୧ ପିତର 1:15 - New Testament in Pengo Parja Language15 ମାତର୍ ଏପେଙ୍ଗ୍ ଇନକା କିତିସ୍ ପା କରାପ୍ କାମାୟ୍ତାଙ୍ଗ୍ ଦେହା ଆଜି ମାନାଟ୍, ଇନେସ୍କି ଇମ୍ଣି ଈଶ୍ୱର ମିଙ୍ଗେଙ୍ଗ୍ ତା ହିମ୍ଣା ଆନି କାଜିଙ୍ଗ୍ ବାଚିକିତ୍ତାନ୍ ହେୱାନ୍ ପବିତ୍ର। Faic an caibideilସତ୍ ବଚନ୍ ପୁନି ନିୟମ୍15 ମତର୍ ମି କୁକ୍ତାନାକାନ୍ ଇନେସ୍ ପୁଇପୁୟା, ଏପେଙ୍ଗ୍ ପା ବଲ୍ ମାନିକିନାକା ହିମ୍ଣାଙ୍ଗ୍ ଲାକେ ସବୁ ବେବାର୍ତ ହେ ଲାକେ ପୁଇପୁୟା ଆଡୁ । Faic an caibideil |
୧ ପିତର 1:15
32 Iomraidhean Croise
ଏ ନା ଲାଡ୍ନି ପାର୍ତିକିନି ଟଣ୍ଡାର୍କାଦେର୍, ଈଶ୍ୱର ମାଙ୍ଗେଙ୍ଗ୍ ତା ହିମ୍ଣାୱାକ୍ଡ଼ା ଆଦେଙ୍ଗ୍ ପାର୍ମାଣ୍ କିତ୍ତାନ୍ନା। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ କରାପ୍ କାମାୟ୍ ୱିଜୁ କିନାକା ବନ୍ଦ୍ କିନି ଦର୍କାର୍ ଇମ୍ଣାକା ମା ଗାଗାଡ଼୍ତିଙ୍ଗ୍ ଆରେ ଆତ୍ମାତିଙ୍ଗ୍ କରାପ୍ କିନାତା। ଆରେ ଆସେଙ୍ଗ୍ ଈଶ୍ୱରତିଙ୍ଗ୍ ସନ୍ମାନ୍ କିଜି ମାନି କାଜିଙ୍ଗ୍ ଆସେଙ୍ଗ୍ ଈଶ୍ୱର ଇଚା କିନିଲେକେ କାମାୟ୍ କିନି ଦର୍କାର୍।
ହେୱାନ୍ ମାଙ୍ଗେଙ୍ଗ୍ ଉଦାର୍ କିତ୍ତାନ୍ନା ଆରେ ପବିତ୍ର ଜିବୁନ୍ କାଟିକିନି କାଜିଙ୍ଗ୍ ମାଙ୍ଗେଙ୍ଗ୍ କୁକ୍ତାତାନ୍ନା। ଆସେଙ୍ଗ୍ ହାର୍ଦି କାମାୟ୍ କିନି କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ବାଚି କିଦ୍ୱାତାନ୍ନା, ମାତର୍ ତା ଜାର୍ ଜଜ୍ନା ଆରେ ଦୟା କାଜିଙ୍ଗ୍ କିତ୍ତାନ୍ନା। ଈଶ୍ୱର ଇ ପୁର୍ତିତିଙ୍ଗ୍ ରହ୍ନି ଆଗେ ନେ, ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ଇ ପୁର୍ତିତାକେ ହାଃନି କାଜିଙ୍ଗ୍ ହେୱାନ୍ ଜଜ୍ନା କିଜି ଦୟା ଚଚ୍ଚାତାନ୍ନା।
