୧ ଯୋହନ 4:7 - New Testament in Pengo Parja Language

⁷ ଏ ନା ଲାଡ୍‌ନି ସାଙ୍ଗ କାଦେର୍, ଆସେଙ୍ଗ୍ ପା ଜାର୍-ଜାର୍‌ବିତ୍ରେ ଲାଡ୍‌କିନି ଦର୍‌କାର୍, ଇନେସ୍‌କି ଈଶ୍ୱରତାଙ୍ଗ୍ ହେ ଲାଡ୍ ୱାନାତ୍। ଆରେ ଇମ୍‌ଣି ମାନାୟ୍ ଜାର୍-ଜାର୍‌ବିତ୍ରେ ଲାଡ୍ କିନାନା, ହେୱାନ୍ ଈଶ୍ୱର ମେହିଙ୍ଗ୍ ଆରେ ଈଶ୍ୱରତିଙ୍ଗ୍ ପୁଚାନ୍‌ନା।

ସତ୍‌ ବଚନ୍‌ ପୁନି ନିୟମ୍‌

⁷ ଏ ୱାରିନିକାଦେର୍, ହାରି ୱାରି କିୟାଟ୍‌, ଇନେକିଦେଂକି ଜିଉନନାକା ଇସ୍ୱର୍‌ତାଂ ଉବ୍‌ଜାଣ୍, ଆରେ ଇନେନ୍‌କି ଜିଉନନାନ୍, ହେୱାନ୍ ଇସ୍ୱର୍‌ତାଂ ଉବ୍‌ଜାଣ୍‌ ଆରି ଇସ୍ୱର୍‌ତିଂ ପୁନାନ୍‌ ।

୧ ଯୋହନ 4:7 Iomraidhean Croise

ଜହନ୍‌ 13:34

ଆନେଙ୍ଗ୍ ମିଙ୍ଗେଙ୍ଗ୍ ପୁନି ଆଦେସ୍ ହିଦ୍‌ନାଙ୍ଗା। ଏପେଙ୍ଗ୍ ଜାର୍-ଜାର୍‌ତିଙ୍ଗ୍ ଲାଡ୍ କିୟାଟ୍। ଆନେଙ୍ଗ୍ ମିଙ୍ଗେଙ୍ଗ୍ ଇନେସ୍‌କିଜି ଲାଡ୍ କିଦ୍‌ନାଙ୍ଗା, ଏପେଙ୍ଗ୍ ପା ଜାର୍-ଜାର୍‌ତିଙ୍ଗ୍ ହେଲେକେ ଲାଡ୍‌କିନି କାତା।

ଜହନ୍‌ 17:3

ଏନେଙ୍ଗ୍ ରକାୟ୍ ସତ୍ ଈଶ୍ୱର, ନିଙ୍ଗେଙ୍ଗ୍ ଆରେ ଏନେଙ୍ଗ୍ ପକ୍ତିତି ଯୀଶୁ ଖ୍ରୀଷ୍ଟଙ୍ଗ୍ ପୁନାକା ନେ ୱିଜ୍‌ୱି ଜିବୁନ୍।

୧ କରନ୍ତିୟ 8:3

ମାତର୍ ଇମ୍‌ଣି ମାନାୟ୍ ଈଶ୍ୱରତିଙ୍ଗ୍ ଲାଡ୍ କିନାନା, ହେୱାନ୍ ଈଶ୍ୱର ମାନାୟ୍ ଇଞ୍ଜି ପୁଚାନ୍‌ନା।

୨ କରନ୍ତିୟ 4:6

ଇନେସ୍‌କି ଈଶ୍ୱର ଆଗେ ୱେଚ୍‌ଚି ମାଚାନ୍, “ମାଜ୍‌ଗାତାକେ ଅଜଡ଼୍ ଆଏତ୍” ଆରେ ଇଲେକେ କିଜି ହେୱାନ୍ ତା ଗୌରବ ବୁଜାୟ୍ କିଜି ମାଚାତ୍ ଯେ, ହେ ଅଜଡ଼୍‌ଲେକେ ତା ଗୌରବ ଯୀଶୁ ଖ୍ରୀଷ୍ଟ ମୁମ୍‌ଦ ଚନ୍‌ଞ୍ଜି ମାଚାତ୍।

