୧ ଯୋହନ 5:4 - New Testament in Pengo Parja Language

⁴ ଏଚେଜାଣ୍ ଈଶ୍ୱର ମେହିର୍ ଆତାର୍‌ନା। ହେୱାର୍ ଇ ପୁର୍ତିନି କରାପ୍ କାମାୟ୍‌ତାଙ୍ଗ୍ ଜିତାଆନାର୍‌, ଇନେସ୍‌କି ହେୱାରିଙ୍ଗ୍ ଖ୍ରୀଷ୍ଟ ଜିତାୟ୍ କିନାକାନ୍ ଇଞ୍ଜି ପାର୍ତିକିନାରା।

ସତ୍‌ ବଚନ୍‌ ପୁନି ନିୟମ୍‌

⁴ ଇନେର୍‌କି ଇସ୍ୱର୍‌ତାଂ ଉବ୍‌ଜାଣ୍‌ ହେୱାନ୍ ଜଗତ୍‌ତିଙ୍ଗ୍‌ ଜିଣାନାନ୍, ଆରେ ଇନାକା ଜଗତ୍‌ତିଙ୍ଗ୍‌ ଜିଣାତାତ୍‍ନା, ହେଦାଂ ମାଦାଂ ପାର୍ତି ।

୧ ଯୋହନ 5:4 Iomraidhean Croise

ଜହନ୍‌ 1:13

ହେୱାର୍ ଜେକନି ହିମ୍‌ଣାଙ୍ଗ୍ ଲେକେ ଜନମ୍ ଆୱାତାର୍। ହେୱାର୍ ଆବା ଆୟାର୍ ଇଚାତାଙ୍ଗ୍ ଜନମ୍ ଆୱାଦାଙ୍ଗ୍, ଈଶ୍ୱର ଇଚାତାଙ୍ଗ୍ ଜନମ୍ ଆଜି ମାଚାର୍।

ଜହନ୍‌ 16:33

ନାବେ ଏପେଙ୍ଗ୍ ଇନେସ୍ ଶାନ୍ତି ପାୟାଆନାଦେର୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱିଜୁ କାତା ୱେଚ୍‌ଚାତାଙ୍ଗ୍‌ନା। ଇ ପୁର୍ତିତାକେ ଏପେଙ୍ଗ୍ କଷ୍ଟ ପାୟାଆନାଦେର୍। ଲାଗିଙ୍ଗ୍ ଶାସ୍ ଆଡୁ, ଆନେଙ୍ଗ୍ ପୁର୍ତିତିଙ୍ଗ୍ ଜିତା ଆତାଙ୍ଗ୍‌ନା।”

ଜହନ୍‌ 3:3

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ନିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା। ଆରେରଗ ଜନମ୍ ଆୱିତିସ୍ ଇନେର୍ ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ଆଡୁନ୍।”

୧ କରନ୍ତିୟ 15:57

ମାତର୍ ଆନେଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାଙ୍ଗା ଯେ, ହେୱାନ୍ ମା ପାପ୍‌ତାଙ୍ଗ୍ ଆରେ ମା ମାପୃ ଯୀଶୁ ଖ୍ରୀଷ୍ଟ ମାଙ୍ଗେଙ୍ଗ୍ ମାରାଣ୍‌ତାଙ୍ଗ୍ ଜିତାୟ୍ କିଦ୍‌ନାନ୍।

୧ ଯୋହନ 2:29

ଆପେଙ୍ଗ୍ ପୁଚାପ୍‌ନା ଈଶ୍ୱର ୱିଜୁଦିନ୍ ଟିକ୍, ଆରେ ଆପେଙ୍ଗ୍ ଇଦାଙ୍ଗ୍ ପା ପୁଚାପ୍‌ନା ଯେ, ଇମ୍‌ଣି ମାନାୟ୍ ଟିକ୍ କାମାୟ୍ କିନାନ୍, ହେୱାନ୍ ଈଶ୍ୱର ମେହି।

