୧ ପିତର 3:21 - New Testament in Pengo Parja Language

²¹ ହେୱାର୍ ଆଗେ ଉଦାର୍ ପାୟାଆତାକା, ହେଦାଙ୍ଗ୍ ନଙ୍ଗୟ୍ ଇଲେକେ ଅର୍ତ ହିନାତା ଏଚେପାଦ୍ନା ଆସେଙ୍ଗ୍ ଡୁବନ୍ ଅନାସ୍‌ ଆସେଙ୍ଗ୍ ଉଦାର୍ ପାୟାଆନାସ୍‌। ଆସେଙ୍ଗ୍ ଇମ୍‌ଣି ଏଜୁକାଙ୍ଗ୍ ଡୁବନ୍ ଆନାସ୍ ହେଦାଙ୍ଗ୍ ଗାଗାଡ଼୍‌ନି ପାପ୍‌ତିଙ୍ଗ୍ ନୁଜୁତ୍, ମାତର୍ ଆସେଙ୍ଗ୍ ଈଶ୍ୱରତିଙ୍ଗ୍ କେମା ଏନ୍‌ତାପ୍‌ନା ଇଞ୍ଜି ହେଦାଙ୍ଗ୍ ର ଚିନ୍। ଲାଗିଙ୍ଗ୍ ମା ମାନ୍ କିଲେର୍ ଆନାତ୍ ଯେ ଆସେଙ୍ଗ୍ ଈଶ୍ୱର ହୁଦାଙ୍ଗ୍ ମାହାଆତାସ୍‌ନା, ଈଶ୍ୱର ମାଙ୍ଗେଙ୍ଗ୍ କେମା କିଦ୍‌ନାନ୍ ଇନେସ୍‌କି ଯୀଶୁ ଖ୍ରୀଷ୍ଟ ହାଃତିତାଙ୍ଗ୍ ଆରେରଗ ଜିବୁନ୍ ଆତାନ୍‌ନା,

ସତ୍‌ ବଚନ୍‌ ପୁନି ନିୟମ୍‌

²¹ ହେବେନି ର ଲାକେ ବାପ୍ତିସିମ୍‌ ଇଚିସ୍‌ ଗାଗାଡ଼୍‌ନି ତୁକେର୍ ହାଚ୍‌ଚେଙ୍ଗ୍ ଆକାୟ୍‌, ମାତର୍‌ ଇସ୍ୱର୍‌ତି ଲାଗାଂ ସକଟ୍ ହାର୍‌ଦି ବାବ୍‌ନା ଗାଟାଦେଂ କାଜିଂ ପାର୍ତାନା, ଜିସୁ କ୍ରିସ୍ଟତି ଆରେ ନିଂନି ହୁଦାଂ ନଂ ମିଂ ମୁକ୍ତି କିତ୍‌ତାନ୍‌ନା;

୧ ପିତର 3:21 Iomraidhean Croise

ମାତିଉ 28:19

ଲାଗିଙ୍ଗ୍ ଏପେଙ୍ଗ୍ ହାଲାଟ୍ ଆରେ ୱିଜୁଜାତି ମାନାୟାରିଙ୍ଗ୍ ନା ଚେଲା ରହାଟ୍। ଆବା ଈଶ୍ୱର ଆରେ ତା ମେହି ଯୀଶୁ ଖ୍ରୀଷ୍ଟ ଆରେ ପବିତ୍ର ଆତ୍ମା ତର୍‍ଦାଙ୍ଗ୍ ଏପେଙ୍ଗ୍ ହେୱାରିଙ୍ଗ୍ ଡୁବନ୍ ହିୟାଟ୍।

ମାର୍କ 16:16

ଇନେର୍ ନା ହାର୍ଦିକାବୁର୍‌ତିଙ୍ଗ୍ ପାର୍ତିକିନାର୍ ଆରେ ଡୁବନ୍ ଆନାର୍। ହେୱାନ୍ ରକ୍ଷା ପାୟା ଆନାନ୍, ମାତର୍ ଇନେର୍ ପାର୍ତି କିଉନ୍, ହେୱାନିଙ୍ଗ୍ ଈଶ୍ୱର ଦଣ୍ଡ୍ ହିନାନ୍।

