୧ ପିତର 1:8 - New Testament in Pengo Parja Language

⁸ ଏପେଙ୍ଗ୍ ଯୀଶୁଙ୍ଗ୍ ଇନାୱେଡ଼ାଙ୍ଗ୍ ପା ହୁଡ଼୍‌ୱାତାଦେର୍‌ନା, ମାତର୍ ନଙ୍ଗୟ୍ ପାତେକ୍ ହେୱାନିଙ୍ଗ୍ ଲାଡ୍ କିନାଦେରା। ଏପେଙ୍ଗ୍ ନଙ୍ଗୟ୍ ଯୀଶୁଙ୍ଗ୍ ହୁଡ଼୍‌ୱାତାଦେର୍‌ନା ମାତର୍ ଏପେଙ୍ଗ୍ ଯୀଶୁଙ୍ଗ୍ ପାର୍ତି କିନାଦେରା। ଲାଗିଙ୍ଗ୍ ଏପେଙ୍ଗ୍ ବେସି ୱାରିୟା ଆନାଦେରା ହେଦାଙ୍ଗ୍ କାତା ୱେଚ୍‌ଚି ବୁଜାୟ୍ କିୟି ଆଉତ୍।

ସତ୍‌ ବଚନ୍‌ ପୁନି ନିୟମ୍‌

⁸ ଏପେଙ୍ଗ୍‌ ହେୱାନିଂ ହୁଡ଼୍‌ୱାଦାଂ ଜିଉନନାଦେରା, ଆରେ, ନଂ ପା ହୁଡ଼୍‌ୱିତିସ୍ପା ହେୱାନ୍‌ତାକେ ପାର୍ତି କିଜ଼ି ଇନ୍‌ୱିକାତା ଆରି ଜାଜ୍‌ମାଲ୍‌ ମିହା ୱାରିତ ୱାରିୟା ଆନାଦେରା ।

୧ ପିତର 1:8 Iomraidhean Croise

ମାତିଉ 10:37

ଇନେର୍ ପା ଆବା କି ଆୟା ନା ତାକେତାଙ୍ଗ୍ ଆଦିକ୍ ଲାଡ୍ କିନାନ୍, ହେୱାନ୍ ନା ଚେଲା ଆଦେଙ୍ଗ୍ ଆଡୁନ୍। ମାତର୍ ଇନେର୍ ମେହିଙ୍ଗ୍ କି କଇଙ୍ଗ୍ ନା ତାକେତାଙ୍ଗ୍ ଆଦିକ୍ ଲାଡ୍ କିନାନ୍, ହେୱାନ୍ ନା ଚେଲା ଆଦେଙ୍ଗ୍ ଆଡୁନ୍।

ଜହନ୍‌ 14:15

ନାଙ୍ଗେଙ୍ଗ୍ ଯଦି ଏପେଙ୍ଗ୍ ଲାଡ୍ କିଦ୍‌ନାଦେର୍, ଲାଗିଙ୍ଗ୍ ନା ଆଦେସ୍‌ତାଙ୍ଗ୍ ଏପେଙ୍ଗ୍ କାମାୟ୍ କିନାଦେର୍।

ଜହନ୍‌ 14:21

ଇମ୍‌ଣାକାନ୍ ନା ଆଦେସ୍‌ତିଙ୍ଗ୍ ପୁନାନ୍ ଆରେ ମାନି କିନାନ୍, ହେୱାନ୍ ହାତ୍‌ପା ନାଙ୍ଗେଙ୍ଗ୍ ଲାଡ୍ କିଦ୍‌ନାନା। ଆରେ ନାଙ୍ଗେଙ୍ଗ୍ ଲାଡ୍ କିଦ୍‌ନାକାର୍ ନା ଆବା ଈଶ୍ୱରତିଙ୍ଗ୍ ଲାଡ୍ କିନାନ୍। ଆନେଙ୍ଗ୍ ହେୱାନିଙ୍ଗ୍ ଲାଡ୍ କିନାଙ୍ଗ୍ ଆରେ ଜାର୍‌ତିଙ୍ଗ୍ ହେୱାନ୍‌ତାକେ ଚଚ୍‌ନାଙ୍ଗ୍।”