୧ ଯୋହନ 3:9

ଇମ୍‌ଣି ମାନାୟାର୍ ଈଶ୍ୱର ମେହିର୍, ହେୱାର୍‌ ପାପ୍ କିଉର୍, ଇନେସ୍‌କି ଈଶ୍ୱର ତା ଜିବୁନ୍ ହେୱାରିଙ୍ଗ୍ ହିତାନ୍‌ନା। ଲାଗିଙ୍ଗ୍ ହେୱାର୍ ପାପ୍ କିଜି ମାନୁର୍, ଇନେସ୍‌କି ହେୱାର୍ ଈଶ୍ୱରତାଙ୍ଗ୍ ୱାତାର୍‌ନା।

୧ ଯୋହନ 4:4

ଏ କାଡ଼୍‌ଦେର୍, ଏପେଙ୍ଗ୍ ଈଶ୍ୱର ମାନାୟ୍ କାଦେର୍, ଆରେ ଏପେଙ୍ଗ୍ ହେୱାର୍ ଈଶ୍ୱରତାଙ୍ଗ୍ ୱେନ୍‌ୱାଦାଙ୍ଗ୍ ମିଚ୍ ୱେଚ୍‌ନି ମାନାୟାର୍ କାତାତିଙ୍ଗ୍ ପାର୍ତି କିୱାତାଦେର୍‍ନା। ଇନେସ୍‌କି ମି ବିତ୍ରେ ପବିତ୍ର ଆତ୍ମା ମାନାତ୍, ଆରେ ହେ ପବିତ୍ର ଆତ୍ମା ନେ ପୁର୍ତିନି ଶୟତାନନି ଆତ୍ମାତାଙ୍ଗ୍ ପା ଗାଜା।

୧ ଯୋହନ 5:1

ଇମ୍‌ଣି ମାନାୟ୍ ଯୀଶୁଙ୍ଗ୍ ଖ୍ରୀଷ୍ଟ ଇଞ୍ଜି ପାର୍ତିକିନାନ୍। ହେୱାନ୍ ଈଶ୍ୱର ମେହି। ଆରେ ଇମ୍‌ଣି ମାନାୟ୍ ତା ଆବାଙ୍ଗ୍ ଲାଡ୍ କିନାନ୍। ଲାଗିଙ୍ଗ୍ ତା ମେହିରିଙ୍ଗ୍ ପା ଆସେଙ୍ଗ୍ ଲାଡ୍ କିନାସ୍‌।

୧ ଯୋହନ 5:18

ଇମ୍‌ଣାକାନ୍ ଈଶ୍ୱର ମେହି ଆତାନ୍‌ନା ହେୱାନ୍ ଇନାୱେଡ଼ାଙ୍ଗ୍ ପା ପାପ୍ କାମାୟ୍ କିଜି ମାନୁନ୍। ଇନେସ୍‌କି ହେୱାନ୍ ଈଶ୍ୱର ମେହି ଆତି କାଜିଙ୍ଗ୍ ଈଶ୍ୱର ହେୱାନିଙ୍ଗ୍ ରକ୍ଷା କିନାନ୍। ଆରେ ଶୟତାନ୍ ହେୱାନିଙ୍ଗ୍ ଡୁବେଦେଙ୍ଗ୍ ଆଡୁତ୍ ହେଦାଙ୍ଗ୍ ଆପେଙ୍ଗ୍ ପୁଚାପ୍‌ନା।

୧ ଯୋହନ 5:5

ଇମ୍‌ଣି ମାନାୟ୍ ଯୀଶୁଙ୍ଗ୍ ଈଶ୍ୱର ମେହି ଇଞ୍ଜି ପାର୍ତିକିନାନ୍। ହେୱାନ୍ ଇ ପୁର୍ତିନି କରାପ୍ କାମାୟ୍‌ତାଙ୍ଗ୍ ଜିତା ଆତାନ୍‌ନା।

