୧ ପିତର 1:4 - New Testament in Pengo Parja Language

⁴ ଈଶ୍ୱର ମା କାଜିଙ୍ଗ୍ ଇଡ଼୍‌ଜି ମାଚି ହାର୍ଦି ଜିନିଷ୍‌ତିଙ୍ଗ୍ ପାୟାଆନି କାଜିଙ୍ଗ୍ ଆପେଙ୍ଗ୍ କାନାପା, ଆରେ ଇନେର୍ ପା ଇନାୱେଡ଼ାଙ୍ଗ୍ ପା ହେ ଜିନିଷ୍‌ତିଙ୍ଗ୍ ନଷ୍ଟ କିଦେଙ୍ଗ୍ ଆଡୁର୍। ହେୱିଜୁ ଜିନିଷ୍ ପାନାକା ଆଉତ୍ କି ପ୍ରାଲ୍ ତିନୁତ୍, ଆରେ ହେଦାଙ୍ଗ୍‌ତିଙ୍ଗ୍ ଇନାକା ପା କରାପ୍ କିଉତ୍। ଇମ୍‌ଣାକା ଈଶ୍ୱର ମାଙ୍ଗେଙ୍ଗ୍ ହିଦ୍‌ନି କାଜିଙ୍ଗ୍ ସରଗ୍‌ତାକେ ଇଡ଼୍‌ତାନ୍‌ନା।

ସତ୍‌ ବଚନ୍‌ ପୁନି ନିୟମ୍‌

⁴ ଲାଗିଂ ଇସ୍ୱର୍‌ ତା ଲକୁ କାଜିଂ ଇମ୍‌ଣି ବେସି ମଲ୍‌ ଆସିର୍ବାଦ୍‌ ଇଡ଼୍‌ତାନ୍ନା ହେଦାଂ ପାୟାଦେଂ ଆପେଂ କାନାପା । ଲାଗିଂ ହେୱାନ୍‌ ସାର୍ଗେତ ମି କାଜିଂ ବାର୍ତି କିଜ଼ି ଇଡ଼୍‌ତାନ୍ନା । ହେବେ ହେଦାଂ ଜିରା ଆଉତ୍‌, କି ନସ୍ଟ କି ପାପ୍‌ ଆଉତ୍‌ ।

୧ ପିତର 1:4 Iomraidhean Croise

ମାତିଉ 25:34

ଆନେଙ୍ଗ୍ ରାଜା ତା ତିନାବାଗାୟ୍ ମାନି ମାନାୟାରିଙ୍ଗ୍ ୱେଚ୍‌ନାଙ୍ଗ୍, ୱାଡ ନା ସରଗ୍‌ନି ଆବା ମିଙ୍ଗେଙ୍ଗ୍ ଆଶ୍ରିବାଦ୍ କିତ୍‌ତାନ୍‌ନା। ଈଶ୍ୱର ମିଙ୍ଗେଙ୍ଗ୍ ଇମ୍‌ଣି ରାଜି ହିଦ୍‌ଦେଙ୍ଗ୍ ଇଚା କିତ୍‌ତାନ୍‌ନା। ହେଦାଙ୍ଗ୍ ଏପେଙ୍ଗ୍ ପାୟାଆଡୁ। ପୁର୍ତି ଉବ୍‌ଜା ଆନି ପାଦ୍ନା ମି କାଜିଙ୍ଗ୍ ହେ ରାଜି ରହିଆତାତ୍‌ନା।

ମାର୍କ 10:17

ଯୀଶୁ ଆରେ ତା ଚେଲାହିର୍ ଆରେରଗ ହାନିହିଙ୍ଗ୍, ରକାନ୍ ହନ୍‍ଚି ୱାତାନ୍, ଆରେ ତା କାଲ୍ ତାରେନ୍ ମେଣ୍ଡାକୁନ୍ଦିକିଜି ଯୀଶୁଙ୍ଗ୍ ୱେନ୍‌ବାତାନ୍, “ଏ ହାର୍ଦି ଗୁରୁ, ୱିଜ୍‌ୱି ଜିବୁନ୍ ପାଇକିଦେଙ୍ଗ୍ ଆନେଙ୍ଗ୍ ଇନାକା କିଦେଙ୍ଗ୍ ଆନାତ୍?”

