୧ ପିତର 1:3 - New Testament in Pengo Parja Language

³ ମା ମାପୃ ଯୀଶୁ ଖ୍ରୀଷ୍ଟ ଆବା ଈଶ୍ୱରତିଙ୍ଗ୍ ଜୟ୍-ଜୟ୍ ଆୟେତ୍, ଈଶ୍ୱର ମାଙ୍ଗେଙ୍ଗ୍ ବେସି ଦୟାକିଜି ମାନ୍‌ଞ୍ଚି କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ପୁନି ଜିବୁନ୍ ହିତ୍‌ତାନ୍। ଇନେସ୍‌କି ଈଶ୍ୱର ଯୀଶୁ ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ କିଜି ନିକ୍‌ଚି ମାଚାନ୍, ଆରେ ହେୱାନ୍ ମାଙ୍ଗେଙ୍ଗ୍ ସାହାସ୍ ହୁଦାଙ୍ଗ୍ ଜିନି କାଜିଙ୍ଗ୍ ସାଇଜ କିତ୍‌ତାନ୍‌ନା। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ହେୱାନ୍ କିଜିମାଚି ପାର୍ମାଣ୍‌ତିଙ୍ଗ୍ ପାୟାଆନି କାଜିଙ୍ଗ୍ ଆପେଙ୍ଗ୍ ଆହା କିନାପା।

ସତ୍‌ ବଚନ୍‌ ପୁନି ନିୟମ୍‌

³ ମା ମାପ୍ରୁ ଜିସୁ କ୍ରିସ୍ଟତି ଆବା ଇସ୍ୱର୍‌ତିଂ ଦନ୍ୟ ନାଦାଂ ଆଏତ୍‌, ଇନାକିଦେଂକି ହେୱାନ୍‌ ତା ବେସି ଦୟାତ ଜିସୁ କ୍ରିସ୍ଟତି ହାକିତ ଆରେ ନିଂନାକା ହୁକେ ଇଦାଂ ମାଙ୍ଗ୍‌ ଜିବୁନ୍‌ ବାର୍ସିତ ପାୟାତି କାଜିଂ ।

୧ ପିତର 1:3 Iomraidhean Croise

ଜହନ୍‌ 1:13

ହେୱାର୍ ଜେକନି ହିମ୍‌ଣାଙ୍ଗ୍ ଲେକେ ଜନମ୍ ଆୱାତାର୍। ହେୱାର୍ ଆବା ଆୟାର୍ ଇଚାତାଙ୍ଗ୍ ଜନମ୍ ଆୱାଦାଙ୍ଗ୍, ଈଶ୍ୱର ଇଚାତାଙ୍ଗ୍ ଜନମ୍ ଆଜି ମାଚାର୍।

ରୋମିୟ 12:12

ଯଦି ଏପେଙ୍ଗ୍ ଈଶ୍ୱରତିଙ୍ଗ୍ ଆହା କିନାଦେରା ଲାଗିଙ୍ଗ୍ ୱାରିୟା ଆଡ, ଇନେସ୍‌କି ଈଶ୍ୱର ମି କାଜିଙ୍ଗ୍ ହାର୍ ଉପାୟ୍ କିନାନା। ଏପେଙ୍ଗ୍ ଦୁଃକ୍ କଷ୍ଟ କାଜିଙ୍ଗ୍ ସାସ୍ ଆଜି ମାନାଟ୍, ଆରେ ଏପେଙ୍ଗ୍ ୱିଜୁଦିନ୍ ଈଶ୍ୱରତାକେ ପାର୍ତାନା କିଜି ମାନାଟ୍।

ରୋମିୟ 15:13

ଲାଗିଙ୍ଗ୍ ଆହା ହିଦ୍‌ନି ଈଶ୍ୱରତିଙ୍ଗ୍ ପାର୍ତାନା କିନାଙ୍ଗା ଯେ, ଏପେଙ୍ଗ୍ ତାଙ୍ଗେଙ୍ଗ୍ ପାର୍ତି କିଜି ମାଞ୍ଜେଙ୍ଗ୍ ହେୱାନ୍ ମିଙ୍ଗେଙ୍ଗ୍ ୱାରି କିଦେନ୍, ଆରେ ମିଙ୍ଗେଙ୍ଗ୍ ଶାନ୍ତି ହିଦେନ୍। ଏପେଙ୍ଗ୍ ପବିତ୍ର ଆତ୍ମାନି ଶାକ୍ତିତାଙ୍ଗ୍ ଆଦିକ୍ ତାଙ୍ଗେଙ୍ଗ୍ ଆହାକିନି କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ସାଇଜ କିଦେନ୍।

