୧ ପିତର 2:21 - New Testament in Pengo Parja Language

²¹ ଈଶ୍ୱର ମିଙ୍ଗେଙ୍ଗ୍ ଦୁଃକ୍ କଷ୍ଟ ପାୟାଆତିସ୍ ପା ହାର୍ କାମାୟ୍ କିଦେଙ୍ଗ୍ ତା କାଜିଙ୍ଗ୍ ବାଚି କିତ୍‌ତାନ୍‌ନା। ଇନେସ୍ ଖ୍ରୀଷ୍ଟ ମି କାଜିଙ୍ଗ୍ ଦୁଃକ୍ କଷ୍ଟ ପାୟାଆଜି ମାଚାନ୍, ଏପେଙ୍ଗ୍ ତାଙ୍ଗେଙ୍ଗ୍ ହୁଡ଼୍‌ଜି ହିକାଆଡ, ଲାଗିଙ୍ଗ୍ ଏପେଙ୍ଗ୍ ଖ୍ରୀଷ୍ଟ କିତିଲେକେ କିଦେଙ୍ଗ୍ ଆଡ୍‌ନାଦେର୍।

ସତ୍‌ ବଚନ୍‌ ପୁନି ନିୟମ୍‌

²¹ ଇଦାଂ କାଜିଂ ନେ ଏପେଙ୍ଗ୍‌ ଆହ୍ୟାତାଦେର୍ଣ୍ଣା, ଇନେକିଦେଂକି ଏପେଙ୍ଗ୍‌ ଇନେସ୍‌ କ୍ରିସ୍ଟତି ପାନାଚିନା ହିଜ଼ି ହାନାଦେର୍, ହେଦାଂ କାଜିଂ ହେୱାନ୍ ପା ମି କାଜିଂ ଦୁକ୍‌ବଗ୍‌ କିଜ଼ି ମିଙ୍ଗେଙ୍ଗ୍ ର ଗୁଣ୍‌ ଚଚ୍‌ଚିହିଜ଼ି ହାଚାନ୍ନା;

୧ ପିତର 2:21 Iomraidhean Croise

ମାତିଉ 10:38

ଆରେ ଇନେର୍ ପା କୃଶ ଆସ୍ତି ନା କାଜିଙ୍ଗ୍ ଦୁକ୍‌କଷ୍ଟ ପାୟିକିୱାଦାଙ୍ଗ୍ ନା ପାଚେ ୱାନାନ୍, ହେୱାନ୍ ନା ଚେଲା ଆଦେଙ୍ଗ୍ ଆଡୁନ୍।

ମାତିଉ 11:29

ଏପେଙ୍ଗ୍ ନା ପାଚେ ୱାଡୁ, ଆନେଙ୍ଗ୍ ମିଙ୍ଗେଙ୍ଗ୍ ହିକାୟ୍ କିଦ୍‌ନାଙ୍ଗ୍। ଇନେସ୍‌କି ଆନେଙ୍ଗ୍ ର ସାଦାସିଦା ଆରେ ଦରମ୍ ମାନାୟ୍‌ତଙ୍ଗ୍‌। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଜିବୁନ୍ ପାୟାଆନାଦେର୍।

ମାତିଉ 16:24

ହେପାଦ୍ନା ଯୀଶୁ ତା ଚେଲାହିରିଙ୍ଗ୍ ୱେଚ୍‌ଚାନ୍, “ଇନେର୍ ପା ନା ପାଚେ ୱାଜି ଚେଲା ଆନାନ୍, ଲାଗିଙ୍ଗ୍ ହେୱାନ୍ ଜାର୍ ସୁକ୍ ପିସ୍ତି ଆରେ ଜାର୍ କୃଶ ଆସ୍ତି ନା ପାଚେ ୱାଡ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:26

