୧ ପିତର 3:11 - New Testament in Pengo Parja Language

¹¹ ଏପେଙ୍ଗ୍ କରାପ୍ କାମାୟ୍ କିନାକା ବନ୍ଦ୍ କିୟାଟ୍ ଆରେ ହାର୍ କାମାୟ୍ କିୟାଟ୍। ଏପେଙ୍ଗ୍ ଶାନ୍ତିତାଙ୍ଗ୍ ମାଞ୍ଜେଙ୍ଗ୍ ଆରେ ଶାନ୍ତି କିଦେଙ୍ଗ୍ ଉପାୟ୍ କିୟାଟ୍।”

ସତ୍‌ ବଚନ୍‌ ପୁନି ନିୟମ୍‌

¹¹ ହେୱାନ୍‌ ବାନ୍ୟାତାଂ ମାସ୍‍ଦି ହାର୍‌ଦି କାମାୟ୍‌ କିଏନ୍‌; ଆରି ୱାସ୍କିନିକାତା ଲାହାଂ ସୁସ୍ତାନି ଆସିର୍ବାଦ୍‌ କିନାସ୍‌ ।

୧ ପିତର 3:11 Iomraidhean Croise

ମାତିଉ 5:45

ହେଲେକେ କିତିସ୍ ଏପେଙ୍ଗ୍ ମି ସରଗ୍‌ନି ଆବା ମେହି ଆନାଦେର୍। ହେୱାନ୍ ତ ବାନ୍ୟା ଆରେ ହାର୍‌ଦାକାନ୍ ଇ ରିକାର୍ ଜପି ପା ଜାର୍ ୱେଡ଼ାନି ଅଜଡ଼୍‌ତିଙ୍ଗ୍ ହପିକିନାନ୍, ମାତର୍ ହାର୍ଦି ଆରେ ବାନ୍ୟା ମାନାୟ୍ ଜପି ପା ବାର୍ହା ପଡିକିନାନ୍।

ମାତିଉ 5:9

ଇମ୍‌ଣାକାନ୍ ଶାନ୍ତିନି କାମାୟ୍ କିନାନ୍ ହେୱାନ୍ ହାର୍, ଇନେସ୍‌କି ହେୱାର୍ ଈଶ୍ୱର ମେହି ଇଞ୍ଜି ପୁନିୟା ଆନାର୍।

ମାତିଉ 6:13

ଆରେ ମାଙ୍ଗେଙ୍ଗ୍ ଶୟତାନ ପରିକ୍ଷାତାକେ ତାତ୍‌ମା, ମାତର୍ ଶୟତାନନି ପାପ୍ କାମାୟ୍‌ତାଙ୍ଗ୍ ରକ୍ଷା କିଦା। (ହେଲେକେ ନି ରାଜି, ସାକ୍ତି ଆରେ ନି ଜୟ୍-ଜୟ୍ ଯୁଗ୍ ଯୁଗ୍‌ତ ଆୟେତ୍। ଆମେନ୍।)’

ମାର୍କ 14:7

ଇନେସ୍‌କି ଗରିବ୍ ନିକାର୍ ମିହୁଦାଙ୍ଗ୍ ୱିଜୁଦିନ୍ ମାନ୍‍ଙ୍ଗାନାର୍। ଏପେଙ୍ଗ୍ ହେୱାରିଙ୍ଗ୍ ଏଚେପାଦ୍ନା ଆଡ଼୍‌ତିସ୍, ହେପାଦ୍ନା ସାଇଜ କିଦେଙ୍ଗ୍ ଆଡ୍‌ନାଦେର୍, ମାତର୍ ଆନେଙ୍ଗ୍ ମିହୁଦାଙ୍ଗ୍ ୱିଜୁଦିନ୍ ମାନ୍‌ଗୁଙ୍ଗ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:79

ଈଶ୍ୱରତିଙ୍ଗ୍ ପୁନ୍‌ୱାଦାଙ୍ଗ୍ ମାଜ୍‌ଗାତ ମାନି ମାନାୟ୍, ଆରେ ହାଃଦେଙ୍ଗ୍ ପାଣ୍ଡ୍ରାଆନି ମାନାୟାରିଙ୍ଗ୍ ହେୱାନ୍ ର ଅଜଡ଼୍‌ଲେକେ ଆନାନ୍। ହେୱାନ୍ ମାଙ୍ଗେଙ୍ଗ୍ ଶାନ୍ତିତାଙ୍ଗ୍ ଜିବୁନ୍ କାଟି କିଦେଙ୍ଗ୍ ସାଇଜ କିଦ୍‌ନାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:35