ଗାଲାତିୟ 4:9

ମାତର୍ ନଙ୍ଗୟ୍ ଏପେଙ୍ଗ୍ ଈଶ୍ୱରତିଙ୍ଗ୍ ପୁଚାଦେର୍‌ନା, ନଇଲେ ଇଦାଙ୍ଗ୍ ପା ଆନେଙ୍ଗ୍ ୱେଚ୍‌ଚାନାଙ୍ଗ୍ ଯେ ଈଶ୍ୱର ନଙ୍ଗୟ୍ ମିଙ୍ଗେଙ୍ଗ୍ ପୁନ୍‌ଞ୍ଚାନ୍‌ନା। ଲାଗିଙ୍ଗ୍ ଇ ଜଗତ୍‌ନି ଦୁର୍‌ବଲ୍ ଆରେ ମୁଲ୍ୟ ହିଲ୍‌ୱି ହିକ୍ଷାନି ଦାସ୍ ଆଦେଙ୍ଗ୍, ଇନେସ୍ ଆରେରଗ ଲେଉଟା ଆଜି ହାଞ୍ଜେଙ୍ଗ୍ ଇଚା କିନାଦେରା?

ଗାଲାତିୟ 5:22

ମାତର୍ ପବିତ୍ର ଆତ୍ମା ମାଙ୍ଗେଙ୍ଗ୍ ସାଇଜ କିତ୍‌ତିସ୍, ଇଲେକେ ଗୁଣ୍: ଲାଡ୍ କିନାକା, ୱାରି କିନାକା, ଶାନ୍ତିତାଙ୍ଗ୍ ମାନାକା, ବେସି କଷ୍ଟତିଙ୍ଗ୍ ସମ୍ୱାଲି କିନାକା, ଦୟା କିନାକା।

୨ ତିମଥି 1:7

ଇନେସ୍‌କି ଈଶ୍ୱର ମାଙ୍ଗେଙ୍ଗ୍ ପାଣ୍ଡ୍ରାଆନି ଆତ୍ମା ହିଦ୍‌ୱାତାନ୍‌ନା, ମାତର୍ ଶାକ୍ତି, ଜେକନିକାନିଙ୍ଗ୍ ଲାଡ୍ କିନାକା ଆରେ ଜାର୍‌ତିଙ୍ଗ୍ କଣ୍ଟ୍ରୁଲ୍ କିନି କାଜିଙ୍ଗ୍ ଆତ୍ମା ହିତ୍‌ତାନ୍‌ନା।

୧ ପିତର 1:22

ଇନେସ୍‌କି ଏପେଙ୍ଗ୍ ସତ୍‌ତିଙ୍ଗ୍ ମାନିକିତି କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ପାପ୍‌ତିଙ୍ଗ୍ ନୁସ୍‌ଦାତାନ୍‌ନା, ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ମି ପାର୍ତିନି ଟଣ୍ଡାରିଙ୍ଗ୍ ଟକାୟ୍ କିୱାଦାଙ୍ଗ୍ ହାତ୍‌ପା ଲାଡ୍‌କିନି ଦର୍‌କାର୍। ଏପେଙ୍ଗ୍ ଜାର୍-ଜାର୍‌ବିତ୍ରେ ଗରବ୍‌ତାଙ୍ଗ୍ ଲାଡ୍‌କିଜି ମାନାଟ୍।

୧ ଯୋହନ 2:10

ଇମ୍‌ଣି ମାନାୟ୍ ଜାର୍ ଟଣ୍ଡେନିଙ୍ଗ୍ ଲାଡ୍ କିନାନ୍, ହେୱାନ୍ ଅଜଡ଼୍‌ତାକେ ମାନାନ୍, ହେଦାଙ୍ଗ୍ କାଜିଙ୍ଗ୍ ଜେକନିକାରିଙ୍ଗ୍ ପାପ୍ କିୟିକିଦେଙ୍ଗ୍ ହେୱାନ୍‌ତାକେ ଇନାକା ପା ହିଲେତ୍।

୧ ଯୋହନ 2:29

ଆପେଙ୍ଗ୍ ପୁଚାପ୍‌ନା ଈଶ୍ୱର ୱିଜୁଦିନ୍ ଟିକ୍, ଆରେ ଆପେଙ୍ଗ୍ ଇଦାଙ୍ଗ୍ ପା ପୁଚାପ୍‌ନା ଯେ, ଇମ୍‌ଣି ମାନାୟ୍ ଟିକ୍ କାମାୟ୍ କିନାନ୍, ହେୱାନ୍ ଈଶ୍ୱର ମେହି।