ପକ୍ୟାତାକା 20:32

ଆନେଙ୍ଗ୍ ମିଙ୍ଗେଙ୍ଗ୍ ଈଶ୍ୱରତାକେ ଆରେ ତା ଦୟାକିନି କାତାତିଙ୍ଗ୍ ହାର୍‌ପି କିଜି ହିତ୍‌ତାଙ୍ଗ୍‌ନା। ଇନେସ୍‌କି ହେୱାନ୍ ମିଙ୍ଗେଙ୍ଗ୍ ପାର୍ତି କିଜି ମାଞ୍ଜେଙ୍ଗ୍ ସାଇଜ କିଦ୍‌ନାନ୍। ହେୱାନ୍ ଇମ୍‌ଣାକାରିଙ୍ଗ୍ ଦରମ୍ ମାନାୟ୍ ରସ୍ତି ଆଦିକାର୍ ହିଦ୍‌ଦେଙ୍ଗ୍ କାତା ହିତ୍‌ତାନ୍‌ନା, ହେ ଆଦିକାର୍ ମିଙ୍ଗେଙ୍ଗ୍ ପା ହିଦ୍‌ନାନ୍।

ପକ୍ୟାତାକା 26:18

ଲାଗିଙ୍ଗ୍ ହେୱାର୍ କରାପ୍ କାମାୟ୍ ପିସ୍ତି ହାର୍ଦି କାମାୟ୍ କିନାର୍, ଆରେ ଶୟତାନ୍ ଶାକ୍ତିତାଙ୍ଗ୍ ଈଶ୍ୱର ଲାଗାୟ୍ ୱାତିସ୍, ଈଶ୍ୱର ହେୱାର୍ ପାପ୍‌ତିଙ୍ଗ୍ କେମା କିନାନ୍। ଆରେ ନାବେ ପାର୍ତି କିଦେଙ୍ଗ୍ ଇନେରିଙ୍ଗ୍ ଦରମ୍ ମାନାୟ୍ କିତାନ୍‌ନା ହେୱାର୍ ହୁଦାଙ୍ଗ୍ ମାଞ୍ଜେଙ୍ଗ୍ ଈଶ୍ୱର ଆଦିକାର୍ ହିନାନ୍।

ରୋମିୟ 8:17

ଆରେ ଯଦି ଆପେଙ୍ଗ୍ ଈଶ୍ୱର ମେହିକାପ୍ ଆତାପ୍‌ନା, ଲାଗିଙ୍ଗ୍ ତା ମେହି ଖ୍ରୀଷ୍ଟଙ୍ଗ୍ ହିନି ଦନ୍ ସମ୍ପତି ପା ମାଦାଙ୍ଗ୍ ଆନାତ୍। ମାତର୍ ଯଦି ଆସେଙ୍ଗ୍ ତା ଗୌରବ ପାୟାଆନାସ୍‌, ଲାଗିଙ୍ଗ୍ ହେୱାନ୍ ଦୁଃକ୍ କଷ୍ଟ ପାୟା ଆତିଲେକେ ଆସେଙ୍ଗ୍ ପା ପାୟା ଆଦେଙ୍ଗ୍ ଆନାତ୍।

୧ କରନ୍ତିୟ 9:25

ଇମ୍‌ଣି ମାନାୟ୍ ହନ୍‌ନି କେଲ୍‌ତାକେ ମାହା ଆଦେଙ୍ଗ୍ ଇଚା କିନାର୍ ହେୱାର୍ ଜାର୍‌ତିଙ୍ଗ୍ କଣ୍ଟ୍ରୁଲ୍ କିନାକା ହିକାଆନି ଦର୍‌କାର୍। ହେୱାର୍ ବେସିଦିନ୍ ମାନ୍‌ୱି ପୁରଷ୍କାର୍ କାଜିଙ୍ଗ୍ ହନ୍‌ନାର୍, ମାତର୍ ଆପେଙ୍ଗ୍ ୱିଜୁଦିନ୍ ମାନି ପୁରଷ୍କାର୍ କାଜିଙ୍ଗ୍ ହନ୍‌ନାପା।

ଗାଲାତିୟ 3:18

ମୋଶା ଲେକିକିତି ନିୟମ୍ ସାସ୍ତର୍ ମାନିକିତି କାଜିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ଦୟା କିଦୁନ୍, ମାତର୍ ହେୱାନ୍ ପାର୍ମାଣ୍ କିଜି ମାନ୍‌ଞ୍ଚି କାଜିଙ୍ଗ୍ ମାଙ୍ଗେଙ୍ଗ୍ ଦୟା କିଦ୍‌ନାନ୍। ହେଲେକେ ଈଶ୍ୱର ଅବ୍ରାହାମ ହୁଦାଙ୍ଗ୍ ପାର୍ମାଣ୍‌କିତି କାଜିଙ୍ଗ୍ ହେୱାନିଙ୍ଗ୍ ଏଚେକ୍ ଇଚା ହେଏଚେକ୍ ଦାନ୍ ହିତାନ୍।