ରୋମିୟ 4:25

ହେ ଯୀଶୁ ମା ପାପ୍ କାଜିଙ୍ଗ୍ ହାଃତାନ୍ ଆରେ ଆପେଙ୍ଗ୍ ଈଶ୍ୱରତାକେ ଦରମ୍ ମାନାୟ୍ ଆନି କାଜିଙ୍ଗ୍, ଈଶ୍ୱର ତାଙ୍ଗେଙ୍ଗ୍ ହାଃତାକାନିଙ୍ଗ୍ ଆରେରଗ ଜିବୁନ୍ କିତାନ୍।

ରୋମିୟ 5:10

ଇନେସ୍‌କି ଆସେଙ୍ଗ୍ ଏଚେପାଦ୍ନା ଈଶ୍ୱରତିଙ୍ଗ୍ ବିରଦ୍ କିଜି ମାଚାସ୍, ହେପାଦ୍ନା ମା ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ହାଃତିଲେ ଆସେଙ୍ଗ୍ ଈଶ୍ୱର ହୁଦାଙ୍ଗ୍ ହାର୍ ରୱାଣ୍‌ ଇଡ଼୍‌ଜି ମାହା ଆତାସ୍‌। ନଙ୍ଗୟ୍ ଆପେଙ୍ଗ୍ ହାର୍‌ଦାଙ୍ଗ୍ ପୁଚାପ୍‌ନା ଯେ, ଈଶ୍ୱର ହୁଦାଙ୍ଗ୍ ହାର୍ ରୱାଣ୍‌ ଇଡ଼୍‌ତାପ୍‌ନା, ଆରେ ଯୀଶୁ ମାଙ୍ଗେଙ୍ଗ୍ ରକ୍ଷା କିଦ୍‌ନାନା, ଇନେସ୍‌କି ହେୱାନ୍ ନଙ୍ଗୟ୍ ପାତେକ୍ ଯିବୁନ୍ ମାନାନ୍।

ରୋମିୟ 8:11

ଯୀଶୁଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ ହିତାନ୍, ହେ ପବିତ୍ର ଆତ୍ମା ମି ବିତ୍ରେ ମାନାତା। ହେୱାନ୍ ଇନେସ୍ କିଜି ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ ହିତାନ୍, ହେଲେକେ ମି ବିତ୍ରେ ମାନି ଆତ୍ମା, ମି ହାଃନି ଗାଗାଡ଼୍‌ତିଙ୍ଗ୍ ଆରେରଗ ଜିବୁନ୍ କିଦ୍‌ନାତ୍।

ରୋମିୟ 8:24

ଈଶ୍ୱର ମାଙ୍ଗେଙ୍ଗ୍ ଆହା ଚଚ୍‌ଚାତାନ୍‌ନା, ଏଚେପାଦ୍ନା ହେୱାନ୍ ମାଙ୍ଗେଙ୍ଗ୍ ରକ୍ଷା କିତ୍‌ତାନ୍। ଈଶ୍ୱର ମାଙ୍ଗେଙ୍ଗ୍ ପାର୍ମାଣ୍‌କିତି ୱିଜୁ ଜିନିଷ୍ ପାୟାଆୱାତାସ୍‌ନା, ହେଦାଙ୍ଗ୍ କାଜିଙ୍ଗ୍ ନଙ୍ଗୟ୍ ପାତେକ୍ ହେଦାଙ୍ଗ୍ ପାୟା ଆଦେଙ୍ଗ୍ ଆହା କିନାପା। ଲାଗିଙ୍ଗ୍ ଆପେଙ୍ଗ୍ ନଙ୍ଗୟ୍ ସାସ୍ ଆଜି ତାବେତାଙ୍ଗ୍ ପାୟାଆୱି ପାତେକ୍ କାନାପା।

୧ କରନ୍ତିୟ 13:13

ଲାଗିଙ୍ଗ୍ ଇ ତିନ୍‌ଗଟା ଜିନିଷ୍ ଆସେଙ୍ଗ୍ କିନି ଦର୍‌କାର୍। ଈଶ୍ୱରତିଙ୍ଗ୍ ପାର୍ତି କିନାକା, ତା ପାର୍ମାଣ୍‌ତିଙ୍ଗ୍ ଆହା ଇଡ଼୍‍ତାକା ଆରେ ଜେକନିକାରିଙ୍ଗ୍ ଲାଡ୍ କିନାକା। ଇ ତିନ୍‌ଗଟା ଜିନିଷ୍ ବିତ୍ରେତାଙ୍ଗ୍ ଜେକନିକାରିଙ୍ଗ୍ ଲାଡ୍ କିନାକା ଗାଜା ବିଷୟ।