ଆନେଙ୍ଗ୍ ୱେଚ୍ଚି ମାନ୍ଞ୍ଚି ଇ ବେଣ୍ତିଙ୍ଗ୍ ପାର୍ତିକିନି ଦର୍କାର୍। ଲାଗିଙ୍ଗ୍ ଆନେଙ୍ଗ୍ ଇଚା କିନାଙ୍ଗା ଯେ ଈଶ୍ୱରତାକେ ପାର୍ତିକିନି ମାନାୟାର୍ ଇନେସ୍ ହାର୍ଦି କାମାୟ୍ କିନି କାଜିଙ୍ଗ୍ ମାନ୍ଦିୟାନ୍ ହିଦେଙ୍ଗ୍ ଆଡ୍ନାର୍, ଇଦାଙ୍ଗ୍ କାଜିଙ୍ଗ୍ ହେୱାରିଙ୍ଗ୍ ଇ ୱିଜୁ ବିଷୟ ବେସି ବାଡ଼୍କାସ୍ କିଜି ହିକ୍ଷା ହିୟାଟ୍। ଇ ୱିଜୁ ବିଷୟ ହାର୍ ଆରେ ୱିଜୁ ମାନାୟ୍ କାଜିଙ୍ଗ୍ ସାଇଜ କିନାନ୍।
ଈଶ୍ୱରତିଙ୍ଗ୍ ପୁନ୍ୱିତି ମାନାୟାର୍ ମି ଚାରିବେଣ୍ତାଙ୍ଗ୍ ମାନାର୍, ଆରେ ହେୱାର୍ ମିଙ୍ଗେଙ୍ଗ୍ ବୁଲ୍ କାମାୟ୍ କିନାରା ଇଞ୍ଜି ବିରଦ୍ କିଦେଙ୍ଗ୍ ଆଡ୍ନାର୍। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ହାର୍ ଜିବୁନ୍ କାଟିକିନି ଦର୍କାର୍, ଲାଗିଙ୍ଗ୍ ହେୱାର୍ ମି ହାର୍ କାମାୟ୍ ହୁଡ଼୍ଜି ଈଶ୍ୱରତିଙ୍ଗ୍ ଗୌରବ ହିନାର୍, ଏଚେପାଦ୍ନା ଯୀଶୁ ଖ୍ରୀଷ୍ଟ ପୁର୍ତିତାକେ ଆରେରଗ ବିଚାର୍ କିଦେଙ୍ଗ୍ ୱାନାନ୍।
ମାତର୍ ଏପେଙ୍ଗ୍ ହେୱାର୍ ଲେକେ ଆକାୟ୍, ଈଶ୍ୱର ମିଙ୍ଗେଙ୍ଗ୍ ତା ଲକ୍ ଆଦେଙ୍ଗ୍ ବାଚି କିତ୍ତାନ୍ନା। ହେୱାନ୍ ମିଙ୍ଗେଙ୍ଗ୍ ରାଜା ଈଶ୍ୱର ହେବା କିଦେଙ୍ଗ୍ ପୁଜାରି କିତ୍ତାନା। ହେୱାନ୍ ମିଙ୍ଗେଙ୍ଗ୍ ଜାର୍ ଦନ୍ଲେକେ ତା ହେବା କିଦେଙ୍ଗ୍ ବାଚି କିତ୍ତାନା। ହେୱାନ୍ ମିଙ୍ଗେଙ୍ଗ୍ ମାଜ୍ଗା ଲେଗ୍ଦି ପାପ୍ତାଙ୍ଗ୍ ବିନେ କିତାନ୍ନା ଆରେ ଚାନିଆଆନି କାମାୟ୍ତିଙ୍ଗ୍ ଶୁଣାୟ୍ କିଦେଙ୍ଗ୍ ତା ଚାନିଆଆନି ଅଜଡ଼୍ତାକେ ତାହି ୱାତ୍ତାନ୍ନା।