ଏପିସିୟ 1:11

ତା ଆଗେ କିତି ଜଜ୍‌ନାତାଙ୍ଗ୍ ଖ୍ରୀଷ୍ଟତାକେ ରବେ କିଦେଙ୍ଗ୍ ଈଶ୍ୱର ମାଙ୍ଗେଙ୍ଗ୍ ତା ମାନାୟ୍ କିଜି ବାଚି କିତ୍‌ତାନ୍‌ନା। ହେୱାନ୍ ତା ଇଚା ଆରେ ଜଜ୍‌ନାତାଙ୍ଗ୍ ୱିଜୁ ବିଷୟ ଟିକ୍ ବାବ୍‌ରେ ପୁରା କିନାନ୍।

ଏପିସିୟ 1:14

ଇ ପବିତ୍ର ଆତ୍ମା ରଞ୍ଜାଙ୍ଗ୍ ଡିପଜିଟ୍ ଲେକେ ଗେରେଣ୍ଟି ହିଦ୍‌ନାତ୍ ଯେ ଈଶ୍ୱର ମାଙ୍ଗେଙ୍ଗ୍ ତା ଜାର୍ ମାନାୟ୍ କିଦ୍‌ନି କାଜିଙ୍ଗ୍ ମୁକ୍ତି କିତ୍‌ତାନ୍‌ନା ଆରେ ହେୱାନ୍ କିଜିମାଚି ପାର୍ମାଣ୍‌ନି ଆଦିକାର୍ ମାଙ୍ଗେଙ୍ଗ୍ ହିଦ୍‌ନାନ୍। ଲାଗିଙ୍ଗ୍ ଆସେଙ୍ଗ୍ ଜୟ୍-ଜୟ୍ କିଜି ଈଶ୍ୱରତିଙ୍ଗ୍ ଗୌରବ କିନାସ୍।

ଏପିସିୟ 1:18

ଈଶ୍ୱର ମିଙ୍ଗେଙ୍ଗ୍ ଇମ୍‌ଣି ଆହା କାଜିଙ୍ଗ୍ କୁକ୍ତାତାନ୍‌ନା, ଆରେ ଈଶ୍ୱର ସାଦୁ ମାନାୟାର୍ କାଜିଙ୍ଗ୍ କେତେକ୍ ଗାଜା ଆରେ ଗୌରବନି ଆଶ୍ରିବାଦ୍ ପାର୍ମାଣ୍ କିତ୍‌ତାନ୍‌ନା। ଇବିଷୟ ଏପେଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍ ହେଦାଙ୍ଗ୍ କାଜିଙ୍ଗ୍ ଈଶ୍ୱର ମି ଗରବ୍‌ତିଙ୍ଗ୍ ଜେତେନ୍ ଇଞ୍ଜି ଆନେଙ୍ଗ୍ ପାର୍ତାନା କିନାଙ୍ଗ୍।

କଲସିୟ 1:12

ଇନେସ୍‌କି ଏପେଙ୍ଗ୍ ଆବା ଈଶ୍ୱରତିଙ୍ଗ୍ ଦନ୍ଯବାଦ୍ ହିନାଦେର୍। ଆରେ ହେ ଈଶ୍ୱର ମିଙ୍ଗେଙ୍ଗ୍ ଅଜଡ଼୍ ରାଜିତାକେ ମାନି ତା ମାନାୟାର୍ ହୁଦାଙ୍ଗ୍ ମାହାଆଜି ଆଦିକାର୍ କିନି କାଜିଙ୍ଗ୍ ଯଗ୍ୟ କିତ୍‌ତାନ୍‌ନା।

କଲସିୟ 1:5

ମି କାଜିଙ୍ଗ୍ ଈଶ୍ୱର ସରଗ୍‌ତାକେ ଇଡ଼୍‌ଜି ମାଚି ପୁରଷ୍କାର୍‌ତାକେ ଆହା ଇଡ଼୍‌ଜି ମାଚି କାଜିଙ୍ଗ୍ ଏପେଙ୍ଗ୍ ଇ ଲେକେ ପାର୍ତି ଆରେ ଲାଡ୍ କିନାଦେରା। ଏଚେପାଦ୍ନା ମାନାୟାର୍ ମିଙ୍ଗେଙ୍ଗ୍ ପାର୍ତୁମ୍ ଈଶ୍ୱରତି ସତ୍ କାତା ଯୀଶୁ ଖ୍ରୀଷ୍ଟ ବିଷୟନି ହାର୍ଦିକାବୁର୍ ୱେଚ୍‌ଚି ମାଚାର୍, ହେପାଦ୍ନା ଏପେଙ୍ଗ୍ ଇ ବିଷୟରେ ୱେଚାଦେର୍‌ନା।