୧ କରନ୍ତିୟ 15:20

ମାତର୍ ଖ୍ରୀଷ୍ଟ ଆରେରଗ ଜିବୁନ୍ ଆତାନ୍‌ନା। ହେୱାନ୍ ନେ ର ଗାଜା ତାସ୍‌ଲେକେ ପାର୍ତୁମ୍ ହାଃତାକାର୍‌ତାଙ୍ଗ୍ ଜିବୁନ୍ ଆତାନ୍‌ନା।

୨ କରନ୍ତିୟ 1:3

ଆପେଙ୍ଗ୍ ୱିଜାକାପ୍ ମା ମାପୃ ଯୀଶୁ ଖ୍ରୀଷ୍ଟନି ଆବା ଆରେ ଈଶ୍ୱରତିଙ୍ଗ୍ ଦନ୍ଯବାଦ୍ ହିନି ଦର୍‌କାର୍। ହେୱାନ୍ ୱିଜୁଦିନ୍ ମାଙ୍ଗେଙ୍ଗ୍ ଦୟା ଆରେ ସାଇଜ କିଦ୍‌ନାନା। ଆରେ ଈଶ୍ୱର ନେ ମାଙ୍ଗେଙ୍ଗ୍ ସାହାସ୍ ହିଦ୍‌ନାନା।

ଗାଲାତିୟ 6:16

ଆରେ ଏଚେଜାଣ୍ ଇ ନିୟମ୍ ଅନ୍‌ସାରେ ବ୍ଯବହାର୍ କିନାର୍, ଈଶ୍ୱର ସତ୍ ଇସ୍ରାଏଲ ମାନାୟାରିଙ୍ଗ୍ ତା ଶାନ୍ତି ଆରେ ଦୟା ହିନାନ୍, ଆରେ ହେୱାର୍ ଈଶ୍ୱରତି ପୁନି ମାନାୟ୍ ଆନାର୍।

ଏପିସିୟ 1:17

ଆନେଙ୍ଗ୍ ଇଦାଙ୍ଗ୍ ପା ପାର୍ତାନା କିନାଙ୍ଗ୍ ଯେ ଈଶ୍ୱର ମା ମାପୃ ଯୀଶୁ ଖ୍ରୀଷ୍ଟନି ଗୌରବମାନି ଆବା ମିଙ୍ଗେଙ୍ଗ୍ ଜ୍ଞାନ୍ ଆରେ ବୁଦି ହିଦେନ୍, ଲାଗିଙ୍ଗ୍ ଏପେଙ୍ଗ୍ ହେୱାନିଙ୍ଗ୍ ହାର୍‌ଦାଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍।

ଏପିସିୟ 1:3

ମା ମାପୃ ଯୀଶୁ ଖ୍ରୀଷ୍ଟନି ଈଶ୍ୱର ଆରେ ଆବାତିଙ୍ଗ୍ ଜୟ୍-ଜୟ୍ କିୟାଟ୍। ଖ୍ରୀଷ୍ଟତାକେ ଆସେଙ୍ଗ୍ ରବେଆଜି ମାଚିଲେ, ଈଶ୍ୱର ମାଙ୍ଗେଙ୍ଗ୍ ସରଗ୍‌ନି ୱିଜୁ ଆଶ୍ରିବାଦ୍‌ତାକେ ଆଶ୍ରିବାଦ୍ କିତ୍‌ତାନ୍‌ନା।

ଏପିସିୟ 1:7

ଈଶ୍ୱର ବେସି ଦୟାତାଙ୍ଗ୍ ଆସେଙ୍ଗ୍ ହେ ଯୀଶୁ ଖ୍ରୀଷ୍ଟନି ନେତେର୍ କାଜିଙ୍ଗ୍ ମୁକ୍ତି ପାୟାଆତାସ୍, ଇଦାଙ୍ଗ୍‌ନି ଅର୍‌ତ ଈଶ୍ୱର ମା ପାପ୍ ୱିଜୁତିଙ୍ଗ୍ କେମା କିତ୍‌ତାନ୍‌ନା।

ଏପିସିୟ 2:4

ମାତର୍ ଈଶ୍ୱର ମାଙ୍ଗେଙ୍ଗ୍ ବେସି ଲାଡ୍ କିଦ୍‌ନି କାଜିଙ୍ଗ୍ ଆରେ ହେୱାନ୍ ବେସି ଦୟା ଆତି କାଜିଙ୍ଗ୍,