ଜହନ୍‌ 13:9

ଶିମୋନ ପିତର ହେୱାନିଙ୍ଗ୍ ୱେଚ୍‌ଚାନ୍, “ଏ ମାପୃ, ଏନେଙ୍ଗ୍ ନା କାଲ୍‌ପାନା ନୁସ୍‌ତି ପାଚେ ନା କେଇ ଆରେ କାପ୍‌ଡ଼ା ପା ନୁଜ୍‌ଜି ହିଦା।”

ପକ୍ୟାତାକା 2:38

ପିତର ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ୱିଜାକାଦେର୍ ପାପ୍ କାମାୟ୍ ପିସ୍ତି ମାପୃତାକେ ୱାଡ, ଆରେ ପାପ୍ କେମା ପାୟା ଆଦେଙ୍ଗ୍ ଯୀଶୁ ଖ୍ରୀଷ୍ଟ ତର୍‍ଦାଙ୍ଗ୍ ଡୁବନ୍ ଆଡ, ଲାଗିଙ୍ଗ୍ ଏପେଙ୍ଗ୍ ପବିତ୍ର ଆତ୍ମାନି ଦାନ୍ ପାୟାଆନାଦେର୍।

ପକ୍ୟାତାକା 22:16

ଏନେଙ୍ଗ୍ ନଙ୍ଗୟ୍ ଇନା କିଦେଙ୍ଗ୍ ଡେରି କିନାୟା, ନିଙ୍ଗା! ଆରେ ଡୁବନ୍ ଆ। ଆରେ ନି ପାପ୍ କେମା ପାୟା ଆଦେଙ୍ଗ୍ ଏନେଙ୍ଗ୍ ତା ତର୍‍ଦାଙ୍ଗ୍ ପାର୍ତାନା କିୟା।’

ପକ୍ୟାତାକା 8:36

ଆରେ ହେୱାର୍ ହାନିହିଙ୍ଗ୍ ହାଜି ଲାଗାୟ୍ ର ବାନ୍ଦ୍‌ତାକେ ଇକାତାର୍। ଲାଗିଙ୍ଗ୍ ହେ ଅପିସର୍ ପିଲିପତିଙ୍ଗ୍ ୱେଚ୍‌ଚାନ୍, “ଏହେଁ ତ ବାନ୍ଦ୍ ମାନାତ୍, ନାଙ୍ଗେଙ୍ଗ୍ ଏନେଙ୍ଗ୍ ଡୁବନ୍ ହିଦ୍‌ନି କାଜିଙ୍ଗ୍ ଇନାକା ବାଦା ମାନାତ୍ କି?”

ପକ୍ୟାତାକା 8:37

ପିଲିପ ହେୱାନିଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ଯଦି ନି ମାନ୍ ହିଜି ପାର୍ତି କିତିସ୍, ଲାଗିଙ୍ଗ୍ ଏନେଙ୍ଗ୍ ଡୁବନ୍ ଅଦେଙ୍ଗ୍ ଆଡ୍‌ନାଇ।” ହେବେତାଙ୍ଗ୍ ହେ ଅପିସର୍ ୱେଚ୍‌ଚାନ୍, “ଯୀଶୁ ଖ୍ରୀଷ୍ଟ ଈଶ୍ୱର ମେହି, ଇଦାଙ୍ଗ୍ ଆନେଙ୍ଗ୍ ପାର୍ତି କିନାଙ୍ଗା”

ରୋମିୟ 5:14

ଆତିସ୍‌ପା, ଆଦମ ଈଶ୍ୱର ଆଦେସ୍‌ତିଙ୍ଗ୍ ମାନିକିୱାଦାଙ୍ଗ୍ ପାପ୍ କିତିଲେକେ ମାନାୟାର୍ ପାପ୍ କିୱାଦାଙ୍ଗ୍ ମାଚାର୍, ମାତର୍ ଆଦମତାଙ୍ଗ୍ ମୋଶା ପାତେକ୍ ଏଚେ ହେନି ମାଚାର୍ ହେୱାର୍ ୱିଜାକାର୍ ହାଃତାର୍। ଆଦମ ପାପ୍ କିତିଲେ ୱିଜାକାର୍ ପାପିର୍ ଆତାର୍, ଇନେସ୍‌କି ଖ୍ରୀଷ୍ଟ ଦରମ୍ କାମାୟ୍ କିତିଲେ ୱିଜାକାର୍ ଦରମ୍ ଆତାର୍।