ଭବିଷ୍ଯତବକ୍ତାର୍ ୱେଚ୍‌ଚି ମାନ୍‌ଞ୍ଚାର୍ ଯେ ଖ୍ରୀଷ୍ଟ ତା ଅଜଡ଼୍‌ତାଙ୍ଗ୍ ୱାୱି ଆଗେଲେକେ ଦୁକ୍‌କଷ୍ଟ ପାୟାଆଜି ହାଃନାନ୍।

ଜହନ୍‌ 13:15

ଆନେଙ୍ଗ୍ ଇଦାଙ୍ଗ୍ ମି କାଜିଙ୍ଗ୍ ର ମାନି କିତିଲେକେ କିତାଙ୍ଗ୍। ଲାଗିଙ୍ଗ୍ ଏପେଙ୍ଗ୍ ଜାର୍-ଜାର୍‌ବିତ୍ରେ ହେଲେକେ କିନାଦେର୍।

ଜହନ୍‌ 16:33

ନାବେ ଏପେଙ୍ଗ୍ ଇନେସ୍ ଶାନ୍ତି ପାୟାଆନାଦେର୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱିଜୁ କାତା ୱେଚ୍‌ଚାତାଙ୍ଗ୍‌ନା। ଇ ପୁର୍ତିତାକେ ଏପେଙ୍ଗ୍ କଷ୍ଟ ପାୟାଆନାଦେର୍। ଲାଗିଙ୍ଗ୍ ଶାସ୍ ଆଡୁ, ଆନେଙ୍ଗ୍ ପୁର୍ତିତିଙ୍ଗ୍ ଜିତା ଆତାଙ୍ଗ୍‌ନା।”

ପକ୍ୟାତାକା 14:22

ଆରେ ହେୱାର୍ ୱିଜୁ ସହର୍‌ତାକେ ମାନି ପାର୍ତିକିନି ଚେଲାହିର୍ ମେହାଆଜି ହେୱାରିଙ୍ଗ୍ ଶାନ୍ତି କିଜି ମାଚାର୍। ଆରେ ହେୱାର୍ ହେୱାରିଙ୍ଗ୍ ପାର୍ତି କିଜି ମାଞ୍ଜେଙ୍ଗ୍ ସାହାସ୍‌ନି କାତା ୱେଚ୍‌ଚାର୍। ଆରେ ହେୱାର୍ ୱେଚ୍‌ଚାର୍, “ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ମାଙ୍ଗେଙ୍ଗ୍ ବେସି ଦୁକ୍‌କଷ୍ଟ ପାୟାଆନାକା ଆନାତ୍।”

ପକ୍ୟାତାକା 17:3

ଆରେ ପାଉଲ ହେୱାରିଙ୍ଗ୍ ଖ୍ରୀଷ୍ଟ ଦୁକ୍‌କଷ୍ଟ ପାୟାଆଜି ହାଃନାକା ଆରେ ହାଃତାକାର୍‌ତାଙ୍ଗ୍ ଆରେରଗ ଜିବୁନ୍‌ଆନି ବିଷୟରେ ବୁଜାଇକିଜି ୱେଚ୍‌ଚାନ୍। ଆରେ ହେୱାନ୍ ଇମ୍‌ଣି ଯୀଶୁର୍ ବିଷୟରେ ହେୱାରିଙ୍ଗ୍ ଶୁଣାୟ୍ କିଜି ମାଚାନ୍, ହେୱାନ୍‌ନେ ରକ୍ଷାକିଦ୍ନାକାନ୍‌ ଇଞ୍ଜି ହେୱାରିଙ୍ଗ୍ ସତ୍ ଇଞ୍ଜି ଚଚ୍‌ଚାନ୍।

ପକ୍ୟାତାକା 9:16

ଆରେ ନା ବିଷୟରେ ହେୱାନ୍ ମାନାୟାରିଙ୍ଗ୍ ୱେଚ୍‌ନିହିଙ୍ଗ୍ ଏଚେକ୍ ଦୁକ୍‌କଷ୍ଟ ପାୟା ଆନାନ୍, ହେ ବିଷୟରେ ଆନେଙ୍ଗ୍ ହେୱାନିଙ୍ଗ୍ ୱେଚ୍‌ନାଙ୍ଗ୍।”