ଈଶ୍ୱର ମାଙ୍ଗେଙ୍ଗ୍ ଦୟା କିତ୍ତି କାଜିଙ୍ଗ୍ ହେୱାନ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ତା ୱିଜୁଦିନ୍ ମାନି ଗୌରବ ମାଙ୍ଗେଙ୍ଗ୍ ହିଦ୍ନି କାଜିଙ୍ଗ୍ ବାଚି କିତ୍ତାନ୍ନା। ଏପେଙ୍ଗ୍ ଅଲପ୍ଦିନ୍ ଦୁଃକ୍ କଷ୍ଟ ପାୟାଆତି ପାଚେ ହେୱାନ୍ ମିଙ୍ଗେଙ୍ଗ୍ ଆଦିକ୍ ପାର୍ତି କିଦେଙ୍ଗ୍ ଶାକ୍ତି ହିଦ୍ନାନ୍, ଆରେ ହେୱାନ୍ ମିଙ୍ଗେଙ୍ଗ୍ ପୁନି ମାନାୟ୍ କିଦ୍ନାନ୍। ଆରେ ହେୱାନ୍ ମି ପାର୍ତିତିଙ୍ଗ୍ ର ଷ୍ଟ୍ରଙ୍ଗ୍ ପାଉଣ୍ଡେସେନ୍ଲେକେ କିଦ୍ନାନ୍।
ହେୱାନ୍ ପା ନାଙ୍ଗେଙ୍ଗ୍ ୱେଚ୍ଚାତାନ୍, “ଫିଲାଦେଲ୍ଫିଆ ସହର୍ତ ମାନି ମଣ୍ଡ୍ଲିନି ଦୁତ୍ତିଙ୍ଗ୍ ଇ କାବୁର୍ ଲେକିକିୟାଟ୍: ହେ କାବୁର୍ ଇଲେକେ, ଆନେଙ୍ଗ୍ ନେ ହେ ମାନାୟ୍ତଙ୍ଗ୍, ଇନେର୍ ପବିତ୍ର ଆରେ ସତ୍ ଆରେ ଇନେର୍ତାକେ ଦାଉଦ ରାଜାତି କୁଚିକାଡିଙ୍ଗ୍ ମାନିକ୍। ଆନେଙ୍ଗ୍ ଏଚେକାଡ଼୍ଦ ହେ କୁଚିକାଡିଙ୍ଗ୍ତାଙ୍ଗ୍ ର କାପାଟ୍ ଜେନାଙ୍ଗ୍ ହେଦାଙ୍ଗ୍ ଇନେର୍ ପା ଗେସ୍ତେଙ୍ଗ୍ ଆଡୁର୍, ଆରେ ଆନେଙ୍ଗ୍ ଏଚେପାଦ୍ନା ହେ କୁଚିକାଡି ସାଇଜତାଙ୍ଗ୍ ହେ କାପାଟ୍ ଗେହ୍ନାଙ୍ଗ୍ ଇନେର୍ ପା ଜେତେଙ୍ଗ୍ ଆଡୁର୍।
ହେ ଚାରିଗଟା ଜିବୁନ୍ ମାନି ପଶୁକାଙ୍ଗ୍ ଚଅଗଟା ଲାକା ମାରାଙ୍ଗ୍ ମାଚିକ୍, ଆରେ ହେୱାର୍ ଗାଗାଡ଼୍ ବାର୍ତି କାଣ୍କୁ ମାଚିକ୍ ଆରେ ହେୱାର୍ ମାରାକାଙ୍ଗ୍ ପା କାଣ୍କୁ ମାଚିକ୍। ହେୱାର୍ ୱିଜୁଦିନ୍ ୱେଡ଼ା ନାଣା ଇଲେକେ ୱେଚ୍ଚି ମାଚାର୍, “ୱିଜୁ ଶାକ୍ତିମାନି ଈଶ୍ୱର ନେ ପବିତ୍ର, ପବିତ୍ର, ମାପୃ ନେ ପବିତ୍ର ଇନେର୍ ୱିଜୁଦିନ୍ ମାଚାନ୍ ଇନେର୍ ନଙ୍ଗୟ୍ ମାନାନ୍ ଆରେ ଇନେର୍ ପାଚେ ମାନାନ୍।”
Sanasan