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଜାର୍ ଶାତ୍ରୁରିଙ୍ଗ୍ ଲାଡ୍ କିୟାଟ୍। ହେୱାରିଙ୍ଗ୍ ଉପ୍‌କାର୍ କିୟାଟ୍। ଆରେ ଡାବୁଙ୍ଗ୍ ଗାଟାଆୱି ଆହା ଇଟ୍‌ୱାଦାଙ୍ଗ୍ ହେୱାରିଙ୍ଗ୍ ଡାବୁଙ୍ଗ୍ ରୁଣ୍ ହିୟାଟ୍। ଇଦାଙ୍ଗ୍ କିତିସ୍ ମିଙ୍ଗେଙ୍ଗ୍ ବେସି ପୁରଷ୍କାର୍ ଗାଟାଆଦ୍‍ନାତ୍। ଏପେଙ୍ଗ୍ ୱିଜୁ ଶାକ୍ତିନିକାନ୍ ଗାଜା ଈଶ୍ୱର ମେହି ଆନାଦେର୍। ଇନେସ୍‌କି ହେୱାନ୍ ହାର୍ଦି ମାନାୟ୍‌ତିଙ୍ଗ୍ ଆରେ ବାନ୍ୟା ମାନାୟାରିଙ୍ଗ୍ ପା ଦୟା ଚଚ୍‌ଚାନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:9

ତାପାଚେ ଯୀଶୁ ହେ ପଣ୍ଡିତାର୍ ଆରେ ପାରୁସିଦଳ୍‌ ନିକାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ର ପ୍ରଶ୍ନ ୱେନ୍‌ବାଆଦ୍‌ନାଙ୍ଗ୍, ‘ଯିହୁଦିର୍ ଜମ୍‌ନିଦିନ୍‌ ନାଞ୍ଜିଙ୍ଗ୍ ଇନା କାମାୟ୍ କିନି ବିଦି ମାନାତ୍? ହାର୍ କାମାୟ୍ କି ନାସ୍‌କି ବାନ୍ୟା କାମାୟ୍ କିନାସ୍? ଆରେ ମାନାୟାର୍ ଜିବୁନ୍ ଉଦାର୍ କି ନାସ୍‌କି ଜିବୁନ୍ ଆରାଇ କିନାସ୍? ଇବେଣ୍ ୱେନ୍‌ଞ୍ଜି ହେୱାର୍ ଚିମ୍ରା ଆଜି ମାଚାର୍।’ ”

ଜହନ୍‌ 17:15

ଏନେଙ୍ଗ୍ ହେୱାରିଙ୍ଗ୍ ପୁର୍ତିତାଙ୍ଗ୍ ଅଦେଙ୍ଗ୍ ୱେଚ୍‌ଚୁଙ୍ଗା। ମାତର୍ ଆନେଙ୍ଗ୍ ହେୱାରିଙ୍ଗ୍ ଶୟତାନ୍‌ତାଙ୍ଗ୍ ରକ୍ଷା କିଜି ଇଡ଼୍‌ଦେଙ୍ଗ୍ ପାର୍ତାନା କିନାଙ୍ଗା।

ରୋମିୟ 12:18

ଏପେଙ୍ଗ୍ ଆଡ୍‌ନି ପାତେକ୍ ମି କାମାୟ୍ ୱିଜୁ କିୟାଟ୍ ଆରେ ଏପେଙ୍ଗ୍ ୱିଜାର୍ ହୁଦାଙ୍ଗ୍ ଶାନ୍ତିତାଙ୍ଗ୍ ମାନାଟ୍।

ରୋମିୟ 14:17

ଇନେସ୍‌କି ଈଶ୍ୱର ସାସନ୍ କିନି ରାଜି ତିନି ଉଣି ବିଷୟରେ ଆକାୟ୍, ମାତର୍ ଦରମ୍ ଲକ୍ ଆନି ବିଷୟ, ଶାନ୍ତିରେ ମାନି ବିଷୟ ଆରେ ପବିତ୍ର ଆତ୍ମା ହୁଦାଙ୍ଗ୍ ୱାରିୟାଆନି ବିଷୟ ନେ ମୁକ୍ୟ।

ରୋମିୟ 14:19

ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ମଣ୍ଡ୍‌ଲିତାକେ ଜାର୍-ଜାର୍‌ବିତ୍ରେ ହାମାନ୍ ଆଜି ମାଞ୍ଜେଙ୍ଗ୍ ଚିନ୍ତା କିନି ଦର୍‌କାର୍, ଆରେ ବେସି ପାର୍ତିକିନି କାଜିଙ୍ଗ୍ ଜାର୍-ଜାର୍‌ବିତ୍ରେ ସାଇଜ କିନି କାଜିଙ୍ଗ୍ ଉପାୟ୍ କିନି ଦର୍‌କାର୍।