ରୋମିୟ 8:29

ଇନେସ୍‌କି ଈଶ୍ୱର ତା ମାନାୟାରିଙ୍ଗ୍ ଆଗେନେ ପୁଚାନ୍‌ନା, ଆରେ ହେୱାନ୍ ତା ମେହି ଲେକେ ଆନି କାଜିଙ୍ଗ୍ ହେୱାରିଙ୍ଗ୍ ବାଚି କିତାନ୍‌ନା, ଲାଗିଙ୍ଗ୍ ତା ମେହି ୱିଜାର୍ ଟଣ୍ଡାହିର୍ ଆରେ ତଣ୍‌ଦିହିକ୍ ବିତ୍ରେତାଙ୍ଗ୍ ପାର୍ତୁମ୍ ଆନାନ୍।

୧ କରନ୍ତିୟ 11:1

ଆନେଙ୍ଗ୍ ଇନେସ୍ ଖ୍ରୀଷ୍ଟଙ୍ଗ୍ ହୁଡ଼୍‌ଜି ହିକାଆତାଙ୍ଗ୍‌ନା ହେଲେକେ ଏପେଙ୍ଗ୍ ନାଙ୍ଗେଙ୍ଗ୍ ହୁଡ଼୍‌ଜି ହିକାଆଡ।

ଏପିସିୟ 5:2

ଖ୍ରୀଷ୍ଟ ଇନେସ୍ ମିଙ୍ଗେଙ୍ଗ୍ ଲାଡ୍ କିତ୍‌ତାନ୍, ହେଲେକେ ଏପେଙ୍ଗ୍ ଜେକନିକାରିଙ୍ଗ୍ ଲାଡ୍ କିୟାଟ୍। ହେୱାନ୍ ମିଙ୍ଗେଙ୍ଗ୍ ଲାଡ୍ କିତିଲେ, ମି ପାପ୍‌ତିଙ୍ଗ୍ ଦେହା କିଦେଙ୍ଗ୍ ହେୱାନ୍ ନିଜେ ଜାର୍ ଜିବୁନ୍‌ତିଙ୍ଗ୍ ପୁଜା କିତିଲେକେ ବଲିଦାନ୍ କିୟିଆତାନ୍। ଈଶ୍ୱର ତା ବଲିଦାନ୍‌ତାଙ୍ଗ୍ ୱାରି ଆତାନ୍, ଇନେସ୍‌କି ହେୱାନ୍ ବଲିଦାନ୍ ବାସ୍ନା ଚିକାଣ୍ ଲେକେ ମାଚାତ୍।

ପିଲିପିୟ 2:5

ଯୀଶୁ ଖ୍ରୀଷ୍ଟଙ୍ଗ୍ ଇନେସ୍ ମାନ୍ ମାଚାତ୍, ହେଲେକେ ମି ମାନ୍ ପା ଆୟେତ୍।

୧ ଥେସଲନୀକିୟ 3:3

ଏପେଙ୍ଗ୍ ଦୁଃକ୍ କଷ୍ଟ ପାୟାଆତିସ୍ ପା ଖ୍ରୀଷ୍ଟଙ୍ଗ୍ ପିହ୍‌ମାଟ୍, ଇନେସ୍‌କି ଏପେଙ୍ଗ୍ ପୁଚାଦେର୍‌ନା ଯେ, ଆସେଙ୍ଗ୍ ଦୁଃକ୍ କଷ୍ଟ ପାୟାଆନି ଦର୍‌କାର୍, ହେଦାଙ୍ଗ୍ ଈଶ୍ୱର ଇଚା।

