୧ ପିତର 1:18 - New Testament in Pengo Parja Language

¹⁸ ଏପେଙ୍ଗ୍ ପୁଚାଦେର୍‌ନା ଯେ, ଆଗେ ଏପେଙ୍ଗ୍ ବେକାର୍ ଜିବୁନ୍ କାଟିକିଜି ମାଚାଦେର୍, ହେଦାଙ୍ଗ୍ ମି ଆକଦାଦିର୍‌ତାଙ୍ଗ୍ ହିକା ଆଜି ମାଚାଦେର୍। ମାତର୍ ଈଶ୍ୱର ମିଙ୍ଗେଙ୍ଗ୍ ବେକାର୍ ଜିବୁନ୍‌ତାଙ୍ଗ୍ ମୁକ୍ତି କିଜି ମାନ୍‌ଞ୍ଚାନ୍। ହେୱାନ୍ ମିଙ୍ଗେଙ୍ଗ୍ ଉଦାର୍ କିଦ୍‌ନି କାଜିଙ୍ଗ୍ ନଷ୍ଟ ଆନି ହନା କି, ରୁପା ବ୍ୟବହାର୍ କିୱାଦାଙ୍ଗ୍ ମାଚାନ୍।

ସତ୍‌ ବଚନ୍‌ ପୁନି ନିୟମ୍‌

¹⁸ ଏପେଙ୍ଗ୍‌ ପୁନାଦେର୍‌ ମି ଆବା ଲାତ୍ରାର୍‌ ତାଙ୍ଗ୍‌ ପାୟାତି ରିତି ନିତିନି ପଲ୍ୟା ଜିବୁନ୍‌ତାଂ ମିଙ୍ଗେଙ୍ଗ୍‌ ମୁକ୍‌ଡ଼ାୟ୍‌ କିନି କାଜିଂ ଏଚେକ୍‌ ମଲ୍‌ ହିଦେଂ ଲାଗ୍‌ଦାତାତ୍‌ । ହେଦାଂ ବୁଡାଆନି ରୁପା କି ହନା ଆକାୟ୍‌,

୧ ପିତର 1:18 Iomraidhean Croise

ମାର୍କ 8:37

ଆରେ, ର ମାନାୟ୍ ଈଶ୍ୱରତିଙ୍ଗ୍ ଇନାକା ହିଦେଙ୍ଗ୍ ଆଡ୍‌ନାନ୍? ଇନେର୍ ତା ୱିଜ୍‌ୱି ଜିବୁନ୍ କଡ଼୍‍ଦେଙ୍ଗ୍ ଆଡ୍‌ନାନ୍, ଇନାକା ଆକାୟ୍!

ରୋମିୟ 1:21

ହେୱାର୍ ଈଶ୍ୱରତିଙ୍ଗ୍ ପୁଚାର୍‌ନା, ମାତର୍ ହେୱାନ୍ ଈଶ୍ୱର ଇଞ୍ଜି ଗୌରବ କିୱାତାର୍ କି ଦନ୍ଯବାଦ୍ ହିୱାତାର୍। ମାତର୍ ହେୱାର୍ ପାଙ୍ଗ୍‌ୱା ଚିନ୍ତାୱିଜୁ କିନାରା ଆରେ ହେୱାର୍ କରାପ୍ ଚିନ୍ତା ପା କିନାରା, ଇନେସ୍‌କି ହେୱାରିଙ୍ଗ୍ କରାପ୍ ମାନ୍ ମାଚିଲେ ହାର୍ ବିଷୟତିଙ୍ଗ୍ ବୁଜା ଆଦେଙ୍ଗ୍ ଆଡୁରା।

୧ କରନ୍ତିୟ 3:20

ଆରେ ପା ଦରମ୍ ସାସ୍ତର୍‌ତାକେ ଲେକାଆତାତ୍‌ନା, “ଈଶ୍ୱର ବୁଦି ମାନି ମାନାୟାର୍ ଚିନ୍ତାତିଙ୍ଗ୍ ପୁଚାନ୍‌ନା, ହେ ୱିଜୁ ବେକାର୍।”

୧ କରନ୍ତିୟ 6:20

ହେୱାନ୍ ମିଙ୍ଗେଙ୍ଗ୍ ବେସି ଦାମ୍ ହିଜି କଡ଼୍‌ଦାତାନ୍‌ନା। ଲାଗିଙ୍ଗ୍ ଏପେଙ୍ଗ୍ ମି ଗାଗାଡ଼୍‌ତାଙ୍ଗ୍ ଈଶ୍ୱରତିଙ୍ଗ୍ ଗୌରବ ହିନି ଦର୍‌କାର୍।

୧ କରନ୍ତିୟ 7:23

ଖ୍ରୀଷ୍ଟ ମି କାଜିଙ୍ଗ୍ କୃଶକାଟ୍‌ତାକେ ହାଃଜି ବେସି ଦାମ୍ ହିଜି ମିଙ୍ଗେଙ୍ଗ୍ କଡ଼୍‌ଦାତାନ୍‌ନା। ଏପେଙ୍ଗ୍ ଇ ଜଗତ୍‌ନି ମାନାୟାର୍ କାଜିଙ୍ଗ୍ ଚାକର୍ ଆମାଟ୍।

ଗାଲାତିୟ 1:4

ମା ପାପ୍ କାଜିଙ୍ଗ୍ ଆରେ ଆପେଙ୍ଗ୍ ଇନେସ୍ ଇ କରାପ୍ ଜଗତ୍‌ତାଙ୍ଗ୍ ଉଦାର୍ ପାୟାଆଦେଙ୍ଗ୍ ଆଡ୍‌ନାସ୍, ଇଦାଙ୍ଗ୍ କାଜିଙ୍ଗ୍ ମା ଆବା ଈଶ୍ୱର ଇଚାତାଙ୍ଗ୍ ଯୀଶୁ ଖ୍ରୀଷ୍ଟ ତା ଜାର୍ ଜିବୁନ୍‌ତିଙ୍ଗ୍ ବଲିପୁଜା କିୟାଆତାନ୍‌ନା।