ଜହନ୍‌ 14:24

ମାତର୍ ଇମ୍‌ଣାକାନ୍ ନାଙ୍ଗେଙ୍ଗ୍ ଲାଡ୍ କିଦୁନ୍, ହେୱାନ୍ ନା କାତା ମାନିକିଉନ୍। ନାବେତାଙ୍ଗ୍ ଇମ୍‌ଣି କାତା ଏପେଙ୍ଗ୍ ୱେଚାଦେର୍‌ନା, ହେଦାଙ୍ଗ୍ ନାଦି ଆକାୟ୍। ମାତର୍ ଇଦାଙ୍ଗ୍ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱରତି।

ଜହନ୍‌ 16:22

ହେଲେକେ ଏପେଙ୍ଗ୍ ନଙ୍ଗୟ୍ ଦୁକ୍ ପାୟା ଆତାଦେର୍‌ନା। ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ଆରେ ଗିଟା ଆଦ୍‌ନାଙ୍ଗ୍‌, ଆରେ ଏପେଙ୍ଗ୍ ୱାରିଆ ଆନାଦେର୍। ଆରେ ମି ୱାରି ଆନାକାଦିଙ୍ଗ୍ ଇନେର୍ କିସ୍ତି ଅଦେଙ୍ଗ୍ ଆଡୁର୍।

ଜହନ୍‌ 20:29

ଯୀଶୁ ଥୋମାଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ନାଙ୍ଗେଙ୍ଗ୍ ହୁଡ଼୍‌ଦିତିଲେ ପାର୍ତି କିତ୍‌ତାୟ୍। ମାତର୍ ଇମ୍‌ଣି ମାନାୟାର୍ ନାଙ୍ଗେଙ୍ଗ୍ ହୁଡ଼୍‌ଦାୱାଦାଙ୍ଗ୍ ପାର୍ତି କିଦ୍‌ନାର୍, ହେୱାର୍ ଆଶ୍ରିବାଦ୍ ପାୟାଆନାର୍‌।”

ଜହନ୍‌ 8:42

ଯୀଶୁ ହେ ଯିହୁଦି ନେତାରିଙ୍ଗ୍ ୱେଚ୍‌ଚାନ୍, “ଈଶ୍ୱର ଯଦି ମିଞ୍ଜ୍‌ବା ଆତାନ୍‌ମା, ଲାଗିଙ୍ଗ୍ ଏପେଙ୍ଗ୍ ନାଙ୍ଗେଙ୍ଗ୍ ଲାଡ୍ କିତ୍‌ତାଦେର୍‌ମା। ଆନେଙ୍ଗ୍ ନିଜେ ୱାୱାତାଙ୍ଗ୍, ମାତର୍ ନାଙ୍ଗେଙ୍ଗ୍ ଈଶ୍ୱର ଇବେ ପକ୍ତାତାନ୍‌ନା।

ରୋମିୟ 14:17

ଇନେସ୍‌କି ଈଶ୍ୱର ସାସନ୍ କିନି ରାଜି ତିନି ଉଣି ବିଷୟରେ ଆକାୟ୍, ମାତର୍ ଦରମ୍ ଲକ୍ ଆନି ବିଷୟ, ଶାନ୍ତିରେ ମାନି ବିଷୟ ଆରେ ପବିତ୍ର ଆତ୍ମା ହୁଦାଙ୍ଗ୍ ୱାରିୟାଆନି ବିଷୟ ନେ ମୁକ୍ୟ।

ରୋମିୟ 15:13

ଲାଗିଙ୍ଗ୍ ଆହା ହିଦ୍‌ନି ଈଶ୍ୱରତିଙ୍ଗ୍ ପାର୍ତାନା କିନାଙ୍ଗା ଯେ, ଏପେଙ୍ଗ୍ ତାଙ୍ଗେଙ୍ଗ୍ ପାର୍ତି କିଜି ମାଞ୍ଜେଙ୍ଗ୍ ହେୱାନ୍ ମିଙ୍ଗେଙ୍ଗ୍ ୱାରି କିଦେନ୍, ଆରେ ମିଙ୍ଗେଙ୍ଗ୍ ଶାନ୍ତି ହିଦେନ୍। ଏପେଙ୍ଗ୍ ପବିତ୍ର ଆତ୍ମାନି ଶାକ୍ତିତାଙ୍ଗ୍ ଆଦିକ୍ ତାଙ୍ଗେଙ୍ଗ୍ ଆହାକିନି କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ସାଇଜ କିଦେନ୍।