୧ ଯୋହନ 2:3

ଯଦି ଆସେଙ୍ଗ୍ ତା ଆଦେସ୍‌ତିଙ୍ଗ୍ ମାନି କିନାସ୍, ଲାଗିଙ୍ଗ୍ ଆସେଙ୍ଗ୍ ନିଜେତିଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାସ୍ ଯେ, ଆପେଙ୍ଗ୍ ହେୱାନ୍‌ତାକେ ହାର୍ ରୱାଣ୍ ଇଡ଼୍‌ତାସ୍‌ନା।

୧ ଯୋହନ 2:4

ଇମ୍‌ଣି ମାନାୟ୍ ତା ଆଜ୍ଞା ମାନିକିୱାଦାଙ୍ଗ୍ ତାଙ୍ଗେଙ୍ଗ୍ ପୁଚାଙ୍ଗ୍‌ନା ଇଞ୍ଜି ୱେଚ୍‌ନାନ୍, ହେୱାନ୍ ମିଚ୍‌ୱା, ଆରେ ହେୱାନ୍ ସତ୍ ଯିବୁନ୍ କାଟି କିଉନା।

୧ ଯୋହନ 2:7

ଏ ଲାଡ୍‌ନି ସାଙ୍ଗ କାଦେର୍, ଆନେଙ୍ଗ୍ ମି କାଜିଙ୍ଗ୍ ପୁନି ଆଦେସ୍ ଲେକିକିୱାତାଙ୍ଗ୍‌ନା, ମାତର୍ ପାନି ଆଦେସ୍ ଇମ୍‌ଣାକା କି ଆଗେତାଙ୍ଗ୍ ଏପେଙ୍ଗ୍ ପାୟା ଆତାଦେର୍‌ନା। ଏଚେପାଦ୍ନା ଏପେଙ୍ଗ୍ ଖ୍ରୀଷ୍ଟଙ୍ଗ୍ ପାର୍ତି କିଜି ମାଚାଦେର୍, ହେପାଦ୍ନା ଏପେଙ୍ଗ୍ ଇଲେକେ ଆଦେସ୍ ପାୟାଆଜି ମାଚାଦେର୍, “ଏପେଙ୍ଗ୍ ଜାର୍-ଜାର୍‌ବିତ୍ରେ ଲାଡ୍ କିୟାଟ୍।”

୧ ଯୋହନ 3:9

ଇମ୍‌ଣି ମାନାୟାର୍ ଈଶ୍ୱର ମେହିର୍, ହେୱାର୍‌ ପାପ୍ କିଉର୍, ଇନେସ୍‌କି ଈଶ୍ୱର ତା ଜିବୁନ୍ ହେୱାରିଙ୍ଗ୍ ହିତାନ୍‌ନା। ଲାଗିଙ୍ଗ୍ ହେୱାର୍ ପାପ୍ କିଜି ମାନୁର୍, ଇନେସ୍‌କି ହେୱାର୍ ଈଶ୍ୱରତାଙ୍ଗ୍ ୱାତାର୍‌ନା।

୧ ଯୋହନ 4:11

ଏ ନା ଲାଡ୍‌ନି ସାଙ୍ଗ କାଦେର୍, ଈଶ୍ୱର ମାଙ୍ଗେଙ୍ଗ୍ ଇଲେକେ ଲାଡ୍ କିତ୍‌ତାନ୍। ଲାଗିଙ୍ଗ୍ ଆସେଙ୍ଗ୍ ପା ଜାର୍-ଜାର୍‌ବିତ୍ରେ ଲାଡ୍‌କିନି ଦର୍‌କାର୍।

୧ ଯୋହନ 4:12

ଈଶ୍ୱରତିଙ୍ଗ୍ ଇନାୱେଡ଼ାଙ୍ଗ୍ ପା ଇନେର୍ ହୁଡ଼୍‌ୱାତାର୍‌ନା। ମାତର୍ ଯଦି ଆସେଙ୍ଗ୍ ଜାର୍-ଜାର୍‌ବିତ୍ରେ ଲାଡ୍ କିନାସ୍, ଲାଗିଙ୍ଗ୍ ଈଶ୍ୱର ମା ଲାହାଙ୍ଗ୍ ମାନାନ୍, ଆରେ ତା ଲାଡ୍ ମା ବିତ୍ରେ ପୁରା ଆତାତ୍‌ନା।

