୧ ପିତର 2:16 - New Testament in Pengo Parja Language

¹⁶ ଏପେଙ୍ଗ୍ ନଙ୍ଗୟ୍ ଜାର୍ ଇଚାତାଙ୍ଗ୍ ୱିଜୁ ଜିନିଷ୍ କିଦେଙ୍ଗ୍ ଆଡ୍‌ନାଦେର୍, ଆରେ ଇନେର୍ ମିଙ୍ଗେଙ୍ଗ୍ ବନ୍ଦ୍ କିଦ୍‌ଦେଙ୍ଗ୍ ଆଡ଼୍‌ଦୁର୍, ଇନେସ୍‌କି ମା ମାପୃ ଯୀଶୁ ଖ୍ରୀଷ୍ଟ ୱିଜୁ ପର୍‌କାର୍ କିଦେଙ୍ଗ୍ ହିତ୍‌ତାନ୍‌ନା। ମାତର୍ ଟିକ୍ କାମାୟ୍ କିଜି ଈଶ୍ୱର ସତ୍ ଦାସ୍ ଇଞ୍ଜି ପୁନିକିନି ଦର୍‌କାର୍। ହେଦାଙ୍ଗ୍ କାଜିଙ୍ଗ୍ ମାପୃ ହିତ୍‌ତି ସ୍ୱାଦିନତିଙ୍ଗ୍ କରାପ୍ କାମାୟ୍ କିଦେଙ୍ଗ୍ ବ୍ୟବହାର୍ କିନାକା ହାର୍ ଆକାୟ୍।

ସତ୍‌ ବଚନ୍‌ ପୁନି ନିୟମ୍‌

¹⁶ ଏପେଙ୍ଗ୍‌ ଜାର୍‌ତାରେନ୍‌ ଆତିସ୍‌ପା ମି ଜାର୍‍ତାରେନ୍ତିଙ୍ଗ୍ ଚୁଲ୍‌ଚୁଲିୟାନି ବାର୍ତିଲାକେ ବେବାର୍‌ କିୱାଦାଂ ନଲେ ଇସ୍ୱର୍‌ତି ଆଡ଼ିଏନ୍‌ ଆଜ଼ି ହାତ୍‌ପା କାମାୟ୍‌ କିୟାଟ୍‌ ।

୧ ପିତର 2:16 Iomraidhean Croise

ମାତିଉ 23:13

ଏ ପଣ୍ଡିତ୍‌ ଆରେ ପାରୁସିଦଳ୍‍ନି ମାନାୟ୍ କାଦେର୍, ଇନେସ୍‌କି ଏପେଙ୍ଗ୍ ସେସ୍‌ଦିନ୍ କେତେକ୍ ବୟଙ୍କାର୍! ଆରେ ହାନି ପାଟ୍‌କାର୍ ମାନାୟ୍, ଈଶ୍ୱର ସାସନ୍ କିନି ରାଜିତାକେ ହାନି ହାଜି ବନ୍ଦ୍ କିତାଦେର୍‌ନା। ଜାର୍ ହେବେ ହାଲୁଦେରା ଆରେ ଇମ୍‌ଣାକାର୍ ହାଞ୍ଜେଙ୍ଗ୍ ଉପାୟ୍ କିନାରା, ହେୱାରିଙ୍ଗ୍ ହାଞ୍ଜେଙ୍ଗ୍ ହିଉଦେରା।

ଜହନ୍‌ 15:22

ଆନେଙ୍ଗ୍ ଯଦି ୱାୱାତାଙ୍ଗ୍‌ମା, ଆରେ ଇ ପୁର୍ତିନି ମାନାୟାରିଙ୍ଗ୍ ୱେଚ୍‌ୱାତାଙ୍ଗ୍‌ମା, ଲାଗିଙ୍ଗ୍ ହେୱାର୍ ପାପ୍‌ତାକେ ଦସି ଆୱାତାର୍‌ମା। ମାତର୍ ଆନେଙ୍ଗ୍ ନଙ୍ଗୟ୍ ହେୱାରିଙ୍ଗ୍ ୱେଚ୍‌ଚାଙ୍ଗ୍‌ନା। ମାତର୍ ନଙ୍ଗୟ୍ ନା କିତି କାମାୟ୍ ୱିଜୁ ହୁଡ଼୍‌ତାର୍‌ନା, ଆରେ ନାଙ୍ଗେଙ୍ଗ୍ ଆରେ ନା ଆବା ଈଶ୍ୱରତିଙ୍ଗ୍ ଗିଣ୍ କିତାର୍‌ନା।

ରୋମିୟ 6:18

ଈଶ୍ୱର ମିଙ୍ଗେଙ୍ଗ୍ ପାପ୍‌ନି ଶାକ୍ତିତାଙ୍ଗ୍ ମୁକ୍ତି କିତ୍‌ତାନ୍‌ନା, ଏପେଙ୍ଗ୍ ପାପ୍‌ନି ଚାକର୍ ଆୱାଦାଙ୍ଗ୍ ଟିକ୍ କାମାୟ୍ କିନି କାଜିଙ୍ଗ୍ ଦରମ୍‌ନି ଚାକର୍ ଆତାଦେର୍‌ନା।