୧ କରନ୍ତିୟ 16:22

ମି ବିତ୍ରେତାଙ୍ଗ୍ ଇନେର୍ ଯଦି ମାପୃଙ୍ଗ୍ ଲାଡ୍ କିଉନ୍, ମା ମାପୃ ଯୀଶୁ ଖ୍ରୀଷ୍ଟ ଆରେରଗ ପୁର୍ତିତାକେ ୱାତିସ୍ ହେୱାନ୍ ମିଙ୍ଗେଙ୍ଗ୍ ୱିଜୁ ଦିନ୍‌ତି ଦଣ୍ଡ୍ ହିଦ୍‌ନାନ୍।

୨ କରନ୍ତିୟ 1:22

ହେୱାନ୍ ମାଙ୍ଗେଙ୍ଗ୍ ବାଚି କିତ୍‌ତାନ୍‌ନା, ଆରେ ହେୱାନ୍ ତା ପବିତ୍ର ଆତ୍ମା ମା ଗରବ୍‌ତାକେ ଗେରେଣ୍ଟିଲେକେ ଦାନ୍ ହିତ୍‌ତାନ୍‌ନା।

୨ କରନ୍ତିୟ 12:4

ମାତର୍ ଆନେଙ୍ଗ୍ ଇଦାଙ୍ଗ୍ ପୁଚାଙ୍ଗ୍‌ନା ଯେ, ନାଙ୍ଗେଙ୍ଗ୍ ମାପୃ ଈଶ୍ୱର ମାନି ସରଗ୍‌ତାକେ ଅଜି ମାନ୍‌ଞ୍ଚାତ୍‌, ଆରେ ହେବେ ମାନି ଚାନିଆଆନି ବିଷୟ ୱିଜୁ ଆନେଙ୍ଗ୍ ୱେଚାଙ୍ଗ୍, ଇମ୍‌ଣାକା କି ଇନେରିଙ୍ଗ୍ ୱେଚ୍‌ଚିୟା ଆଉତ୍।

୨ କରନ୍ତିୟ 4:18

ଲାଗିଙ୍ଗ୍ ନଙ୍ଗୟ୍ ଆସେଙ୍ଗ୍ ପାୟାଆନି ଦୁଃକ୍ କଷ୍ଟ ହୁଡ଼୍‌ୱି ଦର୍‌କାର୍, ତା ବାଦୁଲ୍‌ରେ ଈଶ୍ୱର ମା କାଜିଙ୍ଗ୍ ଇଡ଼୍‌ତି ହୁଡ଼୍‌ୱି ଜିନିଷ୍‌ତିଙ୍ଗ୍ ପାୟାଆନି କାଜିଙ୍ଗ୍ ଆହାକିନି ଦର୍‌କାର୍। ଇନେସ୍‌କି ଇମ୍‌ଣି ଦୁଃକ୍ କଷ୍ଟ ନଙ୍ଗୟ୍ ହୁଡ଼୍‌ନାସା ହେଦାଙ୍ଗ୍ ବେସି ଆଗେ ସେସ୍ ଆନାତ୍, ମାତର୍ ଇମ୍‌ଣି ୱାରି ପାଚେ ଈଶ୍ୱର ମାଙ୍ଗେଙ୍ଗ୍ ହିଦ୍‌ନାନ୍ ହେଦାଙ୍ଗ୍ ୱିଜୁଦିନ୍ ମାନ୍‌ଗାନାତ୍।

୨ କରନ୍ତିୟ 5:7

ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ହୁଡ଼୍‌ଜି ଜିବୁନ୍ କାଟି କିଉସା ମାତର୍ ତାଙ୍ଗେଙ୍ଗ୍ ପାର୍ତି କିଜି ଜିବୁନ୍ କାଟି କିନାସା।

୨ କରନ୍ତିୟ 9:15

ଆସେଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନି ଦର୍‌କାର୍, ଇନେସ୍‌କି ହେୱାନ୍ ଚାନିଆଆନି ଦାନ୍ ଯୀଶୁ ଖ୍ରୀଷ୍ଟଙ୍ଗ୍ ମା କାଜିଙ୍ଗ୍ ହିତ୍‌ତାନ୍‌ନା।