୧ ଯୋହନ 4:16

ଆପେଙ୍ଗ୍ ପୁଚାପ୍‌ନା, ଈଶ୍ୱର ମାଙ୍ଗେଙ୍ଗ୍ ବେସି ଲାଡ୍ କିଦ୍‌ନାନା, ଆରେ ଆପେଙ୍ଗ୍ ତାଙ୍ଗେଙ୍ଗ୍ ଆହା କିନାପା। ଇନେର୍ ଲାଡ୍ କିନାନା, ହେୱାନ୍ ଈଶ୍ୱର ଲାହାଙ୍ଗ୍ ମାନ୍‌ଙ୍ଗାନାନ୍ ଆରେ ଈଶ୍ୱର ତା ଲାହାଙ୍ଗ୍ ମାନ୍‌ଙ୍ଗାନାନ୍‌। ଇନେସ୍‌କି ଈଶ୍ୱରନେ ଲାଡ୍।

୧ ଯୋହନ 4:20

ଇମ୍‌ଣି ମାନାୟ୍ ଈଶ୍ୱରତିଙ୍ଗ୍ ଲାଡ୍ କିନାଙ୍ଗା ଇଞ୍ଜି ୱେଚ୍‌ନାନ୍, ଆରେ ତା ଟଣ୍ଡାହିଙ୍ଗ୍ ଗିଣ୍ କିନାନ୍, ହେୱାନ୍ ମିଚ୍‌ୱା। ଯଦି ହେୱାନ୍ ତା ଟଣ୍ଡାହିଙ୍ଗ୍ ହୁଡ଼୍‌ଜି ପା ଲାଡ୍ କିଉନା। ଲାଗିଙ୍ଗ୍ ହୁଡ଼୍‌ଦେଙ୍ଗ୍ ଆଡ୍‌ୱି ଈଶ୍ୱରତିଙ୍ଗ୍ ଇନେସ୍ କିଜି ଲାଡ୍ କିନାନ୍।

୧ ଯୋହନ 4:8

ଇମ୍‌ଣି ମାନାୟ୍ ଜାର୍-ଜାର୍‌ବିତ୍ରେ ଲାଡ୍ କିଉନ୍, ହେୱାନ୍ ଈଶ୍ୱରତିଙ୍ଗ୍ ପୁନ୍‌ୱାତାନ୍‌ନା, ଇନେସ୍‌କି ଈଶ୍ୱରନେ ଲାଡ୍।

୧ ଯୋହନ 5:1

ଇମ୍‌ଣି ମାନାୟ୍ ଯୀଶୁଙ୍ଗ୍ ଖ୍ରୀଷ୍ଟ ଇଞ୍ଜି ପାର୍ତିକିନାନ୍। ହେୱାନ୍ ଈଶ୍ୱର ମେହି। ଆରେ ଇମ୍‌ଣି ମାନାୟ୍ ତା ଆବାଙ୍ଗ୍ ଲାଡ୍ କିନାନ୍। ଲାଗିଙ୍ଗ୍ ତା ମେହିରିଙ୍ଗ୍ ପା ଆସେଙ୍ଗ୍ ଲାଡ୍ କିନାସ୍‌।

୨ ଯୋହନ 1:5

ଏ ନା ଲାଡ୍‌ନି ତଣ୍‌ଦେଲେ, ଆନେଙ୍ଗ୍ ନି କାଜିଙ୍ଗ୍ ଇନା ପୁନି ନିୟମ୍ ଲେକିକିଉଙ୍ଗା। ମାତର୍ ଆଗେ ଇମ୍‌ଣି ନିୟମ୍ ଆସେଙ୍ଗ୍ ଗାଟା ଆଜି ମାଚାସ୍, ହେଦାଙ୍ଗ୍ ମି କାଜିଙ୍ଗ୍ ଲେକିକିନାଙ୍ଗା ଆସେଙ୍ଗ୍ ଜାର୍-ଜାର୍‌ବିତ୍ରେ ଲାଡ୍‌କିନି ଦର୍‌କାର୍।