ହତ୍‌ତି 12:11

ମା ପାର୍ତିକିନି ଟଣ୍ଡାର୍ ମେଣ୍ଢା ଇନେର୍‌କି ଯୀଶୁ ନେତେର୍ ଶାକ୍ତି ହୁଦାଙ୍ଗ୍, ଇନେର୍ ହେୱାର୍ ପାପ୍ କାଜିଙ୍ଗ୍ ହାଃଜି ମାଚାନ୍, ହେ ଶୟତାନ୍‌ତିଙ୍ଗ୍ ଆରାୟ୍ କିତାର୍। ହେୱାର୍ ତାଙ୍ଗେଙ୍ଗ୍ ଆରାୟ୍ କିତାର୍ ଇନେସ୍‌କି ହେୱାର୍ ଦୁଃକ୍ କଷ୍ଟ ପାୟାଆଜି ହାଃତିସ୍ ପା ହେ ମେଣ୍ଢା ଇନେର୍‌କି ଯୀଶୁଙ୍ଗ୍ ନେ ମା ମାପୃ ଇଞ୍ଜି ୱେଚ୍‌ଚି ମାଚାର୍।

ହତ୍‌ତି 15:2

ତାପାଚେ ଆନେଙ୍ଗ୍ ରଞ୍ଜାଙ୍ଗ୍ ନାଣିତାକେ ମାହାଆତି କାଚ୍‌ଲେଗ୍‌ଦି ହାମ୍‌ଦୁର୍‌ତିଙ୍ଗ୍ ହୁଡ଼୍‌ତାଙ୍ଗ୍। ଆରେ ପା ଆନେଙ୍ଗ୍ ହେ ପଶୁତିଙ୍ଗ୍ ଆରାୟ୍ କିଜି ଜିତାଆତାକାଙ୍ଗ୍‌, ତା ମୁର୍ତିତିଙ୍ଗ୍ ପୁଜା କିୱିତି ମାନାୟାରିଙ୍ଗ୍ ଆରେ ତା ତର୍‌ଦିଙ୍ଗ୍ ଆରେ ଚିନ୍‌ତିଙ୍ଗ୍ ଅୱିତି ମାନାୟାରିଙ୍ଗ୍ ହେ କାଚ୍‌ଲେଗ୍‌ଦି ହାମ୍‌ଦୁର୍ କାଣ୍ଡିତ ନିଲ୍‌ତାକା ହୁଡ଼୍‌ତାଙ୍ଗ୍। ହେୱାର୍ ଈଶ୍ୱର ହିତି ଡୁଡୁଙ୍ଗା ଆସ୍ତି ମାଚାର୍।

ହତ୍‌ତି 2:11

ଇମ୍‌ଣି ମାନାୟାର୍ ନା କାତାତିଙ୍ଗ୍ ବୁଜା ଆଦେଙ୍ଗ୍ ଇଚା କିନାରା, “ପବିତ୍ର ଆତ୍ମା ମଣ୍ଡ୍‌ଲିନି ମାନାୟାରିଙ୍ଗ୍ ୱେଚ୍‌ଚି ବିଷୟତିଙ୍ଗ୍ ହେୱାର୍ ଜାଗ୍ରତ୍ ଆଜି ୱେନି ଦର୍‌କାର୍। ଇମ୍‌ଣି ମାନାୟାର୍ କରାପ୍ କାମାୟ୍ କିଉର୍ ଆରେ ଖ୍ରୀଷ୍ଟ କାଜିଙ୍ଗ୍ ଦରମ୍‌ଆଜି ମାନାର୍। ହେୱାରିଙ୍ଗ୍ ଈଶ୍ୱର ସେସ୍ ବିଚାର୍‌କିନି ନାଞ୍ଜିଙ୍ଗ୍ ଦୁଇ ନମ୍ବର୍ ମାରାଣ୍ ଦଣ୍ଡ୍ ହିଉନ୍।”

