୧ ଯୋହନ 5:6 - New Testament in Pengo Parja Language6 ହେ ଈଶ୍ୱର ମେହି ଯୀଶୁ ଖ୍ରୀଷ୍ଟ ପୁର୍ତିତାକେ ୱାତାନ୍, ପାଚେ ଯୋହନ ଯୀଶୁଙ୍ଗ୍ ଏଜୁକାଙ୍ଗ୍ ଡୁବନ୍ ହିତାନ୍। ଆରେ ହେୱାନ୍ କୃଶକାଟ୍ତାକେ ହାଃଜି ତା ନେତେର୍ ବଡ଼ାୟ୍ କିତାନ୍। Faic an caibideilସତ୍ ବଚନ୍ ପୁନି ନିୟମ୍6 ଜିସୁ କ୍ରିସ୍ଟ ଇସ୍ୱର୍ତି ମାଜ଼ି ଇଞ୍ଜି ବାପ୍ତିସିମ୍ ହୁକେ ଆରି ଜାର୍ତି ନେତେର୍ ହପ୍ଚି ମାନାୟ୍ ମୁକ୍ଡ଼ାନାକା ସାଦନ୍ କିନି କାଜିଂ ହପ୍ଚି ମାଚାନ୍ କେବଲ୍ ଏଜ଼ୁଂ ହୁକେ ଆକାୟ୍ ମତର୍ ରିଣ୍ଡି ଏଜ଼ୁଂ ନେତେର୍ ହିଜ଼ି ୱାଜ଼ି ମାଚାନ୍ ଜିବୁନ୍ ପା ଇଦାଂ ସାକି ହିନାତ୍ ଇନେକିଦେଂକି ଜିବୁନ୍ ନେ ସତ୍ । ଆରେ ଜିବୁନ୍ ପା ହେବେନି ସାକି ହିନାନ୍, ଇନେକିଦେଂକି ଜିବୁନ୍ ନେ ହାତ୍ପା । Faic an caibideil |
୧ ଯୋହନ 5:6
39 Iomraidhean Croise
ଈଶ୍ୱର ମା ପାପ୍ନି ଦଣ୍ଡ୍ତିଙ୍ଗ୍ ପିଣ୍ଜି ଅଦେଙ୍ଗ୍ ଆରେ ତା ରିସାତିଙ୍ଗ୍ ତିର୍ କିଦେଙ୍ଗ୍ ଯୀଶୁ ମାପୃଙ୍ଗ୍ ପକ୍ତାତାନ୍ନା। ଏଚେକାଡ଼୍ଦ ଯୀଶୁ ମାପୃ ମା କାଜିଙ୍ଗ୍ କୃଶକାଟ୍ତାକେ ହାଃତାନ୍ ଆରେ ତା ନେତେର୍ ବଡ଼ାୟ୍ କିତାନ୍ନା। ହେପାଦ୍ନା ଆସେଙ୍ଗ୍ ଈଶ୍ୱର ଆଗେ ଟିକ୍ ମାନାୟ୍ ଆତାସ୍ନା। ଆଗେ ପାପ୍ କିତାକାରିଙ୍ଗ୍ ଈଶ୍ୱର କେମାକିଜି ମାଚାନ୍, ଇନେସ୍କି ଈଶ୍ୱର ନ୍ୟାୟ୍ ବିଚାର୍ କିନାକାନ୍।