୧ କରନ୍ତିୟ 12:13

ଲାଗିଙ୍ଗ୍ ଆସେଙ୍ଗ୍ ଯିହୁଦି ଆଜି ମାଚିସ୍ କି, ବିନ୍‌ଜାତି ଆଜି ମାଚିସ୍ କି, ଚାକର୍ ଆଜି ମାଚିସ୍ କି, ଆରେ ଚାକର୍ ଆୱାଦାଙ୍ଗ୍ ମାଚିସ୍ ପା ଆସେଙ୍ଗ୍ ୱିଜାକାସ୍ ର ଆତ୍ମା କାଜିଙ୍ଗ୍ ଡୁବନ୍ ଅଜି ଈଶ୍ୱର ଗାଗାଡ଼୍‌ତାକେ ଏକ୍ ଆତାପ୍‌ନା, ଆରେ ଆପେଙ୍ଗ୍ ହେ ଆତ୍ମାତିଙ୍ଗ୍ ନେ ପାୟାଆତାପ୍‌ନା।

୧ କରନ୍ତିୟ 4:6

ଏ ଟଣ୍ଡାର୍‌କାଦେର୍, ଆପୋଲ ଆରେ ଆନେଙ୍ଗ୍ ଜାର୍‌ତିଙ୍ଗ୍ ଚଚ୍‌ଚି, ହେ ଅର୍ତତିଙ୍ଗ୍ ବୁଜା ଆଦେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ଦରମ୍ ସାସ୍ତର୍‌ତାକେ ଇନାକା ଲେକାଆତାତ୍‌ନା ତା ହାନ୍ଦିନି ବାର୍ତ ହାଲ୍‌ମାଟ୍। ଯଦି ଏପେଙ୍ଗ୍ ରକାନିଙ୍ଗ୍ ସନ୍‌ମାନ୍ ହିନାଦେରା ଆରେ ରକାନିଙ୍ଗ୍ ଇନସ୍ତା କିନାଦେର୍ ଲାଗିଙ୍ଗ୍ ଏପେଙ୍ଗ୍ ହେଦାଙ୍ଗ୍ ଟିକ୍ କିଉଦେରା।

୨ କରନ୍ତିୟ 1:12

ଆସେଙ୍ଗ୍ ବାଟ୍‌ପାଣ୍ ଆଜି ୱେଚ୍‌ଚେଙ୍ଗ୍ ଆଡ୍‌ନାସ୍, ଇନେସ୍‌କି ଆପେଙ୍ଗ୍ ଦରମ୍ ଆରେ ସତ୍ ସମ୍ପର୍କ ମିହୁଦାଙ୍ଗ୍ ଇଡ଼୍‌ତାପ୍‌ନା, ହେଦାଙ୍ଗ୍ ମା ମାନ୍ତି ବାବ୍‌ନା ସାକି ହିନାତା। ଆସେଙ୍ଗ୍ ମା ପୁର୍ତିନି ଜ୍ଞାନ୍‌ତିଙ୍ଗ୍ ଆହା କିୱାଦାଙ୍ଗ୍, ଈଶ୍ୱର ଦୟାତିଙ୍ଗ୍ ଆହା କିନାପା। ହେଲେକେ ମିହୁଦାଙ୍ଗ୍ ଆରେ ୱିଜାକାର୍ ହୁଦାଙ୍ଗ୍ ଜିବୁନ୍ କାଟିକିଜି ମାଚାପ୍।