ଏପିସିୟ 3:20

ଇମ୍‌ଣି ଈଶ୍ୱର ମା ଗରବ୍ ବିତ୍ରେ କାମାୟ୍ କିନି ଶାକ୍ତିତାଙ୍ଗ୍ ମା ଏନ୍‌ନାକା କି ବାବି କିନାକା ଆଦିକ୍‌ତାଙ୍ଗ୍ ଆଦିକ୍ ହିଦ୍‌ନାନ୍।

କଲସିୟ 1:23

ହେୱାନ୍ ମିଙ୍ଗେଙ୍ଗ୍ ପବିତ୍ର କିତ୍‌ତାନ୍‌ନା, ମାତର୍ ଏପେଙ୍ଗ୍ ୱିଜୁଦିନ୍ ଖ୍ରୀଷ୍ଟତାକେ ପାର୍ତି କିଜି ମାନାଟ୍। ଇନେସ୍‌କି ର ବାଡ଼୍‌କାସ୍ ପାଉଣ୍ଡେସେନ୍ ତାକେ ଇଲ୍ ମାନ୍‌ଗାନାତ୍ ହେଲେକେ ପାର୍ତି ଖ୍ରୀଷ୍ଟତାକେ ବାଡ଼୍‌କାସ୍ ଆଜି ମାନେତ୍। ହାର୍ଦିକାବୁର୍ ୱେନ୍‌ଞ୍ଜି ଇମ୍‌ଣି ଆହା ପାୟା ଆତାଦେର୍‌ନା ହେ ଆହାତିଙ୍ଗ୍ ଏପେଙ୍ଗ୍ ପିହ୍‌ମାଟ୍। ଇ ହାର୍ଦିକାବୁର୍ ପୁର୍ତିନି ଚାରିବେଣ୍‌ତାଙ୍ଗ୍ ଶୁଣାୟ୍ କିନାରା। ଆରେ ଆନେଙ୍ଗ୍ ପାଉଲ ଈଶ୍ୱର ଦାସ୍ ଆଜି ଇ ହାର୍ଦିକାବୁର୍ ଶୁଣାୟ୍ କିନାଙ୍ଗା।

କଲସିୟ 1:27

ଖ୍ରୀଷ୍ଟତି ଗୌରବନି ଦନ୍ ବିନ୍‌ଜାତିନି ମାନାୟାରିଙ୍ଗ୍ ପା ମାନାତ୍ ଇଞ୍ଜି ଈଶ୍ୱର ତା ମାନାୟାରିଙ୍ଗ୍ ପୁନିକିଦେଙ୍ଗ୍ ଇଚା କିତାନ୍। ଖ୍ରୀଷ୍ଟ ମି ବିତ୍ରେ ବାହା କିନାନ୍ ହେଦାଙ୍ଗ୍ ଆନାତା ଡ଼ୁଗ୍‌ତି ବିଷୟ। ତା ଗୌରବ ପାୟାଆନି କାଜିଙ୍ଗ୍ ଇଦାଙ୍ଗ୍ ମାଙ୍ଗେଙ୍ଗ୍ ଆହା ହିଦ୍‌ନାତ୍।

୧ ଥେସଲନୀକିୟ 1:3

ଆରେ ଆପେଙ୍ଗ୍ ଏଚେପାଦ୍ନା ମା ଆବା ଈଶ୍ୱରତିଙ୍ଗ୍ ପାର୍ତାନା କିନାପା। ଏପେଙ୍ଗ୍ ପାର୍ତିତାଙ୍ଗ୍ କିନି କାମାୟ୍‌ତିଙ୍ଗ୍ ଏତ୍ କିନାପା, ଆରେ ଏପେଙ୍ଗ୍ ପାର୍ତିକିନି ମାନାୟାରିଙ୍ଗ୍ ଲାଡ୍‌କିନି କାଜିଙ୍ଗ୍ ହେୱାରିଙ୍ଗ୍ ସାଇଜ କିଦେଙ୍ଗ୍ କଷ୍ଟ କିନାଦେରା। ଆରେ ମାପୃ ଯୀଶୁ ଖ୍ରୀଷ୍ଟ ଆରେରଗ ୱାନାନ୍ ଇଞ୍ଜି ଆହା କିନାଦେରା, ହେଦାଙ୍ଗ୍ କାଜିଙ୍ଗ୍ ମିଙ୍ଗେଙ୍ଗ୍ ମାନାୟାର୍ ଦୁଃକ୍ କଷ୍ଟ ହିତ୍‌ତିସ୍‌ ପା ସମ୍ବାଲି କିନାଦେରା।