ଈଶ୍ୱର ମାଙ୍ଗେଙ୍ଗ୍ ଇନାକା ୱେଚ୍ଚାତାନ୍ନା ହେଦାଙ୍ଗ୍ ପୁରାପୁରି ସତ୍, ଇଦାଙ୍ଗ୍ ଇନେର୍ ପା ବୁଲ୍ ଇଞ୍ଜି ୱେଚ୍ଚେଙ୍ଗ୍ ଆଡୁର୍। ଖ୍ରୀଷ୍ଟ ମାନାୟ୍ ରୁପ୍ ଆଜି ୱାତାନ୍, ହେୱାନ୍ ଈଶ୍ୱର ମେହି ଇଞ୍ଜି ଈଶ୍ୱର ଆତ୍ମା ପୁନି କିତାତ୍। ଦୁତ୍କୁ ହେୱାନିଙ୍ଗ୍ ହୁଡ଼୍ତିକ୍, ଈଶ୍ୱର ହେୱାନିଙ୍ଗ୍ ସରଗ୍ଜପି ଅତାନ୍, ଚେଲାହିର୍ ତା ବିଷୟରେ ୱିଜୁଜାତି ନିପଣ୍ ଶୁଣାୟ୍ କିତାର୍। ଆରେ ପୁର୍ତିନି ମାନାୟାର୍ ପାର୍ତି କିତାର୍।
ଆପେଙ୍ଗ୍ ଦରମ୍ କାମାୟ୍ କିତାପ୍ନା ଇଞ୍ଜି, ହେୱାନ୍ ମାଙ୍ଗେଙ୍ଗ୍ ମା ପାପ୍ନି ଦଣ୍ଡ୍ତାଙ୍ଗ୍ ଉଦାର୍ କିଦ୍ୱାତାନ୍ନା, ମାତର୍ ତା ଦୟାତାଙ୍ଗ୍ ହେୱାନ୍ ମାଙ୍ଗେଙ୍ଗ୍ ଉଦାର୍ କିତ୍ତାନ୍ନା। ଈଶ୍ୱର ମାଙ୍ଗେଙ୍ଗ୍ ପୁନି ଜିବୁନ୍ ହିତ୍ତାନ୍ନା। ହେୱାନ୍ ମା ପାପ୍ ମାବେତାଙ୍ଗ୍ ଦେହା କିତ୍ତାନ୍ନା ଆରେ ପୁନି ବାବ୍ରେ ଜିବୁନ୍ କାଟିକିନି କାଜିଙ୍ଗ୍ ସାଇଜ କିତ୍ତାନ୍ନା। ହେୱାନ୍ ମାଙ୍ଗେଙ୍ଗ୍ ପବିତ୍ର ଆତ୍ମା ହିଜି ଇଦାଙ୍ଗ୍ ୱେଚ୍ଚାତାନ୍ନା।
ଲାଗିଙ୍ଗ୍ ବାବିକିଜି ହୁଡ଼ାଟ୍, ଇମ୍ଣି ମାନାୟାର୍ ଈଶ୍ୱର ମେହିଙ୍ଗ୍ ଗିଣ୍କିଜି କାଲ୍ପାନା ତାରେନ୍ ଇଡ଼୍ତାନ୍ନା, ହେୱାର୍ ଦଣ୍ଡ୍ କେତେକ୍ ଆଦିକ୍ ଆଉତ୍। ଇନେସ୍କି ଈଶ୍ୱର ହେୱାରିଙ୍ଗ୍ ପବିତ୍ର କିନି କାଜିଙ୍ଗ୍ ଖ୍ରୀଷ୍ଟତି ଇମ୍ଣି ନେତେର୍ତାଙ୍ଗ୍ ପୁନି ପାର୍ମାଣ୍ତିଙ୍ଗ୍ ଆରମ୍ କିଜି ମାଚାନ୍, ହେ ନେତେର୍ତିଙ୍ଗ୍ ହେୱାର୍ ପବିତ୍ର ଇଞ୍ଜି ମାନି କିଉରା। ଆରେ ଇମ୍ଣି ପବିତ୍ର ଆତ୍ମାତାଙ୍ଗ୍ ହେୱାନ୍ ଦୟା ପାୟାଆତାର୍ନା ହେୱାନିଙ୍ଗ୍ ହେୱାର୍ ଅପ୍ମାନ୍ କିତାର୍ନା।