୨ କରନ୍ତିୟ 7:1

ଏ ନା ଲାଡ୍‌ନି ପାର୍ତିକିନି ଟଣ୍ଡାର୍‌କାଦେର୍, ଈଶ୍ୱର ମାଙ୍ଗେଙ୍ଗ୍ ତା ହିମ୍‌ଣାୱାକ୍‌ଡ଼ା ଆଦେଙ୍ଗ୍ ପାର୍ମାଣ୍ କିତ୍‌ତାନ୍‌ନା। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ କରାପ୍ କାମାୟ୍ ୱିଜୁ କିନାକା ବନ୍ଦ୍ କିନି ଦର୍‌କାର୍ ଇମ୍‌ଣାକା ମା ଗାଗାଡ଼୍‌ତିଙ୍ଗ୍ ଆରେ ଆତ୍ମାତିଙ୍ଗ୍ କରାପ୍ କିନାତା। ଆରେ ଆସେଙ୍ଗ୍ ଈଶ୍ୱରତିଙ୍ଗ୍ ସନ୍‌ମାନ୍ କିଜି ମାନି କାଜିଙ୍ଗ୍ ଆସେଙ୍ଗ୍ ଈଶ୍ୱର ଇଚା କିନିଲେକେ କାମାୟ୍ କିନି ଦର୍‌କାର୍।

ଗାଲାତିୟ 3:27

ଏପେଙ୍ଗ୍ ଏଚେଜାଣ୍ ଖ୍ରୀଷ୍ଟତାକେ ରବେଆଜି ଡୁବନ୍ ଆତାଦେର୍‌ନା, ଏପେଙ୍ଗ୍ ଖ୍ରୀଷ୍ଟଙ୍ଗ୍ ର ପୁନି ଆଙ୍ଗି ଲେକେ ଉସ୍‌ପାତାଦେର୍‌ନା।

ଏପିସିୟ 5:26

ଇନେସ୍ ହେୱାନ୍ ମଣ୍ଡ୍‌ଲିତିଙ୍ଗ୍ ପବିତ୍ର କିଦେଙ୍ଗ୍ ଆଡ୍‌ନାନ୍। ହେୱାନ୍ ଈଶ୍ୱର କାତା ଆରେ ଏଜୁଙ୍ଗ୍‌ତାଙ୍ଗ୍ ଇଦାଙ୍ଗ୍ ସପା କିତାନ୍‌ନା।

କଲସିୟ 2:12

ଖ୍ରୀଷ୍ଟଙ୍ଗ୍ ଇନେସ୍ ମୁଚ୍‍ଚାର୍ ହେଲେକେ ନେ ମି ପାପ୍‌ନି ଗୁଣ୍ ପା ମୁନ୍‌ଞ୍ଚାତ୍, ଏଚେପାଦ୍ନା ଏପେଙ୍ଗ୍ ଡୁବନ୍ ଅତାଦେର୍। ଖ୍ରୀଷ୍ଟ ଇନେସ୍ ପୁନି ଜିବୁନ୍ ପାୟାଆଜି ନିଙ୍ଗ୍‌ତାନ୍ ହେଲେକେ ଏପେଙ୍ଗ୍ ପା ପୁନି ଗୁଣ୍ ପାୟାଆଜି ନିଙ୍ଗ୍‌ତାଦେର୍‌ନା। ଇନେସ୍‌କି ଏପେଙ୍ଗ୍ ପାର୍ତି କିନାଦେରା ଯେ, ଈଶ୍ୱର ତା ଶାକ୍ତିତାଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ କିତାନ୍‌ନା।

୧ ତିମତି 1:5

ଆନେଙ୍ଗ୍ ୱେଚ୍‌ଚିନି ଅର୍ତ ଇଦାଙ୍ଗ୍ ଯେ, ଏପେଙ୍ଗ୍ ମି ବିତ୍ରେ ଲାଡ୍ କିବା ଆନାଦେର୍। ଆରେ ଇ ଲାଡ୍ ହାର୍ଦି ମାନ୍, ହାର୍ଦି ଚିନ୍ତା ଆରେ ସତ୍ ପାର୍ତିତାଙ୍ଗ୍ ଆନି ଦର୍‌କାର୍।