୧ ଥେସଲନୀକିୟ 4:13

ଏ ଟଣ୍ଡାର୍‌କାଦେର୍, ଇ ବିଷୟତିଙ୍ଗ୍ ଏପେଙ୍ଗ୍ ପୁନ୍‌ଞ୍ଜି ମାନାଟ୍ ଯେ, ମା ପାର୍ତିକିନି ମାନାୟାର୍ ହାଃତି ପାଚେ ଆରେରଗ ଈଶ୍ୱର ହେୱାରିଙ୍ଗ୍ ଜିବୁନ୍ ହିନାତ୍, ଲାଗିଙ୍ଗ୍ ଏପେଙ୍ଗ୍ ଆହା ହିଲି ବିନ୍‌ଜାତିନି ମାନାୟାର୍‌ଲେକେ ଦୁଃକ୍ କିଉଦେର୍।

୨ ଥେସଲନୀକିୟ 2:16

ଆସେଙ୍ଗ୍ ପାର୍ତାନା କିନାସା ଯେ, ମା ମାପୃ ଯୀଶୁ ଖ୍ରୀଷ୍ଟ, ଆରେ ମା ଆବା ଈଶ୍ୱର ମାଙ୍ଗେଙ୍ଗ୍ ଲାଡ୍ କିଦ୍‌ନାର୍, ଆରେ ହେୱାର୍ ମାଙ୍ଗେଙ୍ଗ୍ ଦୟାକିଜି ୱିଜ୍‌ୱିଦିନ୍‌ନି ସାସ୍, ଆରେ ହାର୍ ଆହା ହିଦେନ୍।

୧ ତିମତି 1:14

ମା ମାପୃ ନାଙ୍ଗେଙ୍ଗ୍ ବେସି ଦୟା କିତ୍‌ତାନ୍‌ନା, ଆନେଙ୍ଗ୍ ଯୀଶୁ ଖ୍ରୀଷ୍ଟତାକେ ମାହାଆଜି ମାନି କାଜିଙ୍ଗ୍ ହେୱାନ୍ ନାଙ୍ଗେଙ୍ଗ୍ ବିସ୍‌ବାସ୍ ଆରେ ଲାଡ୍ ହିତ୍‌ତାନ୍‌ନା।

ତୀତସ 2:13

ଆରେ ଇମ୍‌ଣି ଆହା ମାଙ୍ଗେଙ୍ଗ୍ ୱାରି କିଦ୍‌ନାତ୍, ଆରେ ମା ଗାଜା ଈଶ୍ୱର ଆରେ ଉଦାର୍ କିଦ୍‌ନି ଯୀଶୁ ଖ୍ରୀଷ୍ଟ ଗୌରବତାଙ୍ଗ୍ ୱାନାକାଦିଙ୍ଗ୍ କାସିମାଞ୍ଜେଙ୍ଗ୍ ଈଶ୍ୱର ମାଙ୍ଗେଙ୍ଗ୍ ଦୟା ହିକାୟ୍ କିତ୍‌ତାନ୍‌ନା।

ଏବ୍ରି 3:6

ମାତର୍ ଖ୍ରୀଷ୍ଟ ହିମ୍‌ଣା ଲେକେ ଆନି କାଜିଙ୍ଗ୍ ଈଶ୍ୱର ପରିବାର୍‌ନି ମାନାୟାର୍ ଜପି ବିସ୍‌ବସ୍ତ ମାନାନ୍। ଆରେ ଯଦି ଆସେଙ୍ଗ୍ ମା ସାହାସ୍‌ତିଙ୍ଗ୍ ଆରେ ଖ୍ରୀଷ୍ଟତାକେ ଇଡ଼୍‌ତି ଆହାତିଙ୍ଗ୍ କଣ୍ଟ୍ରୁଲ୍‌କିଜି ସେସ୍ ପାତେକ୍ ଆସ୍ତି ମାନାସ୍, ଲାଗିଙ୍ଗ୍ ଆସେଙ୍ଗ୍ ନିଜେ ହେ ପରିବାର୍‌ନି ମାନାୟ୍ ଆନାସ୍।

