୧ ପିତର 3:16 - New Testament in Pengo Parja Language

¹⁶ ଏପେଙ୍ଗ୍ ଦରମ୍‌ଆଜି ସନ୍‌ମାନ୍ ହୁଦାଙ୍ଗ୍ ହେ ବିଷୟତିଙ୍ଗ୍ ବୁଜାୟ୍ କିନି ଦର୍‌କାର୍, ଏପେଙ୍ଗ୍ ଜାର୍ ମାନ୍‌ତିଙ୍ଗ୍ କିଲେର୍ କିଜି ଇଟାଟ୍। ଲାଗିଙ୍ଗ୍ ମାନାୟାର୍ ଯଦି ମି ବିରୁଦ୍‌ତାକେ ଇଞ୍ଜ୍‌ନାର୍, ଆରେ ଏପେଙ୍ଗ୍ ହାର୍ ଜିବୁନ୍ କାଟି କିନାକା ହେୱାର୍ ହୁଡ଼୍‍ଦାନାର୍ ଆରେ ହେୱାର୍ ଲାଜ୍ ପାୟାଆନାର୍‌, ଇନେସ୍‌କି ଏପେଙ୍ଗ୍ ଖ୍ରୀଷ୍ଟ ଲକ୍ ଆତାଦେର୍‌ନା।

ସତ୍‌ ବଚନ୍‌ ପୁନି ନିୟମ୍‌

¹⁶ ମାତର୍‌ ହୁଦାର୍ ଆରି ହାର୍‌ ବାବ୍ରେ ଉତର୍‌ ହିୟାଟ୍‌, ମି ବାବ୍‌ନାତିଂ ନିର୍‌ମଲ୍‌ ଇଟାଟ୍‌ । ତା ଆତିସ୍‌, ଏପେଙ୍ଗ୍‌ କ୍ରିସ୍ଟତି ପାଚେହାନି ଲାକେ ସମାନ୍‌ ସନ୍‌ମାନ୍‌ କିନିୱେଡ଼ାଂ, ଇମ୍‌ଣାକାର୍‌ ମିଙ୍ଗ୍‌ ମିଚ୍‌ ନିନ୍ଦାକିଦ୍‌ନାର୍‌, ହେୱାର୍‌ ଲାଜୁ ଆନାର୍‌ ।

୧ ପିତର 3:16 Iomraidhean Croise

ମାତିଉ 5:11

ଏପେଙ୍ଗ୍ ନା କାଜିଙ୍ଗ୍ ନିନ୍ଦା ଆରେ ଇନସ୍ତା ଆନାଦେର୍, ଆରେ ମିଚ୍‌ତାଙ୍ଗ୍ ମିଙ୍ଗେଙ୍ଗ୍ ବିରଦ୍, ଆରେ ୱିଜୁ ପ୍ରକାର୍ ବାନ୍ୟା ବେଣ୍ ଇଞ୍ଜ୍‌ନାର୍, ଲାଗିଙ୍ଗ୍ ଏପେଙ୍ଗ୍ ହାର୍।

ପକ୍ୟାତାକା 24:16

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ପା ୱିଜୁଦିନ୍ ଈଶ୍ୱରତାକେ ଆରେ ମାନାୟାର୍‌ତାକେ ଦସି ଆଉଙ୍ଗ୍ ଇଞ୍ଜି ନା ମାନ୍‌ତିଙ୍ଗ୍ ଜାତୁନ୍ କିନାଙ୍ଗା।

ପକ୍ୟାତାକା 28:22

ମାତର୍ ନି ବେଣ୍ ଇନାକା ହେଦାଙ୍ଗ୍ ଆପେଙ୍ଗ୍ ୱେଞ୍ଜେଙ୍ଗ୍ ଇଚା କିନାପା, ଇନେସ୍‌କି ୱିଜୁ ନିପଣ୍ ଇ ଖ୍ରୀଷ୍ଟାନ୍ ଦଳ୍‌ନି ମାନାୟାରିଙ୍ଗ୍ ତା ବିରଦ୍‌ତାକେ ୱେଚ୍‌ନାକା ୱେନାପା।”