୧ ତିମତି 6:12

ଯୁଜ୍ କିଦେଙ୍ଗ୍ ହାଚି ସେନା ଇନେସ୍ ଯୁଜ୍‌ତିଙ୍ଗ୍ ପିହୁନ୍, ହେଲେକେ ଏନେଙ୍ଗ୍ ପା ଈଶ୍ୱରତିଙ୍ଗ୍ ପାର୍ତି କିନାକା ପିହ୍‌ମା ଆରେ ହେୱାନିଙ୍ଗ୍ ମାନିକିଜି ମାନା। ଆରେ ୱିଜ୍‌ୱି ଜିବୁନ୍‌ତିଙ୍ଗ୍ ଆରାଇ କିମା, ଇଦାଙ୍ଗ୍ କାଜିଙ୍ଗ୍ ଈଶ୍ୱର ନିଙ୍ଗେଙ୍ଗ୍ ବାଚି କିତ୍‌ତାନ୍‌ନା, ଆରେ ବେସିହେନି ମାନାୟାର୍ ମୁମ୍‌ଦ ଯୀଶୁତାକେ ପାର୍ତି କିନାଙ୍ଗା ଇଞ୍ଜି ସାହାସ୍‌ତାଙ୍ଗ୍ ୱେଚ୍‌ଚାଇନା।

ଏବ୍ରି 10:22

ଖ୍ରୀଷ୍ଟ ତା ନେତେର୍ ତିର୍‌ପିସ୍, ମା ଗରବ୍‌ନି ଦସ୍‌ତିଙ୍ଗ୍ ଦେହା କିତାନ୍‌ନା, ହାର୍ଦି ଏଜୁଙ୍ଗ୍‌ତାଙ୍ଗ୍ ମା ଗାଗାଡ଼୍‌ତିଙ୍ଗ୍ ସପା କିଜି ମାଙ୍ଗେଙ୍ଗ୍ ରେଡି କିତାନ୍‌ନା। ଲାଗିଙ୍ଗ୍ ୱାଡ ଆସେଙ୍ଗ୍ ନଙ୍ଗୟ୍ ହାର୍ଦି ମାନ୍‌ତାଙ୍ଗ୍ ଆରେ ଷ୍ଟ୍ରଙ୍ଗ୍ ପାର୍ତିତାଙ୍ଗ୍ ଈଶ୍ୱର ଲାଗାୟ୍ ହାନାସ୍।

ଏବ୍ରି 11:19

ଇନେସ୍‌କି ଅବ୍ରାହାମତିଙ୍ଗ୍ ପାର୍ତି ମାଚାତ୍ ଯେ ଇସାକ ହାଃତିସ୍ ପା ଈଶ୍ୱର ହେୱାନିଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ କିଜି ନିକ୍‌ନି ଶାକ୍ତି ମାନାତ୍। ହେଲେକେ ଅବ୍ରାହାମ ତା ମାଜିଙ୍ଗ୍ ହାଃନିତାଙ୍ଗ୍ ଜିବୁନ୍‌ ପାୟାଆତାନ୍‌।

ଏବ୍ରି 13:18

ମା କାଜିଙ୍ଗ୍ ପାର୍ତାନା କିୟାଟ୍। ଇନେସ୍‌କି ମା ଆହା ମାନାତ୍ ଯେ, ମାଙ୍ଗେଙ୍ଗ୍ ହାର୍ଦି ବୁଦି ମାନାତ୍, ଆରେ ଆସେଙ୍ଗ୍ ସନ୍‌ମାନ୍ ହୁଦାଙ୍ଗ୍ ୱିଜୁକିଜି ଜିନି କାଜିଙ୍ଗ୍ ଇଚା କିନାସା।

ଏବ୍ରି 9:14

ମାତର୍ ଏପେଙ୍ଗ୍ ଇଦାଙ୍ଗ୍ ବାବି କିୟାଟ୍ ଯେ ହାଃନି ହାଜ୍‌ଦିଙ୍ଗ୍ ଅଦ୍‌ନି କାମାୟ୍‌ତାଙ୍ଗ୍ ଖ୍ରୀଷ୍ଟ ନେତେର୍ ଆଦିକ୍ କିଜି ମା ଗରବ୍‌ତିଙ୍ଗ୍ ଶୁଚି କିଦ୍‌ନାତ୍, ଆରେ ଆସେଙ୍ଗ୍ ଜିବୁନ୍ ମାନି ଈଶ୍ୱରତିଙ୍ଗ୍ ହେବା କିଦେଙ୍ଗ୍ ଆଡ୍‌ନାସ୍। ଇନେସ୍‌କି ୱିଜ୍‌ୱି ଆତ୍ମାନି ଶାକ୍ତିତାଙ୍ଗ୍, ମା ପାପ୍ କାଜିଙ୍ଗ୍ ଖ୍ରୀଷ୍ଟ ତା ଜାର୍ ଜିବୁନ୍‌ତିଙ୍ଗ୍ ଈଶ୍ୱର ଲାଗାୟ୍ ର ପୁରାପୁରି ଟିକ୍ ବଲିପୁଜା କିତାନ୍‌ନା।