ଜାକ୍‌ବ 1:18

ତାସ୍‌ନି ପାର୍ତୁମ୍ ପାଡ଼୍‌ଲେକେ ହେୱାନ୍ ରସ୍ତି ୱିଜୁ ଜିନିଷ୍‌ତାଙ୍ଗ୍ ମାଙ୍ଗେଙ୍ଗ୍ ପାର୍ତୁମ୍ ମାନାୟ୍ କିଦ୍‌ନି କାଜିଙ୍ଗ୍, ଆସେଙ୍ଗ୍ ତା ସତ୍ ହାର୍ଦିକାବୁର୍‌ତିଙ୍ଗ୍ ପାର୍ତି କିତିସ୍, ହେୱାନ୍ ମାଙ୍ଗେଙ୍ଗ୍ ପୁନି ଜିବୁନ୍ ହିଦ୍‌ନି କାଜିଙ୍ଗ୍ ଇଚା କିତାନ୍‌ନା।

୧ ପିତର 1:13

ହେଦାଙ୍ଗ୍ କାଜିଙ୍ଗ୍ ମାନାୟାର୍ କାମାୟ୍ କିନିହିଙ୍ଗ୍ ମେଙ୍ଗାକାଙ୍ଗ୍ ତୁୱାଲ୍ ଗାଚିଆ ଆନିଲେକେ ମି ମାନ୍‌ତିଙ୍ଗ୍ କିଲେର୍ ଆରେ ଜାର୍‌ତିଙ୍ଗ୍ କଣ୍ଟ୍ରୁଲ୍ କିୟାଟ୍। ଆରେ ଯୀଶୁ ଖ୍ରୀଷ୍ଟ ଆରେରଗ ୱାନି ଦିନ୍‌ତ ଦୟାକିଜି ହିଦ୍‌ନି ଉଦାର୍‌ତିଙ୍ଗ୍ ପାୟାଆନି କାଜିଙ୍ଗ୍ ଆହା କିଜି ମାନାଟ୍।

୧ ପିତର 1:21

ଖ୍ରୀଷ୍ଟ ମିଙ୍ଗେଙ୍ଗ୍ ଇନାକା କିତି କାଜିଙ୍ଗ୍ ଏପେଙ୍ଗ୍ ନଙ୍ଗୟ୍ ଈଶ୍ୱରତିଙ୍ଗ୍ ପାର୍ତିକିନାରା, ଆରେ ଈଶ୍ୱର ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଆରେରଗ ନିକ୍‌ତି କାଜିଙ୍ଗ୍ ଆପେଙ୍ଗ୍ ତାଙ୍ଗେଙ୍ଗ୍ ପାର୍ତି ଆରେ ଆହା କିଜି ତାଙ୍ଗେଙ୍ଗ୍ ଗୌରବ କିନାପା।

୧ ପିତର 1:23

ଏପେଙ୍ଗ୍ ଜାର୍-ଜାର୍‌ବିତ୍ରେ ଲାଡ୍‌କିଜି ମାନି ଦର୍‌କାର୍ ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ପୁନି ଜିବୁନ୍ ହିତ୍‌ତାନ୍‌ନା। ଇ ପୁନି ଜିବୁନ୍ ଏପେଙ୍ଗ୍ ନଷ୍ଟ ଆନି ମାଞ୍ଜିତାଙ୍ଗ୍ ପାୟା ଆୱାତାଦେର୍‌ନା ମାତର୍ ୱିଜୁଦିନ୍ ମାନି ମାଞ୍ଜିତାଙ୍ଗ୍ ପାୟା ଆତାଦେର୍‌ନା, ଇନେସ୍‌କି ହେଦାଙ୍ଗ୍ ୱିଜୁଦିନ୍ ଜିବୁନ୍ ମାନି ଈଶ୍ୱର କାତାତାଙ୍ଗ୍ ୱାନାତା।

୧ ପିତର 2:2

ଏପେଙ୍ଗ୍ ପୁନ୍-ପୁନ୍ ଜନମ୍ ଆତି କଗେହିମ୍‌ଣା ଲେକେ ଆଡ, ହେୱାନ୍ ଆପ୍‌କା ତେହି ମାଁୟ୍ ନେ ଉଣ୍ଡେଙ୍ଗ୍ ଇଚାକିନାନ୍। ହେଲେକେ ଏପେଙ୍ଗ୍ ପା ଈଶ୍ୱର କାତାତିଙ୍ଗ୍ ହିକାଆଦେଙ୍ଗ୍ ଇଚାକିନି ଦର୍‌କାର୍, ଆରେ ଏପେଙ୍ଗ୍ ଗାଜା କାଦେର୍ ଆନାଦେର୍। ଲାଗିଙ୍ଗ୍ ସେସ୍ ୱେଡ଼ାଙ୍ଗ୍ ଈଶ୍ୱର ମିଙ୍ଗେଙ୍ଗ୍ ପୁରାପୁରି ବାବ୍‌ରେ ଇ ପୁର୍ତିନି କରାପ୍ ଜିନିଷ୍‌ତାଙ୍ଗ୍ ଉଦାର୍ କିଦ୍‌ନାନ୍।