ଇମ୍ଣି ଶାନ୍ତି ହିଦ୍ନି ଈଶ୍ୱର ମା ମାପୃ ଯୀଶୁଙ୍ଗ୍ ହାଃତାକାର୍ ବିତ୍ରେତାଙ୍ଗ୍ ନିକ୍ଚି ତାତାନ୍ନା, ହେୱାନ୍ ତା ଇଚା ପୁରା କିଦେଙ୍ଗ୍ ମିଙ୍ଗେଙ୍ଗ୍ ରେଡି କିଦେନ୍। ଯୀଶୁ ଖ୍ରୀଷ୍ଟତି ଶାକ୍ତିତାଙ୍ଗ୍ ଈଶ୍ୱରତିଙ୍ଗ୍ ୱାରି କିତିଲେକେ ଜିବୁନ୍ ହେୱାନ୍ ମିତାକେ ରେଡି କିଦେନ୍। ୱିଜୁଦିନ୍ ମାନି ପାର୍ମାଣ୍ତିଙ୍ଗ୍ ଯୀଶୁ ଖ୍ରୀଷ୍ଟ ତା ନେତେର୍ତାଙ୍ଗ୍ ସାଇନ୍ କିଜି, ମେଣ୍ଢାକାଙ୍ଗ୍ ହାରାଇକିନି ମୁଡ଼୍ଦାକାନ୍ ଆତାନ୍ନା। ଯୁଗ୍-ଯୁଗ୍ ହେୱାନ୍ତି ଗୌରବ ଆୟେତ୍, ଆମେନ୍।
ମାତର୍ ଏପେଙ୍ଗ୍ ଇଦାଙ୍ଗ୍ ବାବି କିୟାଟ୍ ଯେ ହାଃନି ହାଜ୍ଦିଙ୍ଗ୍ ଅଦ୍ନି କାମାୟ୍ତାଙ୍ଗ୍ ଖ୍ରୀଷ୍ଟ ନେତେର୍ ଆଦିକ୍ କିଜି ମା ଗରବ୍ତିଙ୍ଗ୍ ଶୁଚି କିଦ୍ନାତ୍, ଆରେ ଆସେଙ୍ଗ୍ ଜିବୁନ୍ ମାନି ଈଶ୍ୱରତିଙ୍ଗ୍ ହେବା କିଦେଙ୍ଗ୍ ଆଡ୍ନାସ୍। ଇନେସ୍କି ୱିଜ୍ୱି ଆତ୍ମାନି ଶାକ୍ତିତାଙ୍ଗ୍, ମା ପାପ୍ କାଜିଙ୍ଗ୍ ଖ୍ରୀଷ୍ଟ ତା ଜାର୍ ଜିବୁନ୍ତିଙ୍ଗ୍ ଈଶ୍ୱର ଲାଗାୟ୍ ର ପୁରାପୁରି ଟିକ୍ ବଲିପୁଜା କିତାନ୍ନା।
ମାତର୍ ଈଶ୍ୱର ହେବାକିନି ପ୍ରଦାନ୍ ମୁଡ଼୍ଦି ପୁଜାରି ନେ ବାହ୍ରେକ୍ତିଙ୍ଗ୍ ରଗ ବେସି ପବିତ୍ର ବାହାତାକେ ହାଲ୍ଜି ମାଚାନ୍। ହେୱାନ୍ ବିତ୍ରେ ହାନିହିଙ୍ଗ୍, ୱିଜୁଦିନ୍ ପଶୁନି ନେତେର୍ ଅଜି ହାଲ୍ଜି ମାଚାନ୍। ହେୱାନ୍ ଜାର୍ ପାପ୍ କାଜିଙ୍ଗ୍ ଆରେ ପୁନ୍ୱାଦାଙ୍ଗ୍ କିଜିମାଚି ମାନାୟାର୍ ପାପ୍ତାଙ୍ଗ୍ କେମା ପାୟାଆନି କାଜିଙ୍ଗ୍, ହେୱାନ୍ ଈଶ୍ୱର ଲାଗାୟ୍ ହେ ନେତେର୍ତିଙ୍ଗ୍ ପୁଜାକିଜି ମାଚାନ୍।