କଲସିୟ 3:24

ଏପେଙ୍ଗ୍ ମାନେ କିୟାଟ୍ ଯେ, ଏପେଙ୍ଗ୍ ଇମ୍‌ଣି ମାଲିକ୍‌ତିଙ୍ଗ୍ ହେବା କିନାଦେର୍ ହେୱାନ୍ ଖ୍ରୀଷ୍ଟ, ଲାଗିଙ୍ଗ୍ ମାପୃ ମିଙ୍ଗେଙ୍ଗ୍ ପୁରଷ୍କାର୍ ଲେକେ ଆଦିକାର୍ ହିଦ୍‌ନାନ୍।

୨ ତିମଥି 4:8

ମାପୃ ନ୍ୟାୟ୍‌ତାକେ ବିଚାର୍‌କିନି ମାନାୟ୍ ଆରେ ବିଚାର୍ କିନିହିଙ୍ଗ୍ ନା କାଜିଙ୍ଗ୍ ଇଡ଼୍‌ତି ଦରମ୍‌ନି ମୁକୁଟ୍ ନାଙ୍ଗେଙ୍ଗ୍ ହିଦ୍‌ନାନ୍। ଆପ୍‌କା ନାଙ୍ଗେଙ୍ଗ୍ ନେ ପୁରଷ୍କାର୍ ହିଦୁନ୍, ମାତର୍ ଏଚେଜାଣ୍ ହେୱାନ୍ ୱାନି ହାଜ୍‌ଦିଙ୍ଗ୍ ବେସି ହୁଡ଼୍‌ଜି ମାନାରା, ହେୱାରିଙ୍ଗ୍ ପା ହିନାନ୍।

ଏବ୍ରି 10:34

ଜଇଲ୍ ଇଞ୍ଜ ମାନି ମାନାୟାର୍ କଷ୍ଟ ହୁଦାଙ୍ଗ୍ ଏପେଙ୍ଗ୍ ମାହାଆଜି କଷ୍ଟ ପାୟାଆତାଦେର୍। ମି ଦନ୍‌ସମ୍ଫତି ମାନାୟାର୍ ଚର୍‌କିଜି ଅନିହିଙ୍ଗ୍, ଏପେଙ୍ଗ୍ ଇଦାଙ୍ଗ୍‌ତିଙ୍ଗ୍ ୱାରିତାଙ୍ଗ୍ ଆସ୍ତାଦେର୍। ଇନେସ୍‌କି ଈଶ୍ୱର ପାର୍ମାଣ୍‌କିତି ସମ୍ଫତି ବେସି ହାର୍ ଆରେ ୱିଜୁଦିନ୍ ମାନ୍‌ଗାନାତ୍ ଇଞ୍ଜି ଏପେଙ୍ଗ୍ ପୁଚାଦେର୍‌ନା।

ଏବ୍ରି 9:15

ଈଶ୍ୱର ଇମ୍‌ଣାକାରିଙ୍ଗ୍ କୁକ୍‌ଚି ୱିଜ୍‌ୱି ଆଶ୍ରିବାଦ୍ ହିନି କାଜିଙ୍ଗ୍ ପାର୍ମାଣ୍ କିତାନ୍‌ନା, ହେୱାର୍ ଇନେସ୍ ହେଦାଙ୍ଗ୍ ଆହ୍‌ନାର୍, ଇଦାଙ୍ଗ୍ କାଜିଙ୍ଗ୍ ଈଶ୍ୱର ଆରେ ମାନାୟାର୍ ହୁଦାଙ୍ଗ୍ ଖ୍ରୀଷ୍ଟ ମାଦିଆଜି ର ପୁନି ନିୟମ୍ କିତାନ୍‌ନା। ଇଦାଙ୍ଗ୍ ପୁରା ଆଦେଙ୍ଗ୍ ଆଡ୍‌ନାତ୍, ଇନେସ୍‌କି ହେୱାର୍ ପାର୍ତୁମ୍ ନିୟମ୍‌ନି ତାରେନ୍ ମାନ୍‌ଞ୍ଜି କିଜିମାଚି ପାପ୍‌ନି ଦଣ୍ଡ୍‌ତାଙ୍ଗ୍, ଖ୍ରୀଷ୍ଟ ହେୱାରିଙ୍ଗ୍ ମୁକ୍ତିକିନି କାଜିଙ୍ଗ୍ ହାଃତାନ୍‌ନା।