୧ ଥେସଲନୀକିୟ 4:2

ଆପେଙ୍ଗ୍ ମିଙ୍ଗେଙ୍ଗ୍ ଆଦେସ୍ ହିତ୍‌ତାକା ପୁଚାଦେର୍‌ନା, ମିଙ୍ଗେଙ୍ଗ୍ ଇ ଆଦେସ୍ ୱେଚ୍‌ଚେଦେଙ୍ଗ୍ ମାଙ୍ଗେଙ୍ଗ୍ ମାପୃ ଯୀଶୁ ୱେଚ୍‌ଚି ମାନ୍‌ଞ୍ଚାନ୍।

୨ ତିମଥି 3:12

ସତ୍‌ରେ ଇମ୍‌ଣାକାନ୍ ଯୀଶୁ ଖ୍ରୀଷ୍ଟତାକେ ପାର୍ତିକିନାର୍ ଆରେ ଇନାକା ଈଶ୍ୱରତିଙ୍ଗ୍ ୱାରି କିୟିକିନାର୍ କି ହାର୍ ଲାଗ୍‌ଦାନାତ୍ ହେଦାଙ୍ଗ୍ କିଦେଙ୍ଗ୍ ଇଚାକିନାର୍, ହେୱାର୍ ଦୁକ୍‌କଷ୍ଟ ପାୟାଆନାର୍‌।

ଏବ୍ରି 2:10

ଇନେସ୍‌କି ଈଶ୍ୱର ୱିଜୁ ବିଷୟ ରସ୍ତାନ୍‌ନା ଆରେ ୱିଜୁ ବିଷୟ ହେୱାନ୍‌ତି। ହେୱାନ୍ ଇନେସ୍ ବେସିହେନି ମାନାୟାରିଙ୍ଗ୍ ତା ଗୌରବତାକେ ବାଗ୍‌କିଦେଙ୍ଗ୍ ଆଡ୍‌ନାନ୍। ଇଦାଙ୍ଗ୍ କାଜିଙ୍ଗ୍ ଈଶ୍ୱର ଲାଗାୟ୍ ଇଦାଙ୍ଗ୍ ନେ ଟିକ୍ ବିଚାର୍ ମାଚାତ୍ ଯେ, ମାପୃ ଯୀଶୁଙ୍ଗ୍ ଦୁକ୍‌କଷ୍ଟ କିୟିକିଜି ହେୱାନିଙ୍ଗ୍ ପୁରାପୁରି ଟିକ୍ ନେତା କିଦେଙ୍ଗ୍। ଇନେସ୍‌କି ଯୀଶୁ ନେ ହେୱାରିଙ୍ଗ୍ ଉଦାର୍ ପାୟାଆନି ହାଜ୍‌ଦିଙ୍ଗ୍ ଅସାହାନାନ୍।

୧ ପିତର 1:20

ପୁର୍ତି ଉବ୍‌ଜା ଆୱି ଆଗେ ଈଶ୍ୱର ଯୀଶୁ ଖ୍ରୀଷ୍ଟଙ୍ଗ୍ ମାନାୟାରିଙ୍ଗ୍ ଉଦାର୍ କିନି କାଜିଙ୍ଗ୍ ବାଚିକିଜି ମାଚାନ୍। ମାତର୍ ଇ ପୁର୍ତି ସେସ୍‌ଆନି ନାଞ୍ଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ସାଇଜ କିଦ୍‌ଦେଙ୍ଗ୍ ୱାତାନ୍।

୧ ପିତର 2:24

ହେୱାନ୍ ନିଜେ ମା ପାପ୍‌ତିଙ୍ଗ୍ ତା ଗାଗାଡ଼୍‌ତାକେ ଅତାନ୍ ଆରେ କୃଶକାଟ୍‌ତାକେ ହାଃତାନ୍, ଲାଗିଙ୍ଗ୍ ଆସେଙ୍ଗ୍ ପାପ୍ କାଜିଙ୍ଗ୍ ହାଃତି ଲେକେ ଆୟା ଆନାତ୍ ଆରେ ଟିକ୍ କାମାୟ୍ କିନି କାଜିଙ୍ଗ୍ ଜିନାପା। ଆରେ ହେୱାନ୍ ତା ଗାଗାଡ଼୍‌ତାକେ ଗାଉଦାଉ ଆଜି ଦୁଃକ୍ କଷ୍ଟ ସମ୍ବାଲି କିତି କାଜିଙ୍ଗ୍ ଆସେଙ୍ଗ୍ ହାର୍ ଆତାସ୍।