ଆବା ଈଶ୍ୱର ମିଙ୍ଗେଙ୍ଗ୍ ପୁନ୍ଞ୍ଜି ମାନ୍ଞ୍ଚାନ୍ ଆରେ ବେସି ଆଗେତାଙ୍ଗ୍ ବାଚି କିତ୍ତାନ୍ନା, ଆରେ ତା ପବିତ୍ର ଆତ୍ମା ମିଙ୍ଗେଙ୍ଗ୍ ପବିତ୍ର କିତ୍ତାତ୍ନା। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ତା ଆଦେସ୍ତିଙ୍ଗ୍ ମାନି କିତାଦେର୍, ଆରେ ହେୱାନ୍ ମିଙ୍ଗେଙ୍ଗ୍ ଯୀଶୁ ଖ୍ରୀଷ୍ଟ ନେତେର୍ତାଙ୍ଗ୍ ନୁଜ୍ଦାନ୍ନା। ଈଶ୍ୱର ମିଙ୍ଗେଙ୍ଗ୍ ବେସି ଆରେ ବେସି ଦୟା ଆରେ ଶାନ୍ତି ହିଦେନ୍।
ହେୱାର୍ ଆଗେ ଉଦାର୍ ପାୟାଆତାକା, ହେଦାଙ୍ଗ୍ ନଙ୍ଗୟ୍ ଇଲେକେ ଅର୍ତ ହିନାତା ଏଚେପାଦ୍ନା ଆସେଙ୍ଗ୍ ଡୁବନ୍ ଅନାସ୍ ଆସେଙ୍ଗ୍ ଉଦାର୍ ପାୟାଆନାସ୍। ଆସେଙ୍ଗ୍ ଇମ୍ଣି ଏଜୁକାଙ୍ଗ୍ ଡୁବନ୍ ଆନାସ୍ ହେଦାଙ୍ଗ୍ ଗାଗାଡ଼୍ନି ପାପ୍ତିଙ୍ଗ୍ ନୁଜୁତ୍, ମାତର୍ ଆସେଙ୍ଗ୍ ଈଶ୍ୱରତିଙ୍ଗ୍ କେମା ଏନ୍ତାପ୍ନା ଇଞ୍ଜି ହେଦାଙ୍ଗ୍ ର ଚିନ୍। ଲାଗିଙ୍ଗ୍ ମା ମାନ୍ କିଲେର୍ ଆନାତ୍ ଯେ ଆସେଙ୍ଗ୍ ଈଶ୍ୱର ହୁଦାଙ୍ଗ୍ ମାହାଆତାସ୍ନା, ଈଶ୍ୱର ମାଙ୍ଗେଙ୍ଗ୍ କେମା କିଦ୍ନାନ୍ ଇନେସ୍କି ଯୀଶୁ ଖ୍ରୀଷ୍ଟ ହାଃତିତାଙ୍ଗ୍ ଆରେରଗ ଜିବୁନ୍ ଆତାନ୍ନା,
