍ ଏପେଙ୍ଗ୍ ଇନାକିଦେଙ୍ଗ୍ ଖ୍ରୀଷ୍ଟଙ୍ଗ୍ ଆହା କିନାଦେରା, ଲାଗିଙ୍ଗ୍ ଏପେଙ୍ଗ୍ ହେୱାରିଙ୍ଗ୍ ବୁଜାୟ୍ କିନି କାଜିଙ୍ଗ୍ ୱିଜୁନାଞ୍ଜିଙ୍ଗ୍‌ ରେଡି ମାନି ଦର୍‌କାର୍।