ରୋମିୟ 6:22

ମାତର୍ ନଙ୍ଗୟ୍ ଏପେଙ୍ଗ୍ ପାପ୍‌ନି ଶାକ୍ତିତାଙ୍ଗ୍ ମୁକ୍ତି ପାୟା ଆତାଦେର୍‌ନା ଆରେ ଈଶ୍ୱରତାକେ ଚାକର୍ ଆତାଦେର୍‌ନା। ନଙ୍ଗୟ୍ ଏପେଙ୍ଗ୍ ପବିତ୍ର ଆଦେଙ୍ଗ୍ ଆରେ ୱିଜ୍‌ୱି ଜିବୁନ୍ ପାୟା ଆଦେଙ୍ଗ୍ ଦରମ୍ କାମାୟ୍ କିନାଦେରା।

୧ କରନ୍ତିୟ 7:22

ଯଦି ମାପୃ ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ ଚାକର୍ ଆଜି ମାଚିହିଙ୍ଗ୍ ବାଚି କିତ୍‌ତାନ୍‌ନା, ଲାଗିଙ୍ଗ୍ ହେୱାନ୍ ପାପ୍‌ନି ଶାକ୍ତିତାଙ୍ଗ୍ ମିଙ୍ଗେଙ୍ଗ୍ ମୁକ୍ତି କିତ୍‌ତାନ୍‌ନା। ଆରେ ଯଦି ମାପୃ ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ ଚାକର୍ ଆୱିହିଙ୍ଗ୍ ବାଚି କିତ୍‌ତାନ୍‌ନା, ଲାଗିଙ୍ଗ୍ ହେୱାନ୍ ମିଙ୍ଗେଙ୍ଗ୍ ତା ଚାକର୍ କିତ୍‌ତାନ୍‌ନା।

ଗାଲାତିୟ 5:1

ଖ୍ରୀଷ୍ଟ ମାଙ୍ଗେଙ୍ଗ୍ ମୋଶା ନିୟମ୍ ସାସ୍ତର୍‌ତାଙ୍ଗ୍ ସ୍ୱାଦିନ୍ କିତ୍‌ତାନ୍‌ନା। ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ଆରେ ନିୟମ୍ ସାସ୍ତର୍‌ନି ଦାସ୍ ଆଜି ମାଞ୍ଜେଙ୍ଗ୍ ଉପାୟ୍ କିୱାଦାଙ୍ଗ୍, ସ୍ୱାଦିନ୍ ଆଜି ମାନାଟ୍।

ଗାଲାତିୟ 5:13

ଇନେସ୍‌କି ଏ ଟଣ୍ଡାର୍‌କାଦେର୍, ଈଶ୍ୱର ମିଙ୍ଗେଙ୍ଗ୍ ସ୍ୱାଦିନ୍ ଆଜି ମାନି କାଜିଙ୍ଗ୍ କୁକ୍ତାତାନ୍‌ନା। ଲାଗିଙ୍ଗ୍ ମି ଗାଗାଡ଼୍‌ନି ଇଚାତାଙ୍ଗ୍ ପୁରା କିଦେଙ୍ଗ୍ ମି ସ୍ୱାଦିନ୍‌ତିଙ୍ଗ୍ ବ୍ୟବହାର୍ କିମାଟ୍, ମାତର୍ ଲାଡ୍‌ତାଙ୍ଗ୍ ଜାର୍-ଜାର୍‌ତିଙ୍ଗ୍ ହେବା କିନି କାଜିଙ୍ଗ୍ ବ୍ଯବହାର୍ କିୟାଟ୍।

ଏପିସିୟ 6:6

ହେୱାରିଙ୍ଗ୍ ୱାରି କିଦେଙ୍ଗ୍ ଆରେ ହେୱାର୍ ହୁଡ଼୍‌ନିହିଙ୍ଗ୍ ହେଦାଙ୍ଗ୍ କିମାଟ୍। ମାତର୍ ଏପେଙ୍ଗ୍ ଖ୍ରୀଷ୍ଟ ଦାସ୍ ଲେକେ ବାବିକିଜି ଆତ୍ମାତାଙ୍ଗ୍ ଈଶ୍ୱରତିଙ୍ଗ୍ ଇନାକା ଇଚା ଏପେଙ୍ଗ୍ ହେଦାଙ୍ଗ୍ କିୟାଟ୍।

କଲସିୟ 3:24

ଏପେଙ୍ଗ୍ ମାନେ କିୟାଟ୍ ଯେ, ଏପେଙ୍ଗ୍ ଇମ୍‌ଣି ମାଲିକ୍‌ତିଙ୍ଗ୍ ହେବା କିନାଦେର୍ ହେୱାନ୍ ଖ୍ରୀଷ୍ଟ, ଲାଗିଙ୍ଗ୍ ମାପୃ ମିଙ୍ଗେଙ୍ଗ୍ ପୁରଷ୍କାର୍ ଲେକେ ଆଦିକାର୍ ହିଦ୍‌ନାନ୍।