ଗାଲାତିୟ 5:22

ମାତର୍ ପବିତ୍ର ଆତ୍ମା ମାଙ୍ଗେଙ୍ଗ୍ ସାଇଜ କିତ୍‌ତିସ୍, ଇଲେକେ ଗୁଣ୍: ଲାଡ୍ କିନାକା, ୱାରି କିନାକା, ଶାନ୍ତିତାଙ୍ଗ୍ ମାନାକା, ବେସି କଷ୍ଟତିଙ୍ଗ୍ ସମ୍ୱାଲି କିନାକା, ଦୟା କିନାକା।

ଗାଲାତିୟ 5:6

ସୁନତ ବିଦି ମାନିକିତିସ୍ କି କିୱିତିସ୍ ଇନା ମୁଲ୍ୟ ଆକାୟ୍, ଏଚେପାଦ୍ନା ଆପେଙ୍ଗ୍ ଯୀଶୁ ଖ୍ରୀଷ୍ଟତାକେ ପାର୍ତି କିନାପା। ଲାଗିଙ୍ଗ୍ ମୁଡ଼୍ ବିଷୟ ଆନାତା ଖ୍ରୀଷ୍ଟଙ୍ଗ୍ ପାର୍ତି କିନାସ୍, ହେଦାଙ୍ଗ୍ ଜେକନିକାରିଙ୍ଗ୍ ଲାଡ୍‌କିନି କାଜିଙ୍ଗ୍ ମାଙ୍ଗେଙ୍ଗ୍ ସାଇଜ କିଦ୍‌ନାତା।

ଏପିସିୟ 3:19

ଆରେ ଈଶ୍ୱର ତା ୱିଜୁ ଗୁଣ୍‌ତାକେ ମିଙ୍ଗେଙ୍ଗ୍ ପୁରା କିଦ୍‌ନାନ୍।

ଏପିସିୟ 6:24

ଇମ୍‌ଣାକାର୍ ମା ମାପୃ ଯୀଶୁ ଖ୍ରୀଷ୍ଟଙ୍ଗ୍ ୱିଜ୍‌ୱି ଲାଡ୍‌ତାକେ ଲାଡ୍ କିନାର୍, ହେୱାରିଙ୍ଗ୍ ଈଶ୍ୱର ଦୟା କିନାନ୍।

ପିଲିପିୟ 1:25

ଆନେଙ୍ଗ୍ ପୁରା ପାର୍ତି କିନାଙ୍ଗା ଯେ ଆନେଙ୍ଗ୍ ଜିଜି ମାନାଙ୍ଗ୍। ଆରେ ଆନେଙ୍ଗ୍ ମିଙ୍ଗେଙ୍ଗ୍ ପାର୍ତିତାଙ୍ଗ୍ ବାଡାଇକିନି କାଜିଙ୍ଗ୍ ଆରେ ମି ୱାରି କାଜିଙ୍ଗ୍ ମି ୱିଜାକାର୍ ହୁଦାଙ୍ଗ୍ ମାହାଆଜି ମାନାଙ୍ଗ୍।

ପିଲିପିୟ 3:3

ଇନେସ୍‌କି ଆପେଙ୍ଗ୍ ଟିକ୍ ସୁନତ ବିଦି ପାୟାଆତାସ୍‌ନା। ଆପେଙ୍ଗ୍ ଈଶ୍ୱର ଆତ୍ମାତାଙ୍ଗ୍ ଈଶ୍ୱରତିଙ୍ଗ୍ ପୁଜା କିନାପା। ମାନାୟ୍ କିତି ଉପାଇତିଙ୍ଗ୍ ଆପେଙ୍ଗ୍ ଆହା କିୱାଦାଙ୍ଗ୍ ଯୀଶୁ ଖ୍ରୀଷ୍ଟତାକେ ଆହା କିନାପା।

ପିଲିପିୟ 4:4

ଏପେଙ୍ଗ୍ ୱିଜୁଦିନ୍ ମାପୃତାକେ ୱାରିଆଜି ମାନାଟ୍। ଆନେଙ୍ଗ୍ ଆରେରଗ ୱେଚ୍‌ଚାନାଙ୍ଗା ୱାରିଆଜି ମାନାଟ୍।