ଏପିସିୟ 4:17

ଲାଗିଙ୍ଗ୍ ଆନେଙ୍ଗ୍ ମାପୃ ଆଦିକାର୍‌ତାକେ ବିଷେସ୍‌କିଜି ଗୁୱାରି କିନାଙ୍ଗା, ପାର୍ତିକିୱାକାର୍ ଇନେସ୍ ଜାର୍-ଜାର୍ ଚିନ୍ତାତାକେ ଲାବ୍ ଆୱି ଜିବୁନ୍‌ତିଙ୍ଗ୍ କାଟିକିନାର୍, ଏପେଙ୍ଗ୍ ହେଲେକେ ଜିବୁନ୍ କାଟି କିମାଟ୍।

ତୀତସ 2:14

ଆସେଙ୍ଗ୍ ଇନେସ୍ ତା ମାନାୟ୍ ଆଜି ୱିଜୁ ହାର୍ଦି କାମାୟ୍ କିନି କାଜିଙ୍ଗ୍ ଆରେ ଅଦରମ୍‌ ଜିବୁନ୍‌ତାଙ୍ଗ୍ ମୁକ୍ତି କିଦ୍‌ଦେଙ୍ଗ୍ ଆରେ ୱିଜୁ କରାପ୍ ବ୍ୟବହାର୍‌ତାଙ୍ଗ୍ ହପ୍ତେଦେଙ୍ଗ୍ ଯୀଶୁ ଖ୍ରୀଷ୍ଟ ଜାର୍ ଜିବୁନ୍‌ତିଙ୍ଗ୍ ହିତାନ୍‌ନା।

ଏବ୍ରି 9:12

ହେୱାନ୍ ମେଣ୍ଢା କି ଅଡା ନେତେର୍ ଆସ୍ତି ସରଗ୍‌ତାକେ ମାନି କୁଡ଼ିଆନି ବେସି ପବିତ୍ର ବାହାତାକେ ହାଲ୍‌ୱାତାନ୍‌ନା, ମାତର୍ ହେୱାନ୍ ତା ଜାର୍ ନେତେର୍ ଆସ୍ତି ୱିଜୁଦିନ୍ କାଜିଙ୍ଗ୍ ରଗ ହାଚାନ୍‌ନା। ଇଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ୱିଜ୍‌ୱି ମୁକ୍ତି ପାୟାଆତାସ୍‌ନା।

୧ ପିତର 1:7

ଇ ୱିଜୁ ଦୁକ୍‌କଷ୍ଟ ପୁନି କିଦ୍‌ନାତ୍ ଯେ, ଏପେଙ୍ଗ୍ ଈଶ୍ୱରତିଙ୍ଗ୍ ହାତ୍‌ପା ପାର୍ତି କିନାଦେରା। ଏପେଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ପାର୍ତି କିନାକା ହନାତାଙ୍ଗ୍ ପା ବେସି ଦାମ୍। ଇନେସ୍‌କି ହନାତିଙ୍ଗ୍ ନାଣିତାକେ କାଡିକିଜି ପରିକ୍ଷା କିନାର୍ ଆରେ ନୁଜ୍‌ନାର୍, ହେଲେକେ ଦୁକ୍‌କଷ୍ଟ ୱାତିସ୍ ପା ଏପେଙ୍ଗ୍ ଯଦି ଯୀଶୁଙ୍ଗ୍ ପାର୍ତି କିଜି ମାନ୍‌ଗାନାଦେର୍। ଲାଗିଙ୍ଗ୍ ଯୀଶୁ ଖ୍ରୀଷ୍ଟ ଆରେରଗ ୱାନି ଦିନ୍‌ତ ଏପେଙ୍ଗ୍ ଗୌରବ, ସନ୍‌ମାନ୍ ଆରେ ଜୟ୍-ଜୟ୍ ପାୟାଆନାଦେର୍।

୧ ପିତର 4:3

ଏପେଙ୍ଗ୍ ଆଗେ ବିନ୍‌ଜାତିନି ମାନାୟାର୍‌ଲେକେ ୱାରି କିଜି ମାଚାଦେର୍। ହେୱାର୍ ୱାରି କାମାୟ୍ କିଜି ମାଚାର୍, ହେୱାରିଙ୍ଗ୍ ଦାରି କାମାୟ୍ କିନି ଇଚା ମାଚାତ୍, ହେୱାର୍ ବଜି କିଜି ମାଚାର୍, କାଲିଙ୍ଗ୍ ଉଣ୍‌ଜି ମାଚାର୍, ପଶୁଙ୍ଗ୍‌ଲେକେ ବ୍ୟବହାର୍ କିଜି ମାଚାର୍ ଆରେ ମୁର୍ତି ପୁଜା କିନାରା। ଇମ୍‌ଣାକା କି ଈଶ୍ୱର ଗିଣ୍ କିନାନା।

୧ ଯୋହନ 3:5

ଆରେ ଏପେଙ୍ଗ୍ ପୁନାଟ୍ ଯେ, ଯୀଶୁ ମା ପାପ୍ ୱିଜୁ ପିଣ୍‌ଜି ଅଦେଙ୍ଗ୍ ପୁର୍ତିତାକେ ୱାତାନ୍, ଆରେ ତାବେ ଇନା ପାପ୍ ହିଲେତ୍।