ହତ୍‌ତି 2:17

ଇମ୍‌ଣି ମାନାୟାର୍ ନା କାତାତିଙ୍ଗ୍ ବୁଜା ଆଦେଙ୍ଗ୍ ଇଚା କିନାରା। ପବିତ୍ର ଆତ୍ମା ମଣ୍ଡ୍‌ଲିନି ମାନାୟାରିଙ୍ଗ୍ ୱେଚ୍‌ଚି ବିଷୟତିଙ୍ଗ୍ ହେୱାର୍ ଜାଗ୍ରତ୍ ଆଜି ୱେନି ଦର୍‌କାର୍। ଇମ୍‌ଣି ମାନାୟାର୍ କରାପ୍ କାମାୟ୍ କିଉର୍ ଆରେ ଖ୍ରୀଷ୍ଟ କାଜିଙ୍ଗ୍ ଦରମ୍‌ଆଜି ମାନାର୍। ଆନେଙ୍ଗ୍ ହେୱାରିଙ୍ଗ୍ ଚିଞ୍ଜେଙ୍ଗ୍ ସରଗ୍‌ନି କେତେକ୍ ମାନ୍ନା ତର୍‌ଦି କାଦି ହିନାଙ୍ଗ୍, ହେଦାଙ୍ଗ୍ ଡ଼ୁକ୍‌ଚି ଇଡ଼୍‌ତାନ୍‌ନା ଆରେ ପା ଆନେଙ୍ଗ୍ ହେୱାରିଙ୍ଗ୍ ଡ଼ିଞ୍ଜ୍‌ନି କାଲ୍ ହିନାଙ୍ଗ୍ ଇମେତାକେ ହେୱାର୍ ପୁନି ତର୍‌ ଲେକାଆତାତ୍‌ନା। ଇନେର୍ ପା ହେ ତର୍‌ତିଙ୍ଗ୍ ବୁଜା ଆଦେଙ୍ଗ୍ ଆଡୁର୍, ମାତର୍ ଇନେର୍ ହେ ତର୍‌ ପାୟାଆତାର୍‌ନା ହେୱାର୍‌ ନେ ବୁଜା ଆନାର୍‌।

ହତ୍‌ତି 2:26

ଇମ୍‌ଣି ମାନାୟାର୍ କରାପ୍ କାମାୟ୍ କିଉର୍ ଆରେ ନା କାଜିଙ୍ଗ୍ ସେସ୍ ପାତେକ୍ ଦରମ୍‌ଆଜି ମାନାର୍, ଆନେଙ୍ଗ୍ ହେୱାରିଙ୍ଗ୍ ୱିଜୁ ଜାତିନି ମାନାୟାରିଙ୍ଗ୍ ସାସନ୍ କିଦେଙ୍ଗ୍ ଅଦିକାର୍ ହିନାଙ୍ଗ୍।

ହତ୍‌ତି 2:7

ଇମ୍‌ଣି ମାନାୟାର୍ ନା କାତାତିଙ୍ଗ୍ ବୁଜା ଆଦେଙ୍ଗ୍ ଇଚା କିନାରା, ପବିତ୍ର ଆତ୍ମା ମଣ୍ଡ୍‌ଲିନି ମାନାୟାରିଙ୍ଗ୍ ୱେଚ୍‌ଚି ବିଷୟତିଙ୍ଗ୍ ହେୱାର୍ ଜାଗ୍ରତ୍ ଆଜି ୱେନି ଦର୍‌କାର୍। ଇମ୍‌ଣି ମାନାୟାର୍ କରାପ୍ କାମାୟ୍ କିଉର୍ ଆରେ ଈଶ୍ୱର କାଜିଙ୍ଗ୍ ଦରମ୍‌ଆଜି ମାନାର୍, ଆନେଙ୍ଗ୍ ହେୱାରିଙ୍ଗ୍ ଜିବୁନ୍‌ହିନି ମାର୍‌ତି ପାଡ଼୍‌ ଚିଞ୍ଜେଙ୍ଗ୍ ହିନାଙ୍ଗ୍, ହେଦାଙ୍ଗ୍ ଈଶ୍ୱର ବଗିଚା ସରଗ୍‌ତାକେ ଗାଜା ଆନାତା।”