୧ ପିତର 3:15

ଏପେଙ୍ଗ୍ ଖ୍ରୀଷ୍ଟଙ୍ଗ୍ ମାପୃ ଇଞ୍ଜି ହେବା କିନି ଦର୍‌କାର୍। ଆରେ ଇନେର୍ ଯଦି ମିଙ୍ଗେଙ୍ଗ୍ ୱେନ୍‌ବା ଆଦ୍‌ନାର୍ ଏପେଙ୍ଗ୍ ଇନାକିଦେଙ୍ଗ୍ ଖ୍ରୀଷ୍ଟଙ୍ଗ୍ ଆହା କିନାଦେରା, ଲାଗିଙ୍ଗ୍ ଏପେଙ୍ଗ୍ ହେୱାରିଙ୍ଗ୍ ବୁଜାୟ୍ କିନି କାଜିଙ୍ଗ୍ ୱିଜୁନାଞ୍ଜିଙ୍ଗ୍‌ ରେଡି ମାନି ଦର୍‌କାର୍।

୧ ପିତର 3:21

ହେୱାର୍ ଆଗେ ଉଦାର୍ ପାୟାଆତାକା, ହେଦାଙ୍ଗ୍ ନଙ୍ଗୟ୍ ଇଲେକେ ଅର୍ତ ହିନାତା ଏଚେପାଦ୍ନା ଆସେଙ୍ଗ୍ ଡୁବନ୍ ଅନାସ୍‌ ଆସେଙ୍ଗ୍ ଉଦାର୍ ପାୟାଆନାସ୍‌। ଆସେଙ୍ଗ୍ ଇମ୍‌ଣି ଏଜୁକାଙ୍ଗ୍ ଡୁବନ୍ ଆନାସ୍ ହେଦାଙ୍ଗ୍ ଗାଗାଡ଼୍‌ନି ପାପ୍‌ତିଙ୍ଗ୍ ନୁଜୁତ୍, ମାତର୍ ଆସେଙ୍ଗ୍ ଈଶ୍ୱରତିଙ୍ଗ୍ କେମା ଏନ୍‌ତାପ୍‌ନା ଇଞ୍ଜି ହେଦାଙ୍ଗ୍ ର ଚିନ୍। ଲାଗିଙ୍ଗ୍ ମା ମାନ୍ କିଲେର୍ ଆନାତ୍ ଯେ ଆସେଙ୍ଗ୍ ଈଶ୍ୱର ହୁଦାଙ୍ଗ୍ ମାହାଆତାସ୍‌ନା, ଈଶ୍ୱର ମାଙ୍ଗେଙ୍ଗ୍ କେମା କିଦ୍‌ନାନ୍ ଇନେସ୍‌କି ଯୀଶୁ ଖ୍ରୀଷ୍ଟ ହାଃତିତାଙ୍ଗ୍ ଆରେରଗ ଜିବୁନ୍ ଆତାନ୍‌ନା,

୧ ପିତର 3:5

ଇଲେକେ କିଜି ଆକଦାଦିର୍ ୱେଡ଼ାଙ୍ଗ୍ ପବିତ୍ର କଗ୍‍ଲେକ୍ ଇଲେକେ ଈଶ୍ୱରତିଙ୍ଗ୍ ପାର୍ତି କିଜି ଆହା କିଜି ମାଚାର୍, ଆରେ ଜାର୍ ଆଣ୍ଡ୍ରାଙ୍ଗ୍ କାତା ମାନିକିଜି ଜାର୍‌ତିଙ୍ଗ୍ ହଲି କିଜି ମାଚିକ୍।

୧ ଯୋହନ 2:29

ଆପେଙ୍ଗ୍ ପୁଚାପ୍‌ନା ଈଶ୍ୱର ୱିଜୁଦିନ୍ ଟିକ୍, ଆରେ ଆପେଙ୍ଗ୍ ଇଦାଙ୍ଗ୍ ପା ପୁଚାପ୍‌ନା ଯେ, ଇମ୍‌ଣି ମାନାୟ୍ ଟିକ୍ କାମାୟ୍ କିନାନ୍, ହେୱାନ୍ ଈଶ୍ୱର ମେହି।