ରୋମିୟ 9:1

ନଙ୍ଗୟ୍ ଯଦି ମାଙ୍ଗେଙ୍ଗ୍ ଈଶ୍ୱର ଲାଡ୍‌ତାଙ୍ଗ୍ ଇନାକା ବିନେ କିଦ୍‌ଦେଙ୍ଗ୍ ଆଡ଼୍‌ଦୁତା, ଲାଗିଙ୍ଗ୍ ନା ଯିହୁଦି ମାନାୟାର୍ ଈଶ୍ୱରତାଙ୍ଗ୍ ଇନାକିଦେଙ୍ଗ୍ ଅଲ୍‌ଗା ଆତାର୍। ଆନେଙ୍ଗ୍ ହେୱାର୍ କାଜିଙ୍ଗ୍ ବେସି ଦୁଃକ୍ ଆନାଙ୍ଗା, ଆରେ ପା ନା ଗରବ୍‌ତାକେ ହେୱାର୍ କାଜିଙ୍ଗ୍ ୱିଜୁଦିନ୍ ବେସି କଷ୍ଟ ଆନାତା। ଯଦି ନା ନିଜର୍ ଲଗାଙ୍ଗ୍ ଉଦାର୍ କିନି କାଜିଙ୍ଗ୍ ଖ୍ରୀଷ୍ଟତାଙ୍ଗ୍ ଅଲ୍‌ଗା ଆୟା ଆନାତ୍‌, ଲାଗିଙ୍ଗ୍ ଆନେଙ୍ଗ୍ ହେଦିଲିଙ୍ଗ୍ ପା ରାଜି। ଆନେଙ୍ଗ୍ ସାକି ଲେକେ ଖ୍ରୀଷ୍ଟ ହୁଦାଙ୍ଗ୍ ସତ୍ ୱେଚ୍‌ନାଙ୍ଗା। ପବିତ୍ର ଆତ୍ମା ଆରେ ନାମାନ୍ ପା ସାକି ହିନାତା ଯେ, ଇଦାଙ୍ଗ୍ ମିଚ୍ ଆକାୟ୍।

୨ କରନ୍ତିୟ 1:12

ଆସେଙ୍ଗ୍ ବାଟ୍‌ପାଣ୍ ଆଜି ୱେଚ୍‌ଚେଙ୍ଗ୍ ଆଡ୍‌ନାସ୍, ଇନେସ୍‌କି ଆପେଙ୍ଗ୍ ଦରମ୍ ଆରେ ସତ୍ ସମ୍ପର୍କ ମିହୁଦାଙ୍ଗ୍ ଇଡ଼୍‌ତାପ୍‌ନା, ହେଦାଙ୍ଗ୍ ମା ମାନ୍ତି ବାବ୍‌ନା ସାକି ହିନାତା। ଆସେଙ୍ଗ୍ ମା ପୁର୍ତିନି ଜ୍ଞାନ୍‌ତିଙ୍ଗ୍ ଆହା କିୱାଦାଙ୍ଗ୍, ଈଶ୍ୱର ଦୟାତିଙ୍ଗ୍ ଆହା କିନାପା। ହେଲେକେ ମିହୁଦାଙ୍ଗ୍ ଆରେ ୱିଜାକାର୍ ହୁଦାଙ୍ଗ୍ ଜିବୁନ୍ କାଟିକିଜି ମାଚାପ୍।