ଏବ୍ରି 9:24

ଇଦାଙ୍ଗ୍ କାଜିଙ୍ଗ୍ ମାନାୟାର୍ ରସ୍ତି ର ପୁଟ୍ କୁଡ଼ିଆନି ପବିତ୍ର ବାହାତାକେ ଖ୍ରୀଷ୍ଟ ହାଲ୍‌ୱାତାନ୍, ଇନେସ୍‌କି ଇଦାଙ୍ଗ୍ ସତ୍ ବିଷୟନି ରଞ୍ଜାଙ୍ଗ୍ ନକ୍‌ଲି କପି ମାଚାତ୍। ମାତର୍ ମା ନିପଣ୍ ଆଜି ଈଶ୍ୱର ମୁମ୍‌ଦ ନିଲ୍‌ନି କାଜିଙ୍ଗ୍ ଖ୍ରୀଷ୍ଟ ସରଗ୍‌ଜପି ହାଚାନ୍।

୧ ପିତର 1:3

ମା ମାପୃ ଯୀଶୁ ଖ୍ରୀଷ୍ଟ ଆବା ଈଶ୍ୱରତିଙ୍ଗ୍ ଜୟ୍-ଜୟ୍ ଆୟେତ୍, ଈଶ୍ୱର ମାଙ୍ଗେଙ୍ଗ୍ ବେସି ଦୟାକିଜି ମାନ୍‌ଞ୍ଚି କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ପୁନି ଜିବୁନ୍ ହିତ୍‌ତାନ୍। ଇନେସ୍‌କି ଈଶ୍ୱର ଯୀଶୁ ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ କିଜି ନିକ୍‌ଚି ମାଚାନ୍, ଆରେ ହେୱାନ୍ ମାଙ୍ଗେଙ୍ଗ୍ ସାହାସ୍ ହୁଦାଙ୍ଗ୍ ଜିନି କାଜିଙ୍ଗ୍ ସାଇଜ କିତ୍‌ତାନ୍‌ନା। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ହେୱାନ୍ କିଜିମାଚି ପାର୍ମାଣ୍‌ତିଙ୍ଗ୍ ପାୟାଆନି କାଜିଙ୍ଗ୍ ଆପେଙ୍ଗ୍ ଆହା କିନାପା।

୧ ପିତର 3:16

ଏପେଙ୍ଗ୍ ଦରମ୍‌ଆଜି ସନ୍‌ମାନ୍ ହୁଦାଙ୍ଗ୍ ହେ ବିଷୟତିଙ୍ଗ୍ ବୁଜାୟ୍ କିନି ଦର୍‌କାର୍, ଏପେଙ୍ଗ୍ ଜାର୍ ମାନ୍‌ତିଙ୍ଗ୍ କିଲେର୍ କିଜି ଇଟାଟ୍। ଲାଗିଙ୍ଗ୍ ମାନାୟାର୍ ଯଦି ମି ବିରୁଦ୍‌ତାକେ ଇଞ୍ଜ୍‌ନାର୍, ଆରେ ଏପେଙ୍ଗ୍ ହାର୍ ଜିବୁନ୍ କାଟି କିନାକା ହେୱାର୍ ହୁଡ଼୍‍ଦାନାର୍ ଆରେ ହେୱାର୍ ଲାଜ୍ ପାୟାଆନାର୍‌, ଇନେସ୍‌କି ଏପେଙ୍ଗ୍ ଖ୍ରୀଷ୍ଟ ଲକ୍ ଆତାଦେର୍‌ନା।