୧ ଯୋହନ 3:3

ଆରେ ଇମ୍‌ଣି ମାନାୟ୍ ଖ୍ରୀଷ୍ଟଙ୍ଗ୍ ପାର୍ତି କିଜି ଆହା କିନାନା। ଲାଗିଙ୍ଗ୍ ଈଶ୍ୱର ଇନେସ୍‌କି ପବିତ୍ର ମାନାନ୍, ହେଲେକେ ହେୱାନ୍ ପା ଜାର୍‌ତିଙ୍ଗ୍ ପବିତ୍ର କିୟେନ୍।

୧ ଯୋହନ 3:9

ଇମ୍‌ଣି ମାନାୟାର୍ ଈଶ୍ୱର ମେହିର୍, ହେୱାର୍‌ ପାପ୍ କିଉର୍, ଇନେସ୍‌କି ଈଶ୍ୱର ତା ଜିବୁନ୍ ହେୱାରିଙ୍ଗ୍ ହିତାନ୍‌ନା। ଲାଗିଙ୍ଗ୍ ହେୱାର୍ ପାପ୍ କିଜି ମାନୁର୍, ଇନେସ୍‌କି ହେୱାର୍ ଈଶ୍ୱରତାଙ୍ଗ୍ ୱାତାର୍‌ନା।

୧ ଯୋହନ 4:7

ଏ ନା ଲାଡ୍‌ନି ସାଙ୍ଗ କାଦେର୍, ଆସେଙ୍ଗ୍ ପା ଜାର୍-ଜାର୍‌ବିତ୍ରେ ଲାଡ୍‌କିନି ଦର୍‌କାର୍, ଇନେସ୍‌କି ଈଶ୍ୱରତାଙ୍ଗ୍ ହେ ଲାଡ୍ ୱାନାତ୍। ଆରେ ଇମ୍‌ଣି ମାନାୟ୍ ଜାର୍-ଜାର୍‌ବିତ୍ରେ ଲାଡ୍ କିନାନା, ହେୱାନ୍ ଈଶ୍ୱର ମେହିଙ୍ଗ୍ ଆରେ ଈଶ୍ୱରତିଙ୍ଗ୍ ପୁଚାନ୍‌ନା।

୧ ଯୋହନ 5:1

ଇମ୍‌ଣି ମାନାୟ୍ ଯୀଶୁଙ୍ଗ୍ ଖ୍ରୀଷ୍ଟ ଇଞ୍ଜି ପାର୍ତିକିନାନ୍। ହେୱାନ୍ ଈଶ୍ୱର ମେହି। ଆରେ ଇମ୍‌ଣି ମାନାୟ୍ ତା ଆବାଙ୍ଗ୍ ଲାଡ୍ କିନାନ୍। ଲାଗିଙ୍ଗ୍ ତା ମେହିରିଙ୍ଗ୍ ପା ଆସେଙ୍ଗ୍ ଲାଡ୍ କିନାସ୍‌।

୧ ଯୋହନ 5:18

ଇମ୍‌ଣାକାନ୍ ଈଶ୍ୱର ମେହି ଆତାନ୍‌ନା ହେୱାନ୍ ଇନାୱେଡ଼ାଙ୍ଗ୍ ପା ପାପ୍ କାମାୟ୍ କିଜି ମାନୁନ୍। ଇନେସ୍‌କି ହେୱାନ୍ ଈଶ୍ୱର ମେହି ଆତି କାଜିଙ୍ଗ୍ ଈଶ୍ୱର ହେୱାନିଙ୍ଗ୍ ରକ୍ଷା କିନାନ୍। ଆରେ ଶୟତାନ୍ ହେୱାନିଙ୍ଗ୍ ଡୁବେଦେଙ୍ଗ୍ ଆଡୁତ୍ ହେଦାଙ୍ଗ୍ ଆପେଙ୍ଗ୍ ପୁଚାପ୍‌ନା।

୧ ଯୋହନ 5:4

ଏଚେଜାଣ୍ ଈଶ୍ୱର ମେହିର୍ ଆତାର୍‌ନା। ହେୱାର୍ ଇ ପୁର୍ତିନି କରାପ୍ କାମାୟ୍‌ତାଙ୍ଗ୍ ଜିତାଆନାର୍‌, ଇନେସ୍‌କି ହେୱାରିଙ୍ଗ୍ ଖ୍ରୀଷ୍ଟ ଜିତାୟ୍ କିନାକାନ୍ ଇଞ୍ଜି ପାର୍ତିକିନାରା।