୨ କରନ୍ତିୟ 4:2

ଆପେଙ୍ଗ୍ ୱିଜୁ ଲାଜାଆନି କାମାୟ୍ ଆରେ ମାନାୟାର୍‌ତାଙ୍ଗ୍ ଡ଼ୁକ୍‌ଚି କିନି କାମାୟ୍ କିଉସା। ଆପେଙ୍ଗ୍ ମିଙ୍ଗେଙ୍ଗ୍ ଟକାୟ୍ କିଦ୍‌ଦେଙ୍ଗ୍ ଉପାୟ୍ କିଉପା, ଆରେ ଆପେଙ୍ଗ୍ ଈଶ୍ୱର କାତାତିଙ୍ଗ୍ ଚାଲାକି କିଜି ୱେଚ୍‌ଚୁପା। ଆପେଙ୍ଗ୍ ଈଶ୍ୱର ମୁମ୍‌ଦ ସତ୍ ୱେଚ୍‌ନାପା ଆରେ ୱିଜୁ ଦରମ୍ ମାନାୟାର୍ ପୁଚାର୍‌ନା ଯେ ଆପେଙ୍ଗ୍ ସତ୍ ୱେଚ୍‌ନାପା।

୧ ତିମତି 1:19

ଏନେଙ୍ଗ୍ ଖ୍ରୀଷ୍ଟତାକେ ପାର୍ତି କିଜି ମାନା, ଆରେ ଇନାକା ଟିକ୍ ହେଦାଙ୍ଗ୍ କିୟା। ଇନେସ୍‌କି କେତେକ୍ ମାନାୟାର୍ ଟିକ୍ କାମାୟ୍ ପୁନ୍‌ଞ୍ଜି କିୱି କାଜିଙ୍ଗ୍ ଜାଜ୍ ଇନେସ୍ ଡିଙ୍ଗ୍‌ତାତ୍‌ନା ହେଲେକେ ହେୱାର୍ ମାନ୍ ପା ଖ୍ରୀଷ୍ଟତାକେ ପାର୍ତି କିନାକା ବାଙ୍ଗା ଆତାତ୍‌ନା।

୧ ତିମତି 1:5

ଆନେଙ୍ଗ୍ ୱେଚ୍‌ଚିନି ଅର୍ତ ଇଦାଙ୍ଗ୍ ଯେ, ଏପେଙ୍ଗ୍ ମି ବିତ୍ରେ ଲାଡ୍ କିବା ଆନାଦେର୍। ଆରେ ଇ ଲାଡ୍ ହାର୍ଦି ମାନ୍, ହାର୍ଦି ଚିନ୍ତା ଆରେ ସତ୍ ପାର୍ତିତାଙ୍ଗ୍ ଆନି ଦର୍‌କାର୍।

୨ ତିମଥି 1:3

ଆନେଙ୍ଗ୍ ଏଚେପାଦ୍ନା ପାର୍ତାନା ୱିଜୁଦିନ୍ ନି ତର୍‌ତିଙ୍ଗ୍ ମାନ୍ତ ଏତୁ କିନାଙ୍ଗ୍, ଆରେ ଈଶ୍ୱରତିଙ୍ଗ୍ ୱିଜୁଦିନ୍ ଦନ୍ଯବାଦ୍ ହିଜି ପାର୍ତାନା କିନାଙ୍ଗ୍। ହେ ଈଶ୍ୱରତିଙ୍ଗ୍ ଆନେଙ୍ଗ୍ ଆରେ ନା ଆକଦାଦିର୍ ହାର୍ଦି ମାନ୍‌ତାଙ୍ଗ୍ ହେବା କିନାପା।

ତୀତସ 2:8

ମାନାୟାର୍ ନିନ୍ଦା ହିଦ୍‌ୱି ଲେକେ ସତ୍ ହିକ୍ଷା ୱିଜୁଦିନ୍ ହିୟାଟ୍। ଲାଗିଙ୍ଗ୍ ମିଙ୍ଗେଙ୍ଗ୍ ବିରଦ୍ କିଦ୍‌ନି ମାନାୟାର୍ ପା, ମା ବିଷୟରେ ଇମ୍‌ଣି କରାପ୍ ବେଣ୍ ୱେଚ୍‌ଚେଙ୍ଗ୍ ଆଡ୍‌ୱାଦାଙ୍ଗ୍ ଲାଜ୍ ପାୟାଆନାର୍‌।