୧ ଥେସଲନୀକିୟ 2:5

ଏପେଙ୍ଗ୍ ପା ପୁଚାଦେର୍‌ନା ଯେ, ଆପେଙ୍ଗ୍ ମିଙ୍ଗେଙ୍ଗ୍ ସାର୍‌ଦା କିଦ୍‌ଦେଙ୍ଗ୍ ହାର୍ ଇଞ୍ଜି ୱେଚ୍‌ଚାୱାତାପ୍‌ନା। ଆରେ ଆପେଙ୍ଗ୍ ମିବେତାଙ୍ଗ୍ ଡାବୁଙ୍ଗ୍ ପାୟାଆନି ଆହା କାଜିଙ୍ଗ୍ ଜାର୍‌ତିଙ୍ଗ୍ ଚଞ୍ଜ୍‌ଜିୟା ଆୱାତାପ୍‌ନା, ହେଦାଙ୍ଗ୍ ଈଶ୍ୱର ସାକି ମାନାତ୍।

ଜାକ୍‌ବ 1:25

ମାତର୍ ଇମ୍‌ଣାକାନ୍ ଜାଗ୍ରତ୍ ଆଜି ଈଶ୍ୱର ଟିକ୍ ନିୟମ୍‌ତିଙ୍ଗ୍ ପଡ଼ିକିଜି ମାନ୍ତ ଇଡ଼୍‌ଜି ମାନି କିନାନ୍, ହେୱାନ୍ ପାପ୍ କାମାୟ୍‌ତାଙ୍ଗ୍ ମୁକ୍ତି ଆନାନ୍, ଆରେ ହେୱାନ୍ ଇନାକା କିତିସ୍ ଈଶ୍ୱର ହେୱାନିଙ୍ଗ୍ ଆଶ୍ରିବାଦ୍ କିନାନ୍।

ଜାକ୍‌ବ 2:12

ମାଙ୍ଗେଙ୍ଗ୍ ମୁକ୍ତି ହିଦ୍‌ନି ନିୟମ୍ କାଜିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ବିଚାର୍ କିଦ୍‌ନାନ୍। ଲାଗିଙ୍ଗ୍ ଏପେଙ୍ଗ୍ କାତା ୱେଚ୍‌ନିହିଙ୍ଗ୍ ଆରେ କାମାୟ୍ କିନିହିଙ୍ଗ୍ ଦୟାତାଙ୍ଗ୍ କିୟାଟ୍।

୨ ପିତର 2:19

ଇ ମାଷ୍ଟେରାର୍ ମାନାୟାରିଙ୍ଗ୍ ୱେଚ୍‌ନାର୍ ଯେ ହେୱାର୍ ଇନାକା ଇଚା ହେଦାଙ୍ଗ୍ କିଦେଙ୍ଗ୍ ହେୱାର୍ ସ୍ୱାଦିନ୍ ଆତାର୍‌ନା, ମାତର୍ ହେୱାର୍ ପାପ୍ କାମାୟ୍ କାଜିଙ୍ଗ୍ ହେୱାର୍ ନିଜେ ଦାସ୍ ଆତାର୍‌ନା। ଇନେସ୍‌କି ଇନାକା ମିଙ୍ଗେଙ୍ଗ୍ କଣ୍ଟ୍ରୁଲ୍ କିଦ୍‌ନାତ୍, ଏପେଙ୍ଗ୍ ହେବେନି ଦାସ୍ କାଦେର୍।

ଜିହୁଦା 1:4

ଈଶ୍ୱରତିଙ୍ଗ୍ ମାନିକିୱି ବୁଲ୍ ହିକ୍ଷାହିନି ମାଷ୍ଟେରାର୍ ଆସେଙ୍ଗ୍ ପୁନ୍‌ୱାଦାଙ୍ଗ୍ କେତେକ୍ ମା ବିତ୍ରେ ହଟାର୍‌ନା। ଇ ମାନାୟାର୍ ବିଷୟରେ ଈଶ୍ୱର ବେସି ବାହ୍‌ରୁ ଆଗେ ସାସ୍ତର୍‌ତାକେ ୱେଚ୍‌ଚାନ୍‌ନା ଯେ ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍। ହେୱାର୍ କରାପ୍ କାମାୟ୍ କିଜି ଜାର୍‌ତିଙ୍ଗ୍ ରକ୍ଷା କିନି କାଜିଙ୍ଗ୍, ହେୱାର୍ ମା ଈଶ୍ୱର ଦୟାନି କାତାତିଙ୍ଗ୍ ବିଗ୍‌ଡ଼ାୟ୍ କିତାର୍‌ନା। ମା ରକାନ୍ ଇଞ୍ଜି ମାଷ୍ଟେର୍ ଆରେ ମାପୃ ଯୀଶୁ ଖ୍ରୀଷ୍ଟଙ୍ଗ୍ ଆହୁର୍।