୧ ପିତର 3:18

ଆନେଙ୍ଗ୍ ଇଲେକେ ୱେଚ୍‌ଚାନାଙ୍ଗା, ଇନେସ୍‌କି ଖ୍ରୀଷ୍ଟ ପା ମା ୱିଜାକାର୍ ପାପ୍ କାଜିଙ୍ଗ୍ ଦୁଃକ୍ କଷ୍ଟ ପାୟାଆଜି ରଗ ହାଃଜି ମାଚାନ୍। ହେୱାନ୍ ରକାନ୍ ଦରମ୍ ମାନାୟ୍ ମାଚାନ୍, ମାଙ୍ଗେଙ୍ଗ୍ ଈଶ୍ୱର ଲକ୍ କିଦ୍‌ଦେଙ୍ଗ୍ ହେୱାନ୍ ମା ପାପ୍ କାଜିଙ୍ଗ୍ ହାଃଜି ମାଚାନ୍, ଲାଗିଙ୍ଗ୍ ଆସେଙ୍ଗ୍ ତା ହୁଦାଙ୍ଗ୍ ଜାର୍ ଲକ୍ ଆୟା ଆନାତ୍‌। ହେୱାର୍ ତାଙ୍ଗେଙ୍ଗ୍ ମାର୍ନେ ଅସ୍ତାର୍, ମାତର୍ ପବିତ୍ର ଆତ୍ମାନି ଶାକ୍ତିତାଙ୍ଗ୍ ଆରେରଗ ଜିବୁନ୍ ଆତାନ୍।

୧ ପିତର 3:9

ଯଦି ମି ବିରୁଦ୍‌ତାକେ ଇନେର୍ ମି ଜିନିଷ୍‌ତିଙ୍ଗ୍ ନଷ୍ଟ କିନାନ୍, ଲାଗିଙ୍ଗ୍ ଏପେଙ୍ଗ୍ ତା ଜିନିଷ୍‌ତିଙ୍ଗ୍ ଉଲ୍‌ଟା ନଷ୍ଟ କିମାଟ୍, ଆରେ ଇନେର୍ ଯଦି ମିଙ୍ଗେଙ୍ଗ୍ ଇନସ୍ତା କିଦ୍‌ନାନ୍ ଆରେ ଏପେଙ୍ଗ୍ ତାଙ୍ଗେଙ୍ଗ୍ ଉଲ୍‌ଟା ଇନସ୍ତା କିମାଟ୍। ମାତର୍ ଏପେଙ୍ଗ୍ ହେୱାରିଙ୍ଗ୍ ଆଶ୍ରିବାଦ୍ କିୟାଟ୍, ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ବାଚି କିତ୍‌ତାନ୍‌ନା, ଯଦି ଏପେଙ୍ଗ୍ ହେଲେକେ କିନାଦେର୍ ଈଶ୍ୱର ମିଙ୍ଗେଙ୍ଗ୍ ଆଶ୍ରିବାଦ୍ କିଦ୍‌ନାନ୍।