ଏବ୍ରି 13:18

ମା କାଜିଙ୍ଗ୍ ପାର୍ତାନା କିୟାଟ୍। ଇନେସ୍‌କି ମା ଆହା ମାନାତ୍ ଯେ, ମାଙ୍ଗେଙ୍ଗ୍ ହାର୍ଦି ବୁଦି ମାନାତ୍, ଆରେ ଆସେଙ୍ଗ୍ ସନ୍‌ମାନ୍ ହୁଦାଙ୍ଗ୍ ୱିଜୁକିଜି ଜିନି କାଜିଙ୍ଗ୍ ଇଚା କିନାସା।

ଏବ୍ରି 9:14

ମାତର୍ ଏପେଙ୍ଗ୍ ଇଦାଙ୍ଗ୍ ବାବି କିୟାଟ୍ ଯେ ହାଃନି ହାଜ୍‌ଦିଙ୍ଗ୍ ଅଦ୍‌ନି କାମାୟ୍‌ତାଙ୍ଗ୍ ଖ୍ରୀଷ୍ଟ ନେତେର୍ ଆଦିକ୍ କିଜି ମା ଗରବ୍‌ତିଙ୍ଗ୍ ଶୁଚି କିଦ୍‌ନାତ୍, ଆରେ ଆସେଙ୍ଗ୍ ଜିବୁନ୍ ମାନି ଈଶ୍ୱରତିଙ୍ଗ୍ ହେବା କିଦେଙ୍ଗ୍ ଆଡ୍‌ନାସ୍। ଇନେସ୍‌କି ୱିଜ୍‌ୱି ଆତ୍ମାନି ଶାକ୍ତିତାଙ୍ଗ୍, ମା ପାପ୍ କାଜିଙ୍ଗ୍ ଖ୍ରୀଷ୍ଟ ତା ଜାର୍ ଜିବୁନ୍‌ତିଙ୍ଗ୍ ଈଶ୍ୱର ଲାଗାୟ୍ ର ପୁରାପୁରି ଟିକ୍ ବଲିପୁଜା କିତାନ୍‌ନା।

୧ ପିତର 2:12

ଈଶ୍ୱରତିଙ୍ଗ୍ ପୁନ୍‌ୱିତି ମାନାୟାର୍ ମି ଚାରିବେଣ୍‌ତାଙ୍ଗ୍ ମାନାର୍, ଆରେ ହେୱାର୍ ମିଙ୍ଗେଙ୍ଗ୍ ବୁଲ୍ କାମାୟ୍ କିନାରା ଇଞ୍ଜି ବିରଦ୍ କିଦେଙ୍ଗ୍ ଆଡ୍‌ନାର୍। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ହାର୍ ଜିବୁନ୍ କାଟିକିନି ଦର୍‌କାର୍, ଲାଗିଙ୍ଗ୍ ହେୱାର୍ ମି ହାର୍ କାମାୟ୍ ହୁଡ଼୍‌ଜି ଈଶ୍ୱରତିଙ୍ଗ୍ ଗୌରବ ହିନାର୍, ଏଚେପାଦ୍ନା ଯୀଶୁ ଖ୍ରୀଷ୍ଟ ପୁର୍ତିତାକେ ଆରେରଗ ବିଚାର୍ କିଦେଙ୍ଗ୍ ୱାନାନ୍।