ରୋମିୟ 5:1

ଲାଗିଙ୍ଗ୍, ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ଇମ୍‌ଣି କାମାୟ୍ କିତାନ୍‌ନା, ଆରେ ଆସେଙ୍ଗ୍ ପାର୍ତିକିତି କାଜିଙ୍ଗ୍ ଈଶ୍ୱର ଆଗେ ଦରମ୍ ମାନାୟ୍ ଆତାପ୍‌ନା ଆରେ ଆସେଙ୍ଗ୍ ତା ହୁଦାଙ୍ଗ୍ ଶାନ୍ତିତାଙ୍ଗ୍ ମାନାପ୍।

ରୋମିୟ 7:19

ଏଚେକାଡ଼୍‌ଦ ଆନେଙ୍ଗ୍ ହାର୍ କାମାୟ୍ କିଦେଙ୍ଗ୍ ଇଚା କିନାଙ୍ଗା, ଆନେଙ୍ଗ୍ ହେଦାଙ୍ଗ୍ କିଦେଙ୍ଗ୍ ଆଡୁଙ୍ଗା। ଆରେ ଆନେଙ୍ଗ୍ କରାପ୍ କାମାୟ୍ କିୱେଦେଙ୍ଗ୍ ଉପାୟ୍ କିତିସ୍ ପା ହେଦାଙ୍ଗ୍ ନେ କିନାଙ୍ଗା।

ରୋମିୟ 7:21

ଲାଗିଙ୍ଗ୍, ଏଚେପାଦ୍ନା ଆନେଙ୍ଗ୍ ହାର୍ କାମାୟ୍ କିଦେଙ୍ଗ୍ ଇଚା କିନାଙ୍ଗା ହେପାଦ୍ନା ଆନେଙ୍ଗ୍ ଅଦରମ୍‌ କାମାୟ୍ ନେ କିନାଙ୍ଗା, ଇ ନିୟମ୍‌ତିଙ୍ଗ୍ ଆନେଙ୍ଗ୍ ହୁଡ଼୍‌ନାଙ୍ଗା।

ରୋମିୟ 8:6

ଯଦି ମିଙ୍ଗେଙ୍ଗ୍ ପାପ୍ କାମାୟ୍ କିନି ଇଚା ମି ମାନ୍‌ତିଙ୍ଗ୍ କଣ୍ଟ୍ରୁଲ୍ କିନାତା, ଏପେଙ୍ଗ୍ ହାଃନାଦେର୍। ମାତର୍ ଯଦି ପବିତ୍ର ଆତ୍ମା ମି ମାନ୍‌ତିଙ୍ଗ୍ କଣ୍ଟ୍ରୁଲ୍ କିନାତା, ଏପେଙ୍ଗ୍ ଜିବୁନ୍ ଆରେ ଶାନ୍ତି ପାୟାଆନାଦେର୍।

ଗାଲାତିୟ 5:22

ମାତର୍ ପବିତ୍ର ଆତ୍ମା ମାଙ୍ଗେଙ୍ଗ୍ ସାଇଜ କିତ୍‌ତିସ୍, ଇଲେକେ ଗୁଣ୍: ଲାଡ୍ କିନାକା, ୱାରି କିନାକା, ଶାନ୍ତିତାଙ୍ଗ୍ ମାନାକା, ବେସି କଷ୍ଟତିଙ୍ଗ୍ ସମ୍ୱାଲି କିନାକା, ଦୟା କିନାକା।

ଗାଲାତିୟ 6:10

ଲାଗିଙ୍ଗ୍ ଏଚେପାଦ୍ନା ମାଙ୍ଗେଙ୍ଗ୍ ସୁଯଗ୍ ଗାଟାଆଦ୍‍ନାତ୍, ୱିଜୁ ମାନାୟାର୍ କାଜିଙ୍ଗ୍ ବିଶେସ୍ କିଜି ପାର୍ତିକିନି ମାନାୟାରିଙ୍ଗ୍ ହାର୍ଦି କାମାୟ୍‌ତାକେ ସାଇଜ କିୟାଟ୍।

କଲସିୟ 3:15

ଖ୍ରୀଷ୍ଟ ହିଜି ମାନ୍‌ଞ୍ଚି ଶାନ୍ତି ମି ଗରବ୍‌ନି ବାବ୍‌ନାତିଙ୍ଗ୍ କଣ୍ଟ୍ରୁଲ୍ କିଦେତ୍, ଇନେସ୍‌କି ଏପେଙ୍ଗ୍ ୱିଜାକାଦେର୍ ର ଗାଗାଡ଼୍‌ନି ଜିନିଷ୍ ଲେକେ। ଲାଗିଙ୍ଗ୍ ଏପେଙ୍ଗ୍ ଜାର୍‌ବିତ୍ରେ ଶାନ୍ତିତାଙ୍ଗ୍ ମାଞ୍ଜେଙ୍ଗ୍ ଈଶ୍ୱର କୁକ୍ତାତାନ୍‌ନା। ଆରେ ଏପେଙ୍ଗ୍ ୱିଜୁଦିନ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିୟାଟ୍।