ହତ୍‌ତି 3:12

ଇମ୍‌ଣି ମାନାୟାର୍ ଶୟତାନ ଶାକ୍ତିତିଙ୍ଗ୍ ଆରାୟ୍ କିଜି ଜିତାଆଜି ମାନାର୍, ହେୱାର୍ ଈଶ୍ୱର ମନ୍ଦିର୍‌ତାକେ କମ୍‌ମୁଣ୍ଡା ଲେକେ ଆଜି ୱିଜୁଦିନ୍ କାଜିଙ୍ଗ୍ ମାନାର୍, ଇନେର୍ ହେବା ଆନେଙ୍ଗ୍ କିନାଙ୍ଗା। ଆରେ ଆନେଙ୍ଗ୍ ହେୱାର୍ ଗାଗାଡ଼୍‌ତାକେ ନା ଈଶ୍ୱର ତର୍‌ ଲେକିକିନାଙ୍ଗ୍ ଆରେ ହେୱାର୍ ନା ଈଶ୍ୱର ସହର୍‌ନି ମାନାୟ୍ ଆନାର୍, ହେଦେଲିଙ୍ଗ୍ ନେ ଇନାର୍ ପୁନି ଯିରୁଶାଲାମ। ହେ ପୁନି ସହର୍, ନା ଈଶ୍ୱର ମାନି ସରଗ୍‌ତାଙ୍ଗ୍ ୱାନାତ୍। ଆନେଙ୍ଗ୍ ପା ତା ଗାଗାଡ଼୍‌ତାକେ ନା ପୁନି ତର୍‌ ଲେକିକିନାଙ୍ଗ୍।

ହତ୍‌ତି 3:21

ଇମ୍‌ଣି ମାନାୟାର୍ ଶୟତାନ ଶାକ୍ତିତିଙ୍ଗ୍ ଆରାୟ୍ କିଜି ଜିତାଆନାର୍‌। ଇନେସ୍ ଆନେଙ୍ଗ୍ ଶୟତାନ ଶାକ୍ତିତିଙ୍ଗ୍ ଆରାୟ୍ କିଜି ଜିତା ଆତାଙ୍ଗ୍ ଆରେ ନା ଆବା ହୁଦାଙ୍ଗ୍ ତା ସିଙ୍ଗାସନ୍‌ତାକେ କୁଚ୍‌ଚାଙ୍ଗ୍‌ନା ହେଲେକେ ଆନେଙ୍ଗ୍ ହେୱାରିଙ୍ଗ୍ ନା ସିଙ୍ଗାସନ୍‌ତାକେ କୁଚ୍‌ଚେଙ୍ଗ୍ ହିନାଙ୍ଗ୍।

ହତ୍‌ତି 3:5

ଇମ୍‌ଣି ମାନାୟାର୍ ଶୟତାନ ଶାକ୍ତିତିଙ୍ଗ୍ ଆରାୟ୍ କିନାର୍ ହେୱାର୍ ପା ହେୱାର୍ ଲେକେ ଡ଼ିଞ୍ଜ୍‌ନି ହେନ୍ଦ୍ରା ଉସ୍‌ପାନାର୍‌। ହେୱାର୍ ତର୍‌ ୱିଜ୍‌ୱି ଜିବୁନ୍ ପାୟାଆନି ମାନାୟାର୍ ବହିତାକେ ଈଶ୍ୱର ଲେକିକିତାନ୍‌ନା, ଆରେ ଆନେଙ୍ଗ୍ ହେୱାର୍ ତର୍‌ଦିଙ୍ଗ୍ ହେ ବହିତାକେ ଲେକିକିତାକା ଲିବାୟ୍ କିଉଙ୍ଗ୍‌। ଆନେଙ୍ଗ୍ ନା ଆବା ଆଗେ ଆରେ ଦୁତ୍‌କୁ ଆଗେ ୱେଚ୍‌ନାଙ୍ଗ୍ ଇୱାର୍ ନାଲକ୍।