୧ ପିତର 2:15

ହେଦାଙ୍ଗ୍ କାଜିଙ୍ଗ୍ ଈଶ୍ୱର ଇଚା କିନାକାନ୍ ଯେ, ଏପେଙ୍ଗ୍ ହାର୍ କାମାୟ୍ କିୟାଟ୍। ଲାଗିଙ୍ଗ୍ ଈଶ୍ୱର ପୁନ୍‌ୱିତି ବକୁୱା ମାନାୟାର୍ ମିଙ୍ଗେଙ୍ଗ୍ ବିରଦ୍ କିତ୍‌ତିସ୍ ପା ମି ହାର୍ କାମାୟ୍ କାଜିଙ୍ଗ୍ ହେ ବିରଦ୍‌ତିଙ୍ଗ୍ ଏପେଙ୍ଗ୍ ବନ୍ଦ୍ କିଦେଙ୍ଗ୍ ଆଡ୍‌ନାଦେର୍।

୧ ପିତର 2:19

ଆସେଙ୍ଗ୍ ବୁଲ୍ କିୱାଦାଙ୍ଗ୍ ମାଚିସ୍ ପା ଯଦି ଦୁଃକ୍ କଷ୍ଟତିଙ୍ଗ୍ ସମ୍ବାଲି କିନାସ୍, ଇନେସ୍‌କି ଆସେଙ୍ଗ୍ ପୁଚାସ୍‌ନା ଯେ, ଈଶ୍ୱର ୱିଜୁ ପୁନାନା, ଲାଗିଙ୍ଗ୍ ଈଶ୍ୱର ମା ଇ କାମାୟ୍ କାଜିଙ୍ଗ୍ ୱାରିୟା ଆନାନ୍।

୧ ପିତର 3:21

ହେୱାର୍ ଆଗେ ଉଦାର୍ ପାୟାଆତାକା, ହେଦାଙ୍ଗ୍ ନଙ୍ଗୟ୍ ଇଲେକେ ଅର୍ତ ହିନାତା ଏଚେପାଦ୍ନା ଆସେଙ୍ଗ୍ ଡୁବନ୍ ଅନାସ୍‌ ଆସେଙ୍ଗ୍ ଉଦାର୍ ପାୟାଆନାସ୍‌। ଆସେଙ୍ଗ୍ ଇମ୍‌ଣି ଏଜୁକାଙ୍ଗ୍ ଡୁବନ୍ ଆନାସ୍ ହେଦାଙ୍ଗ୍ ଗାଗାଡ଼୍‌ନି ପାପ୍‌ତିଙ୍ଗ୍ ନୁଜୁତ୍, ମାତର୍ ଆସେଙ୍ଗ୍ ଈଶ୍ୱରତିଙ୍ଗ୍ କେମା ଏନ୍‌ତାପ୍‌ନା ଇଞ୍ଜି ହେଦାଙ୍ଗ୍ ର ଚିନ୍। ଲାଗିଙ୍ଗ୍ ମା ମାନ୍ କିଲେର୍ ଆନାତ୍ ଯେ ଆସେଙ୍ଗ୍ ଈଶ୍ୱର ହୁଦାଙ୍ଗ୍ ମାହାଆତାସ୍‌ନା, ଈଶ୍ୱର ମାଙ୍ଗେଙ୍ଗ୍ କେମା କିଦ୍‌ନାନ୍ ଇନେସ୍‌କି ଯୀଶୁ ଖ୍ରୀଷ୍ଟ ହାଃତିତାଙ୍ଗ୍ ଆରେରଗ ଜିବୁନ୍ ଆତାନ୍‌ନା,

୧ ପିତର 4:4

ହେଦାଙ୍ଗ୍ କାଜିଙ୍ଗ୍ ମି ଆଗେନି ସାଙ୍ଗର୍ ମିଙ୍ଗେଙ୍ଗ୍ ହୁଡ଼୍‌ଜି କାବା ଆନାରା। ଆରେ ମି ବିଷୟରେ କରାପ୍ କାତା ଇନାରା ଇନେସ୍‌କି ଏପେଙ୍ଗ୍ ତା ହୁଦାଙ୍ଗ୍ ମାହାଆଜି କରାପ୍ କାମାୟ୍ କିଉଦେରା।