ଆରେ, ଯୀଶୁ ଖ୍ରୀଷ୍ଟତାଙ୍ଗ୍ ଇନେର୍କି ଈଶ୍ୱର କାତାତିଙ୍ଗ୍ ସାକି ହିନାନା ଆରେ ତା କାତାତିଙ୍ଗ୍ ପାର୍ତି କିୟାଆନାତ୍, ହେୱାନ୍ ନେ ପାର୍ତୁମ୍ ମାରାଣ୍ତାଙ୍ଗ୍ ଜିବୁନ୍ ଆତାନ୍ନା ଆରେ ପୁର୍ତିନି ୱିଜୁ ରାଜାରିଙ୍ଗ୍ ସାସନ୍ କିନି ମାନାୟ୍ ଆତାନ୍ନା। ହେୱାନ୍ ମାଙ୍ଗେଙ୍ଗ୍ ଲାଡ୍ କିଦ୍ନାନା। ହେୱାନ୍ ମା କାଜିଙ୍ଗ୍ ଜାର୍ ନେତେର୍ ବଡ଼ାଇ କିଜି ହାଃତାନ୍ ଆରେ ଆସେଙ୍ଗ୍ କିତି ପାପ୍ନି ଦଣ୍ଡ୍ତିଙ୍ଗ୍ କେମା କିତାନ୍ନା।
ଆରେ ହେୱାର୍ ଇଲେକେ କିଜି ର ପୁନି କେର୍କଣ୍ କେର୍ତାର, “ନିଦି ନେ ଇ ସାସ୍ତର୍ ଆସ୍ତେଙ୍ଗ୍ ଯଗ୍ୟ ମାନାତ୍ ଆରେ ତା ସିଲ୍ ଡ୍ରିକ୍ଚି ରିକ୍ତେଙ୍ଗ୍ ଆଡ୍ନାନ୍। ଇନେସ୍କି ଏନେଙ୍ଗ୍ ମାନାୟାର୍ କାଜିଙ୍ଗ୍ ହାଃଜି ମାଚାୟ୍, ଆରେ ମାନାୟାରିଙ୍ଗ୍ ଉଦାର୍ କିଦେଙ୍ଗ୍ କୃଶକାଟ୍ତାକେ ନି ନେତେର୍ ବଡ଼ାୟ୍ କିଜି ମାଚାୟ୍। ଲାଗିଙ୍ଗ୍ ହେୱାର୍ ଈଶ୍ୱର ଲକ୍ ଆତାର୍ନା, ଇ ମାନାୟାର୍ ୱିଜୁ ଜାତିର୍ତାଙ୍ଗ୍, ୱିଜୁ ବାଷାତାଙ୍ଗ୍, ୱିଜୁ ବାହାତାଙ୍ଗ୍ ଆରେ ୱିଜୁ ଦେସ୍ତାଙ୍ଗ୍ ୱାତାର୍ନା।
ଆନେଙ୍ଗ୍ ତାଙ୍ଗେଙ୍ଗ୍ ୱେଚ୍ଚାଙ୍ଗ୍, “ମାପୃ ଆନେଙ୍ଗ୍ ପୁନ୍ୱାତାଙ୍ଗ୍ନା ମାତର୍ ଏନେଙ୍ଗ୍ ପୁଚାୟ୍ନା।” ଲାଗିଙ୍ଗ୍ ହେୱାନ୍ ନାଙ୍ଗେଙ୍ଗ୍ ୱେଚ୍ଚାତାନ୍, “ଇୱାର୍ନେ ହେ ମାନାୟ୍ ଇମ୍ଣି ମାନାୟାର୍ ହେ ଗାଜା ଦୁଃକ୍ କଷ୍ଟ ୱେଡ଼ାଙ୍ଗ୍ ଦୁଃକ୍ କଷ୍ଟ ପାୟାଆଜି ହାଃଜି ମାଚାନ୍। ହେୱାର୍ ନଙ୍ଗୟ୍ ତା ହେନ୍ଦ୍ରାତିଙ୍ଗ୍ ମେଣ୍ଢା ଇନେର୍କି ଯୀଶୁ ନେତେର୍ତାଙ୍ଗ୍ ନୁସ୍ଦି ଡ଼ିଚ୍ଚାର୍ନା। ତା ସତ୍ ହେୱାର୍ ୱିଜୁ ପାପ୍ତିଙ୍ଗ୍ ନୁସ୍ତାତ୍ନା।”
Sanasan