ଜାକ୍‌ବ 1:11

ଏଚେପାଦ୍ନା ୱେଡ଼ା ହସି କାରା ଜୁରା ଆତିସ୍ କାଚ୍ରାନି ପୁଇକୁ ୱାଚ୍‌ନିକ୍‌, ଆରେ ତା ହଲ୍‌ନାକା ପା ନଷ୍ଟ ଆନାତ୍। ହେଲେକେ ନେ ପାର୍ତିକିନି ହାଉକାର୍ ମାନାୟ୍ ପା ବୁଡା ଆନାନ୍।

୧ ପିତର 3:9

ଯଦି ମି ବିରୁଦ୍‌ତାକେ ଇନେର୍ ମି ଜିନିଷ୍‌ତିଙ୍ଗ୍ ନଷ୍ଟ କିନାନ୍, ଲାଗିଙ୍ଗ୍ ଏପେଙ୍ଗ୍ ତା ଜିନିଷ୍‌ତିଙ୍ଗ୍ ଉଲ୍‌ଟା ନଷ୍ଟ କିମାଟ୍, ଆରେ ଇନେର୍ ଯଦି ମିଙ୍ଗେଙ୍ଗ୍ ଇନସ୍ତା କିଦ୍‌ନାନ୍ ଆରେ ଏପେଙ୍ଗ୍ ତାଙ୍ଗେଙ୍ଗ୍ ଉଲ୍‌ଟା ଇନସ୍ତା କିମାଟ୍। ମାତର୍ ଏପେଙ୍ଗ୍ ହେୱାରିଙ୍ଗ୍ ଆଶ୍ରିବାଦ୍ କିୟାଟ୍, ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ବାଚି କିତ୍‌ତାନ୍‌ନା, ଯଦି ଏପେଙ୍ଗ୍ ହେଲେକେ କିନାଦେର୍ ଈଶ୍ୱର ମିଙ୍ଗେଙ୍ଗ୍ ଆଶ୍ରିବାଦ୍ କିଦ୍‌ନାନ୍।

୧ ପିତର 5:4

ଆରେ ଏଚେପାଦ୍ନା ଯୀଶୁ ଖ୍ରୀଷ୍ଟ ଆରେରଗ ୱାନାନ୍ ହେୱାନ୍ ମା ମୁକ୍ୟ କଡିଙ୍ଗ୍ ଗଡ଼ିୟାଲେକେ ହେୱାନ୍ ମିଙ୍ଗେଙ୍ଗ୍ ହଲ୍‌ନି ପୁରଷ୍କାର୍‌ଲେକେ ର ମୁକୁଟ୍ ହିଦ୍‌ନାନ୍, ଆରେ ତା ହଲ୍‌ନାକା ଇନାୱେଡ଼ାଙ୍ଗ୍ ପା ୱିଜୁତ୍। ଆରେ ହେୱାନ୍ ମିଙ୍ଗେଙ୍ଗ୍ ସନ୍‌ମାନ୍ ହିଦ୍‌ନାନ୍।

ହତ୍‌ତି 21:27

ମାତର୍ କରାପ୍ ମାନାୟାରିଙ୍ଗ୍ କି, ପାପ୍ କାମାୟ୍ କିନାକାରିଙ୍ଗ୍ କି, ମିଚ୍ ୱେଚ୍‌ନାକାର୍ ଆଏର୍, ଇଲେକେ ଗିଣ୍ କାମାୟ୍ କିନାକାରିଙ୍ଗ୍ ଇନାୱେଡ଼ାଙ୍ଗ୍ ପା ହେ ସହର୍‌ତାକେ ହାଞ୍ଜେଙ୍ଗ୍ ହିଉର୍। ଇଲେଗ୍‌ଦି ମାନାୟାର୍ ହେ ସହର୍‌ତାକେ ହାନାର୍ ଯେ, ଇନେର୍ ତର୍‌ ମେଣ୍ଢା ଇନେର୍‌କି ଯୀଶୁ ବହିତାକେ ଲେକାଆଜି ମାନ୍‌ଗାନାତ୍, ହେ ବହିତାକେ ଜିବୁନ୍ ମାନି ମାନାୟାର୍ ତର୍‌ ଲେକାଆତାତ୍‌ନା।