୧ ତିମତି 6:18

ଆରେ ଜେକନିକାରିଙ୍ଗ୍ ଉପ୍‌କାର୍ କିଜି ୱିଜୁ ସତ୍ କାମାୟ୍‌ତାଙ୍ଗ୍ ହାଉକାର୍ ଆନାର୍ ଆରେ ମେଲାଆତିୟା ଆଜି ଆରେ ଦୟାନି ମାନ୍‌ତାଙ୍ଗ୍ ଦାନ୍ ହିଦେଙ୍ଗ୍ ହେୱାରିଙ୍ଗ୍ ଆଦେସ୍ ହିୟାଟ୍।

ଏବ୍ରି 12:14

ୱିଜାକାର୍ ହୁଦାଙ୍ଗ୍ ଶାନ୍ତିରେ ମାଞ୍ଜେଙ୍ଗ୍ ଆରେ ପବିତ୍ର ଜିବୁନ୍ କାଟି କିଦେଙ୍ଗ୍ ଉପାୟ୍ କିୟାଟ୍। ଇନେସ୍‌କି ଇମ୍‌ଣାକାର୍ ପବିତ୍ର ଆକାୟ୍ ହେୱାର୍ ମାପୃଙ୍ଗ୍ ହୁଡ଼୍‌ଦେଙ୍ଗ୍ ଆଡୁର୍।

ଏବ୍ରି 13:16

ହାର୍ଦି କାମାୟ୍ କିନାସ୍ ଆରେ ନାସ୍‌କିନି ମାନାୟାରିଙ୍ଗ୍ ଦାନ୍ କିନାକା ଏପେଙ୍ଗ୍ ବାଣା ଆମାଟ୍। ଇନେସ୍‌କି ଇଲେକେ ବିଲିପୁଜାତିଙ୍ଗ୍ ଈଶ୍ୱର ବେସି ୱାରି ଆନାନ୍।

ଜାକ୍‌ବ 4:17

ଲାଗିଙ୍ଗ୍ ଇମ୍‌ଣାକାନ୍ ଟିକ୍ କାମାୟ୍ ପୁନ୍‌ଞ୍ଜି ହେଦାଙ୍ଗ୍ କିଉନ୍, ଲାଗିଙ୍ଗ୍ ହେୱାନ୍ ପାପ୍ କିନାନ୍।

୧ ପିତର 3:12

ଟିକ୍ କାମାୟ୍ କିନାକାରିଙ୍ଗ୍ ମାପୃ ହୁଡ଼୍‌ନାତା, ଆରେ ହେୱାର୍ ପାର୍ତାନା ୱେଞ୍ଜେଙ୍ଗ୍ କାତାନ୍‌ନା। ମାତର୍ କରାପ୍ କାମାୟ୍ କିନାକାରିଙ୍ଗ୍ ଈଶ୍ୱର ବିରଦ୍ କିନାନ୍।

୩ ଯୋହନ 1:11

ଏ ନା ଲାଡ୍‌ନି ସାଙ୍ଗ କାଦେର୍, କରାପ୍ ମାନାୟାର୍ କାମାୟ୍‌ତିଙ୍ଗ୍ ଏପେଙ୍ଗ୍ ହିକାଆମାଟ୍, ମାତର୍ ହାର୍ଦି କାମାୟ୍ କିନାକାର୍ କାମାୟ୍ ହିକାଆଡ। ଇମ୍‌ଣି ମାନାୟ୍ ହାର୍ କାମାୟ୍ କିନାନ୍ ହେୱାନ୍ ଈଶ୍ୱର ମେହି ଇଞ୍ଜି ପୁନ୍ୟା ଆନାତ୍, ଆରେ ଇମ୍‌ଣି ମାନାୟ୍ କରାପ୍ କାମାୟ୍ କିନାନ୍ ତା କରାପ୍ କାମାୟ୍‌ତିଙ୍ଗ୍ ହୁଡ଼୍‌ଜି ପୁନିୟା ଆନାତ୍‌ ଯେ, ହେୱାନ୍ ଈଶ୍ୱରତିଙ୍ଗ୍ ପୁନ୍‌ୱାତାନ୍‌ନା।