ଏବ୍ରି 11:1

ଇନାକା ଗଟାଆନାତ୍ ଇଞ୍ଜି ଆସେଙ୍ଗ୍ ଆହା କିନାସା, ହେ ଷ୍ଟ୍ରଙ୍ଗ୍ ଆହାତିଙ୍ଗ୍ ପାର୍ତି ୱେଚ୍‌ନାର୍। ଆରେ ଇନାକା ଆସେଙ୍ଗ୍ ହୁଡ଼୍‌ୱାତାସ୍‌ନା, ହେ ବିଷୟତିଙ୍ଗ୍ ଇଦାଙ୍ଗ୍ ସତ୍ ଇଞ୍ଜି ପାର୍ମାଣ୍ କିନାତ୍।

ଏବ୍ରି 11:27

ପାର୍ତି କାଜିଙ୍ଗ୍ ମୋଶା ମିସର ଦେସ୍ ପିସ୍ତି ହାଲ୍‌ଜି ମାଚାନ୍। ରାଜା ରିସା ଆଦ୍‌ନାନ୍ ଇଞ୍ଜି ହେୱାନ୍ ପାଣ୍ଡ୍ରା ଆୱାଦାଙ୍ଗ୍ ମାଚାନ୍। ହେୱାନ୍ ଆରେ ମିସର ଦେସ୍‌ତାକେ ଲେଉଟା ଆଜି ୱାୱାତାନ୍, ଇନେସ୍‌କି ଚଞ୍ଜି ଆଦ୍‌ୱି ଈଶ୍ୱର ହେୱାନ୍ ହୁଦାଙ୍ଗ୍ ମାନାନ୍ ଇଞ୍ଜି ହେୱାନ୍ ପୁଚାନ୍।

୧ ପିତର 1:6

ଏପେଙ୍ଗ୍ ଯଦି ଅଲପ୍‌ଦିନ୍ କାଜିଙ୍ଗ୍ ବିନ୍-ବିନ୍ ଦୁକ୍‌କଷ୍ଟ ପାୟାଆଜି ଦୁକ୍ ଆତିସ୍‌ପା, ଇ ୱିଜୁ ଜିନିଷ୍ କାଜିଙ୍ଗ୍ ୱାରିୟାଆନି ଦର୍‌କାର୍।

୧ ପିତର 2:7

ଏପେଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ପାର୍ତିକିନି ମାନାୟ୍, ମି କାଜିଙ୍ଗ୍ ଇ କାଲ୍ ବେସି ମୁଲ୍ୟ ଆତାତ୍‌ନା। ମାତର୍ ଦରମ୍ ସାସ୍ତର୍‌ତାକେ ଇଲେକେ ଲେକାଆତାତ୍‌ନା ଇମ୍‌ଣି ମାନାୟାର୍ ଖ୍ରୀଷ୍ଟଙ୍ଗ୍ ପାର୍ତି କିଉରା, “ହେୱାର୍ ଇଲ୍ ରହ୍‌ନି ମାନାୟାର୍ ହେ କାଲ୍‌ଦିଙ୍ଗ୍ ପାଉଣ୍ଡେସେନ୍ କିନିହିଙ୍ଗ୍ ବ୍ୟବହାର୍ କିଦେଙ୍ଗ୍ ମୁନା କିତାର୍। ମାତର୍ ହେ କାଲ୍ ନଙ୍ଗୟ୍ ଇଲ୍ ରହ୍‌ନି ପାଉଣ୍ଡେସେନ୍‌ନି ୱିଜୁତାଙ୍ଗ୍ ମୁକ୍ୟ କାଲ୍ ଆତାତ୍‌ନା।”

୧ ପିତର 5:4

ଆରେ ଏଚେପାଦ୍ନା ଯୀଶୁ ଖ୍ରୀଷ୍ଟ ଆରେରଗ ୱାନାନ୍ ହେୱାନ୍ ମା ମୁକ୍ୟ କଡିଙ୍ଗ୍ ଗଡ଼ିୟାଲେକେ ହେୱାନ୍ ମିଙ୍ଗେଙ୍ଗ୍ ହଲ୍‌ନି ପୁରଷ୍କାର୍‌ଲେକେ ର ମୁକୁଟ୍ ହିଦ୍‌ନାନ୍, ଆରେ ତା ହଲ୍‌ନାକା ଇନାୱେଡ଼ାଙ୍ଗ୍ ପା ୱିଜୁତ୍। ଆରେ ହେୱାନ୍ ମିଙ୍ଗେଙ୍ଗ୍ ସନ୍‌ମାନ୍ ହିଦ୍‌ନାନ୍।