୧ ପିତର 4:1

ଲାଗିଙ୍ଗ୍ ଖ୍ରୀଷ୍ଟ ଏଚେପାଦ୍ନା ପୁର୍ତିତାକେ ମାଚାନ୍ ହେୱାନ୍ ତା ଗାଗାଡ଼୍‌ତାକେ ଦୁଃକ୍ କଷ୍ଟ ପାୟାଆଜି ମାଚାନ୍। ହେଲେକେ ଏପେଙ୍ଗ୍ ପା ମି ମାନ୍ ପା ଖ୍ରୀଷ୍ଟ ମାନ୍‌ଲେକେ କିନି ଦର୍‌କାର୍ ଆରେ ଦୁଃକ୍ କଷ୍ଟ ପାୟାଆନି କାଜିଙ୍ଗ୍ ରେଡି ଆଜି ମାନି ଦର୍‌କାର୍। ଇନେସ୍‌କି ଯଦି ଏପେଙ୍ଗ୍ ଖ୍ରୀଷ୍ଟ କାଜିଙ୍ଗ୍ ଦୁଃକ୍ କଷ୍ଟ ପାୟା ଆଦେଙ୍ଗ୍ ଇଚା କିନାଦେରା, ଲାଗିଙ୍ଗ୍ ଏପେଙ୍ଗ୍ ପାପ୍ କିୱେଦେଙ୍ଗ୍ ଇଚା କିତାଦେର୍‌ନା।

୧ ପିତର 4:13

ଏପେଙ୍ଗ୍ ୱାରି କିୟାଟ୍ ଯେ, ଖ୍ରୀଷ୍ଟ ଦୁଃକ୍ କଷ୍ଟ ପାୟା ଆତିଲେକେ ଏପେଙ୍ଗ୍ ପା ପାୟାଆନାଦେରା। ଇନେସ୍‌କି ଖ୍ରୀଷ୍ଟ ତା ଗୌରବ ୱିଜାକାରିଙ୍ଗ୍ ପୁନିକିଦେଙ୍ଗ୍ ଏଚେପାଦ୍ନା ଆରେରଗ ୱାନାନ୍, ଏପେଙ୍ଗ୍ ଆଦିକ୍ ୱାରିୟା ଆନାଦେର୍।

୧ ଯୋହନ 2:6

ଇମ୍‌ଣି ମାନାୟ୍ ଈଶ୍ୱର ହୁଦାଙ୍ଗ୍ ମାନାଙ୍ଗ୍ ଇଞ୍ଜି ୱେଚ୍‌ନାନା, ହେୱାନ୍ ଯୀଶୁ ଖ୍ରୀଷ୍ଟ ଲେକେ ଯିବୁନ୍ କାଟିକିନି ଦର୍‌କାର୍।

୧ ଯୋହନ 3:16

ଖ୍ରୀଷ୍ଟ ମା କାଜିଙ୍ଗ୍ ତା ଯିବୁନ୍ ହିତିଲେ ଆସେଙ୍ଗ୍ ଲାଡ୍ କିନାକା ପୁଚାସ୍‌। ଆରେ ଜାର୍ ଟଣ୍ଡାର୍ କାଜିଙ୍ଗ୍ ପା ଜାର୍ ଜିବୁନ୍ ପା ହିନି ଦର୍‌କାର୍।

ହତ୍‌ତି 12:11

ମା ପାର୍ତିକିନି ଟଣ୍ଡାର୍ ମେଣ୍ଢା ଇନେର୍‌କି ଯୀଶୁ ନେତେର୍ ଶାକ୍ତି ହୁଦାଙ୍ଗ୍, ଇନେର୍ ହେୱାର୍ ପାପ୍ କାଜିଙ୍ଗ୍ ହାଃଜି ମାଚାନ୍, ହେ ଶୟତାନ୍‌ତିଙ୍ଗ୍ ଆରାୟ୍ କିତାର୍। ହେୱାର୍ ତାଙ୍ଗେଙ୍ଗ୍ ଆରାୟ୍ କିତାର୍ ଇନେସ୍‌କି ହେୱାର୍ ଦୁଃକ୍ କଷ୍ଟ ପାୟାଆଜି ହାଃତିସ୍ ପା ହେ ମେଣ୍ଢା ଇନେର୍‌କି ଯୀଶୁଙ୍ଗ୍ ନେ ମା ମାପୃ ଇଞ୍ଜି ୱେଚ୍‌ଚି ମାଚାର୍।